الحب وعد والوعد دين والدين ما يسده إلا الكفو - الفصل 6 - بقلم rwaia 226 | روايتك

البارت 6 نبذة عن رفيف : الاخت الكبيرة لـ عايلة ٣ بنات .. الاب منفصل عن امهم من قبل ١٢ سنة .. وكانت تتحمل المسوؤلية كثير .. وكانت شخصيتها قوية مره ولا يهمها اي شي .. وهي الي مخلصه شغل اهلها من طلع ابوهم من حياتهم .. و قبل ٣ سنوات تزوجت امهم من ولد عمها ! و زادت المسوؤلية عليها عمرها : 24 شكلاً جميله جداً و عيونها واسعه جداً و شعرها لنص ظهرها .. وكثير تقدمو لها لكن كانت ترفض لان تحس مستحيل تقدر تعيش بعيد عن خواتها الصغار .. ! في السيارة اتجهو لبيت ابو طارق .. المدخل الخلفي .. اول ما وصلو نزلت رفيف .. طارق مد جواله لـ ليلى : اكتبي رقمك .. ليلى سجلته بتوتر .. و بتردد : تدخل معي ؟ طارق : ايه ان شاء الله شوي و اجيّك .. ليلى نزلت و اتجهت لرفيف .. و اتصل طارق على روابي و بلغها انها ليلى وصلت مع صاحبتها .. رفيف بهمس : ليلى هالحين يغماء علي ليلى بضحكة : رفيف تكفين خلي تعليقاتك بعدين و بتوتر : خايفه .. روابي : هلاا هلاا بالي شرفتنا و نورتنا ام رائد : ياهلا بمرت الغاليّ و استقبلوها بكل حب .. و هذا الشي كسر حاجز التوتر .. دخلت مها : ياهلا بعروستنا وسلمت عليهم .. روابي : حياكم هنا نزلو عبايتكم و انا انتظركم .. ليلى : ما تقصرين يا روابي .. و دخلو الغرفه رفيف : هذولا الي تسبينهم !! ليلى : عماته تو اشوفهم .. انتظري هالحين تشرف امه و خواته .. رفيف نزلت فستانها و عدلت شكلها . . و كذالك ليلى .. و دارت بفستانها بخفه و زادت ثقتها بنفسها .. رفيف : ليلى مهما تواجهين خلي الابتسامة على وجهك و عدي اي شي .. لا تنكسرين قدامهم .. ليلى ضمتها : الله لا يخليني منك يارب .. عند الحريم 💛 ام طارق : شلابسه ؟؟؟ شي زين روابي : ما ادري ما شفتها لابسه عباية ام طارق : اف الله يستر .. دخلت رفيف بخطوات واثقه جداً على ان لبسها عادي جداً لكن جمال ملامحها و جسمها ملفت .. واتجهت لـ ام رائد لانها عرفتها .. الحريم بدا يتهامسون من ذي ؟ اكيد زوجة طارق لالا يمكن من اهلها .. ام طارق : من هذي ؟؟؟ مها : اختها ما ادري صديقتها ام طارق اتجهت لها : حي الله شرفتينا رفيف : الشرف لي .. روابي : امي ، صديقة ليلى .. ام طارق كانت مدركة اعجاب الحريم فيها فـ كانت واقفه مجاملة .. رفيف : طارق و ليلى جاهزين .. ام طارق تنهدت .. و ناظرت للدرج : الله يستر ! عند طارق 💛 ما ينكرر انها تغيرت جداً و احلوت .. لكن ما يبي يناظر لها بتركيز هي متوتره .. روابي من ورا الباب : يلا جاهزين طارق مد يده لها : يلا ليلى بتوتر مسكت يده وتنهدت .. اتجهو للدرج .. عبير بذهول : هذي ليلى ؟ روابي : لا هذي وحده ثانيه جابتها امي عشان ما تفشلها و بجدية : تستهبلين ايه ليلى عبير : شلون تغيرت كذذذا روابي : هي حلوه و اهتمت شوي ماشاء الله .. عبير بـ ابتسامة : كنت خايفه تفشلنااا روابي : يلا انزلي بس .. و بعد مرور دقايق .. نزلو من الدرج .. وكانت متألقه بفستان بـ اللون الاحمـر ❤️ طويل وفخم جداً .. و شعرها الطويل ويفي .. و الميكب كان سنبل و بارز ملامح وجههّا .. اما طارق كالعاده انيق .. و مميز بـ طوله و هيبته . ام طارق لما شافت تعليقات الناس حست بغرور .. و تقدمت من الدرج و استقبلتهم و ارضى غرورها لما باستها ليلى على راسها .. حست بفخر .. ام موسى : مااشاء الله ام رائد : ما الومها لما ما طلعتهم بالعرس .. يهبلون تبارك الرحمن .. على طاولة البنات .. رنيم بـانهيار : يمه يالاحمررر .. سمية بقهر : عاديه مره .. مريم : لا والله حلوه ! باركو له عماتّه و خالاته وطلع .. اما هي كانت جالسه بجنب ام طارق .. و الكل جا يبارك لها وكانت ترد بـخجل .. رفيف بهمس : ابتسمي و ارفعي راسك يبدو ان فيه عذال كثير .. شوفي شلون تخزك .. ليلى بـ تسليك و ابتسامة : رفيف مو وقته .. رفيف : ابتسمي و ما عليك .. عند طارق اول ما طلع رفع يده و يحس انها تألمه من كثر ما كانت تضغط عليها ليلى !!! ام رائد : ماشاء الله يا ام طارق والله انك عرفتي تختارين الكنة الزينه .. ام طارق : الله يسلمك و العقبال لـعيالك .. ام موسى بنفسها مالت حتى تزوج ولا شاورني .. و طلع من البيت عشانها .. اه يا موسى .. الله يعوضني بجراح بس ! بقسم الرجال . . دخل و الابتسامة على وجههّ جراح : شوي شوي لا تطيح سنونك بس طارق : هاه جراح : ابد سلامتك خالي يبيك بس طارق اتجهه لا ابوه . . مشعل بهمس : انا خلااص ما اقدر اقاوم اكثر بـ اروح انااام رائد : خلاص مسموح لك تروح مشعل : بس لا تقول لا امي خليها تتونس وترجع مع السواق .. رائد : طيب .. عند البنات .. ام مهند " صديقة ام طارق " : وين امك نسلم عليها و نتعرف عليها ام طارق هزت رجولها بتوتر .. ليلى : امي مسافرة مع ابوي رحلة عمل ولا قدرو يجون .. لكن ان شاء الله ترجع بخير و تتعرفون .. ام مهند بهمس لام طارق :عندها خوات ؟ ام طارق : لا والله هي وحيده اهلها ام مهند بهمس لام طارق : عندها خوات ؟ ام طارق : لا والله هي وحيده اهلها ام مهند : هالشكل الجميل و المنطوق الزين الله يهنيهم بس ام طارق : امين يارب بعد مرور نص ساعه .. انسحبت ليلى بهدوء مع صاحبتها رفيف بعد طلب ام رائد لانها حست انها تعبت من السلام و التعارف .. اتجهو للغرفه الي لبسو فيها عباياتهم .. مها : السواق عند الباب .. ليلى : الله يعطيك العافية ، تعبانك مها بـ ابتسامة : لاه شدعوا ، انتي غالتك من غلا الغالي طارق .. تأمرين و تتدللين ليلى : الله يسعدك و يخليك .. اتجهو للسيارة .. و استغربت ليلى وبهمس : هذي مو سيارة سواقنا رفيف : هه من كثر سيارتهم ماشاء الله امشي بس .. و ركبو السيارة .. ليلى : بيت طارق الله يعافيك .. و تنهدت : تعبت تعبت .. رفيف : والله انا الي تعبت ، ماشاء الله الله يزيدهم و يرزقناا ليلى : انا مصدومة من تعامل ام طارق رفيف : انا للحظة شكيت معقوله ذولا الي سولفتي لي عنهم ليلى : والله متغيرين حيل الليله رفيف : اه ليلى خلاص شوفي لي احد من اهل زوجك خلااص بـ اودع حياه بيت الـ ****** ( الحي الي ساكنه فيه ) وابي اسكن هنااا .. ليلى : لا تغرك المظاهر يا رفيف والله اني ما ارتحت دقيقه ودي ارجع لحي ****** لبيتنا عند امي .. رفيف : تعالي تو استوعب !!! امك ليش ما جت ابوك عييئ ليلى : ما ادري والله يا ليلى طارق معيئ علي اكلمها ، بس ابوي يدري ان فيه استقبال الليله رفيف بصدمة : اااييش ؟؟؟ وليش ان شاء الله معيئ ليلى بكت : والله ما ادري ما ادري رفيف : هذا جوالي دقي عليها ليلى : صددق ؟؟ رفيف : ايه صددق بلعنه طارق ما عليك منه والله لو ادري كان عطيته كم كلمه قبل شوي .. ليلى اتصلت على امها لكن للاسف ما وصلها رد !!! ليلى : ما ترددد !!! رفيف : الساعه ١٢ يمكن نامت تعرفينها تنام بدري ليلى : تكفين اذا اتصلت عليك قولي لها اني مشتاقه لها و بـ ازورها قرييب .. رفيف : بكرا تجهزي انا اخذك لها و اذا تكلم انا اتفاهم معه ليلى : لا تكفين ما ابي مشاكل !!! رفيف : ولا كلمة !!! انا مصدومة لك من متى تتنازلين بسهوله كذا ؟؟ يقول كلمه ردي بوجهه عشر الا امك ما عليك منه .. ليلى : تكفين هالحين انزلي عندي رفيف : خواتي عند زوجة ابوي ليلى : خليهم الليله عندها وانتي نامي عندي الله يخليك !! رفيف بتفكير : طييب عشان نكلم خالتي .. وصلو البيت و نزلو !! لكن الصدمة ان الي بالسيارة ما كان السواق !!! ولا هي سيارة طارق ! في بيت طارق .. دخلت مع رفيف وهي تحس هم ثقيل راح عن صدرها .. رفيف : زوجك متى يجي ؟ ليلى : ما ادري والله ، تعالي لغرفتي بس .. رفيف : غرفتك ؟ اهاا لا شكل الوضع بينكم سيئ اتجهو للمصعد .. في السيارة عند جراح !!! جن جنونه .. مسويه فيها رجالّ ! وهو مستقوي على مره !!!! تنهد وهو يكتم غضبه لان لو شاف طارق بهالحاله ممكن يتسبب بمشكلة !! مشى و طلع من بيت خاله وهو معصب مره .. هه و مسوي فيها قدامنا !!! و حارم زوجته من امها .. والله لو حشيمه خالي و ضيوفه رحت له هالحين و تفاهمت معه .. قبل ربع ساعـة .. فاتن : جراح وينك ؟ جراح : عن العيال فاتن : تعال عند الباب الخلفي ، وانا باقنع امي اني تعبانه او اي شي امي معصبه و نوره جالسه قدامها وما ابي يصير شي و تخرب فرحتهم .. جراح : طييب .. الان بسيارة جراح .. اتصلت فاتن .. جراح : الو فاتن انا قاطعته : امي رفضت تمشي معليش ازعجتك جراح : لا عادي و قفل .. مستحيل ارجع هناك .. اتجهه لشاليه صديقه .. وهو يفكر انسى الي سمعته ؟ ولا .. في بيت طارق .. طق باب غرفتها .. ليلى : دقييقه .. و اتجهت له و كانت بفستان قصير جداً وما لبست الروب توقعت انها الشغاله لانها طلبت منها تجيب لها قهوه لـرفيف .. و انصدمت لما شافت طارق واقف قدام الباب طارق ناظر لها بـنظرات غريبه ما عرفت تفسيرها ليلى : نعم ؟؟ طارق : تــ ..... وقاطع كلامه صوت رفيف : قلتي لها اشربها من غير شكررر ؟ طارق عقد حواجبه : ؟؟؟؟؟ ليلى : صديقتي رفيف طارق رفع حواجبه : بتنام هنااا ؟؟ ليلى : ايييه رفيف سمعت الحوار و بصوت عالي : ليش ما عندك مكان لضيوف زوجتك بعد ؟ طارق : لا حياك الله .. رفيف : الله يحييك .. ليلى بهمس : انا والله طلبت منها ابـ رفيف : ادا مستثقلين جلستي اروح لبيتي ! ليلى اللتفت لها : اف رفيف ما احد قال كذا ! شفيك تبينها على طريّف ! و اللتفت وكان واقف وراها علطول .. فزت بخوف طارق بهمس : اتمنى لما تقررين شي مثل كذا تعطيني خبـر .. ليلى : ان شاء الله .. وبعد عنها و ناظر للبسها : البسي شي اطول .. و اتجهه لغرفته .. و اخذ شور و نام .. اما بغرفة ليلى .. سولفو شوي و غلبها النوم و نامت و رفيف تسولف ! رفيف بقهر : الشره علي انا !! الي تاركه خواتي عشانك .. وبدلت ملابسها و نامت .. صباح جديد 💛 ابو خالد : ما شفته اخر الوقت خالد : طلع بدري ابو خالد : اتصل عليها و قل له العشاء الليله عندي .. خالد : سم طال عمرك و اتجهه برا لان وصلته رساله " تعبت والله يا خالد ، ولد عمي ثاني مره يتقدم لي و ما ادري ابوي يسمع كلامي هالمره ولا لا " عصبّ وضرب الجدار بقهر !!! في بيت طارق .. كان نازل من الدرج و شافها تجهز الفطور اتجهه للباب .. ليلى : الفطور ؟ طارق : صاحبتك ؟ ليلى : ارسلت الفطور فوق طارق : خلاص روحي افطري معها وجلس وهو يحس بجوع .. و بتذكر : اي صح جهزي نفسك بعد يومين بنروح لمزرعتنا مع اهلي و عماني .. ليلى بتردد : لازم نروح؟ طارق ناظر لها بحده : طول ما انتي على ذمتي ، فانتي من هالعايلة تحضرين جماعاتهم و زوارتهم بالغصب مو بالطيّب .. اتجهت للمصعد وهي مترفزه من اسلوبه .. في بيت جراح .. دخل الصاله وهو يكلم جراح : يلا حبي وصلت البيت بـاجلس مع امي شوي و بانام . . و قفل الجوال واتجهه لا امه .. جراح : مساء الخير ام موسى : اهلين جراح : شلونك بعد الاستقبال ؟ ام موسى بحرقة : بنت ******* جت و كاشخة ولا همها شي .. جراح : خلاص اسحب سوالي .. وين فاتن ام موسى : نايمه جراح : قال لكم موسى عن طلعه المزرعة ام موسى بسخرية : موسى هه وينه هو موسى جراح : المهم بنروح مع خوالي يوم الخميس قولي لفاتن و تجهزو .. ام موسى : بنت ابليس ما تجي ! جراح : ما عليك موسى ما يوافق انها تجي اساساً و صعد لغرفته وهو يتنسى موضوع طارق .. في بيت ام رائد مشعل : خلاص يمه والله شبعت .. ام رائد : لا والله ما احسّك اكلت شي رائد : يمه معدته ما هي متعودة على اكلنا مشعل بضحكة : لاه شدعواا بس والله خلاص .. كثر الله خيركم سلوى : مسوية سويت الي تحبه مشعل : ياعمري والله ما نسيتي ام رائد : ما ننسى بس انت خلاص ارجع استقر مشعل : هانت يالغاليه .. ام رائد : واشوف لك بنت الحلال مشعل : زوجي الي قدامي بعدين انا ام رائد : افرح فيكم مع بعض ان شاء الله .. رائد : ان شاء الله يالغالية نتوقف هنا...