الفصل 6
البارت 7;
,
آيات واهي طالع فيهم من البلكونه ببتسامه واسعه ؛ حيهم يلا تعالو تجمدت وانا انتظركم .
آدم ضحك ورفع راسه لها ؛ وانتي وش حادك تنتظرينا .
آيات ضحكت بحماس وعيونها على صمود الى كانت ورا آدم بمسافه ؛ متحمسه ياخي بس شكل الجميله الى وراك خايفه ترا والله ماكل لحوم بشر ولا اذبح ولا شي الحمدلله يعني .
صمود بعدت عن آدم واهي توقف جنبه لانها تحس شكلها صدق غلط واهي واقفه ورا آدم .
آيات اتسعت ابتسامتها برتياح لـ صمود وقالت بحماس ؛ آدم وجععاهه اخلص علي اصعد فوق مطول انت ؟.
آدم ضحك ولف لـ صمود ؛ امشي خلينا ندخل لا تموت علينا .
صمود ضحكت وهزت راسها ؛ يلاا .
آدم ابتسم بهدوء ومشى و صمود وراهه وآيات دخلت تفتح لهم الباب .
لبعد ماصعدوا استقبلتهم آيات ودخلتهم للشقه .
آدم ضحك واهو يشوف الشقه وريحه البخور الى تفتح النفس وترتيب ؛ لازم اسجلها بتاريخ شقه آيات مرته لا انجاز .
آيات خزت بقهر ؛ اسكت انت لا تخرب صورتي عند البنت,بعدين انا طول عُمري مرتبه بس انت تجي لي بأوقات غلط .
آدم هز راسه بضحك ؛ اي صح صرفي,المهم ماعلينا هذي صمود الى بتسكن معاك طبعاً اذا اتفقتو .
آيات سحبت صمود بضحك واهي تحاوط كتفها.
,
,
\\ في المزرعه عند عُمر و ريُوف //.
ريُوف ببتسامه واهي تشوفه متحمس مشت معاه بهدوء لبعد ماوصلو شهقت بقوهه واتسعت عيونها بفرحه من الى تشوفه وصرخت ؛ وقلللببيي يالجمااالل .
عُمر ضحك على حماسها وراح واهو يمسك المُهره الصغيرهه ويقربها لـ ريُوف .
ريُوف لما قربت منها صرخت بخوف و رجعت على ورا وكانت بطيح بس باخر للحظه قدرت تستعدل بوقفتها قبل لا طيح .
عُمر مات ضحك على شكلها ؛ وش فيك خفتي وقبل شوي كنتي بتنهبلين عليها ؟.
ريُوف بقهر منه ؛ انهبل عليها من بعيد لبعيد بس لا تقربها مني اخاف .
عُمر ببتسامه واهو يمسح على المهُرهه ؛ والله ماتخوف شوفيها اليفه ترا,بعدين اهي عندك ولا شي .
ريُوف تخصرت بقهر ؛ وش قصدك هاه اني دُبه لا قولها قولها عادي ترا .
عُمر ضحك وهز راسه ؛ انا ماقلت كذا انتي الى قلتي .
ريُوف بقهر منه ؛ انت احمد ربك اني محترمتك لاني بمزرعتك ولا كان لي تصرف ثاني معاك .
عُمر رفع حاجبه ببتسمه استغزات ريُوف ؛ مثلاً وش بتسوين يالبطه ؟.
ريُوف بقهر منه صارت تتلفت ولقت لها حصى حجمها متوسط رفعتها ؛ مثلاً بصفق ذي بجبهتك لينك سابح بدمك.
Like