الفصل 29
29
📚 😍 📜
( ابتليت بحبك جعله يبتليك )
📖🖌 @storykaligi 💕💞
** الصبح
فتحت فوز عيونها حست بحركته وراها لفت شافته قام
فوز:صباح الخير
جابر:اووه صحيتني صباح النور
فوز*ابتسمت*:مروقه
جابر:حلو يﻻ همتك قومي سوي الفطور
فوز:هههههههه ﻻ نطلع نفطر برا
جابر:الحساب عليك؟
فوز:ههههه اي
جابر*ابتسم*:اجل بشبع ههههه يﻻ
ابتسمت فوز وقامت بسرعه وجابر راح يبدل طلعت فوز وبدلت وجت بتاخذ عباتها شافت جوالها في مكالمات من غاليه
واتصلت عليها
فوز: good morning
غاليه: وجعه وينك من امس
فوز: نايمه
غاليه:هذي اللي بتذبحني
فوز:ههههههه ليش؟
غاليه:رحت لحنان امس
فوز:اي شفيها ووينها؟
غاليه:قولي وش مافيها .. اسمعي انا مستعجله كلمي ابتهال يمكن تعرف
وسكرت وفوز انقهرت ولفت لجابر
فوز: بأخرك شوي بكلم ابتهال
جابر:اوك انا تحت
ابتسمت فوز وكلمت ابتهال ونزل وهي جلست تناظر له لين اختفى
وكان جوال ابتهال مقفل تكدرت وتذكرت ان معها رقم كيان واتصلت فيها وردت وهي فيها نوم
فوز:كيان اسفه بس ابغى ابتهال ضروري وجوالها مقفل
كيان:طيب دقايق
واخذت جوالها واتجهت لجناحهم وطقت الباب وتنادي
كيان:ابتهال
ابتهال قامت بسرعه من نومها خافت وفتحت
ابتهال:ايش؟
كيان مدت الجوال وهي فيها نوم اخذته وهي مستغربه ورجعت كيان ورجعت ابتهال وانسدحت وشافت المتصل *فوز*
ابتهال*صوتها فيه نوم*:هاه
فوز:هههههه هﻻ هﻻ صحيتك
ابتهال:اي
فوز:قومي صحصحي شلونك
ابتهال:اخلصي وش تبين
فوز:قومي اقول
ابتهال:كم الساعه
فوز:مم بحايل 9 ونص وانتم؟
ابتهال:9؟ *تذكرت وشو اليوم وقامت بسرعه*
ابتهال:يﻻ يﻻ باي بتجهز
فوز:دقيقه وش فيها حنان
ابتهال:ماادري وش فيها؟
فوز:ع بالي قالت لك
ابتهال:ماقالت لي وش فيها
فوز:طيب سﻻم
ابتهال:باي
وسكرت وقامت تركض وراكان كان جنبها مسوي نفسه نايم وهو يسمع كل مكالمتها وكاتم ابتسامته
لما تاكد انها دخلت تغسل لف لجهتها واخذ.مخدتها وشم ريحتها وتنهد ورجعها ولف يطقطق بجواله شاف صورهم لما كانو بالرياض وتضايق ورمى جواله وقام انتظرها لين طلعت وعيونهم ببعض صد عنها ودخل وهي مااهتمت وراحت تلبس
وتتجهز قبل يمشون للمزرعه ..
- مكان الحفلة
📖🖌 @storykaligi 💕🍃
الساعه 11 الكل جاهز ببيت ابو راكان والبنات معهم كل وحد شنطتها الكبيره
ركبو مع ابو راكان
( ام راكان وكيان وتولين )
وسلطان لحاله بسيارته
اما راكان ينتظر ابتهال متنرفز
نزل لها وشافها جالسه بالصاله واستغرب
راكان:هي وش مجلسك يﻻ مشينا
ابتهال:جالسه انتظر الكوافيره بتكلم ع تلفون البيت
ناظر راكان التلفون: وش دخلنا حنا
ابتهال:الحرمه وماتعرف المزرعه وﻻ تدلها بنتظرها وتلحقنا
راكان:وش ذنب ابي واهلي ينتظرونك برا
ابتهال:قولهم يمشون
راكان: دلع
وطلع وابتهال مااهتمت وجلست تنتظر وراكان طلع قال لهم يمشون وهم يلحقونهم
ورجع دخل وجلس بالصاله وينتظر
وابتهال ماتناظر له
رن التلفون وقامت ابتهال بسرعه وردت
ابتهال:الو ..... اي انا ....... اوكك ي قلبي جايينك خلك عند الباب... باي
وسكرت لبست لثمتها ونظاراتها وطلعت وراكان تنرفز انها ماعبرته وطلع وراها وسكر الباب وطلع لقاها تتكلم معها قدام سيارتهم والرجال اللي بالسياره ينظر قرب لهم ومسك يدها ولفت ابتهال له وسحبت يدها
ابتهال:بتكلم بموضوع خاص ممكن تبعد
راكان*تنرفز*:بسرعه
وابعد وابتهال تكلمت ولما خلصت سلمت عليها وركبت السياره وراكان ركب
راكان:جايز لك الرجال يشوفك
ابتهال:الله يشفيك
عصب وصد عنها ومشى بسرعه والسياره وراهم
.
.
بمكان ثاني كانت تشوفهم من الدريشه وتكلم
فتون:اووووف اليوم مسوين الحفل
اسيل:روحي للحفل ﻻتتركينهم
فتون:وانتي بتجين؟
اسيل:طبعا
فتون:تسلمين يﻻ انتظرك
اسيل:اوك
وسكرت وراحت تجهز نفسها
.
.
طول الطريق كانو ساكتين وﻻ تكلمو وابتهال صاده عنه وراكان يناظر لها ويصد ويفكر
.
وصلو المزرعه اول ماوصلو استقبلتهم تولين وكيان وفتحو الباب لابتهال ومسكو يدها
ابتهال:ههههههه وش فيكم
تزلين: بنوريك شي يﻻ يﻻ
كيان:بسرعه
ابتهال*لفت لراكان*:شوف اللي ورانا
ومشت مع االبنات وراكان همس
راكان:حاصر ماما
وصد وشاف السياره وقفهم ونزلت الكوافيره واشر لها تروح ورا البنات
.
.
عند البنات سحبو ابتهال بسرعه وفتحو باب غرفه قدامها كانت جميله والوانها رايقه والهدايا فيها
ابتهال*اعجبتها*:الله خيال
كيان:غرفتكم
تولين:هالليله غير لكم
ابتسمت ابتهال لهم وببالها تقول خير
وسمعو صوت راكان وراهم ولفو له ..
101 ....
📚 😍 📜
( ابتليت بحبك جعله يبتليك )
📖🖌 @storykaligi 🔮🍃
راكان : ايش هذا؟
تولين:انا وكيان رتبنا هالجو لكم
راكان*ناظر للغرفه*:سخافه وربي
واختفت ابتسامه ابتهال
تولين: وجع .. زين؟ ووجعتين بعد
راكان:ليش زعلتي الا سخافه
ولف بيرجع
تولين:قسم بالله السخيف انت تشوف ابتهال مستانسه فيها سخيف
مارد عليها ومشى ولحقته كيان
اما تولين لفت لابتهال:ماعليك منه
ابتهال*ابتسمت*:ماهمني رائيه .. يﻻ نتجهز؟
تولين*فرحت*:يﻻ
ودخلو الغرفه ونادو الكوافيره معهم
.
.
عند كيان مسكت راكان بقوه
راكان:نعم؟
كيان:نعم هاه؟
راكان:اخلصصي وش عندك
كيان:بعرف ليش تعامل ابتهال كذا قدامنا
راكان : كيف عاملتها
كيان:ﻻتستهبل البنت تضايقت منك
راكان:شسوي لها دلع بنات
كيان:راكان وش فيك مو هذي البنت اللي تحبها وماترضى احد يزعلها
راكان:وﻻزلت احبها وماابي احد يزعلها
كيان:طيب وش تفسر اللي سويته؟
راكان:عقاب
كيان:ايش
راكان: ماسمعتي .. يﻻ بلحق ع ابوي قبل يشب النار
وتركها وراح وكيان مابيدها حيله رجعت للبنات وكملو يتجهزوون مع بعض
.
.
باليل الساعه 7
المزرعه كانت مليانه من الناس وابتهال جاهزه بغرفتها
طالعه جنان بمعنى الكلمه بفستانها وجالسه ومرتبكه
دخلت عليها - ام محمد- جده راكان وابتسمت لها ابتهال
ام محمد: ماشاءالله عليك
ابتهال:تفضلي حياك
ام محمد جت وجلست جنبها:اقري ع نفسك
ابتهال:ان شاءالله
ام محمد*مسكت كتفها*:البنات اللي بمكانك معهم امهاتهم وانا امك وام راكان امك وراكان عضيدك
ابتسمت ابتهال ونزلت راسها:انتم ع عيني وراسي وربي اتشرف فيكم بس امي وحده وماتت والله يرحمها
ام محمد:الله يرحمها بس تذكري اني احبك مثل بنتي واتمنى لو انك بنتي
ابتهال:عساني ماانحرم منك
قامت ام محمد وضمتها وابتهال بادلتها
ام محمد:يﻻ عاد انا بنزل لضيوف وانتي ﻻتنسين تقرين اذكارك تحصني
ابتهال:ابشري
وطلعت ام محمد وابتهال جلست وبدأت بااذكارها
.
.
بين الضيوف
فتون:هذي اخته كيان وذيك اخته تولين
اسيل:اها حلوات
فتون:بس مو مثلي
اسيل:ههههههه طيب و وين امه
فتون:ذيك المتحمسه
اسيل:طيب متى يدخل؟
فتون:ماادري بس مااقدر اشوفهم مع بعض
اسيل:وﻻ يهمك عندي لك فكره بس انتظري علي
فتون:وه احبك
ابتسمت اسيل وكملو يحشون ..
📖🖌 @storykaligi 🔮🍃
طق باب غرفه ابتهال
ابتهال:تفضل
دخلت بنت مبتسمه ووقف ابتهال وابتسمت
البنت:ابتهال ي جمالك
ابتسمت ابتهال:تسلمين
البنت:وانا اسيل
ابتهال:ممم ماعرفتك للاسف
اسيل:افا
ابتهال: ههه اسفه والله ذكريني
اسيل:انا اللي اول ماعرفتي راكان حذرتك منه
ابتهال تذكرت كل شي واخذت نفس
اسيل:ذكرتيني صح
ابتهال:صح حبيبتي
اسيل:بس ماشاء الله للحين واثقه فيه؟
ابتهال : حبيبي وزوجي شلون مااثق
اسيل : طيب اسمعي انا المره الاولى حذرتك انه يكلم بنات هالمره بحذرك انه متزوج قبل بالسر
ابتهال عقدت حواجبها
اسيل: وحده اسمها فتون بنت عمه مااعرفها بس اللي اعرفه انه متزوجها
ابتهال*خنقتها العبره وامتلت عيونها دموع وماقدرت تاقف اكثر وجلست*
اسيل:انتبهي منه تراه كذب علي قبلك وعيشني حلم
ابتهال*اخذت نفس وصوتها يرجف*: برا
اسيل: أنا
ابتهال*صرخت*:برااا
اسيل:براحتك
وطلعت وابتهال سكرت عيونها وتحاول تمنع دموعها وابتسمت بحرقه ووقفت تناظر نفسها بالمرايه وبنفسها تقول *ماراح افشلك ي راكان اليوم بس الوعد بكرا*
وتنهدت وطق الباب ودخلت تولين
تولين:ليش صرختي؟
ابتهال: انا؟ ماصرخت
تولين:اووف خفت يﻻ ابتهال تجهزي راكان بيطلع لك بعد شوي وتنزلون مع بعض
ابتهال*مﻻمحها جامده*:جاهزه
طلعت ودخل راكان عليها وسهى بشكلها كانت جميله قرب لها وابتسم وصدت عنها تعدل نفسها تضايق منها ومسك يدها غصب
ابتهال:وش فيك؟
راكان:ننزل؟
ابتهال:طيب
وطلعو ماسك يدها ونزلو ع اجواء روعه وصوت اغنيه رايقه والاضاءه خافته كان الجو جميل وهم مبتسمين ويناظرون الحاضرين
اسيل:يمه تقهر وﻻ همها
فتون:قلت لك بتذبحني هالبنت
اسيل:اووف منها لزقه
راكان همس لها:ابتسمي ابتهال
لفت وابتسمت له ورجع الابتسامه وجلسو ع الكوشه وبدأت اغنيه ثانيه
تولين قربت لهم:راكان قوم سو جو
راكان:كيف؟
نولين:ارقص
ابتهال:ههه
راكان*لف لها*:ﻻتضحكين
ابتهال:ي اخي متناقض
راكان:كيفي
ووقف ومسك يدها وقفو
وجت كيان معها صندوق صغير وفتحته كان عقد الماس وخاتم وحلق
وابتسمت ابتهال
واخذ الخاتم ولبسها وناظرو بعيون بعض
ابتهال:ليش خاتم ثاني شوف معي خاتمك الاول
راكان*قرب لها وهمس*:الاول يثبت لك انك اخذتي قلبي وهذا يأكد لك انك اخذتي عقلي معه
استحت ابتهال من جد نست كلام اسيل وابتسمت بحب له
باس يدها واشتغل المجلس تصفيق وحماس
وشغلت تولين اغنيه حماسيه
واشر راكان لكيان انهم بيطلعون ومسك يدها وطلعو
والناس مشتغله حماس ..
🔮📖🖌 @storykaligi 📖🖌🔮
🍃🔮
🔮🍃🔮102 ....
📚 😍 📜
( ابتليت بحبك جعله يبتليك )
📖🖌 @storykaligi 🔮🍃
* طلعو من قدام الناس وهو ماسك يدها ولما دخل الغرفه وسكر الباب سحبت ابتهال يدها منه وراكان استغرب
ابتهال:اوف اخيرا" خلص المشهد
راكان:اي مشهد؟
ابتهال:التمثيلي اللي قبل شوي
راكان:شلون يعني
ابتهال:يعني اطلع ببدل مﻻبسي وبنام
راكان*عقد حواجبه*:فيك شي انتي؟
ابتهال:ﻻ انت اللي فيك شي .. ناسي بوضعنا قبل هالليله
راكان:انتي قلتيها قبل يعني قبل
ابتهال*ابتسمت*:ع طاري قبل .. تدري من كان عندي قبل شوي
راكان:من؟
ابتهال:الحب قبل ههههههههه اسيل حقتك
راكان*انصدم*: ايش
ابتهال: شفت كيف القدر يجمع جايه من الرياض عشان تعلمني انك متزوج فتون .. كنت بقول لها ادري بس خفت اكسر خاطرها هههههههه
راكان*عصب وسحبها بقوه*: تكلمي زين وش هالكلام
ابتهال*جمعت قوتها*:مثل ماسمعت
راكان:وصدقتيها؟
ابتهال:صدقتك انت قبلها صدقتك لما قلت انك عندها ذاك اليوم .. انت ماتكذب علي
راكان*بضيق*: ماكنت بوعيي لما قلتها كنت تحت تاثير غيرتي عليك
ابتهال: بس قلتها وانا من يومها قلبي ماهجد دايم ودقاته توجعني
راكان:ابتهال ان..
ابتهال: خﻻص راكان من جد مصدعه اطلع
راكان: ماراح اطلع اسمعيني الى متى وكلامنا فتون واسيل هاه
ابتهال:الى ماتترك كذبك علي
راكان:انا ماكذبت ي بنت
ابتهال *اتجهت للباب وفتحته*: لو سمحت بس ببدل وادخل
راكان تنهد وطلع وسكرت الباب ودمعت عينها ونزلت فستانها ولبست بجامتها وهي متضايقه وجت بتنام بس ماقدرت تتقلب وفتحت الباب ونادت تولين وجتها
ابتهال: من باقي؟
تولين: كلهم راحو وباقي عمامي بس
ابتهال:يصير اطلع برا بشم هوا
تولين:طبعا يﻻ انا معك
ونزلو مع بعض للحديقه بالمزرعه وجلست ابتهال تتنفس بقوه وحست تولين ان بها شي بس ماتكلمت
ابتهال:تولين اتركي....
كانت بتكمل بس انصدمت لما شافت راكان ماشي لهم ووقفت قدامه فتون تتكلم
ابتهال*عصبت*: خير وش تبي ذي
لفت تولين وشافتها وعصبت
مشت ابتهال بسرعه لهم ومسكت يد راكان وابعدته دفت فتون بقوة وقربت لها وضربتها
فتون: هي عمى شفيك
ابتهال:نفسه انا مريضه خير وش تبين؟
فتون:واضح اصﻻ
ابتهال ماتحملت وكملت تضربها بااي مكان توقع عليه يدها وفتون تصرخ وتولين وراكان ضحكو
فتون:مرض
ولفت ومشت بسرعه
ابتهال:تعالي تعالي لو بنت ابوك تعالي
راكان:ههه راحت
ابتهال:انت جب.. ليش تتكلم معها
*تولين سحبت نفسها وراحت*
راكان: ماامدى نتكلم ع طول جيتي
ابتهال:تكلمو ببيتكم
ولفت ومسكها راكان وسحبها له بقوه وصارت بحضنه
راكان:مالي بيت غير اللي يجمعني معك
ابتهال سكتت
وضمها راكان:ﻻ فتون وﻻ طوايفها يسوون عندي ابتسامتك بس ..
📖🖌 @storykaligi 🔮🍃
ابعدت عنه ابتهال ووقفت تناظر فيه وراكان مبتسم
ابتهال:وش سويت
راكان*ابتسم*:تبيني اعيد اللي سويته
ابتهال*ارتبكت*:بنام
راكان:اوك وانا بنام
ابتهال:راكان دور لك مكان بقسم الرجال ونم ﻻاشوفك جاي وراي
راكان*رفع حواجبه*:احلفي بس .. ي قلبي غرفتي مثل ماهي غرفتك
ابتهال:بس المزرعه فيها عمامك خلك عندهم
راكان:شبعان منهم
ابتهال:اذا لحقتني ترى بنام بغرفه كيان وانت خلك بالغرفه
راكان*قرب لها*:ابتهال وش فيك
ابتهال:مافيني شي بس مو انا اللي انسى بهالسهوله
راكان تضايق وماعرف وش يقول
ابتهال صدت ومشت وهي مبتسمه
راكان:ابتهال
لفت له
راكان: واثق فيك لدرجه اني نسيت رسالتك ومكالمات طلال لك وادري انه لشي ثاني انا مااعرفه
ابتهال اوجعها قلبها عليه
راكان: عارف اللي بقلبك لي وعارف انك قد هالثقه
ابتهال*ميلت راسها وابتسمت*
راكان:بس انتي عكسي
ابتهال:ﻻ مو كذا ..
راكان:اجل وش تفسرين تصرفك
ابتهال*ابتسمت*:ممممم
راكان ينتظر ردها
ابتهال:ماراح ارضى وارتاح الا لما فتون تبعد عن طريقنا وانت بتبعدها
راكان:واكسر راسها بعد
ابتهال:ورنا
ومشت
راكان تنهد ومشى لقسم الرجال.
.
.
بحايل
ببيت جابر
فوز واسماء جالسات قدام التلفزيون وجابر مع امه
اسماء:اعشق هالمسلسل
فوز:وفي مسلسل نفسه بس الوجيه غير
اسماء:هههههههههه هذا هم نفس القصه بس الممثلين غير
جابر:يمه تشوفين سخافه تفكيرهم ..وع شلون تشوفون مسلسلات
اسماء:كيفنا
جابر: الله من السخافه
ام جابر: وانت وش دخلك فيهم
جابر:اوجعو كبدي
ورن جواله
فوز:هاللي اتصل رحمنا
جابر*ابتسم لها*:طلع لسانك هاه
فوز:هههههههه
ورد وطلع
جابر:هﻻ
حمد:ياهلابك شلونك
جابر:بخير شلونك انت يالله ي قدمك
حمد: لنا الله
جابر:ههههههههه
حمد:جد والله ليش ماتتصل تسأل نسيتنا مره وحده
جابر:مشاغل والله
حمد:الله اكبر .. المهم متى تجي الرياض
جابر:الاسبوع الجاي ليش؟
حمد:انا راكان قايلي اراقب هالطلال وانت نسيبه ابيك تعطيني اخبار عنه
جابر:ليش
حمد:ماادري بينهم مشاكل
جابر:لو يذبحه ماالومه
حمد:انا اشهد
جابر:خﻻص اذا جيت انا اراقبه لكم واشوف وش بتسوون فيه
حمد:دامه يشرب فااكيد بنبلغ
جابر*تنهد*:زين .. يﻻ تبي شي
حمد:سﻻمتك
وسكر ورجع للبيت ..
103 ....
📚 😍 📜
( ابتليت بحبك جعله يبتليك )
📖🖌 @storykaligi 🔮🍃
* رجعت ابتهال
كانت بتدخل من الباب الرئيسي بس شافت انها ﻻبسه بجامه وماتمون ع عمام راكان لفت بتدخل من الباب الخلفي
سمعت صوت وكأن اثنين يتخانقون خافت شافت مكان راكان كان رايح مو فيه ومشت صوب الصوت شافت اسيل وفتون وشهقت وحطت يدها ع فمها
فتون كانت تبكي واسيل متكتفه قدامها
فتون: اقولك ضربتني قدامه فاهمه كنت بتكلم معه ماامدى اقول السلام الا وهي ضاربتني
اسيل:طيب ليش تبكي اهدي
فتون:ماراح اقدر ارجعه لي ماراح اقدر كذبت وكذبتي وﻻ استفدنا هي ﻻزقه فيه
اسيل:عندي طريقه وحده واخيره بس
فتون:نذبحها؟
اسيل:هههههه ﻻ ي غبيه نفضح عﻻقتها بريان قبل ونفضح اسمها وكل شي
ابتهال من سمعت هالكلام انصدمت وكانت بتدخل عليهم بس مسكت نفسها
فتون:طيب سوي اللي تبين
اسيل:خلي كل شي علي
ورجعت ابتهال بسرعه قبل يشوفنها وركضت لداخل وتتنفس بسرعه وهي ترجف كلامهم خﻻها شوي وتبكي فكرت وش تسوي وركضت لغرفه كيان ودخلت كيان كانت تبدل مﻻبسها بالحمام
كيان:مين دخل؟
ابتهال:انا ابغى جوالك
كيان:شوفيه ع التسريحه
ابتهال:طيب
واخذتها وهي ترجف وشوي ويطيح من يدها وكلمت راكان وسكرت ع نفسها غرفتها
ومارد
كلمته اكثر من مره وبالنهايه رد
راكان:غثيثه
ابتهال:راكان هذي انا
راكان:ابتهال؟
ابتهال:تعال بالاسطبل بسرعه ابي اقولك شي
راكان:وش بتقولين يعني
ابتهال:بتجي واﻻ كيف
راكان:طيب شوي وجااي
وسكرت الجوال ورجعته لغرفه كيان *وكان فيه كوب ماء اخذته وشربته حست انها بدت تهدى شوي*
وطلعت للاسطبل.
.
نروح لحنان اللي بغرفتها. وتحس انها اختنقت قامت وفتحت النافذه شافت السيارات قدام بيتهم كالعاده اصدقاء ابوها خافت يدخل عليها واحد نفس مادخل طلال ورجعت للباب وتاكدت انه مقفل وسكرت النافذه وجلست ع سريرها تفكر بحالهم
وفجاءه طق الباب بقوة وبسرعه وخافت
حنان:نعم؟
نوره: هذا انا بسرعه افتحي
حنان:خير وش تبين
نوره:بسرعه حنان بسرعه
ترددت تفتح واﻻ ﻻ بس جمعت قوتها وفتحت ودخلت نوره بسرعه وسكرت الباب وقفلته
حنان:وش فيك؟
نوره*بكت*:ابوك
حنان:وش سوى بعد
نوره:دخل خوياه للمطبخ
حنان شهقت
نوره:اخخخ بس اخخ
حنان*بقهر*:انا راح اوريك فيه
نوره:وش بتسوين
حنان:انتظري وبتشوفين
وجلست ع سريرها ونوره جلست جنبها
وحطت يدها ع فخذ حنان وضغطت عليه
وحنان حطت يدها ع يد امها ..
📖🖌 @storykaligi 🍃🔮
الساعه كانت 12 بالليل
وصل راكان للاسطبل وتلفت شافها جالسه ع الكرسي ومتوتره
قرب لها
راكان:ابتهال
لفت له وناظرت له شوي وبعدها قامت ووضمته بقوه
راكان*بهمس*: وش فيك
ابتهال:ماادري ﻻتسألني الحين
راكان*ابتسم وضمها*:طيب ماراح اسأل بس اهدي
ابتهال ضلت ضامته وقت طويل وبعدها ارخت يدها ونزلتهم
راكان*ابعد شعرها عن وجهها*: قولي اسمعك
ابتهال:اول شي انا غبيه صدقتها فيك
راكان*ابتسم*:ايه هذي عارفها
ضربته ابتهال:وجع
راكان:ههههههه طيب كملي
ابتهال:قبل شوي لما تركتني ورحت *وقالت له كل السالفه وراكان عقد حواجبه*
راكان: متاكده اسيل مع فتون واﻻ ملخبطه
ابتهال:متاكده راكان
راكان صد عنها واخذ نفس يفكر وابتهال تناظر له
راكان:شلون اسيل وفتون مو مصدق شلون وصلو لبعض
ابتهال:ماادري بس اللي اعرفه انهم بيفضحوني
راكان قرب لها ومسك يدها:ماعليك واصﻻ سالفتك مو فضيحه
اسيل:الا فضيحه
راكان تضايق وضمها
راكان:خﻻص انا اشوف لهم حل ماعليك
ابتهال:شلون
راكان:بتشوفين
سكتت ابتهال وسكرت عيونها وهي تحس انها بااريح مكان لها
.
.
عند فتون واسيل دخلو للحريم داخل
ام فتون:يﻻ فتون نمشي ؟
فتون: ﻻ يمه ابوي يقول بنام هنا
ام فتون:جد ماسمعته؟
فتون:قالي انا
ام صقر*اخت ابوراكان*:خﻻص اصﻻ الوقت تاخر خلونا ننام هنا احسن
ام راكان:تشرفون
تولين صدت وهي متقرفه من فتون واللي معها
اسيل: يﻻ اجل انا اروح
تولين: اي اي الحقي بيتكم
اسيل:انتي من تكلم معك
تولين:ي هوه ﻻتحارشيني قسم ﻻالعن والديك هنا
اسيل:والله ماتكلمت معك ﻻتتكلمين
تولين*وقفت*: تكلمتي واﻻ ماتكلمتي هالمزرعه والمكان لنا وانا اولا اتكلم فيه سامعه .. وبعدين تعالي من انتي يوم تحضرين مناسباتنا هاه احد عازمك
فتون:انا
تولين:حلو حلو هذا اللي يقول تقع الطيور ع اشكالها
ام فتون:بس عاد
ام راكان:تولين
تولين:ﻻ ي قلبي انتم ع عيني بس هالادميه تنقلع
*تقصد اسيل*
اسيل:ابرك من مقابلك
تولين:اقول لا اوريك الشغل جد تقلعي
اسيل عصبت وجت بتطلع ع دخله ابتهال ماسكه يد راكان وناظرت راكان ورفع حاجبه
راكان:هذي من عازمها؟
فتون حطت يدها ع فمها من الخوف
اسيل ناظرت ابتهال من فوق لتحت
ابتهال:خير؟