الفصل 4
الجزء الرابع...........
وفي بيت ابوخالد الكل مرتبش وحالته حاله لانه اليوم العرس..طبعاً العروستين شمسه وفاطمة سارو الصالون ومعاهم شوق بنت خالهم وربيعتها عذاري، وشمه وسلامه بنات عمتها ، وكانو في الصالون من الساعه9:30 الين الساعة 8:00
وداخل القاعة ام راشد وام خالد يرحبون بالضيوف والمعازيم والكل كان يرقص وفرحان في هاليله اللي كانت من اروع اليالي ،وطبعا شوق اللي كانت كل الانظار عليها من جمالها والفستان الفضي اللي كان مبين تفاصيل جسمها وعذاري لبسه نفس فستان شوق وكانت في قمه
الروعة مع انه خوات شوق وخوات فاطمه جميلات بس شوق وعذاري هم اللي اخطفو الانظارفي هالليلة حتي انه ام راشد عيبتها عذاري وكانت تفكر انها تخطبها حق ولدها سالم ... وع الساعة 11 دخلو راشد وفاطمة وصورهم وبعد ما طلع راشد وحرمته دخل يوسف مع حرمته شمسه وتصور معاها وطلوا على طول للمطار اللي كان بنتظاهم ابو راشد وابو خالد وعطوهم التذاكر وباركولهم وسافرو الي فنيسيا لمدة شهر..ورجعو البيت والكل سار ينام وفي الصبح قامت شوق وتسبحت ولبست ثيابها وربطت شعرها ونزلت الصاله
شوق:صباح الخيرياأغلى ام في الدنيا
ام راشد:صباح النور ياحبيبة امها انا .. سمعهم سالم وقال: صباح الخير الوالدة
ام راشد:صباح الورد يالغالي ، تعال ياوليدي تفطر وبعدها سير دوامك
سالم: ماعليه يالوالدة اليوم متأخر 5دقايق خليني الحق ع الشغل مع السلامه
ام راشد: مع السلامه حافظك الله
شوق: مع السلامه سالم
سالم :مع السلامه وطلع وسك الباب
ام راشد: شوق يمه ربيعتج عذاري كم عمرها؟؟؟
شوق:19 ليش يمه؟؟؟
ام راشد: اهي مخطوبه ولا محيره؟؟؟
شوق:لا يمه مب مخطوبه ؟؟بس ليش تسأليني عنها؟؟
ام راشد: الحمدالله لا ماشي..بس بغيت اخطبها حق سالم والله البنت دخلت قلبي ويكفي انها ريبعتج وتعرفينها
شوق: عذاري ربيعتي من زمان ولو ما قلتي كان انا قلت لج عشان تخطبينها له
والساعه 2 وصل ابو راشد البيت وتغدى واستراح وكلمت ام راشد ابو راشد عن البنت اللي تبي تخطبها حق سالم وابو راشد وافق بس قال:لازم نسأل سالم عن رايه
دخل سالم :سلام عليكم
ابو راشد:وعليكم السلام هلا بسالم اشحالك ابويه
سالم : الحمدالله ..ها تراني سمعت اسمي ؟؟ شوعندكم؟؟؟