الفصل 18
18
📚 😍 📜
( ابتليت بحبك جعله يبتليك )
📖🖌 @storykaligi 🌸🍃
لبس راكان ثوبه وشخص بشماغه وطلع من غرفته شاف حمد ع حاله واتجه للباب ولف لحمد
راكان:انا بروح لجابر قبل يرجع لحايل وببارك له وبعتذر عن اني ماوقفت معه امس وببارك له بالنيابه عنك وانت اتمنى ترجع لعقلك وتتخيل نفسك مكانه
وجاء بيطلع
حمد*رفع راسه*:انت وجابر نفس الشي
ووقف راكان ولف له:شلون
حمد:جابر اخذ حبيبتي وانت اخذت حبيبه ريان
راكان فتح عيونه ع الاخر صدمه مع عصبيه
حمد:عشان كذا ماراح تحسون باللي احس فيه
قرب له راكان وبدون مايحس مسكه مع قوبه بقوه ورفعه ووقفه
وناظر بعيونه وركز النظر
راكان:اسمع ي انت انا اللي يجيب طاري ابتهال بكلمه ويذكر جنب اسمها ريان اكسر راسه وجاي انت القريب لي تقول هالكلام
حمد: من اللي احسه
راكان*بصراخ*: كذاب وستين كذاب عندك بدالها ميه جت ع اللي اختارها جابر وطلعت من حبيباتك جابر اللي مايعرف البنات لما تزوج بتحاتفه
حمد:بس احبها
راكان: اصحى ع حالك اصحى
ورماه ع ظهره وطلع وحمد مسك راسه متضايق
.
راكان طلع من الشقه ونزل معصب وركب سيارته واسند راسه لورا وتذكر كﻻم حمد وتضايق وشغل سيارته ومشى بسرعه
واتجه لشقه جابر وطق الباب
وفتح له جابر بابتسامته
جابر:هﻻ بالعشير
راكان:هﻻ بالعريس مبروك
جابر:الله يبارك فيك يارب
راكان:اعذرني والله....
جابر:معذور ولو
ابتسم له راكان وتذكر كﻻم حمد ومسك كتف جابر بقوه
راكان:صدقني خير مااخترت ربي يوفق بينكم
جابر:امين
.
.
ببيت ابتهال وخاصه بالحديقه
ساره وابتهال يفطرون بهدوء وصمت بس اصوات العصافير والشجر
قطعت الصمت ابتهال
ابتهال:ممم بسألك يمه
ساره:ايش
ابتهال:امس طلعتي وخليتيني بالمستشفى وين كنتي
ساره:ليش راكان ماقالك؟
ابتهال حركت راسها ب ﻻ
ساره:كنت ببيت خالتك نوف خطبه فوز امس
ابتهال انصدمت: جد؟
ساره:اي
ابتهال:ع من وليش ماقلتو لي يوه راحت علي الحين اكيد زعلانه فوز
ساره:بشويش تكلمي .. ع واحد اسمه جابر شكله طيب وحبيب
ابتهال:ي حياتي هي بروح اكلمها
وركضت لداخل غرفتها وكلمت فوز
واعتذرت وشرحت اللي صار لها وبالقوه فوز رضت
وبعد ماسكرت ابتهال وهي تتوعد راكان ﻻنه ماعلمها ..
📖🖌 @storykaligi 🌸🍃
عند باب شقه جابر
كان راكان يودعه ويوصيه ع الطريق وجابر ماسك كلمه ان شاء الله
راكان:ماارح انا اقولك انت تراك بس تسهى
جابر:ان شاء الله
راكان:واذا تعبت وقف ع جنب
جابر:ان شاءالله
راكان:وروح الحين اشرب قهوه ﻻيجيك النوم
جابر:ان شاءالله
*صوت من وراهم*: بس خﻻص ابثرت الرجال
لفو له وابتسم جابر واستغرب راكان
جابر:تعال ي حمد فكني منه
حمد:ههههههه دايم وانا المنقذ
وقرب له وضمه وابتسم راكان له
حمد:تروح وترجع لنا سالم
جابر: امين .. الا وشبكم انتم اليوم دايم اسافر حايل مادلعتوني كذا
حمد، باابتسامه*: هالمره رايح وانت عريس
جابر:اها قول كذا .. ودي اعزمك تاخذ اختها بس ماابيك تصير عديلي ي عديل الفلس
حمد؛ افااااا
راكان:هههههههههههههههه والله صادق جابر
حمد:اتفقتو علي يعني
جابر:ﻻ ابد بس انت صحصح من هالبنات اللي عندك وبعدين فكر تتزوج
حمد:ههههههههههه ﻻ الزواج خليته لكم
جابر:عز الله .. يﻻ عاد اشوفكم نشبتو روحو بنمشي
راكان:اصﻻ عادي انا بروح اجهز كم غرض لزواج
حمد:اها خليتوني يعني
راكان وهو يمشي لسيارته:تقدر تقول سﻻم
وركب ومشى
جابر:توكل انت بعد
حمد ضمه مره ثانيه:جبور سامحني
جابر*مستغرب*:ع ايش
حمد:ع كل شي
جابر*ضغط بضمه بقوه*: مو بيننا ي اخوي
هالكلمه كلمه يااخوي دخلت لقلب حمد حس فيها ومشى قبل تنزل دمعته ركب سيارته ومشى اما جابر رجع شقته يشيل اغراض سفرتهم
.
.
نروح لساره بغرفتها
كانت متوتره خايفه ان ابتهال شافت الورقه اللي بالدفتر فكرت تقطعها او تحرقها بس ماقدرت
تنهدت ورفعت جوالها وكلمت نوف
نوف:هﻻ والله
ساره:نوف وش اسوي اليوم الورقه كانت قريبه لابتهال ماادري لو شافتها
نوف:ﻻتقولين .. لو شافتها بتصير مشاكل ساره ي قلبي انتبهي ماصدقنا ترضى
ساره:طيب وش اسوي
نوف:انا اقولك
ساره:قولي
نوف:روحي لريان و........
.
.
عند ابتهال بغرفتها
كانت تحاول تكلم راكان بس جواله مقفل
انقهرت ورمت الجوال وقامت لتسريحه تناظر نفسها رفعت روج وحطت منه وابتسمت
واخذت نفس ع رنه الجوال واتجهت له بسرعه وردت
ابتهال:ليش مقفل جوالك
راكان:تصدقين ماادري هههههه ليش وش عندك
ابتهال:ليش ماقلت لي عن الخطبه
راكان:ممم اي خطبه
ابتهال:تستهبل يعني !
راكان:شوي
ابتهال:راااااككككان
راكان:ي لبيه
ابتهال:سامج
وسكرت
وراكان ضحك من قلبه مايدري ليش يحب ينرفزها وبنفس الوقت يزيد حبها بقلبه58 ....
📚 😍 📜
( ابتليت بحبك جعله يبتليك )
📖🖌 @storykaligi 🌸🍃
نزلت ابتهال متنرفزه من راكان وتركت جوالها بغرفتها دورت امها مالقتها فكرت تروح السوق تخلص اغراض زواجها اللي مابقى عليه شي بس تعيجزت وجلست بالصاله ورن الجرس وقامت
ابتهال:خديجه انا بفتح
خديجه*من داخل المطبخ*: طيب
وطلعت ابتهال بتشوف من
وفتحت الباب وتفاجئت وجلست تناظر فيه
راكان*باابتسامه*: سﻻم
ابتهال ماقدرت تقاوم ابتسامته وابتسمت وعطته ظهرها ودخلت
وراكان دخل وسكر الباب ومشى وراها لصاله دخل لقاها جالسه
راكان:ممم وين خالتي
ابتهال:بغرفتها
راكان:طيب اظل واقف يعني
ابتهال:خذ راحتك
راكان قرب لها ووقف قدامها وابتهال رفعت راسها هو طويل وهي جالسه
راكان:قومي ي بنت عيب تجلسين وزوجك واقف
ابتهال:احلف
راكان:قومي
ابتهال:ماابي ماابي
مسك يدها وقومها وجلس مكانها
ابتهال: ههههييييييي قوم
مسكت يده تحاول تسحبه بس مافي امل
طلعت ساره من غرفتها وعباتها بيدها
ساره:خير خير
ابتهال:شوفيه جلس بمكاني
راكان:سﻻم خاله ماعليك منها انا زوجها مفروض تقوم لي صح!
ساره:لعنبو حيكم استحو ع وجيهكم زواجكم باقي عليه اسبوع وانتم تتهاوشون عشان مكان
ابتهال وراكان ناظر بعض وضحكو
ساره:يارب يعينكم ع بعض .. يﻻ انا بطلع سﻻم
ابتهال استغربت
راكان راقبها لين طلعت:وين رايحه خالتي
ابتهال هزت كتوفها بمعنى ماادري
راكان: الا تعالي بقولك
ابتهال*تكتفت*: قول
راكان:جد باقي ع زواجنا اسبوع
ابتهال:اسبوع ؟
راكان:اسبوع ؟
ناظرو بعض شوي واستحت ابتهال من تخيلت موقفها بعد اسبوع وحمر وجهها وراكان من شاف حالتها كتم ضحكته وابتهال صدت
ابتهال:انا شسمه بطلع مع السواق لسوق
راكان:زين وانا بغسل المواعين
ابتهال*منصدمه*:نعم؟
راكان:ماادري عنك زوجك واقف قدامك وتقولين بروح مع السواق عيب عليك عيب
ابتهال:ههههههههههههههههه
راكان:وتضحكين بعد هاه يﻻ يﻻ البسي عباتك بنطلع
ابتهال:اوكي يﻻ
وركضت جابت عباتها وراكان واقف يشوفها وهي تلبسها ولما خلصت وقفت قدامه وهو مبتسم وهي تناظر له مد يده وعدل طرحتها
راكان: دخيل عيونك حس بي لاصرت اغار
ابتهال ابتسمت ونزلت راسها وحست بيد راكان تدخل اصابعه بااصابعها وتضغط ع يدها وطلعو
.
.
بمكان ثاني وخاصه قدام استراحه ريان
كانت ساره بالسياره وتناظر باب الاستراحه وخايفه اخذت نفس ونزلت تقدم خطوه وترجع خطوتين.
ووصلت باب الاستراحه وبصعوبه دقت الجرس
وفتح لها شاب معه كاس وواضح سكران
خافت ساره وتكلمت بعد مابلعت ريقها
ساره:وين ريان
براء:اووووه ريانوووووه جتك لباب استراحتك وحده
ريان*من وراه سكران*:ارحبو دخلها
ساره خافت وجت بترجع ..
📖🖌 @storykaligi 🌸🍃
وقفت ساره بالطريق قدامها السياره و وراها الاستراحه وهي ترجف من داخل بس ماوضحت لاحد واصوات الاغاني من الاستراحه واصله اخر الشارع سكرت عيونها ساره وبالها تردد اسم بس
-ابتهال-
اخذت نفس ولفت ورجعت للاستراحه شافت نفس الشاب واقف قدامها ويضحك
ساره*تقرفت*:ابعد عني
براء:هههههههه وانا لمستك عشان ابعد
ساره ناظرت له بقرف ودخلت من جنبه وخافت لما سكر الباب
ساره:افتح الباب
براء هز راسه ب ﻻ
ودخل جلس
براء:ريانو شوف جتك بس ي خايس خنتني جايب لي عجوز
رفع ريان راسه وشافها وعرفها ع طول وقام وبالقوه يركز ع طريقه -سكران-
ساره*خافت*:خلك مكانك وتكلم وش اللي ارسلته لي
ريان:اووه ي عمه اووه
ساره*استغربت*
ريان:اااااوه بس لو تعرفين شقد انا طيب معكم للحين انتي وحلوتي ابتهال
ساره:ريان تكلم عدل انت شلون تتجرأ وتسوي اللي سويته
ريان:الغلط من بنتك هي اللي سلمتني الورقه لما كنا ايام الحب
ساره*تقرفت منه حيل*: كيف يعني
ريان:اسمعي عاد ابتهال وثقت فيني وانا قدرت بتوقيع بسيط منها خليتها تبيع هالبيت لي وطبعا لو عرفت ابتهال بتطيح السالفه ع راسك اسأليني ليش اسألي اسألي ي ي ي -وضحك-
ساره:ريان ي حقير تكلم عدل ابتهال مستحيل تصدقك
ريان:انا ﻻ بس انتي لك سوابق معها وﻻتنسين ان توقيعك نفس توقيعها واكيد ابتهال ماراح تحطني بالصوره ﻻني صراحه اخر مره وعدتها ابعد عنها
ساره:ري....
ريان:ﻻتكملين اسمعي ترا انا دايخ اللي ابيه شي واحد منك وراح ارجع البيت لكم ﻻن ادري ماعندكم غيره
براء:ي حرام كسرو خاطري
ريان:ههههههه اسكت خلني اكمل
ساره*بضيق*:اخلص تكلم
ريان: زواج راكان وابتهال مايتم .
.
.
بسياره راكان
ابتهال:ههههههههه ايوه وبعدين
راكان:وبعدين ي طويله العمر سلطان ظل ماسك يد تولين وهي تصرخ طبعا كلنا ماندري ليش .. طلع سلطان كان ماسك حشره بيده وتولين ماتحب الحشرات ابد ومسك يدها بعدها
ابتهال:ههههههههههههه يمه مجانيين
راكان:اوه ماشفتي شي بعد في مواقف بين هالثنين تضحك الميت
ابتهال:هههههههههههه
ابتسم لها راكان وناظر طريقه
ابتهال:ياه شوقتني قسم اعرفهم زين
راكان:باقي اسبوع
ابتهال*قمطت وسكتت*
وﻻحظها راكان مد يده ومسك يدها وعيونه ع الطريق وابتهال حست بشعور غريب هالادمي قربه امان لها ..
59 ....
📚 😍 📜
( ابتليت بحبك جعله يبتليك )
📖🖌 @storykaligi 🌸🍃
رجعت ساره البيت وحالتها ماتنوصف
تعبانه مهدود حيلها وكاتمه بكاها وكلمه ريان بااذنها -البيت مقابل زواج ابتهال وراكان يتكنسل-
رمت نفسها بالكنب بالصاله وهي مو مع الناس وتفكر وش تسوي سعاده بنتها مع رجال او سعادتهم هم الثنتين ببيتهم ومايكونون بالشارع اي خيار المفروض تختار
سمعت صوت الباب ورفعت راسها شافت راكان ومعه ابتهال ومعهم اكياس
ابتهال: وصلنا
راكان:الله اكبر يعني عاشقه البيت الحين
ابتهال: طبعا ماارتاح الا فيه
سكرت ساره عيونها بقوة من كلامهم يعني لو ماسوت اللي يبيه ريان بياخذ البيت وابتهال وين ترتاح
ابتهال وراكان انتبهو لساره
ابتهال:يمه!!
ساره*بعصبيه*:اطلعي غرفتك وراكان تعال ابيك بموضوع
راكان استغرب وناظر ابتهال المنصدمه من اسلوب امها
ابتهال:يمه وش...
ساره قامت وبصراخ:اطلعي اقولك
ابتهال هزت راسها بالموافقه وناظرت راكان وطلعت ووقفت بالدرج تسمعهم
ساره قربت لراكان تناظر له وراكان استغرب نظراتها
ساره:اكتشفت فيك شي كنت منعمه عنه
راكان*عقد حواجبه*
ساره:ماتﻻحظ انك ﻻزق بابتهال وانتم ماتزوجتو شتبي فيها ؟
راكان*زاد استغرابه*:خاله انتي تقولين انتم متزوجين وﻻزم...
ساره:كنت غبيه .. راكان اطلع من بيتي وﻻتجي الا وقت الضروره
راكان:خاله ؟
ساره:بس برا
راكان تفهم وضعها وماحب يزيد المشكله وطلع وابتهال منصدمه وبنفس الوقت عصبت من امها واخذت اغراضها وطلعت غرفتها وقفلت الباب عليها وكلمت راكان وما رد تضايقت وتوقعت انه زعل رمت الجوال ورمت نفسها ع السرير وببالها سءال واحد وش اللي خلى امها تنقلب هالسرعة
.
.
الصبح
الساعه 11
ببيت ابراهيم
فوز قايمه من الصبح رتبت البيت وسوت الفطور ورتبت حالها وباقي عندها وقت واهلها ماقامو وجلست تفطر
سمعت صوت بالدرج وشافت طﻻل نازل
فوز:اووه اخيرا احد قام
طلال:ليش مافي احد قايم؟
فوز:ﻻ جالسه من اليوم لحالي
طﻻل:زين بتكلم معك قبل يقومون
فوز:تعال افطر واسمعك
تقدم طﻻل وجلس جنبها
طﻻل:بس ماتزعلين وﻻ تتحسسين
فوز:اسأل بضبط اعصابي اعرفك ههههه
ابتسم طﻻل: بينك وبين جابر عﻻقه قبل
فوز اخذت نفس وضبطت اعصابها شوي
فوز:شوف انت مريض بالشك انا مااعرف جابر وﻻ هو يعرفني
طﻻل:بس غريبه هو من حايل وحنا من الرياض
فوز:نصيب
طﻻل:متاكده؟
فوز:طلال بس عاد تراني ماسكه اعصابي عليك
طلال:طيب طيب
فوز:اووف
وقامت دخلت المطبخ وطلال جلس يفكر شوي وبعدها بدا يفطر ..
📖🖌 @storykaligi 🌸🍃
بحايل
الساعه 12 الظهر
نزل جابر من الدرج وشماغه ع كتفه ووجهه واضح اللي مانام زين شافته امه واسماء اللي جالسين ع التلفزيون
ام جابر:صح النوم
جابر:صح بدنك ي الغاليه
اسماء:ع وين ان شاءالله
جابر:ليش ناسيه وش اليوم؟
اسماء:ممم الخميس؟
جابر:ﻻ ي عيوني اليوم الجمعه وتاخرت ع الصﻻه
ام جابر:صحيتك بس شفتك تعبان
جابر:ولو الصلاه اول
اسماء:خﻻص سيدي الجمعه الجايه علي تقويمك
جابر:راحت عليك الخميس الجاي زواج راكان صديقي بالرياض وبكرا دوامي هناك بعد يعني ي قلبي بطلع اصلي ارجع اشوفك مجهزه الشنطه زين ي حلوه؟
اسماء*عفست وجهها*:زين وين
ابتسم لها جابر وباس راس امه وطلع لصﻻه
.
.
الرياض
العصر الساعه 4
ابتهال:بعرف بس ليش تكلمتي مع راكان كذا ليش ؟
ساره*ببرود*:لانه تجاوز حدوده
ابتهال*بصدمه*:تجاوزها باايش قولي باايش راكان زوجي تدرين زوجي
ساره:ادري
ابتهال:طيب؟ ليش هالاسلوب معه؟
ساره:بسألك
ابتهال عقدت حواجبها
ساره:جمعتنا براحه وسعادتنا انا وانتي واﻻ راكان اهم؟
ابتهال استغربت
ساره:جاوبي
ابتهال:جمعتنا وشدخلها براكان
ساره:اسألك انا جاوبي
ابتهال*تنهدت*:اكيد الاثنين انا ماتكمل سعادتي الا بجمعي معكم انتي وراكان
ساره*تضايقت وبان عليها*: ابتهال انا ابي لك الخير راكان ماي....
قبل تكمل رن جوال ابتهال وناظرت امها وردت
ابتهال:هﻻ راكان
ساره اخذت نفس من سمعت اسمه وصدت
ابتهال:بخير وانت ...... ﻻ مااقدر اتكلم الحين اكلمك بعدين ....... يﻻ باي
وسكرت وناظرت امها
ابتهال:كملي
ساره:تحبينه؟
ابتهال*استغربت اكثر من امها*:انتي فيك شي ؟
ساره:تحبينه ابتهال
ابتهال:شلون مااحبه يمه راكان ابوي واخوي واقرب قريب من عرفته وانا مرتاحه
ساره قربت لها وبتتكلم بس ماقدرت وراحت لغرفتها وسكرت الباب عليها وابتهال رمت نفسها ع الكنب وتفكر بتصرفات امها الغريبه
وجتها رساله
فتحتها من راكان:
كلميني ع ماتفضين
واتصلت عليه وطلعت غرفتها وقالت له كل اللي دار بينها وبين امها ..
🌸📖🖌 @storykaligi 📖🖌🌸
🍃🌸
🌸🍃🌸
🍃🌸🍃🌸
🌸🍃🌸🍃🌸
👍
13
❤
7
4.05Kviews
08:53