الفصل 1
البــارت الأول ..
الصبح ..
طلبت فطور .. فرحان و مسرور أخيراً تزوجت .. أمس كانت أحلى لليله بعمري .. و إن شاء الله الجاي أحلى ..
جلست قدامي على الطاولة .. بعد ما أخذت شور .. دققت ببشرتها لونها مو واحد .. فيها بياض مو طبيعي على وردي .. بلعت ريقي الجاف قلت بغصة وغباء .. / خوله وش فيها بشرتك ..!!
..
رفعت عيوني له أحاول استوعب اللي قاله لي .. خبيت يديني بـ أكمام بلوزتي الواسعة .. لكن تذكرت اللي برقبتي ووجهي وش اللي يخبية عن عيونه ..
..
قلت و أنا ما أني متصور الجرح اللي جرحتها .. / فيك بهاق
..!!
..
ناظرته و شفايفي ترتجف .. ما استحملت نظراته المتفحصة .. حطيت يدي على وجهي .. / لا تناظر ..
دخلت لـ الغرفة ..
أجر خيبتي ورأي .. أي زوج هذا جرحني بصباحيتي زواجنا .. دموعي خذت مجراها على خدودي ..
..
سندت جسمي على عكازي .. طلعت متوجه لـ ...
ما كنت متصور أنها كذا تكرهني .. ما جاء على بالي ولا واحد بالمية أنها حاقدة علي لهـ الدرجة .. ما أني متصور اللي كنت أشوفه قدام عيوني .. الصدمة الجمتني ولا قدرت ابرر لها اللي قلته .. طلعت اهرب من هـ الموقف الغير متوقع ..
ابد أمس ما لاحظت أن فيها شي .. أمس غير كانت نفس الملاك .. بس اليوم أرعبني اللي بجسمها .. ولا قدرت امسك لساني عن سؤالها ..
رجعت بـ أفكاري لـ قبل سنتين ..
دخلت لغرفتي .. ومعها بنت أختي الكبيرة .. صغيره عمرها خمس سنين ..
... / متعب ودنا للسوق .. أنا و شوق ..
ناظرتها بحدة .. / وين زوجك ؟!!.
... / بـ الإستراحه مو جاي بـ ينام هناك .. قالت تكسر خاطري .. تكفى ما بقى شي على العيد ..
متعب قلت انهي النقاش .. / مالي خلق والعيد بقي له أسبوعين .. و فوق كل ذا راسي مصدع
.. اطلعي برى بنام ..
طلعت تجر خيبتها .. حطيت ذراعي على وجهي بنام مرهق وتعبان من الشغل .. أدور الراحة بهـ الساعات القليلة..
ماجات دقائق الا الباب ارتطم بالجدار ..
فزيت بخرعة .. ناظرت اللي أزعجني وحرمني لذة النوم ..
جاني صوتها الغضبان .. / مــتــعــب ..
خواتي الثنتين و راها .. اللي مبتسمة و اللي جايه شماتة
..
قمت احترام لها و أنا عارف وش اللي جايبها .. / لبيه .. قلت بغصة بحلقي .. من الكلمة .. يمه ..
خزنه بـ أمر .. / خذ خواتك لسوق .. ما أنت شايفهن يتيمات و مسكينات .. ورك قلبك حجر منت عارف أن ما بقى على العيد شي ..
رفعت يدي لشعري الناعم يصل لأخر رقبتي .. تمتمت بغبن .. / محدن مسكين ألا أنا .. بصوت واضح .. يالله بالحقكم لسيارة ..
طلعت بدون لا أغير بجامتي .. ولا التفيت لهم اسمع جوابهم .. هرولت لسيارتي اختلي بنفسي .. من الهم اللي بقلبي ..
حطيت راسي على دركسون السياره بتعب .. سمعت الباب يتسكر .. رفعت راسي ألا أشوفهم بالسيارة ..
قلت بدون نفس .. / وين تبون ..
أنطقت الصغيرة .. / سوق الـ.....
ناظرتها من المرايا بقهر كأنها تتعمد تقهرني ..
/ المكان بعيد اختاروا سوق أقريب ..
أختي الكبيرة / أغراضنا كلها هناك ..
بزمجرة و قهر ../ الأسواق كلها مثل ألشي بس انتو تبغن اتعب زيادة على تعبي اففف منكم ..هم على القلب ..
توجهت للمكان المطلوب ..
السيارة تضج بـ سوالفهم السخيفة بنظري .. و أصواتهم المرتفعة ..
مسرع بالسواقة بس أبي أوصلهم و أنام لين يجون ..
فركت عيون النعاس ذبحني .. طولت على صوت المسجل .. عشان يطير النوم عني .. طلعت الشريط .. مديت يدي أدور على شريطي المفضل ..
أصــوات متفاوتة .. / متعب انتبه ..
../ ابعد عنــها ...
فجاءه ما حسيت ألا بـ ........
انتهى البارت