part 11
العربية السودا كانت بتقرب منهم بسرعة.
سيدرا مسكت الكرسي بإيديها وقالت بخوف:
"حازم… هما هيخبطونا!"
حازم كان مركز في الطريق وقال بهدوء رغم التوتر:
"اهدي… طول ما أنا سايق محدش هيقربلك."
العربية اللي وراهم حاولت تسبقهم فجأة.
حازم ضغط على البنزين بسرعة وغير الحارة.
العربية السودا خبطت في عربية تانية كانت قدامها، ووقفت شوية.
سيدرا بصت في المراية وقالت:
"وقفوا… وقفوا!"
حازم هدّى السرعة شوية وقال:
"بس كده عرفنا إنهم ورا القضية دي بجد."
سيدرا:
"يعني الشاهد اللي رايحين له مهم."
حازم:
"مهم جدًا."
بعد ساعتين تقريبًا كانوا وصلوا إسكندرية.
وقفوا قدام عمارة قديمة.
سيدرا بصت للعنوان في الورقة وقالت:
"الشقة رقم ٣… الدور التالت."
حازم:
"خليكي ورايا."
طلعوا السلم بسرعة.
وقفوا قدام الباب.
حازم خبط.
محدش رد.
خبط تاني… برضه محدش رد.
سيدرا قالت:
"يمكن مش موجود."
حازم قرب من الباب ولاحظ إن الباب موارب شوية.
بص لسيدرا وقال:
"استني ورايا."
ودفع الباب ببطء.
دخلوا الشقة…
البيت كان هادي بطريقة غريبة.
وفجأة سيدرا شهقت.
"حازم…!"
بص قدامه واتصدم.
راجل كان واقع على الأرض…
ودم حواليه.
حازم قرب بسرعة وشافه.
سيدرا بصوت متوتر:
"ده هو؟"
حازم هز راسه وقال بصدمة:
"أيوه… ده محمود الشناوي."
سيدرا:
"يعني وصلوا له قبلنا…"
حازم كان بيبص حوالين المكان لحد ما لاحظ ورقة على الترابيزة.
قرب منها وفتحها.
سيدرا:
"إيه دي؟"
حازم قرأ المكتوب وبص لها بقلق.
سيدرا:
"في إيه؟"
حازم قال بصوت واطي:
"دي رسالة لينا."
سيدرا:
"مكتوب فيها إيه؟"
حازم قرأ:
"ارجعوا من حيث أتيتم…
وإلا الدور الجاي هيكون عليكم."
سيدرا سكتت لحظة…
وبعدين قالت بثبات:
"واضح إننا قربنا للحقيقة أكتر."
حازم بصلها وقال:
"أيوه… بس الحقيقة دي بتموت كل اللي يقرب منها."
سيدرا ردت بثقة:
"يبقى لازم نوصلها قبل ما تقتل حد تاني."
وفي اللحظة دي…
سمعوا صوت باب الشقة بيتقفل بقوة.
حازم لف بسرعة وقال:
"احنا مش لوحدنا هنا."