الفصل 14
14
📚 😍 📜
( ابتليت بحبك جعله يبتليك )
📖🖌 @storykaligi 🌻🍃
رجع راكان الشقه ورمى نفسه ع الكنب ويده على راسه
ويقول بنفسه شلون امي وكيان يوصوني ع ابتهال ولو يدرون عن اللي قالته بااتفاقنا ولو يعرفون شلون عرفتها وقابلتها ولو يعرفون بمواقفنا وش اللي يصير - اخ ي راكان شقد حياتك انقلبت بعد ماعرفت هالبنت كنت عايش ومبسوط ﻻ قلب حب وﻻ تعلق -
سمع صوت جواله ورد وهو مسكر عيونه وساند راسه لورا
راكان:هﻻ
......: هﻻ بك راكان كيفك
-صوت بنت-
فز راكان من جلسته وشاف شاشه الجوال كان رقم غريب ورجع حطه ع اذنه
راكان:من؟
.....:افا نسيتني انا اسيل
راكان*تنهد بضيق*: هاه شتبين ي اسيل
اسيل:انت تعرف وش ابي
راكان:ﻻ مااعرف تكلمي
اسيل:انت
راكان:اسيل شوفي انا اقدر اقفل بوجهك واقدر اغير رقم جوالي بس ابيك انتي تفهمين خﻻص انا تزوجت......> بيكمل بس تذكر انها تعرف ابتهال وسكت
اسيل*بهدوء*: تزوجت ؟
راكان:ايه
اسيل:ابتهال؟
راكان:شي مايخصك هذا وخلاص اسيل ربي يوفقك مع غيري
اسيل*بصراخ*: ماابي غير افهمني بس وربي يا راكان ماراح اتركها اللي خذتك مني هالشيفه ..
راكان : ي هوه خلصنا شغل بزران يﻻ عاد ﻻ عاد تتصلين واحفظي كرامتك
وسكر
ورمى الجوال وقام يغسل وسمعه يرن مره ومرتين
وبعدها سكت ومارن وراح راكان ياكل وسمع جواله يرن مره ثانيه وجاء معصب ورفعه بيرد بس شاف الاسم *خالتي ساره*
مسك نفسه وحاول يهدأ ورد
راكان:ياهﻻ
ساره:هﻻبك راكان شلونك وشلون اهلك
راكان:بخير ربي لك الحمد وانتم شلونكم
ساره:بخير لوﻻ اللي مخبينه عني
راكان*بتوتر*: وش اللي مخبينه
ساره:انا عرفت كل شي ﻻ تستغبي
راكان*ضغط على عيونه من التوتر*: ماادري وش اقولك بي ربي يهديها ابتهال اللي قالت لك شي مفروض ماينقال
ساره:بس انا امها وﻻزم اعرف
راكان:ادري والله بس انا ماتحملت من عرفت ان ريان الخسيس حاول يغتصبها وربي ماقدرت اتحمل اخليها له لازم اخذها واحاول احميها
ساره انصدمت اول مره تعرف هالمعلومه
ساره: ايش حاول يغتصبها ؟
راكان سكر عيونه بقوه حس انه جاب العيد
ساره:تكلم
راكان:خاله اهدي شوي وجايكم
ساره:راكان تكلم
راكان ماقدر يمسك نفسه وسكر الجوال وضرب يده براسه وركض اخذ شماغه وطلع من شقته
اما ساره بحاله مايعلم بها الا الله وقامت راحت جهه غرفه ابتهال ..
📖🖌 @storykaligi 🌻🍃
نروح لجابر وحمد اللي جالسين ببيت جابر وكلهم ع جوالاتهم وهدوء
رفع جابر راسه وطاحت عينه ع ابتسامه حمد وعيونه بالجوال
جابر:وش مفرحك؟
حمد*مبتسم*:هاه من؟
جابر:انت اسألك وش مفرحك ونسنا معك
حمد: ابد بس في وحده فله توي عرفتها تنحب ي اخي
جابر*مستغرب*:انت مو يوم ملكه راكان متضايق انك شفت حبيبتك القديمه
حمد:انت صادق اتضايق عشان بنت اللي راحت تروح واذا زعلت ترى عشان انهم قلو البنات عندي مو عشانها
جابر منصدم: انت هالبنات مو لعبه عندك
حمد:تكفى اسكت وﻻتبدا نصايح
جابر سكت وبعد كلام حمد هذا زاد تمسكه بفوز اكثر
وارسل لها رساله: سﻻم فوز اتمنى تردين علي ﻻني عندي كﻻم يخصك
وسكر جواله وفوز كانت تمشط وسمعت صوت رساله بجوالها وما اهتمت له .
.
ابتهال كانت جالسه ع سريرها وتناظر امها بااستغراب
ساره من دخلت ع ابتهال جلست قدامها ع السرير وتبكي
ومافهمت ابتهال منها شي
شوي وفتح الباب ودخلت خديجه
خديجه: مدام هدا مس راكان تحت
ابتهال بصدمه:ايش شيبي
رفعت ساره راسها لخديجه:خليه يطلع هنا
ابتهال: ﻻ
ساره:يﻻ خديجه
خديجه ضاعت بينهم
ساره: يلا
ونزلت خديجه بسرعه
ابتهال:وش قاعده تسوين وش اللي صاير
ساره ساكته وتبكي وابتهال ماتدري وش اللي صاير
شوي وطق الباب وابتهال تعلقت عيونها بالباب
ساره:ادخل راكان
ودخل وابتهال جلست تناظره وهو مو يمها ويناظر ساره
ووقفت ساره وصارت قدامه
ساره:تعرفون انتو وش سويتو الحين؟
راكان صد عنها وسكت
ساره:تكلم تعرفون وش سويتو
راكان:نعرف
ابتهال:ايش فيكم تكلم ماني فاهمه شي
ساره*ناظرتها*: ركبتي مع ريان لما كان خاطبك ؟
ابتهال انصدمت وسكتت
ساره: ركبتي هاه واخذك لاستراحته اخ بس اخخ من متى البنت تروح مع خطيبها من متى
ابتهال نزلت راسها وسكتت
ساره:انا مو منقهره من راكان بالعكس راكان طلعك من بين يديه بس اللي قاهرني ليش سكتو وماقلتو لي وريان للحين يزعجك واخرها امس ..
راكان:يزعجك ؟
ابتهال:ايه
راكان*بعصبيه*: وليش ماقلتي لي
ساره:ﻻتصارخ عليها وانت اصﻻ ماقلت مشكلتكم لاحد ع بالكم بتحلونها لحالكم
ابتهال:انا ماكنت بقول لاحد بس راكان
راكان:انا ايش
ابتهال:انت كنت بتشيل المشكله كلها عليك ونسيت وش سوى فيك ريان
راكان عصب
ساره:وش سوى
راكان:ماسوى شي
ابتهال:كذاب
وقامت وصارت قدامه وفتحت ازرار ثوبه وانصدم وساره تراقب وش فيه
وطالعت ابتهال اثر عمليه راكان اللي صاير احمر ..
ساره شهقت
وراكان صد وابتهال تناظر جرحه بتوتر ..
#يتـــــــــــــــــــــــــــبع....
41 ....
📚 😍 📜
( ابتليت بحبك جعله يبتليك )
📖🖌 @storykaligi 🌺🍃
ساره*يدها ع فمها*: ايش هذا
ابتهال تناظر عيون راكان وراكان ناظر عيونها وساكتين
ساره:تكلمو هذا وشو
ابتهال *وهي عيونها بعيون راكان*: ريان اللي سواها
ساره:شلون
ابتهال*امتلت عيونها دموع ونزلت راسها*:بمسدس
ساره:ايش
راكان مسك يد ابتهال اللي كانت ع فنيلته ونزلها ع الخفيف
راكان:خاله اللي صار صار والحمدلله عدت ع خير
ابتهال راحت وجلست ع السرير
وراكان رجع سكر ازرار ثوبه
وساره تنهدت:راكان ريان مجنون
راكان:اعرف له
ساره:الكﻻم معكم ضايع اوف بس
وطلعت
وسكرت الباب
وراكان يسكر ازاره وابتهال جالسه وتمسح دموعها
راكان سحب الكرسي وجلس قدامها
راكان:ليش تبكين
ابتهال:اللي شفته بسببي كنت بتموت
رفع راكان اصبعه بسرعه وحطها ع شفه ابتهال
راكان:اوش
ابتهال رفعت عينها وشافته
راكان*باابتسامه*:تفاولين علي؟
ابتهال:ﻻ
راكان:اجل ﻻتقولين هالكﻻم زين
ابتهال هزت راسها بالموافقه
راكان كان بيقوم بس شاف شي ع كومندينه ابتهال واشر عليه
راكان:ايش هذا
ابتهال*ابتسمت*: شماغك
راكان:ههههههههههه للحين عندك
ابتهال:ايه وانت ﻻيكون رميت لفتي
راكان:هههههه مجنون انا؟
ابتسمت ابتهال
راكان:ابتهال
ابتهال:هﻻ
راكان بيتكلم بس تراجع ومسك يدها وباس راسها وابتهال ساكته ومستغربه
وابتسم لها وقرب لاذنها وهمس
راكان:انتبهي لنفسك واي شي يخصك قولي لي
ابتهال:طيب
وابتسمت له وطلع راكان وابتهال سندر راسها لورا وتنهدت بحب
وراكان من طلع يحس بسعاده الدنيا بقلبه من ابتسامه ابتهال وان شماغه للحين جنب سريرها ..
📖🖌 @storykaligi 🌺🍃بعد مامر اسبوع
والكل ع حاله
ابتهال كانت تحاول تغير جو عن ايامها اللي راحت وتطلع مع حنان كل يوم
اما راكان جاب حمد يسكن معه بالشقهه
وماكان بينهم اتصالات .. بين ابتهال وراكان اما ساره حست انها بدأت تقرب من بنتها ابتهال
جابر حاول اكثر من مره يكلم فوز ويرسل لها وهي شاطفته
وتحس ان حمد مرسله عليها ورسايله تمسحهم ع طول
اما ريان مختفي وﻻ احد يعرف عنه شي وقاطع تواصله معهم كلهم
.
.
بشقه راكان
جالس مع حمد يتقهوون راكان كان يتابع التلفزيون
وحمد ساكت يناظر له
وانتبه راكان: خير مشبه الاخ ؟
حمد:ﻻ
راكان:اجل هناك التلفزيون مو انا
حمد: الحين بعرف انت ليه نفسك براس خشمك
راكان:احد يقابل وجهك ويفرح
حمد:لك الشرف
راكان:ي طول هرجك خﻻص اختصر
حمد:بعرف شي بس
راكان:وشو بعد
حمد:زوجتك شلون قبلت فيك
راكان*ابتسم وسكت*
حمد:ايه ماابتسمت الا ع طاريها
راكان:طاري عن طاري يفرق
حمد:اقول الفقه وقولي متى ناويين تحددون الزواج
راكان*بااستغراب*: ايش؟!
حمد:شفيك
راكان:ماادري بس تصدق اني مافكرت احدد الزواج
حمد:ليش
راكان:ماادري بس احس اني ظالمها
حمد:افا
راكان:وربي احس اني غاصبها علي
حمد:سؤال
راكان:قول
حمد:انت تحبها؟
راكان سكت شوي يفكر
حمد:تكلم تحبها
راكان*ابتسم*: تقدر تقول
حمد: طيب خﻻص اكيد هي لو انها شايفه انها ماتبيك مستحيل تسكت عنك مو هي وحيده اهلها اكيد ماراح يغصبونها
راكان: قولك كذا
حمد: وﻻ ازيد عليه
راكان سرح وهو يفكر .
.
بالسوق بوسط ازعاج الناس وزحمتهم
ابتهال وبيدها 10 اكياس وحنان جنبها مامعها الا شنطتها
ابتهال: حنان وجعه
حنان*ببرود*: هﻻ
ابتهال: شيلي عني شوي
حنان:عفوا انا ماشريت شي عشان مااشيل اكياس تقولين لي شيلي
ابتهال: وجع يدي اوجعتني
حنان:مالي دخل
ابتهال:اوووف
حنان:اتصلي ع الجنتل مان حقك يساعدك ههههههههههه
ابتهال: تتمصخرين مع وجهك
حنان:ﻻ ابد بس اقول وكذا اقتراح ﻻ اكثر
ابتهال: شقد سامجه
وسمعت جوالها يرن
ابتهال:طيب تعالي طلعي جوالي
جت حنان وطلعت جوال ابتهال من شنطتها
ابتهال:من ؟
حنان:رقم غريب
ابتهال:اووف سكريه ودخليه
حنان:خليني ارد
ابتهال:ﻻ مو رايقه يطلع ريان سكري بس
حنان:طيب
وسكرته ورجعته شنطتها وطلعو من السوق ع سياره سواق ابتهال ..42 ....
📚 😍 📜
( ابتليت بحبك جعله يبتليك )
📖🖌 @storykaligi 🌺
تولين: يممممه
ام راكان:وجع قصري صوتك خير
تولين:جوالك بغرفتك ازعجنا
ام راكان:هاتيه طيب بسرعه
تولين:طيب
وطلعت جابته
تولين:ولدك الدلوع ركوني
كيان كانت جالسه وقامت بسرعه واخذت الجوال من تولين وردت
كيان:هﻻ ركون شلونك شخبارك وشلون ابتهال متى بتجي
راكان:دقيقه دقيق من ركون؟
كيان:الحين ماسمعت الا هالكلمه
راكان:ووجع ماابي اسمع هالاسم اذبحك
كيان:عادي ركوني ركون
ام راكان سحبت الجوال منها وكيان تضحك ورجعت لمكانها
ام راكان:ماعليك منها
راكان:هههههههه الوعد ﻻشفتها
ام راكان:ايوه واخبارك انت
راكان:ابد بخير وانتي شلونك وشلون ابوي
ام راكان:كلنا بخير
راكان:الا وين ابوي اكلمه ومايرد
ام راكان:بشغله يمكن انشغل
راكان:زين انا ابيه بموضوع مهم ي ليت تقولين له اذا رجع
ام راكان:خير وش الموضوع
راكان:ابي نحدد موعد الزواج
ام راكان: زين ي قلبي انت بقوله ان شاء الله
راكان:يﻻ مع السﻻمه
ام راكان:انتبه لنفسك
وسكرت
تولين:وش يبي باابوي
ام راكان:الحمدلله بيحدد موعد زواجه
كيان:الله قسم فرحت وين بيسكن ومتى يجون ووين بيكون الزواج
ام راكان:كيان ي عمري وش بك انتي صايره اسئلتك كثيره
كيان:ههههههههههه ماادري متحمسه
تولين:اجل خففي حماسك مو انتي بتتزوجين ترى
ام راكان: وجع تولين
كيان:جاك الرد
مدت لسانها لكيان وطلعت لغرفتها
.
.
عند ابتهال بعد مانزلت حنان ببيتها رجعت للبيت تعبانه بس داخلها مرتاح (ماتدري بتدبير راكان)
دخلت البيت وشافت امها وخالتها
ابتهال:اووه خالتي منورتنا
نوف:النور نورك ي قلبي
ابتهال*سلمت عليها*: اجل وين فوز وغلوي
نوف:طﻻل عنده شغل وجلسهم يساعدونه
ابتهال:هههههه احسن
ساره:اطلعي ابتهال نزلي اغراضك وارجعي بنحط العشاء
ابتهال:ايه جاء بوقته جيعانه
وطلعت ولفت نوف لساره
نوف:الاوضاع تعدلت
ساره*ابتسمت*:ايه الحمدلله
نوف: زين
.
.
طلعت ابتهال غرفتها اول مادخلت ورمت نفسها ع السرير رن جوالها وشافته نفس الرقم الغريب
ابتهال:اوف ﻻيكون ريان بس
وردت ساكته
صوت بنت:الووو
📖🖌 @storykaligi 🌺🍃
ابتهال:هلا من؟
البنت:ماتعرفيني
ابتهال:اجل ليش متصله؟
البنت:بقولك شي يخصك
ابتهال:ايش اللي يخصني وانتي ماتعرفيني
البنت:صح مااعرفك بس اعرف زوجك راكان
ابتهال:نعم؟
البنت:شفيك انصدمتي
ابتهال جلست وعقدت حواجبها
البنت:شوفي ي قلبي انا عرفت عنك كل شي وعرفت انك كنت خطيبه ريان .. واللي ابيك تعرفينه ان ريان الراس الكبير وراكان وحمد نسخه منه يعني ﻻتتوقعين ان راكان غير
ابتهال:شتبين بالضبط انتي
البنت:انا بصحيك من الوهم انا كنت من حبيبات راكان اللي طلعت معه واستانسنا وغيري كثير ويمكن للحين وهم معه
ابتهال سكرت عيونها بقوة وجت بتسكر سمعتها تقول
البنت:اسأليه عني قولي البنت اللي تحبك سﻻم
وسكرت وابتهال انقهرت حست ان راكان يلعب عليها وان خطبته لها لعبه وجلست تفكر ليش مايتطمن علي ويرسل يسأل اكيد مشغول مع حبيباته
سمعت صوت الباب
ابتهال:من
خديجه:انا تعالي عشاء
ابتهال:ﻻ خديجه ماابي قولي لهم بتنام
خديجه:طيب
ونزلت
نوف:بتنام ؟
خديجه:ايه
ساره:غريبه توها تقول جيعانه
نوف:يمكن جازت لها الانسداحه ونامت
ساره:يمكن خليها ترتاح وتاكل بعدين يﻻ تعالي نتعشاء
نوف:طيب
.
.
راكان طلع يجيب عشاء له ولحمد
والمطعم زحمه وكان جالس بسيارته
ويطقطق بجواله وجته تنبيه رساله بخاص تويتر
دخله من الفضاوه وشافها من حساب غريب مايعرفه مكتوب
:مبروك ملكتك قلبي ع فكره باركت لابتهال قبلك (من: حبيبتك)
راكان استغرب ورفع حاجبه من بتكون هذه وباركت لابتهال ؟
ضرب يده براسه :اكيد اسيل الكلبه مايسوي هالحركات الا هي اوف
واتصل باابتهال
وماردت وضغط ع راسه بيده يحس انه صار شي مو زين وﻻ بيعجبه
.
.
جابر احرق جوال فوز من كثر مكالماته
واخيرا ردت معصبه
فوز:نعم خير ي عله
جابر: وجع
فوز*انصدمت*: نعم؟
جابر:وجع وجع كم مره اتصلت عليك
فوز:انا وجع
جابر:ﻻ مو وجع واحد وجعين
فوز سكتت
جابر:الحين عمرك شفتي واحد مايعرفك واحرق جوالك من المكالمات وتقولين عنه لعاب
فوز ظلت ساكته
جابر:ي بنت انا شاريك فاهمه شلون شاريك .. ادري انك مع حمد اول بس حمد لعاب وﻻ همه روحتك انا ي بنت ابيك لو تبيني ابيع عمري وربي اشريك فوز انتي غير عندي دخلتي راسي وماابي غيرك 24 ساعه افكر فيك ي بنت افهمي
فوز ساكته
جابر:هذي والله اللي بتذبحني انتي يا ماتردين يا تردين ساكته؟
فوز:ماادري وش اقول 43 ....
📚 😍 📜
( ابتليت بحبك جعله يبتليك )
📖🖌 @storykaligi 🌺
فوز:ماادري وش اقول
جابر:قولي اي شي
فوز*كاتمه ضحكتها*:اي شي
جابر:ههههههههههههههه
فوز ضحكت ع الخفيف وانجن جابر عليها
جابر:عساها دوم قولي امين
فوز:امين بس بسكر الحين سﻻم
وسكرت فوز
وارسل لها: تحمست مو
فوز ردت:حيل
وارسل لها ضحكه وحس انه ارتاح
بس مايبيها مكالمات بباله ع طول خطبه وزواج .
.
ابتهال شافت مكالمات راكان وماردت تدري انها اذا ردت عليه بيبرر لها وتقتنع بس هالمره جد بتلقى حل لعﻻقتهم اللي تشوفها كذب بكذب ومو العلاقه اللي تتمناها
قامت وغيرت لبسها وربطت شعرها ورمت نفسها ع السرير ونامت وهي تحسس بصدرها ضيق
اما راكان رجع الشقه واول مادخل
حمد: هي ولد وين العشاء
راكان:اي عشاء؟
حمد:ﻻ تقول ماجبت
راكان:ﻻ ماجبت ﻻتزعجني بنام
ودخل غرفته وسكر ع نفسه
وحمد تنرفز منه واخذ شماغه ونزل يجيب عشاء
.
.
بمكان ثاني ايادي تكتب رساله بجوال :
(جميلتي :
موعدنا اليوم الساعه 8:00
اما يكون موعد مناقشه بيني وبينك او يكون موعد لقاء ملك الموت مع زوجك المستقبلي راكان
ريان )
وارسلها لابتهال
وابتسم ابتسامه معناها خبيث ولف لصديقه براء اللي يشيش
ريان:ارسلتها
براء:بديت اول خطوه ودام مثل ماتقول خوافه بتجيك تركض
ريان:اااه لو تعرفها خوفها ماتطلعه جميله وعنيده .. ي شيخ مستحيل اخليها لغيري قبل اخذ منها اللي ابيه
براء:شوقتني اشوفها
ريان:بيجي دورك وتشوفها بس خلها لي اول
براء:هههههههههههههه كفو هذا الصديق والنعم
ابتسم ريان له ولف يفكرر باللي بباله ..
📖🖌 @storykaligi 🌺🍃
بغرفه كلها ظلام وباارده وهااديه كان راكان منسدح ع سريره ويده ع راسه ومافيه نوم يفكر بوضعه اول ووضعه الحين فرق وبشكل مفاجئه صرخ ...
راكان:اوووووووووووووووووف
وسكر عيونه سمع باب غرفته يطق بسرعه
حمد:راكان افتح شفيك راكان
قام راكان وفتح وطلع و وقف قدام حمد وشكله كان متبهدل شعره معتفس وعيونه حمرا
حمد*مسك كتفه*:شفيك راكان
راكان:تعبت خﻻص انتهيت من مساعده سويتها لبنت مااعرفها طاحت ع راسي مشاكل كله بسبب ابتهال تبدلت فارقت ريان اعتفست حياتي حبيتها بس هي ماحبتني وكل شي كان معي زمان انقلب علي ريان صار ضدنا والكل وده اترك ابتهال وانا مثل الغبي متمسك فيها
حمد كسر خاطره شكل راكان وكلامه ومسكه وجلسه ع الكنب
حمد:راكان مااعرفك كذا انت اقوى بكثير
راكان:اقوى لما كان كل شي ماشي زين الحين كل شي ضدي فاهم شلون ماقدرت اضبط حياتي
حمد:راكان
راكان حط راسه بين يده
حمد:افهم منك انك بتترك ابتهال؟
راكان ساكت
حمد:تكلم
راكان:افهمني
حمد:فاهمك انت تبي كل شي يمشي زين وتبي تتزوج تقليدي والكل يبارك لك بس ﻻ انت الله جابك عشان تطلع ابتهال من ريان وتساعدها ولما ضاقت عليك بتتركها؟؟
راكان:ماراح اتركها بس ليش مانعيش مثل الناس
حمد:لانكم غير راكان اذا مو قد انك تكمل مع ابتهال وتساعدها اتركها لواحد ارجل منك
راكان رفع عيونه وناظر له بعصبيه
حمد:ﻻتناظر كذا
راكان:قم انقلع عني
حمد:ماراح اروح وهالكلام حطه براسك ابتهال مليون غيرك يتمنونها
راكان*بعصبيه*:بس ابتهال لي وانا زوجها
حمد:اجل ﻻتتعب من مشكلتين قدامكم مشاكل
وقام وتركه وراكان فكر بكلامه بكل كلمه قالها صادق وراكان مستحيل يترك شي يحبه لغيره قام واخذ جواله ومفتاح سيارته وطلع .
.
ابتهال قامت من نومها واخذت جوالها شافت الساعه 6 المغرب عقدت حواجبها ودخلت اخذت شور وطلعت تنشف شعرها قربت لجوالها واخذته وشافت اللي جاها وشافت الرساله وانصدمت من اللي فيها وبنفس الوقت خافت من الكﻻم معقوله يسوي شي براكان ريان مجنون ويسوي اي شي
وجلست تفكر والخوف منتشر بجسمها
اكلم راكان واﻻ اكلم ريان
لو كلمت راكان ممكن يمنعني اروح ويروح له ولو كلمت ريان ممكن نتناقش ومايسوي شي لراكان
اخذت نفس بقوه وكلمت .....
44 ....
📚 😍 📜
( ابتليت بحبك جعله يبتليك )
📖🖌 @storykaligi 🌺
ابتهال بخوف:الو
ريان:هﻻ بهالصوت هﻻ بالو هلا بالقلب
ابتهال*تقرفت*: اخلص علي شتبي
ريان:ماابي شي اللي ابيه بقوله لك وجه لوجه وبعدها بتركك لزوجك الجميل
ابتهال:بس مابيننا كﻻم وخلاص اتركني واترك راكان لحالنا
ريان:لك مني وعد ي حلوه بقابلك اقولك كلمه وبتركم ع قولك لحالكم
ابتهال ترددت
ريان:وش قلتي
ابتهال:ماني واثقه فيك
ريان:لك الحق بس العشره اللي بيننا قدريها وخليني اشوفك بمكان عام بعد
ابتهال:انت ماقدرت العشره تبيني اقدرها
ريان:ابتهال يﻻ عاد بمكان عام
ابتهال: ووعد تتركني
ريان*بخبث*:وعد
ابتهال:طيب خمس دقايق جلستنا ..
ريان:زين تعالي الحين بالمول ال. وﻻتقولين لاحد مثل ماوعدتك
ابتهال:طيب باي
وسكرت وريان ضحك ضحكه ماقد ضحكها ضحكه نصر خﻻص اللي يبيه بيصير
قامت ابتهال اخذت عباتها وداخلها يرجف وطلعت بدون ماحد يشوفها
راكان كان واقف بسيارته قدام بيتها وكان بينزل بس وقف لما شافها طالعه بسرعه وركبت سياره السواق واستغرب ومشى وراهم بدون مايشوفونه .
.
بااستراحه ريان
ريان:محمد
محمد:نعم بابا
ريان:اسمع ضبط غرفتي وعدلها شوي وراجع
براء كان جالس ويسمعهم
براء:هههههههههههه وضبط غرفتي
ريان:هههههههههههه يﻻ يﻻ سﻻم مستعجل
براء:سلم
ريان:يوصل ههههههه
وطلع وبراء يضحك ويشيش .
.
بالمجمع كانت ابتهال جالسه بالكوفي وراكان يشوفها من بعيد مستغرب ليش جايه لحالها
شوي ويشوف الرجال قرب لها وانصصصصصصصصصصصصصصدم لما عرفه رياااااان ؟ طبعا مايسمعهم بس يشوفهم
ابتهال*قامت*
ريان:حياتي هالعيون اجلسي
ابتهال:اخلص قول وش عندك
ريان:اجلسي
ابتهال:اووف
وجلست وجلس ريان
ريان:وش تشربين
ابتهال:هي انت ماجيت اشرب جيت بشوف وش عندك وبروح
ريان:طيب ينفع نتكلم هنا؟
ابتهال:ايه ينفع
ريان:طيب اسمعي انا احبك ي ابتهال تدرين مو
ابتهال:ريان؟
ريان:اسمعي ولاني احبك تذكرين صورك اللي عندي والفيديو اللي ترسلينه لي
ابتهال*بخوف*:شفيهم
ريان:حفظتهم وجبتهم لك والله يوفقك مع راكان
ابتهال:وينهم هاتهم
ريان:بالسياره ماقدرت اجيبهم الحين ننزل تاخذينهم وروحي
ابتهال توترت:يﻻ قوم عطني
ريان:تعالي
وقامو ونزلو وراكان منصدم للحين ولحقهم ..
📖🖌 @storykaligi 🌺🍃
بالمواقف تحت كان ريان يمشي وابتهال تمشي وراه
مشو ومشو حست ابتهال ان مكان سيارته بعيد بس سكتت وتتلفت
وريان قدامها يلف يشوفها يبتسم ويرجع يشوف طريقه ) اما راكان وراهم يمشي بين السيارات ووباله يحس انه بيختنق .. ابتهال خاينته وتمشي مع ريان خﻻص بياخذها ريان وترجع له )
وقفو عند سياره ريان
ابتهال:ليش مبعدها كذا
ريان:تعالي
ابتهال*بخوف*: وين اجي
ريان مسك يدها وقربها لسياره كل هذا يصير تحت عيون راكان المتضايق
ابتهال بلعت ريقها ماكان حولهم احد وﻻ احد يشوفهم
ابتهال:ريان ابعد هات الصور وخلني ارجع
ريان ابتسم وسحبها وصار ظهرها ع السياره وريان قدامها وقرب لها
ابتهال خافت حيل وبدت تدزه بس ماقدرت وقرب لها لين صار صدره ع صدرها
ابتهال: ي حمار ابعد
وسكرت وجهها بيديها
ريان:ي قلبي انت معي وتبيني ابعد شيلي يديك
وبيديه سحب يديها وقرب بيبوسها وهي تصارخ
وابتهال تصارخ وماوقفت
حست بيدين تمسك كتفه وتسحبه
لف وشاف راكان عاقد حواجبه
ريان:نعم شتبي
راكان:اشتقت لك ي نذل
واعطاه الكف بقوة وصد ريان وابتهال تبكي وراكان يناظرها استغل الفرصه ريان ورجع الكف بااقوى وطاح راكان ع الارض ولف ريان بسرعه ومسك يد ابتهال وفتح باب السياره بيركبها وابتهال تصارخ وتقاومه
قام بقوه راكان وسحب ريان وبدا مسلسل الضرب بينهم وابتهال تبكي
ابتهال:خﻻص راكان اتركه
راكان:روحي اركبي السياره
ريان: خلها الصور
ماكمل وضربه راكان
ابتهال:الصور راكان
راكان*بصراخ*: روحي السياره
ابتهال بخوف وماسمعت كلامه ودخلت سياره ريان دورت الصور ومالقتهم
تسمع راكان يصرخ عليها وهو يضرب ريان وريان يقاوم جت بتنزل بس راكان بسرعه قام وسحبها ومشى بسرعه لسياره ركبها وركب ومشى وريان طايح ع الارض وباب سيارته مفتوح
وماقدر يقوم ...