عشقت عيون نوف عشق لاينتهي - البارت الواحد والعشرون - بقلم مجهوله | روايتك

على تمام الساعه 12:00 في الليل.. خرجت نوف عشان تشرب مويه وشافت ماجد نايم على كنبه الصاله بدون لحاف والجو بارد لان الدريشه حق الصاله مفتوحه اتنهدت وقالت بهمس: كان تستاهل بس وش اسوي رحيمه انا.. وراحت سكرت الدريشه وبعدين دخلت الغرفه اخذت لحاف وخرجت لصاله وقربت منه بشويش وحطت اللحاف ماجد فتح عيونه مباشرتاً وشافها وابتسم.. اتلبكت نوف وقالت: علامك وش فيك شاقق الحلق.. ماجد جلس وقال: فديت الحنونه انا.. نوف: لا ابد حنونه وشوو. بس ليه من بنايم بالغرفه.. ماجد: ماانام الا بغرفتي وانتي نايمه فيها ومسكرتها بعد.. نوف اتكتفت وقالت: وانا صدقتك.. المهم انا فكرت اذا كنت تبيني افكر اسامحك عندي شرطين يلي هم، الاول انك قدام اخوانك وهلهك كلهم تعتذر لي وترد اعتباري قدامهم اما الشرط الثاني داليا تعتذر لي وتحب رأسي.. ماجد: يعني ضروري قدام الكل ليه ماتكون بيننا .. نوف: لااا ضروري قدام الكل.. ماجد: وبعدين بتفكرين تسامحيني او لا.. نوف: بضببببببط.. ضحك وقال: هههههه الله الله.. نوف:محمد رسول الله.. ماجد: زين تمام بكره الصباح.. نوف: يالله ابروح انام ماجد وقفها: هاه هاه. لفت لعنده وقالت: وش تبي.. ماجد: ادخل غرفتي انام.. نوف: لالا مو ضروري خليك اليوم اهنا او بالغرفه ذيك.. غرفتك انا بنام فيها وبعدين الغرفه مشتركه متى ابي انام فيها وحدي انام.. وابتمست ومشت ودخلت الغرفه وسكرتها.. ماجد ضحك واتسطح ع الكنبه وقال: استااااااهل.... *********************************** في الصباح صحى الكل يلي يسوي الفطور ويلي يتجهز يروح الجامعه.. صحت نوف لبست جلابيتها البني والطرحه يلي بنفس اللون وخرجت من الغرفه لقت ماجد نايم ع بطنه ويده خارج الكنبه واللحاف اشوي فوقه والباقي خارج الكنبه ضحكت على شكله وقربت منه وبصوت عالي: مااااااجد.. وقف بفزعه وقال: وش فيييي وش يلي صار.. نوف: ههههههه مافي شي لاتشيل هم.. مسح على وجهه وقال: سلاماااات ياشيخه ماعندك اسلوب احسن من كذه تصحي احد.. ياتصرخين او تسكرين الباب بقوه او تكسري شي زجاج ترى بموت ع يدك.. نوف: لا تبالغ اووووه وبعدين انت مايبي لك اسلوب راقي يبي لك اسلوب نفس اسلوبك ماجد: افففف تهزيئه مرتبه.. كسرتي خاطري يانوفتي.. نوف: اقووول الحين البس ورتب اللحاف عشان ننزل وتسوي يلي قلتت لك ماجد: هههه زين زين لاتعصبي... نوف: هيا بلا كثر كلام.. ماجد: هههه والله صاير عندك مثل الخروف.. نوف:هيااا ماجد قبل مايخرجون اخوانك لشغل.. ماجد رفع اللحاف يرتبه ورد: زين زين يالله.. ودخل الغرفه لبس وخرج وهو ماسك بيده مفتاح سيارته وجواله وقال: هيا.. نوف: هيا.. ونزلو مع بعض لدور الثاني ودخلو الشقه وشافو ان الكل مجتمع وام علي لابسه عبايتها.. ماجد: اااااسلام عليكم.. الكل لف لعندهم وردو: وعليكم السلام.. داليا تناضرهم بحقد.. ماجد: وين رايحه يالغاليه.. ام علي: بنروح لياسمين ونرجعها.. ابتسمت نوف بفرح وناضرت الهنوف يلي قالت: الحممممد لله الذي هداك.. امجد: توبه.. علي عطني جوالي.. علي: الين ماترجع ياسمين اباخذ لك جوال اجديد لاني تصدق بجوالك.. امجد: وشوووو ليييه.. علي: كان في واحد من الموظفين مامعه قلت ابجيبه له..ضرار: ااايه يايبه والله انك رجال كفووو.. امجد: اييه كفو كفو ماشاء الله.. ماجد: زين الحين اسمعوني انا لما ذاك الغبي يلي ماادري وش اسمه اتصل وقال يلي المفروض ماينقال.. ااا انجنيت ومديت ايدي يلي اتمنيت انها انكسرت ولا مديت ع نوووف. ابي اعتذر منها وقدامكم كلكم عشان تعرف غلاها... ولف لنوف يلي تناضره بصمت وكمل: انااا اسف واسف واسف واسف واسف.. حست نوف براحه اشوي انها اعتذر لها قدام الكل.. ام علي: ولييه جاي تعتذر لها اهنا. ماجد: كذه ابي اعتذر لها قدام الكل عشان مااعيدها.. خالد: عشنا وشفنا مااااجد يعتذر ولمين لبنت حــ... سكته ياسر: خااااااااالد اسكت اسكككككت.. خالد بعصبيه: كم مرررره اقووول لك لاترفع صووووتك عليييي يالحمار ترى انا اخوووك الكبير.. علي: خاااالد اهدأ.. ام علي لنوف: عجبك نوف: وش سووويت انا، يلي يغلط يعتذر.. ماجد: نعم وانا بغيت اعتذر لنوف لاني غلطت عليها.. ولف لداليا وقال: تعالي بتعتذرين انتي بعد وتبوسين رأسها.. داليا بصدمه: وشووو انا اعتذر لذيه.  نوف: ذيه يلي تقولين عليها سكتت لك عشان مايزعلون اخوان ماجد.. داليا: لووو تموووتين مااعتذرت. ماجد بعصييه: بتعتذررررين يعني بتعتذرين. ام علي: ولددد وش عندك.. ماجد: قلت بتعتذر او تحلم انها ترجع الجامعه وباشوف من يعارضني.. علي: اعتذري ياداليا ياسر: داااامك غلطي اعتذرررري يالللله.. وقفت داليا بفشله وقربت من نوف وهمست: اسفه.. نوف: ماسمعت داليا بكره: اااااسفه.. نوف قربت منها اشوي عشان تبوس رأسها.. ماجد اشر لداليا تبوس رأسها.. داليا قربت منها وباست رأسها ومشت بسرعه لغرفتها وسكرت الباب بقوه.. علي: ونعتذر منك بنيابه على ماجد الهمجي وعلى داليا.. نوف: ماعليك زود ياخوي الغلطان السيد ماجد وبنت خالته انت وش دخلك... ام علي: لاتكبرين السالفه زين.. نوف: ماكبرت شي انا قلت  يلي لازم ينقال وسويت لي لازم يتسوى وبس.. الهنوف كل يوم تحب نوف اكثر لقوتها وجرأتها يلي تزداد كل يوم.. سمر لاامل بهمس: والله قلبت البيت هلبنت.. امل: ابي اعرف هي ماتستاهل حد يحترمها ليه يحترمونها..سمر: دام ماجد يحبها ماحد بيقول لها لا.. امل: شكله هذه يلي بيصير.. امجد: يالله يمممه.. ام علي ناضرت نوف باستحقار وقالت: مااعرف وش سويتي لولدي يلي صاير يرفع صوته ويعصب ويضرب... ماجد: والله التربيه تربيتك وانا ماغيرت فيه شي.. ناضرها بصدمه وقال: وشوو.. نوف: العفو العفو ماااجد لاتعصب بعدين امك تقول عصبت فيك.. ياسر ناضر علي وضحك.. علي: هههه زين زين يالله امجد روح انت وامي لبيت عبد الله.. ضرار الهنوف للجامعه.. ماجد ياسر خالد ع شغلكم ياللله وانتين ع المطبخ.. ضرار: زين زين يالغالي.. هنوفه كنت ابوصلك  ع طريقي بس خوي بيجي معي.. الهنوف: لا عادي مب مشكله.. ضرار: يالله زين خاطركم... ماجد همس لنوف: رضيتي.. نوف: اشوي.. ماجد: اطلبي وش عادك تبي.. نوف: ولاشي روح الحين ع شغلك.. ماجد: والله وصايره تتأمرين.. نوف: لا ابد وش يلي اتأمر قلت وش تبي قلت ولا شي روح ع شغلك. ماجد ابتسم وقال: زين يالله مع السلامه وخرجو.. واتفرق الكل وراح لعمله.... ************************************* عدنان فتح الباب وشاف ضرار ابتسم وقال: حيا الله ضرار.. ضرار: الله يحيك ويبقيك.. عدنان: ادخل ادخل.. ضرار دخل وقال: الله الله.. عدنان: مافي حد في الصاله ضرار: هيااا نبي نروح الجامعه.. عدنان: تمام اعقد ابقول لك شي.. قعد ضرار بااهتمام وقال بهمس: وش في.. عدنان بهمس: اااا ابوي.. ضرار: وش صار له... عدنان بنفس النبره الهامسه: العنود بتسأل مسكوه او لا مااقدرت اكذب عليها او اقول لها.. ضرار: لا تقول لها الحين احسن ياعدنان تراها بتتأثر.. عدنان: والله لو ماني معتبرك مثل اخوي ماكان حكيت لك عن اختي وعن حياتي.. ضرار: امااا عاااد وش دعوه انا اخوك من يوم يومي.. ابتسم عدنان وقال: احلا اخو والله.. ضرار حط يده على خصره وضغط عليه وقال بصوت متوجع: اااا عدنان اذا ماعليك امر ابي ماء.. عدنان: ابشر الحين ابجيب لك.. ووقف وراح صوب المطبخ.. ضغط ضرار على كليته بقوه ويحس بوجع بيطقه... لما سمعت العنود صوته وهو يطلب ماء وقفت وفتحت اشوي من الباب عشان تراقبه وشافته كيف ماسك خصره وضاغط ع اسنانه حست انها هي يلي تتوجع تتمني لو تخرج تسأله وش يلي فيه.. ولما شافت عدنان خرج من المطبخ سكرت الباب بسرعه.. ضرار ابعد يده وسوي نفسه طبيعي عشان لا يقلق عدنان.. ابتسم بمجامله ومد يده واخذ الماء وشربه وحط الكاسه فوق الكمندا وقال: يالله.. عدنان: هيا.. ووقفو وخرجو.. العنود بنفسها: ياربي وش يلي صاير له اقول لعدنان بس بيقول واشلون عرفت.. ياربي وش فيه اقول للهنوف لالا بتفهم غلط.. افففف.. ********************************** امجد: ايييه ابي اشوفها.. ابو هشام: زين اقعد اقعد وانايدها الحين.. وخرج.. قعد امجد وهمس: يارب ماترفض يارب.. اشوي ودخلت ياسمين وهي منزله رأسها وقعدت بعيده عنه اشوي.. امجد بتوتر: ااا اشلونك.. ياسمين: الحمد لله.. امجد وقف وراح وقعد جنبها وقال: اسمعيني ياياسمين انا غلطت معك جاي الحين اعتذر لك واقول لك اااااسف من قلبي وان شاء الله ماتنعاد.. ياسمين: وش يضمني انك ماتعيدها.. امجد: قسم بلذي احل القسم مااعيدها اووووعدك بتغير صدقيني حسيت بدونك بالغرابه البيت بدونك ولا شي.. ابتسمت ياسمين بخجل وقالت: زين بس اذا عدتها صدقني اني باقول لااخواني وباااخلعك.. ابتسم وقال: لاتخلعيني اقتليني.. ياسمين: لا وش تقول وش يلي اقتلك.. امجد: بترجعي الحين معي.. ياسمين: زين صدقني انا بدونك كأني مو عايشه.. صح زعلت منك بس ماقدرت اني اكرهك.. ابتسم بفرح ممزوج باسف: مااستاهل انك تحبيني.. ياسمين: دامك بتتغير الا تستاهل.. امجد: ابشرررري والله لااتغير واكون لك زوج واب واخ واب لاابننا.. ابتسمت بفرح وقالت: الله يبشرك باخير يابعد قلبي.. الحين ابلبس واجيك.. هز رأسه وقال: لاتتأخرين باليومين يلي مشت بدونك كأنه سنتين ماابي اضيف شهر.. ضحكت وقالت: طيب.. ووقفت وخرجت.. اتنهد بفرح وقال: الحمممد للللللله ********************************** دخلت ياسمين شقتها ورتبتها وهي فرحانه وبعدين نزلت لدور الثاني فتح لها مراد وصرخ: عمتييييييي وضم ارجولها نزلت لعنده وضمته  وباسته وقالت: فددديت يلي يقول عمتي..ووقفت. نوف خرجت من المطبخ وصرخت: يااسمينوووووووو وجرت وضمتها.. ياسمين: اي اي اشوي اشوي يابنت.. بعدت عنها نوف وقالت: ياكلبه وحشتيني.. ياسمين بعصبيه ممازحه: كلببببه وشو.. نوف:ههههه امزح امزح ليه ماوصلتي لهنا.. ياسمين: عشان رتبت الشقه يومين ماتتنظف.. نوف: اهااا ومين يلي قلك ماتتنظف كنت انا والهنوف كل يوم ننظفها.. ياسمين: كللللل يوم.. نوف: ايه.. ياسمين: هي يومين.. نوف: ههههههه لاتصدقي مادخلنها.. ياسمين: اااايه قولين كذه ليه الكذب.. نوف: كنت ابفرحك، ادخلين ادخلين والله بيت آل الماجد ماهي شي بدونك.. ياسمين: وش عندكم والله مااتوقعتها منك ومن امجد.. نوف: وشوو.. ياسمين: الرمنسيه.. نوف: الله يقطع ابليسك ماتستاهلين.. ياسمين: ههه امزح امزح.. وقربت منها وباستها على خدها وقالت: فديييت اعيونك يلي تذبح.. نوف تحط ايدها ع وجهها وتقول وهي تتحرك بشويش يمين وشمال وقالت: استحيييييت.. ياسمين: هههههههه اقول امشي امشي. نوف: امزح وش بلاتس.. ياسمين: نوووف الا السين بتصدعين راسي.. نوف: ههههههه تمام تمام ادخلي ياجعل مايدخل غيرك ابتسمت ياسمين ودخلت.. *************************************