الفصل 26
26
📚 😍 📜
( ابتليت بحبك جعله يبتليك )
📖🖌 @storykaligi 🎀🍃
* رن جوال راكان وناظر له وتنهد ورد
ابتهال:وينك راكان؟
راكان:هﻻ حياتي بغيتي شي؟
ابتهال:ﻻ بس بشوف وينك طلعت معصب
راكان*ببحته*: ﻻتخافين بشوف ابها من زمان عنها
ابتهال:ي خاين ليش مااخذتني
راكان:هههههه خﻻص بكرا اخذك تمام؟
ابتهال: تمام .. انتبه لطريقك
راكان:ابشري
ابتسمت ابتهال وسكرت ورجعت للبنات
تولين:ايه بس تصدقين ابتهال راكان اذا عصب اول مستحيل يرد ع احد بس سبحان مغير الاحوال
ابتهال:ههههههه بعرف انتي ليش شايفه راكان الانسان العصبي
تولين:ﻻنه كذا وربي قبل يعرفك كان شخص غير
كيان:مو بذيك الدرجه
تولين:الا والله تذكرين لما ينحط بموقف كذا مع فتون كان يخانقنا حنا بس الحين طلع بدون مايتكلم
ابتهال: ووش ذنبكم انتم
كيان هزت كتفها بمدري
ابتهال:غريبه
ام ركان:خلوكم من هالكلام وتكلمو بشي سنع
تولين:يمه بسألك ماتنرفزك حركات فتون
ام راكان:تنرفزني وبس تقهرني بس مااقدر اسوي شي
ابتهال تضايقت من كلامهم وحست ان فتون مو سهله ابد
.
.
فتون دخلت الغرفه
اسيل:ايوه وش صار
فتون:ابوي يقول بيسون زواج ثاني هنا
اسيل*انقهرت*: ماتستاهل هالادميه مدلعينها بشكل
فتون:اسيل خلينا منها انا مااتحمل اشوف راكان مع احد ثاني
اسيل:طيب خﻻص خليها علي وبحاول احلها لك
فتون جلست ومتضايقه اما اسيل تناظر لها بحقد
.
.
باليل الساعه 8
بالرياض
جابر:خلصتي فوز؟
فوز:دقيقه
جلس يطقطق بجواله وطلعت فوز عليها عباتها
فوز:يﻻ
جابر:وين وين
فوز:بنمشي
جابر:ﻻ حبيبتي قبل اشوف لبسك مافي مشي
فوز:ههههههه طيب بدينا حركات زمان
جابر*بثقه: يﻻﻻﻻ
فوز فتحت عباتها وهي تضحك كانت ﻻبسه بنطلون وبلوزة طويله شوي
جابر:ممممم
فوز قربت له ومسكت يده وقومته
فوز:قوم مو وقت تفكر
جابر:ههههههه طيب طيب
وقام ومسك يدها وطفى الانوار وطلعو من شقتهم ع بيت ابراهيم ..
🎀🍃 شخصيات ..
فتون عمرها 20 وحيده ابوها وبنت عم راكان الوحيده اللي ماتزوجت ومقنعينها انهم لبعض هي وراكان عشان كذا تعلقت فيه حيل .. ماعندها صديقات واسيل من جتها تعلقت فيها وصدقتها.. مايهمها الا نفسها ..
.
📖🖌 @storykaligi 🎀🍃
وصلو جابر وفوز بيت ابراهيم ونزلو
وجو بيدخلون سمعو صوت وراهم
طلال:وين وين؟
لفو له
فوز:طلال وش قاعد تسوي هنا
كان جالس ومرتكي ع كفره سيارته
طلال:اشم هوا
فوز:طلال اصحى ع نفسك وش فيك هذا مكان تجلس فيه بذمتك؟
طلال:طيب طيب وين داخلين؟
جابر:لداخل لوين يعني؟
طلال: فوز واختنا بس انت ليش داخل ع بالك البيت مافي غير زوجتك؟
جابر:طلال تدري ماراح اجلس بين الحريم قم اصلب طولك وخلك رجال
طلال:نعم نعم بتعلمني المرجله يعني
جابر تنهد وحاول يهدى وناظر لفوز
جابر:ادخلي وانا جايكم
ودخلت وهي تناظر لطلال
طلال:انت ماتفهم اقولك ماراح تدخل
جابر*قرب له*:طيب قوم
طلال: مابي
جابر شك بوضعه وقرب له وسكر عيونه بقوه بعد ماشم الريحه ..
جابر:انت شارب مو
طلال:انطم
جابر تنرفز منه ومسك يده بقوه وقومه
طلال:اتركني اقولك
مارد عليه ودخله للبيت وسكر الباب واتجه لمجلس الرجال ورماه ع الكنب
جابر:انت هي راضي بحالتك؟
طلال:كيفي
جابر:قسم بالله ماتستحي فشلت ابوك قدام جيرانه
طلال:هو كسر قلبي هو ضربني هو اللي بدا
عقد جابر حواجبه
طلال:ليش الحب عيب ليش حظي كذا ماحبيت الا ابتهال ليش
جابر فتح عيونه بقوه بعد اللي سمعه وقرب له ومسك ثوبه من فوق
جابر:ايش تقول انت
طلال:شفت شفت حتى انت بتضربني
دفه جابر بقوه وابعد عنه ومسح جبينه حس بقهر بعد كلامه ابتهال زوجه راكان كيف يحبها .
.
باابها
رجع راكان ودخل البيت وسمع صوت يناديه بالحديقه ولف وابتسم
راكان:وش جايبك بهالبرد؟
ابتهال:انتظرك ليش تأخرت
قرب لها راكان ووقف قدامها
راكان:قلت لك بتمشى
ابتهال*نزلت راسها*: بس وربي خفت عليك طلعت وانت معصب
ابتسم راكان ورفع راسها وابعد شعرها عن وجهها
راكان*بهمس*: بس جيت
ابتهال*ابتسمت*:الحمدلله انك جيت
ناظر راكان عيونها وضمها
وتولين تشوفهم من دريشه المطبخ
تولين:ضمها ضمها
كيان*ضربتها*: عيب ي خبله ﻻتشوفين
تولين:ياه ي جمالهم
سحبتها كيان بقوه وسكرت الدريشه
تولين:خليني اشوف ي دب
كيان:ﻻ عيب
تولين:اوف منك معقده
ماردت عليها كيان وكملت شغل بالعشاء ..
89 ....
📚 😍 📜
( ابتليت بحبك جعله يبتليك )
📖🖌 @storykaligi 🎀🍃
* جابر: الله ياخذك قل امين
طلال:هاتو ابتهال ليش ياخذها
جابر*عصب*:بس عاد تراني بالقوه ماسك نفسي عليك ﻻاذبحك
طلال؛ اذبحني اذبحني
جابر ماقدر يتحمل ومسكه وبيضربه بس دخل ابراهيم
ابراهيم:وش فيه؟
جابر رمى طلال وطلال يون
جابر:نرفزني ي عم سامحني
ابراهيم:ااااخخخ بس وربي انا بذبحه من كلامه فشلني
جابر: وش رايك نوديه مستشفى الامل
ابراهيم: ﻻﻻ تكفى ي ولدي خله
جابر:بس لو سمعه راكان يقول كذا يمكن يذبحه وﻻ يسأل
ابراهيم:المصيبه انه سمعه
جابر*انصدم*:ايش
ابراهيم تنهد وجلس
جابر:والحل
ابراهيم:خلها ع ربك انا وامه ضاقت بنا الوسيعه
جابر مسك كتفه:خلك اقوى ي عم وطلال بيتعالج ويرجع احسن من قبل
ابراهيم:اخ ان شاء الله
وجابر جلس يناظر لطلال اللي تكلم مع نفسه لين نام
واخذ نفس
جابر: بدخل لعمتي كان ماعندك مانع
ابراهيم:ﻻ ابد بس خل اخذ لك طريق
وقام اخذ له طريق وغاليه طلعت غرفتها ودخل جابر لهم شاف فوز جالسه ونوف واقفه جنبها
جابر:شلونك ي عمه
نوف:بخير دامكم بخير
ابتسم جابر وجلس جنب فوز
نوف:ممم يﻻ انتظر شرح
جابر:اسمعيني ي عمه اول يوم بيني وبين فوز تكلمنا باامور قديمه وصراحه كلن تضايق .. صح اننا غلطانين بس هالبدايه هي اللي نبيها نبي نبدا بصدق والحمدلله تعديناها
فوز: يمه ﻻتكبرين السالفه جابر ماعرفته قبل الزواج الا بفتره الخطوبه صدقيني
وضغط جابر ع يد فوز
نوف:متاكدين
فوز:مو مصدقه
نوف*تنهدت*:ﻻ مصدقه مصدقه خﻻص
ابتسم جابر لفوز
جابر:يﻻ عاد انا بروح لعمي
نوف:زين واسفه
قام جابر وباس راسها
جابر:انتي مثل امي مابيننا هالكلام
نزف:عسى الله يسعدكم قول امين
لف لفوز وابتسم:امين
وطلع ونوف جلست جنب فوز
نوف:ضايقتكم صح
فوز:طبعا ﻻ .
.
باابها تجمعو الكل ع سفره العشاء وراكان معهم
تولين:راكانوه
راكان: وجع خير
تولين:حبيبي هنا سفره الحريم هناك سفره الرجال بالقسم الثاني روح روح
راكان:يمه شوفيها تطردني ترى ان قمت ذبحتها
ام راكان: وهي صادقه اول مره اشوفك معنا تتعشى
راكان*ناظر ابتهال:وش نسوي القلب عجز يبعد
ابتهال استحت:بس عاد راكان
كيان:راكان اذا ماقمت انادي ابوي
راكان:طيب طيب اووف
وقام
للقسم الثاني والبنات يضحكون عليه ..
📖🖌 @storykaligi 🎀🍃
بالرياض
خلصو عشاء
واتصل جابر بفوز
جابر:انتظرك برا
فوز:اوك دقايق
وسكرت ولفت لغاليه
فوز:كلمتي حنان؟
غاليه:ﻻ اصﻻ مسكره جوالها من امس
فوز:اووف ﻻيكون صاير معها شي
غاليه:ﻻ ان شاء الله
فوز:طيب اسمعي اذا اتصلت فيك علميني زين
غاليه:طيب
وسلمت عليها وطلعت
وركبت السياره
جابر:تاخرتي
فوز:ﻻ والله بس ت...
جابر:طيب طيب ﻻتسردين السالفه امزح
فوز رمت علبه المنديل عليه:ي سمجك
ورجع علبه المنديل عليها
فوز:حسابك بالبيت امش بس
جابر:نشوف ههههههه
ومشو لشقتهم ومن وصلو نسو كل شي ونامو من التعب
.
.
باابها
من تعشو قامو البنات وغسلو الصحون وابتهال معهم ودخل عليهم راكان بالمطبخ
راكان:جد جد انتو ماتستحون كيان وتولين؟
كيان:ليش؟
راكان:بنت توها متزوجه تكرفونها ليش
تولين:كيفنا صح ابتهال
ابتهال:ههههههه شوفو صراحه للحين مااخذت ع الوضع بس من اخذ ع الوضع اعرف شلون ارد
راكان:ي حياتي تشوفون تقول مااخذت ع الوضع وضع الدفاشه انتي وياها
كيان:اقول عاد يﻻ انت وزوجتك
راكان:افا كيان صرتي نفس تولين
كيان:ههههههههه شسوي ماتنعطى وجهه
راكان مااعطاهم وجه ومسك يد ابتهال
راكان:امشي ي قلبي ارتاحي لو تجلسين معهم ساعه صرتي مثلهم
ابتهال:ههههههههه سﻻم بنات اشوفكم بكرا
تولين:الله يعينك سﻻم
وطلعو غرفتهم ودخلو
واول مادخلت ابتهال رمت لفتها ومسك راكان يدها ولف له وكان حيل قريب لها
ابتهال:شفيك
راكان:بسألك سؤال بس
ابتهال:اسأل
راكان:انتي واثقه فيني؟
ابتهال*ابتسمت*:وش هالسؤال طبعا واثقه
تنهد راكان براحه:حلو ريحتيني
ابتهال:ليش هالسؤال
راكان:ﻻن فتون حركات فتون تفشلني وتبين ان بيننا شي
ابتهال ابعدت عنه وراحت لتسريحه تنزل اكسسواراتها
ابتهال:عقلي مو صغير اصدق هالسخافات
قرب لها راكان وضمها
راكان:عساني ماانحرم ياناس من اللي تفكيرهم كبير
استحت ابتهال وابتسمت له من المرايه
وبعدها نامو
وبكذا ينتهي يومهم الثاني باابها ..
90 ....
📚 😍 📜
( ابتليت بحبك جعله يبتليك )
📖🖌 @storykaligi 🎀🍃
الصبح ابتهال كانت لابسه ومتجهزه وشكلها تمام ناظرت نفسها بالمرايه واعجبها شكلها .. اخذت العطر ورشت ع فستانها ونزلت ولفت لراكان النايم ع السرير ابتسمت وقربت له غطته زين وباست خده وطلعت من الجناح ونزلت تحت لصاله معها لفتها وماكان فيه احد شافت بالمطبخ ام راكان تسوي الفطور
دخلت لها باابتسامتها
ابتهال:صباح الخير
ام راكان:ي هﻻ صباح النور ي قلبي وش مصحيك بدري
ابتهال:بشوف صباح ابها كيف
ام راكان:هههههههه طيب روحي شوفيه ع بال مااجهز الفطور
ابتهال:ﻻحقه عليه بساعدك
ام راكان:ﻻﻻ
ابتهال:افا خاله ماتبين مساعدتي
ام راكان:مو كذا بس
ابتهال:بس انا بساعدك يﻻ وش اسوي
ابتسمت ام راكان وخلتها تسوي نص الفطور ولما خلصو جلسو بالصاله
يفطرون
ام راكان:راكان وينه
ابتهال:نايم
ام راكان:اوه بس ي عيال خياش نوم
ابتهال :هههههههههههه
.....: ضحكونا معكم
لفو لصوت واستغربت ابتهال
ام راكان:هﻻ هﻻ فتون حياك افطري معنا
فتون*تناظر لابتهال*:هﻻبك ي خاله اصﻻ جايه افطر معكم
ام راكان:تعالي قبل يبرد الفطور
وجت وجلست قدامهم وطبعا بلثامها الشفاف وعباتها المخصره ومكياجها الزايد
فتون:ايوه واخبار زوجه ركون
رفعت ابتهال حاجبها من طريقه كﻻمها
فتون:اشوفك مروقه
ابتهال*ابتسمت تسلك*:الحمدلله
فتون: ووين راكان
ام راكان*تضيع السالفه تدري انها قليله حيا*:نايم نايم
فتون:زين
ام راكان: يﻻ اقوم اجيب لك كاسه
ابتهال:ﻻﻻ انا اقوم
ام راكان*قامت*: قمت انا خلك جالسه
ودخلت المطبخ
وفتون جلست تناظر ابتهال مثل اللي تفصلها وابتهال ماتناظر لها
فتون:ابتهال ال....
ناظرت لها ابتهال
فتون:اسمك الكامل كذا
ابتهال:اي ليش السؤال
فتون:ﻻ بس اسأل عن اللي تشاركني ب..
ابتهال*عقدت حواجبها*:باايش؟
فتون ابتسمت ورفعت يدها وباست الوشم اللي بااسم راكان وابتهال انصدمت بس مابينت
فتون:حلو مو؟
ابتهال:مممم ﻻباس
فتون:تدرين من كتبه لي
ابتهال:مممم ابوك؟
فتون:هههههههههه ﻻ ي غبيه ركون
ابتهال*تسلك*: اها حلو خطه راكان من يومه
تنرفزت فتون: هي اتكلم انا
ابتهال*ابتسمت*:خذي راحتك اسمعك
فتون:انتي سرقتيه راكان لي
ابتهال:بس صار لي
فتون:ماراح يطول
وقطع عليهم دخول ام راكان
ام راكان:فيكم شي
ابتهال:ﻻ ي خاله يﻻ انا بطلع اصحي راكان ﻻنام مايصحى الا بويلاه ههههههههه
، وفتون انقهرت
وابتهال ابتسمت لها وطلعت لفوق وفتون قامت بسرعه وطلعت وام راكان مستغربه منها ..
📖🖌 @storykaligi 🎀🍃
طلعت ابتهال الغرفه وهي منقهره وجلست تناظر راكان ماله ذنب تدري انها تكذب بس غارت رمت لفتها وانسدحت جنب راكان وحكت راسها ع صدره ماحست الا بيده تطوقها وتحضنها ابتسمت وسكرت عيونها
.
.
بغرفه فتون دخلت ورمت شنطتها وعباتها من القهر اللي فيها ووقفت قدام الدريشه وببالها تقول وينك ي اسيل هالخطه مانفعت معها ﻻزم اسوي شي اقوى اوف منها اوف عله
وجلست تراقب سيارته والباب وكل البيت تحس بقهر وبنفس الوقت حب لهالبيت
.
.
اما عند اسيل كانت متنرفزه من فتون ورن جوالها وردت بسرعه
اسيل:نعم
نواف:حبيبي
اسيل: وجعه توجع قلبك انقلع
وسكرت
بمكان ثاني كان نواف حاقد عليها من صدها له وكل يووم يزيد حقده ع قد حبه لها
.
.
بالرياض
قامت فوز من النوم وشافته نايم جنبها وﻻ له نيه يقوم فكرت بامس لما ضربها بعلبه المنديل جت ببالها فكره وسحبت منديل من جنبها وجلست تحركه ع خشمه وهو يتحرك كتمت ضحكتها بس ماقدرت تتحمل وانفجرت ضحك وقام جابر مستغرب ومايدري وش السالفه وشاف المنديل بيدها وفهم
ومسكها
جابر:وش سويتي هاه
فوز:جابر لو تشوف شكلك تضحك تضحك هههههههههه
جابر:انا اوريك من يضحك ومسكها بقوه بيده وبيده الثانيه يضحكها وصوت ضحكهم مالي الشقه .
.
الظهر باابها
الكل صاحي ومتجمعين البنات ع الغداء
تولين:يمه متى قمتي؟
ام راكان:اوه من الصبح وابتهال حبيبتي ماتركتني
ابتسمت ابتهال: ولو اصﻻ بقوم دايم الصبح دامه يفتح النفس
ام راكان:بس فتون ماخلته يكمل
اختفت ابتسامه ابتهال وﻻحظوها كلهم
تولين:ليش وش سوت هالحيوانه بعد
ام راكان:ماادري بس اكيد ضايقه ابتهال ﻻني اشوفها طلعت بسرعه
ابتهال:عادي مو مهم
تولين:ﻻ مهم قولي
ابتهال:مافي شي .. اكرمكم الله
وقامت
كيان: اوف تولين كان خليتها تاكل
تولين:اوف من فتون اوف
ع دخله راكان:وش فيها فتون
تولين:اسأل امي تقول مضايقه ابتهال اليوم
راكان عقد حواجبه:وش قايله
تولين:روح يمكن ابتهال تقول
واتجه راكان لها وهي تغسل
راكان:ابتهال
ابتسمت:هﻻ
راكان:وش صاير
ابتهال:مو صاير شي صدقوني
راكان:متاكده
ابتهال:مثل مااشوفك
عرف راكان ان فيه شي من ابتسامتها المتصنعه بس ماقال شي ومسك يدها ورجعو لصاله ..
91 ....
📚 😍 📜
( ابتليت بحبك جعله يبتليك )
📖🖌 @storykaligi 💕💞
طلع راكان ويده بيد ابتهال
راكان:بعد شوي بروح لبيت جدتي تبون شي
تولين:ايه
راكان:ماسئلتك انتي
تولين:يمه حنا من متى عن بيت جدتي؟
ام راكان: والله من زمان عنها
تولين: زين يﻻ قومو تجهزو .. راكان انت انتظرنا برا
راكان:دقيقه دقيقه انتي من عازمك؟
تولين*تلعب بحواجبها*:انا عزمت نفسي ع بالك ماادري انك بتروح مع هالمزيونه للجبال عند جدتي
راكان: وش دخلك ترا بضربك صدق
ابتهال:ههههههههههه خﻻص راكان خلهم.يجون معنا
تولين:طبعا جايين .. يﻻ يﻻ كيانو مامي قومو تجهزو
وقامت ركضت غرفتها وهي تصرخ وناسه
راكان:بذبحها يمه ترا
ام راكان:هههههههه عاد ماارضى عليها.. يﻻ بنروح معكم
ابتهال:حياك
وتركت يد راكان وساعدتها تقوم ووصلتها للمغاسل تغسل وبعدها لغرفتها وراكان يناظر لها وكل يوم تكبر بعينه اكثر
كيان:راكان اذا تبي تروح مع ابتهال لحالكم روحو
راكان:اوه راحت علينا بس قومي تجهزي
كيان:اوكك
وراحت تركض وابتهال طلعت من غرفه ام راكان وجت لراكان
ابتهال:متى بنرجع؟
راكان: يمكن اسبوع
ابتهال:تستهبل صح؟
راكان:هههههههههه ﻻ جد اذا جدتي ماعندها احد بنجلس عندها ع الاقل يومين
ابتسمت ابتهال ومسكت طرف شماغه تلعب فيه
ابتهال: واذا عندها احد؟
راكان:نرجع اليوم
ابتهال: ليش
راكان:ﻻن عيال خالاتي كبار وبيت جدتي صغير
ابتهال*ضغطت ع سنونها*: اها قول كذا من اول
راكان*قرب لها*: واذا ماقلت
ابتهال بترد بس لفت للي عند الباب
ابوراكان:وين الباقي
استحت ابتهال من وضعهم وبعدت عن راكان بسرعه
راكان كاتم ضحكته:راحو يتجهزون بنروح لجدتي
ابوراكان:ايه زين انا بطلع عندي شغل خل سلطان ياخذهم معك
راكان:ان شاء الله
وطلع ولف راكان لابتهال
راكان:شفيك خفتي
ابتهال:ماخفت بس استحيت اصلا انا غبيه ليش اسوي هالحركه
راكان : ههههههههههه
ابتهال دفته وطلعت الغرفه وراكان طلع لسلطان
.
.
بعد ساعه الكل جاهز
ركبو ام راكان وكيان مع سلطان وتولين رفضت تركب مع سلطان عناد براكان وركبت معهم
وصارت بالوسط ورا وراسها عندهم.
وبالطريق
تولين:راكان اسبقهم
راكان:ليش مسابقه هي؟
تولين:ﻻ بس سلطان قدامي قهر
راكان:اقول انطمي ﻻانزلك الحين
تولين:ماتقدر
راكان:وليش ان شاء الله
تولين:ﻻن ابتهال معنا بتدافع معي
راكان ناظر ابتهال اللي ماهي معهم وحط يده ع يدها ولفت
راكان:وش فيك؟
ابتهال*ابتسمت*:ﻻ مافيني شي .. يﻻ كم باقي
تولين:ممم مطولين ركون وقف عند المحطه نبي نشتري
راكان ماكان عندها كان يناظر ابتهال وابتهال متلثمه ولابسه نظارتها وصاده عنه ..
📖🖌 @storykaligi 💞🍃
وصلو بيت جدتهم وسلطان مع امه وكيان واصلين قبلهم وداخلين
تولين:اوف اووف منك شوف هاه سلطان دخل قبلي؟
راكان:طيب اركضي اركضي ضمي جدتي قبله
وركضت تولين: طيب
وابتسم راكان ع هبالها ولف لابتهال وهي تناظر تولين مبتسمه
راكان:ابتهال
ابتهال:ممم
راكان:وش فيك ، وش صاير عليك متغيره وﻻ انتي اللي اعرفك قبل
ابتهال:ليش وش متغير
راكان:متغيره كثير لاتقولين ﻻ ترا ملاحظك لما كنا بالرياض كنتي غير والحين غير
ابتهال:عادي اكيد ماراح ادخل بجوكم ع طول يبيلي وقت
راكان:متاكده بس كذا؟
ابتهال ابتسمت:اي بس
راكان:مو عشان فتون
تنهدت ابتهال من سمعت اسمها
راكان:اههها خﻻص فهمت اكيد هي الله ياخذها من بنت
ابتهال : ﻻ تدعي يﻻ خلنا ننزل الحين يقولون ابتهال اخذت ولدنا ههههههه
ونزلت وراكان يناظر لها ورفع حاجب يفكر ونزل
ودخلو البيت
البيت كان عند الجبال وشكله بسيط بس جميل وكل شي حوله جميل ويريح
من دخلو قامت لهم الجده (ام محمد)
ام محمد*لفت لام راكان*: هذي بنتكم الجديده
واشرت ع ابتهال
ام راكان:الله الله
ام محمد:ي روحي ماشاءالله تعالي تعالي
وضمتها وابتهال اعجبتها حيل وابتسمت لها وراكان كان واقف وراهم وياشر لسلطان يطلع وسلطان ع طول طلع وكشفت ابتهال وجهها
ام محمد: ماشاءالله ي راكان مزيونه
راكان*شافها استحت*:هههههه ربي يخليك
وقرب لها وضمها وباس راسها
ام محمد:تعالو اجلسو عندي
ابتهال شافت راكان بهمس:بنزل عباتي
راكان:ﻻ
ابتهال:راكان
راكان:اجلسي ﻻ اكسر راسك
ابتهال:اووف منك
ودخلت وجلست جنبها وراكان ع جنبها الثاني
وبدت ام محمد تتكلم معهم وتولين كاتمه ضحكتها لشكل ابتهال اللي مو ﻻيق ابد ع جدتها اللي كل شي واضح عليها قديم ومن حريم اول مانست قديمها ابد
ابتهال كانت منزله طرحتها ع كتفها ونظاراتها رافعتهم ع شعرها
كيان*ضربت تولين*:ﻻتنتبه عليك ابتهال وانتي تضحكين
تولين:كيان شوفي شكلها جنب جدتي هههههههه
كيان:ههههههههه اوش
راكان:بعرف بس وش تضحكون عليه
تولين:ابد انا بروح اشوف سلطان
وطلعت بسرعه وكيان ابتسمت له
ومااعطاهم وجه راكان وكمل يسولف مع جدته وابتهال مبتسمه ومنزله راسها ..