الحب وعد والوعد دين والدين ما يسده إلا الكفو - الفصل 4 - بقلم rwaia 226 | روايتك

البارت 4 طارق : ترا عند اهلي وعند الكل اننا مسافرين مع بعض ليلى بسخرية : و الله بين الصاله و المطبخ طارق ناظر لها : تذكري ان هذا كان طلبك انتي .. ليلى : عاد والله انا ما اعرف اكذب . طارق : ما قلت لك اكذبي عاد ، لو احد سالك عن شي سلكي .. و اذا عاد تبين تقولين الصدق قوليه .. ما يهمني في بيت ابو طارق .. رن الجرس .. روابي : اكيد هم و اتجهت للباب بشوق لـاخوها .. روابي : هلااا هلاااا و ضمته بقوه .. طارق : هلابك شلونك روابي : بخير الله يسلمك اشتقت لك طارق : يابعد راسي والله و بعد عنه وشافت ليلى واقفه بخجل .. روابي : اهلليين نورتيناا ليلى : نورك الله يسلمك .. روابي سلمت عليها بلطف .. حياكم الله ، شرفتونا والله .. طارق : الله يحييك .. و اتجهو للصالة و استقبلهم الكل و سلمو عليهم .. نواف : الحمدلله على السلامة .. طارق : الله يسلمك .. عبير بهمس : ما اصددددق ذي زوجة طارق رزان : عينك على العباية و الشنطة بس عبير : كيف راضي فيها طارق .. ام طارق تناظر لها بنظرات استحقار .. طارق لاحظ التوتر الي صار بينهم .. روابي : شلونكم شلون السفرة ؟ طارق : حلوه و خفيفه .. ابو طارق : شلونك يا بنيتي .. ليلى : بخير الله يطولي بعمرك . . شلونك انت من التعب ؟ ابو طارق : الحمدلله بخير .. ليلى : عسَاك يا طويل العمر .. طارق انصدم من اسلوبها مع ابوه ! و كيف تتكلم بثقه . . ابو طارق اعجبته جدداً بجلستها و رزانتها و نبره صوتها .. ام طارق : اكيد عندك خبر حفلة استقبالكم الخميس .. ليلى انصدمت وماعرفت ايش تقول .. لان ما قال لها شي .. طارق : ايه قلت لها يمة ، وبدت تجهيزات صح ليلى .. ليلى بتوتر : ايه يا خالة .. ام طارق : عاد انا ارسلت لك فساتين من المصمم ********* وبهمس : عاد شدعوا عرفته هالحين هه بس ! و بصوت عالي : المهم انه مصمم عالمي و ما نلبس الا من عنده .. و اختاري الي يعجبك و عندنا خياطة تعدله لك .. ليلى : تعبتي نفسك الله يطول عمرك عندي فساتين .. ام طارق : مو مثل فساتين ******* اكيد ، وهذا حفل استقبال الكل يبي يشوفك .. ليلى : حياهم الله ، يشرفوني والله ضيوفكم و ضيوف طارق .. لكن ما عليه فستاني انا بـاشترية ما قصرتي و كلفتي على نفسك .. ام طارق تنرفزت مره .. عبير بضحكة : امي هالحين تنهار منها .. رزان : انا الي بـ انهار بس ! طارق : المهم خلونا من الاستقبال وقرب منها و حط يده حول خصرها : زوجتي ملكة الحضور طبعاً .. وبضحكة : بس نبي العشاء هالحين .. على طاولة الطعام .. كانت تاكل بهدوء وترتها نظرات ام طارق .. ام طارق : سونا قدمي ******* لابو طارق و بحب : سويتها عشانك .. ليلى : لالا خليك ، انا احط لعمي .. ام طارق بـ احراج : كملي اكلك سونا هي مسوؤلة عن خدمة الطعام .. ليلى : لا ميخالف يا خالـة .. وقامت و قدمته له و بصوت خجولة : هني وعافية على قلبَك .. طارق ما زال مصدوم من تعاملها مع ابوه تحديداً .. !! ليلى كانت تتصرف بعفوية مع ابو طارق لانها كانت تخدم ابوها بحب بكل شي .. وهي كانت المسوؤلة عن كل شي ببيتهم فـ كانت تشوف من الاحترام و التقدير مثل هالاشياء لـكبار السـن ! رزان : مو من جدها ذي !! عبير : الله يستر ما تقوم هالحين تجليّ الصحون ليلى : كثر الله خيركم .. ابو طارق : ما اكلتي يا بنيتي .. ليلى : لا الحمدلله ، عساها سفره دايمه و عامره .. طارق : اللهم امين ، ما قصرتو .. ام طارق : تعشاء يا وليدي .. طارق : بس يالغالية .. و اتجهو لدورات المياة .. اول ما دخلو .. طارق : شهالتصرفات ؟ ليلى : اي تصرفات ؟؟؟ طارق : الحياه هنا مو مثل بيتكم حاولي تميزين .. ليلى : والله اظن الي كنت بـ ادخل له الشنط زوجي و الي قمت عشانه من الاكل عمي و بحسبه ابوي ! وين الخلل ؟؟ طارق : مو خلل يا بنت الحلال بس هنا ما تعودنا على كذا ! ليلى : ولا انا متعوده على تصرفاتكم ! احب اخدم نفسي بنفسي .. و اساعد الي يعزّ علي من باب التقدير ! وجففت يدينها وطلعت طارق تنهد الله يعدي هالليله على خير بس ! بعد العشاء الكل بالصالة .. و طارق و ابوه يتكلمون عن الشغل و البنات عن الاستقبال .. روابي : فيه وحده من عمر ما نحط ميكب الا عندها يجنن شغلها ليلى : لا ياعيني اشغلكم و انتو متعاملين معها روابي : لالا عليك تخلصك اول بعدين تجينا ليلى : صدق عادي روابي : ايه ياقلبي .. عبير : طارق ترا بتدخل طارق قاطع حديثه : وين ادخل ؟ عبير : بنسوي لكم دخلة انت وليلى طارق : لااه يابنت الحلال ليلى بكيفها انا لااا عبير : لااا بليز !! روابي : طارق لو سمحت مرتبين و منسقين كل شي .. ام طارق : الكل يسالني عنك بالزواج لا تفشلني و تعال رزان : خليني اكشخ فيك قدام الكل عبير : ما تطول عشر دقايق و اطلع .. ليلى وسط محاولات الكل نطقت وهي كانت خايفه يفشلها .. تنهدت : عشان خاطر خالتي ادخل .. ما دخلت بالزواج .. خليهم يفرحون فيك بالاستقبال قدام الاهل و الاصدقاء . . طارق صدمته لكن تدارك الموقف ما ابي اكسر شخصيتها قدام امي و خواتي ! ليلى وسط محاولات الكل نطقت وهي كانت خايفه يفشلها .. تنهدت : عشان خاطر خالتي ادخل .. ما دخلت بالزواج .. خليهم يفرحون فيك بالاستقبال قدام الاهل و الاصدقاء . . طارق صدمته لكن تدارك الموقف ما ابي اكسر شخصيتها قدام امي و خواتي ! و ناظر لها : ابشرررري انتي تقولين ادخل ادخل روابي بضحكة : اووه لو نعرف السالفه كذا قلنا لها تقول لك وخلاص .. ام طارق انهارت !!! هالحين انا وخواته ولا رد ! ولما تكلمت بنت الفقر ! اه بس حسبي الله عليها .. مر الوقت ما بين سواليف و توتر و نظرات ! الساعه ١٢ تقريباً .. كانو طالعين لسيارتهم .. وشافت عمها طالع يمشي .. ليلى : رياضه ماشاء الله .. ابو طارق : ايه وللله يا ابوك .. ليلى : الله يقويك و يعافيك طارق : ابوي محافظ على لياقته ليلى : والله يا عمي لو الوقت مو متاخر مشيت معك ابو طارق : يا ليت يا ابوك و الله احياناً يروح معي طارق ولا نواف يضيعون الوقت ولا احس طارق : اعذرنا والله انشغلنا كثير ابو طارق بضحكة : اذا بنيتي ليلى تمشي معي تكفي و توفيّ .. ليلى باسته على راسه : يلا تصبح على خير يالغالي .. ابو طارق : وانتو من اهله و اتجهو لبيتهم .. في بيت ام رائد .. رن الجرس و شوي دخلت الشغاله و معها بوكيت ورد .. وكلهم كانو جالسين بالصالة .. فاتن اول وحده : عطيني .. و بـ انبهار : لمين كل هذااا ؟؟؟ وكانت تدور الكرت .. ام رائد : يمكن من صديقاتك .. فاتن بخبث : اوه موسى معجبين من ورانا موسى ناظر بصدمة : انا !!!! شادن ناظرت له بغيره .. فاتن : ايه و كاتبه يا my love بعد .. شادن هزت رجولها وهي تنتظر تبرير موسى : يمكن لجراح !! فاتن : مكتوب موسى .. لما شافت نظارات شادن و توتر موسى بضحكة : ههههههههه والله امزح يابنت الحلال مو مكتوب شي اساساً نزل جراح من الدرج .. وبصوت عالي : روزانااااااا فاتن كانت تعرف انه لجراح : تعال هنا هنا جراح : هذا واحد من الشباب مرسل لي هدية فاتن : ايه ايه ماشاء الله اصدقائك كل شهر هدية افخم من الثانية .. ومدت له كيس ماركة روبرتو كفالي .. مع بوكية الورد .. موسى بضحكة : الله يصلحك قل لهم يكتبون جراح شي ، لا توهقنا فاتن : انا اسفه هههههه ام موسى : اقول جراح جراح : سمي يالغاليه .. ام موسى : فكر بالموضوع الي قلت لك عشان اكلم امها اذا شفتها بحفل الاستقبال اكيد ام طارق تعزمها .. جراح : يمه زواج لا وخلااااص .. ام موسى : يا ابوي فكر ، يمكن تجيني كنة زينه مثل الناس .. شادن بقهر : عن اذنكم . في بيت ام موسى .. موسى خلاااص وصلتت معه زوجته تعبانه و الجنين مو مستقر .. و امه كل يوم تضغطها و بعصبيه : الى هنااااا يمة وبس !!! اذا تعاملك مع زوجتي كذا ولا هي عاجبتك ما لنا جلسة بهالبيت ابداً .. يعني لا احترمتي وجودي ولا احترمتيها اقل شي عشان حفيدك الي ببطنها !!! و اتجهه فوق وهو جداً معصب .. جراح تنكد من الي صار : هذا الي يرضيك يمه ؟ بنت الناس لها سنين والله ما شفنا منها الا كل خير ولا عمرها ردت الكلمة بوجهك .. شـتبين منها !!! فوق بنفس البيت موسى : خلااص يا شادن ، الوضع ما ينسكت عنه ، جهزي ملابسك و نادي الشغالات يساعدونك و انا باكلم ابو حمد يشوف لنا شقه عنده هاليومين على ما نأثث بيت ابوي الي بـ ******** شادن هزت راسها بـ ايجاب لانها تعبت مره .. بعد مرور ساعه ونص .. نزل موسى وشادن ومع الشغالات ومعهم شنط .. ام موسى وقفت بصدمة .. جراح تنهد وهو يشوف اخوه طالع من البيت !! ابوي و راح ! وانت يا موسى .. اه يا يمه ام موسى : صدق تبي تطلع ؟؟؟ عشانها تترك امك و اختك عشانهاااا موسى : زوجتي و وولدي ! و انا جلست سنتين عشان خاطرك يمه زوجتي تسكت وتعدي عشاني .. كل مره اقول خلاص امي بتعرف قدر شادن بس للاسف !! اعذريني يا يمه .. فاتن : تكفى موسى ! جراح مسكها مع يدها : لا تصعبينها عليه ! خلاص الرجال و زوجته تعبو خليهم يطلعون فتره و تهدا الاعصاب .. و يصير خير فاتن سكتت و الدموع بعينها .. ام موسى : يا حسافه تعبي فيك !!!! المفروض تطلقها و ازوجك الي ازين منها المفروض تدور رضاي !!! موسى تنهد : يلا يا شادن .. ما اوصيك يا جراح عليهم .. و طلع بسرعه ما يبي يشوف دموع فاتن ! في بيت طارق .. وهم بالمصعد .. كانت تهز رجولها بتوتر .. طارق مد لها بطاقة : بينزل لك مصروف شهري فيها .. اذا ناقصك اي شي للاستقبال روحي مع السواق و ميري بكرا للسوق .. ليلى : معي فلوس .. تنهد طارق : هذي مو شفقه ترا ، من حقك ! و بينزل لك مصروفك مثلك مثل خواتي كل شهر .. وانتي حرهّ فيهم .. ليلى : بس انـ قاطعها : ما فيني حيل اتناقش معك فتح يدها و حط الصرافة رمزها **** و فتح المصعد و اتجهه لغرفته .. اتصل على روابي .. وطلب منها خدمة بسيطة .. و انبسط لما وافقت لان روابي اكثر وحده من خواته تقبلت ليلى .. في سيارة موسى .. شادن ببكا : انا اسفه ان الموضوع وصل الى هنا .. بس والله ما اقدر اصبر اكثر .. ما صارت تحترمني ابداً موسى : ممكن نتكلم بعدين ؟ شادن : سمّ .. و سكتت وهي تمسح دموعها .. في بيت ام موسى .. جراح : ابوي و طلع و ولدك ما قدر يصبر عليك و طلع .. و فاتن بيجيها نصيبها و تتزوج .. وانا لو بيوم تزوجت مستحيل ارضى ان زوجتي تنهان او تنجرح من اي احد ! من بقى لك يمه ؟؟ خلاص اتركي عنك هالتصرفات ترا كلنا عيالك و نحبك بس انتي الي زعلانه من ابوي و تطلعين زعلّك و ضيقتك فينااا !!!! كرهتينا بالزواج ، كرهتينا بالبيت .. خلااااااص و اتجهه لغرفته و هموم الدنيا على راسـه !!! ام موسى كانت بصدمة اولاً من طلعه موسى ومن كلام جراح !!!!!!!!!! في بيت ام رائد .. ام رائد نزلت بخطوات متوازنه : حيّ الله من جانا ام ليث : الله يحييّك .. ام رائد : شلونكم عساكم بخير ؟ ام ليث : بخير الله يسلمك .. ام رائد : شلونك يمه مشاعل . مشاعل بخجل : بخير الله يسلمك ام رائد بنفسها ياجعلها من نصيبك يا وليدي .. ام ليث : وليدك مشعل متى يخلص ام رائد تنهدت : قريب ان شاء الله ، هذا اخر كورس ام ليث : ان شاء الله يرجع بالسلامة و تفرحين فيه معرس ام رائد : امين يارب صباح جديد .. في بيت طارق عدل شماغه و اتجهه للمصعد ليلى : طارق طاررق اللتفت لها : نعم ؟ ليلى : ممكن طلب ؟ طارق : شعندك ؟؟؟ متأخر على دوامي ليلى : ابي اروح لا امـي طارق : لا و ضغط المصعد : وارسلت لها كم مره من جوالك و طمنتها عليك. خلاص ليلى : الله يخليك !! طارق : الكلمة اقولها مره وحده . . و دخل المصعد ليلى ضربت رجولها بقهر !!! حسبي الله عليك بسسس طارق سمع كلمتها ورجع و قرب منها وبغضب : ايش قلتي ؟؟؟ ليلى سكتت بصدمة لانها ما توقعت انه سمع طارق بصراخ : شقلتي !!!! ليلى فزت بخوف : ولاشي ولا شي طارق قرب منها و الشر يتطاير من عيونه : احفظي لسانك يا بنت الناس هالمره بـ اعديها لكن اقسم لو تكرر مثل هالموقف والله لتندمين على اليوم دخلتي فيه هالبيت !! و بصراخ : سمعتي !! ليلى : ططيب .. طارق طلع وهو يكتم غضبّه .. ما ناقص الا انتي ! انا اوريك .. امس قدرتها قدام امي و خواتي صدقت نفسها .. نتوقف هنا...