الفصل 4
*•~💗~ يـوم زفـافي~💗~•*
*الجزء10✿︎*
*الجزء11✿︎*
*الجزء12✿︎*
تابع قناه عشاق الروايات📚📙🇸🇩 كتابات مذكرات ملخصات انمي Pov سكسشينات حزن نکت ثانوية ملصقات في واتساب: https://whatsapp.com/channel/0029VaG4kKrKQuJKW4U8383w
•_______🎀•🎀_______•
لاقوا عماد في وشهم ورافع عليهم سلا ح/مامي مقالتلكش ان السر قة حرام ولا مكانتش فاضيه.. اه نسيت دي رامتكوا مع عمتكوا واتجوزت ووملحقتش تربيكوا يا عيني لا هعذرك
يامن اتنرفز وكان هيهجم عليه هود مسكه من دراعه/اثبت… هو بينرفزك قصدا…
عماد/ارجع… ارجع وسيب الشنطة الي في ايديك…
يامن/دا انت طلعت وس خ يا عماد
عماد ابتسم/i know عاوز بس يا باشا تخلي بالك من فرح اوي
يامن/اوعدك مش هخليك تلمس منها شعره
عماد/انا مش فاهم… دي مراتي!
هود/جوازكوا با طل ولعبتكوا اتفقست
عماد/بس مراتي على سنة الله ورسوله
يامن/انت مخ تل عقليا ولا اي بيقولك الجواز با طل هتطلقها بالذوق بالعافيه هتطلقها
عماد/اعلى ما في خيلك اركبه
هود/دا انت وراك مصا يب اصبر بس
يامن زعق /فين منى يا عماد…
عماد/عندي بقلم مريم الشهاوي
يامن/حاططها فين يا عماد.. منى ملهاش دعوة انا الي قولت لابوها عاوز الفلاشه وللأسف هي اتاخدت في الرجلين
عماد /مليش دعوة… مين الي اخد التسجيلات وافتكرت نفسها شاطرة وبتدور في بيتي
يامن/حاطط منى فين
عماد/طب مش هتسأل على بنات سامح
يامن اتصدم/انت خا طف بنات اللواء سامح!
هود~يبقى هي دي الايد الي وجعاه
يامن~كنت متوقع حركة زي دي من شخص وس خ زيك…
عماد/يلا يا باشا روح سيب حاجاتك وروح
يامن اتنرفز/انت فاكر نفسك بتكلم مين يابن ال….
هجم عليه بسرعة وكتف ايده ضربها وقع المسد س ورماه علأرض ووقع عماد علأرض وقعد يضرب فيه
هود نزل من العمارة بسرعة وبقى كل واحد فيهم يضر ب التاني
يامن/بتستقوى على بنات الناس فاكرها لعبه .. انا هعرفك تستقوى ازاي فضل يضر به كتير اوي لدرجة ان عماد فقد الوعي من كتر الضر ب الي في وشه ويامن قام من عليه واخد الشنط ونزل هود كان تحت/عاوزينه
يامن/لا.. اغمى عليه بس… عملت الي قولتلك عليه
هود ابتسم عملت يا باشا هتبلغ عليه دلوقتي…
يامن/لا لما اعرف مكان منى فين… لازم نحميها الاول وبنات اللواء سامح ممكن ياخدهم رهينه ويعملهم حاجه انا هطلع علمستشفى اتطمن على فرح واجيب التقارير ونتقابل بكرة الصبح
هود~انا جاي معاك اتطمن عليها انا كمان واجيب التقارير انا اخليهم عندي واجهز اوراقهم
يامن رجع بصله وهو متضايق ~وتطمن عليها ليه…
هود اتوتر/عادي… اصل….
يامن بحدة/روح انا هتطمن عليها كفايه وهجيب التقارير ونتقابل الصبح بقلم مريم الشهاوي
هود خاف من طريقة كلامه وروح فعلا ويامن طلع على المستشفى الي فيها فرح
يامن/تسلموا يا شباب تعبناكوا
الحراس مشيوا ويامن دخل لقا فرح نايمه ولقا الممرضة جمبها وبتغير المحاليل
يامن/هي كويسه
الممرضة/اه بتتحسن الحمد لله…
يامن/تمام تقدري تروحي تكملي شغلك بعتذر على تعطيلك
الممرضة~لا ولا يهمك يا باشا انت على راسنا كلكوا على راسنا من فوق
يامن اداها فلوس والممرضة مشيت فرحانه
قرب من سرير فرح وقعد قدامها بيترقبها وهي نايمه بيفحص ملامحها قد اي رقيقة وجميله عامله زي الملايكة وهي نايمه هو حاسس انه بيكنلها مشاعر في قلبه….!
قام وقف وبص للشباك/لا يا يامن… منتاش مراهق عشان اول ما تشوفها تقع في حبها… بس هو وقع غصب عنه!….. هو مش فاهم اي الي حصله؟ هو كان بيحميها لان دا التصرف الطبيعي… لكن… في احاسيس اتكونت في قلبه… في احساس هو اول مره يحسه تجاهها… بيفرح لما بتكون فرحانه ومستعد يهد الدنيا لو شاف دمعة في عينها… ياترى هو فعلا بيحبها؟… ولا دي شفقة مش اكتر!
نورا رنت عليه بقلم مريم الشهاوي
نورا/يامن… انت فين من ساعت مانزلت مع فرح الصبح….
يامن بتعب/حاجات كتير حصلت يا نورا مش قادر احكي
نورا/طب انت فين دلوقتي
يامن/في المستشفى انا وفرح
نورا بخضة/انت وفرح! فرح كويسه انت جرالك حاجه
يامن/فرح قط عت شراينها ونقلتها للمستشفى هتقعد يومين كده عبال ما حالتها تتحسن
نورا بخضة/يالهوي انا جايه….
يامن/لا لا… هي نايمه دلوقتي تعالي بكرة الصبح انت اكيد راجعة تعبانه من الشغل بكرة الصبح عدي عليها احنا في مستشفى…..
نورا/حرام عليك يا يامن لسه هستنى للصبح
يامن/يا حبيبتي متتعبيش نفسك انا بايت معاها متقلقيش
نورا/حصل موقف النهاردة وحش اوي معايا مع ام هشام
يامن بزهق/عملت اي تاني
نورا حكتله على الي حصل
نورا/ابوها مسكها ضر بها جامد البت مبقاش فيها حتة سليمه صعبانه عليا اوي بجد فعاوزة اروح اتطمن عليها وهشام مانعني
يومن/بعد الي عملته دا عاوزة تطمني عليها!
نورا/ايوة يا يامن… هي اه غلطت بس متضر بش بالطريقة دي
يامن/لا غلطها كبير ولازم تتعاقب ومادام امها معرفتش تعمل دا يبقى ابوها يتصرف… اسمعي كلام جوزك يا نورا
نورا/وانا الي متصلة بيك عشان تقنعه
يامن/لا… ملكيش دعوة يا نورا خليكي في بيتك وقافلة على نفسك.. انت رجعتي البيت؟…
نورا~ايوة واما سألت على عم منعم الجيران قالولي انه طلع حر امي ومشي
يامن/عماد الي مشاه وواخد بنته خاطفها
نورا~يالهويي… كل دا حصل في غيابي وانا معرفش عنه حاجه يا يامن
يامن/والله دايغ يا نورا هحكيلك بكرة كل حاجه بس حاسس اني تعبان اوي سيبيني دلوقتي سلميلي على هشام وخدي بالك من نفسك سلام يا يحبيبتي
قفلت نورا معاه ويامن فضل كتير قاعد علكنبه بيفكر هيعمل اي في عماد حس بفرح بتتكلم وبدودي وشها يمين وشمال وهي بتقول بتوتر/مناال.. متدخليش لجوا… منال هاتي ايدك
يامن قرب منها وحاول يفوقها بس كانت مكمله ودموعها نزلت
فرح بخوف/ … لا لا منال انت فين…. روحتي فين يا منااال… صدقني يا بابا انا مشوفتهاش… يا بابا سامحني منااال….
قامت مفزوعة وخايفة وبترتجف
يامن بخصة/اهدي… انا يامن… اهدي كان كابوس مفيش حاجه
فرح عيطت واترمت في حضنه /انا مكنش ليا دعوة بمو تها انا مليش ذنب صدقني بابا معاقبني طول الوقت دا عشان معتقد اني السبب انا والله ما سيبتها تم وت منال… منال… صحيح كنا بنتخانق بس عمري ما اتمنتلها الم وت ابدا
عيطت كتير في حضنه ويامن مش فاهم حاجه من كلامها بس بيحاول يهديها بيطبطب عليها عشان تسكت فرح فضلت تعيط في حضنه كتير لحد ما نامت ويامن معرفش يقوم من جمبها كانت ماسكة فيه بايديها جامد ومش راضيه تسيبه حاول ينيمها لكن مسكت فيه اكتر
يامن ~مش همشي انا معاكي
نيمها علسرير ونام جمبها على سرير المستشفى وهي في حضنه كانت حاسه بالامان وهي في حضنه حاسه انها متطمنه وانه هيحميها من كل الناس يامن مشاعره متلغبطة ضربات قلبه بتتسارع في كل مرة بتقرب منه… بس حاسس انه مبسوط من قربها دا !
عماد قام من علأرض
عماد/ااااه… يا ولاد الكل ب والله ما هسيبكوا…. ضعت يا عماد…. اتكشفت كل حاجه….
قام عماد من مكانه… بس برضو مش هيعرفوا ياخدوا منى مني….هخدها رهينه عندي عشان ميعملوليش حاجه ايوة مش هيعرفوا يجوا جمبي وهيخافوا عليهم ههر ب ههر ب..
قام من مكانه ونزل ركب عربيته وراح على منى
منى كانت نايمه ومش قادرة تتحرك وعيونها محمرين من كتر العياط
دخل عماد عليها وكان شايل شنط في ايده
منى اتخضت من وشه كميه الجرو ح الي فيه/اي الي حصلك انت مضر وب؟
عماد/ملكيش دعوة
منى بصت علشنط باستغراب/اي دول
عماد/اكل… عشان تاكلي.. مينفعش تمو تي انت الحاجه الوحيدة الي هذل يامن بيها ومش هيعرف يقربلي طول مانتي معايا
فكها من ايديها وفرش وحط الاكل علأرض
منى~مش عايزة اكل…
عماد/انا مش باخد رأيك
شدها من درعاتها قعدها علأرض وهي رافضة تاكل
منى/صدقني مش عاوزة اكل…
عماد حط صباع الكفته في بقها /كلي….
منى وهي بتتكلم بالعافيه /دي كبيرة اوي اكلها ازاي هاكل صباع كامل مرة واحدة
عماد ابتسم وبصلها/بسيطة….
ولسه بتمد ايديها عشان تشيلها من بوقها كان عماد قرب منها واكل نص صباع الكفته وهو في بوقها وشفايفهم لمست بعض كان شعور اول مرة الاتنين يحسوه عماد حس انه مهدد منها بس كان مبسوط! ومنى بعدت بسرعة وباقت مبرقة وبلعت الي في بوقها وزعقت جامد بعياط/انت ازاي تتجرأ تعمل معايا كدا… ازاي تتجرأ
عماد ابتسم ببرود~انا اعمل الي انا عايزه في الوقت الي انا عايزه
منى قامت من علأكل ووقفت على جنب تعيط
صوت عياطها مضايقه ليه؟…. هو اول مره يسمع بنت بتعيط….
قام من مكانه متضايق عليها وقرب منها باقتضاب/انا معملتش حاجه على فكرة نيتي كانت خير…. كنت بقصرلك صباع الكفته عشان كبير على بوقك
منى بعياط/بس بقى بس اسكت…
كملت عياط وعلت صوتها اكتر
عماد/انا مبحبش صوت عياط النسوان دا… اسكتي… بقولك اسكتي بقلم مريم الشهاوي
منى مكمله عياط ومش راضيه تسكت
عماد/طب تعالي كلي ومش هعملك حاجه… يابنتي كفاية عيااااط
مرة واحدة شدها لحضنه وضمها ليه اوي بقا بيطبطب عليها /انا اسف… حقك عليا متزعليش… انا غلطت انا آسف
منى حاجه جواها خلتها تبتسم… طب هي مبسوطة ليه وهي في حضنه؟… دا بيقول آسف! صدقني يا عماد انت جواك تتغير بس هو الوقت
بعد مده طويلة بعدت عنه بكسوف
عماد/خلاص هديتي… يلا عشان تاكلي
قعدت منى معاه وبقوا بياكلوا سوا
عماد~انت في سنه كام في ثانوي
منى/تالته
عماد/كان عندك امتحان اي
منى/تاريخ
عماد~وعملتي في اي كان حلو
منى/الحمد لله كان سهل عقبال الانجليزي هو كمان
عماد/سهل الانجليزي مفيهوش حاجه
منى/الصراحة انا بستصعبه
عماد/بعد كام يوم اي عندك الانجليزي
منى/يومين والمفروض النهاردة كان عندي مراجعه ومش هعرف اروحها طبعا ولا عارفة هذاكر منين
عماد~انت محتاجه اي
منى/كتاب امتحانات ومرجع اراجع منه
عماد~خلاص متقلقيش هيكونوا عندك الصبح… وانا ممكن اساعدك فيهم
منى بفرحه~بجد… انت بتفهم في الانجليزي
تماد/ايوة كنت الاول على دفعتي في تالته وبقفل الانجليزي كل سنه… مكنتش شايف انه صعب لاني بحبه
منى اتبسطط /شكرت ليك بجد….
عماد ابتسم اول مرة حد يقوله شكرا…. او يمكن لانه اول مره يقدم مساعدة لحد؟
منى~احكيلي عنك اكتر…
عماد~احكي عن اي
منى/حياتك كانت عامله ازاي درست اي…. بتشتغل اي… حققت حلمك ولا لا
عماد اتعدل في قعدته وحس انه مرتاح انه بيتكلم معاها وحب يفضفض/ابتدي منين ولا منين… بصي ياستي اتربيت وانا صغير وسط اب وام بيحبوا بعض لحد ما ابويا وامي عملوا حاد ثة بالعربيه كبيرة وانا كنت في المدرسة امي ما تت الله يرحمها وابويا قعد على كرسي لانه حصله جلطة في رجليه الاتنين المهم فضلت مع ابويا سنتين من بعد وفات امي…
هو قافل على نفسه وفين وفين لما بنشوف بعض كنت بلهي نفسي بالمذاكرة وعاصر دماغي بين المذاكرة والمدرسة مبقتش بلعب زي زمان بابا بقا خايف عليا جدا ومبقاش بيخليني اطلع م البيت وقعدت في اوضتي محبوس طول النهار والليل هو خايف عليا وانا طفولتي بتنهار الوقت الي كان اي طفل بيلعب ويتنطط فيه انا كنت مقضيه في اوضتي محبوس ممنوع اني اطلع برا الاوضة لحد ما بابا فكر انه يتجوز…بقلم مريم الشهاوي حس بالذنب اني هعيش طول عمري منغير ام… وياريته ما عمل كده مرات ابويا كنت بحبها في الاول في وقت وجود بابا معانا كانت بتعاملني كويس وكانت مش حارماني من حاجه ابدا وهي الي خلته يتطمن وباقت بتوديني النادي اتمرن سباحه ورجعت اعمل الانشطة بتاعتي الي اتحرمت منها سنتين واعيش حياتي لحد ما بابا مرات ابويا اقنعته انه لازم يتعالج وفعلا اخد خطوة وسافر برا عشان يتعالج لفترة وكانت دي فرصتها عشان تجيب رجالة البيت براحتها كانت تدي اجازة للشغالين وتجيبهم وانا سامع صوت ضحكهم وكلامهم المقرف و….
وقف ومقدرش يكمل دموعه هزمته
منى قربت منه ومسكت ايديه/كل الي بتحكيه دا مجرد ماضي… عمره ما هيإذيك تاني
عماد كمل /شوفتها كذا مره معا راجل شكل وهدتها ولما رفضت اتصلت ببابا وقولتله عرفت لانها كانت بتتصنت على كل محادثاتي انا وبابا وعملت فيا… عملت فيا الي حكيتهولك اخدتني في يوم للمقابر وانا مكنتش عارف هي مودياني على فين وكان في راجل هناك ساعدها وحفرولي في الأرض حطوني…(دموعه نزلت)حطوني في القبر وانا قعدت اصرخ كتير لحد ما صاحب المقابر قلق لما قعد يسمع صوت طفل بيعيط وبيطلب النجدة هو كان فاكره عفاريت بس لما عياطي استغرق اكتر من تلت ساعات وبعدها وقف قلق وجيه عند مكان العياط وحفر ولقاني ونادا على ناس كتيرة وحاولوا ساعتها يفوقوني بكافة الطرق ونقلوني علمستشفى واتعلقلي محاليل ولما صحيت الظابط سألني مين الي عمل فيا كده اعترفت على مرات ابويا وهي هر بت مع عشيقها وسافرت برا محدش عرف مكانها نهائي لحد النهاردة محدش عارف هي فين وبابا خف ونزل ليا بقا بيترجاني اني اسامحه وفضل معايا طول عمره حاسس بالذنب انه دخل عليا ست زي دي كان زماني م ت وحصلت امي في ساعتها لولا ستر ربنا قعد طول الفترة دي يحتويني بيحاول ينسيني بس انا عمري ما نسيت وبقيت بلهي نفسي بإني اذاكر ووقفت كل حاجه مروحتش المدرسة وقدمت على منزلي وبقيت بروح في الامتحانات بس كبرت ودخلت جامعة اسكندرية كنت في كلية هندسه وكنت كل ما اقابل ست تتزرع جوايا صورة مرات ابويا لحد ما كرهتهم كلهم واخدت قرار اني لازم انتقم من كل واحدة بتقبل انها تنا م مع راجل وتبيع شر فها عادي واروح افض حهم في عيلتهم
منى/وبعدين… هتفضل كدا طول عمرك… طب انت مستفاد اي… بدل المجهود دا كله كنت روحت ودورت عليها
عماد/مش لاقيها… مش لاقيها نهائي وبعد السنين دي كلها متوقع اني اشوفها ومعرفهاش اكيد كبرت ومش هاخد بالي انها هي…. الي بعمله دا بصفي النار الي جوايا ملي كنت بشوفه وانا صغير… انا شفت حاجات يا منى… مش عايز احكيلك بس كفاية اوي اني كنت بشوف علاقة قذرة في عدم وجود ابويا كل يوم كل يوم راجل شكل
منى/وانت مستني ان حد يقبض عليك وتتحبس
عماد /مبقاش يهمني
منى/لا لازم يهمك… لازم تقرب من ربنا يا عماد انت عندك فقر ديني… لازم تطلب منه السماح انت راضي انك تتحبس بس هل قلبك مطاوعك انك تقابل ربنا بعد كل الي عملته دا… قول اتكلم… عندك الشجاعة الكافية تموت وتقف بين ايديه انت عاصيه بالشكل دا عقاب الشرطة مش هيجي جمب عقاب ربنا حاجه
عماد /انا محدش عمره اتكلم معايا في دين فمترجعيش تتهميني… امي الوحيدة الي كانت بتصلي في البيت ومن بعدها مشوفتش سجادة الصلاة دي في بيتنا… انا متربتش على الي انت بتقوليه دا
منى /بس عندك المقدرة انك تعرف عن دينك اكتر النت مخلاش حاجه.. ممكن تبحث عن الصلاة وتصوم وتحاول تتوب توبه نصوحا وهو التواب الرحيم يعني هو رحيم بينا ولو توبنا ربنا مش هيقفل ابوابه في وشنا ابدا ابواب التوبة مفتوحالنا كلنا لو عملنا اي هيتقبل توبتنا….. لاننا اعترفنا بغلطنا قدامه… صدقني يا عماد ربنا مش بيسيب عبد من عباده بيطلب التوبه ومش بيتقبلها دا بالعكس بيبفى فرحان اننا عرفنا غلطنا اقضي النيه بالتوبة يا عماد حاول تتغير… انت ممكن تتحبس شوية بس مسيرك هتطلع وتقابل وجهه الكريم ممكن تموت وانت في السجن بس هتبقى مرتاح انك هتقف بين ايدين ربنا مش خايف؟
عماد بص لمنى كتير هو فعلا حابب انه يتغير… ايوة هو مستني بس حد ياخد بإيديه عمر ماحد ساعدوا انه يتغير علطول كانوا ضده او كانوا بيسايروه
منى/خد وقتك في التفكير… بس افتكر ان احنا الدنيا دي ذرة والي علينا اننا نزرع في دنيتنا الي هنحصده في الاخرة…. انت لازم تزرع حاجه لازم تزرع حسنات ليك عشان تترحم من عذاب الاخرة… ربنا يجيرنا منه جميعا
العشا اذنت وهي بتكلمه وبصتله بعد ما الاذان خلص واترددت بس قالت تجرب/تيجي نصلي سوا
عماد/انت ليه متأكدة اني هتغير كدا
منى/عشان انا شايفة شئ جواك حلو يمكن انت مش شايفة بس انا شايفاه وحاسه بيه… انت حافظ سور صغيرة من القرآن
عماد/شوية مش كتير شوية سور صغيرة
منى/طب حلو اوي وحافظ الفاتحة
عماد~ايوة حافظهم من وانا صغير ايام ما ماما كانت عايشه واعتقد لسا فاكرهم لاني بسمعهم كتير في الصلوات والجوامع بقلم مريم الشهاوي
منى/طب كويس.. اي رأيك نقوم نصلي سوا….؟
عماد استغرب من سؤالها وغصب عنه قال/لا…. انا مش بعرف اصلي…. بقالي كتير مبصليش
منى ابتسمت/بسيطة….
علمته كل اساليب الصلاة ويقول اي والتشهد ازاي وفعلا قام هو وهي يتوضوا وباقت بتعلموا يتوضا ازاي هو كان مبسوط مش عارف ليه حاسس ان حد ماسك ايده وبيتجهوا للطريق الصح… الطريق الي كان نفسه يروحلوا بس كان مستني ايد تاخده ليه او متردد يمشي فيه او مكسوف من ربنا بعد كل الي عمله دا
صلوا سوا وهما بيصلوا عماد حاسس ان قلبه بينشرح وهو بيقرأ القرآن احساس حلو اوي وجميل وهو بيسجد عيونه دمعت وطلب التوبة من ربنا طلبها بكل وجع هو عارف انه غلط بس بيطلب السماح وانه ينسى ماضيه هو اتعذب كتير في حياته وبيتمنى انه يتغير سلموا وخلصوا صلاة ومنى قالتله بنسبح وبنقول سبحان الله والله اكبر والحمد لله تلاته وتلاتين مره وعلمته يسبح على ايده ازاي بعد الصلاة
قعدوا يدردشوا طول الليل ومنى بتكلم معاه في الدين وبتحاول تشرح قلبه من تاني ويرجع لربه وعماد حاسس انه قلبه بيرق تجاهها قلبه مش على طبيعته هو ممكن يكون حبها! هي الوحيدة الي احتوته من بعد امه هي الوحيدة الي بعد كل الي عمله معاها متطمناله وبتتكلم معاه بكل اريحيه ناموا هما الاتنين على نفسهم من كتر التعب والرغي
الصبح طلع وصحيوا مفزوعين هما الاتنين على كسر الباب ويامن دخل منه هو وعساكر معاه ورافعين سلا ح عليهم/سلم نفسك المكان كله محاصر
الصبح طلع
يامن وفرح كانوا نايمه حاضنين بعض على سرير المستشفى والممرضة دخلت عليهم بس اتكسفت حاولت تعمل صوت عشان يصحوا
يامن اتفاجئ بالممرضة وحس بالاحراج جيه يقوم بس فرح مسكت فيه/لا متسيبنيش
يامن حمحم وبص للممرضة باحراج وكلم فرح /فرح قومي النهار طلع
فرح فتحت عنيها بالعافيه وبصتله واتفاجئت من قربه منها وبعدت بسرعة وكانت محرجه جدا اما شافت الممرضة موجودة
فرح/انا انا آسفة
يامن قام من علسرير ووقف جمب الشباك والممرضة كانت ماسكة ضحكتها بالعافيه دخلتلها الفطار وادتها الدوا ومشيت
فرح باحراج/انا آسفة انا مش فاكرة اي الي حصلي امبارح خلاك….
يامن/لا مفيش حاجه متعتذريش انت بس حلمتي بكابوس بليل وكنت بهديكي ونمت غصب عني انا كمان يلا افطري زمانك جوعتي
فرح كانت بتاكل بحزن ومش قادرة تاكل اللقمة
يامن/مالك في اي
فرح/لا لا مفيش حاجه…
يامن طلع موبايله ورن على حد فديو كول وحط موبايله سنده على ترابيزة الاكل وكانت المفاجأة لفرح لما شافت مامتها في الفديو كول
كوثر بفرحة/فروحة وحشتني يا قلبي
فرح قعدت تعيط كتير ودموعها مش راضيه تقف بصت ليامن الي كان مبتسم وابتسمتله بكل فرحة جواها ويامن فرحان من ابتسامتها دي هو مستعد يعمل اي حاجه تخلي ابتسامتها دي موجودة دايما♡
كوثر/انت وحشانا اوي يا فرح كدا تدخلي المستشفى ومتعرفيناش….
فرح/انت وحشاني اكتر يا ماما عاوزة اترمي في حضنك واشتكيلك من حاجات كتير.. انا متبهدلة اوي منغيرك
كوثر/ان شاء الله اشوفك قريب يا عمري هتطمن عليكي دايما من عند الظابط يامن ربنا يباركله
ظهر اخوها اياد من الكاميرا كان عنده 10 سنين
اياد/خليني اكلمها اناكمان يا ماما.. ايوة يا فرح انت فين وانا هجيلك انت وحشتيني اوي… مكنتش اعرف انك لما تتجوزي هتنسيني كدا
فرح بدموع /وانت يا قلب اختك وحشني اوي واوعدك اني هشوفك وهحضنك اوي وهكون جايبالك لعب معايا كتير من الي بتحبها
اياد فرح اوي وقال بطفولة/مستنيكي يا احلى فروحة في الدنيا
وامير اخوه الكبير عنده18 سنه اخد الموبايل منه
امير بخضة/فرح… انت فين…انت كويسه
فرح ابتسمت/وحشتني يا امير اوي..
امير عيونه دمعت/انت وحشتيني اكتر….. اي الي موديكي المستشفى انت كويسه؟
فرح ابتسمت وبصت ليامن/متقلقش انا بخير… الظابط يامن واخد بالو مني كويس
امير حس بغيرة /يطلع مين يامن دا وفين عماد….
فرح /بلاش تجيب سيرته دلوقتي يا امير خليني مبسوطة شوية
امير/فرح احكيلي عماد عمل معاكي حاجه…
كوثر نغسته في دراعه/يا واد متقلقناش عليها بقا ما هي كويسه اهي
امير بعصبيه/كويسه اي يا ماما مش شايفة وشها دا اكيد ضار بها
كوثر اخدت منه الموبايل~ابوك زمانه جاي اطلع اوضتك
فرح بحزن/انا كويسه يا امير متقلقش دي خبطة وهتروح
كوثر/اهي قالتلك خبطة وهتروح يلا امشي بقا
كوثر بصت لفرح في الكاميرا/ سامحيني يا بنتي ابوكي مانعني انزلك نهائي احنا بنكلمك وهو في الشغل مانع اسمك يتذكر في البيت حتى
فرح ابتسمت بوجع/معلش بكرة ينسى ويسامحني… خلوا بالكوا من نفسكوا
امير/انا لازم انزلك يا فرح
كوثر/تنزل فين يا واد وامتحاناتك
فرح/انا هنزل يا امير.. قريب ان شاء الله ركز بس في امتحاناتك وان شاء الله تخلص على خير
امير /طب عماد فين والظابط الي معاكي دا بيعمل اي
فرح/مش قادرة اتكلم يا امير بعدين يا بابا هحكيلك والله اطلع من المستشفى وافوق
اياد/مع السلامه يا فوفا متنسيش اللعب وخلي بالك على نفسك
فرح ابتسمت/حاضر يا قلب فوفا… سلام يا ماما سلام يا امير سلام يا يويو
كوثر/سلام يا حبيبتي خدي بالك من نفسك
قفلوا معاها وفرح بصت ليامن/شكرا يا يامن بجد مش متصور اناكنت فرحانه قدا اي
يامن بفرحة/ولسه هتفرحي اكتر لما تعرفي انا رايح فين النهاردة
فرح بصتله بعدم فهم ويامن كمل/عرفنا عماد مخبي منى فين وهنمسكه وجبنا كل الدلائل الي تثبت انه مجرم وفاكر ان البنات لعبه بيتسلى بيهم وقت ما يحب ويرميهم
فرح ابتسمت باطمئنان/طب كويس عرفتوا تعملوا دا ازاي…؟
يامن/روحنا شقته ودخلنا اوضته السرية انا وهود وجبنا كل حاجه عنه اما طلعنا لاقيناه في وشنا اتفقت مع هود ساعتها انه ينزل ويركب جهاز تتبع لاني كنت واثق انه جاي وضر بته لحد ما اغمى عليه وجيتلك واستنيت يروح عند منى وفعلا ظهرلي انه راح لمكان معين فيه مصنع مهجور كدا هطلع انا والعساكر ونمسكه وعم منعم هبلغه يجي معانا برضو لانه هيموت على بنته من امبارح
فرح بفرحة /بجد مش عارفة اقولك اي… ربنا يحفظك من كل سوء انت ساعدتني جدا
يامن/متقوليش حاجه دا واجبي… نورا هتيجي على اخر النهار تطمن عليكي وعمتو ناهد قلقت جدا واحتمال تيجي معاها… خلي بالك من نفسك
فرح/في حفظ الله متخافش عليا انا كويسه
يامن سابها وبلغ الحراس يحرسوها في غيابه وعمل زي المرة الي فاتت ونزل
عند عماد ومنى
صحيوا الاتنين مفزوعين من كسر الباب ودخل يامن ومعاه عساكر ماسكين سلا ح
يامن/سلم نفسك المكان كله محاصر
يامن استغرب من منظرهم سوا… هو كان متوقع انه يكون رابطها او انه يكون ضا ربها عامل فيها اي حاجه مش متوقع انه يشوفها كويسه مع البني ادم دا
عماد بص لمنى الي بصتله والدموع في عينها
عماد رفع ايده وطلع معاهم لبرا وكان عم منعم موجود
عم منعم اول ما شاف بنته اخدها في حضنه جامد
منى/وحشتني اوي يا بابا
عم منعم بحب/وانت يا قلب ابوكي…. انت كويسه عمل فيكي حاجه
منى ابتسمت وبصت لعماد الي مش شايل نظره عنهاوالدموع في عينها/معمليش حاجه…. انا كنت بخير وانا معاه..
عم منعم قرب من عماد والعساكر وراه محاوطينه عماد واجه عم منعم بنظرات قطعت قلبه
عم منعم/انت متخيل انت عملت فيا اي…. ليه كده….. دنا مليش غيرها تقوم خاطفها ومستغل اي فرصة… روح الله لا يسامحك… انت عاوز اي من بنات الناس هااا… قولي عاوز اي
عماد كان باصص لمنى ومش باصصله ودا خلى عم منعم يتنرفز وضر به بالقلم جامد/عينك متترفعش عليها
منى جريت قصادهم ووقفت قدام عماد وهي باصه لابوها /بابا ارجوك… عماد معمليش حاجه… يامن بيه… عماد كويس مش وحش… صدقوني يا جماعة هو مش وحش هو….
مره واحدة عماد مسكها من رقبتها ورفع المسدس على دماغها منى اتصدمت من موقفه وعماد ضحك~صدقوها صدقوها… اصلها هبلة… بنتك طيبه اوي يا عم منعم….
العساكر كانت هتهجم قام عماد رجع لورا /لا ابعدوا والا والله لتدفنوها مكانها…
يامن/ملوش لزوم الي بتعمله دا يا عماد… انت مقبوض عليك واثبتت التهم خلاص
عماد/مفيش حد هيقبض عليا… لو هتقبضوا عليا يبقا تقروا الفاتحة على منى
ضر ب طلقة لفوق ومنى صرخت بقا بيرجع بيها لورا وركب عربيه نص نقل كانت جمب المصنع وطلع بيها
يامن ركب عربيته والعساكر وراهم بعربياتهم
عم منعم بعياط~بتي هتروح مني تاني
يامن بيحاول يهديه/مش هيحصلها حاجه صدقني… اهدى يا عم منعم
بقوا بيضر بوا نار عليهم ومنى بتصرخ في العربيه وعماد بيحاول يسوق بأسرع حاجه عنده
منى بعياط/انت بتعمل كده ليه
عماد بتوتر/مش عااارف… انا مش عااارف انا بعمل اي…
منى/صدقني دي حالة نفسيه صعبه فهمهم انك مريض وهما….
عماد/اخرسييي يا منى اخرسيي خدي سوقي انت…
منى بقلق/مبعرفش
عماد بزعيق/امسكي انت الدركسون وانا دايس علبنزين
منى مسكت الدرسكون وهو طلع نفسه من الشباك وضر ب طلقه في كاوتش عربيه من العساكر وقفتها قعد يضر ب نار عليهم منى سابت الدركسون وهو كمل سواقة وبقا بيدخل في شوارع شكل ويحود يمين وشمال كتير لحد ما بعد عنهم خالص
عماد/متقلقيش هرجعك لأهلك….
فضل يسوق لحد ما دخل في حتة فيها اشجار كتير ركن العربيه ونزل واخدها من ايديها وجري بيها وسط الشجر
منى بعياط~انت ليه بتعمل كدا… عماد قولي ليه التصرفات دي كدا بتزيد الطينه بالا اكتر
عماد حابس نفسه من العياط بالعافيه واما بعد خالص عن صوت ضر ب النار وقف /انا مبقتش فاهمني…. حاسس اني تايه…. تعبت من كل الي حواليا… مش عاوز اتحبس ومش عاوز اتعاقب لكن عاوز اخد جزاء كل بنت ظلمتها معرفش عاوز اي
حط ايده على راسه وهو مشوش منى قربت منه/مش انت قولت انك هتتغير وتبدأ تبقى انسان جديد…وهما ممكن يثبتوا انك مريض نفسي وهتتعالج وتبقى كويس وتبدأ حياة جديدة
عماد بعياط~انا مش عاوز حد مش عاوز اتعالج انا عاوز اعيش لوحدي بسلام مفيش حد احتواني طول عمري لوحدي… لحد ما… لحد ما التقيت بيكي حسيت باحساس حلو اوي وانا معاكي…. كنت نسيته كنت نسيت اني احس بحب شخص خايف عليا وبيحاول يصلحني انت منحتيني قلبك وبقيتي بتقربيني من ربنا وبتساعديني لانك طيبه ومخوفتيش مني و حسيتي تجاهي بشئ حلو انا بقا عمر ما حد حس تجاهي بشئ حلو كلهم بيكرهوني وعاوزين يإذوني زي ما عملت… انا لو عاوز افضل هنا فهفضل معاكي… لكن مش هخرج للعالم دا العالم دا اذاني كتير الدنيا دي كانت وحشه اوي معايا وانت..( ابتسم) وانت حاولتي تحليها في نظري بجمال كلامك ورقتك وهدوئك… وبتقوليلي اتغير… انت ليه مش قادرة تفهمي اني خايف انا خااايف من الدنيا كلها ابان قوي لكن انا جواها شخص بيخاف من اقل حاجه انا مش عارف اداوي جر وحي واكمل واتغير زي ما بتقولي صعب صعب اوي لاني اصبحت مشو ه من جوه
منى حضنته جامد وهو بيعيط وماسك فيها /انا محتاجلك… محتاج وجودك في حياتي…. انت الوحيدة الي اثرتي فيا يا منى… انت الوحيدة الي شوفتي قلب عماد من جوا مش الي بيبان
ومرة واحدة وقف عياط وبعدها عنه/امشي يا منى
منى بعياط/لا يا عماد انا معاك ومش هسيبك
عماد/مش هبوظلك حياتك على سبيل مرضي انا مريض ومليش علاج ولا هتعالج وهيتقبض عليا واترمي في الس جن فامشي يا منى… روحي لابوكي وامك محتاجينك
منى مسكت ايده ~لا يا عماد
عماد صرخ وبعدها عنه/امشييي
مسكها من دراعاتها ولفها لطريق تاني وزقها /امشي… انا هبعد وههرب منهم لاني مش عايز اتعذب تاني
منى سمعت صوت ابوها ويامن وبصتله
عماد~سلام يامنى…. ابقي افتكريني
دور وشه وجري من قدامها وبكى بكاء يقطع القلب هو تعبان محتاج لحد زي منى في حياته واجمل شئ في حياته بعده عنه عشان ميإذيهوش
“قد اهجرك وانا لا اريد سواك”
منى باقت بتعيط وجريت على ابوها تحضنه
يامن /الحقوه قبل ما يهرب
يامن/انت بخير
منى بعياط~لا.. مش بخير ابدا… عماد تعبان ومحتاج لحد يداويه انتو مش قادرين تفهموه
عم منعم اخدها العربيه وبيحاول يهديها ~خلاص يا حبيبتي كابوس عماد دا انزاح من علينا
منى بعياط وقالت في سرها/كان اجمل حلم بالنسبالي
يامن فضل مع العساكر قلبوا عليه المكان وهو مظهرش خالص
/مش موجود خالص يا باشا قلبنا عليه المكان كله فص ملح وداب
يامن بعصبيه/هرب تاني…. بس هنلاقيه والله للالقيه
ركب العربيه الي فيها عم منعم وبنته
عم منعم/ربنا يخليك يابني مننحرمش منكوا ابدا
منى~يا يامن بيه اسمعني… عماد مريض عنده ماضي مؤلم هو الي مخليه..
عم منعم زعق /اسكتي بقا يا منى متجيبيش سيرة البني ادم دا على لسانك
منى سكتت وباقت بتعيط في صمت ويامن حس انه لازم يسمعها لازم يعرف عماد عمل معاها اي وازاي مأذاهاش واتكلم معاها في اي
منى كانت باصه للأشجار وبتفتكر كل كلمه قالها وبتعيط اكتر
يامن/عم منعم شوفتلك شغلانه ووفرتلك مسكن قريب منها ليك انت وبنتك ومراتك ونقلنا كل ممتلكاتك الي في الاوضة بتاعت العمارة فيها
عم منعم ابتسم~اللهي يكرمك يابني مش عارف والله ارد جميلك دا بإيه انت وهشام بجد ربنا يكتر من امثالكوا…..
يامن/انت زي ابويا يا عم منعم ودا اقل شئ اقدمهولك جمايلك مغرقانا
يامن ودا عم منعم للمسكن وسعاد اول ماشافت بنتها جريت عليها حضنتها وباستها بحب /منى منى وحشتيني يا حبيبتي… انت كويسه
منى فضلت تعيط ومش بترد
وسعاد قلقت وبصت ليامن بخضة/هو عمل فيها حاجه..
منى/متقلقيش يا ماما انا كويسه
عم منعم~اهدي…البت بخير
يامن~اسيبك انا يا عم منعم…. ورانا مشوار تاني… خلي بالك من بنتك
عم منعم/في رعاية الله يابني
منى دخلت مع مامتها الشقة وكانت صغيرة على قدهم وسعاد ادت غيار لمنى وبتكلمها /متتصوريش اليوم كان وحش منغيرك ازاي… حسيت ان مفيش حس طلع رغيك الي كان قارفني كنت مشتقاله
منى ساكته وشاردة ومش مركزة في كلام امها
سعاد/بت يا منى… يا بت بكلمك
منى فاقت من شرودها وبصتلها بتوهان/نعم يا ماما
سعاد/نعم يا ماما؟ انا كنت بقول اي من شوية
منى بتعب/انا تعبانه اوي ومش مركزة سيبيني لوحدي
سعاد~طب قومي حطي نفسك تحت الدش واما تطلعي هتلاقي الاكل جاهز عملالك اكتر اكلة بتحبيها
حضنتها بشده/يااه يا منى مش متخيلة كنت وحشاني قد اي
منى دخلت الحمام ووقفت قدام المرايا وبصت على نفسها ودموعها نزلت عيطت بحرقة… هي بتعيط على فراقه ليه… هو يهمها… يا ترى فعلا هو يهمها؟
باقت واقفة تحت الدش بتفتكر كل لحظة وكل حديث ما بينهم ضحكته خوفه عياطه حديثة معاها فاكرة كل حاجه متقدرش تنسى ابدا
طلعت من الحمام وقعدت علسرير رمت نفسها عليه ودمعة نزلت من عينيها حطت ايديها على عينيها الاتنين/عماد مش بخير ولا هيكون بخير ياترى بتعمل اي دلوقتي وروحت فين يارب احفظه مهما كان فين
فضلت تعيط كتير لحد ما نامت
يامن دخل على اللواء سامح ووراه بناته
سامح اول ما شافهم اخدهم في حضنه /انتو كويسين
سلوى/لا يابابا الي اسمه عماد دا كان هيضر بنا عشان نسكت واتبهدلنا خالص كان مقعد معانا ناس بيعاملونا وحش وبيزعقوا طول الوقت
سامح اخد بنته في حضنه وطبطب عليها~متقلقوش يا حبايبي مفيش حاجه هتإذيكوا تاني طول مانا موجود
سامح وقف وبص ليامن وابتسم/مش عارف اقولك اي
يامن راح وحضنه وسامح عيونه دمعت~شكرا بجد انت مش متصور انا كنت عامل ازاي منغيرهم هما حياتي كلها
يامن/عارف ربنا يحميهوملك
سامح/افتكرت انك هتقبض على عماد
يامن بأسف/هرب تاني بس ساب منى ورجعناها لاهلها بس مسيره هيتجاب احنا هندور عليه بكافة الطرق مش هيعرف يسافر ولا يتحرك بهيئته هننزل صوره في الجرايد والتلفزيون الواد دا لازم يتجاب
سامح/عرفني لقيت حاجه عنه بخصوص الي اتكلمنا عليه
يامن~انا جبت الي وراه الي قدامه كله لقيت…..
قعدوا يتكلموا على عماد وهيجيبوه ازاي وقدموا بلاغ بفقدان مجرم وباقت عساكر بتدور عليه في كل حته
رجع يامن علمستشفى ولقا نورا وناهد
نورا بفرحه~يامن انت مسكت عماد فعلا
يامن بص لفرح بحزن~هرب تاني… بس هنلاقيه مش هيخرج برا البلد ولو فكر في دا هيتمسك
فرح/ومنى
يامن ابتسم/الحمد لله رجعناها لاهلها وبنات اللواء سامح برضو رجعناهم
ناهد~ربنا يباركلك يابني… ان شاء الله هتلاقوا عماد ونخلص بقا من شره
نورا /المهم ان فرح بخير… انا كلمت الدكتور وقال انها ممكن تطلع النهاردة عادي
يامن /بس هو قالي يومين علاقل
نورا/لا انا شوفت جرح ايديها هي الحمد لله مأذيتش نفسها اوي هتمشي علعلاج وهتبقى بخير مش مستاهلة مستشفى عاوزين نطلعها م المود دا يا يامن
يامن/عاوزين تروحوا فين طيب
ناهد/نقعد علبحر شويا ونشوف الغروب من هناك فرح جديدة هنا عاوزين نوريها جمال بلدنا ونمشيها في اسكندرية وبعدين انا بقالي كتير متفسحتش فرصة نخلي البت الغلبانة دي تضحك شوية
فرح ابتسمت /متتعبوش نفسكوا… بجد مش عاوزة اكلفكوا حاجه كفاية واخدين بالكوا مني ودافعين تكاليف المستشفى انت مخليني عندكوا واكله شاربه نايمه مش معقوله اتقل عليكوا اكتر من كدا
يامن ~اي الي بتقوليه دا… انت مش تقيلة ولا حاجه
نورا/انا قولتلك انك اصبحتي من العيلة خلاص
ناهد/فرح متزعلينيش منك… انا قولتلك انك زي بنتي
يامن ~ودي مش شفقة…. دا حب
كلهم بصوله باستغراب وناهد ابتسمتله بطريقة خلته يتحرج واتوتر وتهته في الكلام/ق.. قصدي كلنا يعني… نورا بتحبك… وبرضو عمتي ناهد حبتك اوي… انت بقيتي واحدة مننا… يعني متحسيش نفسك غريبه
نورا~قومي يلا مفيش وقت يدوبك نلحق
يامن/ انا هطلع برا اخلص كل اوراق خروجها تكونوا جهزتوا ونتقابل برا المستشفى
طلع يامن برا ونورا بصتلها وطلعت شنط من ايديها /يلا خدي وقوليلي رأيك
فرح فتحت الشنط باستغراب ولاقت فستان ازرق جميل اوي وتفاصيله هادية ورقيق جدا
فرح/اي دا… يابنتي ا….
نورا/هووش مسمعش حاجه… يلا قومي البسيه ودي جزمة جميله عليه… حابه اهديكي حاجه بمناسبه طلوعك م المستشفى بخير ورجوعك في وسطنا من تاني
فرح حضنتها وعينيها دمعت~بقالي كتير محستش بالاخت وحسيته معاكي بجد شكرا يا نورا على كل حاجه
نورا بابتسامه/انت بقيت اختي فعلا
ناهد~يلا متحمسه اشوفه عليكي اوي
فرح دخلت ولبست الفستان الي كان حلو عليها اوي وطلعتلهم وكلهم اتفاجئوا من جمالها
ناهد~ذوقك حلو يابت يا نورا وهو جميل اوي عليها هي الي محلياه
نورا /فاضل بص حاجات بسيطة
راحت فكيتلها شعرها ونزلت القصة بتاعتها الي على اول مناخيرها ولميتلها شوية من قدام لورا بتوكة مشبك فراشة صغيرة وسيبت الباقي/حقيقي اللهم بارك…. اي الجمال دا يا فرح
ناهد بصوت واطي/ليه حق الواد يقع على بوزو
نورا بصتلها وبرقت ورجعت بصت لفرح الي مسمعتهاش اوي وكانت مبتسمه
اه مكنتش حاطه حاجه في وشها بسبب الجر وح الي فيه بس ملامحها كانت طبيعيه وحلوة رموشها تقيله وخدودها محمرين وكمان شفايفها كانت اشبه بالاميرات وبأقل التفاصيل…
نورا/يلا ننزل زمان يامن واقف مستني
نزلت هي وناهد وفرح ويامن لسه بيبص عليهم لقا فرح بالفستان تنح ونفسه وقف عيونه متشالتش من عليها هي حلوة للدرجادي!… بمجرد ما لبست فستان وفكت شعرها تعمل فيه كدا.. تشقلب كيانه بالشكل دا! حاسس انه مش في وعية رقيقة اوي وجميلة اوي شعرها الاسود الي طاير مع الهوا وكسوفها من نظرته ليها فستانها الي مرفرف ومخلي منظرها يهبل
ناهد ضحكت من قلبها/يا حبيبي.. دا الواد اتهبل خالص
نورا حطت ايديها على بوقها وماسكة الضحكة
فرح اتكسفت جدا وحاسه انه هياكلها بعينيه
نورا~يااامن…. يا ياااامن
يامن فاق من شروده
ناهد~اي للدرجادي حلوة
يامن ابتسملها بتوهان~الصراحة ايوة وخصوصا فستانها لانه….
ناهد~ايوة عارفين انه لونك المفضل
يامن/مكنتش اعرف ان اللون حلو اوي طلع اجمل بكتير مما تخيلت
نورا بابتسامه/اللون برضو
فرح خدودها احمروا من كتر الكسوف وبصتلهم بتوتر~طب يلا
يامن فتحلهم الباب وناهد ونورا قعدوا ورا
فرح/ممكن نورا تقعد قدام وانا اقعد ورا مع طنط ناهد
ناهد~لا انا عاوزة نورا في كلمتين وهتكلم معاها خليكي انت قدام مع يامن
يامن ابتسم وفتحلها باب العربيه واتقابلت عينيهم في نظره طويلة محدش فيهم فاهمها ضربات قلبهم متسارعة ويامن بيدقق في ملامحها وحاسس انه مش طبيعي… جمالها قصر فيه للدرجادي! بص لشفايفها الي كانت ورديه وناعمه وعندها شامه فوقيها بلع ريقة وبقا عينيه على شفايفها وقرب منها و………
فرح وطت وركبت العربيه وحاولت تاخد نفسها بالعافيه
يامن عض شفايفه وقال جواه/كنت بتفكر في اي يا يامن.. اي مالك اظبط كدا… دا لسه اليوم طويل
ركب العربيه وناهد ونورا ورا بيدردشوا ويامن شارد هو وفرح في شعورهم لبعض المفاجئ الي ظهر من كام يوم معرفه بس
وهما ماشين بالعربيه بازوكه ضربت في السما (صواريخ افراح) فرح بصتله وابتسمت ويامن لاحظ دا وقال /بتحبيهم
فرح ابتسمت وهي باصه للسما/جدا مش متخيل انا بحبهم قد اي وانا صعيرة كنت دايما اتفرج عليهم ومازلت ببتسم وبفرح وانا شايفاهم
نورا /بمناسبه اننا رايحين علبحر اي الحاجات الي بتحبي تعمليها وانت علبحر
فرح ابتسمت واتكلمت/ولو اني ليا ذكريات مش لطيفة في البحر بس كنت دايما احب اجري علشط والهوا يدخل جوا جسمي… كنت بحب اكل زلابيه مع اهلي واخواتي ونقعد نضحك ونهزر سوا وكوباية القهوة مع ريحة البحر وضرب الهوا في وشي .. عالم تاني بتعيشه لحظات صغيرة بيكونوا اجمل لحظات والله
يامن /انا بقا احب اتمشي قدام البحر واسمع اغاني واجمع الصدف بحب اشكالهم جدا
نورا/وانا بحب اقعد قدام البحر بتكلم كتير معاه وارمي طوب صغير والموجه تيجي عليا
ناهد/انا بحب اقعد بسندوتش البانيه قدام البحر ابل رجلي واراقب العيال طول الوقت واجيب فريسكا واكل فيها والموجه بتضرب في رجلي من تحت يختااااي غرام البحر دا والله
كلهم ضحكوا وهزروا
وصلوا للكورنيش وقعدوا عليه شوية ويامن قام يجيبلهم ترمس
وفرح واقفة علسور غمضت عينيها والهوا بيطفي كل جروحها القديمة
يامن جاب الترمس وادا لكل واحد فيهم ووقف جمب فرح /بتحبي تركبي عجل
فرح ضحكت/دا حياتي كلها مع العجل… بحبه جدا كنت انا ومنال…
سكتت ومكملتش ويامن استغرب~منال مين
فرح/منال تبقى…
نورا/الله بازوكة
فرح بصت لفوق وكانت المفاجأة لما لاقت صواريخ افراح كتيرة في السما واشكال قلب ونجوم ملت السما وباقت فرح بتبتسم وفرحانه من كل قلبها اتنطط من السعادة زي الاطفال ويامن بصلها بنظرة حب هو حابب يشوفها كدا ايوة هو الي جاب الصواريخ دي واتفق مع ناس تفرقهم في السما بقا بيبصلها وهو مبتسم و مبسوط لفرحتها دي
نورا بصت لاخوها الي كانت اول مره تشوفه كدا…. حقيقي فرح قدرت تمتلك قلبه للدرجة دي للدرجادي بيحاول يسعدها هل هي تهمه ولا مجرد شفقة على بنت لا لا نظرته ليها دي متدلش على شفقة ابدا
ناهد قربت من نورا وهمست في ودنها/اخوكي الي متفق على الصواريخ دي لما اقولك بيحبها وعاوز يسعدها باي طريقة ابقي صدقيني
نورا بصتلها ورجعت بصت لاخوها/انا عمري ما شوفته كدا
ناهد/هو دا الحب… الحب انك تسعد بني ادم انك تفرح اما تشوفه فرحان وتحاول تخلي ابتسامته دايمه ودا الي مطبقه اخوكي مفيش دقايق كان لسا سامع انها بتحب صواريخ الافراح وراح جبهالهارومانسية
اكتشاف المزيد
برامج معالجة النصوص
قصص قصيرة
دورات في اللغة العربية
رواية جريمة عشق
ترجمة القصص والروايات
فرح بصتله وضحكت من كل قلبها وهو باصصلها وشارد رجعت تبص للسما بس بصتله تاني اما لاحظت نظرته ليها ضربات قلبها تسارعت ويامن مبتسم وباصصلها حاسس انه طاير من فرحتها دي فرح ابتسمتله بخجل ورجعت تبص للسما بفرحة
عند منى
منى كانت نايمه ومامتها بتصحيها
سعاد/قومي يا حبيبتي… عشان تاكلي
منى لفت وشها وحضنت مخدتها تاني /مش عايزة اكل يا ماما سيبيني لو سمحتي مش قادره عاوزة انام
سعاد/تلاقيكي منمتيش كويس يا قلب امك طيب ماشي هسيبك تريحي شوية
طلع برا ومنى دفست وشها في المخده بتحاول تنام عشان تهرب تهرب من تفكيرها تجاه عماد طول الوقت
يامن وفرح وناهد ونورا بقوا بيتفسحوا في كل مكان مشهور في اسكندريه وفرح اتبسطط اوي معاهم وباقت
فرح~بجد انا حاسه اني اول مره افرح من سنين قد اي البلد جميله وناسها اجمل…
نورا/حقيقي اليوم احلو بيكي…
ناهد~انت طلعتي مرحة زينا.. مش زي الكئيب دا
يامن /الاه… منا مبسوط معاكوا اهو
ناهد بصت لفرح/والله العظيم خرج معانا بس عشانك واتفسح معانا عشان انت موجودة لكن نيجي نقوله تعالى نخرج يقول لا شغلي مش عارف اي وميحبش يخرج يقولي بيتي اولى بيا طب ناكل النهاردة من برا كلوا انتو انا مباكلش غير اكل صحي لحد ما قرفنا
فرح ضحكت من قلبها ويامن بصلها/بتضحكي.. يعني مصدقاهم
فرح بضحك/هكدب اهلك الي معاشرينك بقالهم سنين
يامن/طب على فكرة بقا انا بخرج معاكوا عادي بس ببقى مشغول
نورا/ويوم الجمعة برضو بتبقى مشغول
يامن /يوم الجمعة دا بيقى يوم الاسترخاء بالنسبالي برجع من صلاة الجمعة مغسول اقرأ اعمل تمارين انام بريح فيه من مجهود الاسبوع
فرح~حتى يوم الجمعة
ناهد/اهو الي بيقولك بخرج عادي هو خارج النهاردة زي ما بقولك اهو خارج عشانك…
فرح ابتسمت/كفاية انه معطل نفسه النهاردة عن شغله عشان يخرجني م المود الي انا فيه ليك الخير والله يا يامن
يامن/كلنا بقالنا تلت ايام في توتر كنامحتاجين نشم هوا ونخرج م الي كنا فيه
نورا/في عجل اهو.. انا واحشني اوي سواقة العجل يا يامن
يامن~بلاش بتخسري
فرح بفرحة~بتعرفي تسوقي عجل انت كمان
نورا/ايوا يامن الي معلمني تعالوا نتسابق
يامن /معنديش مانع هروح اجيب تلت عجلات
فرح بصت لناهد
ناهد ضحكت/لا لا مش بعرف انا كذا مرة اتدلق على بوزي وبعدين العضمة كبرت
كلهم ضحكوا ويامن راح جاب عجل وباقوا بيتسابقوا واصوات ضحكهم عالية هما التلاته وفرح كانت ماهرة في سواقة العجل وسبقت نورا وهي ويامن باقوا جمب بعض بالعجل
يامن/هتخسري…. بلاش تنافسيني انا
فرح بابتسامه~هنشوف
سرعت جامد وسبقت يامن فعلا ويامن بصلها وابتسم /طلعتي مش ساهلة
فرح بضحك~قولتلك… العجل بالذات عشقي اصلا ومحدش يغلبني فيه
قعدوا يتمشوا علكورنيش لحد ما النهار مشي والشمس ابتدت تمشي
نورا /يلا نحضر الغروب من هناك حلو اوي
راحوا عند البحر وبقوا بيتفرجوا علغروب واجواء جميلة خلت فرح تشعر بالعيلة وضحك وهزار
يامن كلم نورا على جمب
يامن~روحي انت وفرح هاتوا زلابيه لينا كلنا
نورا~اشمعن زلابيه
يامن/عشان هي بتحبها عاوزين نخليها تفرح على قد ما تقدر النهاردة ونعمل كل الي نفسها فيه قالت في العربيه انها بتحب تاكل الزلابيه علبحر
نورا بصتله كتير ويامن استغرب /في اي يابت متنحه ليه كده
نورا ابتسمت~عشان شايفة يامن جديد اول مرة اشوفه مهتم ببنت للدرجة دي مهتم تبسطها وتخليها فرحانه علطول …
يامن هرش في شعره وضحك/هي مرت بظروف صعبه مفيهاش حاجه لو اتبسطط يوم وعملت في كل الي نفسها فيه اديكي شايفة حالتها عامله ازاي وبعدين انا برسم البسمه على وجه مسلم حسنات برضو
نورا بذهول وبتضحك/ياراااجل
يامن ضحك وبعد عنها وقعد جمب عمته ونورا نادت على فرح وراحت معاها يجيبوا زلابيه
يامن/صوت بحر اسكندرية بينسيني دنيتي والله
ناهد/معاك حق الواحد محتاج يجي هنا كل يوم يجدد نشاطه
يامن قام وقلع الجاكت والسويت شيرت الي تحتيه
ناهد~بتعمل اي يا واد
يامن/هنزل اخدلي غطس وطالع
ناهد/نهارك اسود انت مش شايف الجو عامل ازاي
يامن /الجو دافي النهاردة مش ساقعة اوي والمايه دافية بردو انت عارفاني مش بقدر اشوف البحر قدامي واقعد ساكت
ناهد ضحكت~زي ابوك الله يرحمه.. متبعدش طيب
يامن راح ونزل البحر وبقا بيعوم وكإن بحر بلده كفيل انه يمحي كل قلقه ويشيل الضغوطات من عليه يدوبها
فرح رجعت وماسكة طبق في زلابيه وكانت عينيها بتدور على حد
ناهد/مش موجود
فرح بتوتر~هو مين
ناهد ابتسمت/الي بتدوري عليه
فرح احرجت وسكتت وقعدت علكرسي نورا بصت علأرض لاقت جزمة يامن والسويت شيرت بتاعه وفهمت انه نزل لانها متعودة انهم لما بيروحوا البحر ايا كان الجو اي لازم يامن ينزل
بعد شوية نورا بصت لعمتها /ما تشوفي يامن كده راح فين بعد ولا اي عيني مش جايباه خالص
ناهد/ولا انا الموج عالي ومش شايفاه
فرح بلعت ريقها وقامت من مكانها مفزوعة/موج؟… هو يامن!
نورا/نزل ياخد غطس بيحب المايه الساقعة في الجو دا وخصوصا ماية اسكندرية بتغسله من جواه كده….
فرح صرخت بأعلى صوتها وبتجري علميه/يااااامن… ياااامن
ناهد بذهول/يالهوي دي داخله تدور عليه…. يابنتي دا ظابط…. متعلم السباحة على كفاءة مش هيغرق
فرح بسرعة نزلت المايه وبتصرخ بأعلى صوتها~ياااامن
دموعها نزلت وباقت بتعيط جامد وبتنادي عليه/يااااامن…. يارب لا يارب لا هو بخير… ياااامن
باقت بتدور عليه بجنون وبتصرخ وتعيط /يا ياااامن… انت فين… ياااامن
لمحته نايم على بطنه وجسمه مرفوع علميا ووشه تحت المايه قلبها وقف للحظات من كتر الرعب مش مستوعبه انه ممكن يحصل تاني الموقف دا معاها ومره واحدة جريت ناحيته وبعياط وصريخ~ياااامن… مش هتموت انت كمان… قوووم.. يااااامن
في مكان تاني طريق نوره خافت ماشي باصص للأرض وحاطط ايديه في جيبه
عماد بتوهان وبيتكلم مع نفسه/سيبتها عشان متتإذيش بسببي كانت جميلة… ورقيقة عينيها كانت ساحرة… كانت سحراني بعينيها الحلوين.. لا يا عماد هي مش ليك.. ولا انت ليها.. انت عاوز تحب وتتجرح زي المره الي فاتت
دموع اتملت في عينيه /كنت حبيت سارة من كل قلبي بس خانتني… خانتني زي ما مرات ابويا عملت مع بابا.. كلهم ميستحقوش…. سبق وحاولت انسى واحب واتجرحت جامد اوي… سارة اكتر واحدة اذتني…. بس منى طيبه… مش هتعمل زي سارة ابدا… لااا… كلهم بيبقوا كدا في الاول… كلهم هيجرحوني
بص للسما وهو بيتكلم ودموعة نزلت/مفيش غيرها الي كانت بتهديني… ماما… انت فين يا ماما… سيبتيني ليه… انا تعبت اوي منغيرك… سيبتيني في الدنيا دي ومشيتي ليه كنت اخدتيني معاكي… وحشتيني اوي ووحشني حضنك
وبص بعيد لقا مامته ايوة هيه مامته ظهرت اهي كانت فيروز مامت عماد واقفة مبتسمه وفتحاله ايديها
عماد جري بكل طفوله حضنها /ماما… وحشتيني اوي… كنت فين كل الفترة دي… انا عاوزك جمبي… مش عاوز ابعد عنك تاني متسيبينيش يا ماما تاني ونبي ما تسيبني
فيروز عيطت وهو في حضنها ومبتسمه/وانت يا حبيبي وحشتني اوي…. مش هسيبك انا دايما معاك
عماد عيط بكل قهرة جواه
اتنين شباب كانوا ماشيين في نفس الشارع الي فيه عماد
/دا عبيط دا ولا اي
/حاضن نفسه وبيعيط…؟
/اكيد تعبان ومريض نفسي
/لا لا امشي امشي منعرفش شارب اي تلاقيها حتة من امو متين
/حرام عليك… دا بيعيط بحرقة تعالى
عماد فعلا كان حاضن نفسه وبيعيط وساند راسه على كتفه هو عاوز حد يحضنه محتاج لحد يحس بيه زي ما مامته كانت بتعمل
النور الوحيد الي كان شغال في الشارع اللمبه بتعته كانت بتقيد وتطفي لحد ما طفت خالص عماد صرخ وقعد علأرض يصرخ ويترعش من كتر الخوف /ضلمة ضلمة… مش عارف اتنفس افتحولي.. ضلمة
الشابين جريوا عليه وعماد بقا بيصرخ بصوت عالي/حد يطلعني… مبحبش الضلمة…. ااااااااه…. افتحوا… ضلمة
عماد فقد الوعي
الشاب/يالهوي دا اغم عليه
الشاب التاني/تعالى نشيله الظاهر حالته صعبه وعنده فوبيا من حاجه باين
الشاب الاول/انا مش مرتاحله
الشاب التاني/بس مينفعش نسيبه ونمشي وهو ف الحالة دي يلا شيلوا معايا
شالوه فعلا واخدوه معاهم لبيتهم
منى صحيت من النوم مفزوعة وبتنادي عليه/عماد.. انت فين
بصت حواليها وافتكرت وقامت بحزن غسلت وشها وطلعت برا اوضتها
عم منعم/منى حبيبتي.. كويسة دلوقتي
سعاد/هقوم اعملك الاكل اسخنهولك
منى /اه يا ماما انا جعت اوي
قعدت تاكل على الطبلية وبتفكر في عماد
عم منعم/صحابك جابولك المراجعة بتاعت درس الانجليزي النهاردة
منى ~ كتر خيرهم معرفتش اروحها النهاردة هخلص اكل واطلع اذاكر
عم منعم/مالك يا منى… حاسك مش مظبوطة
منى بتعب ~ايوة يا بابا انا تعبانه شوية مصدعة هاخد برشام وابقى كويسة
دخلت اوضتها فوق عشان تذاكر وسعاد دخلت وراها وقفلت الباب ~مانا لازم افهم مالك… احكي دنا امك
منى جريت في حضنها وسعاد اتصدمت وطبطبت عليها ~اهدي يا قلب امك اهدي… قوليلي الي حصلك… الراجل دا عمل فيكي حاجه وزعلانه منها
منى بعياط~لا… عماد صعبان عليا اوي وحاسه انه مظلوم
سعاد بعدتها عنها قالتلها بذهول/مظلوم ازاي… وهو الي عمله في فرح هانم دا يبقى مظلوم برضو
منى/اسمعي يا ماما هو واجه ماضي وحش مخليه كده… عماد مريض نفسي ولو اتمسك هيبهدلوه وهو اصلا مريض حالته صعبه اوي يا ماما لازم تفهمي يامن بيه قبل ما يلاقوه ويحطوه في الس جن منغير ما يعرفوا عنه حاجه… عارفة انه لازم برضو يتعاقب… بس المريض النفسي عقوبته بتتعافى لانه بيعمل كدا بلا وعي للانتقام وبس يا ماما مشوفتيش بيعيط ازاي ولا موجوع ازاي من كل الي حواليه اتعذب في صغره كتير عماد محتاج لحد يسمعه يحس بلي جواه
سعاد اتصدمت من كلام منى /ااي الي بتقوليه دا يعني الواد مريض وعيان
منى/مش عيان هو بيعاني من اضطراب نفسي ولازمله دكتور نفسي يشخص حالته ارجوكي يا ماما ساعديني اتكلم مع يامن بيه افهمه حالت عماد انا مش هعرف اكلمه بدون موافقة بابا حاولي تتكلمي معاه لانه مش متقبل مني اي كلمه تجاه عماد ارجوكي يا ماما
سعاد اخدتها في حضنها بخوف/بس يا قلب امك اهدي… هقوله حاضر اهدي انت بس….. انت عندك امتحان بعد بكرة هتروحي بحالتك دي ازاي… اهدي يا منى شوية لو مش قادرة تذاكري متذاكريش اقري شوية قرآن وسبحي شوية يمكن قلبك يهدأ من كتر التفكير
سابتها ونزلت
يامن حس بحركة في الماية فقام واتعدل وفرح اول ما شافته جريت عليه وهي منهارة م العياط
يامن مسكها من ايديها الاتنين وبصلها بخضه/في اي!! انت كويسة… اهدي
فرح ضربته في صدره/انت ازاي تدخل لجوا كده افرد جرالك حاجه… انا افتكرتك
يامن بصلها في عيونها وحس بلي جواها لانه سبق وحس قبل كده بنفس الشعور اما هربت
فرح سكتت وحضنته جامد وهما في وسط البحر فرح متشبته في رقبته وبتعيط/انت مينفعش يجرالك حاجه انا مش هستحمل اخسر حد تاني بنفس الطريقة…. مش هستحمل ابدا
يامن مستغرب من خوفها وقلقها بس حاول يهديها ومسح بايده على شعرها /انا كويس متقلقيش
يامن /تعالي نطلع لحسن تبردي
طلعت معاه علشط ونورا وناهد جريوا عليهم
ناهد/يابنتي انت تعبانه كده هيجيلك برد
فرح كانت بتترعش ويامن اخد الجاكت بتاعه حطه عليها ولبس هو السويت شيرت بتاعه
نورا بخوف بصت ليامن/هي بتعيط ليه
يامن/مش عارف…
قعد فرح علكرسي ومسك ايديها بقا بيفركهم عشان يدفوا /اهدي… انا بخير… اي الي حصل لكل دا خفتي بالشكل دا ليه
فرح بعياط/عشان خوفت يحصل معايا نفس الي حصل قبل كده مع اختي
ناهد~اختك مين
يامن استوعب وحب يستفسر~منال قصدك منال تبقى اختك
فرح بعياط/ايوة… منال اختي ماتت بسببي ودا الي مخلي بابا كارهني
*.. يتبع ..*
> *تـفاعل حـلو منڪ بيشجعنا انه نڪمل♥🌹*