الفصل 4
*ࢪﯡاެيــ𝜗𝜚ـۿہٌ|| هــۍٰ ؏ــڣـــةٰةٰ😍 ⃟🍎≯↻»))*
*══════ •『 ♡ 』• ══════*
*اݪـبــ⁸ـااࢪﭢ ♥️⃟ ⃟🌝ᡴꪫ˚.*
*اݪـبــ⁹ـااࢪﭢ ♥️⃟ ⃟🌝ᡴꪫ˚.*
فى غُرفه رغد دخلت عليها اختها ريان و هى تُصيح رغد .. رغوده .. يا رغوتى .
ريان : ياااه يا رغد دا إنتى حالك صعب أوى .
أنتبهت لها رغد و قالت : هه بتقولى حاجه ؟
ريان : بقول حاجه !! دا الموضوع شكله كبير أوى .
رغد : لا موضوع و لا حاجه عاوزة تعملى مواضيع من مفيش ؟!
ريان : لا بجد مالك مش هسيبك إلا إما تنطقى .
ردت رغد بدُعابتها المُعتاده : غلسه من يومك إيه الجديد يعنى .
ريان : هههههه دا الطبيعى بتاعى ، كلنا أذان صاغيه يا ست الدكتوره .
رغد : مفيش يا ريان بجد كل الحكايه إنى سرحت فى أول يوم جامعه مش أكتر ، بس مش متفائله بصراحه من الترم ، قاعده أفكر همشى فى السنه دى و لا هدبلر !!
ريان : انتى مجنونه ندبلر إيه انتى كمان ، سنه زى أى سنه عاوزه تعب و مجهود ، و بطلى تظنى الظن السؤء و افتكرى الحديث القدسى الذى قال فيه الله سبحانه و تعالى
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) رواه البخاري ومسلم .
ثم أردفت ريان قائله : يعنى إحنا تقريبا اللى بنختار قدرنا يا ست رغد ، فأحسنى الظن كده عشان تلاقي الخير و قربي من ربنا أكتر عشان ييسرلك أمرك ، و أوعى تسمعى تانى للشيطان ، و خليكى متأكده أنه عاوزك أفشل واحده فى الكون عشان يضمك لحزبه أعوذ بالله عندما أراد الله منه أن يسجد لسيدنا آدم فأبي فقال الشيطان لله .."
قَالَ أَنظِرْنِي إِلَى يَوْمِ يُبْعَثُونَ * قَالَ إِنَّكَ مِنَ المُنظَرِينَ * قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ * ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَآئِلِهِمْ وَلاَ تَجِدُ أَكْثَرَهُمْ شَاكِرِينَ "
شفتى بقا يا حبيبتى إنه مش هيسبنا أبدًا فى حالنا ، ربنا عرفنا مكره و بينه لنا فى كتابه بالله عليكى حجتنا إيه بقا لما نعصيه ؟!
و شوفى كمان هفكرك بأدله كتيره حصلت عشان تفهمى الشيطان كويس أوى و تتأكدى من أساليبه الماكره عشان متقعيش فيها .
عندما قال لله تبارك و تعالى " قَالَ فَبِعِزَّتِكَ لَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ "
فئه قليله بس هى اللى هتنجوا و هما المُخلصين عاوزين نخلص مع ربنا عشان يخلصنا من مكره ، اللهم أجعلنا من المخلصين .
رغد : اللهم آمين ، انا بحبك أوى يا ريان ربنا يخليكى ليا و أوعدك يارب و أوعدك إنتى كمان إنى مش هكون من أولياء الشيطان دا البعد عن ربنا عذاب و دمار و الراحه بقربه متعه ملهاش مثيل .
ريان : طبعًا يا حبيبتى بس كان لازم تقولى أوعدك يارب ثم أوعدك يا ريان ، لأن الواو معناها عطف شئ على شئ و أنا لا شئ أمام الله فعشان كدا كان المفروض نقول ثم بمعنى يُفيد الترتيب و التعقيب يا روحى أنتى .
رغد : صح عندك حق ، سامحنى يارب ، أوعد الله ثم أوعدك بأنى هكون شطوره أوى فى حياتى و دراستى كمان و لكل مُجتهد نصيب بقا ، وربنا حبيبي قال : " إِنَّا لَا نُضِيعُ أَجْرَ مَنْ أَحْسَنَ عَمَلًا " يعنى شرط العمل هو الإتقان و إلا يبقي ملوش أدنى لازمه و أنا بإذن الله هتقى الله فى نفسي و دراستى و أكون من المُتقنين ، أنا بحب ربنا أوى و بثق فى كل كلامه ، ربنا يجعلنا من أحبته الصالحين .
ريــان : آمين ، هاتى بوسه بقا يا بت يا عثل أنتى .
رغد بعد أن قبلتها و تعانقتا كثيرًا رددت بمرح ، يا ماما البت هتفترسنى .
ريان و رغد تعالت صيحاتهما المصحوبه بضحكاتهم العذبه و والدتهم من خلفهم تدعوا الله لهم السعاده .
**
سائد .. سائد .. فعلًا صدق من سماك سائد .. الله يرحمك يا بابا .
سائد : عاوز إيه يا حمزه ، بتنادم عليا ليه أجدع ؟
حمزه : الله الله الله كبرنا و بقينا بنهزر أهو ، أنا نازل الجامعه عاوز حاجه .
سائد : لا يا حبيبي شكرًا .
حمزه بعد أن هم بالمغادره : سائد إنتا هتعمل إيه فى موضوع الشغل ؟
سائد بعد أن نكس رأسه بحزن : مش عارف يا حمزه -_-
حمزه : ممممم طيب إيه رأيك تقطع الإجازه و تنزل شغلك دا أنت مهندس أد الدنيا .
سائد بنبره تعلوها الحسره : شغل إيه يا حمزه بس دا أنا عليا ديون تأمينات أد كدهوووا .
حمزه بوجه باسم : جرب بس روح شوف كده إيه النظام و الدنيا ماشيه إزاى يمكن لا دا أكيد ربنا هيبعتلك رزقك .
سائد : بعد أن تكررت هذه الجمله فى أذنه كثيرًا : ربنا هيبعتلك رزقك .. ربنا هيبعتلك رزقك .. ربنا هيبعتلك رزقك .
أنطلق من فكره و قال لأخيه : صح ربنا هيبعتلى رزقى أنا هقوم حالًا ألبس و انزل أشوف إيه الأخبار .
حمزه : قشطه ، و كلمنى طمنى و كمان
خليك معايا بالتلفون عشان مقلقش .
سائد : متقلقش ياعم هو أنا رايح موزمبيك ؟! ، و لا ناسى إنى أخوك الكبير ؟
حمزه : لا مش قصدى ، بس أصلك جديد على الأماكن و كده أكمنك قعدت فتره كبيره برا مصر .
سائد : ههههههههههه يا بنى دا جملتنا الشهيره فى مصر اللى يسأل ميتوهش .
حمزه : هههههه على رأيك بس بردوا طمنى عليك ، يلا اطير أنا بقا ، سلام عليكم .
سائد : و عليكم السلام و رحمه الله و بركاته .
يدق جرس هاتف كرم .
كرم : السلام عليكم و رحمه الله و بركاته .
و بنبره مُداعبه يُحدثه حمزه : و عليكم السلام و رحمه الله و بركاته .
كرم : يا سيدى على الروقان ، الغزاله رايقه طبعًا منتا مشفتش اللى أنا شفته .
أنزعج حمزه جدًا و قال : شفت إيه ؟ فيه إيه يا كرم .
كرم : هههههه أهدى أهدى مراتك مماتتش لسه .
حمزه بنبره جنونيه : مراتى ! مراتى مين ؟ هو أنا أتجوزت ؟!
كرم : يا عينى على الواد لما يتجنن أخلص أنتا فين ؟
حمزه : أنا على باب الجامعه أهوت ، أنتا اللى فين ؟
كرم : أنا وراك يا دفعه .
ثم ما أن رآه حمزه حتى بثق بمرح على هاتفه و هو يغلق و يُقابل كرم قائلًا : كان فيه عيل غتت بيكلمنى معلش يا أبو المكارم .
كرم : عيل غتت و الحركه اللى عملتها دى كمان ؟! ، غور من وشى ياض .
حمزه : حبيبي يا كرومتى ، قول بقا فيه إيه .
كرم : أبدًا يا حبيبي مفيش حاجه غير إن بس عندنا النهارده 3 محاضرات لمواد أصلًا جديده علينا و العملى أشتغل و النهارده هيبقي يوم صعب و خلاص وقت الراحه بح بح .
حمزه : يا حلولى ، يا ستير يارب على عبادك .
كرم : آمين ، يلا بينا نلحق .
أتصلت رقيه على عُلا و التى كانت قابعه فى فراشها و لا تُحيد عيناها عن هذا الكتاب " عوده الحجاب " و قد شرفَت على الإنتهاء منه .
رقيه : السلام عليكم و رحمه الله و بركاته .
علا : و عليكم السلام .
رقيه : علا مالك يا علا بقالك كام يوم مش بتيجى الكليه و مش بشوفك خالص ، فيكى حاجه يا حبيبتى ؟ تعبانه ؟!
علا بعد أن أرتسمت بسمتها كرد فعل من خوف صديقتها عليها بلا شك الإهتمام سحر يفعل المُعجزات أجابت : يا حبيبه قلبي أنا بخير أوى .
رقيه : إمال مبتجيش ليه ؟
علا : كنت بخلص حاجه كدا أوعدك هنتظم ، بس ليا عندك طلب .
رقيه : أمرك يا حبيبتى ، اطلبى .
علا : الأمر لله وحده ، النهارده الخميس و أنا بصراحه محتجاكى جدًا معايا فى مشوار ضرورى بس ليا طلب غلس .
رقيه بتعجب و حيره : خير ؟!!
علا : أبقي هاتيلى عبايه من بتوعك معاكى ، أصل أنا اتصرفت فى كل العبايات و الإسدالات و معنديش غير بناطيل و مينفعش .
رقيه : هو إيه اللى مينفعش أنا مش فاهمه حاجه ؟
علا : يا ربي عليكى يا رقيه ، هعرفك كل حاجه و الله لما تجيلى إن شاء الله و دلوقت يلا من غير مطرود على محاضراتك .
رقيه : هههههه ماشى يا ست علا عنيا ، بعد صلاه المغرب هتلاقينى عندك .
علا : قشطة أوى ، يلا سلام يا عثل .
رقيه : و عليكم السلام و رحمه الله و بركاته .
**
عاد حمزه إلى منزله ليجد أخيه سائد مُلقى على الأريكه يكسوه التعب .
أندفع حمزه نحوه : مالك يا سائد ؟
سائد : كويس كويس ، بس بصراحه الدنيا أختلفت و الناس أتبدلت ، كل ما أقابل حد الأقيه مكشر فى وشى مع أن الرسول عليه الصلاه و السلام قال تبسمك فى وجه أخيك صدقه .
أبتسم حمزه و قال بمرح : الناس بقت بخيله أوى يا جدع .
سائد بعد أن أبتسم قليلًا : لا مشوار مُهلك حقيقًه ، لكن الحمدلله جه بفايده بس بعد ما طلعت عينى حتى المعلومه بتطلع منهم بطلوع الروح ، ما عدا شاب الله يحفظه يارب هو اللى قعدنى و ساعدنى فى كل شئ أسمه أحمد بس باين عليه ملتزم و مؤدب و عنده دين بجد مش ورق .
حمزه : و هو ده الفرق بين الملتزم و الغير ملتزم ، الراحه اللى فى القلب و البسمه اللى على الوجه و التى لا تفارقه و حجات تانيه كتير ، صدق ربي عندما قال
" وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى"
سائد : صدق الله العظيم ، المهم فاضل شويه إجراءات كده هبدأها الأسبوع الجاى بأمر الله بعدها استلم الشغل و هتتخصم التأمينات طبعًا كأجزاء من المرتب .
حمزه : كويس جدًا يا سائد شوفت مش قتلك " ربنا هيبعتلك رزقك " .
سائد : فعلًا يا حبيبي الحمدلله .
حمزه : هقولك على معلومه و رزقى على الله ، بعد كده يا أستاذ متقلش صدق الله العظيم بعد إنتهاء السور القرآنيه كعاده لأن ده بدعه ، لكن لو بتقولها بقلبك كتصديق لله فى كل كلامه فمفيش مشكله من إنك تقولها لكن كعاده فلأه ده بدعه ، ربنا يجنبنا إياها يارب .
سائد بمرح : حاضر يا شيخ حمزه ربنا يبارك فيك ، ممكن بقا تغدينا أنا جايب الأكل فى الكيسه عندك على المطبخ هاته فى أطباق و تعالا أنا مش قادر أتحرك معلش .
حمزه : و لا يهمك يا سدوتتى طياره .
ذهب حمزه و أخذ سائد يتعجب آل سدوتتى آل عفريت الواد ده ، ربنا يرضى عنك يا حمزه .
♥•••••••••( إف
اقـه )•••••••••♥
1- واخدين بالنا من مواضع الشيطان و واقفين له بالمرصاد ولا لا ؟
2- بنتقن عملنا فعلًا و لا بنعمله تأديه واجب من غير نفس و خلاص ؟
3- مُقتنعين إن رزقك جاى لك و لا يائس من رحمه الله و عطفه ؟
4- ( الله يرزق العصفور الطعام لكنه لا يُلقيه فى عشه ) قاعد فى مكانك و مستنى رزقك و لا بتجرى عليه و تسعى ؟
5- بنحب ربنا بيقين و لا بنحبه لأننا لازم نحبه ؟
••••••••••••••••••♥♥
•••••••••••••••••
* سبحان الله
* الحمدلله
* الله اڪبر
* لا إله إلا الله
متڪسلوش تقراوء ذڪر وحرڪو شفايفڪُم وانتو تقرائو عـشان تـاخدو اجر💜
🎀الفصل التاسع🎀
دق كرم على غرفه أخته رقيه بدقاته المرحه فعلمت أنه كرم فأسرعت إلى الباب قائله :
معندناش زوباله النهارده يا كابتن .
كرم : ههههههه امشى يا غلسه .
ثم أزاحها بخفه إلى الخلف فأستندت إلى دولابها بينما اقترب هو من أريكتها قائلًا : بيقولوا يا بت يا رقروقه إن القعده عندك حلوه و مسليه .
رقيه و هى ترفع حاجبها و بطريقه إستفزازيه تقول : و بيقولوا بردوا إنك عاوز حاجه .
أشاح بأصبعه نحو وجهها و قال : هههههه قفشانى دايماً .
قد اقتربت منه رقيه بوجهها الحانى و قالت : خير يا كرم مالك ؟ بابا زعقلك و لا حاجه ؟ الفلوس معجزه كالعاده و لا إيه ؟
كرم : فكرتينى بموضوع تانى .
رقيه : موضوع إيه ؟
كرم : بقولك يا رقيه إيه رأيك لو بعت الملازم اللى أنا بلخصها دى بفلوس ؟ إيه رأيك مش يبقي مشروع حلو ؟
رقيه بحزن : مشروع حلو طبعًا ، بس لازم تاخد بالك إننا ظاهرين قدام صحابنا إننا مش محتاجين حاجه ، دا غير إنك فى أخر سنه ليك و لازم تشد على نفسك أوى عشان الأمتياز المرادى ، و اللى خلاك تستحمل كل السنين دى يخليك تشد شويه على نفسك عشان تخلص و تلاقي شغل بسرعه .
تنهد كرم قائلًا : عندك حق ، الله المستعان ، ربنا يخليكى ليا يا برقوقه .
رقيه : و يباركلى فيك يا كرومتى .
كرم : كرومتى هتفكرينى بالواد حمزه نازل طالع يقولى كده .
اضطربت رقيه عندما أستمعت إلى هذا الكلام خاصًه أسمه و أنه يُداعب أخيها كيفما تُداعبه فأبتسمت رُغما عنها ثم قالت : ها كنت عاوزنى فى إيه أصلًا ؟
كرم : مش أنتى ليكى واحده صاحبتك أسمها رغد اللى هى بنت عمو شوقى صاحب بابا .
رقيه بمرح : أها اللى سألتنى عنها بعد صلاه العيد .
كرم : عليكى شمعــــــه ، قوليلى بقا نظامها إيه و مرتبطة بحد و لا جد و قلبها لجوزها و بس ؟
و ناويه على إيه فى حياتها و شخصيتها عامله إزاى ؟
رقيه : إيه إيه يا أبنى أنتا هتطلعلها فيش و تشبيه أهدى أهدى .
كرم : أكتر أكتر ياختى شكلى وقعت و لا حد سمى عليا .
رقيه بمرح بعد أن أظهرت لسانها : أنا أنا سميت .
كرم : هههههه قولى بقا يا غلسه .
رقيه : هيييييه يا أبنى يا زين ما أخترت أدب و جمال و دين و أخلاق ، و من البيت للجامعه و الجامعه للبيت و ملهمش غيرى و لا ليا غيرهم و علا كمان بس كده .
كرم : أفهم من كده أن نظرتى مخيبتش و السكه سالكه .
رقيه و هى تومأ برأسها : أينعم .
كرم بتفكُر : تمام .
رقيه : تمام إيه ناوى على إيه ؟
كرم : أكيد يعنى مش هعمل حاجه دلوقت لأن مش فى إيدى حاجه غير إنى أصبر لغيت ما أخلص و ألاقى شغل .
رقيـه : عليك نوووور و ربنا يفرحنا بيك يارب .
كرم : أسمها عليك شمعه يا بت أتعلمى بقا ، هه يارب أشوفك عروسه يا أوزعه .
رقيه : أوزعه فى عينك أمشى بقا عشان أنا راحه لعلا دلوقتى .
كرم ألقى الوساده عليها ثم غادر سريعًا قبل أن تلقُى بالوساده عليه .
يس فى غُرفته أخذ يُفرك فى يديه من الغضب ، يعلم جيدًا أن رامز لابد و أن ينتقم منه ، راودته أفكارًا عجيبه ، علا كمان بقالها فتره مش بتيجى الكليه !!
معقول رامز قالها حاجه عنى ؟! طيب ما أنا قايلها كل حاجه أصلًا ، صحيح مش كلها أوى يعنى بس عرفتها إنى كنت حد مش تمام ، و هى بقا هتصدقك يا سى يس ؟
طبعا صدقتنى مخدتش بالك من فرحتها بكلامك و تأثرها بيه ، لا حول و لا قوه إلا بالله ، ممكن يكون رامز قال أى كلام و المسكينه مش طيقانى بعد كلامه ، يارب أرحمنى و رامز يعرفها منين أصلًا و لا هى تعرفه أصلًا ، و مالك مهتم بعلا أوى كده ليه يا سى يس ؟!
هه مش عارف بس إحساس كده مش فاهمه ، معقوله حبيتها ؟! ، أحبها !! أحب إيه لا طبعًا ، أنا مش هغضب ربنا أبدًا ، هو الحب حرام ؟!
أه حرام لما يكون فى غير موضعه يبقي حرام ، لا إله إلا الله طيب و الحل ؟ ، الحل إنك تصبر ، و أصبر ليه ما أنا معايا رقمها و ممكن أكلمها فى أى وقت ، أثبت يا يس بلاش الشيطان يستدرجك
أعوذ بالله من الشيطان الرجيم ، أنا أروح أقعد مع ربنا أحسن لى و افضفض له باللى فى قلبي مع إنه شايف و حاسس بيا ياااه ربنا يحس بيك دا معناها جميل أوى يا ياسين ، طبعًا دا ربنا حبيبي ، ثم فرش سجادته و أخذ فى الصلاه و الترتيل .
دق جرس بيت عُلا ، أنتبهت علا أن الطارق هى رقيه فهذا هو المعاد المُحدد .
أسرعت لتفتح الباب فإذا برقيه صاحبه الوجه البشوش و القلب الحانى لم تشعُر عُلا بنفسها إلا و هى بين أحضان رقيه ، لا تعلم هل هذا لأنها أشتاقت إليها حقًا أم لأنها أشتاقت لكل مَن يدُلها على طريق ربها .
ألقوا التحيه على بعضهما البعض ثم دخلت رقيه حيثُ غرفه علا فأنتبهت رقيه للكتاب الموضوع على الفراش و قرأت أسمه بتعجب
عوده الحجاب !! أنا والله ما فاهمه منك حاجه يا علا هو فيه إيه ؟
علا : فيه إنى بحبك .
أبتسمت رقيه رغمًا عنها فهى تعلم مدى نقاء صديقتها و فطرتها : و أنا كمان بحبك و أنتى عارفه بس نفسي أفه
م فيه إيه ؟
علا بسعاده : قررت ألبس الحجاب الشرعى مش حتته المنديل ده اللى بيسموه حجاب !! و كمان هلبس لبس فضفاض عشان يبقى حجابي شرعى لأن البناطيل حرام .
رقيه بتعجب و فرح أيضًا : و عرفتى ده منين بقا ؟
أمسكت علا بالكتاب و قالت : من الكتاب ده ، بصى يا ستى الحجاب الشرعى ربنا بينه لينا عندما قال تعالى مُخاطباً النبي - صلى الله عليه وسلم
-{ يا أيّها النبيّ قل لأزواجك وبناتك ونساء المؤمنين يدنين عليهنّ من جلابيبهنّ ذلك أدنى أن يُعرَفنَ فلا يُؤذين وكان الله غفوراً رحيماً }
بصى هذكرلك كل الأدله وبعدين أفهمك بعاميتى بقا :)
يقول الله تعالى:
{وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّـهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ}
بمعنى أنهن :
🔅1- يحفظن عوراتهن عن الفواحش، و عمّا لا يحل لهنّ و عن الزنا و ألا يراها أحد.
🔅2- لا يُظهرنَ شيئا مِن الزينة لغير المحارم إلا ما لا يمكن إخفاؤه ؛ و الذي لا يُمكن إخفاؤه قال عنه ابن عباس إنه : الوجْه و الكفّان.
🔅3- يشدُدْنَ غطاء الرأس على النّحْر و الصدر فلا يُرى منه شيء لتواري ما تحتها من صدْرها؛ ليخالفن بذلك شعار نساء أهل الجاهلية ؛
فإنهنّ لم يكنّ يفعلنَ ذلك، بل كانت المرأة منهنّ تَمرّ بين الرجال مُسَفّحة بصدْرها لا يُواريه شيء ، و ربما أظهرت عنقها و ذوائب شَعرها و أقْرِطة آذانها؛
و قال البخاري عن عائشة -رضي الله عنها- قالت: “رَحَم الله نساء المهاجرات الأُوَل لمّا أنزل الله {وَلْيَضْرِبْنَ بِخُمُرِهِنَّ عَلَى جُيُوبهنَّ} شَقَقْنَ مُرُوطهنَّ فَاخْتمرْنَ بها”.
(المرط: كل ثوب غير مخيط).
🔅4- ، و كل هؤلاء الذين ذكرهم الله في الاستثناء هم محارِم للمرأة يجوز لها أن تظهر عليهم بزينتها و لكن من غير تبرّج ،
و {نِسَائِهِنَّ} أي النساء اللاتي يعملْنَ معها في البيت كالوصيفات و الخادمات.
🔅5- {أَوْ مَا مَلَكَتْ أَيْمَانُهُنَّ} ؛ المراد هنا ملْك اليمين من النساء دون الرجال ؛ فيجوز لها أن تظهر زينتها لها لأنّها أمَتهَا.
🔅6- {أَوْ التَّابِعِينَ غَيْر أُولِي الْإِرْبَة مِنْ الرِّجَال} التابع للبيت ؛ كالأُجَراء و الأتْباع الذين لا همّة لهم إلى النّساء و لا يشتهونهنّ ،
و {أُولِي الْإِرْبَة} أصحاب الحاجة ،
وقال ابن عبّاس : هو المغفّل الذي لا شهوة له ، و المعنى : الذين يتبعونكم و يتعلّقون بكم من الرجال الذين لا إربة لهم في هذه الشهوة ؛ كالذي يريد الطعام و لا يريد النساء.
🔅7- {أَوْ الطِّفْل الَّذِينَ لَمْ يَظْهَرُوا عَلَى عَوْرَات النِّسَاء} ؛
أي الأطفال الذين لا يفهمون أحوال النساء و عورتهنّ من كلامهنّ الرّخيم و تعطفهنّ في المِشْية و حركاتهنّ و سكناتهنّ؛ فإذا كان الطّفل صغيرا لا يفهم ذلك فلا بأس بدخوله على النساء ؛ فأمّا إن كان مراهقا أو قريبا منه بحيث يعرف ذلك و يدْرِيه و يُفرّق بين الشّوْهاء و الحسْناء فلا يُمَكّن من الدخول على النساء.
وَ قَوْله تَعَالَى: {وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ} ؛ أي لا تضرب المرأة برجلها إذا مشت لتسمع صوت خلخالها.
🔅8- و الغرض من هذا التستّر، حيث كانت المرأة في الجاهلية إذا كانت تمشي في الطريق و في رجلها خلخال صامت لا يُعلَم صوته ضَرَبَتْ برجلِهَا الأرض فيسْمَع الرِّجال طنينه ؛ فنهى الله المؤمنات عن مِثل ذلك.
و قوله تعالى:
{وَتُوبُوا إِلَى اللَّه جَمِيعًا أَيّهَا الْمُؤْمِنُونَ لَعَلَّكُمْ تُفْلِحُونَ} ؛
أي افعلوا ما أمركم الله به من هذه الصفات الجميلة و الأخلاق الجليلة، واتركوا ما كان عليه أهل الجاهلية من الأخلاق والصفات الرذيلة ؛ فإن الفلاح كلّ الفلاح في فعل ما أمر الله به و رسوله و ترْك ما نهى عنه.
و بعد ما سمعتلك التفسير اللى حفظته بقلبي الحمدلله هعرفك ميزات الحجاب اللى أنا حبيتها أوى يا روقه بس قبل ما أقلك أنا عوزاكى تساعدينى .
رقيه : أنتى متعرفيش أنا مبسوطه بيكى إزاى صدق ربي " إنك لا تهدى من أحببت و لكن الله يهدى من يشاء و هو أعلم بالمهتدين " .
علا : ميزات الحجاب اللى حببتنى فيه أوى هى :-
1- طبعًا ما أمرنا به الله ورسوله يكن سمعًا و
طاعه كما قال تعالى
{وَمَا كانَ لِمُؤمن وَلَا مُؤمِنةٍ إِذا قَضَى اللَّهُ وَرَسُولُهُ أمرًا أن يَكونَ لهم الخِيَرَة مِنْ أَمْرِهِمْ وَمَن يَعْصِ الله وَرَسُولهُ فقد ضَلَّ ضلالاً مبينا}
يعنى بحجابي الشرعى أنا بطيع ربنا .
2- الحجاب الشرعى فيه تقوى الله كما قال تعالى
{يَا بني آدَمَ قد أَنزلنا عليكم لِبَاسًا يُوَاري سَوْءَاتِكمْ وَريشًا ولباسُ التّقوى ذلِكَ خيرٌ }
3- و كمان الحجاب الشرعى سُتره كما قال رسول الله صلى الله عليه وسلم:
(إن الله تعالى حييّ سِتِّيرٌ، يحب الحياء والستر).. [صحيح]
و قال صلى الله عليه وسلم:
(أيما امرأةٍ نزعت ثيابها في غير بيتها، خَرَقَ الله عز وجل عنها سِترَهُ).. [صحيح]
و أنا يا أوختى بخاف على نفسي من الفتنه و كمان جميع أنواع الزينه هتتغطى ، بس عندى مشكله .
رقيه بإندفاع : مشكله إيه ؟
علا : إنتى عارفه إن أنا قصيره و بلجأ للكعب و كده و دلوقتى الكعب مش ينفع عشان صوته لأن ربنا قال
{ ولا يضربن بأرجلهن لـيُعلم ما يخفين من زينتهن } صحيح المقصود هو الزينه بالقدم زى الخلخال و كده بس بردوا الكعب بيعمل صوت و هيلفت نظر الناس ليا !!
رقيه : هى لله يا عُلا ؛ نخف من الكعب شويه أو نجيب كعب بس ميعملش صوت و فى نفس الوقت اللبس يكون طويل و يغطى الكعب ده عشان محدش يشوفه لأنه يُعتبر زينه .
علا بإرتياح : تمام جــــــــــدًا ، و دلوقتى بقا يا أوختى يا حبيبتى هاتى العبايه و يلا ننزل نشترى لبس يليق بيا ، يليق بمُسلمه ، بملكه متوجه ، كرمها الله بالإسلام ، و كرمها بالهدايه و الإيمــان ، مسلمه من اليوم قررت تبقي مسلمه فى كل شئ فى حياتها مش بس حجاب لا كمان تعاملات و قلب و حياه ، العفه أسلوب حياه و هساعد كل اللى أعرفهم عشان يبقوا على طريق الله ، طريق العفه و الحيــــــــاء .
أنا الفتاةُ المسلمة ~ مصونةٌ مكرمة
عفيفةٌ محتشمة ~ أنال كل مكرمة
أنا الفتاة المسلمة
بالدين والفضيلة ~ وعفتي الأصيلة
وشيمتي النبيلة ~ أحيا بها منعمة
أنا الفتاه المسلمة
أعتزُّ بالحجابِ ~ وسابغِ الثيابِ
فضائلُ الآدابِ ~ أنا بها ملتزمة
أنا الفتاة المسلمة
يأبى عليّ الدين ~ والخُلقُ المتين
تبرجًا يشين ~ أو سيرةٌ متهمة
أنا الفتاة المسلمة
لي قدوة عبر السنين ~ بأمهات المؤمنين
والصالحات كل حين ~ إلى الفلاح ملهمة
أنا الفتاة المسلمة
لقد طلبتُ علمًا ~ هدايةً وفهمًا
غدًا أصيرُ أمًّا ~ أبني الحياة القيمة
♥•••••••••( إفاقـه )•••••••••♥
1- يا بنات لإمته هتفضلوا تكابروا و تبعدوا عن عفتكم ؟!
2- الحجاب الشرعى فريضه على كل مسلمه فصونى نفسك .
3- أمتنعى عن كاسيات عاريات يحفظك الله .
4- الآن كل الأدله بين يديكِ و من تعلم بُقبح ما تعمل سقط عنها المعذره و أصبحت مُذنبه فهلا أهتديتى و بزيك الشرعى تمسكتى ؟!
5- ما حُجتك أمام الله ...؟!
يتبع