اشـوف النـسـيـم اسـود من كثـر هـمـومـي - الفصل 8 - بقلم بقلم:alm xm | روايتك

8 graaam ‎{ اشـوف النسيم اسـود من كـثـر هـمـومـي } { من شفته } محمد : حي الله الخوي منار : الله يحيك [ وبدون تفكير ] أغراضك مع هتان ركض لـ هتان وهو ياخذ الأغراض مشيت ودخلت للمجلس وكالعادة الاطفال برا يلعبون والبنات كل يوم في مكان ونفس الشي مع الشباب سلمت وجلست لحالي دخل محمد وجلس جنبي حط يده على كتفي وقال : وش فيك متضايق منار ببتسامه مصطنعه : ولاشي بس شفتكم مو موجودين قلت بعد شوي بيجون سحبني وهو يبتسم :طيب تعال معانا برا طلعت معاه وانا مالي خلق افف مادري وش يقردني اجامله سحبني حتى وصلنا للفرشه محمد وهو واقف : قلت لكم اقدر أجيبه بس ماصدقتوني سالم بتسليك : الله عليك يالذيب جلس وجلست جنبه [ كانوا فارشين فرشتين على الزرع ومعاهم البنات يعني فرشه للعيال و فرشه للبنات ] بدوا يسولفون وانا ساكته ومالي خلق لأحد بدر ببتسامه : ولا وش رايك يا ياسر منار : عن ايش فيصل بلعانه : عن ان الحرمه مكانها المطبخ منار بكل هدوء : خخخخ هذا أنتم ما تتغيرون ( وببتسامه ) أشهر طباخين العالم رجال فسر لي ليش هتان : امممم لأنهم حمير وخكاريا منار : لا لأنهم ما فكروا ان الحرمه مكانها المطبخ و ان الرجال مكانه الاستراحات تالين : صح صح جابها سامي : خخخخخ راحت عليكم وفاز فيها خالد : شكراً على ألمساعده بس مو كذا منار ببتسامه : نقدر نسوي مسابقه في الطبخ والي يفوز يطلب الي يبي و كـ تغيير للجوا محمد : شكراً على الخساره الشنيعة لمى : بنفوز منار بكل تحدي : نشووف فيصل : اختارو موعد ساره : المتزوجات يقدرون يشاركون صح !! منار : ايه للكل على فكره طبقين مو تضفون لي المطبخ والجد هو الي يقيم تولين : بعد بكره يناسب منار : ايه كـ العاده قعدوا يسولفون وش بيطبخون و وش المقادير و مين الي بيفوز قعدوا يسولفون الين ما جاهم النوم قام الكل من الفرشة البنات راحوا لغرفتهم و الشباب بعد دخلت الغرفه وانا هلكانه انتظر اللحظة الي اطيح فيها على السرير منار : افا مالي سرير [ طبعاً الجد حاط لكل واحد سرير لأنهم دايم يجون ، الا منار لانها اول مره تجي ] هتان : تعال يا شبيهي نام جنبي منار : مابي منك شي تجي من بكره تذلني قمت و سكرت الأنوار والكل منسدح وعلى جهازه طحت على الاسفنج ونمت هتان : شبيهي ابي أتكلم معك شبيهي سولف شبيهي ! انفتحت الأنوار فجأة وكان فيصل الي قام من السرير ولا احد حس فيه بدر : شكله تعبان وفيه نوم سالم : وين أهله عنه سامي : ماقد تكلم عن أهله وهو يسكن في فندق و دايم ما يتكلم عن نفسه خالد : شكلهم تبروا منه صقر : او يمكن توفوا سالم : او يمكن ما يعرفهم زي حقين الأفلام سفههم وقرب من منار الـ نايمه شالها وحطها على السريره و غطاها ببطانيته بحكم انها ثقيلة و الجوا بارد بدر : اوف من متى عندك رحمه فيصل بهمس : من شفته سكر الأنوار و انسدح في مكانها وتغطى في بطانيتها الخفيفه ونام آليوم الثاني الصباح صحيت ولقيت نفسي في سريره قمت بستغراب و انا اشوفه متغطي في بطانيتي الخفيفه ومتجمع من البرد قمت وشلت بطانيته الثقيلة وغطيته فيها غسلت وجهي وستغليت نومهم وتوضيت وصليت انسدحت على سرير فيصل وحطيت ذراعي على عيني ثواني وتذكرت الصوره وملامح وجهها اشتقت لها حيل قمت وتوجهت لشنطتي طلعت الصوره وجلست على السرير بديت أتأمل ملامح وجهها و انا اكلمها منار : اشتقت لك حيييل ثواني وحسيت دمعه حاره على خدي ناظرته وهو يبتسم كشرت اكرهه للحين اتذكر ضربه لي هو مو ابوي ولا أتشرف يكون ابوي ناصر آلعمران انت مو ابوي مو ابوي هزيت راسي بالنفي وكأني انجنيت همست وانا أبكي : انت مو ابوي مو ابوي اشرت على خالي وبكل جنون : انا بنت حمد حمد آلفيصل رميت الصوره بكل جنون وانا أدفن وجهي بـ المخده هديت من نوبه الجنون وقمت اغسل وجهي بـ مويه بارده رجعت للسرير وخذت الصور وحطيتها تحت المخده انتظرت يروح انتفاخ عيني وحمارها صحى فيصل و اتوقع انه صحى من روحتي وجيتي و انا انتظر الانتفاخ يروح والحمد لله خُف الانتفاخ وصار ما يُبين الا اذا كان قريب مني مره فيصل ببتسامه : صباح الخير منار ببتسامه مصطنعه : صباح النور باين مروق فيصل ابتسم وهو يتمغنط : ايه نمت نومه جاامده منار : صل الفجر و خلنا نطلع عشان نفطر فيصل : طيب انتظرني بصلي وبجيك راح فيصل لدوره المياه ( الله يكرمكم ) وتوضأ رجع وهو يمسح وجهه بمنديل فرش السجاده الي كانت على الرف العلوي من الدولاب وصلى جلست على سريره وانا انتظره يقضي خلص من الصلاه وصفط السجاده وببتسامه : كم لك قايم منار : مادري والله ما شفت الساعه على طول صليت وجلست على السرير كـ ترويق فيصل : ببدل ملابسي وبعدها نطلع اخذ ملابسه من الشنطه ودخل دوره المياه التفت وانا أدور عيوني في المكان ولا واحد حط ملابسه في الدولاب الي يخصه جد عيال و مو مهتمين طلع فيصل وهو مروق منار ببتسامه مصطنعه : نطلع فيصل ببتسامه : يا ليت لاني جوعان طلع و طلعت وراه دخل للمطبخ وهو يسأل عن الفطور استغربوا الخدم من دخوله وقالوا انه جاهز طلب منهم يجبونه للحوش عند الزرع وطلع اما انا فـ أخذت لي كاس مويه و انا اسمع الطباخه المصرية تتكلم مع الخدم وتأمرهم يرتبون السفره لفيصل رددت في نفسي : ياخي العن ام العجز ليش ما اخذ الأغراض معه سمعت صوت بنت وراي وتتكلم مع الخدم تنحنت كـ دليل أني هنا اتوقع ما سمعت و واضح انها مشغوله مع الخدم تنحنت بصوت عالي سمعتني وقالت بستغراب : مين فيكم تنحنح قلت بصوت احاول قد ما اقدر أني اخشنه : انا تلفتت وهي مستغربه كملت بصوتي الخشن : انا ياسر طلعت بحركه سريعه ومن وراء الباب : اعتذر ياسر ما انتبهت لك رديت ببتسامه : معليش بس ممكن توخرين عن الباب ردت بـ ارتباك : ا ء ايه ت ء ت إ تفضل وخرت عن الباب وبدوري انا طلعت اتجهت للحوش وانا اناظر فيصل مع هتان الي توه صاحي جالسين على الطاوله الي في وسط الزرع سحبت الكرسي و جلست منار ببتسامه : اقدر اقول صح النوم ؟ هتان كشر : الناس تقول صباح الخير و الورد و الأزهار وهذا يتطنز جوا الخدم وبدوا يرتبون السفره قمت من مكاني كـ احترام او عشان يأخذون راحتهم رحت غسلت ورجعت لقت كل الاكل جاهز ومصفف بطريقه مرتبه جلست و انا اسمي اكلت مجامله لـ هتان الي لزم علي اكل قمت من الطاوله بعد ما اكلت بدون نفس غسلت و انسدحت على الزرع و انا اضحك على شكل هتان الي يالله يمشي لانه كان متربع على الكرسي فـ نامت رجله منار بصوت عالي وبضحك : هتان ليتك تشوف شكلك كانك واطي قزازه وياالله تمشي هتان وهو يحاول يتوازن : افا يا شبيهي والله انك قليل أدب تمشي وتتطنز على خلق الله منار : فيصل عطني جوالك بصوره وبذله فيها [ كـ العاده قلدت أفلام الكرتون بـ ضحكتهم الشريرة ] فيصل : الحين انت ذليته وتبي تذله اكثر هتان جلس على الزع جنبي وكأنه زومبي : اي اي عجزت اتحمل ضحكت بصوت عالي من شكله المتألم طلع سالم وهو منزعج من اصواتنا اتوقع قومته سالم : وجعه توجع قلبك انت وياه هذا و أنتم ثلاثه و انا على بالي الأغلب هنا حطيت يدي على فمي و احاول امنع طلوع الضحكه هتان من الروعة قام وهو مايقدر يتوازن وطاح هنا عجزت أمسك ضحكتي وضحكت بصوت عالي اعلى من قبل وجلست من قوه الضحكه لدرجه شفت دريشه البنات تنفتح وباين أني صحيتهم ناظرتهم وانا احاول أمسك ضحكتي بس عجزت كملت ضحك و انا العن و أسب في بليس هتان الي احرجني و قوم خلق الله شفت البنات وهم يصرخون بأسمي عشان أوقف تالين بصوت عالي : ياسر و اليرحم و الديك اسكت ضحكت بصوت اعلى على اشكالهم وهم منزعجين سلمى بملل : يــاسـر حطيت يدي على فمي احول امنع الضحكه وقلت وانا منحرجه وفي نفس الوقت فيني الضحكه : أسف أسف ما كنت ابي اصحيكم فيصل بضحكه : سكت من الاحراج سالم صرخ على البنات : وجع انتي ويها مافيه أدب ولا احترام طالعين قدام الرجال بدون غطاء ولا ملابس ساتره دخلوا البنات من الروعة وهم يركضون ليان وهي تلهث : والله ياهو يقطع القلب شفتوا ضحكته تخبببل سلمى حاطه يدها على صدرها : اويل حالي ذبت انا ذبت ضحكت تولين على اشكالهم تكلمت توأمها بتكشير وقرف من فعايل بنات عمانها : هو صح مزز بس مو لدرجه هذي . . . . دخلوا البنات بعد ما هاوشهم سالم و الذعر باين على وجيههم ابتسمت على اشكالهم وهم يركضون ومذعورين خخخخ يضحكون قمت من مكاني ودخلت للغرفة شفت كل السراير فاضيه اضن صحيتهم مثل الي قبلهم رتبت السراير بـ عنايه وبعدها اتجهت للشنط وطلعت الملابس من الشنطه ورتبتهم بالدولاب سمعت صوت طق الباب منار : مين تكلم صوت ناعم : انا ...... قالي عمي صقر ارتب ملابسهم رديت وانا اعرف انها هي الي كانت في المطبخ : لا ما يحتاج رتبتهم و الحين بخلص ردت وانا احس انها تبتسم : شكراً على المساعده بس المره الجايه انا الي برتبهم منار : مافيه مشكله المره الجايه ماني لامس ولا شي ........ :اوك استأذن منار : إذنك معك اعترف ما اعرف مين هي انا اعرف أسامي البنات بس ما اعرف مين هي صاحبه الاسم رجعت اكمل ترتيب الملابس الين ما خلصت ابتسمت بـ رضا على شكل الدولاب جمعت شنطهم وحطيتها فوق الدولاب خخخخخ اقدر اقول خلصت قمت من مكاني بتعب من الجلسة فتحت الباب و انا أدور العيال طلعت للحوش وانا أشوفهم مجتمعين على الفرشه و معاهم فهد الوحيد من المتوسط من العيال جلست و التفوا حولي بمحاوله أني أدخله للمسابقة لانه ماله احد ودايم جالس على جواله في الزاويه منار : موافق بس بشرط رد فهد بكل حماس : اطلب الي تبيه موافق على اي شي منار بحكم انه لحاله وما يجلس مع احد : تجلس دايم معانا نفز فهد بحماس لقى احد يجلس معه و قدر يشارك بالطبخ [ وبحماس ] : موافق موافق ابتسمت على شكله الطفولي اتوقع كذا يكفي الكلام الي تحت مهم 👇🏻 👇🏻 👇🏻 حبيت اقول لكم البارت الي فيه ناديه سحبت فيها منار بقوه لدرجه اوجعتها يدها كانت تمثيليه عشان حمد مجود يعني هي ما تكره منار حتى تسبونها أتمنى تفهمون زين #انتقد_لكن_بأدب 💖 الـم ... alm_xm