الفصل 21
21
📚 😍 📜
( ابتليت بحبك جعله يبتليك )
📖🖌 @storykaligi 💫✨
* مر اليوم طويل
الساعه 1 باليل الكل تعبان وبينام بس متحملين وكان كل واحد يبين انه قوي بالمواقف
بالصاله ببيت ابتهال كان فيها نوف وبناتها وحنان وام راكان وبناتها بس
والكل ساكت
ورن جوال كيان وقامت
كيان:الو
راكان:هﻻ كيان وينك
كيان:بالصاله مع الحريم
راكان:ابتهال قامت ؟
كيان:ﻻ ماادري والله
راكان:شلون ماتدرين اطلعي شوفيها وقولي لي
كيان:اوك
وسكرت وطلعت بالدرج لغرفه ابتهال وفتحت الباب وماحصلتها بسريرها دخلت ودورت بالغرفه ومالقتها ودورت بالحمام ونفس الشي مو فيه خافت عليها وطلعت بسرعه تلفتت ومالقتها شافت غرفه مفتوح نص بابها وطالع منها النور قربت لها وسمعت صوت بكى وعرفت انها هي شافت من الباب لقتها ضامه مخده ع السرير وتبكي اوجعها قلبها عليها ودخلت لها
كيان:خﻻص حبيبتي خﻻص
ابتهال ماسمعتها وكملت بكى جلست كيان جنبها ومسحت ع ظهرها
كيان:ابتهال اللي سمعته انك اقوى من كذا ﻻتخوفينا عليك
ابتهال رفعت راسها والدموع ع وجهها وسكتت تمسح دموعها
كيان:تجين معي ننزل لخالتك وتطمنينهم عليك؟
ابتهال*حاولت تكتم حزنها*:طيب
ومسكت كيان يدها ونزلت معها وبنص الدرج رن جوال كيان:اوه هذا راكان من اليوم يكلم يتطمن عليك
ابتسمت ابتهال بحرقه:هاتي ارد
كيان:زين تسوين خير
وعطتها الجوال وردت ابتهال بصوتها المبحوح من الصياح
ابتهال:الو
راكان:ابتهال؟
ابتهال:اي انا بخير ﻻتخاف وﻻتزعج البنت
راكان*ابتسم*:ابشري .. انتبهي لنفسك شوي وجايك انا
ابتهال:مايحتاج اذا مشغول
راكان:يﻻ عاد انطريني
ابتسمت ابتهال:طيب
وسكرت وعطت كيان الجوال ونزلت لصاله الكل فرح لما شافها سلمت عليهم وجلست وسهت تتذكر كل موقف صار معها ومع امها بالصاله وتمنع عينها تدمع قدامهم
ام راكان:يمه شلونك الحين
ابتهال:احسن ﻻتخافون علي
ام راكان:انتي بنتنا شلون مانخاف
ابتهال:مشكوره ي عمه بس قصدي ﻻتتعبون نفسكم انا متعوده ابقى لحالي روحو ارتاحو
نوف:ﻻ مانخليك
ابتهال:ي عمري ي خاله بس جد اتكلم انا ماابي احد يبقى معي ويتعب نفسه .. يﻻ سامحه لكم هاللحين وروحو ارتاحو
ام راكان اعجبتها حيل هالبنت وبعد نص ساعه قامت ام راكان تمشي هي والبنات وابتهال خلت نوف وبناتها وحنان يروحون غصب ويرتاحون
ولما طلعو سكرت الباب وجت بتطلع غرفتها بس طقق الباب وعرفته ع طول وفتحت وانصدمت ..
📖🖌 @storykaligi ✨💫🍃
انصدمت ابتهال وجت بتسكر الباب بس ماقدرت ﻻنه مسكه بقوه وفتحه ودخل وسكر الباب
ابتهال: خير اطلع ولك وجه جاي
ريان:شوفي ماني جاي اتغزل بك جاي بقولك كلمه وبطلع
ابتهال ماتحملت وبدأت تبكي وتضربه بصدره ووجهه وهو صابر واخر شي مسك يدها بقوه
ريان:اسمعي لي من الصبح جالس قدام هالبيت انتظره يفضى .. اسمعي لو انك تبين هالبيت يرجع لك ماابي الشرطه تدري باللي صار فاهمه
ابتهال*سكتت وهدت وعقده حواجبها*: ايش تقول انت اي بيت
ريان:مثل ماسمعتي
ودفها وطلع بسرعه
وابتهال ظلت بمكانها منصدمه من كلامه ودموعها مانشفت
بعد خمس دقايق دخل راكان مستغرب ان الباب مفتوح وابتهال واقفه قدامه
راكان*بخوف*:ابتهال فيك شي
ابتهال*ناظرت عيونه ودمعت*: كان هنا
راكان:من؟
ابتهال:ريان توه هنا قال كﻻم وطلع
راكان*عصب*:ايش كيف تجرى
جاء بيطلع بس ابتهال مسكت يده ولف لها
ابتهال*عيونها حمر وممتليه دموع*: ﻻتروح راكان مجنون هذا اخاف يسوي فيك شي نفس ام...
ماكملت وحط راكان اصبعه ع شفايفها
راكان:اووش .. ريان مايقدر يسوي لي شي
ابتهال*نزلت راسها وراكان سكر الباب*
راكان:قولي وش قال
ابتهال:ماادري ماادري راسي بينفجر
راكان كسرت خاطره ومسك يدها وطلعها لغرفتها وسدحها وجلس جنبها يقرا عليها وابتهال حيل ارتاحت ونامت بعد هالتعب.
وراكان ماقدر يقاوم نومه ونام ع الكنب جنبها
.
. بعد ثﻻث ايام خلص العزاء وابتهال صارت احسن بس مارجعت مثل قبل
اما راكان يلاحق ريان وﻻ قدر يمسكه يتكلم معه وباليل يرجع لابتهال وينام عندها عشان ماتخاف
وفتون واسيل كل وحده تحاول تلقى حل قبل يتزوجون وتريح قلبها
وفوز وغاليه وحنان الصبح كله عند ابتهال مايفارقونها الا وقت النوم اللي ترفض احد ينام عندها الا راكان المصر ع انه مايخليها لحالها
اما ريان خايف هالمره من الشرطه سوى جرايم كثيره بس ماقد ذبح احد وهذي اول مره وخايف حيل ومايثبت بمكان كل شوي يغير مكانه عشان ماينكشف
وحمد وجابر واقفين مع راكان ويحاولون يساعدونه
اما اهل راكان صرفهم راكان ﻻبها لااعتبار انهم مالهم شغل هنا ..69 ....
📚 😍 📜
( ابتليت بحبك جعله يبتليك )
📖🖌 @storykaligi 💫✨
ببيت ابتهال
الساعه 1 الظهر
جالسه والبنات عندها بس مو معهم وتفكر بكلام ريان اي بيت يتكلم عنه ووش قصده اذا تبينه يرجع ؟
قطع تفكيرها صوت غاليه:ابتهال
ابتهال:هﻻ
غاليه:امي كلمت تو تقول بتجي
ابتهال:ﻻ غاليه قولي لها خليها ترتاح انا بخير وبعدين ماراح يفرق وجودها
فوز:لو سمعتك تقولين هالكلام بتقرصك قرصه تنسين اسمك بعدها
غاليه:ههههههههههههه عاد امي اذا عصبت ابعدي عنها
ابتسمت ابتهال ورجعت تفكر
والبنات ﻻحظوها وحنان قامت وجلست جنبها
حنان:ي بنت هنا عندك فضفضي لنا
ابتهال:بنات جد وربي انا بخير ومافيني شي ﻻتصيرون نفس راكان
حنان:شفيه راكان
ابتهال:ي بنت ماابيه يجي يتعب نفسه وينام عندي وينام ع الكنب يتعب ظهره تخيلو له ثﻻث ايام نومه بس ع الكنب
فوز:وماسألتي نفسك ليش
ابتهال:ادري بتقولين يحبك ويخاف عليك بس انا ماابي احد يخاف علي بحاول اعتمد ع نفسي
البنات ناظرو بعض وماتكلمو وخلوها براحتها .
.
بسياره جابر ومعه راكان وحمد
حمد*راكب ورا*: والحين وين رايحين؟!
راكان:لبيت اهل ريان
جابر:بس اهله قاطعهم من سنه
راكان:بس ريان مصلحجي واكيد بيروح لهم وقت حاجته
حمد: والله تعرف تفكر تصلح شرطي
مارد عليه راكان
جابر:ليتك ساكت
حمد:ليت
وصلو البيت ونزلو يناظرونه
راكان:احساسي يقول انه فيه
جابر:راكان وش رايك نخلي هالقصه ع الشرطه ونطلع منها
قرب راكان لجابر:انا وعدتها القى اللي ذبح امها ولو بقيناها ع الشرطه يمكن يطولون
حمد:خﻻص راكان اهدى وخلنا ندخل
تحرك راكان قبلهم ورن الجرس واخذو خمس دقايق ع مافتحو الباب وكان رجال كبير بس بزياده
الرجال:نعم؟
راكان:السﻻم
الرجال:وعليكم السﻻم
راكان:احنا خويان ريان من زمان وضيعناه وخايفين عليه
حمد:ودورناه بااستراحته ومالقيناه
راكان:بسأل ممكن يكون هنا؟
الرجال جلس يناظرهم شوي واخذ نفس: ﻻ مو فيه وﻻ نعرف وينه
جابر*لف لحمد*: كنت متوقع انه سافر .. خلاص ي رجال خلونا نعطي الفلوس لبراء وهو يدبر فيهم *يكذب جابر بس عشان يشوف رده فعله*
الرجال:اي فلوس؟
جابر:انا متدين من ريان وخﻻص دامه مو هنا بنعطيهم صديقه القريب
الرجال:طيب اسمعو بيني وبينكم ريان ملاحق من الشرطه ومتخبي عندنا
ابتسم راكان:اها عادي امور دايم تحصل له بس بنشوفه
الرجال:ﻻ هالمره غير .. يﻻ ادخلو حياكم
ولف راكان لحمد وجابر وابتسم وغمز لهم ودخلو ..
📖🖌 @storykaligi ✨💫🍃
ريان كان جالس بالمجلس ومعه قلم يطق فيه ع الطاوله و واضح التوتر دخل الرجال اللي فتح الباب لراكان *هو اخو ريان واسمه وليد*
وليد:ريان جو خوياك
ريان*استغرب*:اي اخويان انا مالي...
جاء بيكمل بس انصدم لما دخل عليه راكان ووراه حمد وجابر
ريان*شاف لوليد*:غبي اطلع برا
وليد*خاف*:ليش مو خوياك؟
راكان:اففا ي ريان جحدتنا؟
ريان عصب ووليد طلع
راكان:تصدق ماابي مكان يجمعنا بس مضطر
ريان:انت واعرف السبب اللي جيت عشانه بس هالبودي قارد ليش جايين؟
حمد:مشتاقين
ريان:احلف بس
قرب له حمد وهو مبتسم:ماتستاهل حلف
ريان خاف من قربه ونظراته وجاء بيبعد بس مسكه حمد بقوه وكتف يديه ع وراء بقوه
ريان:هي وش تبغون
راكان:سﻻمتك ي روحي بس بعرف سالفه البيت اللي تكلمت فيها
ريان*بعصبيه*:قالت لك هاه
راكان:اكيد زوجها شلون ماتقول
ريان من القهر حاول يفك يديه بس ماقدر حمد ماسكه بقوه
راكان*لف لجابر*:كلم الشرطه وقول لهم لقيناه
وطلع جواله
ريان:ﻻﻻﻻﻻ تكفى ﻻ
راكان:حلو دامك ماتبي قول وش سالفه البيت
ريان ناظر عيون راكان شوي وبعدين تكلم
ريان:البيت اللي فيه ابتهال لي انا وقعتها ع بيعه لما كانت خطيبتي
راكان انقهر وماتحمل وضربه بقوة
راكان:حقير من يومك ي كلب
ريان منزل راسه وماسك اعصابه غصب
راكان:الحين تنادي اخوك الحين وتعطيني الاوراق مع ورقه تنازلك عن البيت سامع واكيد خالتي كانت عندك بسبب هالسالفه
ريان*هز راسه ب اي*:بس مايصير ﻻزم ورقه من المحكمه
راكان: ريان ناسي من انا .. تتوقع ماني عارف ان هالورقه تصير بااقل من دقيقه منك
ريان ناظر له وماقدر يتكلم
راكان*بعصبيه*:ناده
ريان بقهر نادى اخوه وتكلم معه من ورا الباب بدون مايفتحه وبعد دقايق جاب الاوراق وقراهم راكان وتاكد منهم وحطهم قدام ريان
راكان:وقع
ريان:شلون بوقع وانتم ماسكين يدي
راكان:اي حركه منك وربي ماراح ارحمك .. فكه حمد
وفكه وناظر له منقهر ووقع بالغصب واخذ راكان الاوراق
راكان:حلو بس تصدق هالبيت مايكفيني .. *وغمز لحمد ومسكه مره ثانيه بنفس الطريقه*
راكان:جابر شو اللي عليك
ريان:ﻻﻻﻻﻻ
راكان:مهما كنت غالي وصديقي من زمان بس ماانت اغلى من روح انسانه راحت بين يديك بسبب بيت وحقدك
ريان:راكان تكفى راكان
تركه راكان وطلع وحمد ماسكه وجابر كلم الشرطه .. و بعد نص ساعه الشرطه كانت قدام البيت واخذو ريان ..
70 ....
📚 😍 📜
( ابتليت بحبك جعله يبتليك )
📖🖌 @storykaligi 💫✨
* بعد ماخلصو الشرطه واخذو ريان وتاكد راكان انهم اخذوه ركب سياره جابر وركبو الشباب معه
ومشى جابر وراكان اسند راسه ع ورا وواضح المهموم
جابر*مد يده وحطها ع فخذه*:خﻻص راكان اخذوه ﻻتضيق صدرك
راكان:ناسي من ريان؟
حمد:اوك اوك ﻻتعيد عارفين بتقول انه صديقك من كنت صغير وتحبه بس انت بعد ﻻتنسى اللي سواه
راكان مارد وتنهد وجابر ناظر حمد من المرايه قدام يعني اسكت وسكت حمد
.
.
ببيت ابتهال
الساعه كانت 6 المغرب
فوز:بنات خلونا نطلع اليوم
غاليه:والله فكره وابتهال تغير جو
ابتهال:ماابي
حنان:اوه ابتهال ليش بعد
ابتهال*بعصبيه*:ﻻني مابي مو غصب اووف
وطلعت غرفتها والبنات انصدمو ابتهال مو الاوليه ابد
فوز:شكلها تبي تجلس لحالها
غاليه:طبعا ماراح نسمح لها تبقى لحالها ي بنت ذي مكتئبه والمكتئب ممكن يسوي اي شي بحاله
حنان:بسم الله عليها
فوز:عندي فكره بس ماتوقع تضبط
حنان:قولي
فوز:نسوي عشاء رايق ونصير بالحديقه وبكرا نفس الشي بس برا وشوي شوي لين ترجع نفسيتها
حنان:فاشله
فوز:حطينا من افكارك ي الناجحه
حنان:ماعندي
ورن الجرس
غاليه:خﻻص انطمو انتي وياها
وطلعت خديجه تفتح ودخلت :تغطو هذا باب راكان
تغطو البنات بسرعه ودخل
راكان:السﻻم
البنات:وعليكم السﻻم
راكان:وين ابتهال
حنان:فوق بغرفتها
راكان:شلونها اليوم
حنان:احسن الحمدلله
راكان:زين مشكورات
وطلع لفوق والبنات جلسو
غاليه:جميل هالادمي الله يخليهم لبعض
البنات:امين
.
.
طق راكان باب غرفه ابتهال
ابتهال:ي ويلك تدخلين انقلعن بنام
راكان*فتح الباب*:ي نصابه نوم المغرب؟
ابتهال*ببرود*:ع بالي وحده من البنات هﻻ اجلس
مااستغرب راكان اسلوبها وجلس قدامها
راكان:هاه شلونك اليوم
ابتهال:احسن
راكان:وعندي خبر بيخليك احسن بكثير
ابتهال*تحمست*:قول
راكان*ابتسم*:الشرطه مسكت ريان
ابتهال*فرحت وابتسمت من كل قلبها*: جد
راكان:جد الجد
ابتهال ضمته من الفرحه:ياااه قسم فرحت
راكان: وبتفرحيني لو طلعتي نتعشى برا
ابتهال:مممم
راكان ينتظر ردها
ابتسمت:اوك تم
راكان:ي قلبي .. يﻻ صلي وانزلي انتظرك
ابتهال:اوك
وباس راكان جبينها وطلع وابتهال حست بفرحه ودخلت اخذت شور
واما راكان نزل وبشر البنات وقالهم ان ابتهال بتطلع معه وفرحو اكثر ..
📖🖌 @storykaligi 💫✨🍃
ابها ..
الساعه 7
اسيل:ممم الحين لازم نعرف يوم زواجهم الجديد
فتون جلست تناظر لها بحقد
اسيل:هههههه اوك اوك بس جد خلينا واقعيين ﻻز نعرف متى يتفقون عشان نعرف ناصل لابتهال ونفركش الزواج صح؟
فتون*بقل صبر*:الحين لك من شهر معي وﻻعرفت خطتك ممكن تتكلمين وتقولينها
اسيل:ممم وين الاغراض اللي جبتيهم من غرفه راكان
فتون*عصبت*: الله والاغراض عاد
اسيل:حبيبتي ﻻتستهينين بالاشياء تراها تهدم بيوت
فتون:طيب قولي اللي ببالك
وقالت لها اسيل باللي تفكر فيه
فتون بالبدايه ماوافقت بس بعد مااقنعتها اسيل وافقت
.
.
ببيت ابو راكان الكل كان مجتمع
سلطان:المفروض هالوقت جالسين مع راكان وزوجته
كلهم سكتو وتضايقو
تولين:اشهد بالله انك ماتعرف تهرج
سلطان:انتظرك تعلميني ي ام لسان
تولين:وش وراي اعلمك بس انتظر علي
كيان:جد يبه يمه متى بيكون زواج راكان؟
ابوراكان:هالشي راكان وزوجته يقررونه مو حنا
ام راكان:وياليتهم يستعجلون يمكن البنت تنسى شوي من همها
تولين:ي حياتي ابتهال اللي صار لها مو شوي
كيان:اي والله
تولين:كيان خلينا نكلمها ونتطمن
كيان:فكره يﻻ
ام راكان:بس اسمعو ﻻتطولون البنت تعبانه
كيان:تمام
وراحو لغرفه كيان وطلعو رقمها بجوالها وكلمو وردت
كيان:الو
ابتهال:ي هلا كيان
كيان:هﻻبك ي عمري شخبارك
ابتهال*ابتسمت لراكان اللي جنبها بالسياره وحاطته سبيكر*:تمام احسن وانتي شلونك وشلون اهلك
كيان:كلنا بخير
اخذت تواين الجوال:الو حياتي ابتهال ﻻتضايقين نفسك كلنا اهلك
ابتهال:ههههه هﻻ تولين .. والله لي الشرف
تولين:اسمع صوت سياره وين رايحه
راكان:ابو اللقافه ي ناس
تولين:هههههه اي انا عارفه انك لزقه .. ابتهال اذا ناشب لك راكان قولي لي فضفضي
ابتهال*ضحكت من كل قلبها*
راكان:جب جب ورجعي جوال كيان لها
تولين:برجعه بس جد انت وش تبي بالبنت خلها تتنفس
راكان*ناظر ابتهال واتبسم*:ماراح اخليها
استحت ابتهال وتولين رجعت الجوال لكيان
كيان:ابثرتكم صح؟
راكان:كثير ايوه شلون الاهل
كيان:كلهم بخير ويسألون عنكم
راكان:سلمينا عليهم
كيان:يوصل يﻻ انبسطو سﻻم
ابتهال وراكان:سﻻم
وسكرت ولف راكان ..لابتهال وهو مبتسم مسك يدها وباسها وابتسمت له وضل ماسكها ...
#يتـــــــــــــــــــــــــــبع....
71 ....
📚 😍 📜
( ابتليت بحبك جعله يبتليك )
📖🖌 @storykaligi 🍒🍃
البنات بالسياره
سياره سواق فوز وغاليه ومعهم حنان وصلوها بيتها ومشوا لبيتهم
غاليه:خاينه ابتهالوه تزمر علينا اما راكان تتضحك له
فوز:هههههههههه وش دخلك فيها
غاليه:قاهرتني بس
فوز:خليها ع راحتها
ماردت عليها غاليه
ووصلو البيت ونزلو ع وقفه سياره جنبهم شافتها فوز وابتسمت للي نزل منها
غاليه:اوه جاء الثاني جابر وش بيفكنا منك
فوز:استحي وجع وامشي ندخل
ابتسم لها جابر ونزل راسه وفوز دخلت بسرعه مع غاليه وجابر طق باب الرجال وفتح له طلال واول ماشافه ناظر شاف سياره سواقهم توه نزل منها السواق ورفع حاجبه
جابر:السﻻم
طلال:وعليكم
جابر:ممم عمي ابراهيم موجود
طلال*يخزه*:موجود موجود ادخل
ومااعطاه وجه جابر ودخل وجلس بالمجلس مع ابراهيم وطلال عندهم يقهويهم
.
.
بالمطعم
راكان:هاه شرايك بالمطعم
ابتهال:حلو
راكان:حلو اعجبك اطلبي اللي تبين
ابتهال:ابي اطلب اول شي منك
راكان:امري
ابتهال:مم بناخذ الاكل ونطلع نتعشى برا مو بمكان مسكر ممكن؟
ابتسم راكان:مانقول ﻻ يﻻ
فرحت ابتهال وقامو طلبو اكلهم وطلعو يتعشون بحديقه عامه وابتهال فرحت اكثر
راكان:ايوه وين تبين تروحين بعد
ابتهال:ممم اذا خلصت اقولك
راكان:خلصت
ابتهال:ههههههه كذاب واضح ماشبعت
راكان:شبعان ماعليك
ابتهال:طيب بنروح الدمام
راكان ماقدر يمسك نفسه وضحك
ابتهال:ي هوه ماامزح انا
راكان:طيب طيب بس ليش
ابتهال:اشتقت للبحر
راكان ابتسم:بس خالتك بتخاف عليك
ابتهال:ماراح تدري بنروح الحين ونجي الفجر
راكان:ههههههههههههه
ابتهال:ﻻتضحك تم واﻻ ﻻ
راكان:ﻻ دامك مجنونه اصير مجنون معك يﻻ قدام
ابتهال *بفرحه*:عشت يﻻ قوم
وقامت ومسكت يده وقومته وقام معها ومسك يدها وركبو السياره ومشو
.
.
نرجع لبيت ابراهيم
جابر:ﻻ خلصت اموري
ابراهيم:زين ي ولدي حدد الوقت ونشاور فوز ويتم زواجكم
طلال:بس خالتي توها متوفيه
جابر: لها الحشمه بس الزواج بيكون عائلي
طلال: انا مو موافق اختي تستاهل اكبر زواج
ابراهيم: مااختلفنا بس خالتك توها متوفيه الى متى بيبقون مخطوبين خﻻص ي جابر حدد الوقت وتم
ابتسم جابر: الوقت اللي يعجبكم
ابراهيم:الخميس الجاي زين؟
جابر:حلو
ابراهيم:الله يوفقكم يارب
طلال انقهر مايدري ليش يحس بينهم شي
وجابر سلم عليهم وطلع فرحان يبي يبشر اهله وخوياه
اما ابراهيم خبر فوز ووافقت وماكانت معترضه ع الوقت ابد وفرحانه لجيت جابر لهم ..
📖🖌 @storykaligi 🍃🍒
بالطريق
راكان:باقي ساعه وناصل
ابتهال:احس بتمشي هالساعه مثل الشهر
راكان:هههههههه ﻻنك متشفقه للبحر؟
ابتهال:حيل اكثر من اللي تتخيله
راكان:متى اخر مره جيتيه
ابتهال:قبل 4 شهور مع امي وسالم كان سالم عنده شغل وامي بتروح معه ومارضت ابقى لحالي بالرياض
حس راكان انها تضايقت
راكان*ابتسم*:الساعه الحين 9 ناصل 10 وعلى طول للهاف مون ومانطلع الا وحنا منتهين من التعب
ابتهال:ههههههه تم .. راكان تعرف تسبح
راكان:اوووه افا عليك
ابتهال:ي خوفي
راكان*ناظرها بطرف عينه*:وش قصدك هاه
ابتهال:افا انا قصدي شي وﻻ شي
ابتسم لها راكان وضغط ع يدها:هالمره بس بمشيه لك وعيده وشوفي
ابتهال:ههههههههه
.
.
بابها
كانت اسيل نايمه بغرفتها ببيتها ورن جوالها
وردت
اسيل:هﻻ؟
.....:ي مرحبا
اسيل:مين؟
....:افا نسيتي نواف ي اسيل
اسيل*تضايقت*: نعم خير وش تبي ؟
نواف:ابيك ليش رحتي من الرياض
اسيل:ﻻني بدرس عند جدتي باابها
نواف:بس ليش ماقلتي لي
اسيل: ﻻنه بكيفي يﻻ باي وﻻترجع تكلم
وسكرت
ورمت الجوال ورجعت نامت
*نواف واحد من اللي كانت تلعب عليهم قبل تعرف راكان وتحبه جد* .
.
بالدمام
وصلو راكان وابتهال ومثل ماقال راكان ع طول للبحر
ونزلوو ووقفت ابتهال قدام البحر واخذت نفس وسكرت عيونها
ابتهال:اشتقت له
راكان:خذي راحتك لصبح وحنا هنا
ابتهال لفت له وابتسمت ونزلت طرحتها وحطته ع كتوفها وراكان وقف جنبها
ابتهال:يريحني كثير
راكان:من ايش؟
ابتهال:من كل شي يضايقني ماابالغ بس اذا وقفت قدام البحر انسى كل هم صار لي احس اني افضفض له بدون صوت
راكان:انا مثلك بس مو كثير
ابتهال:شلون
راكان:الكل يقول عني كتوم وهذا الصدق ماتطلع مني كلمه وحده اذا تضايقت .. بس انتي احسن مني تفضفضين ع الاقل
ابتسمت ابتهال ومسكت يده بيديها
وناظرت عيونه وناظرها راكان
ابتهال:بخليك تفضفض وتتكلم تتحدى
راكان:ههههههه مستحيل بس اتحداك
ناظرت له ابتهال بتحدي:طيب ..