يوم زفافي - الفصل 5 - بقلم غير معروف - مكتملة | روايتك

*•~💗~ يـوم زفـافي~💗~•* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *الجزء13✿︎* *الجزء14✿︎* *الجزء15✿︎* ‏تابع قناه عشاق الروايات📚📙🇸🇩 كتابات مذكرات ملخصات انمي Pov سكسشينات حزن نکت ثانوية ملصقات في واتساب: https://whatsapp.com/channel/0029VaG4kKrKQuJKW4U8383w ‏ •_______🎀•🎀_______• فرح بعياط/ايوة… منال اختي ماتت بسببي ودا الي مخلي بابا كارهني يامن/طب احكي اي الي حصلها ماتت ازاي فرح حاولت تهدا عشان تعرف تتكلم/منال اختي الصغيرة عندها سبع سنين كانت مصابة بمتلازمة داون كلنا كنا بنحبها وبابا اكتر واحد كان متعلق بيها لدرجة انه كان لو اتعورت يهد البيت كله زعيق ومبيحبش يزعلها ابدا كنا في اجازة الصيف وبنصيف وبابا مكنش راضي ينزلها البحر وخايف عليها اوي لما بابا راح يجبلنا اكل وماما كانت متلهيه مع اخواتي الصبيان وودتهم الحمام عشان يغيروا لبسهم وانا فضلت مع منال محبتش اننا كلنا نزلنا واتبسطنا وهي منزلتش معانا و بابا كان قاعد معاها ومنزلش وحاول يلعب معاها في الرملة بس كان مانع انها تنزل الماية ابدا بحكم انها لسه صغيرة وهو خايف عليها قولتلها تعالي ننزل وانا همسك ايديك وحاولت اقنعها وهي يا روحي ما صدقت لانها كان نفسها تنزل المايه ونزلت معايا فعلا دخلنا لجوا شوية وكانت بالعوامه وحاولت ابسطها والعب معاها لحد ما حسيت ان منال اختي بتتشد لدوامة كبيرة في الماية ومعرفتش الحقها حاولت اطلب المساعدة وابتديت اصوت واختي بتبعد عني ومش عارفة اوصلها اختفت من المايه وفضلت ادور عليها كتير وبحاول متسحبش من الدوامه والحمد لله اني كنت بعرف اعوم والا… والاكنت غرقت معاها شوفتها وهي نايمه على بطنها في المايه والعوامة مطفيه بعيد ولما الناس لحقوها كانت ما تت عيطت كتير بقهرة/انا كنت السبب…. بس والله ما كنت اعرف ان دا الي هيحصل…. كنت عايزة ابسطها واخليها زيها زينا ومحسسهاش انها مختلفة عننا وبابا طبعا اما حكيتله حط اللوم كله عليا وبقا بيزعقلي بشدة ومسك اختي حضنها وبقا بيصرخ م الوجع لانها كانت قريبة منه اوي ومن ساعتها شرخ كبير اتحط بيني وبين ابويا ومبقاش طايقني ولا عاوز يكلمني يامن ونورا وناهد اتأثروا اوي بالحكاية وناهد عيطت /يا روح قلبي…. دول ملايكة… ان شاء الله تشوفيها في الجنه يا حبيبتي… ربنا يصبر قلبك وقلب اهلك وباباكي… فراق الضنا وحش اوي يا فرح اسأليني انا عيطت بقهرة ونورا حضنت عمتها وباقت القعدة كلها حزن وعياط نورا/قدر الله ماشاء فعل…. ربنا كاتب انها تمو ت كده ومتتعذبش في حياتها اكتر فرح بعياط/بس لو مكنتش سمعت الكلام ومنزلتهاش وخليت بالي منها كان زمانها عايشه ومعانا يامن /انت فكرتي بقلبك وحبيتي انها تتبسط زي ما اتبسطوا فرح بعياط/والله ايوة اصلك مشوفتش كانت بتبصلنا ازاي واحنا في البحر جوا وبنلعب وبابا كان بيحاول يشغلها بس هي كانت بتبص علينا انا واياد وامير واحنا بنلعب في البحر وهي بتلعب في الرملة مع بابا علشط بس شايفة حزن في عينها… انا بس كنت….. منال وحشاني اوي حطت ايديها على وشها وعيطت كتير ويامن قام وقف وبص لنورا اخته الي واخده ناهد في حضنها /طب يلا يا جماعة الجو اتأخر يلا نمشي ركبوا كلهم العربية في صمت وفرح موقفتش عياط يامن/خلاص يا فرح… منال راحت عند ربنا ارحم عليها من الكل… وخفف على اهلك تعب وشقى على حالتها طول الحياة ادعي ربنا بالصبر وان شاء الله باباكي قلبه حنبن ومش هيفضل زعلان منك طول حياتك…. اهدي واطلبي الصبر فرح سكتت لكن دموعها موقفتش ويامن شايف دموعها في المراية ومتعصب وزعلان عليها ياريته ما عرف يا ريته ما نزل البحر ولا خلاها تفتكر الموقف الصعب دا روحوا على بيت ناهد يامن/انا هروح علبيت ناهد بقلق/لا… انتو لسه ممسكتوش عماد… لا لا لا مش هتطمن عليك لوحدك هناك نورا معاها جوزها لكن انت معاك مين نورا/يا عمتو يامن بيعرف… ناهد/بس اسكتي انت…. طول ما الزفت دا لسه هربان عمري ما هأمن عليكوا ابدا… دنا عاوزاكي تقعدي انت كمان لكن جوزك مش بيرتاح الا في بيته وانا عارفة فروحي انت ويامن هيفضل هنا نورا سلمت على فرح و نزلت من بيت ناهد وفرح دخلت الاوضة بتنشف شعرها قدام المراية ودموعها بتنزل وشهقاتها سمعها يامن ودخل اوضتها وقف قدامها ومسكها من دراعاتها قعدها علسرير/فرح… كفايا عياط ارجوكي… متشيلنيش ذنب انك افتكرتي اختك والي حصلها بسببي فرح بعياط/لا مش بسببك… انا بس افتكرت احساس وحش اوي… شكلها كان نفس شكلك وانت نايم علميه من فوق… قلبي… قلبي وجعني ساعتها اوي… انا شايلة ذنب اني السبب لحد النهاردة فيه كتير بيدافعوا عني وبيحاولوا يواسوني انها صدفة وربنا رايد ساعتها دا الي يحصل مش انا مش مسامحه نفسي كل ما ببص في عيون بابا بشوف الكسرة الي في عينيه بزعل من نفسي اوي…. يامن مسحلها دموعها /يمكن ربنا خلاكي تفتكريها النهاردة عشان تدعيلها… اي رأيك تقومي تصلي وتدعيلها بالرحمة وتدعي ربنا بالصبر وان ابوكي يسامحك…. قل لن يصيبنا الا ما كتب الله لنا… يعني ربنا عنده تدابيره الي راضيين بيها ومنقولش لو كنت… مفيش لو في تدابير ربنا… ربنا كاتب في كتابك ان هيحصل كذا كذا ومنال هتمو ت يوم كذا فرح بدموع~لحد الأن بسأل ربنا كتير انه هل هو مشيلني ذنب مو تها؟… طب هل انا هتعاقب على موتها دا يامن/لا طبعا… هو انت مو تيها قصدا ولا هي غرقت منك… نزلتيها البحر وقاصدة انك تمو تيها ولا كان كل الي في نيتك انك تسعديها وتفرحيها بالماية زي ما فرحتوا انتو كمان فرح حاولت تبتسم/معاك حق… ان شاء الله بابا يسامحني ويصبرني على فراقها يامن/هسيبك تفضلي مع نفسك شوية… ابعدي اي افكار سلبيه… ربنا بيصلح الامور اهو وان شاء الله حياتك تتبدل وتبقى احسن وابوكي دا والله هو موجوع بس لكن مش جبروت منه…. هو زعلان عليكي اكيد وانا شوفت حالته في القسم اما جالك اخر مره شوفت نظرته على جسمك والجر وح الي في وشك لا هو لسه بيحبك بس موجوع منك ومحتاج شوية وقت… قرب منها وباس راسها بحنيه/كله هيبقى تمام… ارضي بقضاء ربنا واطلبي الرضى والصبر وهو مش هيغفل عنك ابدا قام من مكانه وفرح فضلت بصاله كتير… هو ازاي بيقدر يطمنها كده… دايما مهتم انه يخليها متطمنه ازاي تقابل شخص من كام يوم وتبقى حاسة بالامان معاه بالشكل دا! النهاردة كان بيحاول يبسطها على قد ما يقدر وقدر انه يخليها بتتنطط من السعادة دي لو كان نفسها في نجوم السما كان طلع وجابهالها♡طب ليه خافت عليه اوي كده… وخافت تخسره….. يمكن هو بيهمها؟ /يا اخينا… هو ما ت ولا اي /هات مايه رش عليه شوية مايه وعماد فاق مخضود بص حواليه وبص للشابين باستغراب /انتو مين.. انا فين /اهدى كل الحكاية انك اغمى عليك في الشارع واحنا اخدناك بيتنا وفوقت عماد حس بقلق وقام وقف/متشكر… انا ماشي الشاب/مش هتاكل حاجه… امي عملالك لقمة عماد /اي الي بتعملوه دا…. هو انتو تعرفوني /لا منعرفكش بس شوفنا حالتك في الشارع وباين عليك مريض ومحتاج… عماد مسكه من تيشرته/انا مش مريض… ومش طالب شفقة منكوا ولا مساعدة سابهم ونزل من الباب نزل بسرعة وبيجري في الشوارع مش عارف هو فين بقا بيجري بسرعة وبيهرب… بيهرب من كل حاجه مش عاوز يشوف حد عاوز يفضل لوحده لحد ما يمو ت ام الشباب دخلت بسرعة /الحقوا دا طلع مجر م… الشابين شافوا نشرة اخبارية بتقول ان عماد مجرم وهر بان والي هيلاقيه هياخد مكافأة خمسة وعشرين الف جنيه /مش قادرين نوقفه دقايق… دا احنا منحوسين اخوه التاني/مبعدش… هنلاقيه وهناخد الفلوس… احنا محتاجينها وهو جيه لحد عندنا… مش هسيبه /استني انا جاي معاك امهم مسكتهم هما الاتنين/انتو متخلفين… بيقولك دا مج رم يعني اكيد شايل سلاح وممكن يإذيكوا /ياما دي فرصة الام/والله ابدا…. على جثتي لو نزلتوا هو انا عشان شوية فلوس اخسركوا قفلت الباب بالمفتاح ودخلت اوضتها ~ولو نزلتوا انسوا انكوا عندكوا ام من اصله دخلت اوضتها والشابين قعدوا علكنبه~طب وهنعمل اي الشاب التاني بص علشاشه ولقا رقم تلفون/احنا نرن عليهم ونقولهم مكانه وهما اما يجيبوه هيدونا المكافأه برضو ملحقش يبعد /فكرة حلوة فعلا اتصلوا برقم التلفون وبلغوا عن مكان عماد سعاد نادت على منى ومنى طلعت من اوضتها مش فاهمه /خير يا ماما سعاد وريتلها نشرة الاخبار وكانت الصدمة لما لاقت عماد وقالت بعياط/مطلعين مكافأة لو مسكوه!!… هما اي مفيش في قلوبهم رحمة… مش قادرين يعرفوا انه مريض عم منعم بزعيق/ انت ناوية تشليني … دا مجر م… وكان عاوز يمو تك وكان خاطفك اي التعاطف الزيادة دا… انت عايزة تجلطيني منى/وربنا انا عرفته كويس… هو مش زي مانتو شايفينه ابدا… دا كان عنده ماضي مؤلم مخليه مش بيتصرف بطبيعته عنده اضطراب نفسي ومحتاج يتعالج و…. عم منعم بزعيق/مش مبرر…. مش مبرر يعمل في بنات الناس كدا… لازم يتمسك ويتعاقب واحسن لو عد موه منى وقعت علأرض اول ما سمعت الكلمة الأخيرة ومسكت قلبها بوجع وهي بتعيط والازمة جاتلها من كتر العياط سعاد/يالهوي… هات البخاخه… عم منعم جري جاب البخاخه واداها لمنى /ليه يا بنتي مقطعة قلبي كدا… دا انت امتحانك بعد بكرة… حرام عليكي.. الله يل عن اليوم الي شوفتيه فيه ولا عرفتيه منى كانت ساكته ودموعها بتنزل في صمت حطوها في سريرها وسعاد باقت قاعدة جمبها ترقيها وتقرالها قرآن يامن طلع بره لعمته /انت بتعيطي ناهد مسحت دموعها بسرعة~لا يا حبيبي مش بعيط.. جعان ولا حاجه يامن/لا يا ست الكل مش جعان… راح وقعد علأض وهي كانت علكرسي ومسك ايديها باسهم/وغلاوة ابنك رحيم الله يرحمه متعيطيش ناهد دموعها نزلت بوجع/فاكر… فاكر اما كان نفسه يطلع زيك وكنت بتاخده معاك القسم ويفضل يلعب بالمسد سات ويقولي نفسي اما اكبر ابقى ظابط زي يامن اخويا…. بقلم مريم الشهاوي يامن ابتسم بوجع /كان جميل زي مامته بالظبط وقلبه حنين وطيب زيها… ناهد ابتسمت وحطت ايديها على خده/بس ربنا عوضني بيكوا…. انتو عيالي برضو الي منحرمش منهم ابدا يامن حضنها وبقا بيطبطب عليها ويحاول يطمنها /انا وحشتني الكيكة بتاعتك اوي ناهد بعدت عنه وبتبصله بحب~اعملهالك يا حبيبي… حالا يامن ابتسم~تيجي نعملها سوا ونحاول نبسط البت الكئيبه الي جوا دي ناهد بزعل/والله ما كئيبه دي كل مرة بتثبتلي انها قلبها تعب اوي ومحتاج لحد يداويه جر وح قلبها اكتر من الجرو ح الي في جسمها .. هي جميلة وطيبه من جوا وغلبانه اوي يامن بضحك/دي غلبانه دي… دا لسانها عاوز القطع ناهد ضحكت~هي قوية شوية بس دا ميمنعش برضو انها عاجباك يامن اتوتر وقام وقف /يلا نعمل الكيكة ناهد فهمت انه بيتوه وقامت معاه وراحوا يعملوا الكيكة سوا الشرطة جات فورا في مكان الشابين وبقوا بيدوروا على عماد في كل حته… ومسابوش شارع في المنطقة الا ودوروا فيها وعماد كان مستخبي في قبوا تحت سلم عمارة قديمه وقاعد ورا الطوب محدش شايفة هو عنده ذكريات وحشه في القبو بس مش هيعرف يخرج منه احسن يتمسك الشركة سألت الجيران وقالو لهم ان الدنيا ليل ومشافوش حد بقلم مريم الشهاوي عماد القبو كان مضلم وكان فيه شعاع نور بسيط وسامع صوت فران فيه حاول يهدى وغمض عينيه وبقا بيغني اغنية مامته المفضلة قبل ما ينام وفعلا نام في مكانه وهو ضمم رجله عند صدره وحاضن نفسه بإيديه فرح كانت قاعدة علمصلية بتاعتها بتدعي ربنا بكل وجع وبتطلب منه يهديها وينصرها على من اذاها ويهدي قلب باباها عليها الباب بتاع الاوضة خبط ودخل يامن والابتسامه عريضة على وشه وناهد وراه/ناهد عليها شوية كيكه… هتاكلي صوابعك وراها فرح ابتسمت ليامن وناهد الي بيحاولوا يسعدوها على قد ما يقدروا يامن/ بلكونة الاوضة دي بتجيب تراوة بليل رهيبة تعالي نقعد فيها فرح عطست وناهد اتكلمت~اهلا…. طب بلاش يا يامن خلينا هنا في الاوضة شكلها تعبت بسبب المايه الي كانت عليها والجو يامن فتح الدرج وطلعلها برشام~الحقيه وهو في اوله كدا بدل ما تقلب بحساسيه فرح اخدت البرشامه وقعدوا علركنه الي جنب البلكونه مكان فيه تراوة برضو فرح/شكلها مغري ناهد/وبعدين يامن الي مساعدني وهو الصراحة نفسه تحفه فرح باندهاش/انت بتعرف تتطبخ بامن/طبعا.. اي راجل عايش لوحده لازم يكون يبعرف يطبخ فرح داقت الكيكة وعجبتها اوي /واااو تهبل.. بجد تسلم ايدك… تسلم ايديكوا انتو الاتنين ناهد/بالهنا والشفا يا حبيبت قلبي انا قايمه اطفي عللبن ناهد قامت ويامن بص لفرح /شوفتي صور الخروجه فرح/لا يامن طلع موبايله /نورا بعتتهم… شوفي وراها الصور وفرح ابتسمت وهي بتبص علصور في موبايله فرح/بجد اليوم كان تحفة… البلد جميلة اوي… شكرا يا يامن بجد شكرا ليكوا كلكوا انا اتبسط جدا النهاردة بصت لصورة من الصور /الله بص كنا بنضحك هنا ازاي ولاحظت نظرة يامن ليها في الصورة وكشرت بهزار/انت كنت بتبصلي كدا ليه… بتخطط لايه يا يامن باشا يامن ضحك/لا مفيش بس كنت فرحان لفرحتك في اليوم اوي فتلاقيني كنت مركز معاكي شوية فرح ابتسمت /النهاردة بس قدرت احقق اسمي يامن ضحك/هتفضلي محققاه طول عمرك انت لايق عليكي الفرحة اكتر… مش لايقلك الزعل ابدا ضحكت من قلبها وقلبت في باقي الصور ويامن بص للصور وبيتفرج وهو مبتسم وهيمان/كنت زي الاميرات النهاردة… مش متخيلة انت عملتي فيا اي مكنتش متصور انك حلوة كدا بقلم مريم الشهاوي فرح بصتله وبلعت ريقها بتوتر من كلامه حست ان مفيش هوا في المكان وهو بصلها وكانوا مقربين من بعض يامن بص لعيونها الاتنين وركز فيهم وابتسم وقرب منها وبا سها بو سه خفيفة على خدها وفرح برقت وجسمها قشعر ويامن همس في ودنها/انت اول بنت تمتلك قلبي وعقلي بالشكل دا…؟ فرح بقت مصدومة وبتبصله بتوهان وهو كان مبتسملها وكاسر عينه شوية ونظراتهم طالت وعيونهم فيها كلام كتير نورا طلعت الصيدليه وهي بتشتريه للمرة الخمسين وعندها امل لسه طلعت شقتها وهشام استقبلها بشوق وحب وبعديها دخلت اوضتها وهي متوترة وانفاسها مش مظبوطة وبصت لفوق وقالت يارب دخلت الحمام وقعدت فترة فيه هشام قلق عليها وخبط على باب الحمام/نورا انت كويسه… نورا قلقتيني عليكي… اطلعي من الحمام نورا فتحت الباب وهشام اتفاجئ من منظر عينيها المحمرين وابتسامتها وعياطها حضنته وعيطت كتير هشام مش فاهم مالها /يا نورا… مالك… طب اهدي.. حصل حاجه… احكي مالك نورا قالت بفرحة ودموع/انا حامل يا هشام… أنا حامل > _هذه الرواية تابعة لقناة عشاق الروايات 📚 من يراها في قناه غير هذه القناه يعلم انها مسروقة_ ناهد دخلت عليهم /كوباية شاي بلبن تريح الاعصاب علمسا كدا فرح ويامن بعدوا عن بعض بسرعة وبصولها بتوتر ناهد باستغراب/في اي مالكوا يامن/لا لا مفيش حاجه… هاتي عنك يا عمتو اخد الصينيه من ايد عمتو وحطها علترابيزة/تسلم ايدك فرح كانت شاردة وبتبصله ومش مصدقة الي حصل بينهم هو بجد باس ها… يعني اي… قرب منها وهي سكتتله… طب سكتتله ليه اما قرب منها… ازاي يعمل معاها كدا..! قعدوا ياكلوا وناهد بترغي وتضحك معاهم ومستغربه من شرودهم ونظراتهم المريبه لبعض وقامت وقفت بتعب~اليوم كان طويل يلا… تصبحوا على خير يامن قام معاها~انا كمان مش قادر تصبحي على خير يا فرح ناهد طلعت ودخلت اوضتها وفرح جريت ورا يامن مسكته من دراعه شدته~انت… انت يا اخينا… اي الي عملته دا… مين سمحلك انك تبوسن…. يامن برق وحط ايده بسرعة على بوقها ودخلها الاوضة وقفل الباب عليهم يامن /هششش انت متخلفة افردي عمتو سمعتك هتفتكر اي بقلم مريم الشهاوي فرح زقت ايديه من على بوقها بغضب/ما تسمعنا وتعرف الي عملته معايا… انت فاكر نفسك اي ها…. ازاي تعمل كدا…. ازاي تتجرأ يامن قرب منها فجأة وهي اتوترت ولزقت فالباب ويامن بص في عينها/مش عارف… يظهر عشان المرة دي بس سمعت للي قلبي بيقوله فرح كشرت وقالت بعصبيه/برضو ميسمحلكش انك تقرب مني انا… يامن/خلاص… خلاص اهدي… حقك عليا انا أسف…. فرح ربعت ايديها/ميتكررش تاني وإلا…. رفعت صباعها ويامن مسكه بإيده نزله تاني/ونبي بلاش الصباع دا عشان بيعصبني فرح بعدته عنها بقوة وفتحت باب اوضتها /اتفضل… تصبح على خير يامن طلع وهو مبتسم ~وانت من اهل الخير وهو طالع با سها بسرعة من خدها وطلع برا الاوضة فرح شهقت ويامن بصلها وضحك/المرة دي سمعت لعقلي…. احلام سعيدة فرح غضبت ووشها احمر ومسكت مخده علأرض ضربته بيها يامن ضحك من قلبه وجري على اوضته وفرح قفلت باب اوضتها وسندت عليه ومسكت خدها وابتسمت ضحكت لما افتكرت الموقف…ومرة واحدة كشرت… انت فرحانه ليه يا فرح؟يلا ادخلي نامي كانت نقصاك انت كمان يا يامن يامن قفل باب اوضته وابتسامته لسه موجودة هو فرحان اوي… لكن فرحان ليه…؟ هو بيتبسط لما بيغيظها هو حب يغيظها مش اكتر واتبسط اما شاف منظرها وهي متنرفزة وغضبانه شكلها كيوت حتى وهي غضبانه جميلة في كل حالاتها… يووووه نام يا يامن رموا هما الاتنين نفسهم علسرير وباصين للسقف مش فاهمين مشاعرهم ولا قادرين يدركوا انهم خطو الخطوة الاولة في طريق الحب وهو الهوى♡ بقلم مريم الشهاوي نورا بفرحة ودموع/انا حامل يا هشام… أنا حامل هشام بصدمه/اي..! حامل.. بتقولي حامل نورا شاورت بوشها اه وهشام مبقاش قادر يمسك نفسه شالها لف بيها وحضنها جامد فرحة ملت قلوبهم هما الاتنين ونورا عيطت هشام/بتعيطي ليه يا حبيبتي… نورا بعياط/عشان ربنا جبرني بعد صبر طويل… ربنا كان لطيف اوي معايا… لولا اني رضيت مكانش جزاني الجزاء الجميل دا… انا فرحانه اوي ودي دموع الفرحة هشام/ربنا كان بيختبر صبرنا…. يمكن انت كنت شايفة انه بلاء لكن انا كنت شايفة خير… ربنا كان ليه الخير انه يطول في مدة حملك شوية…. واهو الحمد لله استجاب لدعائك ودعائي في اننا يبقى عندنا طفل صغير مسك راسها وبا سها من دماغها ولقى نفسه بيبو سها من كل حتة في وشها من كتر سعادته قضوا ليلتهم ضحك وهزار وكلام في البيبي الي هيطلع شبهه ولا شبهها تاني يوم منى صحيت جسمها مكسر ومش قادرة تتحرك وسعاد كانت نايمه جمبها وقلقت اما منى صحيت/اي يا حبيبتي صحيتي منى بتعب~حاسه اني جسمي كله مكسر مش قادرة اتحرك يا ماما سعاد/استني هجبلك فطار وخدي العلاج ان شاء الله تبقي كويسه مشيت ومنى قامت من مكانها مش قادرة تحط رجليها علأض قامت بالعافية عشان تغسل وشها بس حست ان الدنيا بتلف بيها ووقعت علأرض مغمى عليها سعاد دخلت الاوضة عليها والصينيه الي في ايديها وقعت علأرض /يالهوي… يا منى… الحقوني… منى بنتي اصحي يا حبيبتي فضلت تهز فيها لكن منى فاقدة الوعي تماما اتصلت بجوزها الي في الشغل بقلم مريم الشهاوي عم منعم /اي يا سعاد قولتلك اني في الشغل والنهاردة اول يوم الناس هتقول عليا…. سعاد بعياط/الحقني يا منعم البنت وقعت علأض ومش بتصحى عم منعم ساب كل الي في ايديه وجري علبيت بتاعه وطلع شقته وقال بخوف/في اي… منى مالها هي تلاقيها تعبانه شوية… قومي يا بنتي… انت زعلانه مني عشان زعقتلك امبارح… خلاص يا روحي مش هزعقلك تاني… بس تقومي… قومي يا منى جابوا مايه ورشوا عليها بس منفعش ولسه منى فاقدة الوعي سعاد بصويت~يلا نوديها المستشفى… قوووم بسرعة عم منعم قام ورجليه شايلاه بالعافيه وجريوا هما الاتنين علمستشفى والخضة بتاعتهم وصويتهم خلى الممرضين ياخدوا منى بسرعة بعد فترة طلعلهم الدكتور وعم منعم جري عليه /بتي مالها يا دكتور… هي كويسه صح الدكتور حاول يهديه /اهدأ اهدا… هي كويسه الحمد لله شوية وهتفوق سعاد بعياط/مالها يا دكتور… اول مرة يحصلها كدا الدكتور/الظاهر اتعرضت لتوتر شديد او تفكير كتير وقلق جالها انخفاض في ضغط الدم وداخت ووقعت سعاد/يالهوي… دا البت عندها امتحان بكرة…. الدكتور/اهدي يا مدام… ممكن يكون توترها دا بسبب الامتحان كتير من المرضى بيبقوا طلاب ثانوية عامه وبيجيلهم توتر شديد ليلة الامتحان ان شاء الله هتبقى كويسة بس هي محتاجه رعاية كامله وابعدوها عن اي ضغوط عم منعم شال الطقيه من على راسه وقال بحسرة/حتى البت الي حيلتي مش متهني عليها… البت بتروح مني يا ناس الدكتور حاول يهديهم على قد ما يقدر وهما قلوبهم وجعاهم على بنتهم الوحيدة الي لسه مكملتش 19 سنه ويجيلها انخفاض في ضغط الدم فجأة يامن صحي من النوم على تلفون نورا اخته نورا بفرحة/يامن…. باركلي اختك اخيرا باقت حامل يامن مستوعبش وقام من علسرير متفاجئ/بتقولي اي! نورا بصويت~حااامل…. انا حاااامل يامن بفرحة/يا روح قلبي.. مبروك لاجمل ماما في الدنيا… قولتلك ربنا هيجبرك يا عيون اخوكي انت…. دي هتبقى حبيبت خالها هشام /مش يمكن يطلع ولد يامن/لا بنت ان شاء الله… وشبه نورا هشام /الاه… اي يا يامن انت واختك عليا البت شبه ابوها معروفة يامن بهزار/لا هتبقى شبه امها… بت يا نورا… متحبيش هشام اوي عشان لو بتحبي جوزك بتجيبي العيال شكله هشام كشر بهزار/وماله شكلي يا يامن باشا يامن بضحك/نورا احلى… هشام ضحك وبص لنورا الي السعادة مش سايعاها/في دي عندك حق والله نورا/ازاي محبوش يعني يا يامن.. دنا قلبي كله معاه يامن ابتسم~ربنا يخليكوا لبعض ويحفظكوا يارب…. قفل معاهم وجري في الشقة يتنطط ونادا لعمته الي كانت في المطبخ وبتحضر الفطار /نورا حامل.. نورا حامل يا عمتو… فرح طلعت على صوته ويامن جري عليها بسعاده/نورا حامل…. حضنها من فرحته وهي ابتسمت بفرحة/ببجد… الف مبروك يامن بعد وبصلها وهو فرحان /انا مش مصدق… لو تشوفي صوتها في التلفون…. ناهد بفرحة/اللهم بارك…. انه يوفى الصابرين اجرهم بغير حساب فرح/الحمد لله… نورا تستاهل كل خير والله مفيش في طيبتها وجمالها يامن~لازم نحتفل بالمناسبة دي… ناهد/يابني العين يابني… يامن/يا عمتو دي بقالها سنتين… انا مستني اللحظة دي من سنين كنت ناوي اعملها حفلة كبيرة اوي اما تعرف فرح/يا روحي سنتين ربنا جبرها وهشام ابن حلال وبيحبها بجد بقلم مريم الشهاوي يامن/هنحتفل في النادي هنعزم عيلة هشام ونبلغ صحاب نورا برضو ناهد/لحسن نورا تتحسد يامن/متفكريش كدا يا عمتو دي نورا هتكون فرحانه اوي ومن حقها بعد كل السنين دي نفرح… بس هروح القسم اخلص شوية اشغال وهرجع على اخر النهار وهتفق مع نورا وهشام يجولنا ناهد/اوكيه وانا هظبط الدنيا وهحجز التورتة يامن/تمام ناهد بصت لفرح/عاوزين ننزل انا وانت ونجيب فستان حلو لنورا فرح ابتسمت/اكيد يامن بفرحة/نورا هتفرح اوي ناهد/طب يلا نفطر عشان نلحق وانت كمان متتأخرش على شغلك يلا يلا هشام عرف مامته فريدة بفرحة/يا حبيبي الف الف مبروك ليك ربنا استجاب لدعائي… مكنش يجي منها ولا كان حد يصدق ان ربنا ينفخ في سورتها و… هشام قفل السبيكر بسرعة وحط التلفون على ودانه وبص لنورا الي دورت وشها الناحية التانيه هشام/الله يبارك فيكي يا ماما…. سلميلي على خالتو كتير ان شاء الله هنعمل حفلة صغيرة بالمناسبة دي فريدة/ادهاني اباركلها ولو انها متستاهلش بعد الي عملته في ابتسام بنت اختي.. بس خليها تفرح هي برضو بقالها فترة صابرة هشام /تمام يا امي.. ادا الموبايل لنورا وفريدة باركتلها بفتور وقفلت معاها هشام حس انها اتضايقت من طريقة كلام مامته مسك ايديها/بالله عليكي ما تنكدي على نفسك… نورا ابتسمت/لا لا… مش هخلي حد يعكنن عليا… انا مبسوطة اهو عشان/والله عارف ان ماما الي مسببالنا المشاكل دي كلها و…… نورا/متقولش كده يا هشام دي مامتك برضو ومهما عملت هنشيلها في عيونا احنا مش بنحاسب امهاتنا مهما عملوا حتى لو غلط ربنا يحفظهم لنا ويسعدهم دايما يارب هشام حضنها وباس ايديها /بحبك نورا بابتسامة/وانا بموت فيك يامن دخل القسم وهو فرحان وبيوزع جاتو وبيبس وبيضحك وبهزر يامن/اختي نورا حامل… باركولي كلهم فرحولوا اوي وبقا بيهزروا ويضحكوا ويامن دخل لسامح الي قام ووقف وهو مبتسم/الف مبروك للدكتورة نورا… تستاهل كل خير الله يامن/الله يبارك فيك يا باشا اقبل مني حاجه بسيطة بالمناسبه السعيدة دي سامح ابتسم/سلملي عليها كتير يامن قعد قصاده وابتسم/الله يسلمك حد قدم بلاغ او اتصل سامح/للأسف اتصلوا امبارح والشرطة اتحركت لكن ملقوش حد… انا هتجنن ازاي مختفي كدا..! يامن/هنلاقيه متقلقش… هو الصبر…. سامح/نشرنا الاعلان على التلفزيونات امبارح وهينزل في الجريدة النهاردة يامن/كويس… كده المسافة هتقصر واحنا مش مبطلين تدوير عليه في كل مكان..انا كمان مسكت رجالة كنت شوفتها شغالة معاه قالو انهم اول مرة يشتغلوا معاه واكتشفنا انه مش مخلي رجالة معاه دايما وبينوع في كل مهمه ليه سامح/حركة ذكية يامن/ايوة…عشان الي يتقفش ميحكيش حكايته من اولها لاخرها والي يخون بيه ميخسرش حاجه دا الي كانوا حارسين على بناتك كانوا اول مرة برضو يشتغلوا معاه مش مشغل ناس اساسيه معاه سامح/اه… طب اركنلي بقا القضية دي على جمب لحد ما عماد يظهر عاوزك في قضايا تانيه يامن~اوامرك يا فندم سامح قدملوا شوية ورق وبقا بيكلمه في مهمات تانيه يامن الي يتولاها يامن راح مكتبه يكمل شغله وهود رن عليه هود/انا شوفت الاعلان علتلفزيون هو دا حقيقي هرب تاني يامن/ايوة..بس منى قدرنا نرجعها لاهلها تاني… هيتجاب متقلقش…. المهم باركلي نورا اختي حامل هود بفرحة~عرفت… هشام قالي… الف الف الف مبروك يامن بابتسامه /الله يبارك فيك… مستنيك النهاردة هنعمل حفلة بسيطة في النادي وهنفرح نورا هود~ان شاء الله…. هو فرح لسه في المستشفى يامن/لا طلعناها امبارح هود بفرحه~يعني فرح هتكون موجودة النهاردة يامن استغرب من فرحته ورد باقتضاب/ايوة… بس مالك فرحان كده ليه؟ هود اتوتر/لا لا مش حتت فرحان.. بس يعني كنت بتطمن عليها هتكون موجودة فتلاقيني تحمست شوية عشان….. يامن/خلاص خلاص…. مستنيك بليل في النادي قفل معاه وقعد علكرسي يخلص شغله بعد شوية منى فاقت وامها جريت عليها حضنتها/انت كويسه يا حبيبتي… منى بارهاق/اه اه بقلم مريم الشهاوي عم منعم مسك ايديها/قلقتيني عليكي… ليه بتعملي في نفسك كدا… اي الي جرالك منى/مش عارفة يا بابا… انا مش عارفة انا مالي..انا لازم اروح عشان امتحاني الي بكرة دا عم منعم/يولع الامتحان.. المهم انت… انا مش مستعد اخسرك عشان حتة ورقة منى ابتسمت/يا بابا يا حبيبي انا كويسة…. مش الدكتور كتبلي على ادوية اخدها سعاد/ايوة وابوكي جبهالك كوليلك لقمه وخدي العلاج منى/طب يا بابا شوف الدكتور كده ينفع اخرج النهاردة عم منعم/لا يا منى…… منى بدموع/يا بابا متوجعش قلبي… دا امتحان ثانوية عامه… انت عارف انا تعبت قد اي السنه دي….. ارجوك اكتبلي خروج يا بابا لازم اروح عشان اذاكر سعاد /خلاص يا منعم متخليهاش تعيط… الدكتور قال علاج الضغط الواطي اي…. هتاخد العلاج وهتبقى كويسة انت عارف بنتك الدكتور قال اي… عم منعم استسلم ومحبش يزعل بنته وطلع فعلا كتبلها على خروج عم منعم/انا هنزل اجيب تاكسي سعاد بصت لبنتها~يا حبيبتي انت عارفة تقفي على رجلك الممرضة/ممكن تتحرك على كرسي متحرك لفترة بس وهترجع تقف على رجليها تاني سعاد عينيها دمعت~بنتي هتقعد على كرسي متحرك منى ~يا ماما مفيهاش حاجه انا بس هلكانه شوية واعصابي سايبه مش قادرة اقف على رجلي عم منعم~ولزومه اي يا بنتي ما تخليكي لحد ما تتحسني وبعدين ابقي روحي بكرة على امتحانك الي ذاكر ذاكر منى عيطت/لا يا بابا…. انت عارف ان الانجليزي صعب ومحتاج حل كتير وانا مش قد كده فيه لو محلتش بكرة كويس ضميري هيوجعني لاني ضيعت اليومين الي قبليه سعاد~يعني هما اليومين دول الي هيجي منهم الامتحان يا منى منى عيطت اكتر/يا ماما ونبي… ونبي يا ماما روحوني عشان اذاكر… دا امتحان مستقبلي…. وانا حليت في الي فات كويس مش هبوظ الشهادة عشان شوية تعب عم منعم بقلة حيلة ومش عاوز يزعلها~خلاص يا بنتي الي يريحك نزل عم منعم يجيب تاكسي وسعاد ساعدت منى تقعد على الكرسي وباقت تمشي بيها في المستشفى لبوابة الخروج /يا مدام… امضي هنا على خروج سعاد وطت لمنى /خليكي هنا يا حبيبتي ثواني وجايه منى كانت قاعدة علكرسي هلكانه مسقطة راسها يمين وحالتها تحزن ومرة واحدة لاقت حد بيحرك الكرسي بتاعها وماشي بيها منى استغربت وبصت لورا تشوف مين بس مشافتش ملامحه كان الراجل حاطط الكاب بتاع الجاكيت مغطي بيه نص وشه وساكت ومنى اتكلمت بقلق/مين حضرتك… حضرتك موديني على فين الراجل مكنش بيتكلم وبيمشي بيها لحد ما دخلها اوضة فيها خردة وادوات تنضيف دخل الاوضة وقفل الباب وهيه متوترة ومش عارفة مين دا منى بصتله بخوف/انت مين الراجل وطى عللأرض وقعد على ركبه وشال الكاب من على وشه وبصلها منى بصتله بصدمه وعينيها رغرغت بالدموع/عماد…. > _سـبحان الله وبحمده سـبحان الله العظيم_ منى بصتله بصدمة ودموع/عماد… عماد فضل يبصلها كتير وعينيه فيها دموع بيحفظ ملامحها في قلبه من تاني هي وحشته اوي ملامحها وحشاه كل تفصيله منها مفتقدها منى عيطت ومسكت وشه باقت بتمشي ايدها على وشه وبتعيط/انت كويس…. شكلك تعبان…. مالك يا عماد عماد ضم شفايفه ونزلت دمعة من عينه/انا مش كويس… مش كويس خالص منى قربت وشدته لحضنها بشوق وبتعيط وعماد بيشم شعرها الي وحشته ريحته ومغمض عينيه وكإن ريحتها رجعتله حياته من تاني منى بعدت وحطت ايديها على خده/انت كنت قاعد فين…. قضيت الليلة دي فين عماد بعياط/دي كانت اسوأ ليلة مرت عليا في حياتي….. منى عيطت اكتر/وانا كمان… انت عارف اني مبطلتش تفكير فيك من ساعت ما سبتني… عماد بلهفه/انا اتجننت لما عرفت انك في المستشفى انت حصلك اي وقاعدة على كرسي ليه؟ منى/متقلقش عليا… انا بخير الضغط وطي شويه واغمى عليا واتنقلت للمستشفى بس قاعدة على كرسي عشان مش قادرة اتمالك اعصابي واقف على رجلي عماد بحزن/ليه كل دا… انا سيبتك لاهلك عشان تبقي كويسه وانت بعيدة عني ومتتإذيش منى بعياط/مين قالك اني هبقى كويسة… مين قالك اني هنساك وهقول دا راح وخلصنا من شره زي ماكلو بيقول انا مشوفتش شرك عشان اكرهك بل بالعكس انا فضلت افكر فيك دايما وبعيط كل ما افتكر حالتك وبالي يكون مشغول انت كلت اي ولا قاعد فين واما نزلوا صورك في التلفزيون انا اتصدمت وقعدت اعيط ليلتها بحرقة وتاني يوم اغمى عليا زي ما قلت عماد مسك وشها بين ايديه الاتنين /انت بتعملي في نفسك كده ليه؟ شوفتي مني اي حلو عشان تتعاطفي معايا بالشكل دا منى ضحكت بوجع/يمكن عشان فيك الحلو فعلا وانا شوفته… مشوفتش منك اذية… وشوفت عماد بقلب تاني معايا غير عماد الي الناس شايفينه عماد عيونه لمعت بالدموع وبصلها ومنى كملت/اانا واثقة انك انسان كويس من جوا…. انت تستاهل انك تعيش حياتك من تاني وتنسى الي فات وتتعالج عماد قام وقف واداها ضهره/لا لا…. انا مش مريض انا بنتقم من كل الستات الي تستاهل الاذية منى/يا حبيبي مش هنفضل ننتقم طول عمرنا على حاجه حصلتلك زمان مكانش ليك ذنب فيها عماد/لا ف….. بصلها باستغراب وردد كلمتها من تاني/حبيبك؟!! منى اتكسفت واتكلمت بسرعة/قصدي يا عماد…. بص… هتحكي مشكلتك وانت صغير…. هتتعرض على دكتور نفسي ويتم مرحلة علاجك ولو اتشخصت مصاب باضطراب نفسي هيكون لا حرج عليك واحتمال بالكتير يعفوك من جرائمك عماد ربع ايده وبص الناحيه التانيه /انا مش هسلم نفسي منى بعياط/ولما يمسكوك ويضربوك ويرموك في السجن اول ما تتمسك هتبقى مبسوط… بلاش انت قولي انا هبقى مبسوطة… فكر فيا…. دا ليلة نمتها بره حسيت بوجعك ما بالك وانت بتتعذب في السجن… يا عماد حرام عليك الي بتعمله في نفسك دا… انت محتاج تتعالج عماد جري عليها بخضة ومسحلها دموعها~خلاص اهدي طيب انت تعبانه… اهدي منى بعياط/انا عايزاك تتغير عماد/صدقيني صعب… صعب اني اقعد واحكي الي حصلي لشخص تاني منى/مانت حكيتهولي… وقادر انك تحكيه لغيري ويكون دكتور وعاوز يساعدك بجد عماد/يا منى… يا منى انا وحش… وهفضل وحش…. انا مش قااادر صعب يا منى عليا…. خايف منى مسكت ايديه/صدقني انا جمبك… ثق فيا.. مش هسيبك والله انت مش متخيل انت عملت فيا اي…. يعني يبقى عندي امتحان انجليزي بكرة وبفكر عماد هيكون فين ولا كل اي وشرب اي طب مسكوه… انا كل همي بقا عليك انت قدرت تاخد عقلي وقلبي معاك وتمشي ببساطه وتخيلت اني مش هتإذي انا اتأذيت من فراقك اكتر عماد بعياط/وانا… حسيت اني مليش حد ورجعت لوحدي تاني انت قدرتي انك تملي قلبي وتحسسيني بالامان الي عمري ما حسيته الا مع مامتي الله يرحمها قدرتي بطيبتك ولطافتك انك تطلعي عماد الكويس وتشوفيه من جوا… انت عملتي حاجات كتير اوي منى ميلت على راسه وغمضت عينيها وهي بتعيط/اومال ليه عاوز تبعد… عماد بعياط وطلعها بالعافيه/عشان بحبك…. (بلو الشربات😂 💃❤) منى ابتسمت وفرحت من كل قلبها يمكن كانت عاوزة تسمعها… صحيح فترة قليلة قدرت تجمع قلوبهم ببعض بسرعة وتحسسهم بمشاعر جواهم بس الحب مش بميعاد عماد فتح عينيه وبصلها واتصدم لما لقاها بتضحك وقال بتوتر/انت مبسوطة…. يعني مش هتزعلي ان شخص مريض زيي بيحبك… مش هتخافي مني…. انت مبسوطة… يعني… انت كمان بتحبيني! منى ابتسمت شاورت براسها اه وعماد مقدرش يتحكم في مشاعره ومسك وشها بايديها وبا سها بشدة…. بحب… بجنون… بهوس…. منى لفت ايديها على رقبته وانفاسهم اختلطت ببعض وطفوا نار الفراق بطريقتهم ♡ يامن اتصل باخته نورا/اي يا حبيبي هشام بيقولك…. يامن~هشام معايا نورا/معاك فين؟ يامن/في النادي بنظبط للحفلة نورا/حفلة اي يا يامن… انا قولت هعمل حاجه بسيطة…. يامن/يلا يا حبيبتي روحي على بيت عمتو ناهد علساعة اربعة كدا واجهزي معاهم وانا هاجي اخدكم نورا/ليه يابني كل دا يامن /هو انا هبقى خال كل يوم… خلينا نفرح نورا ابتسمت بحب/ربنا يخليك ليا يا يامن والله… ربنا رزقني بأجمل اخ في الدنيا يامن ابتسم/انت الي ربنا رزقني بيكي بحنيتك وطيبتك دي… يلا يا حبيبي اعملي زي ما قولت ومتتأخريش فرح نزلت هي وناهد يدوروا على فستان حلو لنورا ناهد/حلو دا…. فرح/دا تحفه ناهد/تمام خشي قيسيه فرح استغربت /اي!! مش هنجيب فستان لنورا بس… ناهد/وهجيب انا وانت كمان… هو احنا بنحتفل كل يوم خلينا نفرح فرح/لا لا… معلش يا طنط كده كتير والله… انا ممكن البس الدريس الي جابتهولي نورا هو حلو ومناسب ناهد/في الغسيل ياختي…. ما حضرتك نزلتيلي بيه البحر امبارح فرح ضحكت من طريقتها /عادي هلبس اي حاجه… بس فستان تاني تجيبهولي لا والف لا ناهد /خشي قيسي الفستان يا فرح… انا زي مامتك وكلمتي هي الي تمشي… مادام قولت ادخلي قيسيه يبقى تدخلي. فرح بلعت ريقها واخدت الفستان بصمت ودخلت البروڤا تقيسه كان لونه روز وجميييل عليها طلعت لناهد ناهد/بسم الله ماشاء الله… مشوفتش حد بيليق عليه كل الفساتين كدا فرح /دا من ذوقك والله يا طنط يعني مش عارفه اقولك اي…. انتو عملتوا معايا حاجات صدقيني مش هقدر اقبل الفستان دا هو…… ناهد/بس اسكتي… الظاهر يامن كان عنده حق… خدي امسكي الشنط دي عبال ما ادخل اقيس دا ناهد كانت جايبه فستان فيه رقي لسنها لونه اسود هادي ناهد/اي رأيك فرح ابتسمت/ماشاء الله جميل عليكي….. ناهد/انا الي محلياه فرح ضحكت/طبعا ناهد /تمام ادخلي غيري ويلا عشان نلحق نطلع ونغير ناهد وفرح روحوا البيت وغيروا ولبسوا الفساتين بتاعتهم عماد ومنى بعدوا عن بعض بسرعة لما سمعوا صوت سعاد وهي بتنادي على منى عماد كان بيتنفس بصعوبه/اطلعيلها منى مسكت ايديه بحب/وانت عماد/هبقى كويس… متقلقيش عليا منى/هشوفك تاني عماد حضنها جامد/ اكيد منى طلعت من الاوضة وحركت الكرسي تجاه مامتها ونادت عليها /انا هنا يا ماما سعاد جريت عليها/قلقتيني عليكي يا قلبي يلا ابوكي مستني برا منى روحت البيت وهي مبسوطة حاسه انها طايرة من السعادة وذاكرت لامتحانها بكرة وبتدعي ربنا يحمي عماد بسلام ناهد/بتعرفي تحطي ميك اب فرح ابتسمت/اه بعرف ناهد/ تعالي حطيلي… معنديش خلق انا في شغل البنات دا…. اهي الحاجه فرح حطتها ميكب هادي وعجب ناهد كتير /يلا اقعدي حطي انت كمان فرح/لا انا كده تمام اوي ناهد بزهق/يابنتي غلبتيني فرح قعدت علكرسي وحطت ميك اب بسيط محطتش كتير يدوبك حاجات ابرزت ملامحها مش اكتر ورفعت شعرها بكحكه لفوق جميلة ونزلت قصتها كانت قمة في الجمال ناهد/اخاف العرسان تخطفك مني فرح ضحكت /دا حضرتك والله الي هتتخطفي مننا ناهد ضحكت بصت في المراية /قمرات ربنا يحفظنا نورا جات واندهشت من جمالهم هما الاتنين ناهد/اي رأيك في الفستان نورا/اللهم بارك بجد جميل اوي… تعبتكوا معايا اوي شكرا يا فروحة فرح/مفيش تعب يا قمراية انت تستاهلي اكتر من كده… احلى مامي في الدنيا حضنتها وجهزت نورا وكانت بفستان بيبي بلو ناهد/دا هشام جاب بدله زي لون الفستان نورا/محسسني اننا هنتجوز جديد ناهد/اخوكي طاير من السعادة وعاوزك تفرحي جدا النهاردة… انت زي القمر كده ليه تعالي اما ارقيكي حضنتها جامد ونورا عينيها دمعت/مش متخيلة انا مبسوطة ازاي ناهد/المكياج يا بت متعيطيش اهي دي العيوطة بتاعت العيلة صباح الخير يا نورا(عيطت بتمثيل) اي دا انت بتقوليلي صباح الخير شكرا بجد انا بحبك والله انت ذوق فرح ضحكت جامد وطبطبت على نورا وابتسمت/ربنا بيحبك.. وانت تستاهلي اكتر من كدا يامن رن على ناهد ونزلوا هما التلاته يامن عينه كانت على اخته الي كانت قمة في الجمال الرقيق يامن باس دماغها بحب وحضنها وهو بيحضنها عينه جات على فرح…عينيهم اتلاقت ببعض قد اي يامن كان جان بالبدلة وشكله جذاب وفرح كانت اميرة في جمالها وفضلوا باصين شوية لبعض وناهد لاحظت/بس يا واد مالك هتاكل البت بعينيك كدا ليه يامن اتوتر /اي لا.. لا… مفيش.. اص اصل… ناهد/متهتهش… انا قصدي على اختك … مش على الي في بالك يامن بص لعمته وهي زغرطله وهوا بص لاخته/مالها دي… نورا ضحكت/شوف انت فرح/المرادي هركب انا ورا… نورا قدام وانا مع طنط ناهد ورا ناهد ضحكت/انت قدام ياختي نورا جوزها جاي بالعربيه هناك اهو هشام نزل من العربيه واخد نورا في حضنه /اي الجمال دا نورا بخجل/انت اجمل والله فرح~ماتشينج تحفه… بجد ربنا يحفظكوا هشام ابتسم لفرح/ربنا يخليكي يا فرح… عامله اي دلوقتي فرح /الحمد لله احسن بكتير هشام/هود اخويا مش مبطل كلام عليكي معايا صدعني نورا برقت وبصت لناهد صمت حل علمكان ويامن ضم ايده وابتسم /طب يلا فرح بصتله وهو فاتحلها الباب وركبت جمبه وناهد وراهم ونورا طلعت مع جوزها وراحوا الحفله وفرح قعدت ويامن قعد جمبها بس لمح هود من بعيد /لو شوفتك بتتكلمي معاه ه‍…. فرح بصتله واتضايقت من طريقة كلامه/هتعمل اي….وبعدين مين انت عشان تهددني وتقول اعمل اي يامن/يا بت اسكتي… بطلي استفزاز فرح/فين الاستفزاز دا…؟ تخيل حد متعرفوش يهددك ويقولك متكلمش فلان ياما هعمل كذا وكذا ناهد اتدخلت/في اي يا ولاد… اهدوا اي يا يامن يامن قام من مكانه بغضب/مفيش راح عند اخته وبقوا بيتصوروا سوا صحاب نورا جم وبقوا بيباركولها وام هشام جات ومعاها هود ابنها وخلان هشام بس اختها ام ابتسام مجاتش معاها فريدة/مبروك يا نورا يا حبيبتي… اخيرا يارب… هيبقى ليا حفيد نورا اتعاملت معاها اليوم دا بكل لطافه وحاولت تتجنب شرها هود اول ما شاف فرح تنح ويامن كان مراقبه هود قرب منها وابتسم/فرح ازيك فرح سلمت عليه وابتسمت/ازيك يا استاذ هود هود/الحمد لله بس بلاش استاذ دي.. اسمي هود بس فرح ابتسمت/تمام هود بس هود بصلها باعجاب على فستانها وشكلها/شكلك جميل اوي النهاردة فرح اتوترت وحاجه جواها خلتها تبص ناحية يامن واتفاجئت اما لقته مركز معاها وعينيهم جات في عينين بعض وشافت شرارة طالعة من عند يامن فرح بتوتر/ها…. شكرا لذوقك.. هود/ان شاء الله هيلاقوا عماد وهاخدلك حقك منه… رتبت كل الورق الي هيخليكي تطلقي منه في محكمة الاسرة فرح باقت بتبتسم ومش بتتكلم وعينيها على يامن وحست انها مهددة جات التورتة وباقوا بيفرحوا ويغنوا ويامن حاول يتبسط مع اخته واتصوروا وطلع هشام هو ونورا وباقوا بيرقصوا سوا كل كابل قام يرقص مع بعض على اغنية جميلة وهاديه ونورا وهشام كانوا مندمجين ولا كإنهم عرسان جداد هود قرب من فرح ويامن كان قاعد وباصصلهم هود/تسمحيلي نرقص سوا فرح بلعت ريقها وبصت ليامن الي الكوباية كانت هتتكسر في ايده من كتر الغيرة وبرقلها جامد وفرح حست انه بيهددها… هو مين عشان يهددها يتحكم فيها بصفته اي…. لا هيه تعمل الي هي عايزاه مسكت ايد هود وقامت معاه يامن وصل لاعلى غضبه وكان هيقوم بس صحابه وقفوه عيسى/في اي ما تهدى كدا…. هي تخصك في حاجه؟ سعيد/مالك هتاكلها بعينيك طول الحفلة كدا ليه يامن عض شفايفة /مش شايف بترقص معاه ازاي ازاي تقوم ترقص معاه منغير…. ابراهيم /منغير اي…. ولا هي خطيبتك ولا مراتك… دي مجرد بنت عاديه بتساعدها تاخد حقها… ولا في حاجه تانيه؟ يامن قام من مكانه ومسك ايد عمته قومها ناهد/في اي يا ولا يامن/يلا هنرقص ناهد ضحكت على منظره وراحت معاه ويامن كانت عينيه على فرح الي كانت بتبصله بلا اهتمام بس هي من جواها خايفة منه… خايفة يتهور ويعمل حاجه…. هود/فرح… فرح فرح/ها… معلش يا هود مسمعتكش هود ابتسم/بقولك اني اعجبت بيكي فرح اتصدمت وبصت ليامن الي كان سامعهم وابتسمعلها بشرارة جوااه ناهد/مالك يا واد مش على بعضك يامن/مفيش يا عمتو….. ناهد/مفيش اي دا عينك هتطق شرار… وانت شايفها بترقص مع هود يامن/بقولك هتبدلي انت وفرح ناهد ابتسمت/بعد الغليان الي شايفاه دا.. ماشي… فرح بتوتر/هود انا…. مش عارفة…هو يامن لف عمته واتنقلت لهود وشد فرح ناحيته فرح/اي دا… يامن بغيرة /بترقصي معاه ها فرح/اي المشكله… كنت تقربلي حاجه عشان تمنعني يامن شدها من وسطها وقربها ليه اكتر/انت ازاي ترقصي معاه كده منغير اذني… فرح /منغير اذنك؟ ليه هو انا مطلوب مني اخد اذنك في كل حاجه هعملها يامن بعصبيه/ايوة هود غريب فرح/لا طبعا…. انت لا تعنيلي شئ…. وانا لا اعنيلك شئ…. واديك اهو بترقص معايا… مغلطش نفسك ليه مانت غريب يامن كز على سنانه/انا مسموحلي اني اقرب منك…. فرح~مين سمحلك؟ انت ليه محسيسني انها منافسه بينك وبين هود عليا….! يامن قرب منها جامد وقال بغضب مكتوم/انا مبتنافسش على حاجه في الاصل بتاعتي فضل يرقص معاها بالعافيه وهي بتحاول تبعد عنك لكن ماسكها جامد وبيرقص معاها فرح/سيبني يا يامن يامن/مش هسيبك ناهد مع هود/مالك يا واد… دانت لسه مطلعتش م البيضة هود ابتسم/هو باين عليا كده ناهد/ملكش دعوة بيها يا هود هي متجوزة هود~وهتطلق…. انا معجب بيها جدا يا طنط ناهد هي عجباني…. ناهد/بس مش بتاعتك… بتاعت حد تاني هود/مين.. بتحب حد تاني يعني ناهد/مقدرش اقول انها بتحبه لسه بس هو بيحبها… ودا الي انا شايفاه وبصت ليامن وهود بص لفرح وبص ليامن وركز في نظراته ليه وافتكر غيرته عليها طول الحفلة ونرفزته لما يجيب سيرتها في الكلام معاه هود بص لناهد بصدمه واتكلم /يامن ناهد شاورت براسها اه والاتنين اتفاجئوا برقصة يامن وفرح الي الكل وقف يتفرج عليها يامن كان بيحركها زي العروسه زي ما هو عايز وهي بتحاول كتير تبعد ومش عارفة وكانت رقصة ولا الاروع ممزوجة بين غضب وعشق ♡ خلصت الرقصة وهو يامن رافع فرح لفوق والكل سقف نزلها وهو مقرب منها وانفاسهم اختلطت ببعض وفرح قلبها دق بسرعة وحست بمشاعر جواها دايما بتجيلها اما يامن بيقرب منها يامن كان بيبصلها وكلام كتير في عينيه وبعد عنها مره واحدة ومشي وفرح وقفت مكانها مش عارفة ماله ليه المرة دي حست انه… انه بيكنلها مشاعر زيها بالظبط… ياترى الي عمله دا كان غيره…. لا بس الغيرة بتنبع من حب…. يعني ممكن يكون حبها؟! ناهد جريت عليها وهي مبتسمه/كان شكلكوا يهبل… قمرات سوا اوي فرح ابتسمت وراحت قعدت علترابيزة وتفكيرها في يامن وتصرفاته معاها هود راح ليامن وقعد قصاده/انا آسف يامن بصله باستغراب/على اي وهود كمل/مكنتش اعرف انها تخصك…. بس جاي اقولك حاجه لو بتحبها فعلا….. متخبيش مشاعرك…. انا سبق وخبيتها قبل كده ومكنتش لصالحي… لو بتكنلها مشاعر وبتحبها قولها متخبيش صدقني مش هتستفاد حاجه لو خبيت مشاعرك قام وقف وطبطب على كتفه/هتتعب كتير مشي وسابه يفكر هو فعلا حبها؟… طب ازاي؟…. قلبه اتعلق بيها كدا من امتى وحبها امتى!! غرق في افكاره والحفلة خلصت وناهد حست انهم لازم يتكلموا ناهد/انا هركب مع نورا عاوزاها نورا بصت لعمتها وفهمتها من نظراتها ناهد ركبت مع هشام ونورا وفرح ركبت مع يامن العربيه في صمت تااام فرح/على فكرة انت كنت مخليني برقص معاك بالاكراه يعتبر…. وخليت الناس تقول… يامن/اخرسي يا فرح… تعرفي تكتمي بوقك دا خالص فرح باستغراب/اخرس… ليه هو انا الي هددتك متسلمش على هود ولا انا خليتك ترقص معايا بالعافيه ولا بقيت براقبك وابرقلك بنظراتي طول الحفلة يامن زود بنزين العربيه/انا مسؤول عنك…. فرح~بصفتك اي يامن/بصفتي الشرطي بتاعتك… لازم عيني تبقى عليكي دايما… ولازم احميكي ولازم… فرح/شكرا مطلبتش حاجة يامن بغضب/يا بنتي بطلي الكلمة دي فرح/انا مطلبتش حاجه فعلا… كتر خيرك مقعدني عندك وانقذتني من الموت… ليك الفضل اه… لكن مش معناه انك تتحكم فيا تقولي اعمل اي ومعملش اي…. يامن/انا دمي حامي… ومقدرتش اشوفك بترقصي معاه بسهولة كده مع اني نبهتك فرح~ايوة اعملك اي…. اسمع كلامك على اساس اي…. كنت خطيبتك مراتك….. قريبتك حتى… احنا لسه عارفين بعض من كام يوم مفيش اي مبرر يدعي لتصرفاتك دي يامن زعق جامد/انت مطلوب منك تسمعي كلامي منغير نقاش الي اقوله يتنفذ….. سميها زي ما تسميها بس طول مانتي تحت عيني وفي بيتي يبقى تسمعي كلامي وانت ساكته فرح~انك تكون ظابط القضية بتاعتي دا ميدلكش الحق انك تقولي اعمل اي ومعملش اي يامن زعق/لا يديني… انا حر… انت بتاعتي انا ومينفعش راجل غيري يلمس بس شعراية منك… هقطعلوا دراعوا فرح اتعصبت /اي الي بتقوله دا وبعدين انت بتزعق كده ليه…. ومين انت اصلا عشان تزعقلي كده…. وقف العربيه و نزلني…. يامن مردش عليها وفرح علت صوتها/وقف العربيه… انا بقولك نزلني… نزلني يا اما هشد فرامل اليد وهنزل بالعافيه فرح صرخت/بقول نزلنيييي يامن اتعصب جامد وضرب فرامل بسرعة بغضب وقال وهو بيكز على سنانه وباصص قدامه /انزلي…. فرح نزلت ويامن طار بالعربيه *.. يتبع ..* > *تـفاعل حـلو منڪ بيشجعنا انه نڪمل♥🌹*