الفصل 5
البارت 5
في الليل .. في بيت طارق .. كانت جالسه بالصاله وحست
بخطوات
توقعت انه طارق .. و انصدمت بدخول " روابي و عبير "
روابي : السلام عليكم .. ليلى : هلا والله وعليكم السلام .
و اتجهت لها .. عبير بنفسها شفيها ذذذي !! هذا شكل عاروس !
اف الله يعينك يا طارق عليها
سلمت عليهم .. ليلى : حياكم تفضلو .. و دخلت شغالتهم ومعها اكياس .. روابي : نزليهم هنا
ليلى : عن اذنكم .. و اتجهت للمطبخ .. و انصدمت ان
الشغاله جالسه تجهز القهوة
و الثانيه تقدم الحلااا .. و بنفسها ماشاء الله ما يمدى دخلو
الضيوف .. ايه عارفين شغلهم بتعلمينهم انتي !
و رجعت للصاله .. عبير : اف شذذااا !! طارق شلون راضيّ !! روابي تنهدت : ما عليه ما تعودت
عبير : تخيلي احد من عماتي او
خالاتي جاي يبارك !
وذي لابسه كذذااا
روابي : اسكتي هالحين تسمعك
ليلى : حيّ الله نورتو .. و روابي كانت تسولف معها بلطف
و عبير كانت كاره الجلسه !
شذا !!!! ما اتخيل هذي بتصير ام عيال طارق
الـ ******** في مجلس ابو طارق .. ولد عمته رائد :
ما عد تنشاف يا عريس .. طارق بضحكة : مشاغل
نواف : يلا عاد رائد ما صارت
تزوج
رائد تنهد : تكفى نواف ، امي بالبيت
ما لها الا طاري .. ابو خالد " اخ ابو طارق الوحيد "
ابو خالد : بما ان راجع طارق
شرايكم نطلع لـمزرعة ******** اسبوع نغير جو .. ابو طارق : والله زينه لان هالصيفيه
ما اقدر اسافر .. عندي شغل
ابو خالد : وانت يا رائد و جراح
قولو لا اهلكم و تجهزو
جراح : سمّ طال عمرك .. طارق : والله انا يمكن ما اقدر
ابو طارق : انت كيفك ، بس بنيتي
تجي معي
طارق بـضحكة :
لاه اذا بتاخذ ليلى خلاص بـ اجي
نواف تنهد :
خلاص يبه حتى انا ابي اتزوج .. جراح : وانا يا خالي . .
ادا طارق الـ ****** بـيترك
الشغل عشان زوجته
اجل حنّا شنسوي ههه
موسى كان شارد .. مو مهم ابداً .. ابو طارق : وانت يا ابوي قل لزوجتك
و تعالو
موسى : والله ما اعطيك كلمة اكيد
يا خالي ، تعبانه و نتردد على المستشفى دايم
ابو خالد : الله يقومها بالسلامة وتفرح بضناك بين يدينك
ابو طارق : و العقبال لـطارق ان شاء الله
طارق بتسليك : الله كريم ..
بعد مرور يومين 💛
قبل الاستقبال بليلة .. في بيت
ام طارق .. كانت تدور بقهر :
بنت الفقر ما اعجبها شي من
الي ارسلت
عبير : شعرفها بالذوق ذي .. !
روابي : براحتها بالنهاية هي الي
تبي تلبس
رزان بقهر : و امي عازمة الكل
اف والله لا نتفشل قدامهم !! روابي : ما علينا منها كل شي جاهز ؟
اللتفت لـعبير :
كلمتي الـ ******* ؟
عبير : ايه الورد بالثلاجات و بكرا
يجون يكملون شغلهم .. رزان : و كيف نوره تحط لنا ولا لها ؟؟ روابي :
قلت لنوره تعالي من بدري بغرفه
العناية من سافرت دنيا و هي فاضيه .. تجهزنا بعدين تروح لها
ام طارق : يمكن ما يعجبها بعد
بنت الفقر
روابي : لا قلت لها و وافقت .. في بيت طارق .. ما تنكر انها كانت جداً متوتره !
ما تعرف ايش بتقابل بكرا .. ما رضت تاخذ شي من فساتين ام
طارق !
لانها اقتنعت بفستان طارق ❤️ وكلمت صاحبتها رفيف وما قصرت
معها
طلعو لمشغل و مول الـ ***** و ساعدتها بالتجهيزات .. من شنطة و شوز
على ذوقها و ذوق صاحبتها .. ما كان شي ماركة و WOOW !
كان بسيط وعلى ذوقها .. في بيت طارق .. رجع وسال عنها الشغاله .. وقالت انها لسى ما رجعت .. اتصل عليها ؟
هه انت شلون تتصل وحتى رقمها
ما تعرفه
اف بس .. اتجهه لغرفته و اخذ شور ونااام .. بسيارة سواق طارق .. رفيف : ماااشاء الله يا ليلى
وش هالبيت !!! ليلى تنهدت : والله ما شفت الراحة
فيه يا رفيف
رفيف : طولي بالك يا ليلى و ان
شاء الله مع الايام تتفاهمون .. ليلى : ان شاء الله
و بتذكر : والله اذا ما جيتي بكرا
لا ازعل عليك !
رفيف بضحكة : ههه لا ما عليك
جمعات مثل كذا ما اطوفها
ليلى : يلا استودعتك الله
رفيف : فمان الله يا قلبي .. و نزلت ليلى لبيتها .. و اتجهه لبيت
صاحبتها
رفيف بنفسها .. اه بس شهالبيت يا ليلى
و سيارة و سواق . .
الله يهنيّك بس . .
في بيت ابو خالد .. سمية : هاه شرايكم اي شوز ؟
مريم : كلهم حلوين
رنيم : الاسود احلى .. تناظر لنفسها بالمرايا :
تصدقين حتى انا عاجبني اكثر .. خلاص الاسود
مريم : اف متحمسه اشوفها
سمية بغيره : عبير تقول عادية جداً
رنيم : الله يهنيهم بس
سمية بنفسها : هه والله لتندم انها قربت من طارق
و بحقد : انا فاضيه لها ..
يوم جديد 💛
يوم حافل جداً بالاحداث .. في بيت طارق طلع من بدري
عشان يخلص كم شغله مهمه
و يرجع للبيت بدري .. اما عند ليلى ما نامت من التوتر
و التفكير
صح شخصيتها مو ضعيفه .. لكن شي جديد عليها و طبيعي
التوتر .. !
في بيت ام موسى .. جراح : انا بـ اروح لنواف
واذا خلصتو اتصلو علي او تعالو مع
السواق كيفكم .. فاتن : ان شاء الله .. ام موسى ما كانت منتبه له .. كانت جالسه تختار من اطقم الالماس
الي قدامها .. و بنفسها لا تهمك ظروفك بالبيت
اهم شي اطلعي
قدام الناس بـ اطلاله زينه .. اكيد بنت ابليس تحضر اخوي و اعرفه
اكيييد عازمة و هي تجي يقالها تبي
تقهرني بس هيّن ! " كانت تقصد زوجة طليقها "
في بيت ام رائد .. سلوى : شرايك يمه ؟؟ ام رائد : تبارك الرحمن .. يهبل ياعمري
سلوى : والله يمه انا شكلي بـ اغار منك
ام رائد بضحكة :
لاه بسم الله عليك عاروس والله .. سلوى بخجل باست راسها :
الله لا يخليني منك .. مشعل بصوت عالي :
الله لناااا حنّااا ، دوم مسحوب علينا
اللتفتو له بصدددمة !! ام رائد : يمه وليييدي
اتجهه لها بشوق و ضمها بقوه :
اشتقت لك يالغاليه
سلوى بكت علطول
مشعل انتبه لها و ضمها
وبضحكة : ام دميعه
سلوى : والله اشتقنااا لك حييل
مشعل : يا بعد راسي والله !!! في بيت ابو طارق .. كانو موجودين جراح و موسى
و رائد و مشعل و خالد و عمر .. و نواف .. جراح بضحكة : اشوفك من بعيد
بس ما ثبت الشكل هذا
مشعل ولا لا
مشعل بضحكة : لهدرجة احلويت
يعني ؟
نواف : والله يا رجال متغير مره
مشعل تنهد : والله يا اخوك الغربة
و هم الدراسة
نواف : هانت هانت يا ابو محمد
مشعل : باقي لي اختبار واحد
قلت ما عليه يمديني اروح و ارجع
قبله
جراح : لك رجعه !
مشعل : ايييه باقي اختبار و حفل
التخرج و خلاص ارجع و استقر هنا
ابو طارق بصوت عالي : اتركو عنكم
السوالف و ضيفو مشعل اكيد
تعبان من السفر
نواف بهمس : يلا بدينا
مشعل بتمثيل : اي والله يا خالي
تعبان و اشغلوني بسوالفهم
نواف طارت عيونه :
مو فاضي لك هالحين ولا عرفت
ارد عليك زين
و رد على جواله .. جراح : قليل خاتمه ما لك امان
مشعل بضحكة : هههه تعالو
نجلس والله صدق تعبان
في بيت طارق .. الميكب ارتست نوره :
تبارك الرحمن .. اميرة ❤️ ليلى بفرح : صدق حلو .. ؟؟ نورة : مره ، لون بشرتك حلوه مع
الروج و لون الشعر
بدخلة رفيف : هاااي
ليلى تنهدت بـارتياح : الحمدلله جيتي !!
الشخصيات:
عائلة ابوطارق ❤️ الاب : حمد ، من أكبر رجال الاعمال
في الرياض
شخصيته قيادية نوعاً ماً .. الام : لطيفة .. سيدة أعمال و لها مكانة بالمجتمع
و تهتم بالمظاهر جداً .. فيها غرور و ما تتنازل بسهولة .. الابناء :
طارق الابن الاكبر عمرة 34 سنة .. له مكانة بمجال العمل .. طويل وملامحه حاده جداً .. حنون جداً مع امه و خواته .. لكن الاحترام و الكرامة عنده بالاولوية .. شخصيته جديّة .. نواف .. عمره 29 ، عكس شخصية طارق
خفيف دم .. و ما يحب الرسميات .. ملامحة مملوح جداً فيه من ملامح طارق .. شبيّه ابوه 💛
عبير و رزان توائم.. 24
عبير
ملامحها عادية جداً ، لكن تهتم
بمظاهرها الخارجي .. طبعها فيها غرور .. رزان : فيها من شخصية عبير
كثير
لكن جميلة جداً
و القليل يصدق انهم توام لان
ما فيه شبّه ابداً .. روابي .. 20
هي الاجمل و الاذرب بين خواتها
شخصيتها طيبه جداً
وعاطفتها دايم تسبب لها احراجات
و مشاكل .. عائلة ابو خالد ❤️ اخ ابو طارق .. نفس المكانة
الاجتماعية .. الابناء :
خالد 37 .. منفصل عن زوجته بسبب خلاف
بين والده و ابوها .. وما زال يحبها جداً
عمر .. 28
رسام معروف .. شخصيته جريئ نوعاً ماً
وسيم ،و يميزه صوته الحلو .. سمية : 26
خريجة ادارة اعمال .. شخصيتها
قوية و الي تبيه يصير وكلمتها
مسموعه بالبيت مره .. فيها غرور .. ملامحها عاديه .. عشان مصلحتها
ممكن تتنازل عن اي شي .. مريم : 24
اخر سنة جامعية ، شخصيتها مسالمه
جداً
رنيم : 21
اخر العنقود ، حلوه شكلاً و اخلاقاً ..
خوات ابو طارق و ابو خالد ❤️ ام موسى .. منفصلة عن زوجها من سنة و نص .. ما تحترم احد .. و ما يصير اي شي
الا تعلق عليها .. و تتدخل بخصوصية عيالها مرهّ !
موسى : 38
متزوج من بنت عمـة شادن .. و عايشين حياه سعيده بـ انتظار
طفلهم الاول .. لكن ام موسى ما تركتهم بحالهم .. !
جراح : 32
وسيم جداً ، ما يشبه اخوه لا شكلاً
ولا اخلاقاً .. موسى هادي و مسالم .. جراح شخصيته قوية و عصبي مره .. فاتن : 23
جامعية ، ملامحها طفولية 💛
شخصيتها مهزوزه من معاملة امها .. عائلة ام رائد .. مشرفة في وزارة ******* شخصيتها قياديه و تحترم الكل .. و تعرف تتعامل مع كل عمر و كل
شخصيه كويس .. خلوقة جداً .. رائد : 35
خيّال 🐎 ، بالّه طويل لكن ما يعدي
اي شي .. متحمل مسوؤلية البيت بعد وفاة ابوه .. مشعل : 29
مبتعث .. شخصيته ما يعتمد عليه
مثل اخوه .. دمه خفيف و له جو خاص بالبيت .. سلوى 21 :
ام دميعه مثل ما يقول لها مشعل .. حساسه جداً .. جميلة وتاخذ من ملامح اخوها
رائد كثير .. الاخت الثالثه لـ ابو طارق 💛
مها مثل شخصية اختها ام رائد
دكتورة اسنان .. 28
متزوجة من شهر ونص تقريباً .. من ولد خالتها علي .. عائلة ابو ليلى .. الاب :
يشتغل بمنصب بسيط جداً
قبل ٢٠ سنة بشركة الـ ****** مع الوقت بدا يتقرب من ابو طارق
الى ان صار له منصب كويس .. لكن كان تخطيطه اكبر من كذا .. !
مرت السنين و زوج بنته طارق
عشان مصلحة و فلوس فقط .. !
الام :
شخصيتها ضعيفه جدداً .. و تخاف من زوجها .. ملامحها جميييله ججججداً 💛
البنت الوحيدة
ليلى .. 24 .. خريجة تخصص لغة انجليزية .. ملامحها جميلة جددداً تشبه امها
لكن من قل الاهتمام مو واضح جمالها !
و سوء المادية لان ابوها بخيل
جداً فما كانت تقدر تشتري اي شي للعناية
وتهتم بنفسها .. خلوقة جدداً ، و شخصيتها محبوبه
حساسة لكن تتظاهر دايماً بالقوة !
في بيت ابو طارق ❤️ الساعه ٩ مساءاً بدا الحضور يوصل .. و كانت ام طارق تستقبل الكل
بحب و رحابة صدر
مع حمواتها ام موسى و ام رائد .. مها بهمس : زوجة اخوك وينها ؟
روابي : ببيتها
مها : طيب متى تجي ؟؟ دقي عليها شوفي تبي شي ناقصها شي .. روابي : ما اعرف رقمها
مها تنهدت : الله يصلحك بس .. و اتجهت تشرف على الضيافة .. في بيت طارق ❤️ رفيف : ماشاء الله ليلى الفستان عليك
يموت .. ليلى بخجل : عيونك الحلوه
رفيف شافت كيس ماركة ****** بالارض .. اتجهت له : اوه وصرنا نلبس من ***** ليلى : ههه والله ما فتحتها حتى
رفيف : ايش لونها ؟
ليلى : ما ادري والله شيكي عليها عادي
و كانت جالسه تلبس شوزهاا
رفيف بذهول : wow ليلى البسيها
هالحييين
ليلى : لا شريت شنطه
رفيف قربت منها : شوفي ما ابي اتناقش
معك اكثر و البسيها
بالله تقارنين ذي بـ ذي ؟. ليلى : رفيف الله يخليك
قاطعتها : الله يخليك انتي بس رايحه
لـمجتمع راقي بتشوفين اشكال تنهارين
منها
و انتي اميره الحفل و شنطتك كذا !
ليلى : عشانك والله
رفيف : ايوه كذا يا احلى عاروس .. عند الرجال .. كان الحضور كبير جداً .. و الكل مبسوط
لـ طارق .. سوا من الي يشتغلون معه او معارف
الوالد .. مشعل بهمس : انا تعبت خلاااص
رائد : انتظر نص ساعه و بعدها اطلع
للبيت و ارتاح خلاص .. من المغرب وانت
هنا و خالي عارف انك تعبان .
مشعل : ان شاء الله .. نواف كان مشتط مره .. من الاستقبال
لـ التشيك على الضيافة .. و جراح كان معه ما جلس ابداً .. ابو خالد : انت عزمت ابو موسى ؟
ابو طارق : اكييد !
يا ابن الحلال من الجماعة الناس شتقول
طلق اختهم و قطعو صلة الرحم
ابو خالد : ما تذكر اخر مره شسوت
ام موسى ! الله يستر وتعدي الليله على خير . .
في الاستقبال .. دخلت بخطوات واثقه .. و طاحت عينها بعين ام موسى .. كانت تظاهرت بالقوة !
و اتجهت لـام طارق و باركت لها .. ام رائد مسكت يد اختها :
تجاهلي وجودها .. ما عليك منها
ام موسى : بنت ****** جايه لبيت اخوي !
بعد ما اخذت زوجي مني
ام رائد : تكفين عشان طارق !
تكفين لا تخربين فرحته عشانها
خلاص ابو موسى طلع من حياتك .. ام موسى بحرقة : شوفي نظارات الحريم
اه حسبي الله عليك كانك احرجتني ..
بعد هالعمر والعشرة .. اما زوجة ابو موسى " نورة "
سلمت على ام طارق و جلست على
اقرب طاولة
ولا لها نيّه تسوي مشاكل عشان خاطر
زوجها الي طلب منها تتجاهل وتعدي اي
شي هالليله .. مهما كان ابو طارق قدرنّا و عزمنا نشاركه فرحته ..
بمجلس الرجال .. ابو طارق : اتصلو البنات يبون رقم
زوجتك .. ما يدرون عنها
طارق : طيب يالغالي .. و اتجهه برا وبنفسه : شلون شلووون
اروح لها ؟؟ اف بس لازم اروح شسوي !
و اتجهه لسيارته و اتجهه لبيته .. جراح شافه وهو طالع واستغرب .. في بيت ابو طارق .. بنات ابو خالد و ابو طارق الكل يقول
الزين عندي .. وكانو لافتين النظر بـ فساتينهم الفخمة .. سلوى : فاتن شفيك ؟
فاتن بشرود : هلاا
سلوى : شفيك
فاتن : ما فيني شي
سلوى : شادون وينها ؟
فاتن تنهد :
مستحيل تجي .. سلوى عقدت حواجبها :
ما عزمتها خالتي !
فاتن بمراره : لااه بس تهاوشو مع امي
وطلعت هي و زوجها
سلوى بصدمة :
لاتقولينهااا !!! حرام عاد شادن
فاتن : انا ما الومها ، انا بنتها و بيالله صابره
بالنهاية امي غصب عني اسكت .. بس هي ليش شاقيه نفسها
تنسب و تنهان
سلوى : والله خالتي حييل ، وبالذات بعد
ما انفصلت عن ابوك
صايره ما تنكلم !
فاتن : المهم ما علينا ، انتي شهالزين ؟
سلوى بخجل : ياعمري بس
في بيت طارق .. دخل واتجهه للدرج بسرعه .. و صادف رفيف نازله من الدرج .. طارق نزل راسه و توقع انها ام
ليلى !
اكيد اتصلت عليها !! طارق : شلونك يا خاله ؟؟ رفيف كانت لابسها عباتها و حجابها
لانها طالعه
و بصدمة : خاله ؟؟؟ طارق استغرب وبنفسه يمكن ما
تحب احد يقول لها خاله ؟ معقوله
تدارك الموقف : شلونك يا ام ليلى ؟
رفيف ضحكت بصوت مسموع .. : اجل انا ام ليلى !
الله يخلف ما تعرف ام زوجتك حتى
طارق ما زال مصدوم !
شفيها ذي !
طارق كمل طريقه للغرفه .. رفيف : ترا انا انتظركم بالسيارة .. طارق اللتفت بصدمة !
اللهم طولك يا روح شهالمصيبه ذي !
كان يبي يفتح الباب و شافها
طالعه
طارق بقهر : من ذي ؟
ليلى : صديقتي رفيف !!! طارق تنهد ما هو وقت ناقش :
خلصتي انتي ؟
ليلى : ايه و بتردد : رفيف تبي تروح معي
تكفى طارق ما اعرف احد
طارق : طيب طيب
و بنفسه : اصلاً لو اقول لا
تجي مشي عادي .. ولا انتبه لـ اطلاله ليلى لانها كانت لابسه
عباية و حجاب .. و نزلو للسيارة .. طارق : اعذريني توقعت انك
قاطعته رفيف :
حصّل خير ، بس انصحك بكرا
تروح تزور ام زوجتك و تعرفهاا
ليلى ما فهمت بس توقعت انهم
تصادفو .. نبذة عن رفيف :
الاخت الكبيرة لـ عايلة ٣ بنات .. الاب منفصل عن امهم من قبل ١٢
سنة .. وكانت تتحمل المسوؤلية كثير .. وكانت شخصيتها قوية مره ولا يهمها
اي شي .. وهي الي مخلصه شغل اهلها من
طلع ابوهم من حياتهم .. و قبل ٣ سنوات تزوجت امهم من
ولد عمها !
و زادت المسوؤلية عليها !
نتوقف هنا....
Like
زهورر likes this.