الفصل 3
البارت ،، 3
•
•
•
يوم جديد على الكل !! جالسة بغرفة الرسم الخاصة فيها مندمجة برسمها مع الأوبرا اللي تغني و تصدح صوتها عبر السماعات !! رافعة شعرها بفرشة رسم و مندمجة !! فزت من سمعت صوت !! طلعت بخطوات هادية و صوت العصافير و أشعة الشمس !!
ملك بهدوء : إياد ؟
إياد بهذيان : اوه مالك وش تسوي هنا ؟
شهقت بصدمة و تجمعت الدموع بعيونها رفعت يدها وأشرت للحراس يجوون وثواني و جوو !!
ملك ببكاء : ودوه غرفته ولا تقولون لأحد !! طيب ؟
هزوا رأسهم و اخذوا إياد وودوه لغرفته !!
تنهدت وهي تلف و قلبها يوجعها و دموعها تنزل !!
ملك ببكاء : هذا اخوي ما راح يتعدل !!!!
•
•
•
قامت بكسل وهي تحس بدوخة من صوت جوالها وصلها صراخ غزلان : انتي وينك من امس ما تتصلين ولا شيء ؟؟
ريان بتعب و برود : غزلان لا تصرخين !!!
غزلان بعصبية : شفيه صوتك ؟ تعبانة صح ؟
ريان بتعب : ايه !!
غزلان بعصبية : ما أخذتي دواك صح ؟
ريان ببرود : صح !!!
غزلان صرخت : كم مره قلت لك آخذي دواك ؟؟؟ انا جاية يا بزر !!!
رمت جوالها وهي تتافف !!!
•
•
•
جلست على للطاولة و بهدوء : صباح الخير !!
عزام هز راْسه و ابتسم : صباح النور !!
اشرت بيدها للخادمة عشان تصب لها الحليب : بتروح لدوامك عزام ؟
عزام وقف : ايه بروح تبغين شيء ؟
العنود بتردد : لا لا خلاص سلامتك !!
عزام بجدية : عنود وش تبين ؟
العنود ابتسمت : بس قلت نروح نتغدا برى بس شكلك مشغول عادي مره ثانية !!
عزام ضحك : لا خلاص ما عندي شيء قولي للكل عشان نطلع !!
العنود بحزن : اكيد ابوي ما راح يجي !!
عزام تنهد و ابتسم : مو مهم المهم احنا صح ؟
العنود ابتسمت و هزت راسها !!
•
•
•
دخلت الشقة و توجهت لغرفتها اول ما شافتها ضمتها بقوة وهي تهمس : رياني انتي بخير ؟
ريان بتعب : شفيك والله بخير بس شكله السكر انخفض !!
غزلان تنهدت : اف منك ريان !!!
ابتسمت ببرود و سكتت !!
رفعت كم بلوزتها وهي تغرز فيها الابرة !! عضت شفتها بالم !!
غزلان : خلصت !! زي الورد !!
ريان ابتسمت وهي تقوم بعد ما راحت الدوخة وهي تعدل بلوزتها و الشورت وتلبس نظارتها : برد غزلان !!
غزلان توسعت عيونها : حرام عليك حرررر شوفي كم درجة الحرارة !!! يعني انتي لابسة شورت وحر ؟
ضحكت وهي تتوجه للحمام "اكرمكم الله" وهي تنطق ببرود : سوي فطور لو سمحتي !!
غزلان صرخت وهي ترمي عبايتها : ميري انا صح ؟ غزلان نظفي غزلان حطي !!
ريان ضحكت وهي بالحمام "اكرمكم الله" !!!!
تتفتت وراحت تسوي لهم فطور : عَصّير فواكه صح يا البزر ؟
ضحكت برود وهي تنشف وجهها : ايه عصير فواكه !! و بعدين بزر بعينك !!
ضحكت وهي تصب لها العصير !!
•
•
•
اليوم اللي بعده ،،
.
اطرافها ترجف من شدة خوفها قلبها يرجف !!! تأملت نفسها بالمراية فستان اسود ماسك على جسمها كت ، لبست باروكة شعر كيرلي لونها برتقالي بني و عدسات بنية و كعبهها العالي !!! لبست عبايتها و طلعت !! مستعدة تسوي كل شيء بس عشان اخوها !!
أسندت برأسها على الكرسي و تنهدت !!! فزت من سمعت صوت السواق : ماما وصلنا !!
ريان ببرود : لا تروح خليك قريب من هنا !!!!
نزلت ووصلت لبوابة الفيلا !! انفتح لها الباب من العامل وهو مبتسم لها !! مد لها يده انه يأخذ عبايتها ترددت و مدت عبايتها و لاحظت عيونه اللي شوي و تطلع من مكانها !!!!
.
توجهت للحمامات ببرود "اكرمكم الله" عدلت الباروكة وهي تحط نصفها على وجهاا و عدلت فستانها و دخلت !!! لاحظت عيون الكل المركزة عليها !!!
وقفت بزاوية وهي تتأمل الناس وبالها شخص واحد فقط !!!!!
من جههة ثانية ،،
ناظرها من البداية وهي تدخل الى ما وصلت للزاوية و تمركزت فيها !! دقات قلبه زادت عيونه توسعت من زينها ثواني و نفض راسه !!!عقد حواجبه بقرف منها !! كيف تبيع نفسها و ترخص نفسها بذا الشكل ؟ كيف تجي لمثل هذي الأماكن !!! هي جميلة و العين تشهد !! الف واحد كان يمكن يتزوجها و يسعدها بس غير ذي الطريقة !!!
صحيح انها تفتن و تبهر العين !!
Like