لحظات من قطرات الوتين - الفصل 6 | روايتك

الجزء:السادس الفصل:الاول (اصعب شي ان تكون وحيدا مع وجود الكثير من الناس) شهرين مرت كل واحد لاهي في همه ومع الدراسه والدوامات مهند ونوف رجعو الرياض وخالد من الدوام الى طقاق رائد من تفحيط للسحن خصوصا بعد ما سافر الجد خذ راحته بقوه عليا كل يوم يزيد برودها وغموضها وانطوائيتها نوف راحت عند اهلها بطلب من ابوها الي خايف انو الجد يرجع باي لحظه ويدري بالزواج ـــــــــــــــــــــــــ ـــــــــــــــــــــــــ ــــــــــــــ الساعه 5 عصرا رجعت الجد وزواج ساره الجد دخل عليهم بشنطته:السلام عليكم الكل قام يسلم عليه واخر واحد مهند الي مرتبك حيــــــــــــــل خايف انه يدري بزواجه الجد:وش فيك زعلان؟ مهند بربكه ابتسم سلم عليه:الحمد لله على السلامه الجد:الله يسلمك –جلس- فقدتوني؟ الجده:بعد فيها كلام الجد:هاه مهند فقدتاني؟ مهند انحرج:اكيد فقدناك الجد:تدرون من فقدت انا ابوطلال:امي عبد العزيز:ام ناصر-كلهم قالوالجده- الجد:كلكم خطا خالد:داري انه انا الجد:خطا عبد العزيز:لقط وجهك الجد:ماعرفتوهم خلاص ابقول مهند ورندا مهند انصدم+ارتاع+طير عيونه بس لاحظ انه مو وقت الفهاوه ابتسم:الله يسلمك رندا انعقد لسانها حست انو ربي عوضها بجد عن الف ابو اسما:يالعربجيه قولي شي مثل مهند نوره بهمس:وش دخلك فيها مستحيه الجد:عارف رندا بيت ولاكل البنات وانت-يكلم رائد الي وقف شعر جسمه يحسب ابو عبدالله معلمه بشي-عسى ماازعجت خلق الله بتفحيطك؟ رائد:لامافحطت ولاسويت شي غلط ابو طلال دخل وهو منهمك:اقول متى بتروحوووووووون القاعه الجد:الحين روحو وانا بالحقكم ـــــــــــــــــــــــــ ـــــــــــــــــــــــــ ــــــــــــــ ساره مرتبكه حيــــــــــــــــــل وتدور ببيتهم تفكر ساره:عليا تتوقعين انه بيرفع صوته علي؟ عليا ببرود تطالع توم وجيري:شايفتني اخته مثلا؟ طلال دخل:يالله ساره-التفت شاف عليا تطالع التلفزيون وعصب-هيه انتي وش تناظرين التلفزيون؟ عليا:تبيني اروح مثل برجولي للقاعه مثلا؟-تكلمه ببــــــــــــــــرود- طلال:عليا لاتستفزيني عليا:قلت شي غلط؟ طلال مامسك نفسه تقدم وعطاها كف طبعت اصابعه في خدها عليا مسكت خدها وابتسمت ببرود ورجعت تطالع التلفزيون طلال وده يعطيها طف ثاني بس مسكته ساره تهديه ـــــــــــــــــــــــــ ـــــــــــــــــــــــــ ــــــــــــــــــ الساعه7المغرب (الخبر) الشباب داخلين في قاعه النساء والبنات فوق يتزينون مهند مشغل سماعات القاعه حاط دقني خالد:ما تمل انت؟24ساعه تسمعها مهند:ــــــــــــــــــــ� �ــ-لاهي معها- جنى تطل من فوق تناظر مهند:يازينه يحب دقني مثلي جنان وهي تحط مناكير:ليه من متى وانتي تحبين دقني جنى:من دريت ان مهند يحبها (بغرفه العروس) عليا لبست فستان اسود عادي جداااااااااااااااااا كنها في عزاء وفاكه شعرها ام طلال:ليه ما تبين تحطين تسريحه عليا ببرود:ما ابي ام طلال:عليا اتركي العناد وسوي تسريحه عليا بعناد:اذا حجت البقره على قرونها ام طلال انقهرت من اسلوبها،تنهدت:كنك من المعازيم ما كنك اخت العروس عليا:ما ا..بي –وقفت بثقه تنرفز وطلعت- ام طلال:الله يهديها ساره:يمه وش عليك منها تسوي الي تسويه ام طلال:ما ابيها تتعود على العناد ـــــــــــــــــــــــــ ـــــــــــــــــــــــــ ـــــــــــــــــــــــــ ـ بعد اسبوع يوم السبت الساعه6صباحا عليا تلبس حق الجامعه دخلت عليها امها ام طلال:بتروحين؟ عليا بدون ما تطالعها:ايه ام طلال:وش فيك عليا؟ عليا ببورد:ما فيني شي ام طلال:عليا انا امك احد مضايقك في الجامعه؟ عليا:لا ام طلال:في شي مضايقك في البيت؟ عليا بملل:لا ام طلال حست انو مافيه فايده تنهدت وطلعت (بالجامعه) دخلت عليا الجامعه بثقه عمياء حتى ان الكل يطالعها وصارت مشهـــــــــــــــــوره من كثر ما تطاق وتتذابح في الجامعه حتى وتين خافت على نفسها وتركتها شهد المسترجله:وينك امس ما شفتك؟ عليا ببرود وهي تمشي:ماجيت شهد بصوتها الضخم:ليه؟ عليا:الاربعا زواج اختي شهد:افا........وراك ما عزمتانا؟ عليا باسلوب ينرفز:بسسسسسسسسسس -شهد بوي لاخر درجه ودايم لبسها اســـــــــــود حاسه انها رجال ومهايطيه وخاقين عليها نص بنات الجامعه- ـــــــــــــــــــــــــ ـــــــــــــــــــــــــ ـــــــــــــــــــــــــ ـ اسما بسريرها تفكر في كلام ابوها امس الجد:اسما اليوم خطبك ولد عمك فهد اسما:ــــــــــــــــــــ� �ـــــ-بقلبها متشققه من الوناسه- الجد بحنان:موافقه؟ اسما بحياء:افكر-هي اصلا بتوافق بس حركات البنات تتغلى- الجد:الي تشوفينه الله يوفقك-طلع- اسما ودها تصيح من الخبر هذا الي تحبه صدق انه داج بس تعشقه ـــــــــــــــــــــــــ ـــــــــــــــــــــــــ ـــــــــــــــــــــــــ ـ نوره تطل من الدريشه تشوف فيصل وخالد داخلين للمجلس نزلت شافت ابوها كاشخ رايح للمجلس يوسف:نوره سوي قهوه وشاي نوره تستغبي:ليه؟ يوسف:ولد خالتك فيصل جاي نوره راحت طيران للمطبخ تسوي حلا وهي مستانسه رندا دخلت:وش هالسناعه؟ نوره بوناسه:فيصل جاي رندا تاكل من الحلا الي مسويته:وانا اقول وش هالحركات نوره:اقول لاتخلصين الحلا رندا:والله انك طباخه بس تطبخين على مزاجك نوره:خليه يجي واطبخ لكم كل يوم رندا:وش عنده نوره:مدري رندا:علينا؟-غمزت لها يعني بيخطبك- نوره بدون ماتحس:ان شاء الله رندا:يالفاشله حطت الصينيه عند باب المجلس ـــــــــــــــــــــــــ ـــــــــــــــــــــــــ ـــــــــــــــــــــــــ ـ انتهى..... Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 12-05-16, 05:19 PM #20 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي الجزء:السادس الفصل:الثاني يقول الي تحدث عن زمانه كلام الصدق وافصح عن بيانه انا شفت ورايت بام عيني امور ما تبي عرف وفطانه مهند طالع من البيت بيركب سيارته رضا:مهند مهند مهند شاف رضا:رح بسرعه لا يشوفك احد رضا تسند على السياره بعناد:ما راح اروح الا وانت معي مهند:طيب رح وانا بالحقك راح رضا ولحقه مهند يركب معه (في السياره) رضا:وشاخبارك؟ مهند بدون نفس:الحمد لله رضا:وراك مالك نفس؟ مهند:مزاج رضا ابتسم:يازين العناد دامك تسويه مهند:ــــــــــــــــــــ� �ــ-سافهه- رضا:مهند احبك مهند:معلومه جديده رضا سحب فرامل والتفت عليه مهند وقف قلبه:وراك وقفت؟ رضا:دامك داري وش نحتري؟ مهند مافهم:؟؟؟؟؟؟؟؟؟؟؟؟ رضا مسك يد مهند وباسها مهند استوعب الي سواه رضا سحب يده وعطاه كف رضا مسح خده بمكان الكف بيده وباس يده- كل شي منك حلو- (على الكرنيش) ناس مغصوبه ومتظايقه ومنهم مهند وناس تعيش احلا لحظات حياتها ومنهم رضا جالسين على الحاجز الي بين البحر وطريق المشاة رضا ماسك يد مهند ويطالعه بحالميه:أيـــــــــوه مهند تظايق من نظرات رضا:ـــــــــــــــــــــ� �ـــ رضا يحاول يحط عينه بعين مهند:هنوده حياتي طالعيني مهند يناظر جواله يصرف:ــــــــــــــــــــ� �ـــ رضا سحب جواله مهند:ارميه في البحر مهند بخوف:لا رضا عارف ان اغلا شي على قلب مهند جواله:لا ابرميه مهند مسك ذراع رضا:تكفى لا كل شي ولا جوالي رضا:اممممممم...........افكر وش المقابل؟ مهند نسى نفسه:أي شي بس رجعه لي رضا جت في باله فكره بنت كلب ابتسم بخبث واشر على خده:بوسه اذا ممكن مهند تراجع وطالع البحر يحاول ينســـــــــــــــ قطع عليه رضا مسك ذقن مهند ولف وجهه عليه:شفت هذا ابرميه في البحر رن الجوال وكانت النغمه تدل انو خالد الي متصل رضا قرا الاسم:حركات صار عندنا عديل روح.........من هو؟ مهند بقهر:وش دخلك؟ رضا بجد:مهند صدق عاد تراني اغار مهند:طيب هات ارد رضا:وش يثبت لي انو مافي القلب غيري؟ مهند مافهم:اقول لايكثر عطني الجوال رضا:ابي بوسه تعطيك الجوال وتريحني انقطع المتصل مهند اكره شي عنده انو الجوال يرن وهو ما يرد حتى لو انو ما يبيه طالع البحر يكتم غيظه رضا حط الجوال بجيبه:متى زواجنا ان شاء الله مهند:اذا عطيتاني الجوال رضا:هههههه بس الجوال خذه –مد يده ايعطيه الجوال- مهند:ــــــــــــــــــــ -عشان الجوال- رضا حط يدينه ورا ظهر مهند وقرب يبوسه مهند جته قوه وبعد جسم رضا بقرف ووقف يمشي رضا لحقه:من الي بيوديك؟ مهند:رضاعطني الجوال رضا ابتسم واشر على خده ـــــــــــــــــــــــــ ـــــــــــــــــــــــــ ـــــــــــــــــــــــــ ـ الساعه9ليلا اصدقا رائد يحترونه في الشارع واشكالهم تجمع الشكـــــــــــــــــــــ ــوك الي لابس جاكيت بعز الصيف والي متلثمين والي حاط كحل يعني كل واحد اردى من الثاني شافهم الجد ووصلت معه ماعاد يتحمل اكثر من كذا دخل البيت قابل رائد ألي ناوي يطلع معهم سحب يده ودخله جوا البيت رائد مستغرب:جدي علامك؟ الجد:لا مافيني شي غير ان حفيدي طالع مع ارهابيين رائد:ليه ارهابيين الجد:بالله ذولي احد يصادقهم؟ رائد ببرائه:وش فيهم؟ الجد:عنده عقل الي لابس جاكيت والدنيا كفخه رائد:جدي هد اعصابك وقول لااله الا الله الجد تنهد:لا اله الا الله رائد:لاتزعل كانك ماودك اورح معهم مارحت الجد:روح معهم هالمره ودور لك ناس غيرهم ـــــــــــــــــــــــــ ـــــــــــــــــــــــــ ـــــــــــــــــــــــــ ـ عليا راجعه من الجامعه تمشي بثقتها المعتاده وبرودها ابو طلال اول ما شافها:انتي متى بتتادبين عليا ببرود:اذا حجت البقره على قرونها ابوطلال ماعاد تحمل مسك شعرها يظربها على ظهرها يبيها تصيح وتتادب بس للاسف كنه ماسك ثلج عليا عادي عندها ولا نزلت ولادمعه بالعكس يزيد غموضها وبرودها طلال دخل وارتاع من ابوه الي يظرب عليا باقوى ماعنده تدخل طلال:يبه قل لااله الاالله –يحاول يبعدها عن ابوها- ابوطلال تركها وجلس على الكنبه:لااله الا الله عليا شعرها معفوس وعبايتها مشققه ووجهها اثار ظرب التفتت على ابوها وطالعته ببرود وراحت ابوطلال تنهد من حركه بنته:مدري وش اسوي فيها ذبحتني هالبنت عليا دخلت غرفتها صلت الظهر ونامت (الساعه4العصر) قامت من النوم وكالعاده صلت وحطت لها غدا وجلست بالصاله لحالها تطالع توم وجيري وتاكل طلال بيطلع بس شافها لحالها جلس معها:وشخبارك؟ عليا بدون ماتطالعه:الحمدلله طلال:وشلون الجامعه وياك؟ عليا ببرود:تمام طلال انقهر:متى بترجع ساره؟ عليا طالعته ببرود:عايشه معهم وانا مدري؟ طلال وصلت معه طلع وهو يدعي عليها عليا هزت راسها باستحقار لاخوها ورجعت تناظر توم وجيري ـــــــــــــــــــــــــ ـــــــــــــــــــــــــ ـــــــــــــــــــــــــ ـ خالد:وين جوالك؟ مهند يكذب:مع واحد من اخوياي خالد:وراك امس راجع بتكسي؟ مهند:كنت ببيتهم وجاه النوم ورجعت بتكسي خالد:يعني اهو الي موديك لبيتهم؟ مهند:ايوه........-يغير السالفه-وين نوره؟ خالد:مدري وش فيها هالايام صايره دايم تنوم مهند:وينها فيه الحين؟ خالد:بغرفتها نايمه مهند:ذكرني بكره امر عليها خالد:وش عندك؟ مهند:من زمان ما قعدت معها خالد:ابشر وشاخبار نوف؟ مهند بلامبالاة:عند عمي ناصر خالد:وراك؟ مهند:جدي مايدري ولو يدري بيذبحني وعمي ناصر قايل لي احطها عندهم الى ان يسافر جدي ثانيه خالد:بيسافر؟ مهند:ما اتوقع بس عمي ناصر بيصرفه خالد:متى ناوي تطلقها؟ مهند:ماادري سمعو صوت كسر مرايه وصراخ راحو بسرعه لمصدر الصوت غرفه اختهم نوره فتحو الباب مقفول خالد بعربجه كسره دخلو لقوها في الحمام-انتو بكرامه- تبي تنحاش مع الدريشه مهند وخالد مسكوها وهي تحاول تبعدهم طلعوها من الحمام-انتو بكرامه- وهي تصيح نوره:ابي فيصل ما ابيكم ياالمخيسين ما ابيكم ياـــــــــــــــــــــــ ـ دخل يوسف مرتاع:خير وش فيكم؟ نوره بصياح:انت يالخايس يالمعقد يالي تكره مهند بدون سبب ليه ترفض فيصل من زينك تبيني اقعد عندك مهند تظايق مو لان ابوه يكرهه بس لانه عرف انو الكل ملاحظ ان ابوه مايبيه يوسف قرب ومسكها بحنان:نوره حبيبتي وش فيك؟ نوره زاد صياحها:فيني اني اكرهك يالحيوان يالهمجي يالمتخلف يوسف يهزها:نوره انا ابوك نوره:وع عليك من ابو ليتنا ما عرفناك وقعدنا على عيشه الفقر اجل ترفض فيصل فيصل فيصل احد يرفضه؟ خالد حس انها متازمه من ابوه عشان كذا طلعه مهند بحنان:نوره حبيبتي وش فيك؟ نوره:ابي فيصل ابيه مهند:ولدخالتي؟ نوره:ايوه-مسكت يده-تكفى مهند ابي اتوزجه مهند:طيب نومي-سدحها على السرير ولحفها- نوره تبعد الشرشف:ماابي انوم ابي فيصل مهند راح لغرفته جاب ابره منومه ورجع نوره:انقلع انت ابي فيصل مهند تجاهل كلامها وقرب ومسك كتوفها نوره تحاول تبعده عشان تطلع الابره بس مهما كان مهند نحيف يبقى رجال ولا تقواه مهند طلع بعد ماعطاها المنوم ـــــــــــــــــــــــــ ـــــــــــــــــــــــــ ـــــــــــــــــــــــــ ـ الساعه 11ليلا برشلونه ((اسبانيا بلاد الاندلس)) ساره وزوجها مجيد يعيشون احلا لحظاتهم شهر العسل ساره تطل مع الدريشه تطالع المطر ينزل بغزاره ومعه حبات برد والجو بـــــــــــــارد تنتظر زوجها الي راح يجيب عشاء دخل مجيد وهو لابس جاكيت وبوت وقفازات تحميه من البرد وماسك مظله:تاخرت؟ ساره ارتاحت:لا ظمها:فديت الي يستحون ساره استحت وبعدت:الي مايقلق عل مجيد على من يقلق؟ مجيد:على ساره استحت زياده وزلت راسها مجيد بهدوء:وش رايك نتعشى في الحديقه؟ لبست عبايتها وطلعو للحديقه جلسو على طاوله فيها مظله هدوء الحي مع بروده الجو والامطار الغزيره وبعض حبيبات الثلج ساره وهي تاكل تحس الثلج يصقع فيها بسبب الهواء ـــــــــــــــــــــــــ ـــــــــــــــــــــــــ ـــــــــــــــــــــــــ ـ (الجامعه) وبالتحديد بالكافيتيريا عليا وشهد يفطرون ويطالعون الرايح والجاي شهد:وينك امس اتصل عليك ما ترد عليا ببرود:كنت مشغول شهد بصوتها الخشن:وش اخبار اختك ساره؟ عليا:مسافره شهد حست انو عليا مالها خلق تتكلم عشان كذا سكتت رن جوال عليا:الوه الغريب:السلام عليكم عليا:وعليكم السلام الغريب:ممكن نتغرف عليا ببرود:لا-قطعت الخط- شهد:مين؟ عليا:واحد فاظي شهد:ايه صح تذكرت.......عطيني جوالك ابسجل رقمي الجديد عليا بلا مبالاة عطتها الجوال ـــــــــــــــــــــــــ ـــــــــــــــــــــــــ ـــــــــــــــــــــــــ ـ مر شهرين وحاله نوره كل يوم تزيد عليا اهملوها اهلها من تعبت نوره والكل لاهي معها ساره رجعت من اسبانيا مهند كثره طلعاته مع رضا خصوصا مع غفله خالد رائد رجع لحالته في التفحيط ـــــــــــــــــــــــــ ـــــــــــــــــــــــــ ـــــــــــــــــــــــــ ـ (الساعه1ليلا) في السياره مهند ورضا راجعين لبيت العائله رضا:مهند حبيبي عندي لك حل تنسى هذا كله مهند باله بعيد:ــــــــــــــــــــ� � رضا:والله عندي لك شي يوسع الصدر وتنسى هالظيقه مهند بهدوء:وشو؟ رضا:تعال معي الشقه الين الفجر تعيش احلا لحظات حياتك مهند:يازينك ساكت رضا:كلام الحق دايم ينزعل منه مهند:انت ماتخاف الله؟ رضا:ابتوب ان شاء الله مهند:متى؟ رضا:اذاطلعت معي مره وحد ووالله لاترك هالحركات دقايق ووصلو للبيت مهند يبي يفتح باب السياره قفله رضا التفت عليه:نعم؟ رضا:ما فيه وداع؟ مهند بدون نفس:مع السلامه رضا:بس ........مافيه بوسه وحركات مهند بعناد:عمري مانزلت-سند راسه على المرتبه- رضا يطالعه بحالميه:ليت هالحظه دوم انا وانت لوحدنا-مسك يد مهند الي يحاول يسحبها- مهند وهو خايف:رضا بلا مصاله اترك هالحركات الي مالها داعي رضا قرب يد مهند لشفايفه وهومغمض عيونه مهند يضرب صدر رضا بيده الثانيه يبيه يترك يده رضا يعاند فتح فمه شوي و............... مهند وصلت معه ذيك المره بوسه وهالمره.............. دقايق وهم على هالحاله مهند يظربه ورضا لاحياة لمن تنادي رضا ترك يد مهند بعد ماشاف الدم تجمع وفتح قفل الباب مهند نزل وهو متظايق حيـــــــــــــــــــــــ ــــل قابله جده:السلام عليكم مهند ابتسم بضعف:وعليكم السلام-سلم على جده وهو يخفي يده- الجد:وش فيك طولت في السياره؟ مهند:خذتنا السواليف الجد:اشوف ظلك كانك تطقه مهند ابتسم يصرف:ايه استهبل عليه ركب الجد سيارته وراح وهو للحين ماصدق مهند دخل البيت شاف عمانه مجتمعين عشان نوره مهند:السلام عليكم الكل:وعليكم السلام ابوعبد العزيز:وينك يارجل الاعمال رائد:شكلك رحت لسيرلانكا مهند ابتسم يسلك لهم سمعو صراخ نوره الي كانت نايمه ومربطينها في السرير نوره بصراخ:ماابيكم ماابيكم ابي فيصل ما تفهمون انتم دخلو عليها مهند وخالد وقفلو الباب نوره:وش تربطوني من زينكم اكرهـــــــــــــــــــــ ــــــــــكم ما ابيكم ابي فيصل –تفرفش تبي تتحرر من الحبال- مهند قرب ومسكها مع زنودها نوره تمسكت فيه:انت فيصل؟-تناظره بترجي-تكفى فيصل خذني تكفى لاتخليني عندهم مهند يقاطعها:اباخذك ونسافر وــــــــــــــ نوره تقاطعه:نتزوج ونروح شهر العسل لوحدنا انا وانت بس مهند انصدم من تفكير اخته:طيب خلاص بس انتي اهدي وارجعي نامي نوره:توعدني ماراح تتركني؟ مهند:وعد نوره:ابنوم بس تعال جمبي مهند يصرفها:وين فيه؟ نوره:هنا-تاشر على مكان ظيق جمبها- مهند استحى:ـــــــــــــــــــ� �ـــــــــــــ نوره ببرائه:تعال حبيبي انت زوجي خالد سحبه وجلسه جمبها غصب نوره:حط يدينك على عشان ما تروح مهند:ــــــــــــــــــــ� �ــ خالد بعربجه:ياخي خلصنا-مسك يدين مهند وخلاها تنوم على صدره مهند مستحي+متفشل+منصدم جالس وبحظنه نوره الي بسرعه نامت خالد:وش الي في يدك؟ مهند يصرف:طايح من السياره؟؟؟؟؟؟؟؟؟؟؟؟؟؟ خالد:الطيحه ماتصيرك كذا مهند:مدري عاد عقب الطيحه ولا اني صقعت خالد:حتى لو تصقع ماتصيركذا مهند يغير الموضوع:وش اخبار الدوام وياك؟ خالد بصرامه:لاتصرف وقول لي من هو؟ مهند يستغبي:هاه؟ خالد:من هو الي عمل لك كذا؟ مهند:ما احد خالد بخبث:مهند كلنا فاهمين بعض ماله داعي تكذب مهند:بعدين اقول لك –يصرفه- خالد:ليه الحين من عندنا مهند:مالي مزاج ------------------------- انتهى...... الجزء:السادس الفصل:الثالث (لو لم تكن الحياة مؤلمه لما ولدنا ونحن نبكي) (الجامعه) الساعه9صباحا اداره الجامعه ماسكينهم طاقين بنات اغمى عليهم الاداريه:ابي افهم بنتين ظاربين خمس بنات انتم متاكدين انكم بنات مو رجال عليا جالسه ببرود وساكته تطالع الجدار شهد بوقاحه:اولاد بنات انتي وش دخلك؟ المشرفه:لوسمحتي لاتقلين ادبك شهد:ومن انتي عشان اتادب لعيونك المشرفه:اكون الي اكون اهم شي اني اكبر منك شهد:واذاصرتي اكبر مني المشرفه حست انو مافيه فايده معها التفتت على عليا:وانتي وش فيك تغيرتي عليا ببرود طالعتها ........ثم رجعت تطالع الجدار الي قدامها المشرفه سكتت عليا فيها ثقه لو يوزعونها على كل الي في الخبر ماخلصت وشهد متكونه من وقاحه +قله ادب+وصاخه كتبو تعهد وطلعو من الاداره شهد مستانسه تفتخر عند البنات انها قويه دخلت الاداره عليا ثلج يمشي من البرود خلص الدوام ورجعت عليا مع السواق دخلت البيت ابو طلال:تعالي عليا راحت له عليا ببرود ابو طلال:ليه ظربتي البنت عليا:بسسسسسسسسسس-تتكلم بهدوء وبرود- ابوطلال:عليا لا تحديني افصلك من الجامعه بكبرها عليا بنفس برودها:عساك على القوه-مشت بغرور- ابو طلال:والله ان سويتي مشكله هالسبوع ان ماعاد تطبين الجامعه مشت كانها ماسمعت شي دخلت غرفتها طالعت السرير تذكرت اختها تظايقت تمنت لو اختها ما تزوجت حتى لو انها ما تكلمها يكفي وجودها بالبيت ـــــــــــــــــــــــــ ـــــــــــــــــــــــــ ـــــــــــــــــــــــــ ـ نوره لابسه عبايتها ومتغطيه:ما ابيك ما ابيك انت ما تفهم بعد عني يوسف:نوره يا بنتي نوره بكل قوتها بعدت ابوها وراحت تركض برا تروح لفيصل مهند الي كان داخل البيت قابلتها نوره تبي تطلع الشارع مسكها نوره ظمته:فيصل يالله تكفى نروح –تتكلم وهي ترتجف- مهند يسلك لها:طيب بنروح بس ارجعي للبيت نوره:ما ابي ما ابي ماراح ارجع الا وانت معي مهند:انامعك يالله-دخلو البيت- نوره تطالع ابوها:خير وش تناظر فيني انا وزوجي يوسف نزل راسه بحزن على حاله بنته دانه:مهند حطيت لها العشا بالغرفه خلها تاكل الله يعافيك مهند:ابشري (بالغرفه) جالسه على السرير واخوها قاعد على الكرسي ياكلها بعد ما تازمت حالتها و صارت عدسه عيونها فوق ماتنزلها ابد وشوهه وجهها بالموس نوره:ريما هي الي جرحتني بالموس مهند:لاتكذبين نوره تصرف:وين رندا؟ مهند:تدخل عليك كل يوم وانتي نايمه نوره:أي وقت؟ مهند:العصر نوره تظايقت:ابيها تنام عندي اليوم مهند:ان شاء الله-اتصل على رائد- رائد:مرحبا مهند:السلام عليكم رائد:وعليكم السلام مهند:وشلونك رائد بثقاله دم:اسود مهند:اقول اها بس لايكثر وقل لرندا تجي عندنا رائد:ليه بتقعد مع اختي ما توقعتها منك يامهند تصير كذا مهند:خلصت؟وش ابي في اختك رائد:يمكن تقعد تسولف معها مثلا مهند يغير السالفه:لا بس نوره تبيها تجي عندها رائد:طيب ابقول لها بس ابي اسولف معك مهند:حياك رائد:لا تعال نهجول بالسياره (في السياره) رائد:مهند للحين ظهرك يوجعك؟ مهند:شوي رائد:اهو ما يعورك الا اذا تظايقت؟ مهند:ايوه رائد:مارحت للمستشعفى؟ مهند:الا كل شي سليم :ــــــــــــــــــــــــ� �ـــــــ-لحظه صمت- قطع هالصمت رائد:مهند مهند بهدوء:هلا رائد بربكه:مهند اذا صار لي شي لاسمح الله ابيك انت المسؤل عن زوج رندا مهند التفت عليه ؟؟؟؟؟؟؟؟؟؟؟؟؟؟؟؟؟؟-وش تحس به؟- رائد:يعني اذا خطبها احد انت الي توافق وترفض مهند ابتسم:ابشر رائد ارتاح هم على صدره انزاح:مافيه احد يظمن عمره (عند البنات) نوره:وينها سندس رندا الي جالسه جمبها على السرير:مدري عنها نوره:ماسوت كل شي؟ رندا:لا-تغير الموضوع-نوره ليه ماعاد صرتي تصلين؟ نوره:عشاني اكره ابوي واكره كل اهلي رندا:وهم وش دخلهم؟ نوره:انتي اصلا وش دخلك؟ رندا:حرام عليك يانوره دخلت دانه:السلام عليكم نوره:انتي انقلعي رندا:وعليكم السلام دانه حطت صينيه الشاي وطلعت وقفلت الباب عليهم عشان ماتطلع نوره نوره التفتت عليها بابتسامه جنون:مافيه الا انا انتي لوحدنا رندا وقف شعر جسمها من الخوف من طريقه كلام نوره بس مسكت نفسها ـــــــــــــــــــــــــ ـــــــــــــــــــــــــ ـــــــــــــــــــــــــ ـ يوسف بحزن:وش الحل؟ الجد:تزوجها فيصل نزل يوسف راسه بذل اخرتها يزوج بنته للي رفضه بغرور الحين يترجاه يتزوج بنته خالد:فيصل اصلا لو بيدري عن حالتها تزوجها عادي عنده الجد:الله يهديك احد يرفضه وهو امام يوسف بتخلف:ما بغيت بنتي تتزوج اسمر الجد:ليه وش فيهم السمران دخل مهند:السلام عليكم –سلم على جده وباس راسه- الجد وهو ماسك يد مهند:تعبان مهند الذبلان من الام ظهره من تعبت اخته:لا الحمد لله بخير الجد لاحظ في مهند الكذب والتصريف عشان كذا سكت يبي يصارحه بعدين مهند سلم على ابوه وباس راسه ويده ويوسف ما عطاه وجه ولا طالعه حتى الكل لاحظ انو من دخل مهند يوسف كشر وتغيرت نفسيته الجد بعد ماطلع مهند:سلامات يوسف زعلان؟ يوسف:لا الجد:ما تعرف تسلم على ولدك؟ يوسف بغرور:ليه وش فيه سلامي؟ الجد:ما فيه شي بس لو اني في مكانه ما سلمت عليك ـــــــــــــــــــــــــ ـــــــــــــــــــــــــ ـــــــــــــــــــــــــ ـ مهند كان داخل المجلس بيجلس مع عمانه بس شاف ابوه وطلع مو قصده ما يبي ابوه بالعكس لكنه عارف نظرات ابوه له ويخاف انو عمانه يرحمونه ويشفقون عليه على البحر جالس وظام رجوله يطالع الموج يجي ويروح هدوء وظلام غير نور القمر طالعه وابتسم ليله14مايدري ليه كل ما شاف القمر تذكر عزام قطع عليه تفكيره واحد ظمه مع ورا مهند انقرف وغمض عيونه يصبر نفسه على بلواه:ابي افهم انت تراقبني؟ رضا ابتسم:نسيت اني جاي الشرقيه عشانك؟ مهند يطالع رضا على كبر سنه والتجاعيد الي موضحه هالشي حتى اسنانه الصفراء اندمرت من كثر التدخين للحين فيه حيل لمراهقه الشباب رضا بوناسه:اموت اموت انا على هالنظرات مهند سفهه ورجع يناظر البحر وهو يفكر رضا:مهند ابقول لك شي مهند:ــــــــــــــــــــ-يفكر- رضا:مهند انتبه من عمك ناصر مهند التفت عليه:كيف عرفته؟ رضا:اعرفه وبس قلت لك انتبه منه مهند يطالع البحر:ان شاء الله رضا:فديت المودبين ياناس-قرب منه وصار جمبه مره- مهند بعد عنه:رضا عن هالحركات الي مالها داعي ـــــــــــــــــــــــــ ـــــــــــــــــــــــــ ـــــــــــــــــــــــــ ـ (الساعه7العشاء) فيصل بعد ماقال له خالد انو نوره تعبانه خطبها رابع مره يوسف نزل راسه بحزن:ــــــــــــــــــــ� �ــــ الجد:ايه موافقين ابوعبـدالعزيز:رجال والنعم فيك الجد:انت عارف انها تعبانه فيصل:ايه عارف ياعمي الجد:راضي بها؟ فيصل بطيبته وابتسامته:راضي ياعم الجد:توكلنا على الله ابوعبدالعزيز:متى تبي الملاك؟ فيصل:بكره يوسف اخير نطق:والعرس بعد شهرين الجد:يناسبك؟ فيصل:اتمنى لو تعجلونه الجد:شهر فيصل:توكلنا على الله الجد:الله يوفقكم فيصل وهو يقوم:يالله اجل اسمحولي استاذن الجد:وراك ماضيفناك؟ فيصل:والله الوالده في الشقه تنتظرني طلع فيصل ومعه الجد وابو عبدالعزيز اما يوسف قاعد متظايق مره اخرتها يزوج بنته لاسمر ولا يعرف وش اصله ـــــــــــــــــــــــــ ـــــــــــــــــــــــــ ـــــــــــــــــــــــــ ـ انتي عليا بنت نايف بن عبدالعزيز الـ............ تدرسين بالجامعه مستوى رابع اختك اسمها ساره ومتزوجه واخوك طلال فيك شامه عند عينك ووحده بيدك عمرك22سنه كانت هذي رساله لجوال عليا من نفس الرقم الغريب الي اتصل عليها في الجامعه والي صار يزعجها مسحت الرساله ورجعت تنوم ما اهتمت حتى ما فكرت من يكون الشخص الي يراسلها ـــــــــــــــــــــــــ ـــــــــــــــــــــــــ ـــــــــــــــــــــــــ ـ انتهى.........