الفصل 15
15
📚 😍 📜
( ابتليت بحبك جعله يبتليك )
📖🖌 @storykaligi 🌺
ريان يشوف سياره راكان وهي تبعد عنه وماقدر يقوم ع حيل صرخ بقوة بقهر
وجاءه واحد توه نازل من سيارته
الرجال:خير خير وش فيك
ريان:حاول بس توصلني سيارتي وخل الباقي علي
الرجال توهق فيه بس قدر يشيله ويوصله سيارته
ريان:خﻻص مشكور روح
الرجال:بس ماتقدر تسوق
ريان:وانت شدخلك روح
استغرب الرجال وتركه وراح وريان سند راسه ع ورا يرتاح شوي وبعدها سكر باب سيارته ومشى بسرعه
.
.
بسياره راكان
اصوات انفاس سريعه بس
ابتهال ترجف وفيها الصيحه اما راكان واصل قمه العصبيه
واخيرا تكلم راكان:من متى مقابلاتكم مع بعض؟
ابتهال*انصدمت*: هذي اول مره اشوفه بعد....
راكان*بصرخه*:ﻻتكذبين
ابتهال*دمعت عينها*:والله مااكذب راكان...
راكان : جب وﻻ كلمه اسمي مايجي بلسانك فاهمه
ابتهال:ﻻ مو فاهمه انت افهم وربي ما...
راكان:ماابي اسمع كﻻم منك .. انا الغلطان لما طلعتك من بين يديه لو مخليه يسوي فيك اللي يبي مو انتي سلمتي نفسك له انتي تحملي اللي يجيك
ابتهال منصدمه من كﻻمه وبنفس الوقت ماعندها رد تقوله انربط لسانها
وصل راكان بيتها ووقف ينتظرها تنزل بس مانزلت ولف عليها
راكان:انقلعي انزلي
ابتهال نزلت راسها وساكته
راكان تنرفز بس سكت شوي بعدها لف لها مره ثانيه
راكان: هي انتي انزلي فكيني
ابتهال:بقولك شي وبعدها انزل
راكان:قلت لك ماابي اسمع شي ماتفهمين
لفت له ابتهال معصبه بس انصدم راكان بعيونها مليانه دموع
ابتهال:ﻻ بتسمعني ..
راكان جلس يناظرها
ابتهال:راكان انا مارحت له لاني احبه وربي مافي اكره من ريان عندي راكان ريان عنده صور لي وقال لي يااجي اخذها يايسوي فيك شي وانا لو قلت لك بتروح له بس لو رحت انا باخذها وبرجع والرساله عندي شوفها
راكان: وانتي رحتي عشان الصور
ابتهال*نزلت راسها*:وماابيه يسوي لك شي
راكان*رفع راسها بااصبعه*:بس مايقدر يسوي فيني شي
ابتهال: قدر المره ذيك
راكان*ابتسم*: ﻻتخافين ماراح يعيدها وانا منتبه بس انتي اي شي يجيك قولي لي تكفين
ابتهال:طيب دام كذا اجل بقولك في بنت كلمتني عنك
راكان*تنهد*: ايه اعرف هذي وحده مجنونه
ابتهال: بس تعرف كل شي
راكان: ﻻتهمك بشوف الموضوع
ابتهال جت بتكمل بس ماحبت تبدا مشكله وسكتت
راكان*باابتسامه*:تبيننا نروح نتعشى
ابتهال: ﻻﻻ بنزل
راكان: مو ع كيفك
ومشى
وابتهال ماقدرت تقول شي
مد راكان يده ومسك يدها وضغط عليها وناظرت له ابتهال حست براحه وهو معها ..
📖🖌 @storykaligi 🌺🍃
خلوني اوصف لكم احساس كل واحد
راكان كان يحس بشعورين متناقضين فيه شعور انه حبها وشعور انه خايف منها وعليها
خايف منها انها تستغله وخايف عليها من اسيل اللي يعرف انها ماراح تتركها
ابتهال كانت ودها تبتسم له بس ماقدرت ﻻن الاحساس داخلها يقول ان راكان يكذب عليها بس حبته
مصدقه البنت اللي كلمتها ومصدقه راكان بنفس الوقت خايفه من ريان اللي تعرف ماراح يتركها مرتاحه
وفوق كل هالاحاسيس كانو ماسكين ايدين بعض وكل واحد يضغط ع يد الثاني
تكلم راكان وقطع الهدوء:وين تبين تتعشين
ابتهال:مممم عادي مو فارقه
راكان:طيب انا بوديك مطعم توه فاتح خيال
ابتهال:اوكك نشوف
راكان ابتسم ورفع يدها وباسها
.
.
كانو يمشون وببالهم ان ماحد يمهم
ومااتبهو لسياره اللي كانت وراهم وحامله انسان كله حقد عليهم لاحقهم من كانو قدام بيت ابتهال كان ينتظرها تنزل بس صدمته لما مشت سياره راكان بدون ماتنزل ابتهال ومشى وراهم
.
.
وصلو المطعم ونزل راكان ونزلت بعده ابتهال قرب لها راكان وجلس يتكلم معها
ريان من سيارته جالس يشوفهم واستغرب وانقهر ليش قرب لها بعدها مسك يدها ودخلو
وريان ضرب بيده ع الدركسون
ومشى شوي ووقف ينتظرهم وهو بباله يلعن راكان
.
.
نروح لجابر اللي جالس بجنب اخته اسماء
ويكلمها عن فوز بحماس واسماء تسمعه
جابر:عاد اقنعي امي نخطبها بكرا
اسماء:اما بكرا اكيد ماراح توافق
جابر:وجع تارك الرياض وجايكم اخر شي ماتوافق والله انقهر
اسماء:ﻻ خﻻص وﻻ تشيل هم بقولها عن مواصفاتها اللي قلتها ههههههه
جابر: اه بس وربي عشق
اسماء:اخاف ساحرتك
جابر:يمكن ي بنت من اول ماشفتها حبيتها
اسماء:اجل وﻻ يهمك بتكون لك
جابر:يااااااارب
46 ....
📚 😍 📜
( ابتليت بحبك جعله يبتليك )
📖🖌 @storykaligi 🌺
بالمطعم
جالسين قدام بعض وساكتين راكان يناظرها ومبتسم اما ابتهال تحاول قد ماتقدر ماتحط عينها بعين راكان .. وتحاول تناظر ديكور المطعم وراكان منتبه لها ومركز بعيونها
شوي ومد يده ومسك يدها وناظرت له ابتهال
راكان: ليش تتجاهلين تناظريني
ابتهال:ﻻ بس....
قطع عليها صوت جوالها سحبت يدها من يده ومسكت جوالها وبان عليها الارتباك
راكان:من ؟
ابتهال:امي
راكان:طيب ليش خايفه ردي قولي انا مع راكان
ابتهال:ﻻ امي تعصب وماتحب هالسوالف اني اطلع معك قبل نتزوج
راكان:طيب ممم قولي لها مع صديقتك
ابتهال*بربكه*: الله يعينني اكيد بتكشفني مااعرف اكذب عليها خاصه
راكان استغرب منها شوي وابتهال ردت بخوف
ابتهال:يمه انا مع حنان ﻻتخافين حنا بالسوق
اشر لها راكان بﻻﻻ وانا تقول بمكان ثاني
ابتهال:ﻻ يمه حنا بالمطعم
ساره:هههههههههههههه ابتهال وربي ماتعرفين تكذبين قولي لي وينك وليش طلعتي بدون ماادري
ابتهال عفست وجهها وضحك راكان
ابتهال:يمه اذا رجعت اقولك بس ﻻتخافين
ساره:معك ساعه بس
ابتهال*ببرائه*:طيب
وسكرت
راكان:وش قالت
ابتهال:تقول معي ساعه بس
راكان:زين نتعشى ونمشي
ابتهال:طيب بس نو كانهم طولو
راكان:خليني اشوفهم
جاء بيقوم بس ابتهال اسرع مسكت يده
ابتهال:ﻻﻻ ﻻخلك
راكان*فرح منها*: طيب
وجلس واستحت ابتهال ورجعت يديها
وجابو الاكل بعدها وبدو ياكلون
.
.
عند ريان مل من انتظاره حس انهم طولو
وشغل سيارته ومشى بسرعه وطلع صوت بسيارته قوي
ورجع الاستراحه وشاف براء بنفس مكانه اول ماشافه ضحك
براء:هههههههه وينها هاه
ريان:كل تبن
ودخل غرفته وضرب الباب بقوه
وبراء زاد صوت ضحكه ..
📖🖌 @storykaligi 🌺🍃
خلصو راكان وابتهال من العشاء وطلعوا لسياره فتح راكان لابتهال الباب
ابتهال ابتسمت له وركبت وسكر الباب وركب
ومشى
راكان:بسألك عن شي استغربت منه
ابتهال:تفضل
راكان:ليش ماتعرفين تكذبين
ابتهال:هههههههههه وش هالسؤال
راكان:ﻻ جد شلون اخذتي هالعاده
ابتهال:انا اقولك لما كنت صغيره امي تزوجت وجابت لي خدامه تربيني الخدامه هي خديجه ماكانت تعرف كيف تربيني تربيه صح وراحت سألت داعيه تعلمها وهي تجي تعلمني
راكان:داعيه ربت؟
خديجه:خديجه وسيله بيني وبينها
راكان:اها حلو ماشاء الله زين وامك من كان زوجها وكيف علاقتك معه
ابتهال:تحقيق يعني؟
راكان:هههههه ﻻ بس فضول
ابتهال:بتعرف مع الوقت بس كان عادي يعني عﻻقتنا زينه بس حاقده عليه ﻻنه اخذ امي
راكان:اي اكيد
وسكتو شوي
ابتهال:ممم وانت كيف طفولتك
راكان:انا ياطويله العمر عشت بحارتنا بابها ترى جد حارتنا اغلب اللي فيها من جماعتي استحوذناها
ابتهال:هههههههههههه
ابتسم راكان:عمامي كلهم بالحاره وطفولتي راحت لعب مع عيال عمي واخواني
ابتهال سهت شوي
راكان ضغط ع يدها:وين رحتي
ابتهال:فرق بيني وبينك انت عشت بين اهلك وانا..
راكان*حب يغير الجو*:احمدي ربك انا ناشبتن لي فتون بنت عمي اذكر تضرب العيال وتجي تتخبى وراي يعني احميني ي باتمان واتورط انا
ابتهال:ههههههههههههههههه
راكان:عساها ماتفارقك يارب
ابتهال:تسلم
وابتسم لها وباس يدها
وصلو بيت ابتهال ولف راكان لابتهال
راكان:بقولك شي
ابتهال:ايش
راكان:بصراحه انا تعلقت فيك وربي ابتهال انتي دخلتي قلبي
ابتهال بلعت ريقها وسكتت
راكان:الشهر الجاي زواجنا
ابتهال*بصدمه*: زواج ؟
راكان:ايه ﻻتقولين ماتبيني
ابتهال:ﻻ ابيك بس
ابتسم راكان من كلمتها وهي انتبهت واستحت
راكان:اجل خﻻص الشهر الجاي وﻻتشيلين هم تجهيز ابيك كذا مثل ماعرفتك
ابتهال:طيب خﻻص باي
ونزلت ووجهها احمر وراكان منجن عليها ابتسم لها ولين دخلت بيتهم مشى
اول مادخلت ابتهال وقلبها يدق بقوه البيت استقبلتها امها ...
47 ....
📚 😍 📜
( ابتليت بحبك جعله يبتليك )
📖🖌 @storykaligi 🌺🍃
ساره:ي سﻻم كم الساعه معك؟
ابتهال*استحت*:ممم 10
ساره:ليش مانمتي برا مو احسن
ابتهال:ﻻ يمه خلاص
ابتسمت ساره لكلمتها خﻻص صارت هالكلمه تنسيها همها
ابتهال:يﻻ تعبانه بنام باي
ساره:تغطي زين
ابتسمت لها ابتهال وفرحت انها ماسألتها مع من طالعه
وطلعت غرفتها والفرحه مو شايلتها اخذت شور ولبست ومشطت شعرها والابتسامه مافارقتها واخيرا رمت نفسها ع السرير ونامت .
.
الصبح الساعه 10 ونص
باابها
بصاله بيت ابوراكان
ام راكان وسلطان وكيان ع الفطور وتولين طبعا نايمه
سلطان:شوفو شوفو الهدوء بدون تولين
كيان:الحين تقوم
سلطان:ﻻ ان شاء الله
ام راكان:وجع سلطان ﻻتقول كذا
سلطان:ماقصدي شي بس يعني ليتها تطول ترتاح بس
ام راكان:انت بس ريحنا من صوت عودك تالي الليل وحنا بخير
كيان:هههههههههههه تستاهل رجعت عليك
سلطان:افا
دخل ابو راكان معصب:شفتي شفتي ولدك وش سوى
ام راكان:من راكان؟
ابوراكان:فيه غيره دايم وهو مستعجل
كيان:ليش يبه وش مسوي
ابوراكان:واعد اهل ابتهال ان الزواج الشهر الجاي
ام راكان:الشهر الجاي؟؟ هذا القريب ماغيره
ابوراكان:اي مابقى شي
كيان:عادي شفيكم هم حرين وش دخلنا
ابوراكان:اقول ﻻتاقفين معه مايمدي ندور قاعه ونعزم الناس
ام راكان:انجن هالولد بس يارب العون
سلطان:والله مو عارف لكم الا راكان يسوي اللي براسه هههههههه
شاف ماحد عطاه وجهه وسكت وطلع
كيان:خﻻص يبه خله براحته وحنا بنحاول نضبط كل شي هد اعصابك
ابوراكان:يارب الصبر بس
وطلع وكيان ابتسمت لامها
ام راكان:وش فيك انتي بعد
كيان:ﻻ بس فرحانه
ام راكان:الله يتمم هالفرحه
كيان:امين يﻻ بكلمه وبكلم ابتهال ببارك لهم
وركضت لغرفتها وام راكان جلست تفكر بالتجهيزات لزواج اول اولادها ..
📖🖌 @storykaligi 🌺🍃
الساعه 4 ونص العصر
نزلت ابتهال مستعجله بكامل اناقتها وجمالها وعباتها بيدها
وشافتها امها وهي تتقهوى
ساره:الله الله ع وين ي حلوه
ابتهال*قمطت*:ههههههههههههه تصدقين عاد يمه ع شكلك كذا احسك حارس لباب البيت بالدخله والطلعه
ساره:ماوراي شي اقعد لك .. ماقلتي لي ع وين
ابتهال:انا وفوز حشرنا حنان لين عزمتنا ع القهوه برا والعشاء بعده
ساره:مممم وليش مااستاذنتي
ابتهال:اوه يمه من طالعه معه انا مع حنان وحنان من زمان ماشفتها
ساره*استغربت*:مو تقولين امس كنتي معها
قطمت ابتهال وتورطت وبان عليها
وقامت ساره ووقفت قدامها وبشده
ساره:وينك امس تكلمي
ابتهال*خافت وسكتت*
ساره:ابتهال تكلمي ليش كذبتي مااعرفك تكذبين
ابتهال*ببرائه*:شوفي ﻻتعصبين علي والله ماسويت شي تعشيت مع راكان ورجعت بس
وسكرت عيونها بعد كﻻمها وساره ابتسمت ع شكلها بس اخفت ابتسامتها ع طول
ساره:وليش كذبتي
ابتهال:خفت تعصبين
ساره:بعصب اذا كذبتي ومره ثانيه قولي لي قبل تروحين زين
ابتهال*ابتسمت*:زين
ابتسمت لها ساره وابتهال من غير ماتحس باست خدها وطلعت بسرعه وساره فرحت منها ومن حركتها وابتسامتها زادت .
.
تجمعو البنات بحديقه عامه
فوز:الحين هذا اللي طلع معك حنانوه حديقه عامه
حنان:احمدي ربك وترا ماكنت بطلعكم بس عشان غاليه ترجتني
غاليه*ببرائه*:اشتقت لجلستكم
ابتهال وليش ماتلحلحتي انتي وعزمتينا
غاليه:مطفره
ابتهال:ههههههههه عز الله
حنان:ﻻ تخافون حجزت مطعم باليل عشان العشاء بس بنجلس هنا ﻻن الجو جميل اليوم وبعد شوي بنروح
ابتهال: انا عن نفسي معجبني
حنان:عمري انتي بس مو فوزوه
فوز ماكانت مركزه معهم ﻻنها شافت شي ومنصدمه
ابتهال:فوز شفيك
فوز*بهمس*: طلال جاء !
ناظرو البنات مكان ماتناظر فوز وانصدمو بطلال اللي جايهم معصب
ووقف عندهم وبصراخ
طﻻل:حمير انتم فوز غاليه كم مره قلت طلعه مع هاللي ماتتسمى مافي
ابتهال انصدمت منه تدري انه يقصدها
فوز*بخوف*: طﻻل روح بعدين نتفاهم
طﻻل: ماني رايح قومو قدامي
غاليه:فوز قومي ﻻيسوي فضايح
فوز بقهر قامت مع غاليه وراحو سيارته وقرب طﻻل لابتهال
طلال:اسمعي ي حقيره ﻻتقربين لخواتي احسن لك وجايبتهم بمكان عام بعد قله ادب
ومشى وابتهال منصدمه وامتلت عيونها دموع
وحنان قامت وضمتها قبل تبكي 48 ....
📚 😍 📜
( ابتليت بحبك جعله يبتليك )
📖🖌 @storykaligi 🌺
حنان اوجعها قلبها ع ابتهال اللي ماسكه نفسها ماتبكي
رفعت ابتهال راسها شافت الناس كيف تناظر لها بااستحقار بعد كﻻم طلال قدامهم عنها
قامت ابتهال:اشوفك بعدين باي
ومشت بسرعه لسياره وركبت
وقالت لسواق يمشي بسرعه
ومشى
اما حنان وقفت تشوفها منقهره عليها ولفت لناس الواقفه وعصبت
حنان:نعم خير مهرجان ؟ انقلعو
وتفرقوا
رفعت جوالها وكلمت فوز
فوز من شافت رقمها انصدمت وخافت وردت
فوز: هﻻ حنان وش صاير
حنان: فوز حطي الجوال سبيكر
فوز:ايش؟
حنان:بسرعه
فوز ناظرت طﻻل اللي يناظرها بحده :طيب
وحطته سبيكر
حنان:اسمع ياللي تسمي نفسك رجال لا ابتهال وﻻ فوز وﻻ حتى غاليه لهم دخل بالمكان هذا انا اخترته وانا عازمتهم ولو فيك خير ارجع وتفاهم معي لو كنت خايف ع خواتك .. ثانيا الضيقه اللي جت لابتهال بسببك عساك تذوق اكبر منها وباي ... وﻻ اقول شوف تف عليك
وسكرت وغاليه ماسكه ضحكتها هي وفوز اما طﻻل منصدم من هالهجوم اللي جاءه فجاءه
طﻻل*بعصبيه*: من هذي
فوز:مالك دخل وتستاهل
غاليه:ع بالك بنسكت لك .. والله لااقول لابوي وتشوف
طﻻل:انطمي انتي وياه وصديقتكم هذي قليله ادب ابعدو عنها
فوز:مو انت تبعدنا عن صديقاتنا
طﻻل سكت عنهم وهو متنرفز
.
.
ببيت ابتهال
كان راكان عندهم يتكلم مع ساره عن الزواج ويقنعها بموعد الزواج
ساره:طيب قبل تكمل بجيب لك قهوه وراجعه
راكان:طيب
وقامت ساره وطلعت من المجلس ع دخله ابتهال بسرعه تبكي وماتشوف قدامها رمت نفسها بحضن امها وساره خافت عليها وماانتبهت لراكان
ساره:يمه ابتهال شفيك
ابتهال تبكي
ساره:ابتهال حبيبتي شفيك تكلمي
ابتهال*من بين دموعها تشهق*
ساره رفعت راسها وشافت راكان اللي واقف ورا ابتهال عند باب المجلس وعاقد حواجبه مايدري وش السالفه
ساره ميلت راسها يعني ماادري
ساره: ابتهال تكلمي وش فيك
ابتهال*تشهقق*:طﻻل يمه
ساره:وش فيه طﻻل
ابتهال ماقدرت تتكلم وابعدت عن امها بتطلع للغرفه بس انتبهت لراكان اللي واقف وراها وانصدمت وطلعت بسرعه لغرفتها
راكان:وش فيها ؟
ساره:تقول طﻻل بس ماادري وش السالفه
راكان:طلال ولد ابراهيم ؟
ساره:ايه اكيد
راكان:بطلع اعرف السالفه ممكن؟
ساره:خذ راحتك انت زوجها الحين وعلمني ﻻن ابتهال مستحيل تقولي السالفه كامله
راكان:طيب ي خاله
وطلع فوق ...
📖🖌 @storykaligi 🌺🍃
طلع راكان الدرج وعارف مكان غرفتها
قرب للباب
وطقه وماردت
طق مره واثنين وثﻻث وﻻ ردت ابتهال
خاف عليها وفتح الباب طلع مقفل
راكان:ابتهال
ابتهال*من ورا الباب*:انزل ماراح افتح ماراح افتح ماراح افتح
ابتسم ع اسلوبها حس ببرائتها وقرب للباب وتكلم
راكان:بس كنت بقول لك شي ترى الزواج قدمناه الاسبوع الجاي
فتحت الباب بسرعه وتناظر له وعيونها حمرا من البكى
ابتهال:نعم مو ع كيفك من قالك تقدمه
ابتسم راكان وقرب لها ورجعت هي
ودخل وسكر الباب وراه
ابتهال:اطلع وش مدخلك من سمح لك
راكان مااعطاها وجهه قفل الباب واخذ المفتاح وابتهال تناظر له بصدمه
واتجه لسرير وجلس عليه
ابتهال:ﻻ والله ؟
راكان: شوفي بجلس هنا لين اسمع السالفه اللي بكتك كلها
ابتهال:واذا ماقلت
راكان:تحمليني اجل لاني بجلس بغرفتك لين تنطقين
ابتهال عقدت حواجبها بعناد واتجهت لتسريحه وجلست ع كرسيها
ابتهال:اجلس واخذ راحتك والسالفه مو ﻻزم تعرفها ﻻنها ماتخصك
راكان:افا طيب
وابتهال اعطته ظهرها وتكتفت وراكان جالس وكاتم ضحكته .
.
ببيت ابراهيم
من دخلو فوز وغاليه شافو ابوهم وامهم بالصاله ركضو لهم وغاليه تبكي وفوز ماسكه نفسها وقالت لهم كل اللي صار وعصب ابراهيم
ع دخله طﻻل البيت
ابراهيم*بعصبيه*:تعال
طلال: اذا بتتكلم عن اللي سويته ماراح اجي
ابراهيم:اقولك تعال
طﻻل*قرب له*:انا مقتنع ان اللي سويته هو الصح
ابراهيم:ﻻ مو صح من عطاك الحق تصارخ ع البنت قدام الناس وبالكلمات هذي
طﻻل:ﻻني متاكد انها فيها
فوز:حمار وماتستحي هذي ابتهال بنت خالتك كان نسيت
ابراهيم:اسمع ي انت بناتي من اليوم انت مالك دخل فيهم وﻻ تقرب لهم وﻻ لابتهال لين تعقل فاهم
طﻻل:ﻻ ب......
نوف:طﻻل جب وﻻ كلمه اسمع كﻻم ابوك والله يفشلك مثل مافشلتني مع ساره وبنتها
طﻻل:اوووف
وطلع
غاليه: فككككه
ابراهيم من العصبيه طلع غرفته ونوف جلست والبنات عنها يشكون ...