الفصل 10
10
مﻻبسها عشان تاخذ شور
والجوال صامت ودخلت الحمام
وراكان جلس ينتظرها ترد وانقهر لما ماردت وسكر الجوال وكمل طريقه .
.
.
عند فوز كانت جالسه بين اهلها وبالها مو معها
تحس بقهر وكارهه كل شي ودها لو حمد يموت وتنسى كل شي بينهم
جوالها مقفلته من ازعاجات حمد لها
انتبهت عليها غاليه بس ماحبت تسألها وتضايقها
اما حمد جالس بالاستراحه ويحس انه غبي فوز ماتتعوض بس فرط فيها
سمع صوت الباب ينفتح و بباله انه جابر اللي جاه ومااهتم
بس الصوت صدمه
ريان:حيووووو
لف حمد يناظر فيه مو مصدق ..
🌹📖🖌 @storykaligi 📖🖌🌹
🍃🌹
🌹🍃🌹
🍃🌹🍃🌹
🌹🍃🌹🍃🌹
👍
18
❤
3
🤔
2
4.68Kviews
09:07
❤️📝 روايات وقصص مميزة 📝❤️
❤️📝 روايات وقصص مميزة 📝❤️
📖🖌 عندما نبحث عن الحب ❤ واﻷمان يجب أن تكون هناك ضوابط لهذا البحث ؟ عادات وتقاليد تحكمنا ؟ ثقة تعطى لنا من اﻷهل يجب أن لا نخونها حتى لا نقع تحت أيدي ذئاب لا تعرف الرحمة . @storykaligi
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 18 ....
📚 😍 📜
( ابتليت بحبك جعله يبتليك )
📖🖌 @storykaligi 🌹🍃
حمد:ريااان؟؟
ريان:ي عيوني
استغرب حمد اكثر:وش رجعك
ريان:هههههههههههه اشتقتلك
حمد:جد ريان
ريان:لعنبوحيك امش سلم بدال هالتحقيق
حمد قام له وسلم
ريان*ينادي العامل*:محمد
محمد:هﻻ بابا
ريان:نزل الشنطه وحطها بغرفتي ورتب الغرفه
محمد:تمام
ريان مسك يد حمد ومشى لين الكنب وجلس وحمد جلس
ريان:ايوه واخبارك
حمد كان تفكيره شلون يخبر جابر مايجي ﻻنه بتصير مشاكل لو شافو بعض
ريان:ي هووه
حمد:هﻻ هﻻ
ريان: اتكلم انا رد علي
حمد:ايه طيب انا بخير وانت
ريان:ابد طاير
حمد ابتسم له ونزل راسه يطقطق بجواله وريان طلع دخان وبدا يدخن
حمد كان يكتب رساله لجابر بالواتس وجابر متصل قبل يرسلها
انفتح الباب
جابر:وش عندك جاري الكتابه ي....
ماكمل وهو يناظر عيون ريان العيون اللي يحس كل الشر فيها اللي مايحبها من اول ماقابلها وريان كانت الزقاره بافمه ويناظر جابر والحقد كله براسه وعاقد حواجبه
حمد مسك راسه حس مصيبه بتصير
وقام واقف
حمد:جابر روح الحين
ريان:ﻻﻻ وين هذا ضيفي انا
جابر ساكت
ريان: انا بضيفه وقام وصار يمشي له
وحمد يلحقه وجابر واقف
ووقف ريان قدام جابر بالضبط وعيونهم ببعض وحمد متوتر
ريان:حيوووو
جابر:يحييك
ريان:تعرف من انا
ابتسم جابر :المصيبه اني اعرف
عصب ريان:شقصدك
جابر:القصد معروف
ريان ماتحمل ورفع يده بيضربه بس جابر اسرع ومسكه وضربه وبدت الضربات وحمد يحاول يفكهم
.
.
ابتهال طلعت من الشور مروقه وجلست تمشط شعرها وجوالها جنبها رفعته وشافت مكالمه راكان
ابتسمت من قلبها واتصلت فيه بدون ماتفكر وعلى طول رد
راكان:هﻻ وغﻻ
ابتهال:هﻻ فيك
راكان:وينك ماتردين
ابتهال:كنت مشغوله
راكان:ايوه بشريني عنك
ابتهال:تمام وانت
راكان:بخير بعد شوفه امي
ابتهال:يخليها لك
راكان:ويخليك لاحبابك
ابتهال*تذكرت ريان*:راكان
راكان:سمي
ابتهال:رياااان
راكان*استغرب*:شفيه
وقالت له كل السالفه وعصب
راكان:هذا من متخيل نفسه
ابتهال ساكته
راكان:ابتهال اذا تعرض لك قولي لي وانتبهي انا هاليومين راجع
ابتهال:طيب
راكان:انتبهي لنفسك زين
ابتهال:ان شاءالله
راكان:يﻻ سﻻم
وسكرر وهو معصب وكلم جابر ومارد وعصب اكثر
** شخصيات 🌹
خوات راكان
كيان (ع 22) تدرس قسم علم نفس مسار اخصائي مهتمه بدراستها وتموت بااخوانها وخاصه راكان تحس انه اقرب واحد لها ..
.
.
تولين (ع 18) همها الفله بالثانوي بثالث ادبي ماعندها طموح وﻻ مهتمه بهالشي. . طيبه حيل بس ماتحب توضح هالشي عشقها التناقر مع سلطان ~
سلطان اخو راكان
عمره (20) هادي ومهتم بدراسته واهم ماعنده عوده وموهبته يتنرفز بسرعه بس يحاول يمسك اعصابه طيب ومثل تولين مايحب يبين هالطيبه قدوته اخوه راكان.
.
.
طﻻل ولد خاله ابتهال (ع 25 ) خطب اكثر من مره بس مايكمل خطبته عصبي ويكره ابتهال يعتقد انها صايعه وبتخرب خواته
حامل مسوليه كبيره مايعرف ليش يحس كل البيت ع حمله وﻻزم يحميهم .
اسيل (ع 21) وحيده امها وابوها مدلعه وكلمتها وحده .. اللي براسها تسويه بس حقدها اكبر من كل شي وممكن تنسى اي احد من حقدها .. كل شي موفر لها ومو متعوده احد يتركها عشان كذا حطت ابتهال براسها ﻻن ببالها انها اخذت حبيبها منها ..
📖🖌 @storykaligi 🌹🍃
راكان ترك كل شي وكل اللي بتفكيره .. ريان مجنون وممكن يسوي شي لابتهال
رجع البيت ودخل بسرعه واستقبلته تولين
تولين:راكان توصلني مشوار
راكان*مستعجل*:ﻻﻻ بطلع وين امي
تولين*استغربت*:امي تصلي ليش شفيك
راكان:بروح اجهز شنطتي قولي ﻻمي اني برجع الرياض ضروري بسرعه
وطلع بسرعه لفوق وتولين تضايقت من كﻻمه
وراحت جلست عند امها لين تنتهي من صﻻتها وقالت لها وعصبت وتضايقت
بعد 10 دقايق نزل راكان معه شنطته وشافهم عند الباب امه وكيان وتولين
ام راكان: وين امس جيتنا امداك مليت
راكان*باس راسها*:ماعاش اللي يمل منك ي تاجي بس عندي شغل ضروري بالرياض وﻻزم ارجع
كيان*ماسكه نفسها ماتبكي*: وش هالشغل اللي مايتركنا حتى نشوفك
راكان:كياني ﻻتصيرين انتي بعد مع امي قلت شغل وبرجع ان شاء الله
كيان:بس مايصير مانشوفك حتى حنا لنا حق فيك
ماقدرت تمسك نفسها ونزلت دمعتها وطلعت بسرعه وراكان نزل راسه
ام راكان:الله يسامحك بس ويسر دربك
وضغطت ع يده ودخلت غرفتها متضايقهه
تولين*ابتسمت*: ماعليك منهم حساسين روح وجب اي هديه معك
راكان*لعب بشعرها*:اي هذا همك يالعوبا
تولين:هههههههه طبعا
ضمها راكان ع السريع وطلع لسيارته ومشى ..
🌹📖🖌 @storykaligi 📖🖌🌹19 ....
📚 😍 📜
( ابتليت بحبك جعله يبتليك )
📖🖌 @storykaligi 🌹
عند ريان كان جالس والمنديل ع خشمه اللي يكب دم
وحمد جالس قدامه
ريان:الله ياخذه وربي ﻻ اوريه والله
حمد ساكت
ريان*عصب: هييييه اتكلم مع جدار انا ؟
حمد: شتبيني اقول ضرب ومضارب من جيت وش هالرجعه الزينه
ريان ماسك نفسه ماحب يتخانق معه ويخسره وهو اخر خوياه اللي باقين معه
جابر من طلع و واصله معه وده لو انه ذابحه
شاف مكالمه راكان وجلس يفكر لو عرف بريان وش بيسوي
مجرد التفكير خﻻه يحس بضيق
ومسك خط مايدري وين يروح بس يمشي ..
📖🖌 @storykaligi 🌹🍃
ابتهال بغرفتها وجالسه تفكر
وين كانت ووين صارت
ليش ريان مايتركني وينساني ويخليني اعيش براحه
ليش احس قلبي يميل لراكان حيل واي كلمه منه تريحني
وليش ما ارجع مثل اول مايهمني الا وناستي وضحكتي
كنت باايش وصرت باايش
صرت بحياه اخاف فيها من ظلي اخاف اي احد يسوي فيني نفس اللي سواه ريان الا راكان حتى اسمه اذا نطقته حسيت براحه
معقوله حبيته ؟ واﻻ هذا بس شعور امتنان للي سواه معي
تنهدت وحست بدمعه بتنزل بس بسرعه مسحتها ع طقت الباب
ابتهال: ادخلي خديجه
حنان: مو خديجه ي حلوه حنون
ابتهال*ابتسمت من قلب*:ياعمري حنون اشتقت لك
وقامت ضمتها
حنان:وانا اكثر شفيك احسك متضايقه
هنا ابتهال ماقدرت تمسك نفسها وبكت وهي ضامتها وحنان خافت عليها
حنان:ي حياتي ابتهال تعالي اجلسي وقولي لي شفيك
ابتهال*مسحت دموعها*: ﻻﻻ خﻻص مافيني شي بس اشتقت لك وبكيت
حنان:تلعبين علي
ابتهال*تضيع السالفه*:حنون شفتي عباتي الجديده شقتها خديجهه وهي ماتدري تخيلي
حنان فهمت انها ماتبي تتكلم وماحبت تضغط عليها وسايرتها وجلسو يتكلمون وابتهال حست براحه اكثر وحنان جنبها
.
.
ببيت سالم زوج ساره
ساره*بعصبيه*: بس انت متغير وﻻ تناظر لي حتى
سالم*ببرود*:وش متوقعه مني بعد خﻻص ساره انا صارت عندي شركات وشغل ماني فاضي لسخافتك
ساره:اناااا صرت سخيفه ؟
سالم:واكثر من توقعاتك بعد
ساره:سالم انت صاحي وش تقول
سالم:ساره كافي حنه خلصنا
ساره: ﻻ ماخلصنا
سالم:تبي الصدق انا خلاص ماني فاضي لسخافه الحريم
ساره انصدمت من كﻻمه
سالم:ساره بنتك اولا فيك مني ..
ساره:ايش يعني؟
سالم:انتي طالق
وطلع
ساره دمعت عينها وحست قلبها بيوقف ومو مصدقه معقوله هذا سالم اللي عوضها عن كل شي ونست بنتها عشانه ؟ كذا سوى فيها بالنهايه
📖🖌 @storykaligi 🌹🍃
وصل راكان الرياض
واتصل بجابر ورد ع طول
راكان:وينك
جابر:سلم طيب
راكان:لا حول طيب سﻻم شخبارك يﻻ وينك
جابر:حمدلله بخير وانت شلونك
راكان:هذا والله اللي بيقصر عمري
جابر:هههههههههه بسم الله ع عمرك
راكان:جابر اسألك انا وينك
جابر:بالبيت وين بعد
راكان:تدري ريان طلع صوته وقام يكلم الناس هنا
- ماحب يقوله اللي بينه وبين ابتهال خطيبة ريان اول-
وجابر انصدم انه يعرف ماكان يبي يعلمه بهالسرعه
جابر:وش عرفك
راكان:عرفت وبس خلوني اروح الاستراحه اخذ اغراضي
جابر:ﻻﻻﻻﻻﻻ
راكان: ليش عاد ؟
جابر: يومك تدري انه قام يكلم اللي هنا ماتدري انه رجع بعد ؟
راكان*بصدمه*: صادق انت
جابر:اجل امزح
راكان: اللهم طولك ي روح .. يﻻ سﻻم
وسكر
وجابر مااستغرب عليه هالشي ﻻنه كثير يسكر بوجهه وتعود
.
.
راكان بالبدايه صار يفكر فيه وبعدها حس انه عادي اصﻻ وش ممكن يسوي
واتجه لشقق واستاجر له شقه مفروشه وراقيه له .. نزل فيها واخذ شور ورتب اغراضه
وانسدح بيرتاح وقبل ينام اتصل باابتهال
وردت
ابتهال:الو
راكان:ياهلا شلونك
ابتهال:تمام الحمدلله
راكان:ترى انا بالرياض قبل ساعه وصلت
ابتهال:مو تقول بتجي بعد يومين
راكان:بس جيت اليوم
ابتهال ابتسمت وماردت
راكان:شوفي بقولك شي
ابتهال:قول وبسرعه ﻻني بسكر
راكان*تنرفز*:وليش منهيه هالمكالمه
ابتهال:ﻻ بس مابيننا شي ماله داعي كل شوي مكالمه
-ابتهال قالت كذا وهي تبيه بس ماتبي تكثر مكالماتهم ومابينهم شي-
راكان*انقهر*:ماني ميت عليك بس بقولك ان ريان رجع وانتبهي وبس
ابتهال*بصدمه:ايش ؟
راكان:بس كنت بقولك وانبهك باي
وسكر وابتهال انقهرت منه وبنفس الوقت خافت من ريان ..
20 ....
📚 😍 📜
( ابتليت بحبك جعله يبتليك )
📖🖌 @storykaligi 🌹🍃
ابتهال جلست تفكر وفكره تجيب فكره حست راسها بينفجر
سمعت اصوات تحت واستغربت ونزلت
شافت امها تبكي بالصاله وخديجه تهديها
ابتهال:وش فيه
ساره رفعت راسها وشافتها وبكت بقوه
اسستغربت ابتهال واشرت لخديجه تقول لها وش فيها بس خديجه هزت كتوفها بمعنى ماادري
شوي وطق الباب وفتحته خديجه ودخلت نوف اخت ساره وقربت منها وضمتها
نوف:بس ياساره ﻻتحرقين قلبك بس
ساره:شلون مااحرق قلبي انتي تدرين وش اللي اخذه مني اخذ عمري كله وش اعطاني
نوف:مايستاهل هالدموع
ابتهال كانت تناظر لهم بااستغراب
وماتدري وش السالفه .
.
عند راكان ماقدر ينام
رفع جواله واتصل بحمد
حمد كان جالس قدام ريان وريان يدخن ويشوف التلفزيون
ورن جوال حمد ورفعه وتوهق مايدري كيف يرد
وقام
ريان:وين؟
حمد:برد ع المكالمه
ريان:ههههههههه اكيد من الحب الخامس عشر
ابتسم حمد مجامله وطلع ورد
حمد:ياهلا
راكان: هﻻ بك شلونك
حمد:بخير الحمدلله شلونك انت ومتى بتجي
راكان:بخير وصلت الحمدلله اليوم
حمد: زين *وبوهقه* ترى ريان رجع
راكان*تنهد*:عارف
حمد:وش بتسوي
راكان:ماراح اسوي شي بس جيب اغراضي اللي بغرفتي بااستراحته
حمد:ابشر بجيبهن وشو بعد
ريان كان ورا حمد وسحب الجوال منه وحطه ع اذنه
ريان:لو انت رجال تعال خذ اغراضك بنفسك واﻻ خايف مني
راكان سكت شوي وبعدها رد
راكان:اجي مو انت اللي اخاف منك
ريان:انتظرك
وسكر
وجلس يناظر حمد وحمد عاقد حواجبه
ريان:اجل هذا الحب ههههههههههههههههه
ودخل وحمد عصب وطلع ركب سيارته ومشى
اما راكان قام ولبس وطلع من شقته
📖🖌 @storykaligi 🌹🍃
اخيرا تكلمت ابتهال بعد تقريبا نص ساعه من المراقبه
ابتهال:ايش صاير
نوف:سالم ي يمه طلق امك
ابتهال اكتفت باانها رفعت حواجبها بااستغراب
ساره:الكلب ماتوقعته بهالنذاله
ابتهال:هذا اللي تركتيني عشانه مافرحتي طلعتي من العده تزوجتيه ورميتيني
ساره:ابتهال ﻻتزيدينها
ابتهال:ما ازيدها انا اتكلم من جد .. كنت متوقعه ان قربك لي الاسابيع اللي راحت مو لله وﻻ حب فيني كنتي تقربين مني ﻻنك حاسه انك بتتطلقين ومالك بيت غير هالبيت
نوف*عصبت*: ابتهال وش هالكﻻم
ابتهال:ﻻتعصبين ي خاله وﻻ يرتفع ضغطك .. ويا..... *كانت. بتقول يمه بس تراجعت وكملت*
ابتهال: هالدموع ماتمشي علي
وطلعت لغرفتها وساره زاد بكاها ونوف تحاول تهديها .
.
عند راكان وصل الاستراحه واخذ نفس ونزل من السياره واتجه للباب وفتح له العامل ودخل
شاف ريان بالصاله معطيه ظهره ويشيش
حس بااحد وراه وابتسم
ريان:هلا بالصديق الصدوق
راكان:هﻻ بك
ريان قام وصار يناظر له ولشر بعيونه
ريان: اشوفك مامت
راكان:الحمدلله
ريان:وبثقه جاي لعندي ع بالك ماراح اسوي فيك شي
راكان: لو كنت رجال ماترفع مسدس بوجه واحد مامعه نفس سﻻحك .. ريان كﻻم راكان نرفزه وقرب له حيل
ريان:انا مو رجال
راكان:للاسف بعد عملك مااشوف فيك ذره رجوله
ريان ماتحمل وضربه وراكان رجع له ضربته وبدأت سلسله الضربات بينهم
ريان*ياخذ نفس*:مالك دخل بيني وبين خطيبتي او اي وحده
راكان*حط بباله ابتهال ورجع يضربهه بقوه*: الا لي دخل
ريان: في ايش يعني
راكان:لي دخل بااي شي يصير قدامي والسكوت عنه ماهو مرجله
ريان:بس ابتهال هذي صبرت كثير عشان جبتها
راكان من طرا اسمها حس قلبه يرقع وبدا يضربه بجنون لين طاح ريان من التعب وراكان واقف
راكان*يتنفس بسرعه*:انساها ي ريان
ريان*بتعب: ﻻ
راكان: ابتهال صارت لغيرك انساها
ريان بصدمه : من؟
راكان:ابتهال خطيبتي الحين ..
#يتـــــــــــــــــــــــــــبع....