الفصل 4
*˙❥˙ࢪواية عندما يكون العوض جميلا8-9-10˙❥˙*
*تـم مـشـارڪه الـࢪوايـة مـن قـنـاة عالم الروايات
تابع قناة عآلُم آلُرۆآيَآتٌ آلُجٍميَلُةّ/روايات وقصص حب ودين اقتباسات عميقة نكت بوستات وصور واستوريهات في واتساب: https://whatsapp.com/channel/0029Vb01xFo7DAX1UxQAXc2j
عندما يكون العوض جميلا
|8|
ياسمين : ابوس ايدك امشي بقا
احمد بيقرب من غير رد
ياسمين ببكاء: هعمل كل اللي انت عايزة بس امشي والنبي
احمد رمها عالسرير وبدأ يقطع هدومها وياسمين بتقاومه وتصرخ
قبل شويه في عربية محمد
عمر بتذكر : اوبااا نسيت الفون بتاعي في البيت
محمد : حلو اننا مبعدناش كتير لف وارجع
ثريا : كويس عايزة اغير الطرحة الزفت بترجع لورا وتبين شعري
عمر : طب يلا تعالي معايا
ثريا : يلا
ركبوا الاسانسير وطلعوا بسرعة لقيوا باب الشقة مفتوح
ثريا : شوف ياسمين سايبه الباب مفتوح ازاي واكدت عليها انها تقفله
عمر حس ان في حاجه لانه شاف ياسمين وهي بتقفل الباب جري للداخل وثريا وراه وسمعوا ياسمين بتصرخ
عمر دخل بسرعة عندها واتفاجأ من وجود احمد اللي بص لعمر بصدمة وياسمين استغلت ده وزقت احمد وجريت اسخبت ورا عمر اللي خلع الجاكيت بتاعه وغطاها بيه
عمر : ماما خديها غيري هدومها
ثريا حضنتها وقالت بقوة : مش عايزة فيه حته سلمية
واخدتها وخرجت
عمر : انا قولت انك اتعلمت الدرس من المرة اللي فاتت بس طلعت غبي وانا بحب اعلم الاغبياء اللي زيك
احمد : هي اللي قالتلي اجي وقالت انكوا مش هنا
عمر وهو بيطبق كم القميص : والله ؟!!! وايه كمان
احمد : ايوا وهي اللي فتحت الباب
عمر هجم عليه ونزل فيه ضرب : انت كمان بتغلط فيها انت... انت عارف هي مين ؟ ... انا هعلمك ازاي تتعدى على حرمة البيوت تاني
محمد طلع يشوف اتأخروا ليه واتصدم من منظر عمر كان شبه الاسد الجعان اللي مصدق لقى فريسه حاول يبعده عن احمد لكن مقدرش فقرر يتصل بحمزة
محمد : حمزة انت فين
حمزة : انا في البيت يا عمي خير
محمد بسرعة : تعالى بسرعة صاحبك نازل في احمد ضرب هيموته وانا مش قادر عليه
حمزة : انا نازل حالا
محمد قفل معاه ورن على رحمة تطلع هي واختها وحمزة في ثانيه كان تحت ودخل لعمر على طول وكتفه من ضهرة
عمر : سيبني اموته الكلب ده
حمزة لسه مكتفه : هتودي نفسك في داهيه عشانه
عمر بعصبيه : مش مهم لازم اعلمه ازاي يقرب من حاجه تخصني
حمزة اخده بالعافيه وخرجه بره ومحمد قاعد مش فاهم ايه اللي بيحصل
محمد بغضب : ممكن تهدى وتفهمني ايه حصل
عمر بعصبيه : دخلت لقيت الحيوان بيحاول يعتدي على ياسمين
محمد : ازاي وكيف دخل هنا اساسا
عمر وهو بيخبط عالتربيزة : معرفش بس اللي اعرفه انه لازم يموت
محمد : وتروح في داهيه
حمزة : احم ربنا يستر وميكونش مات اساسا الواد جسمة كله بيجيب دم ده انت كسرت الاوضة عليه
عمر : ولسه والله لاربيه
محمد : حمزة كلم البوليس وانا هروح اشوف ياسمين عامله ايه
حمزة : حاضر
محمد مشي وسابهم وعمر كان هيموت من الغيظ
حمزة : اهدى بقا خلاص
عمر : انا مش عارف انت حشتني عنه ليه
حمزة : يعم الواد كان هيموت في ايدك
عمر : كل ما اقول كفايه عليه افتكر وهو بيعتدي عليها وهي بتعيط دموعها حرقت قلبي ...انا هقوم اضربه تاني
حمزة شده قعده : يا عم اقعد بقا واهدى شويه انا هبلغ عنه وهيتحبس وخلاص
عند محمد دخل لقى ثريا حاضنه ياسمين اللي بتترعش وتعيط من الخوف
محمد : ياسمين عامله ايه
ثريا بصتله بدموع : كويسه
محمد بصوت واطي : حصل حاجه ولا لحقتوها
ثريا : الحمد لله ربنا ستر
محمد : الحمد لله ...احنا بلغنا عن احمد والبوليس هيجي ياخده
رحمة : انا مش عارفه هو عايز منها ايه
محمد : معتقدش بعد العلقه اللي اخدها انه هيفكر يقرب لاي بنت تاني
ثريا : احسن ربنا ياخده
محمد : قومي ياسمين تعالي معايا
ثريا : هتاخدها فين يا محمد البنت اعصابها سايبه
محمد : هخليها تشوف عمر عمل ايه في احمد عشانها
ياسمين بخوف : لا مش عايزة اشوفه لا
محمد : متخفيش احنا كلنا حواليكي مش هيقدر يعمل حاجه
ياسمين حضنت ثريا جامد : لا مش عايزة
ثريا : خلاص يا محمد بلاش
محمد : لازم تشوفه عشان تبطل تخاف منه
اخدها وخرج لقى حمزة وعمر في الصاله كانت خارجه وهي حاضنه محمد ودموعها مغرقه وشها
عمر : رايح فين يا بابا
محمد : هوريها جزاء اللي يقرب منها
ياسمين بخوف : بابا عشان خاطري بلاش
محمد : متخفيش مش هيقدر يقوم حتى
دخلت وشافته كان مرمي في الارض وشه متشوه من اثر الضرب ومغمي عليه اول ما شافته حضنت محمد جامد وبكت بقوة عمر كور ايده بغضب وكان عايز يرجع يضربه بس حمزة مسكه من كتفه وضغط عليه وهنا البوليس دخل
احد الظباط : السلام عليكم
محمد : عليكم السلام
الضابظ: فين الشب اللي حاول يتهجم عليكم
محمد : هنا في الاوضة دي
الضابط : هاتوه ...ممكن افهم ايه حصل بالظبط
محمد :الشب ده من فترة حاول يتحرش بياسمين بنتي وعمر ساعتها ضربه وهو حلف انه انه لازم ياخد حقه وفي شهود عالكلام ده واحنا النهارده كان عندنا خطوبه وروحنا كلنا ما عدا ياسمين هي اللي فضلت في البيت واحنا في السكة عمر افتكر انه نسي تليفونه فرجع هو ومامته يجيبوه ولما دخلوا لقيوه بيحاول يعتدي عليها فعمر ضربه وكتفه لحد ما بلغنا
الضابط بعمليه : فين ياسمين
محمد : ياسمين منهارة وخايفة تخرج من الاوضة
الضابط : لازم تيجي معانا ناخد اقولها
محمد : ممكن حضرتك تتفضل وانا هجيبها واجي بعربيتي
الضابط : تمام ....يلا بينا
عمر بعد ما الضابط مشي : كان نفسي اموته
محمد بغضب : ما كفايه بقا خلاص اتقبض عليه وهياخد جزاته
عمر بعصبيه : ياسمين دي بتاعتي واللي يقرب منها انسفه من على وش الارض
محمد وحمزة بصوا ليه بصدمه وهو ادرك هو قال ايه فقام مشي وحمزة جري وراه
محمد قعد وخبى وشه بين ايديه وياسمين خرجت من الاوضه مع هدى ولما شافته كدا جريت عليه
ياسمين ببكاء: بابا ارفع راسك والله ما حصل حاجه انا لسه زي ما انا
محمد : سامحيني يا بنتي مقدرتش احميكي انا مش عارف لولا عمر نسي التليفون كان ايه اللي حصل
ياسمين : انت مقصرتش انا اللي غلطت لما فتحت الباب من غير ما اعرف مين بس والله فكرت حد منكوا نسي حاجه ( بكت بقوة ) والله ما كنت اعرف انه هو
محمد :خلاص اللي حصل حصل ... انتي لازم تروحي معايا القسم عشان ياخدوا اقوالك
ياسمين مسحت دموعها : انا جاهزة نروح دلوقتي لازم ياخد عقابه
محمد : قومي غيري هدومك وانا مستنيكي
ياسمين وهي تقوم : ماشي
عند عمر كان خارج مخنوق مش عارف هو قال كدا ازاي
حمزة : عمر ....عمررر انت يا عم استنى
عمر : عايز ايه يا حمزة
خمزة : رايح فين
عمر : رايح في داهيه
حمزة : الله من زمان مرحتش هناك خدني معاك
عمر باستفهام : اخدك معايا فين
حمزة : الداهيه مش انت رايح هناك
عمر ابتسم : تعالى يا اخويا
خرجوا بره العمارة حمزة : يمين ولا شمال
عمر : هو ايه اللي يمين ولا شمال
حمزة : الداهيه هنمشي يمين ولا شمال
عمر : شمال تعالى
حمزة : ايه بقا اللي قولته فوق ده
عمر باستهبال : قولت ايه
حمزة مقلدا اياه : ياسمين دي بتاعتي واللي يقربلها انسفه من على وش الارض
عمر : هو قولت كدا
حمزة بتاكيد: ايوان
عمر : مش عارف قولت كدا ازاي طلعت من تلقائي
حمزة وهو بيشاور على قلب عمر : عشان طلعت من هنا
عمر : قصدك ايه
حمزة : قصدي انك بتحبها
عمر بتوهان: بحبها من يوم ما عيني جت عليها بحاول اعاملها زي اختي بس لا عمري ما حسيت انها اختي ابدا كنت ببقى طاير من الفرحه وانا بذاكر لها يوم نجحت كنت فرحان يمكن اكتر منها حاولت انساها بس والله ما قدرت انا عارف اني اكبر منها بحاولي ست سنين وانها تستحق واحد يكون اصغر مني بس مش قادر اتخيلها مع حد تانيلما بابا سألني اذا كنت عايز اتجوزها مكنت لسه متأكد من مشاعري وخوفت اظلمها بس يعلم ربنا اني عمري ما بصيت ليها حتى بصه تغضب ربنا....عارف لما شوفت احمد بيحاول يقربلها كان هاين عليا ادفنه في ارضه ( خد نفس عميق وطلعه على مهل )...حمزة الموضوع ده مش عايز حد يعرف بيه
حمزة : ليه
عمر : ياسمين لسه هتدخل اولى جامعه وهي عندها طموح حرام عليا احرمها منه هي لازم تحقق حلمها هي تعبت جامد في حياتها ولازم تاخد مكفئتها بقا
حمزة : طب وانت
عمر : انا ايه
حمزة : هتعمل ايه
عمر : هحاول انساها
حمزة : هتقدر
عمر : هحاول
حمزة بحزن : صعب اووي انك تحب حد ويكون قدامك و متقدرش حتى تتقدملها لانك عايز مصلحتها
عمر : اللي يشوفك وانت بتتكلم كدا يقول انك متعذب في الحب
حمزة : لكل منا حزنه الخاص
عمر : شكلك.متبهدل يا عيني
حمزة بتهرب : طب يلا نرجع ليكونا محتاجين انك تروح معاهم القسم
عمر : اهرب اهرب مصيري هعرف مين هي
حمزة : الاحسن انك متعرفش صدقني
عمر : ماشي يا هم الغامض يلا بينا
روحوا لقيوا محمد واخد ياسمين وخارج
عمر : ماشيين
محمد : ايوا
عمر : طب انا جاي معاكوا
حمزة : وانا كمان جاي
محمد : لا كفايه عليك كدا اطلع انت ارتاح تعبناك معانا
حمزة :ولا تعب ولا حاجه هاجي معاكوا ممكن تحتاجوا حاجه
عمر : هتروح فين بلبس البيت ده اطلع انت وهنبقى نتقابل تاني
حمزة : ماشي عالعموم انا هفضل صاحي لو احتجت حاجه كلمني
عمر : ماشي ..سلام
حمزة : سلام
راحوا القسم واخدوا اقوال ياسمين ورجعوا تاني كانت ثريا رتبت الاوضة وهي والبنات بس ياسمين رفضت تدخلها تاني
نكمل البارت الجاي
طبعا كنتوا مستنين البارت بتاع امبارح بس جامعة اكسفورد بتاعتي رفضت تفرج عن النتيجه ومظهرتش
عايزة تفاعل كبير
عندما يكون العوض جميلا
|9|
عدت الايام في اكتئاب لياسمين وكل البيت بيحاول ينسيها وعمر بالاخص كان كل يوم يرجع من الشغل معاه شكولاته بانواع مختلفة وفشار وكتب واي حاجه يعرف انها بتحبها كان يشتريها على طول بدون تفكير وبدأت السنه الدراسيه وبدأت اجراءات التقديم في اول يوم دراسي محمد اصر انه لازم حد يوصل ياسمين ويرجعها كل يوم ووصلها محمد اول يوم دخلت ياسمين الجامعة وكانت زي اي طالب في اول يوم بيكون تايه ومش عارف اي حاجه في اي حاجه دخلت وقابلت بنت كانت واقفه ملامحها ملائكية عيونها عسلي وبشرتها بيضاء قصيرة شوية ومختمرة اسمها روضة
ياسمين : لو سمحتي ممكن اعرف مدرج اولى طب فين
روضة : انا بردوا تايه زيك ومش عارفه اروح فين
ياسمين : انتي طب بردوا ؟
روضه : آه
ياسمين : خلاص تعالي نلف سوا يمكن نوصل
روضة : يلا ...انا روضة
ياسمين : اهلا وسهلا انا ياسمين
روضة : حلو ياسمين هناديكي ياسو
ياسمين : اشطا اصلا في ناس كتير بتناديني كدا وانا هناديكي ڤكتور
روضة باستغراب : ڤكتور اشمعنى
ياسمين : هو لايق عليكي اكتر
روضة : ده اسم ولد علفكرة
ياسمين : عارفه
روضة : اسمي روضة
ياسمين باغاظة : لا ڤكتور
روضة بغيظ : اسمي روضة
ياسمين : طب بصي هنشوف المشكلة دي بعدين تعالي دلوقتي نسأل البنت دي يمكن تعرف فين المدرج
روضة : يلا
ياسمين : السلام عليكم فين مدرج اولى طب لو سمحتي
البنت (فرح) : والله يا بنتي انا تايهه زيكوا بالظبط وبقالي ساعة بلف حوالين نفسي لما تعبت
روضة بضحك : هو النهارده اليوم العالمي للتوهان ولا ايه
فرح : وانا جايه شوفت مكتب العميد بس خوفت ادخل اسأله
ياسمين : ليه يعني هو بيعض بقلم Nour Mahmoud
فرح : انا خوفت ادخل واحدي تعالوا معايا
ياسمين : يلا
روضة : انا مش هدخل انا بقول اهو
ياسمين : تعالوا وانا هدخل اسأله
فرح : اهو المكتب بتاعه
خبطوا ودخلت ياسمين وسابت الباب مفتوح
ياسمين : السلام عليكم
العميد : عليكم السلام اتفضلي
ياسمين : كنت عايزة اسأل فين مدرج سنه اولى طب لاني بقالي اكتر من ساعة مش عارفه اوصل والمحاضرة هتبدأ
العميد وهو ينظر في الورق : مدرجك في نفس الدور اخر الطرقة شمال عندك محاضرة كمان عشر دقايق مع دكتور سما
ياسمين : شكرا ..بعد اذن حضرتك
العميد : اتفضلي
خرجت للبنات وراحوا بسرعة على مكان المحاضرة دخلوا والدكتور دخلت وراهم وعرفتهم بنفسها وحذرت من التأخير وان حد يدخل بعدها بعد ما خرجوا
روضة : ما الجامعة حلوه اهو وامال بيخوفونا ليه بقلم Nour Mahmoud
ياسمين : اصبري متحكميش عالبدايه
فرح : ربنا يستر والله هي البدايه حلوه يا رب متتغيرش بعدين
روضة : مش هتتغير ان شاء الله المهم انا عايزه آكل انا مفطرتش من الصبح
ياسمين : يلا ننزل الكافتريا نآكل حاجه على ما المحاضرة التانيه تبدأ
فرح : يلا انا كمان جعانه
نزلوا اكلوا ورجعوا كملوا باقي اليوم خرجوا وكل واحده مشيت بعد ما اخدت رقم التانيه عشان يفضلوا على تواصل
فرح : سلام يا بنات اشوفكوا بكره
روضة : استني انتي ساكنه فين بقلم Nour Mahmoud
فرح : في شارع ***
روضة بفرحه : انا ساكنه في نفس الشارع خديني معاكي
ياسمين : وانا ساكنه في شارع *** في نفس الطريق
روضة : طب تعالي امشي معانا
ياسمين : لا بابا مستنيني بره هيوصلني كام يوم لحد ما اعرف الطريق وبعدين نمشي سوا كل يوم
فرح : اشطا يلا سلام احنا
ياسمين : سلام
خرجت لقيت عمر هو اللي مستنيها
ياسمين : عمر هو انت اللي جيت ليه وفين بابا وفين العربيه ايه اللي حصل
عمر : خلاااص اديني فرصة اجاوب ...فين بابا ؟في البيت ..مجاش ليه ؟ عشان العربيه عطلت وهو بلغني اجي اخدك لاننا هنروح مواصلات
ياسمين : هو كويس طيب
عمر : الحمد لله هو تمام انا جيت بس عشان هو بيتعب من المواصلات
ياسمين : الحمد لله يلا بينا
عمر : يلا ...ها عملتي ايه النهار ده
ياسمين بحماس : الجامعة جميله اوووي واتعرفت على بنتين زي العسل اسمهم روضة وفرح حبيتهم اووي وكنت تايهه في اول اليوم وكل ما اسأل حد الاقيه تايه زيي وبعدين روحنا سألنا العميد وهو دلنا عالمكان وكان راجل ذوق جداا
عمر : شكلك حبيتي الجامعة
ياسمين : حبيتها اوووووي دي كانت حلمي
عمر في سرة : يا بختها
عمر : والحمد لله وصلتي
ياسمين : لا لسه هوصل لما اكون اشهر دكتوره في مصر سعتها بس هكون وصلت
عمر : عايزة تتخصصي ايه
ياسمين : نفسي اتخصص جراحة قلب
عمر : ربنا يوفقك ...اركبي
ركبوا المكروباص وركبت ياسمين جنب الشباك وعمر جنبها وجت ست معاها ولد صغير قعدت جنبه ياسمين اول ما شافته اخدته وفضلت تلعب معاه والطفل كان بيضحك وياسمين تضحك معاه وصوت ضحكهم كان مالي المكان وكان في واحد بيبصليها باعجاب كبير
عمر بغضب مكتوم : مش كفايه ضحك كدا
ياسمين بحب : ده عسل اووي ..اسمه ايه
والدة الطفل : اسمه ادهم
ياسمين : هدلعه دوميي او دومه
عمر اغتاظ بشدة من ياء التملك في كلامها : اسمه ادهم مش دومي
ياسمين : نفسي اعرف انت متضايق ليه عشان بقوله يا دومي خلاص هقولك عمري ( ضافت لاسمه ياء التملك ) ولا تزعل نفسك
قالتها ياسمين بهزار ولكن عمر تاه في الكلمة كإن الوقت توقف عندها
ياسمين : هاااي روحت فين
عمر : احم واطي صوتك وكفايه ضحك العربيه كلها بتتفرج عليكي
ياسمين : اسفه هاخد بالي خلاص
سكتت وسكت عمر ولم يقطع الصمت سوى صوت ضحكات الصغير الذي تداعبه ياسمين بيدها انتهى الطريق ونزلوا من الميكروباص وكان الصغير يرفض الذهاب لامه يريد البقاء مع ياسمين التي تخلصت منه باعجوبه
ياسمين : يااه طفل عنيد بشكل مش عايز يمشي مع مامته
عمر : شكله حبك اوي
ياسمبن بغرور : انا اتحب اساسا
عمر : فعلا
ياسمين : احم اسفه اني صوتي علي في العربيه بس والله ما اخدت بالي
عمر : حصل خير ابقي خلي بالك بعد كدا
ياسمين : انا مجرد ما بشوف طفل بنسى كل حاجه في ثانيه بحبهم فوق ما تتخيل كائنات لطيفة كدا معندهاش اي مشاكل ولا غل ولاحقد كل اللي يعرفوه الطيبه وبس
عمر : حقيقي الانسان كل ما بيكبر كل ما تتخلق مشاكل جديدة ومتطلبات جديدة وبضطر يعمل اي شيء عشان يحقق المتطلبات دي ...
ياسمين : احم سوري يعني اني هقاطعك بس انا عايزه غزل بنات من ده
عمر : غزل بنات ايه انتي صغيرة
ياسمين برجاء: عشان خاطري ...وحياتي عندك.عايزه غزل بنات من زمان ما اكلتوش
عمر : حاضر مش عايزه حاجه تاني
ياسمين بخجل طفولي : والله انت وذوقك
عمر وقد عرف هذة الكلمات تتبعها مشكله : استر يا رب عايزة ايه
ياسمين : عايزه بلونه من دي
عمر : نعععم هتمشي ببلونه في الشارع دي طفوله متأخرة دي ولا ايه
ياسمين بتمثل الزعل : خلاص مش عايزة حاجه يلا نمشي
عمر مهنش عليه زعلها : خلاص اصبري ....خليكي هنا هروح اجيب واجي
ياسمين بفرحة : بجد طب عايزة غزل البنات ابيض والبلونه عايزه الحمرا اللي هناك دي بقلم Nour Mahmoud
عمر بابتسامة: حاضر
بعد شويه كان جاب غزل بنات كتير والبلونه اللي اختارتها وبلونات تاني صغيرة
ياسمين بحماس : الله حلوين اوي شكرا بجد
عمر : اي خدمة ..يلا نروح بقا عشان اتأخرنا
ياسمين : يلا
كملوا مشي لحد البيت كانت احسن ساعة في عُمِر عُمٓر بحيث انه اتكلم مع ياسمين اكتر فترة ممكنه عرف عنها حاجات جديدة بس خد قرار كبير وعزم انه هينفذه بكرةوصلوا البيت وياسمين دخلت بفرحه بقلم Nour Mahmoud
ياسمين : السلام عليكم يا اهل الدار
محمد : وعليكم السلام ها عملتي ايه النهارده
ياسمين قعدت جنبه : الحمد لله كان يوم متعب جدا بس حلو واتعرفت ع بنات جديدة فرح وروضة وان شاء الله هنكون اصحاب
محمد بتحذير : خلي بالك من الصحاب وشوفي انتي هتصاحبي مين ..الصاحب ساحب لو صاحب كويس هيشدك للحاجات الكويسه لو صاحب وحش هيشدك غصب عنك للحاجات الوحشه متتغريش بشكل حد او لبسه عمر الشكل ما عبر عن صاحبه
ياسمين : حاضر انا عمري ما وثقت في حد من اول موقف باخد وقت كبير لحد ما بثق في حد
ثريا : خدتي محاضرات النهار ده ولا عملتي ايه
ياسمين : آه طبعا اخدنا تلات محاضرات
ثريا : من اول يوم كدا
محمد : مش مدرسه هي اول يوم مفيش دراسه دول هيكونوا دكاتره وفي ايدهم ارواح ناس لازم يستغلوا كل لحظة
ياسمين : بابا
محمد بتوجس : نعم
ياسمين : كنت عايزة اتكلم معاك في موضوع
محمد : خير
ياسمين : انا عايزه اشتغل بعد الجامعه
محمد : كنت عارف ان بعد بابا دي في مشكله بقلم Nour Mahmoud
ياسمين : ولا مشكله ولا حاجه انا هشتغل بدوام جزئي يعني بعد الجامعه ولما ارجع هذاكر ومش هيأثر علي المذاكرة والله
محمد : انا قصرت معاكي بحاجه ؟
ياسمين : لا والله ابدا بس انا حابه اصرف على نفسي بقا وبعدين رحمة في تالته ثانوي وعايزه مصاريف كتير وانا كمان كليتي بتصرف كتير فانا هشتغل عشان اساعد في المصاريف
عمر : يبقى انا احط طرحه واقعد في البيت بقا
ياسمين : والله ابدا انتوا ليه مش متخيلين انه شغل عادي ما كل البنات بتشتغل
محمد : كل واحده ليها ظروفها والله اعلم بيها لكن انتي مش معقول يكون في اتنين بيشتغلوا في البيت وانتي تشتغلي
ياسمين : ماشي كل واحده ليها ظروفها وكل حاجه بس ايه المشكلة اني اشتغل
محمد : يا بنتي انتي كليتك صعبة وعايزة مذاكره وتعب مش هتقدري على كل ده ..ايه يا ام عمر ما تقولي حاجه
ثريا : واقول ليه سيبها تقول اللي عايزاه واللي هيتنفذ في الاخر ان مفيش شغل
ياسمين : طب خلوني اجرب ولو ما قدرتش هقعد من الشغل والله
محمد : لا يعني لا وان جيبتي سيرة الشغل تاني هزعل منك لما ابقى مش قادر اصرف عليكي ابقي اشتغلي مع الدراسه
ياسمين : يا بابا بس
محمد : لا لما تتخرجي اشتغلي زي ما انتي عايزه
ياسمين برجاء : عشان خاطري
محمد بحزم : قولت لا ويلا ادخلي بقا غيري وتعالي كلي
ياسمين قامت بتدبدب برجلها في الارض : يوووه بقا كل حاجه لا لا
محمد : في واحدة عايزة تشتغل تدبدب برجلها في الارض زي الاطفال
ياسمين بغيظ : ايوا وانا مش بكلمك بقا
محمد : وانتي مين قالك اني بكلمك
ياسمين ضربت برجلها في الارض بغيظ ومشيت
عمر : ياسمين عنيدة ومش هترتاح الالما تشتغل
محمد : تشتغل ايه دي طفله هي الحماس واخدها شويه وبعدين هتتهد من المذاكرة وتسكت واحدها
عمر : ربنا يسهل ..ماما عايزين ناكل انا والبنت الغلبانه دي ما اكلناش حاجه من الصبح بقلم Nour Mahmoud
ثريا وهي تقوم : من عنيا يا حبيبي ثانيه واحدة والاكل يكون جاهز
عمر : تسلم ايدك ...بابا انا عايزك في موضوع
محمد : خير يارب موضوع ايه
عمر : انا كنت عايز ****
محمد بصدمة وفرحه : حصل اللي في دماغي صح ؟
كل سنه وانتوا طيبين وعيد سعيد عليكوا يارب
اسفه جدا جدا عالتاخير بقالي اربعة وعشرين ساعة مش نمت خالص لدرجه اني نمت وانا بكتب البارت ده وكنت بهلوس بيه 😂😂😂😂 اخواتي قعدوا يسألوني وان حكيت الرواية كلها وانا نايمه😴😴😅
رأيكوا مهم جدا بالنسبالي
عندما يكون العوض جميلا
|10|
عمر :بابا كنت عايز اتكلم معاك في موضوع
محمد : اتفضل
عمر : بابا انا عايز اسيب البيت
محمد بصدمة وفرحه: اللي في دماغي حصل ؟
عمر بص للارض بحزن : للاسف
محمد : للاسف ليه انت مش مبسوط
عمر : هتبسط ازاي وانا مش هقدر اتجوزها
محمد بدهشه : ليه
عمر : ترضى ان رحمة تتجوز دلوقتي
محمد : لا دي لسه في تالته ثانوي تشوف مستقبلها الاول
عمر : يبقى ازاي عايزيني اتجوز ياسمين
محمد : ياسمين عرفت مستقبلها فين ممكن تعمل خطوبه وبعدين كتب كتاب والفرح لما تتخرج او قبل ما تتخرج بسنه مثلا
عمر : لا انا مش.عايزها تفكر في حاجه غير التعليم مش عايزها تتشغل باي حاجه تاني بقلم Nour Mahmoud
محمد : طب هتفضل سبع سنين بعيد عن البيت هتقعد فين
عمر : : هقعد عند صاحبي لحد ما اعمل طلب نقل من المستشفى اللي انا فيها لفرعها التاني وهبقى انزل اجازات
محمد : طب وافرض ان ياسمين شافت حد تاني واعجبت بيه هتعمل ايه ساعتها
عمر بعصبيه : لا مستحيل تحب غيري ده انا اقتله
محمد : البعيد عن العين بعيد عن القلب وبعدين هي بتحبك انت اساسا عشان تحب غيرك ؟
عمر : لا هي اكيد مش هتتجوز الا لما تخلص تعليم ده حلمها
محمد : طب خليك هنا لحد ما اطلب بتاعك يتقبل بلاش تمشي فجأة كدا عشان متحسش بحاجة
عمر بتفكير : ماشي ...انت عرفت ازاي اني بحبها من غير ما اتكلم
محمد بضحك : ده انا ابوك بردوا ..فاكر اليوم اللي ابوها كان.هنا فيه
عمر : وده يوم يتنسي يوم ما كانت عايزه تنتحر
محمد : يومها لما قولتلك بتحبها قولتلي يوم ما هحبها هسيب البيت عشان الشيطان ميضحكش عليا واعمل حاجه تغضب ربنا
عمر : ياااه فاكر لحد دلوقتي
محمد : فاكر لان يومها شوفت حبها في عينيك بس كنت بتكابر فقولت اسيبه يحدد مشاعره ويقرر
عمر : طب ليه مقولتش من ساعتها يمكن كنت قدرت الحق نفسي بقلم Nour Mahmoud
محمد : تلحق نفسك من ايه الحب مش بإيدك تتحكم فيه ده حاجه ربنا زرعها جواك من غير ما تحس وفضلت تكبر لحد ما بقيت حاجه كبيرة ساعتها شوفتها وحسيت بيها
عمر : معاك.حق
ثريا دخلت : يلا يا عمر الاكل جاهز
عمر : ماشي
محمد : نادي ياسمين تاكل هي كمان ما اكلتش
ثريا : ناديتها قالت انها زعلانه منك ومش هتاكل عشان مش موافق انها تشتغل
محمد : البنت دي عناديه اووي مش عارف اعمل فيها ايه
عمر : انا مش عارف ايه اللي طلع فكرة الشغل في دماغها
محمد : انا هروح اصالحها
ياسمين قاعدة عالسرير هتموت من الغيظ ورحمة وهدى قاعدين ساكتين
ياسمين : مش عارفه مش راضيين اني اشتغل ليه ... ايه اللي هيحصل يعني لو اشتغلت ....البنات كلها بتشتغل اشمعنى انا ...(بصوت عالي ) انا بكلم نفسي متردوا عليا
رحمة : انتي بقالك ساعة بترغي في موضوع فاضي شغل ايه اللي هتشتغليه حد يلاقي الراحة ويقول لا
ياسمين : بت انتي يا تقولي كلمة عدله يا تسكتي
هدى : طب بالراحه كدا انتي عايزه تشتغلي ايه
ياسمين : مش.عارفه
هدى ورحمة : نععععم
رحمة : يعني كل الدوشه دي وانتي مش.عارفة هتشتغلي ايه
ياسمين : بتكلم عالفكرة من الاساس وبعدين ابقى ادور على شغل بعدين بقلم Nour Mahmoud
رحمة : انا قايمة اشوف مذاكرتي احسن ما اضربها
ياسمين : ايوا امشي انتي اساسا متقدريش تعملي حاجه
رحمة : كدا طب اهو
ضربتها بالمخده وبدأت حرب المخدات بينهم لحد ما سمعو خبط عالباب فياسمين عملت نفسها زعلانه تاني
محمد : بتعملوا ايه
رحمة : ولا حاجه ..انا رايحة اذاكر بعد اذنك
محمد : ربنا يقويكي ...وانتي ياسمين مش راضيه تتطلعي تاكلي ليه
ياسمين : انا مش بكلمك.على فكرة
محمد : وانا بكلمك وانتي المفروض تردي عليا زعلانه ليه
ياسمين : ليه رافض اني اشتغل
محمد : انتي عايزه تشتغلي ليه
ياسمين : انا بقالي معاكوا حوالي سنتين اهتمتوا بكل حاجه تخصني اكل وشرب ودروس ولبس المفروض اشيل نفسي بقا وشكرا ليكوا لحد كدا واللي عملتوه معايا ده جميل عمري ما هنساه بقلم Nour Mahmoud
محمد بزعل : جميل وشكرا طب يستي العفو
قام خرج وهو زعلان بجد
ياسمين : انا شكلي عكيت الدنيا
هدى بصتلها بحزن : ايوا
قامت مشيت هي كمان
ياسمين قامت تعتذر لمحمد ولقيته في البلكونه
ياسمين بصوت هادئ : بابا ؟
محمد لا رد
ياسمين بصوت مخنوق بالبكاء: بابا
محمد لا رد
ياسمين ببكاء: بابا انا اسفه
محمد بحزن : كنت عارف ان اليوم ده هيجي بس متوقعتش انه قريب كدا ... انا عمري ما حسيت اني قليل كدا انتي حسستيني اني عملت كدا عشان حاجه معينه عشان يبقى ليا فضل عليكي مثلا او عايز منك حاجه ...انا يوم ما جيبتك هنا وانا اعتبرتك بنتي وعشان عارف اني لما اموت مش هتورثي مني حطيت مبلغ في البنك باسمك لاني ممكن اموت فجأة
ياسمين قعدت قدامة عالارض: بعد الشر عنك انا والله ما اقصد
محمد : انتي النهارده اثبتيلي انك لانتي بنتي ولا انا والدك
ياسمين بدموع : والله يا بابا انت اغلى عندي من بابا الحقيقي انت كنت احن عليا منه انت اللي اشتريتني لما هو باعني ..انا اسفه سامحني
محمد بص بعيد ومردش
ياسمين : والله ما اقدر على زعلك سامحني بالله عليك انا اسفه والله بقلم Nour Mahmoud
محمد : هسامحك بس بشرط
ياسمين مسحت دموعها: انا جاهزة لاي حاجه ايه هو الشرط
محمد : متفكريش في الشغل ابدا لحد ما تلخصي
ياسمين : موافقه
محمد : وتعمليلي قهوة حلوه كل يوم
ياسمين : من عنيا
محمد : خلاص مسامحك
ياسمين : مش زعلان مني
محمد : مش زعلان منك
ياسمين قبلت يده : ربنا يخليك ليا
محمد : ويخليكي ليا....قومي بقا ذاكري عايزينك تبقي اشطر دكتوره
ياسمين : حاضر
خرجت ياسمين ودخلت ثريا معاها الشاي
ثريا : الشاي
محمد : تسلم ايدك
ثريا : تسلم ...كان مالها ياسمين كانت خارجه شكلها معيطه
محمد حكالها اللي حصل : بس وخلاص مش هتفكر في الشغل تاني
ثريا : متزعلش منها اي حد في مكانها كان هيفكر كدا
محمد : مش زعلان منها دي بنتي اللي مش من صلبي انا بس كلامها اثر فيا بقلم Nour Mahmoud
ثريا : معلش هي اكيد مكنتش تقصد
محمد : عمر طلع ؟
ثريا : ايوا اكل وطلع على طول
محمد : ربنا يصلح له الحال
ثريا : امين
مر الليل سريعا في الصباح على مائدة الافطار
محمد : هنوصل ياسمين ازاي والعربيه عطلانه
عمر : انا ممكن اوصلها في طريقي
ياسمين : مفيش داعي فرح وروضة ساكنين قريب هيعدوا عليا ونروح سوا ونرجع سوا
محمد : خلاص على بركة الله بس خلي بالك من نفسك
ياسمين : حاضر
عمر : لو احتاجتي حاجة كلميني
ياسمين : ماشي ...اهي روضة بترن عليا اكيد تحت انا نازلة سلام
محمد : مع السلامه
ياسمين : صباح الخير
فرح وروضة : صباح النور
روضة : يلا بسرعة متأخرين
ياسمين : ايه اللي اخركوا كدا
فرح : ست روضة هي اللي اخرتنا
روضة : راحت عليا نومه والله يدوب صحيت وصليت ولبست ومفطرتش حتى
ياسمين : خلاص حصل خير يلا نركب
ركبوا ووصلوا لقيوا ان الدكتور اعتذر عن المحاضرة الاولى
فرح : ياربي يعني احنا جايين جري عشان تتلغي في الاخر
روضة : احسن انا اساسا لسه مفوقتش وعايزة اشرب قهوة
ياسمين : تعالي افطري وبعدين نشرب قهوة سوا
راحوا شربوا القهوة وبعدين اخدوا المحاضرات وكانوا نازلين السلم كان فيه مياة عالسلم وياسمين اتزحلقت ووقعت رجلها اتلوت بقلم Nour Mahmoud
فرح بخضة : ياسمين خدي بالك
ياسمين : آآآه رجلي
روضة : مش تاخدي بالك رجلك شكلها اتلوت هنعمل ايه دلوقتي
ياسمين ببكاء: اعملوا اي حاجه رجلي بتوجعني اوي
فرح : لازم ناخدها المستشفى
ياسمين : مش هقدر امشي
روضة : تعالي ننزل السلم بس وبعدين نركب تاكسي
سندوها ونزلوها في المستشفى
الدكتور : متقلقوش رجلها اتلوت بس هربطهالها برباط ضاغط وتقدروا تاخدوها بس تفضل اسبوع في السرير
فرح : ماشي
روضة : ياسمين ادينا رقم حد من اهلك نكلمه
ياسمين : بلاش نقلقهم هروح عادي مفيش حاجه
فرح : ايوا احنا كدا كدا هنوصلك بلاش نخوفهم
روضة : ماشي
الدكتور : انا خلصت دي الادوية اللي هتاخدها واهم حاجه الراحه
فرح : تمام شكرا
الدكتور : الشكر لله
روضة : يلا
فرح : يلا
سندوا ياسمين ونزلوا اخدوا تاكسي للبيت
في البيت كله كان رجع ما عدا ياسمين طبعا
هدى : انا رايحة اعمل نسكافيه حد عايز
عمر : ايوا اعمليلي معاكي وهاتيه البلكونه
هدى : ماشي
عمر راح البلكونه محمد كان هناك
محمد : عملت ايه في الشغل
عمر : قدمت طلب النقل ولسه مستني يتوافق عليه
محمد : ربنا يسهل
عمر بصدمة : ايه ده بقلم Nour Mahmoud
محمد : دي ياسمين صح ؟
عمر : ايوا اصحابها مسندينها ليه
محمد : اكيد تعبانه
عمر جري عليها ونزل بسرعة
عمر بلهفه : ياسمين مالك ؟ مالها رجلك
ياسمين بتعب : مالهاش اتلوت بس
روضة : ممكن تشيلها تطلعها
ياسمين : هركب الاسناسير
روضة : مكتوب عليه انه عطلان
ياسمين : ما كان شغال الصبح
فرح : خلاص اخوكي هيشيلك
ياسمين : مش اخويا ده ابن عمي
عمر : كان واقف متكتف مش قادر انه يقرب يشليها ولا يفضل بعيد
فرح : خلاص احنا هنسندك لحد فوق التالت مش بعيد
ياسمين : ماشي بس يلا
ساعدوها البنات لحد ما طلعت ودخلت اوضتها
ثريا : مالها رجلك اتلوت ازاي
فرح : كان في مياة عالسلم ووقعت فيها
ثريا : مش على مهلك حلو كدا
ياسمين : اهو اللي حصل بقا
روضة : الف سلامه عليكي احنا لازم نمشي بقا عشان اتأخرنا
ثريا : طب استنوا اشربوا حاجه
فرح : معلش والله لازم نمشي المفروض نكون في البيت دلوقتي
ياسمين : شكرا يا بنات تعبتكوا معايا
روضة : ولا تعب ولا حاجه خدي العلاج بتاعك اهو
ياسمين : ماشي
روضة : سلام عليكم
ياسمين : عليكم السلام
نكمل البارت الجاي