الفصل 24
24
📚 😍 📜
( ابتليت بحبك جعله يبتليك )
📖🖌 @storykaligi 🍒🍃
الساعه صارت 9 باليل وببيت ابتهال كانت ع وضعها سانده راسها ع صدر راكان وراكان ضامها ونايمة وراكان يفكر باللي ناوي يسويه وقرر يبدا فيه جاء بيقوم ماشافها تتحرك
راكان:ابتهال نمتي
ماردت عرف انها نامت قام بشويش وشالها وسدحها ع الكنب وجاب شرشف وغطاها فيها واوجعته يده وضغط عليها وباس راسها وطلع
وركب سيارته ومشى بسرعه
وماحس بالوقت الا وهو قدام بيت ابراهيم ابوطلال
جلس يناظر البيت بضيق ونزل اتجه للباب وطق الجرس وفتح له طلال
راكان*بعصبيه*:وين ابوك
طلال*ابتسم*: داخل
دفه راكان ودخل وطلال ابتسم له
ودخل راكان للمجلس شاف ابراهيم جالس
ابراهيم:هﻻ راكان تعال اجلس حياك
راكان:الله يحييك بس انا ماجيت اجلس جيت بقول كلمتين واطلع
دخل طلال وشافه وخاف يقول لابوه شي
وراكان يناظر طلال وعرف انه توتر
راكان*عيونه بعيون طلال*: جاي بعزمكم ع الزواج بكرا
طلال انصدم وسكت
ابراهيم: ليش وش صار كنا متفقين بعد اسبوع
راكان*ابتسم*:ماعليه ﻻني عندي شغل ضروري باابها وكنت بااخذ ابتهال معي
ابراهيم:اها ع راحتكم
طلال*عصب*: ﻻ وش ع راحتهم والضيوف اللي عزمناهم وش نقول لهم
راكان*ابتسم له*: ي قلبي ناسي ترى مافي ضيوف ههههههههه
ومشى طلع لسيارته وطلال انقهر اكثر
ابراهيم:طلال وش دخلك انت
طلال:شلون وش دخلني
ابراهيم:اقول انشغل بنفسك يﻻ عاد
وجلس وطلال طلع بيلحق راكان بس ماقدر يمسكه وضرب رجله بالارض
.
.
بشقه جابر
طلعت فوز من المطبخ معها صينيه فيها صحن مكرونه وشافت جابر نايم جلست تناظر فيه ونزلت الصينيه ودخلت الغرفه جابت شرشف وغطت جابر فيه وجلست عند وجهه تتامله وابتسمت لما تذكرت اول مكالمه بينهم لما سكرت بوجهه وهو ضل يحاول فيها لين علقها فيه.. ابتسمت لما تذكرت حبه لها *وباست خده* بس تذكرت ان هذا كله راح بغباءها ومنها هي تنهدت وقامت واخذت الصينيه وجلست ع الطاوله تاكل
اما جابر فتح عينه وشافها وابتسم ورجع يسوي نفسه نايم
وفوز بعد ماخلصت غسلت صحنها واتجهت لغرفتها ونامت ~
.
.
رجع راكان لبيت ابتهال ودخل شافها للحين نايمه طفى الانوار وشالها وطلع فيها للغرفه وسدحها ع السرير وغطاها زين وجلس ع الكنبه ونام من التعب ...
📖🖌 @storykaligi 🍒🍃
......:ابتهال!!
فتحت ابتهال عيونها وخافت
ابتهال:غاليه! وش فيك وش جابك الصبح خالتي فيها شي
غاليه:ههههههه بسم الله ﻻ مافينا شي قومي تاخرتي وانتي نايمه
ابتهال*تذكرت راكان كان عندها امس*:وين راكان؟
غاليه:اووه راكان له ساعه طالع من عندك وانا وامي هنا وحنان وفوز بيجون بعد شوي
ابتهال*جلست*:وليش ان شاء الله متجمعين عندي من الصبح
غاليه:ههههههههههههههههه ﻻتقولين ماتدرين
ابتهال:ماادري باايش تكلمي
غاليه:حبيبتي راكان ماعنده صبر اكثر وقرر يتزوج اليوم فهمتي
ابتهال*تذكرت كلامه لها امس*:اي اي تذكرت اوووه راحت علي نومه كم الساعه
غاليه:12
ابتهال*قامت بسرعه*:مايمدي ماجهزت شي ابد ابد
غاليه:يﻻ ورينا همتك وترا راكان قال لامي انه بعد الحفل ع طول بتروحون ابها
ابتهال دخلت تغسل وتتكلم معها: ااااااي بجهز شنطتي اوف منك ي راكان اوووف
غاليه:ههههه يﻻ انا برتب غرفتك وبطلع شنطتك واجهز اوك
ابتهال:اووووك
.
.
عند راكان بشقته
طلع بعد مااخذ شور وفاتح باب غرفته ويتكلم مع حمد اللي بالصاله
راكان:ايوه ووين بتروح انت
حمد:جالس ع قلوبكم هالشقه بااستاجرها بعد ماتتركها انت وببقى فيها
راكان:واهلك؟
حمد:اي اهل طال عمرك ليتهم يذكرون اسمي للحين
راكان*طالع له*:منك انت قاطعهم
حمد:خﻻص انتهينا انت مو عازم اهلك اليوم؟
راكان:مايمدي ياصلون واصلا ماراح اقول لاحد بدخل عليهم وافاجئهم
حمد:احسن لكم
راكان:وانا اشهد
ورجع يجهز شنطته ويجمع مﻻبسه وحمد ع اللاب توب
.
.
بشقه جابر
نايم وﻻله نيه يقوم وغرقان بنومه
اما فوز بغرفتها هاديه قامت وملامحها عاديه ﻻهي زعﻻنه وﻻ فرحانه شافت جوالها رساله من غاليه (نايمه بالعسل ادري المهم اليوم زواج المجانين راكان وابتهال قدموه تعالي بيت ابتهال اذا قمتو ) فوز رمت الجوال :اي عسل بس ليتك تعرفين حاله اختك
وقامت اخذت دش وطلعت لها فستان ورتبت اغراضها وطلعت لجابر شافته نايم وواضح تعبان
قربت له وهي خايفه شلون تقومه ...
#يتـــــــــــــــــــــــــــبع....
81 ....
📚 😍 📜
( ابتليت بحبك جعله يبتليك )
📖🖌 @storykaligi 🎀🍃
قربت له فوز وبلعت ريقها وبهمس
فوز:جابر
مارد
فوز*بصوت اعلى*: جابر
وتحرك
فوز:جابر قوم
فتح عيونه وناظر لها:وش فيك
فوز*بخوف: مافيني شي قوم الساعه 12
وجلس جابر ومسح وجهه ومسك راسه وفوز تناظر له
جابر: ليش وش صاير
فوز *واضح عليها الخوف* : اليوم زواج ابتهال بنت خالتي وابيك توديني
ابتسم لها جابر ووقف قدامها ومسح ع خدها
جابر*ابتسم*: طيب ليش خايفه
فوز هالمره استغربت
وتركها جابر ودخل الغرفه بيغسل وفوز تراقبه شاف فستانها ع السرير وابتسم ودخل الحمام
وفوز من سمعته يسكر الباب دخلت ترتب شنطتها الصغيره
وطلع جابر وجلس يمشط شعره قدام المرايه وفوز بتاخذ اغراض من عند المرايه وقدمت وصارت جنبه تجمع الاغراض اللي تبيها وجابر يشوفها
جابر*اشر ع الفستان*:هذا فستانك؟
فوز:اي
جابر*بيقهرها*:البسيه بشوفه عليك
فوز*استغربت*:نعم؟
جابر:ليش مو واضح كلامي
فوز:الا واضح بس ماابي البسه
جابر:اجل اجلسي بالبيت
فوز:خير
جابر: ياتلبسينه ياتجلسين
فوز:عناد يعني
جابر:مممم ﻻ بس بشوفه يمكن مايعجبني
فوز:جابر وش هال...
جابر: اوش يﻻ انتظرك
وطلع وفوز رمت شنطتها:اووووف اوووف
.
.
نروح لشقه راكان خلص شنطته ورتبها ولبس شماغه وطلع لصاله
حمد:هاه جهز العريس
راكان:الله الله ع التمام
حمد:حلو يﻻ بطلع معك
راكان:يﻻ بس خلني اخذ الشنطه
ودخل اخذها:يﻻ
حمد سكر اللاب واخذ نظارته والمفتاح والجوال وجو بيطلعون وفتح راكان الباب وانصدم باللي واقف قدام الباب
راكان:نعم؟
طلال:بتكلم معك لحالنا
راكان*لف لحمد*: يﻻ تكلم حمد مو غريب
طلال:ﻻ غريب
راكان:كيفك اجل ﻻتتكلم
وجاء بيطلع من جنبه بس سمعه تكلم
طلال:راكان وقف
راكان:اخلص تكلم ايش اللي عندك
طلال*اخذ نفس*:راكان ابتهال ..
قاطعه راكان:انطمم ﻻتجيب طاريها ع لسانك
طلال:اسمعني بس ابت..
قبل يكمل
راكان رمى الشنطه وضربه ...
📖🖌 @storykaligi 🎀🍃
طاح طلال ع الارض
وحمد وقف قدام راكان
حمد:راكان اهدى وش فييك
راكان*يناظر طلال*:بذبحه والله بذبحه
طلال:رضيت واﻻ مارضيت انا اولا فيها منك فاهم انا ولد خالتها و اولا
راكان يناظر له وعيونه كان الشرار يطلع منها
راكان:تسمع حمد تسمع والله مااخليه
وابعد حمد عنه وجلس يضرب بطلال بقوه وحمد مامسكه ووده يضربه معه بس راكان كفى و وفى
وبعد خمس دقايق تعب راكان من الضرب وتركه وقام وطلال وجع عﻻمات وراكان يتنفس بسرعه مسكه حمد
حمد:يستاهل اللي جاه يﻻ تعال اتركه ...
اخذ شنطته ونزل وحمد رفسه ومشى عنه ونزلو لسياراتهم وحمد اصر ع راكان يركب معه وبعدين يجيب سيارته بس مايسوق بهاللحاله ووافق راكان وركب ومشو
اما طلال قام بقوة ويحس ان جسمه مكسر نزل بشويش من الدرج وركب سيارته وجلس فيها .
.
.
بشقه جابر
جالس جابر بالصاله ويفكر
طلعت فوز من الغرفه وعليها فستانها بس ابتسامتها مختفيه ووقفت قدامه ورفع راسه وشافها شكلها جميل ع ان شعرها بمعثر بس جميله ابتسم لها
جابر:مممم دوري
فوز:نعم؟
جابر:لفي لفي
فوز:وماتبيني ترقص لك بعد؟
جابر:الا بس مو الحين
فوز: جابر وش هالسماجه
جابر:يﻻﻻ اذا تبين تروحين
فوز منقهره بس تنهدت ولفت بسرعه
فوز:هاه حلو؟
جابر:هههههه.ﻻ ي قلبي لفي بشويش
فوز سرحت بكلمته*ي قلبي*
جابر:يﻻ
فوز دمعت عينها وماقدرت تتحمل يلعب فيها ومسحت دمعتها ودخلت بسرعه لغرفتها وجابر انصدم وقام بيدخل بس قفلت الباب
جابر:فوز افتحي
فوز*تبكي*:خﻻص ماابي اروح روح انت
جابر*تضايق حس انه زودها*: طيب خﻻص اسف يﻻ انتظرك بنمشي الحين
فوز: مابي
جابر: فوز بﻻ هبال يﻻ
فكرت فوز باابتهال وقامت بقهر بدلت ولبست عباتها واخذت فستانها بالشنطه وطلعت له وهو لبس شماغه وكان متضايق وماشافها وطلعو ..
82 ....
📚 😍 📜
( ابتليت بحبك جعله يبتليك )
📖🖌 @storykaligi 🎀🍃
*بسياره حمد طول الطريق كانو راكان متنرفز وحمد ماقدر يتكلم معه وﻻ كلمه وصلو بيت ابتهال ونزلو
راكان*رمى مفتاح سيارته ع حمد*: اذا جاء جابر روح انت وياه وجيب سيارتي وحط شنطتي فيها
حمد:حازر بابا
راكان مارد ودخل
الساعه كانت 4 بالتمام
دخل راكان قسم الرجال شاف فيه ابراهيم لحاله
اخذ نفس
راكان:السﻻم
ابراهيم:هﻻ وعليكم السلام حي الله راعي البيت هلا بالعريس
راكان:هﻻبك ي الغالي
وسلم عليه وجلس جنبه
ابراهيم:خير راكان ماانت ع بعضك وش صاير
راكان:ماادري وش اقولك بس صراحه انا صبرت ع طلال كثير وسكت بس هالمره طولها
ابراهيم*استغرب*:وش مسوي طلال
راكان:مااقدر اقول بس خله يبعد عني وﻻ يتعرض لي لان هالمره انضرب المره الثانيه والله ماادري وش بيصير له
ابرهيم*تنهد*:اخخخ بس هالولد مفشلني بتصرفاته والله فشلني
راكان حط يده ع كتف ابراهيم وسكتت
اما حمد شاف سياره جابر وقفت جنبه وجلس يناظرها
*بالسياره*
جت فوز بتنزل ومسك جابر يدها بقوة ولف له
فوز:وش فيك
جابر:انتظري لين يروح
استغربت فوز وناظرت قدامها وانصدمت بحمد يناظرهم
جابر:اوف وش فيه هذا طول وهو واقف
فوز تناظر يده اللي ماسكه يدها:طيب ممكن تترك يدي
لف لها جابر ورفع حاجب:عشان مايشوفك ماسكه يدي مو تدارينه اكثر مني صح
فوز*انصدمت*: ﻻ والله بس..
جابر*قاطعها*:بنزل واذا سولفت معه انزلي وادخلي بسرعه
فوز*ترجف*: طيب
وتركها جابر وابتسم لها *يتصنع* ونزل واتجه لحمد
جابر:وش موقفك هنا
حمد:هﻻ جابر كنت منزل راكان تو ووصاني لشقه مره ثانيه بس معك
-فوز بهاللحظه نزلت واخذت شنطتها ودخلت البيت وماحد انتبه لها
جابر لف وشافها مو فيه
جابر: اوك يﻻ امش
حمد: يﻻ
وركبو سياره جابر ومشو لشقه
اما فوز دخلت الليت واول ماشافت امها وضمتها
فوز: وقسم اشتقت لك
نوف:وانا اكثر بس ماابي ازعجكم
فوز: مافيها ازعاج ليتك جايه
نوف:يﻻ الحمدلله شفتك
ابتسمت لها فوز:الحمدلله وين البنات
نوف:فوق مع ابتهال
فوز:يﻻ بروح اشوفهم
نوف:ي قلبي يﻻ روحي
باستها فوز وطلعت بسرعه لغرفه ابتهال
والبنات من شافوها فرحو وقامو يضمونها
وابتهال اكثر وحده فرحت فيها ﻻن وجودها معها امان من كانت صغيره
وبدوا يتجهزون مع بعض ..
📖🖌 @storykaligi 🎀🍃
بسياره جابر ومعه حمد كانو طول الطريق ساكتين وحمد يناظر لجابر شوي ويصد كان جابر يناظر لطريقه وواضح يفكر اما حمد كان متضايق من تعامل جابر معه - وندمان ع عﻻقته مع فوز بس وش اللي خﻻ جابر يتضايق دامه من قبل ياخذها عارف بعﻻقتهم وكان متحمس لزواجه بس بعد الزواج تغير وصار قليل يبتسم لحمد-
تنهد وضل ساكت وصلو الشقه ونزل حمد وركب سياره راكان ورجعو لبيت ابتهال
ولما وصلو نزلو كل واحد من السياره وجو بيدخلون
حمد:جابر
لف له جابر
حمد*رمى عليه المفتاح حق سياره راكان*:عطه راكان
جابر:ليش ماتعطيه انت
حمد:ﻻني بروح ماراح احضر الزواج
جابر*استغرب*:ليش
حمد*ابتسم*:خذو راحتكم انتم عايله انا دخيل
وجاء بيرجع
جابر:حمد تعال تعال
حمد:وش تبي
جابر:تعال قول السبب ليش ماراح تحضر
حمد:جابر اسﻷل نفسك انت ماناظرت بوجهي من طلعنا
جابر سكت
حمد:وﻻ انت طايقني ي اخي دامك عرفت بالعلاقه من قبل ليش تاخذها وتخسر صداقتنا دامك ماتبي تكون معي ﻻتتحجج بشي مثل كذا انت عارف فيه وش تغير الحين عن قبل
جابر*قرب له*:حمد تكفى ﻻتزيدني اللي فيني كافيني البنت من تزوجتها احس وانا اناظرها بموت تخيل اني من حبيتها انعميت عن كل عيوبها بس لما اخذتها وتكلمت معي كاني فتحت وشفت كل شي لو انت مكاني وش تسوي احبها وﻻ اقدر اسوي شي البنت تتعذب قدامي وﻻ اقدر اسوي شي
حمد:لو تبي الصدق الغلط منك .. جالس احلف لك اني نسيتها والله وانتم لايقين ع بعض .. ارحم بنت الناس ياعيشها مثل غيرها واﻻ...
جابر*قاطعه*:اسكت ﻻتقول هالكلمه وتذبحني مثلها
حمد:اجل ارحمها وعيشها مثل بنات الناس
جابر بيتكلم بس قطعه صوت
راكان:ي هوه وش عندكم عند الباب تعالو ادخلو
جابر:يﻻ جايين
ومسك كتف حمد وابتسم له بضيق وحمد ابتسم
ودخلو مع بعض للبيت مع راكان .
.
الساعه 8
بالبيت البنات مع ابتهال ونوف معهم وابتهال لابسه فستان ابيض ع جسمها وناعم ورافعه شعرها ..
وشكلها طالع جميل والبنات كانو ﻻبسين فساتين ناعمه بس عشان يفرحون معها بالاصل مافي معازيم ابد بس البنات ونوف وابتهال جالسه بغرفتها والكل مجتمع عليها
غاليه:متى بيدخل راكان
ابتهال:ماادري
نوف:توه اتوقع بعد ساعه
فوز*متحمسه*:طيب يﻻ بنسوي زفه صغيره قبل يدخل بس بيننا
حنان:يﻻ يﻻ
ابتهال:هههههههه انجنيتو
نوف:ﻻ يﻻ بنسوي
ابتهال:هههههه طيب ..
83 ....
📚 😍 📜
( ابتليت بحبك جعله يبتليك )
📖🖌 @storykaligi 🎀🍃
* قامت ابتهال ونزلت معهم ونوف تغني لها والبنات يصفقون وابتهال حست بسعاده ممكن ماكنت بتحسها لو زواجها كبير وفخم .. ولما وصلت تحت والبنات جلسو يرقصون قدامها ونوف كملت تغني لهم ولما وقفو جلسو يضحكون من كل قلبهم كملو لين سمعو الباب يطق
وراحت نوف تشوف من شافته ابراهيم
نوف:هﻻ ابراهيم
ابراهيم:يﻻ ي نوف خلي البنت تتجهز راكان بيدخل
نوف:طيب
ورجعت للبنات
نوف:يﻻ حياتي ابتهال اطلعي فوق راكان بيدخل
استحت ابتهال وﻻاول مره تحس بخوف عند طاريه
فوز*ابتسمت*:الخوف شي عادي اسأليني انا
ابتهال ابتسمت لها وطلعت لفوق والبنات اخذو غطاويهم وتغطو بالصاله
ونوف تغطت
ودخل راكان بالبشت كان جميل وجذاب وابتسامته قصه لحالها ومعه ابراهيم
نوف:مبروك ي راكان
راكان:الله يبارك فيك ي خاله
نوف:تدري ان ابتهال وحده من بناتي ماابي اوصيك عليها
راكان:بعيوني
ابتسمت نوف:تسلم ماعندي شك .. ربي يوفقكم
راكان*باابتسامه:تسلمين
ابراهيم:وانا الى هنا ينتهي دوري ومثل ماقالت خالتك ابتهال امانه عندك
راكان:وانا حافظها ي عم
ابتسم له وباس راكان راسه
وطلع لفوق والبنات كشفو بعد ماطلع ابراهيم ..
غاليه:يمه جميل حظهم ببعض
حنان:ويرزقنا
غاليه:امين
فوز:احسن لكم العزوبيه
وصدت والبنات انصدمو ونوف حست ان فيه شي
.
.
بغرفه ابتهال كانت جالسه ومتوتره
وانفتح الباب وخافت اكثر ولمعت عيونها
ودخل راكان وابتهال ابتسمت
وسكر الباب ولف لها
راكان:ابتهال
رفعت راسها
راكان:ههههههه ي بنت اخيرا تزوجنا
ابتهال ابتسمت وبانت سنونها
وجلس راكان جنبها ومسك يدها
راكان:خايفه؟
ابتهال:مو كثير
راكان:بس عيونك بدت تلمع
نزلت ابتهال راسها ورفعه راكان
راكان:ابتهال
ابتهال*عيونها بعيونه*:وربي احبك
ابتهال اخذت نفس حست قلبها يدق بقوه ابتسم راكان وقرب لها وباسها ..
📖🖌 @storykaligi 🎀🍃
عند فوز والبنات كانو جالسين بالمجلس ببيت ابتهال
حنان*كانت تكلم وسكرت*: بنات وصل ابوي تبون شي ؟
فوز:سﻻمتك ي قلبي
حنان:سلميني ع خالتي نوف مااقدر اودعها
غاليه:خﻻص روحي يوصل
حنان*ارسلت لهم بوسه*:باي
وطلعت وفوز جالسه تفكر
وغاليه ﻻحظتها:فوز فيك شي؟
فوز:هاه
غاليه:اسئلك فيك شي
فوز:ﻻﻻ .. المهم من بياخذكم
غاليه:بنرجع مع ابوي طلال اليوم مختفي
فوز:زين يمديني اسلم عليه ماشفته من زمان وماامداني اسلم عليه قبل شوي
غاليه:اوك .. بس ماادري انتي متغيره
فوز:مافيني شي بنطلع
غاليه:دقيقه بنادي امي بالمطبخ
فوز:يﻻ
وغاليه راحت نادت امها وفوز دورت رقم جابر بجوالها واتصلت عليه وهي ماودها تكلمه ورد
فوز: جابر نمشي؟
جابر:اوك انتظرك برا
فوز:بس بسلم ع ابوي اول وبطلع لك
جابر:خذي راحتك
فوز:شكرا
وسكرت وجابر لف لحمد جنبه وهو مبتسم
جابر:يﻻ عن اذنك
حمد:ربي يسعدك .. انتبه لنفسك
ابتسم له جابر وقام طلع واتجه لسيارته وجلس ينتظر فوز
اما فوز نادت ابوها للحديقه وسلمت عليه
ابراهيم:هاه ي فوز عساك مرتاحه
فوز*ابتسمت*:الحمدلله
ابراهيم:يﻻ ي قلبي ﻻتخلين جابر ينتظر برا
فوز:ان شاء الله انتبه لنفسك يبه وسلم لي ع طلال
ابراهيم:يوصل
وباست راسه وطلعت ولما شافت جابر بسيارته اوجعها قلبها
وركبت
جابر*باابتسامه*:مافي سﻻم
فوز:اسفه سﻻم عليكم
جابر*ابتسم*:وعليكم السلام
ومشى وفوز ساكته
جابر:شلون الزواج
فوز:حلو
جابر:تعشيتي؟
فوز:اي
جابر:بالعافيه
فوز:الله يعافيك
جابر:ليش اجر منك الكلام
فوز:اجاوب عليك مو انت ماتبي تسمع صوتي
جابر تضايق وسكت ووصلو الشقه ونزلو
واول مادخلت فوز دخلت الغرفه وسكرت الباب
وجابر سكر باب الشقه ولف شاف باب الغرفه واتجه له وفتحه
وفوز كانت منزله عباتها ولفت بسرعه له
فوز:هﻻ بغيت شي؟
جابر*ابتسم*:ﻻ وﻻشي
فوز:طيب ممكن تطلع ببدل
جابر انسدح ع السرير:بدلي عادي انا زوجك
فوز:جابر اطلع
جابر*ابتسم:ﻻ
فوز:طيب خلك وﻻتطلع
واخذت بجامتها وطلعت وجابر قام بسرعه ومسكها عند الباب
جابر:وين وين
فوز*تناظر يده*:وش تبي
جابر*قرب لها*:تعالي بتكلم معك
فوز:جابر انت متناقض مره ماابي اسمع صوتك ومره بتتكلم معي خير
جابر:هالمره جد حاب نتكلم
فوز:طيب بس ببدل اول
جابر*ناظر لبسها*: ممم ﻻ عاجبني لبسك
فوز:اووف يﻻ
ومسك يدها وجلسها ع السرير وجلس قدامها يناظر عيونها اما هي تحاول تبعد نظرها عنه ..