الفصل 2
*•~💗~ يـوم زفـافي~💗~•*
*الجزء4✿︎*
*الجزء5✿︎*
*الجزء6✿︎*
تابع قناه عشاق الروايات📚📙🇸🇩 كتابات مذكرات ملخصات انمي Pov سكسشينات حزن نکت ثانوية ملصقات في واتساب: https://whatsapp.com/channel/0029VaG4kKrKQuJKW4U8383w
•_______🎀•🎀_______•
ناهد بعياط/هر بت…. اول ما صحيت قولت اعملها لقمه فتحت الباب ونزلت يا يامن… انا آسفة والله انا……
يامن بصدمة/ايييي! هربت ازااي؟؟
ناهد /ااما صحيت قعدت اكلمها شوية وبحاول اطمنها وقولتلها انك هتقدر تحميها وهتفديها بروحك لان دا واجبك وهي متكلمتش نهائي فضلت ساكته فقولتلها انا قايمة اعملك حاجه تاكليها ودخلت المطبخ يدوب احضر الاكل ولسه داخله عليها بالصنيه ملقتهاش…..
يامن بعصبية/ازاي ملقتهاش… ازاااي ملقتهاش…راحت فين يعنييي طب سلام يا عمتو
قفل السكة/ادور عليكي فين دلوقت…. ليه يا فرح مصرة تعذ بيني معاكي….
طلع بالعربيه وبقا مش عارف يسأل عليها هو ولا معاه صورة ليها ولا اي حاجه وبعدين هيلف اسكندرية كلها يدور على واحدة اسمها فرح!…. دور كتير اوي ملقهاش… معقوله خلاص كده… مش هيشوفها تاني…. طب ظهرت ليه في حياته في الاول مادام هتهر ب… لا وانا الي رايح ادورلها على حقها
اللوا سامح بعتله رسالة /قولت انك لقيت دليل عن عن فه للبنت
*يامن بعد ما اخد الفلاشه من عم منعم بعت رسالة لسامح علطول انه معاه دليل
يامن رد عليه بسرعة/فلاشه فيها تسجيل لكاميرة محطوطة في شقته هي معايا دلوقتي
سامح/طب ومستني ايه…. تعالى مكتبي انا مستنيك متروحش القسم تعالى على مكتبي
*اللوا سامح ليه مكتبه الخاص
يامن فعلا راح لمكتب سامح
سامح/ها بقا قولي تشرب اي
يامن بتعب/ولا حاجه والله… دماغي مشغولة بميت حاجه…..
سامح~يبقى نطلبلنا اتنين قهوة
سامح باهتمام/فين الفلاشه
يامن قدمهاله علمكتب/اهي
سامح بسرعة اخدها وحطها في اللاب /قولتلي زفه العروسه كانت الساعة كام
يامن/جم متأخر كانت على 12 او 11 ونص مش فاكر
سامح فتح تسجيل الساعة الي قالها يامن وفعلا لقا تسجيل الكاميرا وقتها بقا قاعد مركز ويامن شد كرسي وقعد جمبه وباقوا متابعين الي حصلها بتركيز
يامن كان مركز مع تصرفات فرح… وعجبه قوتها… عجبه دفاعها عن نفسها لاخر نفس بس بعد وقت الدموع رغرغت في عينه وهو شايفها بيجرها علأرض وضهرها بينز ف وعماد قاعد فوقيها عمال يضر ب فيها جمد على ايديه وقلبه وجعه عليها اوي وقال بزعيق ووجع في نبرة صوته/بص الحيوان
سامح /خليك قوي… مينفتش نضعف اما نشوف المشاهد دي… لازم نركن العاطفة عشان نعرف نفكر كويس الا بقا لو هي كانت تهمك؟
يامن بصله وللحظة استوعب كلمته تهمه؟ هي فعلا تهمه؟ يامن رجع بص للاب وبلع ريقه وهو بيكمل احداث التسجيل بالعافيه وفي مشاهد كان بيغمض عينه فيها زي مشهد اما عماد عن بيعور فرح بالازازة في جسمها
سامح بص ليامن وهو باصص للاب حاسس ان الحكاية مش هتخلص بسرعة ابدا… دا الحكاية لسه بتبتدي!
خلص التسجيل ويامن رجع شعره لورا نفسه يقوم يجيب عماد تحت رجله ويعرفه ازاي يستقوى على بنت…..
سامح/بكرة الصبح تجيبلي البنت… عاوز اخد اقوالها على المتهم
يامن /بس المشكله ان البنت….
سامح/مالها
يامن/هر بت
سامح بذهول/هر بت!… طب هر بت ليه؟
يامن/مش عارف مش عارف للأسف… مش عارف ادور عليها فين
سامح/اتصرف
يامن بضعف/اتصرف ازاي بس هدور عليها في محافظة كامله!
سامح/مش هينفع تاخد عساكر ولا تقدم بلاغ بفقدانها طب ما تحاول تكلم اصحابك…. ومحدش فيهم هيتهمك.. او هيبلغ عنك
يامن دخلت في دماغه الفكرة وعجبته وفعلا كلم اصحابه يقابلهم
ابراهيم/يعني البنت هر بت وعاوزنا ندور معاك عليها؟
يامن/ايوة
عيسى/مانت مش راضي تفهمنا من ساعتها مين دي
سعيد/تطلع مين واسمها اي عرفنا اي حاجه عنها عشان نقدر ندور ونلاقيها بإذن الله
يامن /ماشي… اسمها فرح
عيسى/فرح اي
يامن/معرفش فرح اي… هيه في كلية علوم هنا في اسكندرية
ابراهيم/ليها مواصفات محددة
يامن/ليها بس انا مش عارف هل نزلت بالنقاب ولا قلعته
عيسى/هي منقبه!
يامن بزهق/لا بس وديتها عند عمتي بالنقاب عشان محدش يشوفها معايا وخصوصا الجرو ح الي في وشها هيتشك فيا
سعيد/طب اتصل بعمتك…استفسر منها اذا كانت نزلت بالنقاب ولا قلعته
يامن اتصل بعمته
ناهد/اي يابني
يامن/عاوز استفسر عن حاجه الاوضة الي كانت قاعدة فيها فرح موجود فيها عباية ونقاب ولا مش موجودين
ناهد/لا انا قلعتهولها عشان تعرف تاكل ونقعد مرتاحة فضلت بالسويت شيرت والبنطلون الي كنت جايبهم بيها من عندك
يامن قفل مع ناهد وبصلهم /لا مش بالنقاب
كلهم قالوا الحمد لله
عيسى/قول بقا على مواصفاتها لابسه اي شعرها لونه اي… عينيها لون بشرتها كل حاجه
يامن اتضايق من كلام عيسى… هو مش عارف اتضايق ليه بس اتضايق انه عايز يعرف مواصفات عنها… طب لييييه… ميعرفش
يامن بانقضاب/لابسه سويت شيرت لونه بنفسجي وبنطلون لونه رمادي
عيسى/ها كمل
يامن بغضب/اكمل اي….
عيسى اتفاجئ من انفعاله/في اي؟ عاوز اعرف مواصفاتها عشان نسأل عليها
ابراهيم~يامن ساعدنا… احنا مش هنخطبها يعني
يامن سرح شوية وحاول يتذكر ملامحها وابتسم وهو بيتكلم /قصيرة شوية…. وشعرها لونه اسود ناعم وطويل…. وعينيها… عينيها سودة… ورموشها تقيلة.. عندها حسنة في خدها اليمين… وبشرتها بيضة… وشفايفها…..
بصلهم وقال بغضب/انتو مالكو ركزتوا كده ليه….
سعيد ضحك/اصلك سرحت يا باشا
عيسى/كمل ها وشفايفها…..
مثل توهان يامن وهو بيقولها
يامن ضربه في صدره
عيسى ضحك وكلهم ضحكوا
يامن/هي لسه جديدة علبلد ومش هتبعد اوي ممكن تبقى في المحيط دا متبعدش عنه ندور فيه وان شاء الله خير انتشروا في كل حته يدوروا فيها مسابوش ولا حتة في اسكندريه
عيسى رن على يامن وهو في مكان بيدور عليها /انت اقرب للبحر دور هناك وعلشواطئ وانا هطلع علاسواق ادور
يامن قفل معاه ومسك حته حته يسأل عليها.
يامن/لو سمحت ملقتش بنت بسويت شيرت بنفسجي وبنطلون رمادي شعرها اسود طويل قريبه من هنا او عدت من هنا
*اعتقد الي هناك دي بقالها كتير واقفة قدام البحر متحركتش وبنفس مواصفات الي بتقول عليها
يامن قلبه دق بسرعة وبص ناحيه ما بيشاور معرفش يوضح الصورة اوي لانها بعيدة قرب من الصخور لحد ما شافها ابتسم وقلبه دق بسرعة
فرح بتمشي وبتطوح اتكعبلت في الصخور وكانت هتقع
يامن بسرعة جري بخوف ولهفه /فرحححح
جري عليها وفرح بصتله بتوهان واستسلمت ولسه هتقع كان يامن لاحقها وشايلها من علأرض والموجه خبطت في الصخور تحت ضوء القمر ويامن حاضنها كان منظرهم تحفه يامن حضنها جامد اوي لو هاين عليه يدخلها بين ضلوعه كان عمل كده
فرح غرست راسها جواه ومسكت في الجاكت بتاعه جامد بايديها
فرح مش فاهمه هي ليه بترتاح اما بيقرب منها ليه بتحس بالأمان اما بيضمها
“اريد منك عناق يكسر ضلوعي، إن كان لي وطن فحضنك موطني، في دفئ حضنك يطمئن قلبي، ضمني على صدرك كي تهدأ روحي”
اما يامن كان في حالة لا يغنى عنها تماما مغمض عينه وبياخد نفسه بصعوبه زي الي كان جعان ومرة واحدة شبع بيتنفسها هي بيتنفس ريحتها ضاممها اوي ومرة واحدة سمع تأوه منها لانه شادد على ضهرها الي واجعها
يامن بعد مرة واحد وقال بلهفه وزعيق/اي الي عملتيه دا.. ازاي تمشي وانت في الحالة دي… انت عارفه اني بدور عليكي طول الليل لفيت اسكندرية كلها عليكي… فكرت انك….
سكت وحط ايديه على بوقه وبص لفوق وكمل بخوف مسكها من دراعاتها جامد /عارفه اي الي حصلي…عارفة قد اي خفت عليكي…فكرت حصلك حاجه
مسك وشها بإيديه الاتنين وقال بلهفه وشوق جواه/اي الي كان جرالي لو كان حصلك حاجه….كنت هخسركك….
فرح بزعيق بعدت ايده عنها/انت بتزعق كده ليه….انا مطلبتش منك تعمل كل دا…مطلبتش منك تدور عليا في اسكندرية كلها…وياسيدي شكرا…استغنيت عن خدماتك…انا بس كنت محتاجه اي حته استخبى فيها منه يوميها…وانا هعرف اعيش حياتي…هبعد عنهم وهبدأ حياتي مع نفسي…ابعد انت عني يا حضرة الظابط…وبلاش تقدم تضحيات عشان واحدة متعرفش عنها حاجه غير انها بس كانت متعرضة للعنف….انا مبطلبش مساعدة من حد انا بعرف اساعد نفسي كويس….هو بس ليلتها لاني كنت مجبورة…لكن انا طول عمري واقفه على رجلي لوحدي..ولو هاخد حقي انا الي هاخده مش هستنى حد ياخدهولي ويبقى ليه فضل عليا…روح كمل حياتك يا حضرة الظابط…وسيبني انا هكمل حياتي لوحدي منغير مساعدة حد
خلصت كلامها ومشيت من قدامه
يامن جري وراها بعصبيه وشدها من دراعها/انت مش شايفة حالتك…مينفعش تمشي وانت كدا سبق ونورا قالتلك امشي اما تتحسني انت معرضة للخط ر من البني ادم دا ممكن يمو تك…
فرح كملت زعيق على زعيقه/حتى لو مت ولا جرالي حاجه…انت مالك بيا
يامن بعصبيه/يعني اي انا مالي بيكي!
فرح بغيظ~ايوة…انا بعنيلك اي عشان تعمل عشاني كل دا بهمك في اي كنت من بقيت اهلك
يامن/انت……
سكت لانه مش عارف فعلا هي اي…هي تعنيله اي…ليه خاف عليها بالشكل دا لي زعق بالجنون دا
فرح/انا اي؟….اقولك انا.. انا مجرد بنت بتشفق عليها عشان ياحرام بتتضر ب ولازم تبان الظابط الشجاع الي بيدافع عن البنت واخدلها حقها…اسفة انا مبحبش حد يدافع عني او يشفق عليا مطلبتش مساعدة منك ولا هطلب…سيبني انا هعرف امشي حالي…وابعد عني..اديني حذرت ابعد عني يا حضرة الظابط بلاش تخليني استعمل معاك……..
مكملتش جملتها ولاقت يامن شالها زي العيل الصغير وماشي بيها
فرح عماله تضربه على ضهره /سيبني…اي الي بتعمله دا…سيبني انت بتخط فني يعني
يامن/اه يا فرح بخط فك…سميها زي ما تسميها…انا مش هسيبك ودا الي عندي
فرح/يااخي انا مطلبتش….
يامن /انا غتت
وهو ماشي الناس باقت بتبصلهم وفي الي مستغرب وفي الي بيضحك
*واخدها على فين يا جميل.. استنى هنا
يامن~انا ظابط… ودي تبقى مراتي وتايهه عني
الراجل خاف ورجع لورا والناس تجاهلت وقالت مشاكل عائليه
فرح بسرعة/انا مش مراته… سيبني… والله ما مراته حد ينجدني م البني ادم دا
اخدها العربيه وصحابه كانوا وافقين هناك وفطسوا على نفسهم ضحك وهما شايفنهم بالمنظر دا
فرح/انتو مين
ابراهيم~دوختينا عليكي يا شيخه
سعيد/الحمد لله انك بخير
يامن حط فرح في العربيه
وفرح بصت للشباب من الشباك/يا شباب حد يقول للمتخلف دا يسيبني انا مطلبتش من حد مساعدة…انا هعرف ا…..
يامن قفل ازاز شباك العربيه وكتم صوتها
عيسى ضحك/دي مسخرة يا جدع
يامن /لا تطاق بجد….انا آسف يا شباب بجد تعبتكوا معايا شكرا يا عيسى انك قولتلي على موضوع البحر دا لقتها هناك فعلا سلام
ابراهيم/عيب يا يامن بتشكرنا على اي احنا اخوات
حضنهم كلهم وبص لفرح الي مش مبطله زعيق من ورا الازاز
يامن ركب العربيه وطلع بيها
فرح/انت مجنون….مهو مفيش حد عاقل يأمن لبنت كده…انا حراميه يا سيدي وبضحك عليك……انا….
يامن شغل اغاني علكاسيت وعلى الصوت وبقا بيحرك ايده وبيرقص
فرح/والله العظيم مجنون…..
قعدت ساكته واستسلمت ومربعة ايديها وبتتفرج عليه وهو بيردد كلمات الاغنيه بصوت عالي
يامن /وبشوقك عيش بشوقك
ميل عليها وصوت في ودانها جامد~ودماااغك املاااها على ذووقك
فرح بعدت وبصتله ورجعت بصت للشباك وضحكة اترسمت على وشها بانت غمازاتها فرح بتضحك اوي من تصرفاته وباصه للشباك عشان ميشوفهاش بس مش ملاحظة ان هو شايفها من المراية الي قدامها الي بتكون في باب العربيه
قلبه نبض نبضة غير النبضة الطبيعيه بتاعته لا حس انه فرحان اوي شكلها جميل اوي وهي بتضحك رغم الجرو ح الي في وشها بس مازالت جميله برضو ياترى اي الشعور دا؟…ليه حاسس زي ما يكون بيملك الدنيا وما فيها…
بص قدامه ومبيفكرش غير في فرح♡
عماد كان في شقته وعاصي نايم
استغل الفرصة ودخل اوضته السريه زحزح البرواز ودخل الاوضة فتح الكمبيوتر بتاعه وبيبص على مهمته الجديدة وبيرتب شغله قعد علمكتب وفتح درجه وطلع ورق في صور بنات بيقلب فيهم وكإنه بينقي واحدة منهم
خلص شغله وجيه يطلع من الاوضة بس لقا……
يامن رجع بيت عمته ولقا نورا هناك
نورا اول ما شافت فرح حضنتها بشوق وحب/كنت فين قلقتيني عليكي
يامن بتريقة/جعري فيها زي ما عملتي معايا تقلقوا علياااا ليييه انا من بقيت اهلكوا
نورا ضككت على اسلوبه وفرح كانت هتموت وتضحك بس مسكت نفسها
نورا /يا هبلة انا مش لازم احبك عشان حاجه…. يعلم ربنا انت دخلتي قلبي ازاي
ناهد حضنتها/متمشيش تاني احسن ازعل منك والله
فرح/مهو انا مبحبش العب دور البنت الي بيشفق عليها الناس انا مبحبش حد يشفق عليا
نورا/ على الاقل لحد ما حالتك تتحسن
فرح/انا حالتي تمام
يامن/طبعا تمام اوي ولما حضنتك اتوجعتي كنت تمام برضو وانت بتطوحي علصخور كنت تمام
ناهد بابتسامه~حضنتها!
فرح اتكسفت اوي ودخلت الاوضة /انا رايحة اغسل وشي
نورا راحت وراها ويامن انفرد بعمته
ناهد/اي يا واد مالك ملهوف عليها كده ليه….
يامن /مفيش يا عمتو… مش ملهوف ولا حاجه انا بس قلقان عليها من جوزها ولازم احميها
ناهد/يا شيخ.. يعني مش خايف عليها عشان حاجه تانيه….
يامن باستفهام/حاجه تانيه زي اي؟
ناهد/ولا حاجه ياخويا… اما اقوم احضرلكوا الغدا لحسن انتو على لحم بطنكوا من الصبح
فرح دخلت الاوضة واخدت نفسها بالعافيه
نورا بقلق مسكت ايديها/انت كويسة… صدقيني يامن اخويا مش بيشفق على حد يامن اما بيخاف عليك بيكون عشان تهميه فعلا
فرح بصتلها بعدم فهم ونورا كملت/يعني يامن طلاما استقصديه في مساعدة فهو مش هيسيبك الا وهو واخدلك حقك هو خلاص اعتبرك واحدة مننا… وبعدين انت لازم ترتاحي يا قلبي انا كلمت هشام جوزي عن حالتك وقالي لازم ننقلك للمستشفى في اسرع وقت وتعملي تحاليل لانك نزفتي ومتعرفيش في نزيف داخلي مطرح الضرب ولا لا
نورا حضنت فرح/احنا كلنا معاكي ومش شفقة ابدا انت بقيتي اختي انا من زمان نفسي يبقى عندي اخت واهو ربنا استجاب وجابلي احلى فروحة في الدنيا
حضنتها وفرح بادلتها الحضن وبعدت عنها وقالتلها بقلق/يا نورا فهمي اخوكي انه مش قد عماد… دا راجل خط ير وممكن يإذ يكوا انا بعدت وهربت عشان مسببلكوش اذى صدقيني عماد مش سهل ولو هو وابويا اتحدوا هيدمروا يامن انا ببعده عني عشان كده…..
نورا ابتسمت/يابت يامن واخد رتبه عليا اي الي ميقدرش عليهم القانون مش بيقف مع الناس دي بيقف مع اخويا وبيدافع عن الي زيك
فرح بزعل/ما المشكله ان عماد مش بيمشي بقوانين لانه لو معرفش يرجعني بالقانون هياخدني بلوي الدراع والله اعلم هيعمل اي معاكوا انا بورطكوا معايا كدا خليني امشي ونبي
نورا/انا بأكدلك انه مش هيعمل حاجه… واخويا في امان لان ربنا معاه وربنا مش بيكسب ظالم على مظلوم وبعدين يامن معارفه الروح بالروح والي زي ابوه لوا في الشرطة فلو شعره لمست يامن هيجيبوه تحت الارض اتطمني احنا مش هنسيبك ابدا ابدا احنا عيلة لازقة اوي
فرح ضحكت وحاولت تطمن نفسها وحست بشعور حلو جواها نورا طلعت برا ولقت اخوها واقف على باب الاوضة طمنته بنظرة منها وهمست في ودانه/براحة عليها البنت بتعمل كده بحسن نية
يامن باقتضاب~سمعت
نورا مسكت ايده وجمدت عليها/هي محتاجه حد يحسسها بالامان
ناهد دخلت الاكل لفرح ويامن
ناهد/يلا يا يامن تعالى كل تلاقيك مكلتش انت كمان انا عارفاك
يامن~اه والله من الصبح… وكل دا عشان
وبص لفرح…..
فرح بصتله /عشان مين…. انا مطلبتش من حضرتك متاكلش… انا مقولتلكش تعالى دور عليا ولف اسكن…..
يامن /ياااا الله حد يسكتها لحسن دي لو فتحت مبتقفلش
فرح قعدت وضمت ايديها وهي مكشرة ويامن حط الاكل معاها وقعد قدامها
فرح~على فكرة انا بعرف اكل لوحدي ممكن تاخد اكلك وتاكل برا عادي
يامن/انا مش بعرف… لازم حد يشاركني وانا باكل… معلش طبع صعب فيا شوية وكلهم واكلين فمضطر اقعد اكل مع سيادتك منيش مغرم بحضرتك وهموت واكل معاك اوي
ناهد ضحكت هي ونورا
ناهد/نورا عايزاكي في كلمتين تعالي نشرب الشاي في البلكونه وخليهم يتصافوا هنا
…….
سامح رن على يامن بس كان تلفونه مقفول فرن على حد من صحابه
سعيد/اه يا باشا لقيناها الحمد لله هيه دلوقتي في بيت عمة يامن
سامح/تمام….
فضل يقلب في الفولدر كتير ولقى ان في تسجيلات للشقة من شهرين والتسجيلات دي فيها مكالمات عماد في التلفون وهو بيقول……
عماد نزل من شقته وشاف منى وهي بتذاكر على ترابيزة وعم منعم قاعد بيشرب الشاي قدام الجنينه
منى بلعت ريقها اول ما شافت عماد وبصت في كشكولها
عماد بخبث/الا صحيح ياعم منعم منى بنتك عامله اي
عم منعم بتوتر/الحمد لله يابيه … رايدها في حاجه
عماد~كنت عايز ارجعلها بس فردت الحلق بتاعتها لقتها في اوضتي السرية فوق تلاقيها وقعت منها ولا حاجه وهي بتفتش في الاوضة
عم منعم وشه جاب الوان و…….
فرح /انا آسفة
يامن بذهول قرب ودنه منها /اي… قولتي اي
فرح/مكنش ينفع ازعقلك كدا وانت قالب عليا الدنيا عشان بس تجيبلي حقي وانا اتغابيت شوية معاك في الكلام فآسفة
يامن ابتسم وبصلها /وانا كمان آسف اني زعقتلك…. كنت خايف اوي اني مشوفكيش تاني وخوفت تكوني جرالك حاجه
فرح فضلت بصاله كتير كانت نظارتهم في صمت بس محدش فيهم قادر يتكلم عن الي جواه لان محدش فيهم فاهم هو اي الشعور الغريب الي بيتبني جوا كل واحد فيهم
يامن حمحم وحاول يغير الموضوع/فرح انا محتاج اعرف كل حاجه عنك وعرفتي عماد منين
فرح~ودا هينفعك في اي
يامن/في التحقيق ما هو انت لازم تروحي تقولي اقوالك للوا سامح… عشان يعرف يخلي القضية في صفنا
فرح باستفهام/قضية اي!
يامن بلع ريقه وحاول يديلها اشارة /عماد… عاوز يرجعك بالقانون
فرح قلبها ارتجف وكمل يامن/رفع قضيه اني هر بان انا وانت واني.. اني عشيقك وهر بانين سوا ليلة فرحك
فرح بدموع/مش كفاية ضيع شر في قدام ابويا… عايز يضيعه قدام الكل
يامن/مهو انا عايز افهم اي الي حصلك عشان نعرف نصده وتطل قي منه وتاخدي حقك في كل الأذ ى الي سببهولك
فرح سكتت ومترددة تتكلم
يامن /فرح اتكلمي ارجوكي… ثقي فيا اوعدك مش هسيبك ابدا….
فرح بصتله بأمل اخير وابتدت تحكي/قابلني اول مره في الكلية حاول انه يتكلم معايا كتير بس انا كنت بصده قعد يقولي هديكي عشر الاف لو جيتي معايا هبسطك اوي انا معايا فلوس وعندي اراضي وهعيشك ملكه بس انا موافقتش وزعقتله ساعتها عرف ان مش هيعرف يجبني بسهول حاول كتير يقابلني واما تجاهلته قالي ابوكي راجل على قد حاله ومنتيش من عيلة متريشة اومال حاطة مناخيرك لفوق ليه دا هي لي لة.. دنا هعيشك احسن م العيشه الي انت عايشاها دي بكتير لو عجبتيني طب اخليهم عشرين الف زعقت وقولتله اني مش قابلة الي بيقوله وهفرج عليك الناس ولو جبت ابويا هيعرفك مقامك قالي ابوكي لو رميت قدامه شويت فلوس هير يل عليها وهير ميكي ليا وانا تحديته ووقفت قصاده وقولتله هتشوف بس ابويا
عينيها رغرت بدموع ويامن وهو مركز في كلامها/اي الي خلاكي تتحديه انت مكنتيش عارفة طبع ابوكي
فرح/احنا مكناش كده…. بابا كانت احواله ميسورة وكان شغال في شركة محترمه وكان مفيش في حنيته وحياتنا ماشية منغير مشاكل لحد ما صاحب الشركة طلع بيهر ب مخد ر ات وكانوا فاكرينها بود رة اطفال واتهموا بابا لانه كان شغال على عربية نقل وهو الي بيوصل المنتجات وافتكروه واحد منهم وكان بيساعدهم ودخل الس جن وامي اشتغلت في البيوت واتبهدلنا اتنقلنا لبيت اصغر وحالنا اتشقلب كله وبعد ما بابا طلع م الس جن بقا شخص تاني عصبي اوي لكن عمره ما مد ايده علينا عمره ما مد ايده على امي ابدا ودايما مريحها واشتغل شغلانتين عشان بس يقدر يصرف على اخواتي وانا وميخليش امي تشتغل لحد ما انا عملت مشكله خلته مش طايق يشوفني في البيت ولا حتى عاوزني معاه
يامن/اي هي المشكله
فرح بألم/ارجوك بلاش اقول لاني مش عاوزة افتكر…. ارجوك لا انا مش عايزة اذكر سبب كرهه الشديد ليا هو كارهني وخلاص
يامن /طب اهدي خلاص… كملي طيب
فرح/وكنت بروح الكلية ومش بيديني مصروف وكان مش عاوز يشوفني ولما كنت بنزل في الاسبوع مره كان بيزل عند اهلنا بيقعد معاهم طول منا موجودة في البيت… لحد ما بقيت مش بروح خالص وكانوا صحابي ينزلوا الاجازات وانا بفضل مش بروح لانه بيعاملني بأسوأ معامله مكنش راضي يدفعلي اي مصاريف للكلية فكنت بشتغل مع كليه بوصل طلبات وساعات جارسون اتبهدلت في سنين الكلية في الغربه هنا…
يامن/صحابي كانوا فاكرينك جديدة علبلد دا انت طلعتي حفظاها ولفتيها شبر شبر.
فرح/مش اوي يعني انا الكلية بتاعتي بعيدة اوي عن الشقة بتاعت عماد… وكنت بشتغل حوالين السكن الي جمب الكلية لكن المنطقة دي اول مرة اشوفها الصراحة
يامن/طلعتي حمالة قسية
فرح ضحكت بوجع وكملت/ انا عمري ما شوفت ابويا كده… بس عذراه الي حصله مني مش قليل
يامن/مانا عايز اعرف اي السبب الي يخلي اب ير مي بنته بالطريقة دي وميسألش فيها
فرح بوجع/بلاش تعرف…
يامن استسلم /ماشي يا ستي هنحاول نتجنب النقاش فيها بعد ما اتحديتي عماد ان ابوكي عمر ما الفلوس هتخليه يب يع بنته اي الي حصل
فرح/ عماد اما اتكلم معايا كان بعد الازمة عشان كدا كان قايلي اني من عيلة على قد حالها وكنت واثقة ان ابويا اكيد مش هيوافق وير ميني اه ابويا كان متغير اسلوبه بس كان لسه بيحبنا وبيشقى عشانا فتحديته بس بعد اجازة الصيف حصلت المشكله الي خلت بابا كارهني ومش طايق يشوفني وفضلت في السكن مبنزلش عماد كان مراقب كل دا وعارف ان الوقت دا مميز وان اصلا في مشاكل بيني وبين بابا فهيكون عايز يخلص مني بأي طريقة وف يوم كنت نازله من السكن اجيب طلبات ومشيت في حتة مقطو عة شوية ولقيت تلت شباب بيقربوا مني وعاوزين يعم لوا فيا حاجه وحشه كان معايا بخا خ شطة في شنطتي دايما رشيت على عينيهم شطة وجريت بس فيه شاب منهم مسك ني من دراعي ولفه لورا قر ب مني واخد بخاخ الشطة من ايدي رماه علأرض وانا حاولت اهر ب قام ضار بني بالقلم جامد انا اتصدمت ساعتها لان دي كانت اول مره راجل يمد ايده عليا ومكنتش اخر مره (ضحكت بوجع وكملت) حسيت ساعتها ان في حد جيه عليا وانا محدش يجي عليا ابدا ادي ته بالقلم زي ما ادا ني ويمكن اقوى منه بصلي الشاب بصدمة وغضب وقالي انت ازاي تتجرأي ولسه هيكمل الكلمة كنت ادي ته برجلي تح ت الحز ام وكنت جايبه حاجه ساقعة في ازاز مسكت الازازة ضر بتها على راسه اتكسر ت والشاب وقع علأرض والتلاته كانوا نايمين علأرض حاولوا التانين يقوموا بس عينيهم كانت بتحرقهم بسبب الشطة مقدروش يقاوموا الالم وفضلوا علأرض
يامن ابتسم لشجاعتها وقوتها/جدعة
فرح/بابا الي كان معلمني الحاجات دي انا واختي وكان معلمنا ان مفيش حد يجي علينا ونتصرف ازاي لو راجل قر ب مننا وحاول يإذ ينا الشجاعة دي وخداها منه… انا واثقة ان عماد هو الي كان باعتهم لانه اعترفلي بدا ليلة الد خلة… يوميها رجعت البيت قعدت اعيط من الي حصلي وكان تفكيري يروح للو كانوا اذ وني كان ابويا هيعمل فيا اي وقتها عماد راح لابويا بورسعيد واتفق معاه على كتب الكتاب وانا كنت في السكن مش دريانا بلي بيحصل راح واداله صور مفبر كة عني صور وحشه متر كبة بس ابويا غلبان ميعرفش في الحاجات دي اوي واتصدم من الي شافه وكرهني اكتر م الاول وامي واخواتي صدقوها وحط قدام بابا مليون جنيه وكان بشرط انه يتجوزني منغير ماعرف
يامن بصدمه/يعني اي
فرح بعياط/يعني ابويا موكلي هو الي جوزني منغير ماعرف اصلا ولقيت امي بتتصل بيا بتقولي وحشتيني وانها عايزة تشوفني الاجازة دي رجعت من السكن لقيت امي بتديني هدوم جديدة وقمص ان نو م وبتحضرلي شنطتي بقول اي دا يا ماما بتقولي دي شنطة جوازك وابويا يقول الف مبروك يا حبيبت ابوكي … جوزوني ورموني منغير حتى ما يبصوا وراهم انا رجعت لقتهم مجوزني وبعد اسبوع الدخ له
انهارت م العياط ويامن دموعه رغرغت في عينه طبطب عليها بحنيه/صدقيني كل دا اما يتعرض للنيا به هيبقى لصالحنا وهتاخدي حقك من كل الي اذ وكي
فرح بعياط/متخيل اني اخد حقي من اكتر انسان حبيته ابويا دا كان حاجه كبيرة بالنسبالي انا بحبه ومقدرش ااذيه دا كان صاحبي واخويا وكل حاجه
فرح حطت ايديها الاتنين على وشها وبتعيط بانهيار ويامن بيطبطب عليها بيحاول يهديها وهيه كملت بعياط/ولما حاولت اهر ب جابوني وابويا مسك ني يوميها رنني عل قة مد ايده عليا وهو عمره ما عملها ضر بني وجوزني بالعا فيه
يامن مسحلها دموعها /كفاية ارجوكي كفاية عياط لو اعرف كده مكنتش خليتك تحكي
فرح بعياط~جوزوني بالاكر اه وجيت معاه شقته وعمل الي عمله….بس دي هيه حكايتي
يامن/هتقدري تقولي الكلام دا الصبح عشان ياخدوا اقوالك
فرح سكتت ويامن مسك ايديها /فرح… متخافيش من اي حاجه انا جمبك… محدش هيقدر يإذيكي طول مانا معاكي…. انا هروح معاكي بكرة وسايبك تفكري مش هجبرك تيجي معايا… فكري كويس وفكري في حقك وحق غيرك ممكن عماد يكون اذى بنات تانيه غيرك وانت الوحيدة الي اخدتي الخطوة وبلغتي عنه.. ممكن تنقذي بنات تانيه ممكن يلعب عليهم زي ما عمل معاكي
سابها ومشي وخرج م الاوضة سايبها تفكر على مهلها مش عايز يجبرها ولو موافقتش هيسيبها تمشي…. ايوة هيسيبها تمشي
بس….
بس اي يا يامن مالك في اي دي مجرد بنت عاديه مظلومه وبتدافع عن حقها وبسسس انت مطالب تساعدها لان واجبك كشرطي يدافع عن حقوقها غير كده لا والف لا
ناهد في البلكونه مع نورا
نورا/بنت حلال والله ربنا اراد انها تتصدم فينا عشان هنعرف نساعدها
ناهد/مشوفتيش يامن قلق عليها ازاي… دا كان هاين عليه يحفر تحت الارض ويجيبها
نوار ضحكت/هو يامن كدا طالاما استقصدتيه في مساعدة عمره ما يمشي ويسيبك….
ناهد/بس انا شايفة غير كده خالص
نورا بصتلها بعدم فهم وناهد كملت/شايفة ان قلبه اختارها مش هقول انه حبها بس اقدر اقول انه اتعلق بيها وانا متأكدة من دا بقلم مريم الشهاوي
نورا برفض/لا طبعا… انت عارفة يامن…. مش ناوي اصلا يحب دلوقتي… ومش حاطط الموضوع في دماغه
ناهد/وهو الحب بيستأذن صاحبه
نورا افتكرت خوفه ولهفته عليها اما كانت في نو بة الفز ع واما حضنها عشان يهديها /لا لا يا عمتو… انا عارفة يامن… مش بيقع بسهولة… دا ظابط وخشن اوي بيتعامل مع البنات بجفاء
ناهد/لا مهو واضح الجفاء الي بيتعامل بيه مع فرح …
نورا حركت راسها بلا/دا عشان يقدر يطمنها انا سبق وكلمته في الجواز قبل كدا اكدلي انه مش بيفكر يتجوز او يدخل في علاقة ارتباط مدى الحياة ولسه الوقت مجاش ومش وقته حب دلوقتي
ناهد/طب والله هيحبوا بعض وهتشوفي….
نورا/فرح عندها عقد كتير جدا مفتكرش انها هتقبل ترتاح لراجل تاني بعد الي حصلها من ابوها وجوزها
ناهد/مهي اما تحس بالامان لاول مرة مع راجل تفكيرها هيتغير كل دا لانها عمرها ما حست بالامان ولما يامن يديها الاحساس دا هتغير منطلق تفكيرها تماما….
نورا سكتت ومتكلمتش وبتسأل نفسها هو ممكن فعلا يحبوا بعض لولا كل الظروف دي والعقد الي في طريقهم
عماد/ساكت ليه ياعم منعم
عم منعم/يا باشا البنت طلعت مع امها تساعدها تنضف الشقة ووقع منها بالغلط تلاقيه
منى جسمها كله بقى بيترعش وكانت خايفة وباصة في الكشكول بتدعي ربها
عماد بعصبيه/وهي عرفت الاوضة منين وجابت مفتاح الاوضة منين الا بقا وهي بتف تش
منى جريت على ابوها واتكلمت/يا عمو والله ما كنت اقصد انا افتكرتها اوضة عاوزة تتنضف هي كمان لان اما البرواز وقع عرفت ان فيه اوضة وبلغت امي انها تنضفها بس قالتلي اننا ملناش دعوة بيها فخرجت منها ووقع الحلق والمفتاح كنت لقيته بالصدفه بس هو دا الي حصل
عماد~بتعرفي تكدبي حلو… طب والتسجيل دا
وراها تسجيل ليها وهي في الشقه بتدور وامها الي بتروق /كنت بتدوري على اي…
منى ساكته ومش بتتكلم كمل عماد/يعني انا كلامي صح انت كنت داخله تفت شي
مسك البنت من هدومها جامد~بت انت انا محدش يلعب عليا… مين باعتك انت وابوكي تفت شوا في شقتي
عم منعم مسك ايده /ملكش صالح فيها… عاوز تعاقبها عاقبني انا بس سيب بتي ملهاش دعوة
عماد ابتسم/يعني حد باعتكوا… مسك في جلبيه عم منعم وزعق/مين باعتك قول مين باعتك…..
عم منعم~الي باعتني ربنا… باعتني منجي للبت الغلبانه الي جيت عليها وطف شت منك من اول لي لة
عماد ضر به بالقلم جامد وقعه علأرض ومنى جريت على ابوها /ابا…. يامااااا تعالي شوفي ابويا
عماد مسكها من دراعها ووقفها~وانت يابت انت… ورحمة ابويا لند مك عليوم الي فكرتي فيه تتذاكي …. همح يكي من على وش الارض
عم منعم قام ومس ك ايد عماد جامد شالها من على دراع بنته ووقفها وراه/سبق وقولتلك يا بيه ملكش صالح في بتي عاوز تعاقب حد عاقبني انا انا الي باعتها الشقة
سعاد جريت على بنتها اخدتها في حضنها /بتي.. عاوز مننا ايييي
عماد/ايواااا…. فهمني براحة كده مدخل بنتك تفت ش في شقتي ليه واي الي عملته في الاوضة واخدت اي لحساً وربي ما هتشوف بنتك دي طول حياتك انت معندكش غيرها وانا هحر مك منها خالص
منى~ابا متخافش عليا بلغ الظابط يامن وهو هياخدلنا حقنا متستسلمش
عماد سمع اسم يامن ودماغه طقت شرار /يااامن….. يعني الي باعتك يامن
عم منعم~يامن بيه مبعتنيش انا الي عرضت اساعد البت الغلبانه دي واساعدها في القضيه
عماد ضر ب عم منعم بالبوكس جامد وقعه علأرض ونزله ضر به بالقلم/والله ما هسيب فيك حتة يا منعم الك لب انا يتضحك عليا عشان حتة بواب ميسواش تعريفة….. بس انا مش هاخد حقي منك انا هاخد حقي من اغلى شخص عندك مس ك منى من شعرها وجرها لفوق سعاد بقت بتصوت/ياناااس انجدوونا هياخد بتي مني… يانااااس يا عااالم حد ينجدنا
الجران نزلوا على صويت سعاد
جار من الجيران/فيه اي يا ست سعاد
سعاد بعياط/هياخد بتي مني…
عماد/بنته طالعة بتف تش في شقتي وحر اميه سار قة مني فلوس من بيتي… ايدها طولت ولازم تتعلم الأدب
سعاد~كداب.. والله كداب بتي مسر قتش حاجه
عم منعم /سيبها الله لا يسيئك يا بيه انا مليش غيرها وخودني انا… يابيه انا اسف والله ما هيحصل مني حاجه تانيه تزعلك
عماد/وانا مش هسيبهالكوا….. والله مانا سايبها وبص لمنى~وديتي الفلوس فين يابت
جارة~منى دي محترمة يا استاذ دي زينة البنات وعمرنا ما شوفناها طالعة بتنضف في شقة ودايما بتذاكر وفي حالها ازاي تقول كدا
عماد~بتكدبوني!… طب وكدا كداب برضو
فتح تسجيل موبايله/شوفوا بتفتش ازاي في كل ركن في الشقة ودخلت اوضتي الخا صه فوق اخدت منها فلوس بس للأسف انا مش حاطط كاميرا في الاوضة دي بس مفيش غيرها طلعت هي وامها وفي التسجيل باين انها كانت بتدور على حاجه خافو منهم يا جماعه اصلهم بوابين مش ناس عفيفة واكيد محتاجين فلوس فمدوا ايديهم مهمش ملايكة يعني
الجران ابتدت تصدق ووشوشة كتيرة فإن/ممكن فعلا… منى بردوا محتاجه تعيش زي البنات فمدت ايديها
عم منعم بقاله كذا يوم بيتكلم ان الشهرية بتاعته قليلة ومحتاج يزودها فممكن يكون اتجه لطريق تاني وودا بنته تسر ق الشقق بحجه انها تساعد امهاو…..
سعاد بصريخ~خلاااص كلكوا هتصدقوه…. دحنا في العمارة دي من ساعت ما اتبنت وعمركوا ما شوفتي مني حاجه وحشه وعمر ما ايدي اتم دت على حاجه ابدا
جار/ممكن تكون بنتك زعلانه انها مش زي صحابها فم دت ايديها وسر قت
منى عمالة تعيط وعم منعم/متخافيش يا منى… احنا معانا ربنا ارحم بينا من الكل…. يا بيه عايز مني اي دلوقتي عاوزني امشي من العمارة انا وبنتي لكن اشهد الله انها عمرها ما مدت ايديها ولا سر قت وانا عمري ما حر متها من حاجه عشان تمد ايديها بس عايزين تصدقوا صدقوا سعاد حضري الشنطة هنمشي على صلاة الفجر
سعاد بتلطم/هنروح فين يا منعم هنروح فين احنا لينا مكان غير دا منك لله منك لله حسبي الله ونعم الوكيل
عماد/يلا غور انت ومراتك شوية ناس معندهمش ضمير دحنا مأمنينكوا على بيوتنا ومعاكو مفاتيح الشقق كلها
جار/اتاريني من ساعت ما جيت وانا بسأل هي سعاد مش بتخلي حد في الشقة ليه وهي بتنضف عشان تدو ري في الشقة براحتك على الفلوس… الحمد لله اتكشفتوا على حقيقتكوا
عم منعم/سعاد مش بتطلع البيت وهو فيه صحاب البيت لان اغلبية البيوت فيها رجاله فانا بحرج عليها متنضفش وهو صاحب البيت موجود بس عاوزين تفهموها كدا فانا فوضت امري لله
الجيران طلعت بيوتها وكل واحد بيحسبن على عم منعم واهله وعماد اما المكان فضي /شوفت بقا… ولسه يا منعم والله ما هسيبك
عم منعم بقلة حيلة/انا همشي من هنا يا بيه ومش هتشوفني تاني
عماد/مش هسيبك الا ما تقولي وديت اي للك لب يامن… عرفتوه عني اي يا ز فت الطين ولو مقولتش…
طلع مسد س من جيبه وحطه على دماغ منى/اتر حم على بنتك
يامن دخل البلكونه على نورا وناهد/جوزك معايا علتلفون خلص الشفت بتاعه وبيقول هيعدي علينا ياخدك
نورا/يامن ما تخليني بايته مع البنت هنا عايزة اغيرلها علجر ح
يامن /منك لجوزك مليش دعوة
اداها الموبايل
هشام/وحشتيني اوي يا حبيبتي
نورا ابتسمت/وانت اكتر والله بس البنت محتاجه مراعاه خليني بايته النهاردة مع عمتو ناهد
هشام~انا قولتلك مش عايزين نسكت علبنت دي اكتر من كده لازم تروح المستشفى
نورا~بكرة ان شاء الله هنوديها انا ويامن المستشفى وتعمل ااتحاليل ونتطمن عليها
هشام/يعني هبات لوحدي النهاردة
نورا بحزن~والله حقك عليا بس البنت صعبانه عليا ومش هينفع اسيبها لو عاوز تيجي تعالى
هشام~لا انت عارفة اني مبرتحش الا في بيتي هطلع البيت اخدلي دش … وممكن اروح على ماما البيت عندها الليلة دي اتطمن عليها وانزل شغلي بكرة عادي
نورا/ابقى سلملي عليها… الي تشوفه يا حبيبي خلي بالك من نفسك في رعاية الله
يامن/وافق
نورا/ايوة هدخل اغيرلها على جر حها قبل ما تنام وانت ادخل نام زمانك مي ت م التعب
ناهد/مش هتتعشي معايا
نورا/مش قادرة والله يا عمتو نعسانه اوي لان يامن مصحيني م الساعة اربعة الفجر
يامن ضحك/انا صاحي من واحدة بليل ونمت في العربيه ساعة قبل اذان المغرب
ناهد/دا كويس انك لسه واقف على رجلك بعد المرمطة دي كلها ادخلوا ناموا عشان تعبانين وانا هتعشى واتطمن علبنت وهنام… هتقسموا النومة ازاي على تلت اوض
نورا/انا وفرح في اوضة لازم ابقى جمبها عشان لو احتاجتني ولا حاجه وخلي يامن في الاوضة وانت نامي في اوضتك يا عمتو
ناهد/خليني انا انام معاها وانت ارتاحي بقلم مريم الشهاوي
نورا/لا لا متتعبيش نفسك يا عمتو انا معاها في الاوضة عشان جرو حها لو حصل نز يف ولا حاجه بعيد الشر وهي نايمه وهغيرلها علجر ح وانام
دخلوا كلهم يناموا ويامن دخل اوضته فضل يتقلب كتير في السرير بيفكر مع الي حصل لفرح ومو جوع عليها وعلى الي حصلها بيفكر كتير فيها مش عارف يشيلها من دماغه وسمع رسالة اتبعتتله على موبايله كانت من سامح
سامح/رنيت عليك بس تليفونك كان مقفول فاضي دلوقتي عاوزك في موضوع مهم
يامن بتعب رد عليه مفتح عينه بالعافيه/انا كلمت فرح وعرفت منها القصة كلها وهشوف هتنزل معايا بكرة ولا لا
سامح/بس انا مش عايزك عشان كدا…
يامن/امال عايزني في اي
سامح/انا شاكك ان عماد بيتا جر في الب نات وان فرح مش اول بنت يعمل معاها الي حصل……
ونكمل بكرة
ياترى فرح عملت اي مخلي ابوها كارهها بالطريقة دي؟
> _سبحان الله وبحمده سبحان الله العظيم_
سامح/انا شاكك ان عماد بيتا جر في البنات وان فرح مش اول بنت يعمل معاها الي حصل
يامن اتعدل من مكانه وقال بذهول/بيتا جر في البنات ازاي يعني
سامح/سمعت تسجيلات ليه وعلى حد استعابي فهمت انه بيعمل كدا مع بنات كتير
يامن/سمعت اي
سامح/كل فترة بيجيب تفاصيل بنت ويعرف منين واهلها فين ومعرفش بيعمل معاها اي وبيدخل اوضة ورا برواز بس للأسف مش عارف بيعمل في الاوضة دي اي
يامن/طب وهو مستفاد اي لما يإذ ي بنات كدا
سامح/ممكن يكون من تجا ر الاعض اء بقلم مريم الشهاوي
يامن/الكلام كبير اوي… مش هينفع على التلفون انا جاي لحضرتك بكرة وهسمع التسجيلات تاني ونقعد نفكر سوا لان لو الي بتقوله دا صح عماد مينفعش يبقى قاعد في بيته لحد دلوقتي دا خط ر علبشرية…
سامح/تمام مستنيك بكره
يامن قفل الموبايل وحط راسه علمخده /يالهوي يا فرح دا ربنا نجدك…
فضل يفكر هيعمل اي بس النوم غلبه من كتر التعب
هشام راجع بيته ولسه هيدخل العمارة شاف عماد و سمعه هو بيقول لعم منعم/يبقى تتر حم على بنتك
هشام استخبى بسرعة وبيفكر هيعمل اي
سعاد صرخت/منى….
عم منعم بخوف/خلاص يا بيه والله هقول… سيبها يا بيه بالله عليك…. هقول والله
هشام متفااجئ وراقب الحوار من بعيد هو عمره ما شاف عماد وميعرفش هو مين
هشام كان هيدخل بس حس ان عماد خط ير واحتمال يإذيه لو دخل فجأة وعرفه انه شافه احتمال اي دا اكيد هيإذيه دا معاه سلا ح عمل صوت عشان يخلي عماد ياخد باله ويخبي السلا ح الي في ايده /عم منعم عربيتي محتاجه تتغسل
عماد سمع صوت وشال المسد س في جيبه بسرعة وساب منى جريت على امها وابوها وهشام دخل وهو متأكد ان عماد خبى المسد س /اي يا عم منعم وشك مخطوف كدا ليه…
عم منعم بص لعماد بقلم مريم الشهاوي الي بصله بتحذ ير ومتكلمش فضل ساكت
عماد/لا مهو النهاردة اخر يوم لعم منعم
هشام استغرب/ليه بس
اكتشاف المزيد
فتاة العمليات الخاصة
كتب صوتية
ترجمة القصص والروايات
حقائب كتب قماشية
قصص قصيرة
عماد/اصل ايديهم طولت وبنته طلعت سر قت حاجه من شقتي وهيمشوا من هنا
هشام بيتصنع الصدمه/يا شيخ
عم منعم~خلاص يا بيه انا همشي من هنا انا غلطت ودا عقا بي عن اذنك يا بيه
اخد بنته بخوف ودخل الاوضة وقفل الباب
هشام/لا حول ولا قوة الا بالله مبقاش في امان خالص
عماد /دول ناس معندهمش ضمير
هشام بيجاريه/كويس انهم هيمشوا خلي بالك بعد كدا من حاجتك دا ممكن يكون لدعه عشان تبقى مأمن على حاجتك كويس
عماد ابتسم وحس انه ضحك عليه في الكلام/اهو والله كويس انك صدقتني دا العمارة كلها كانت مكدباني…. اهم هيمشوا وهيريحونا منهم… يلا تصبح على خير
هشام /وانت بخير
عماد طلع الشقة وهو متوتر خايف ليكون هشام شافه بالمسد س
قفل باب الشقة لقى عاصي قاعد علكنبه ووشه جايب الوان
عماد/اي مالك وشك عامل كده ليه
عاصي/ها…. لا لا انا كويس انا داخل انام
عاصي كان ماشي على رجليه بالعافيه ومش قادر يصلب طوله
عماد شك انه يكون عرف حاجه مسكه من رقبته وزقه في الحيطة~انت هتتذاكى عليا… انا عارف اشكالك كويس… شوفت اي في الاوضة
عاصي بتوتر/اوضة اي… انا مشوفتش اوضة
عماد/والله
عاصي بقلق/مشوفتش حاجه مشوفتش حاجه ولا اعرف اي الاوضة الي بتتكلم عليها دي
عماد ساب عاصي /ماشي يا عاصي بس ورحمة ابويا لو عرفت انك كنت بتكدب عليا هتزعل جامد اوي والله ما هتترحم من ايدي
عاصي مسك رقبته وهو مبرق بخوف ودخل الاوضة ينام فيها وهو خايف وبيترعش
هشام بصوت واطي خبط على عم منعم براحة/افتح يا عم منعم… انا هشام
عم منعم فتح وبصله بخوف
هشام/مين الراجل دا و رافع سلا ح على بنتك ليه
سعاد بعياط /بنتي معملتش حاجه والله ما سر قت
عم منعم/ادخل يا بيه ادخل مينفعش تقف علباب كدا
هشام دخل عندهم وعم منعم حكاله عماد يبقى مين وكل الي حصل معاه وانه طلع بنته تجيب تسجيل الكاميرات زي ما يامن قاله بس وقع هو في شباك عماد بقلم مريم الشهاوي
هشام/متقلقش يا عم منعم ربنا باعتني ليك عشان اساعدك تتخلص م المجر م دا لازم تتحرك معايا فورا مينفعش تقعد هنا تاني لوحدك الله اعلم المرة الجايه هيعمل معاك اي
عم منعم/بس انا محضرتش حاجتي وسعاد لسه ملمتش حاجه
هشام~مفيش حاجه تغنيك عن حياة بنتك كل الحاجات دي شكليات
عم منعم اقتنع بكلامه وقام من مكانه/يلا يا سعاد هنمشي دلوقتي
سعاد بحسرة/هنروح فين يا منعم
عم منعم/اي حتة نتحامى فيها المهم نبعد عن البني ادم دا
هشام اخدهم بالعربيه وراح بيهم لشقة بتاعته
عم منعم/دي كبيرة اوي يا بيه
هشام/خليك فيها انت ومراتك وبنتك دي شقة بتاعتي كنت هعلنها للإيجار بس كان الموضوع اتأخر يمكن ربنا كان بيأخره عشان انقذكوا وتفضلوا فيها لحد ما نشوف حل ونقدر نخليك في آمان
عم منعم~يابني كتير علينا دا اوي
هشام ابتسم/ولا كتير ولا حاجه دي حاجه بسيطة…. انت معانا من سنين يا عم منعم… ويعلم ربنا انك زي ابويا بالظبط…. انا هكلم يامن الصبح وهحكيله عن الي حصل وان شاء الله هنحاول نأمن عليكوا انت وبنتك ومراتك
عم منعم/اللهي تنستر يا بيه والله ما عارف منغيرك كان اي الي حصل لبتي
وطى راسه يبوس ايديه بس هشام شال ايده بسرعة/بتعمل اي يا عم منعم بس
اخده في حضنه وعم منعم بكى بقهرة ~بتي الوحيدة كانت هتروح مني لولا ستر ربنا
هشام/متقولش كدا ربنا بيحبك…. دا انت الي كنت دايما تنسيني اي حزن اما اجي واحكيلك كنت دايما بتقولي “ومن بتق الله يجعل له مخرجا ويرزقه من حيث لا يحتسب ومن يتوكل على الله فهو حسبه ان الله بالغ امره قد جعل الله لكل شئ قدرا “فانت دايما الي بتقولي ربنا عمره ما بيسيب عبد مؤمن وبيتوكل عليه” وما عند الله خيرا وابقى للذين آمنوا وعلى ربهم يتوكلون”
عم منعم ابتسم وبعد عنه/ربنا يبارك فيك ويرزقك بابن تفرح بيه انت والدكتورة نورا ان شاء الله
هشام ابتسم/خلي بالك من بنتك كويس انا نازل اجيب حاجه وطالعلكوا تاني
نزل هشام جاب اكل ليهم يقضيهم عشا وفطار
هشام/خد ياعم منعم…
سعاد/ربنا يباركلك يابني…. ربنا يجعله في ميزان حسناتك
هشام/ربنا يقدرني واقدر احميكوا فعلا وان شاء الله مش هيحصلكوا حاجه وحشه مفاتيح الشقة اهي يا عم منعم
عم منعم/لا يابني خليها معاك
هشام~خدها بس.. مؤقتا لحد….
عم منعم/والله ما هاخدها كفاية انك قعدتنا في مكان وجبتلنا اكل وشرب انا اصلا مش همشي من البيت انا هفضل هنا مش هطلع اخاف على بنتي ومراتي لو سبتهم لوحدهم
هشام/بتحلف ليه بس
عم منعم/والله ابدا اقفل علينا… انا اصلا خايف انزل الشارع فمن هنا للصبح تكون بلغت يامن بيه وبعدين مينفعش تأمن لحتة بواب زيي على شقتك ملكك وتديله المفاتيح وتمشي
هشام ضحك/يعني بعد كل الي عملته دا وانقذت بنتك متصور ان هيطلع منك حركة زي دي وبعدين فلنفترض حصل كدا اي هتاخد الشقة وتجري مثلا خلي النسخه دي معاك في حرمة في البيت ولازم تقفل عليكو وانتو نايمين
عم منعم بعند/انا حلفت يا بيه
هشام/طب تعالي يا منى خوديها انت مادام ابوكي حلف انه مش هياخدها…
منى بصت لابوها
هشام/يابت تعالي…
سعاد/روحي للبيه يا منى بقلم مريم الشهاوي
منى راحت واخدت المفاتيح
وهشام سلم على عم منعم/خلي بالك من نفسك…يلا سلام عليكم
عم منعم/وعليكم السلام…في حفظ الله يا بيه
نزل هشام وراح شقته اخد دش ونزل يروح عند مامته وهو نازل لقى عماد تحت مراقب الاوضة بتاعت عم منعم
هشام/خير هما اخدوا منك حاجه تانيه
عماد/لا بس بشوفهم مشيوا ولا لا
هشام/اكيد مشيوا هما بعد الفضيحة دي هيقعدوا
عماد/بس سايبين حاجتهم
هشام/هو الحرامي بينجد نفسه اولى مبيهتمش ياخد حاجته ولا لا اكيد هربوا قبل ما حد يكتشف حاجه تاني اتسرقت من عنده انت كان المفروض تبلغ عنهم
عماد اتوتر /عندك حق… لا انا مش حابب اعملهم مشاكل دول برضو غلابه
عماد كان متوتر ومش عارف راحوا فين ولا عارف اخدوا اي ودوه ليامن هيتجنن طلع شقته تاني ونام
هشام راح لامه يتطمن عليها
فريدة(ام هشام)/هشام ابني… حبيبي اي الي جايبك علمسا كدا… دا انا كنت نمت خلاص هيه الهانم مزعلاك
هشام/نورا بخير الحمد لله بس بايته عند عمتها لظروف ما قولت اجي اتطمن عليكي وابات عندك الليلة عشان وحشتيني
فريدة باقتضاب/اه مهي الاستاذة بتحذرك انك متجيش تشوفني الا للضرورة
هشام/والله ابدا… انا بس الي مشغول جامد اليومين دول في المستشفى والعيادة وبخلص متأخر يادوب برجع اكل اللقمة وانام
فريدة/ادخل يا قلب امك ادخل اتعشى زمانها مجوعاك
هشام/يا ماما بلاش الكلام دا… نورا مشغوله زيي بالظبط
فريدة/انا مش عارفة بتدافعلها ليه… اومال لو كانت جابتلنا حتت عيل كنت عملت فينا اي… دا حتت عيل مش عارفة تجيبه
هشام/دا نصيب يا امي… ربنا مش رايد اننا نخلف دلوقتي
فريدة /كانت مالها ابتسام بنت خالتك دي كبرت وباقت قمر بدر منور
هشام نفخ/يا امي فكيني م الموضوع دا بقى
فريدة/لا يا هشام انا من حقي يبقى عندي حفيد وهي مبتخلفش يبقى تشوف غيرها يا سيدي متطلقهاش اتجوز عليها وهو ولا عيب ولا حرام
هشام دخل الاوضة بزهق~ماما انا تعبان تصبحي على خير
فريدة~انا بكلمك يا واد يعني تقف تسمعني
هشام مط شفايفة/طيب يا ماما… انا مش هتجوز على نورا… لاني بحبها ومش مستعجل علخلفة…
فريدة/مانا عايزة اعرف عاملالك اي… سح رلك… مهو مفيش حد بيسكت على عيب مراته بالشكل دا… يعني انا اكبرك واخليك دكتور قد الدنيا عشان ف الاخر ميجيليش حفيد منك…
اتمسكنت وقالت بزعل/المو ت قريب مني اوي ونفسي اشوفلك عيال قبل ما امو ت…
هشام حضنها /متقوليش كدا يا امي… ربنا يديكي الصحة وان شاء الله هيجيلك حفيد لو ربنا ارد
فريدة بعدته عنه بغضب~ازاي بقا… وهي الهانم مش بتخلف
هشام بتعب/الدكتور مقالش سبب لعدم خلفتها هي كويسة بس هو نصيب وربنا لو رايد يكون عندنا اطفال هيكون بإذن الله
فريدة/يابني دي معيوبه مفيش راجل بيصبر على مراته سنتين وهي مبتخلفش
هشام~يمكن عشان بحبها ومش متخيل اني اسيبها ويبقى عندي اطفال من واحدة تانيه غيرها…. انا تعبان اوي يا امي وعاوز انام مش قادر اتعشى ادخلي نامي ومتنسيش دواكي تصبحي على خير
فريدة مشيت من قدامه واتكلمت بصوت عالي وهي داخله اوضتها~والله العظيم سح رالك… اكيد عامله فيك حاجه مهو دا مش طبيعي
هشام نام على مخدته وهو تعبان وكلم نورا علواتس يتطمن عليها وقفل موبايله ونام
يامن صحي الصبح وقعد يلعب تمارين ودخل المطبخ يعمله قهوة
فرح دخلت عليه المطبخ/صباح الخير
يامن بصلها/صباح النور عامله اي النهاردة احسن
فرح~اه الحمد لله
رجع يامن يبص علقهوة وهي علنار ومستني منها تتكلم وتقوله موافقة تيجي معاه ولا لا وكإن فرح كانت سامعه افكاره /انت مش هتلبس
يامن بصلها بأمل/ليه؟
فرح~مش قولت نازلين النهاردة للواء سامح عشان ياخد اقوالي ويقدر يساعدني
يامن ابتسم براحه /حالا حالا هلبس..
صب القهوة ودخل اوضة الفرحة مش سايعاه/الحمد لله يارب.. ان شاء الله هتاخدي حقك م البني ادم دا يا فرح
فرح دخلت الاوضة ونورا قلقت/صباح الخير
فرح~صباح اانور
فرح بإحراج/انا نازله مع يامن عشان القضية بس لبسي….
نورا قامت وجابت شنطة معاها /انا جبتلك غيار معايا تقدري تنزلي بيه
فرح باحراج/انا اسفة جدا بجد انا مكسوفة منك جدا
نورا /يبقى لسه مش معتبراني زي اختك وفاكرة انك ضيفة عندنا هنا… قولتلك انت بقيتي من العيلة خلاص فرح حضنتها ونورا طلعت برا عشان فرح تلبس
نورا~انتو نازلين دلوقتي
يامن/ايوة
نورا/خلي بالك منها… متزعقلهاش يا يامن
يامن/طبعها صعب… وبتستفز الواحد بسرعة
نورا/معلش… استحملها… هيه برضو شافت كتير انا اه معرفش حكايتها بس الي اعرفه انها ست وحد جيه عليها وربنا مش بيرحم اي حد يجي على ست ابدا
يامن/انا بساعدها لان دا واجبي لكن عمتك فاهمه حاجه تانيه
نورا/قالتلي… وهو انت فعلا بتساعدها عشان دا واجبك وبس؟
يامن/نورا متجننيش… انت اختي وعارفاني كويس دي مجرد بنت عاديه صعبانه عليا ومشفق على الي جرالها هجيبلها حقها وتغور بقا وبعدين نسيتي اني محتاجها عشان تطلعني من القضية الي اتورطت فيها بسببها
نورا/ان شاء الله خير والموضوع هيخلص بسرعة
محدش فيهم اخد باله من فرح الي واقفة وسامعة كلامهم الاخير بالصدفة وحست بشعور وحش اوي دخلت اوضتها وحاولت تاخد نفسها بصعوبة ندمت انها استعانت بحد ياريتها ما كانت طلبت مساعدة من حد مش عايزة حاجه منه هي مطلبتش منه حاجه…. كانت عايزة تمشي من ساعت ما خبطت عليه وهو مرضاش..لحد ما اتدبس في مشكله مع عماد هيه مش عايزة منه مساعدة… هو مش هاممها ولا هي تهمه اي موقف هو عمله بين فيه انه مهتم فدي كانت شفقة شفقة عليها ولانه متدبس معاها في مشكله لا يا يامن انا بعفيك من مشاكلي كانت متنرفزة وبتاخد نفسها بالعافيه ومره واحدة دموعها نزلت بحرقة هيه حست بشعور وحش اوي حسسها انها تقيلة ودا اكتر شعور بيوجع البني ادم وخاصتا فرح لان نفسها عزيزة اوي قعدت تعيط كتير ……
عماد صحي من النوم حلمان بابوه بيعيط وبيقوله خدلي حقي….
قام مفزوع ودخل اوضته السرية ماسك صورة ابوه وقاعد علأرض بيعيط /اوعدك اني عمري ما هسيب بنت تتهنى بشر فها الي فرحانه بيه… كلهم يستاهلوا…يستاهلوا الي بيحصلهم…. الفلوس… مستعدين يبيعوا كل حاجه في مقابل الفلوس كلهم… إلا فرح
كشر وهو بيتكلم/فرح الوحيدة الي مرمتتني وراها ثقتها وقوتها خلتني احطها في دماغي واجيب مناخيرها الارض واتجوزها بالعافيه هي بتاعتي ولازم ترجعلي لحد ما اخد منها الي انا عايزه وهرميها بقلم زي الك لاب لابوها وهتكون فض يحة ليها ايوة هفض حها هي تستاهل كلهم يستاهلوا….
يامن خبط علاوضة بتاعت فرح بس محدش فتح
يامن~فرح… خلصتي… فرح
قلق وفتح الاوضة مره واحدة بس فرح مكنتش موجودة
ونكمل بكرة
عاصي عرف حاجه عن عماد؟
فرح هتهرب تاني؟
عماد عنده ماضي لابوه فبينتقم ليه؟
*.. يتبع ..*
> *تـفاعل حـلو منڪ بيشجعنا انه نڪمل♥🌹*