الحب وعد والوعد دين والدين ما يسده إلا الكفو - الفصل 7 - بقلم rwaia 226 | روايتك

البارت 7 في شركة طارق .. اتصل عليها .. ليلى رقم ما ردت لما كرر الاتصال ليلى : الو طارق : بيزورنا صديقي و زوجته اليوم في المساء ، تجهزي .. ليلى بتافف : طيب طارق بشده : وانتي كل ما قلت شي ما اعجبك ؟؟؟؟ ليلى : ما قلت شي .. طارق : ما تقدرين اصلاً و قفل !! ليلى تنرفزت مره هيّن .. واتجهت لرفيف .. الي كانت تلبس عباتها .. ليلى : وين ؟؟ رفيف : بـ اروح لاخواتي و اجيك بالليل نزور امك ليلى : الليله ما اقدر اتصل العلة يقول ان فيه ضيوف بيجون الليله رفيف : طيب بادق عليها هالحين يارب ترد !! اتصلت و طولت ما ردت .. ! وكانت بتقفل ام ليلى : الوو ليلى بشوق : ييمممه .. ام ليلى بصدمة : يمه بنيتي !!! شلللوونك وييينننك اتصل ولا تردين ليلى : بخير يمه انا بخير ، انتي شلونك شخبارك ؟؟؟ ام ليلى : بخير يا امي ، بس مشتاقه لك ليلى : اوعدك اني بـ ازورك قريب ولا انتي تعالي عندي ام ليلى تنهدت : انا ! اه يا بنيتي امس كله راح وانا اترجاه اجيك و معيئ حسبي الله علييه ليلى : كانت معي رفيف ما قصرت ام ليلى : ياعمري هي جتك ليلى : اي والله ما قصرت .. وبنفسها والله ما في احد يعوض مكانك بس ما ابيها تفكر و تشيل همي فوق همها !!! ام ليلى : قولي لزوجك و تعالي نامي عندي ليلى ببكا : ان شاء الله يمه ان شاء الله يلا ما اطول عليك ، باذن الله اتصل عليك بين فتره و فتره و اتطمن عليك ام ليلى : استودعتك الله .. و قفلت من امها و مسحت دموعها الله ياخذك يا طارق .. امي هنا بالرياض ولا اقدر اشوفها !!!! في بيت ابو خالد .. رنيم : اعزمي زوجة طارق بعد سمية بحماس : ايه ايه باتصل عليها لازم تجي .. مريم : وبالمره انّا عزمنها هي وزوجها .. سمية : باقول لعبير ترسل رقمها .. و بنفسها تعالي تعالي يا ليلى .. خليني اعرفك و اشوفك عن قرب !!! في الليل ❤️ في بيت طارق .. ليلى : اعذريني يا عمري والله عندنا ضيوف على العشاء سمية : يوه حسافة عاد كلنا نبيّك ! ليلى : يوم ثاني تشرفوني انتو ببيتي ان شاء الله ! سمية بنفسها " بيتي " ! قطع بس و بتسليك : ايه ان شاء الله يلا مع السلامة و قفلت وهي مقهوره انا اتنازل و اعزمها و اخر شي تتعذر ! قفلت من المكالمة و اتجهت تشيك على لبسها .. كان بسيط جداً لكن هي محليّه اللبس .. نزلت تحت و شافت الخدم معهم ورد ليلى : مو صاحبك و زوجته بس ؟ طارق : ايه وهم بضيافة حرم طارق الـ ***** المفروض هذي التفاصيل من اهتمامتك لكن شـ اقول !! ليلى : مليييون مره اقول هالشكليات ما تهمني ! نزلت تحت و شافت الخدم معهم ورد ليلى : مو صاحبك و زوجته بس ؟ طارق : ايه وهم بضيافة حرم طارق الـ ***** المفروض هذي التفاصيل من اهتمامتك لكن شـ اقول !! ليلى : مليييون مره اقول هالشكليات ما تهمني ! طارق : الي انتي تسمينها شكليات حنا نشوفها اساسيات ومتعودين عليها مثل جلسة خارجية مثل ورد مثل ضيافة مثل استقبال .. و قرب منها : وغيري لبسك ذا و اللبسي شي زين ! بتقابلين حرم سفيـر ********* تكفين لا تفشليني معه ! ليلى : انا مقتنعه فيه وهذا يكفي طارق : طيب اقل شي اللبسي مجوهرات شي .. ليلى : مو زوجي طارق الـ ****** يصبحني بطقم و يمسيني بـ ساعه .. وبسخرية : اي مجوهرات بس طارق : من تجهيزك مو لازم هدايا طارق الـ ****** ليلى لاشعورياً : والله يا طارق الـ ****** مهري ما اخذت منه الا **** طارق انصدم معقوله ؟ ولا تكذب ذي طارق : يعني هالـ قاطعته ليلى : عن اذنك و اتجهت لغرفتها غغغبببييييه انتي ! في بيت ابو خالد 💛 الكل موجود بـ استثناء طارق و زوجته و موسى و زوجته .. ام رائد : ام طارق و عرفنا عذر كنتها و انتي ياام موسى ؟ ام موسى : والله ما ادري عنهم من طلعو من البيت لا كلموني ولا كلمتهم ام طارق : طلعو ؟؟؟ ام موسى : بنت ابليس جلست تزن براس ولدي لين طلع من بيتي ام طارق : وموسى يسمع كلامها ام موسى بحرقه : اه ياام طارق خليها بقلب ،، طلع ولا اللتفت وراها حتـى .. عند البنات .. عبير : مستحيل طارق بيكمل معها احس شهر شهرين و يطلقها ما شفتو شخصيتها كيييف .. تفشل سمية بنصر : واضح انها بنت فقر سلوى : لا والله امس طلتها بالاستقبال اميرة روابي : اييه ماشاء الله ، بس صادقه عبير شكلها غير عن اول مره جتنا رزان : ميكب يابنات .. فاتن : المهم انهم يحبون بعض .. الشكل مو مهم عبير ضحكة بسخرية : من من ؟ طارق يحبها هههههه مستحيل انا اعرف اخوي .. سمية ابتسمت من قلب !!! يعني طارق ما يحبها ! اجل ليش من الاساس تزوجها و اسس بيته .. اف بس في مجلس الرجال .. ابو طارق : اخوك وينه ؟ نواف : نسيت اقول لك كلمني ما يقدر يجي صديقه عزوز بيزوره مع الاهل .. ابو طارق : اها الله يستر عليهم جراح بنفسه : الحمدلله انه ما جاء .. عمر : متى العودة يا دكتور ؟ ✈️ مشعل : بعد اسبوع باذن الله .. ابو طارق : اجل عشاكم بكرا عندي .. نواف : خلونا من الصبح نمشي للمزرع و نسوي العشاء هناك ؟؟ ابو طارق : والله كيفكم ؟ جراح : تم .. ابو طارق : اجل باكلم ابو عثمان يجهز لنا الوضع .. جراح : حنا نجيكم العصر ان شاء الله لان عندي شغل الصبح .. خالد كان شارد تماماً ومو معهم .. رائد حركة بيده بخفه و بهمس : شفيك !! خالد: هاه ولاشي .. رائد: لنا ساعه نسولف ولا انت معنا خالد : ابوها يبي يزوجهها رائد تنهد : رجعنا على نفس الموال خالد : احبها و ابيها ليش ما احد يفهمني ! رائد بهمس : نتكلم بعدين هالحين يسمعك خالي ويسوي سالفه ! في بيت طارق .. استقبل صديقه بكل حب .. ورحب فيّه .. عند ليلى .. استقبلتها بذرابـة و ذوق .. و اتجهو للصاله ، وتبادلو اطراف الحديث ، عن العمل و الدراسـة .. طارق كان يسولف مع صديقه لكن كان يفكر ! لا تفشلني معهم بس .. ! زوجة صديقـه اسمها" العنود " ولاحظت بساطة لبس ليلى لكن اعجبتها بـ اسلوبها و تجاوبها .. عكس زيارتي لـاهله كانت رسميات مره .. ! صديقه بدر .. اتصل على زوجتـه . وقال لها بنمشي لكن رفضت العنود بهمس : بليز بدر ساعه بس ؟ بدر بـ احراج : طولنا على الناس العنود : نص ساعه خلاص بدر : اوكي .. و قفل منها و ابتسم .. : كل ما تروح معي لـاصحابي بالعمل هي ترسل لي خلاص بنمشي هالمره عاجبتها الجلسه و تبي ساعه بعد طارق بضحكة : طبعاً حرم طارق الـ ***** مو مثل اي احد .. بدر : الله يخليكم لبعض .. طارق : عاد انت لا تاخذ الموضوع رسميات ، متى ما ودها تجي حياهاا. . بدر تنهد : والله شـ اقول لك يا ابو محمد كل يوم نفس الموال .. طارق : ما تأقلمتو بدر : ما نعرف احد هناا ، و ملينا من الطلعات و المطاعم .. و انا نص يومي بالدوام و هي لحالها .. طارق : الله يعين يا اخوك ، الحياه تبي صبّر .. بدر : انا والله عادي اطلع مع الشباب اضيع وقت .. طارق : والله هذا بيتها و ليلى صديقتها متى ما شرفتونا تنورونااا بدر : الله يسلمك و يكثر خيرك .. في بيت موسى .. شادن : لا مستحيل اروح .. موسى : براحتك ، انا قلت اعطيك خبر و انتي قرري شادن : لا الله يعافيك ما ابي مشاكل موسى : بنروح لهم يوم لازم ، بس ما ننام نسلم و نتعشاء معهم و نرجع شادن : ايه كذا عادي ، بس ارجع اعيش اسبوع معها ما اقدر والله موسى تنهد بمراره .. وبنفسه : ليش يا يمه للييششش .. في بيت ابو طارق .. عبير : يمه ليلى تروح .. ؟ ام طارق بدون نفس : ما ادري عنها روابي : اكيد تروح ! عبير : اف بس ، بتفشلنا في بيت ابو طارق .. عبير : يمه ليلى تروح .. ؟ ام طارق بدون نفس : ما ادري عنها روابي : اكيد تروح ! عبير : اف بس ، بتفشلنا مع البنات بتصرفاتها ام طارق : يمكن ما تجي .. عبير : يا لييييت والله !! في بيت ابو خالد .. بعد ما راحو الضيوف .. كان جالس مع ابوه بالصاله .. خالد : يبّه ابو خالد : سم يا ابوي خالد : باقول لك شي بس تكفى اسمعني لين اخلص ! ابو خالد : ان شاء الله ؟ خالد : ابو معاذ يبي يـزوج قاطعه بحدده : الا هالموضوع يا خالد ! الا هالـ ****** لا تجيب لي طاريه ! خالد : تكفى يبه ابو خالد : لا تخليني ارفع صوتي عليك بعد هالعمر ! و قفل هالموضوع خالد : احبها والله احبها و قاطعه : ازوجك الي احسن منها بمليون مره !!!! الي تنسيك حتى طاريها خالد : ما ابي غيرهاا ابو خالد بغضب : هالـ ****** مستحيل يكون جد لا احفادي !!! و ان بيوم رجعتها يا خالد ! تذكر اني مو راضي علييييك .. مو راضي للابد !!!! و اتجهه للدرج .. خالد بصوت عالي : انت و هو جالسين تظلمونا عشان شراكة و فلوس اللتفت له : لا تقول فلوس انا ما تهمني الفلوس ، انا اشتري سعادتكم لوهي بفلوس !!!!! بس هذا رجال ****** و ****** و عرفت نيته و طبعه الـ ****** .. و تعبت وانا اقول لك ابعد عنهم يا وليدي !!! ابعدد ، الولد على خواله .. العرق دساس .. بس وييين الي يسمع و يفهم وييين !!!! في بيت طارق .. كانت بتدخل غرفتهاا ، استوقفها صوت طارق ليلى : نعم ؟ طارق يقلدها ببرود : نعم ؟ الواحده تقول لزوجها هلا سم امر !!! مو نعم ! ليلى تنهدت : ممكن تقول ايش تبي ؟ طارق : قدمو الطلعه بكرا ليلى : انت قلت بعد يومين !!! طارق : تغيّر المهم قبل المزرعه بنروح للسوق نشتري لك شوية ملابس و ليلى قربت منه و بغضب لان خلاص كرهت هالموال : وفر فلوسك لنفسك و لا اهلك الي اقصى طموحاتهم شنطة و لا فستان هذا انا اخذتني كذا و بـ اقابل اهلك كذا واتجهت لغرفتهااا طارق بصراخ : ما خلصت كلامي ؟؟؟ ليلى : ما يهمني كلامك ابداً اتجهه لها و بغضب : لا تختبرين صبري يا بنت الناس .. ليلى تتصنع البرود : بعد يدك عني اولاً ، و تكلم مثل الناس طارق يحاول يسيطر على غضبه .. ليلى : اذا مفشلتك لهدرجة طلقني و ارتاح طارق : ايه انا ادري هذا الي تبينه بس بعيييد عليك ليلى : مرتك تقول لك طلقني تقول لك ماااا ااابببييييك شمصبرك عليها ؟؟؟؟ لو عندك كـرامـ ما كملت كلمتها من كف من طارق بكل قووه ... نصدددمت ما تخيلت بيوم احد يضربها .. وقفت بدون اي رده فعـل .. !!! طارق تنهد وهو معصب جداً : تكلمت بالطيب و قلت لسانك يا مرهّ بس انا لصبري حدود ! واذا ابوك ما رباك زين انا اربـ قاطعته بحده : لا تجيب طاري ابوي على لسانك و اتجهت لغرفتها وهي تكتم شهقاتها .. يضربني !!!!! يمد يده علي ! اتصلت على ابوها وقالت له تعال بسرعه !! ابو ليلى فكر ان فيهم شي و ترك كل شي و اتجهه لبيتهم ! ليلى جهزت شنطتها وهي تبكي .. والله ما اجلس عنده دقيقه بعد مرور ساعه الا ربع .. رن الجرس و نزلت بعباتها .. طارق كان بالصاله يراقب الموقف .. ليلى لما شافت ابوها ضمته .. ابو ليلى : شفيكم شي ؟ زوجك فيه شي ليلى : يبه الله يخليك ما ابي اجلس هنا تكفى يبه خذني خلاااص تعبت ابو ليلى تغيرت نبره صوته من خوف الى عصبيه : هالحين متصله علي ! ليلى : يبه الله يخليك طارق : حي الله من جانااا .. ابو ليلى : الله يحييك ، اعذرنا يا وليدي ليلى : يبه مد يده علي !!! يبه ترضى بنتك تنهان !! طارق : والله المره الي لسانها طويل على زوجها تستاهل ابو ليلى : شقايله لزوجك ؟ سود الله وجهّك كانك مفشلتني !! ليلى ببكا : يبه قل له يطلقني تكفى يبه ابو ليلى : ولا كلمة ! اسكتي و وجهه كلامه لطارق : والله اذا لسانها طويل ولا انا قصرت بتربيتها ابد اضربها و اقطع لسانها بعدد. ليلى هز كلام ابوها كل ما فيها و بكت بحرقه وهي تمسك يده .. يبه انهان منك عادي ، انت ابوي تسوي فيني الي تبي ! بس تكفى لا ترضها علي من غريب ! ابو ليلى : الغريب ! زوجك ، واذا ما احترمتي زوجتك تستاهلين ما يجيك ليلى حست الدنيااا تدور فيييه من الارهاق و التفكير و الضغط النفسي الي تعيشه .. !! ليلى : يبـ .... وحست حتى الكلام وقف .. مسكت يد ابوهاا لكن ابو ليلى يحسبها بتترجاها .. نفض يده بكل قوه .. ليلى حست التوازن صفر .. و الدنيا اسودت مسكت الباب .. طارق لاحظ شحوب وجههّا و هدوئها المفاجئ .. ليلى تنهد وهي تحول تستجمع نفسه شوي .. بس بتبعد عن طارق و نظراتها بعد ما جرحها ابوها قدامـه .. ابو ليلى : عند اذنك يا وليدي ، و اصبر عليها و اتجهه لسيارته .. او ما قفل الباب .. مشت خطوه .. و خلاص ما عد فيها طاقه . . حست الدنيا تدور .. و فقدت الوعيي .. طارق بعد ما طلع ابوها .. حس ان فيها شي بس تجاهل اللتفت و مشى خطوتين و سمع صوت ارتطام جسمها الصغير بالارض .. اللتفت له بفزع .. و اتجهه لها : ليلى و شالها بخفه : ليلللى .. نتوقف هنا... Like