الفصل 3
البارت الثالث ..
صلاح ..
دورت على المفتاح بمداليت المفاتيح اللي معي لكن ماحصلته ..
التفت لها ../ دانه شفتي مفتاح الدولاب ..
مندمجه تتابع الـ تي في .. حاطه البوب كورن بحضنها .. هزت راسها بـ لا ..
قمت ادور بجيوب ثوبي .. مستغرب وين راح .. دايم يكون بالمداليه مع الفاتيح .. وما ضاع الا هو ..
دورت تحت الخداديات ..
لاحظت ابتسامتها لي .. شكيت انها هي اللي ماخذته .. مسكتها من يدها بقوه ../ وين المفتاح ..
..
دانه ..
ابتسمت على شكله حايس الدنيا عشان شي ما يسوا ..
بحلقت عيوني عليه ..قلت ببراءه ../ مدري عنه .. لا تتبل عليَ ..
..
تركتها .. مسكت راسي الوجع ذابحني .. مايداوي هالوجع الا اللي بالدولاب ..
دخلت المطبخ .. حاولت اكسر الدولاب .. كسرته بعد عدت محاولات ..
اخذت قاروره و اخذت ثلج .. جلست مقابلها ..
..
ناظرته بقهر قلت بتهديد ../ يا ويلك ان جيت عندي .. اكفني من شرك ..
..
صبيت كوب مديته لها باغاضه ../ جربي طعمه .. و ما راح تندمين ..
..
شقهت من كلامه انسانه مريض و غبي ../ احترم حالك .. لا تتعد حدودك ..
رحت للغرفه ادور فيها الامان قبل لا يمسكني ..
..
صلاح ..
شربت كم كاس احاول اتهرب من افكاري اللي جابت لي الصداااع ..
../ آآآآه ليتي ارتاح و اريح ..
..
قمت متوجه لها .. جالسه على السرير و ضامه رجولها و دافنه وجهها بين يديها ..
بضعف ../ دانه ..
..
رفعت راسي له .. كرهت طاري اسمي على لسانه وهو بهالحاله ..
ليتني اقدر اهرب من حياته اللي كلها جحيم بـ جحيم .. لكن الباب مقفله بالمفتاح ولا اقدر اطلع ..
..
حطيت راسي على المخده ../ تعبان تعبان يا دانه ..
..
ماهتميت لكلامه ../ اطلع برتاااح ..
حطيت يدي على بطني بخوف انه يجيه شي ..
..
حز بخاطري انها ما تبيني ../ لا تقسين عليَ مثلهم ..
..
وقفت ابتعد عنه ../ عدل نفسك ثم اصير معك طيبه ..
..
مسكتها من يدها امنعها تطلع .. همست لها بوجع ../ يمكن ايامي معدوده .. يبون حقهم مني .. بياخذون بـ ثارهم ..
..
ماني فاهمه شي من كلامه .. قاعد يلخبط فوق راسي .. طلعت ما اهتميت لكلامه .. مو بعقله ولا هو عارف وش يقول ..
×× ××
فياض ..
قربت اشوفها .. نظارتي مو معي و يمكن اني اتوهم .. لكن الصوت !! .. بعدت عني بسرعه ..
مسكتها من يدها ../ وش تسوين هنا ؟؟
حسيت برجفتها بين يدي .. خذتها معي لسيارتي
.. ابعدها عن ابوي .. قبل لا يصير شي ما هو بالحسبان ..
وقفت بمكان شبه خالي .. التفيت لها ../ ميييين انتي تكلمي ..؟؟؟
لاصقه جسمها على الباب ../ ودني لبيتنا ..
هزيتها من يدها ../ تكلمي ؟؟
ماسمعت الا بكيها .. انهبلت من وين ابوي جايبها ..
../ وين بيتكم ؟؟
..
برعب و خوف .. وش يبي فيني ..؟؟
.. مسكت عروة الباب لكن ما انفتح مسكره بقفل اطفال ..
وش ناوي عليه ؟؟!..
..
بغضب ../ لا تحاولين تطلعين لانك راح تتعبين .. وش جابك لبيتنا ؟؟..
..
بخوف ../ رجال شايب خذاني معه ..
..
ابوي خذها .. رجع لحركاته ما تاب يبي يفضحنا بين الله و خلقه ..
لو رجعتها لبيتها راح تفضح ابوي وتصير سمعتنا بين الناس ..
حركت السياره ..
×× ××
متعب ..
دخلنا البيت وهي ولا كانها معي .. ما كلمتها ولا اهتميت لوجودها .. دخلت الصاله وهي وراي .. سلمت على امي ..
وبعدي خوله ..
خزنه باستغراب ../ جايين بدري ..
../ تعرفيني محب انام بعيد عنكم .. جات جوري بحضني .. سالت امي مستغراب .. وين دانه ..
خزنه ../ راحت لـ بيتها ..
كل ثانيه اسرق النظر لها اشوفها وش تسوي .. فاتحه فمها وتناظر الصاله .. ضحكت على شكلها ..
..
خوله ..
صالتهم فخمه و تلفت الانتباه بفخامتها ..
التفت له مستغربه من صوت ضحكته .. ناظرته .. مافي شي يضحك ..
..
متعب ..
../ وين مفهيه وربي شكلك تحفه .. اول مره تشوفين صاله .؟؟
..
خوله ..
احراج .. حسبي ربي عليه احرجني .. حمر وجهي من الفشيله .. ناظرت خالته تناظرني .. نزلت عيوني متفشله و مقهوره منه ..
آه منه ماراح يخليني لوحدي ..
متعب مد الفنجال لي ../ قومي صبي لي ..
عطيته نظره و قمت .. مسكت دلة القهوه ..
توجهت له وعيوني ما طاحت من عيونه .. صبيت له .. مليت الفنجال لين اخره ..
..
جلست الجوري جنبي ..
نظراتها قهرتني .. مسوي فيها القويه .. حسيت بشي حار على يدي .. انفلت الفنجال بدون قصد مني .. نفضت يدي اللي حمرت من حرارت القهوه ..
..
ابعدت عنه خطوتين .. ببرود ../ سوري ..
خالتي ../ انتبهي مره ثانيه ..
..
متعب ..
عقدت حواجبي و بغضب ../ سوري هااه .. اذلفي جيبي لي مرهم .. نفخت على يدي اخفف الالم ..
..
خوله ..
قمت والابتسامه شاقه وجههي .. / تعالي يا حلوه .. مديت يدي لـ البنت الصغيره ..
جات معي ..
توجهت للمطبخ ..
..
متعب ..
قهرتني ابتسامتها .. اكيد انها متعمده ..
../ عن اذنك يمه ..
قمت متوجه لها .. و الشر بعيوني ..
×× ××
فياض ..
وقفت السياره .. لبست نظارتي الطبيه .. بغضب ../ انزلي وانتي ساكته ..
..
التفت اشوف المكان .. المكان ماني عارفته و لا باي حي ..
../ بروح لبيتنا الله يخليك لا تسوي لي شي ..
سحبني بقوه و دخلني العماره .. عارضته لكن بدون فائده .. ضربته لكن هو اقوى مني ولا افلتني ..
دخلني للشقه .. انجنيت وش يبي يسوي فيني ..
مسكت الابجوره بتهديد ../ ان قربت عندي والله لا اقتلك ..
سحبت من يدها الابجوره .. ارجعت على وراه .. لحظت لون عيونها بني فاتح .. اعرف هالعيون مو غريبه عليَ ..
رفعت نقابها بتاكد من اللي ببالي ..صرخت وانا ادقق بوجهها ..
../ وعــــود ؟!!.
×× ××
صلاح ..
سويت كوب شاي لي .. نايمه ماحبيت اصحيها وازعجها بطلباتي .. ناظرتها واقفه قدام باب المطبخ .. ببجامتها الناعمه .. شعرها على وجهها .. تتثاوب بنعاس ..
../ صباح الخير ياكيس النوم ..
..
دانه ..
صحيت و انا اسمع حوسه بالمطبخ .. رفعت شعري عن وجههي .. ببرود ووجهي مايتفسر
../ ثواني و الفطور جاهز ..
حط بكوبه ملعقة سكر ../ مابي شي راح اتاخر على الدوام ..
باسني على خدي ..
..
صلاح ..
طلعت مفتاح الباب ../ انتبهي لنفسك .. ان دقيت عليك ردي ..
هزت راسها بالاجابه ..
طلعت و سكرت الباب بالمفتاح قفلتين لو فيه ثالثه كان قفلته
..
..
دانه ..
ماشوف الدرب من النوم .. هالمشهد دايم يتكرر مدري لييه كل هالخوف و الحذر ..
حطيت راسي على المخده .. ونمت بعمق ..
..
×× ××
خوله ..
اخذت الكريم حق الحروق من الشغاله ..
مد يده لي المحمره .. يده كبيره مقارنه بيدي الصغيره ..
حطيت له الكريم ..
..
نظرتها بغضب ../ ان عدتيها ماراح يصير لك خييير .. قلت اقهرها .. والا تبيني اصير مثلك مشوه ..
..
خوله ..
مالت عليه مغرور على وش من زين حلايا هالوجهه ..
قلت اردها له .. البادي اظلم.. ناظرته من فوق لتحت ..
/ عدال يالمغرور مدري على وش !؟ .. يا ولد الخدامه .. ببرود .. من طق الباب سمع الجواب ..
..
جن اجنوني كل ولا احد يطري لي هالسالفه ..
قربت عندها بعصبيه و غضب .. تكلمت بين اسناني وانا امسك ذراعها لاحظت انها ألتمت على حالها جبانه بس لسانهاااا يبي له قص .. قلت بغضب ../ ترحمي على حالك ..
..
لا اله الا الله محمد رسول الله .. لا حول ولا قوة الا بالله العلي العظيم .. سبحان الله وبحمده سبحان الله العظيم .. سبحان الله .. الله اكبر .. الحمدلله .. استغفر الله واتوب اليه ..
انتهى البارت ...