يوم من حياتي - الفصل الخامس - بقلم امل احمد - مكتملة | روايتك

روايه(يوم من حياتي) 〰️〰️〰️〰️〰️〰️〰️〰️〰️〰️ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏... ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏البارات5 〰️〰️〰️〰️〰️〰️〰️〰️〰️〰️ كانت ساميه تحكي والكل ساكت واحيانا تنزل دمعه من عيونها يمسحها خالد بلطف ويشد على ايدها ليقويها خالد عاش القصه بخياله وتصور نفسه مكان جاسم معقول كان رح يضحي ب اجمل سنوات عمرو بالسجن ليحمي شرف بنت يادوب عرفها ساميه : وهي قصة جاسم من اولها لاخرها نرجس : ولي على امتي عليهن اكيد اتعزبو انا بعمري ماسمعت قصة حب هيك ام ساميه : فعلا جاسم عاشق متيم خالد : جاسم رجل قبل مايكون عاشق انسان ب اخلاقه حرام ينرمي بورده والحقير جمال خلاه يقضي عشر سنوات بالسجن ظلم ااااخ ساميه ب الم : خلص انا رح اخسر القضيه 😔 خالد : بتعرفي شو عيبك الوحيد ساميه ساميه :…………… .. خالد : انتي وقت تحزني بتستسلمي ومابتعودي بتفكري ساميه : انا خالد : ايه انتي………. سامية : 🥺 خالد : حكيتيلي جاسم كان يشتغل ضابط بسلاح الجو بالحربيه صح ساميه : اي امبلا خالد : ههههههه لك يامجنونه خلص محلوله حاج تبكي ساميه : كييييييف قلي خالد : بتبعتي حدا بتوثقي فيه لتركيا لمكان ماكان يشتغل جاسم ساميه : ايه خالد : بتطلبي منه يجيبلك كشف كامل عن دوام جاسم ومتى اخد اجازه بالتواريخ ساميه : ايه خالد : وبتخليه يروح للضيعه مكان اقامة جاسم ويجيب جميع اوراقه الثبوتيه وشهادات تخرجه وازا حسن يجيب امه وابوه بتكون انحلت… . شفتي اديش الموضوع سهل بس انتي فورا بتبلشي تبكي غاويه نكد توسعوا عيون ساميه ورسمت على وجهها ابتسامه عريضه هجمت عخالد باستو من خدو بوسه كبيره خالد بخجل : خاله سهيله هي بنتك يلي باستني مو انا ام ساميه : هههههه لك والله مجنونه وقفت ساميه واطلعت بخالد… ليك خالد انت ساعدتني بالمره الاولى وبعتني لعند مريم يلي كشفت كل اوراق حسن خالد : اي بشو عم تفكري هلأ ساميه : بصراحه انا مابثق بحدا لابعته مكاني لهيك انا يلي رح سافر ام ساميه : لا مارح اسمحلك شدت نرجس ع ايد ام ساميه انه تسكت وماتوقف بطريق بنتها خالد : انتي رائعه ساميه ياريتني بصحتي كنت ماتركتك تسافري وحدك قربت ساميه لعند خالد وحطت ايدها ع خدو وهمستله ساميه : انا بعمري مارح انسى وقفتك معي خالد. انت هلأ ارتاح وبس ارجع بدي شوفك واقف على اجريك تمام خالد عم يتنفس بصعوبه وهو حاسس ب انفاسها قريبه منه وقلبه ماعاد هدى هز براسه وقال ماشي وانتي انتبهي عحالك وحاولي تتحركي بسرعة ### تاني نهار من الصبح بكير كانت ساميه مجهزه امورها للسفر ومابقي عليها الا تروح لعند جاسم تخبرو وبالفعل ركبت تاكسي وتوجهت لعند جاسم فورا ساميه : صباح الخير جاسم : اهلا ساميه اتوقعت جيتك ساميه : جاسم انا مسافره استغرب جاسم بس متل عادته مابيبين اي ردة فعل جاسم : لوين ؟ ابتسمت ساميه وخبرت جاسم بكل شي اتفقت عليه هيه وخالد جاسم : بس انا مو موافق ساميه : نعم !!!! جاسم : حاج تعرضي حالك للخطر كرمالي ساميه وهي عم ترسم ابتسامه دافيه على وجهها .. ممكن سؤال ❔ جاسم : اكيد ساميه : لو انا بحاجة مساعدتك بتتركني جاسم : ارجوكي ساميه الوضع بيختلف ساميه : لا مابيختلف انت مارح تتخلى عني وانا وعدتك ما اتخلى عنك خالصين وهلأ عن ازنك عندي طياره مابدي تفوتني مسك ايدها وحط فيها عقيقه ساميه : شو هي جاسم : هي العقيقه اشتغلها ابي لسمر وقت كانت عنا بالضيعه وقعت منها ب اخر لقاء بينا واحتفظت فيها ساميه : وليش عم تعطيني ياها جاسم : بكل بساطه لانه اهلي بيعتبروني ميت ووقت يشوفوا هي العقيقه رح يعرفوا اني عايش ساميه : رح تسامحني لو خسرت القضيه ابتسم جاسم وطبع قبله ع جبين ساميها وقلها روحي لحقي طيارتك الله يحميكي ### طلعت ساميه وهي عم تدعي ربها يوفقها ومايخيب رجاها وصلت اخيرا لتركيا وفورا طلعت عالعنوان يلي عطاها ياه جاسم بمكان عمله التقت برجال بالاربعين من عمرو قاعد بيشرب شاي ومركز بالاواق يلي قباله ساميه ( بالتركي )… مرحبا الرجال : اهلا كيف لي ان اخدمك سيدتي سألت ساميه عن شخص اسمه رامي السرحان… اشرلها الرجال انه بالمكتب يلي قباله راحت ساميه بخطوات بطيئة عم تطلع بوجه هالشخص يلي وصلت عندو ساميه : احممم حضرتك الاستاز رامي السرحان رامي بعدم اهتمام : تفضلي ساميه : انا من طرف الطيار جاسم القاسم اطلع رامي فيها وبلش يتفحصها رامي : الله يرحمه تفضلي اختي ارتاحي جاسم كان من اعز اصدقائي ساميه : مممم بصراحه مو عارفه كيف بلش بس رح حاول بسطلك الامور رامي : تفضلي ساميه : جاسم مو ميت متل مانك مفكر هوي سجين بسوريا رامي : شوووووووووووو حكت ساميه القصه ل رامي وشرحتلو اهمية الاوراق يلي بدها ياهم وانه ما عندها كتير وقت كان رامي شهم ونبيل متل جاسم ماتوانى لحظه بتقديم المساعده لساميه ووصلها لعند المحطه لحتى تكمل طريقها للضيعه شكرتو ساميه بحراره وامتنان كانت فرحانه انها حصلت على اثبات يساعدها بقضيتها اخدت رقم رامي ووعدتو تتصل فيه لطمنوا بمجريات القضيه رامي : انسه ساميه ازا بتحبي بسافر معك وبشهد ساميه : انا اخدت رقمك واكيد ازا احتجت لشاهد رح استدعيك رامي : وانا بالانتظار هزت ساميه راسها وطلعت بالباص وتوجهت عالضيعه لعند اهل جاسم كانت عم تراقب الطريق وتتزكر كلام جاسم و تبتسم عم تشوف وجه سمر وجاسم وتسمع ضحكاتهم بعد مشوار طويل بلشت تتنفس هوا الضيعه النظيف بكل خطوه توقف تتزكر كلام جاسم وذكرياته مع سمر سرحت بخيالها وساقتها اجريها لقدام مدرسه اطلعت ساميه بالمدرسه ومسحت دمعتها هي كانت حلم جاسم كان بيحلم يرجع لهون ليكمل بناها وينك يا جاسم تشوف حلمك اتحقق تلفتت حواليها لتشوف حدا تسأله عن بيت اهل جاسم اتجهت لعند ست كبيره عم تبيع خضره ساميه : يعطيكي العافيه خاله الست : الله يعافيكي يابنتي بدك كم كيلو بندوره ضحكت ساميه من كلمتها : لا خاله مابدي بندوره الست : لكان بدك خيار شوفي عندي خيار متل اصابيع الببو شغل مخلل ساميه : ههههههه الله عليكي ياخاله انا بس بدي اسألك عن بيت جاسم القاسم اهلو ساكنين هون ووالده كان مؤسس هي المدرسه الست : ااااخ ابو جاسم وام جاسم عطوكي عمرهن ساميه : شووووووو الست : وقت اجا خبر موت جاسم ام جاسم ماتحملت الصدمه وماتت وبعدها بسنه لحقها ابو جاسم اسودت الدنيا بعيون ساميه وتعبت عيونها دموع حست داخلها غصه مو متحمله تكتم وجعها اكتر الست : انتي بدك حدا بالمدرسه ساميه بتبكي : لا… .. انا كنت بدي اي حدا من اهل جاسم وبما انهم متوفيين فماعاد لوجودي لازمه بالازن خاله فتلت حالها ودموعها على عرض وجهها ونوت ترجع مطرح ما اجت وهي بتتمنى الاوراق يلي قدرت تحصل عليهم يساعدوها من العدم اجا لمسامعها صوت الست يلي بتبيع خضره عم تناديها بس ساميه ما التفتت كانت منهاره الست : يابنتي تعي هي المسؤولة عن المدرسه ازا حاجتك عندها اخيرا التفتت ساميه والتقت عيونها بعيون بنت متل الملاك عمرها ببداية الثلاثين البنت : تفضلي اختي كيف فيني ساعدك ساميه بيأس ابدا انا كنت بسأل عن اهل جاسم والست الختياره خبرتني انهم ماتو انتبهت ساميه انه البنت عم تبكي بصمت ساميه : انتي يلي ساعدتي ببناء هي المدرسه البنت وهي بتطلع للمدرسه بحسره هي المدرسه كانت حلم جاسم 😔 بس جاسم مات وانا جيت لاكمل حلمه… ماقلتيلي مين انتي وشو بدك اتوسعوا عيون ساميه وسألت البنت وشفايفيها عم يرجفوا شـ شـ شــو اســمك !! البنت : اسمي سمر ساميه : ســــــمـــــــرررررر !!!!!!😲😲😲😲 ### (◕‿◕✿) ‏لا توجد أزمة ليس لها حل، لأن ذلك ليس من العدل الإلهي، فكل ابتلاء يأتي معه الحل المناسب. علينا فقط أن نجتهد في البحث عنه.💔 ساميه : انتي سمر ثائر الكيلاني سمر :……… ايه ساميه : بنت كريمه سمر بشك : مين انتي !! طلعت ساميه العقيقه من شنتتها وحطتها ب ايد سمر اطلعت سمر بالعقيقه لثواني وهيه فاتحه عيونها والدموع عم تتجمع فيهم .. دقات قلبها عم تصرخ ليطلع من جواها الم كل هالسنين سمر وهيه مسلطه عيونها بساميه جـ جـ جاسم عايش !! هزت ساميه راسها وحضنت سمر يلي انفجرت بنوبه من البكي وعم تصرخ جاااااااسم عاااايش جاااااسم عاااايش ااااااااااه ياربي جاااااااسم عااااايش خديني لعندو كرمااال الله كان حال ساميه مو اقل من سمر كانت عم تبكي وتشهق وهيه حاضنه سمر ومو مصدقه عيونها وبعد بكاء هستيري ارتخت اطراف سمر وغابت عن الوعي غابت عن الوجود او يمكن غابت عن الواقع لانها خايفه تكون بحلم ومابدها تصحى منه سندتها ساميه وبعض الطالبات يلي طلعوا على صوت سمر وبكاها ودخلوها لجوه كانت ساميه عم تحاول تصحي سمر بالعطر ماكانت تصحى ساميه لوحده من الطالبات لو سمحتي هاتيلي راس بصل وناديلي حدا من الانسات بسرعه الطالبه : تكه لنادي للانسه وراحت تركض فشلت كل محاولات ساميه انها تصحي سمر وبلش الخوف يتسلل لقلبها .. فجٱه سمعت صوت انثوي وراها لو سمحتي بعدي شوي هلٱ بصحيها قامت الانسه وجابت لفحه صوف رجاليه وقربتها من سمر وساميه بتراقب ومستغربه شمت سمر ريحة انفاس جاسم يلي كانت عالقه باللفحه وبلشت تستعيددك وعيها ..جـ جـ جاسم الانسه : ههههه لا مو جاسم قومي رعبتي الضيوف فتحت سمر عيونها ع وسعهم وبلشت ادور ع ساميه خافت تكون عم تحلم وبس شافتها صرخت جااااسم جااااسم جااااسم عايش يارقيه عااااااايش ساميه : رقيـــــــه !!!!!! رقيه : اهدي حبيبتي شو صرلك ماحلك تفهمي انه جاسم عند يلي احسن مني ومنك ساميه : جاسم عايش يارقيه التفتت رقيه ناح ساميه وعلامات الدهشه على وجهها رقيه : عايش !! ساميه : ايه عايش رقيه : ومين انتي ساميه : انا اسمي ساميه المحاميه يلي ماسكه قضية جاسم سمر ورقيه : قضيه !!! بعد ماهديت سمر راحت هيه وساميه ورقيه لبيت جاسم وفتحتوا واشرت لساميه تفوت لجوا دخلت ساميه وعم تطلع بكل شي حواليها البيت مو امبين مهجور وفي ريحة اكل مشيت لاول غرفه شافت فيها غرفة ام جاسم وابو جاسم وريحة الباخور عم تفوح منها دخلت لتاني غرفه وبلشت عيونها تدمع .. صور جاسم بكل زاويه من وهو صغير لحتى تخرج وصار طيار بالحربيه اكاليل الورد على اكبر صوره وعبارات بخط سمر الشَيء الوحِيد.. الذِي يَفوق حُبي لَك، هُو خَوفِي علَيك...!💔💔 يسع قلبي الكون بلحظة ، ثم يضيق فلا يسعني 💔 .. سأراك 💔 سأراك في وهمي حبيبا فرقتنا الأمنياات 💔 ساميه عم تطلع بغرفة جاسم وتبكي معقول في بالكون حب ووفاء متل هيك ♡♡♡♡ طلعت من شرودها على صوت رقيه رقيه : تفضلي اشربي الشاي ساميه : ايه جايه طلعت لبرا وقعدت مع سمر ورقيه وبلشت تحكيلهم قصتها مع جاسم من لما عرفته لحتى تركته اليوم الصبح ساميه : وهي كل القصه سمر ساكته ومافي شي بيتحرك فيها الا سيل من الدموع مسكتلا ساميه ايديها وطلبت منها ماتبكي لأن جاسم كان يقلها عدوي الوحيد دموع سمر مسحت سمر دموعها وتزكرت وصية جاسم إذا #أردت مني #وصية، #عيناك و #السلام. 💌 ♕#لا تحزني، #فالحزن في #عينيك من #ألد____أعدائي... 😔 ساميه : انتي من ايمت هون سمر ركت سمر راسها للكرسي اللي كان قاعد عليه جاسم وكأنها عم تتحسس دفاه سمر : وقت اجا جاسم ليقلي انه مافيه يوطي راس امه وابوه وقرر يرجع لهون كنت رح موت لافهم ليش هيك عمل وبوقت لمحت السلسله تبع امي برقبته عرفت انها ورا القصه كلها ساميه : ايه سمر : جمال ماكتب كتابه عليي ولا لمس شعره مني وابي بنفسه يلي فسخ هالخطبه ساميه : شوو عنجد اطلعت سمر برقيه لتخبر ساميه شو صار بهداك النهار نفس اليوم يلي وقعت الطياره اللي كان جاسم مسافر فيها ###### عــــــــوده للمــاضـــــي ⇦⇦ الو جمال عم تسمعني جمال : ايه رقيه معك شو صار نفذتي يلي طلبته منك رقيه : ايه طبعا بس خايفه ثائر بيك يقتل سمر جمال : لا ماتخافي هو اجبن من انه يعمل هيك شي… المهم بتروحي هلأ مع عماد وصفوان وهنه بيتصرفوا رقيه : ماشي بس قبلها لازم اشوفك ضروري جمال : في شي رقيه : ايه ومابينفع خبرك ع الموبايل انا رايحه هلأ عالشقه وبس تجي وشوفك بتبعتلي الشباب مشي جمال : تمام سكرت رقيه الخط وتفلت على جمال وحقارته وابتسمت بخبث هه بدك ياني شوه سمعتي وسمعة سمر وبعدا تخلي فيي انت لعبت مع الشخص الغلط ياحقير كان جمال متفق مع رقيه تروح لثائر بيك وتقلو انه جاسم اعتدى عليها وعلى سمر بس لحسن حظها سمعت كلامه مع صفوان وعماد وعرفت شو بيخطط لهيك قررت تلعب فيه نفذت كل اوامره وراحت لعند ثائر بيك وطلبت تشوفوا ثائر بيك : تفضلي مين انتي وشو بدك رقيه : انا هون لفتح عيونك ع الحقيقه وخليك تعرف صاحبك من عدوك ثائر بيك : ؟؟ خبرت رقيه ثائر بيك عن خطة جمال ليوقع بسمر ويشوه سمعتها ويستولي على ثروته وفهمته انا جايه هون وجمال فاهم اني رح خبرك الكلام يلي هوي بدو ياه بس فشر ثائر : وانتي شو مصلحتك من هالشي لمعوا عيون رقيه وقالتلو بعدين بتعرف مصلحتي بس بدي منك حمايه لاقدر اوصل للضيعه ثائر بيك : بتبقي هون وانا بأمنلك سفرك وببعت معك حراسه رقيه : هلأ عندي شغله مهمه لازم اعملها ولو بقيت هون جمال رح يشك فيي لهيك خليني ماشيه بلعبتي متل مابدي وطلعت رقيه من بيت سمر وهيه عم تخطط شو رح تعمل ### نرجع للصبــايا ساميه : الله ينتقم منه شو حقير قديه الفرق كبير بينه وبين جاسم يلي انسجن عشر سنين ظلم ليحافظ على شرف سمر رقيه : جمال شخص مريض نفسي ساميه : وانتي شو كان هدفك وقت طلبتي من جمال يجي لعندك عالشقه تلفتت سمر لرقيه وقالت : صرلك سنين مو قابله تحكي لحدا شو صار معك يمكن هلأ اجا الوقت رقيه رقيه : ايه اجا الوقت ورح كون معكم بالمحكمه ووقتها رح تعرفوا كل شي ساميه بتوجه كلامها لسمر : يعني انتي جيتي لهون مع رقيه !! سمر : اول ماعرف بابا حقيقة جمال اتصل لحسن بيك وفسخ الخطبه بدون مايوضحلو السبب وقتها الدنيا ماوسعتني من الفرحه وقررت الحق جاسم لهون بس كان القدر اسرع مني نزلت راسها وضمت ايديها لصدرها وقت اجاني الخبر انه الطياره يلي كان فيها جاسم وقعت بالبحر وكل يلي فيها ماتو انهرت تماما ايام واسابيع وانا ودمعتي رفقات دخلت بحاله نفسيه سيئه وكانت رقيه السند الوحيد ليقويني وبيوم الاربعين للحادثه المشؤومه حلمت بجاسم عم يناديلي رحت لعندو كان لابس ابيض والتعب امبين عليه سألتو مالك اشرلي ع الضيعه والمدرسه ونزلت دمعته صحيت اصرخ ب اسم جاسم اجا ابي وامي وخبرتهم اني قررت روح عالضيعه مع رقيه لاكمل حلم جاسم ساميه : حبك كان اقوى من اي شي سمر : بعد ماراح جاسم رهنت نفسي اعيش على ذكراه كل يوم بجي لهون بكنس البيت وببخرو وبطبخ واوقات بغفى على هاد الكرسي… كتير قصص كنت احكيها لجاسم وكتير من المرات اجاني بالحلم بهيئة ملاك مره بحلم اني مكشفه وهو يغطيني ومره كنت بردانه وهو يدفيني كان يغطيني ويدفيني وهو هناك مكشف وبردان لك ااااخ شو اشتقتلو ساميه : راح الكتير ومابقي الا القليل بكرا رح تشوفيه وتكحلي عيونك فيه سمر : ان شاء الله ساميه يالله خلونا ننام لانه ع بكير عنا اجرائات السفر مامعنا كتير وقت قامو البنات وراحت رقيه لبيتها اما سمر بقيت بحضن ساميه عم تحاول تشم ريحة جاسم وغفيت وهي،بتحلم بلقياه ساميه : اخيرا نمتي .. لك سو انتي ملاك ولا بشر معقول بنت اتضحي بحياتها وتترك القصر والعز والجاه لتجي لضيعه صغيره لتكمل حلم حبيبها سبحان الله بالوقت اللي جاسم بالسجن ليحافظ على شرفك انتي ببيته لتكملي حلمه ♡♬♡ ✿ عن اي فراقا يتكلمون !!! ✿ ♡♡♡ اخيرا اجا اليوم لتسافر سمر وترجع لبلدها يلي عم بيظم جاسم اخدت معها كل الاوراق والصور وصلت الفجر وركعتين طلب حاجه دعت فيهم ربنا يوفق مع جاسم ويفك اسره انطلقوا الصبايا بعد صلاة الفجر وراحو عالمدينه ليركبوا الطياره كانت ساميه متوتره مو باقي كتير لموعد الجلسه… يارب نلحق يارب ##### بالمــــحــــكـــمـــه المنادي : محكمه دخل القاضي والمستشارين وجلسوا اماكنهم كان خالد وام ساميه ونرجس موجودين بالقاعه وخالد عم يطلع بساعته ويراقب الباب منتظر تدخل ساميه ب اي لحظه جاسم متل عادته هادي بس حاسس بخفقه قويه بقلبه ماعرف يفسرها الا انها خوف على ساميه نادو للقضيه الاولى والتانيه وكانت التالته قضية جاسم القاضي : وين محامي الدفاع المنادي : محامي الدفاع يتفضل اطلع القاضي ودور بعيونو على،ساميه بس ماكانت موجوده بين الحاضرين جمال واضح عليه علامات الراحه لغياب ساميه وعم يزور خالد وجاسم بعيونه جاسم بيبادله النطره ببرود اما خالد كانت الشياطين بتتنطط قدام عيونو القاضي : بعد خمس دقائق ان لم يحضر محامي الدفاع س انطق الحكم……… وبقلبه ( وينك بنتي ساميه ) جمال فرحان وهو بيعد الدقايق وناطر النطق بالحكم القاضي : انتهت المهله ســـ اجا صوت ساميه من بعيد : انا هوووون سيادة الرئيس اطلع فيها القاضي بفرح وتوجهت جميع نظرات يلي بالقاعه لساميه يلي. كانت واقفه عالباب وعم تلهت خالد بقلبه : كنت متأكد انك رح تجي عالموعد بالتوفيق اميرتي تقدمت ساميه للمنصه الخاصه للمحامين ساميه : انا بعتذر على التأخير سيادة القاضي وهلأ فينا نبلش حولت نظرها لجمال يلي ماعاد تفسرت معالم وجهو وانخطف لونه بسم الله الرحمن الرحيم لتبدأ الجلسه القاضي : شو انسه ساميه قدرتي تجيبي دليل ملموس يثبت انه هالشخص جاسم القاسم قربت ساميه من المنصه واعطت القاضي جميع الاوراق يلي حصلت عليها من رامي واثبتت بالتواريخ انه جاسم مواليد تركيا ولم يغادرها الا مره واحده وكانت لهون لسوريه وللاسف مارجع القاضي الاوراق سليمه ميه بالميه باقي بدنا دليل اخير لسبب سكوت جاسم كل هالسنين ووجه كلامه لجاسم ياجاسم انت الان بنظر الجميع جاسم القاسم لكن هيئة المحكمه لابد ان تعرف سبب سكوتك ومن المسبب الرئيسي لوجودك بالسجن جاســـــم : سيدي الرئيس ممكن اسأل حضرتك سؤال القاضي : تفضل جاسم : شو يلي اغلى من الروح القاضي : الارض والعرض جاسم : وانا هون مو حاسس نفسي بغربه انا هون بين اهلي وناسي ومو مهم لو خسرت القضيه المهم كون رجل وموت رجل القاضي : هاد اخر كلام عندك هز جاسم راسه : نعم سيدي ابتسم جمال بخبث لانه عارف انه جاسم مستحيل ينطق بحرف وبهيك القضيه بجيبته اطلع جاسم بعيون ساميه وكأنه بيقلها اســـــف مابقدر القاضي : انسه ساميه عندك اي شي بتحبي اتضيفيه قبل النطق بالحكم ابتسمت ساميه ابتسامه واسعه ابتسامه كلها امل وتحدي ايه… ايه عندي واطلعت للباب ونادت بصوت عالي تفضلي ســـمـــر انتفض قلب جاسم من مكانه وقف ومسك الحديد بقوه كان بدو يخترق الحواجز ليمنع سمر تفوت بس وقت لمح طيفها فايته عالقاعه وعيونها معلقين بعيونو وبس وكأن الدنيا خليت من الانس والجنس ومابقي الا انفاسهم ودقات قلوبهم وعيونهم يلي كانو يحكوا مع بعض فيها هو ☜♡ ✿من اجلك تحملت عتمة السجن وانا مقفلا شفتاي ✿ هي ♡☜ ✿ لاجـــلك عشــت كـل هــــذه الايـام مــع دمـــوعـــي التــي لاتتـــوقـــف ✿ هو ♡☜ ✿ لكـن فـي قلـبي شـعـلة الحـــ♡ــب لاتتـوقــف ✿ هي ☜♡ ✿ بقــيت مشـتـعله لاجــلك فـقـط لاجــــ♡ـــلك ✿ ### ♡♬♡♬♡♬ ♬♡#يتبع ♬♡#رواية_يوم_من_حياتي #بقلمي_امل_احمد #الجزء #الاخيرررررر ونشكو بالعيون إذا التقينا فأفهمه ويعلم ما أردت أقول بمقلتي أني مت شوقًا فيوحي طرفه أني قد علمت ❤ ♡♬♡♬♡ بعد كل هالسنين والغياب التقوا عيون جاسم وسمر بعد معاناه وظلم وقهر والم تغلب حبهم على كل الصعاب وقدرو بإخلاصهم ووفائهم يخطوا فوق قساوة الزمن ليرجعوا يلتقوا من جديد وكأن القدر يخطلهم احلامهم الورديه بخيوط من ذهب ✿♩♬✿♩♬✿♩♬ سمر عم تمشي بخطوات هاديه بين مصدقه ومو مصدقه انه جاسم حي قدام عيونها عم تنزل دموعها وتمسحهم بطرف ايدها لتاخد مع كل نفس شهقة الم ولوعة فراق وبكل خطوه بتقرب فيها منه كان قلبه عم يعزف ايقاع منفرد بسمفونيه خاصه تليق بجلال عشقهم ينظر لعيناها المتلئلئه بالدموع وشفتاها المرتعشه فيعلم ان بها من الشوق مايفجر قلبه لو احتضنه اقتربي حبيبتي لقد طال الانتظار وانتهت سنوات البعد هلمي الى احضاني حيث موطنك واستمعي لدقات قلبي التي تعزف بإسمك فقط وصلت لعند المحبس وحسست ب ايديها عالقضبان غمضت عيونها بقهر وشدت عليهم بوجع هل كومة الحديد هذه ستمنعني من احتضانك وانا بي من الشوق مابي عانقني حتي تغيب رجفه قلبي من خوف فُقدانك 💙..! قالتها بنظرة عيونها وفهم مرادها امسك يداها برعشه وكأنه يريد منها السكوت ارجوكي لاتنطقي عودي وقدرك احمق الخطى اتركيني موجة بلا شطئان لكن لاتتكلمي ارجوكي ♬♫♪◖(● o ●)◗♪♫♬ فاقت سمر من غيبوبة العشق على صوت طرقات القاضي توجهت ساميه لعندها ولفتها من كتافها بهدوء لجهة منصة الشهاده جاســـم : ارجوكي ساميه لااا لاااا ساميــــه : اقسم بشرف مهنتي مانكثت عهدي اصبر وشوف بعينك واسمع بدنيك اطلع جاسم لسمر وعم يهزلها براسه انه لا تحكي شي سمر ابتسمت سمر وهي بتحكي بصوتها الدافي يلي اشتاقله حد الموت ســمـــر : انت طلبت مني اوهبك يوم من حياتي وكان الثمن سنين من عمرك بظلمات السجن جاســـم :………… .. ســـمـــر : اليوم انا جيت اوهبك حياتي كلها جاسم ومارح ارجع الا فيك حبيبي قالت كلمتها واستدارت لمكان الشهاده لتؤدي القسم وتركته مع دموعه المشتاقه لنبرة صوتها رفعت سمر ايدها واقسمت بالله العظيم ان تقول الحقيقه ســمــر :……… القاضي : اتفضلي احكي يلي عندك بنتي ســمــر : يلي عندي مو اجابه ولا شرح ولا دفاع عن جاسم يلي عندي سؤال لحضرتك ولكل الموجودين هون القاضــي : هاتي سؤالك ســمــر : وقت الغريب يضحي بحياته وشبابه ليحمي شرف بنت مو من دمه ولا من بلده ولا هي شرفه من واحد المفروض انه زوج وحامي عرض وابن بلد .. ياترى هالشخص بيستاهل ينسجن بس لأنه انسان بلش الناس يتهامسوا وصوتهم يعلا بالقاعه خالد بقلبه : هاد بيكون رجل ورمز للرجوله القاضي : هدووووووء ووجه كلامه لسمر هالانسان يلي وصفيته بيكون اطهر من الطهر واعذب من الفرات واطلع لجاسم وكمل كلامه .. هالانسان نبراس بينحط عالراس بس ياترى مين هالشخص ممكن تحكيلنا ســمــر : هو الحبيب هو الصديق هو الاب هو الاخ هو الوطـــــ♡ـــــــن اسمه جاسم القاسم الانسان يلي ملك عقلي وقلبي ووجداني انا ماصرت زوجه للي اسمه جمال ولا رح كون لو على موتي لأن ربي بيحبني ولأنه شايف وعارف انه اللي بقلبي هوي جاسم جاسم وبس ولو عشت عمري مية مره رح حب جاسم جمال بصوت عالي : انتي وحده خاينه اذا كنتي شريفه وعفيفه احكي للقاضي والجميع ليش انا تركتك يابنت ثائر شد جاسم بإيديه على قضبان الحديد وبلش يصرخ متل الوحش جمااااااااااااال اياك تحكي حرف على شرف سمر والا موتك رح يكون على ايدي وقف خالد ليروح يضرب جمال بس مسكته امه والقاضي عم يدق عالطاوله بس جاسم فقد عقله تماما جاسم : طالعووووووني من هووووون طالعووووني من هووووون رح اقتلك بإيدي ياحقير جمال : انت وسمر بلا شرف خنتوني وكنتو بدكم اتزوج سمر لاتستر على فضيحتها مجهول : انت متأكد من كلامك ياجمال !! وصل لمسامع جمال صوت بيعرفه منيح بس ماتخيل يكون موجود بالمحكمه اطلع بخوف ليشوف ثائر بيك وام سمر وام محمد واقفين قدامه بلع ريقه والكلمات ماعادت طلعت معه توجه ثائر بيك لمكان الشهاده ويلي كانت سمر بعدها واقفه عندو ودمعاتها عم تنزل لما شافت ابوها فايت ليدافع بنفسه عن جاسم ركضت لعندو وحضنته ســمــر : شكرا لانك جيت بابا ثائر بيك : كيف بدك ما اجي واشكر اللي حمالي اسمي وشرفي وعرضي كل هالسنين .. اطلع بجاسم نظرة امتنان وبعدها ادى القسم وبلش كلامه ثائر بيك : انا شفت بنتي بيوم عرسها على جمال حضنت شخص غريب وقتها ماكنت بعرف انه هالشخص رح يكون حامي عرضي من نذالة الشخص اللي كنت ماسك ايدو لاسلمه عرضي وهو بنيته يكسرني ويستولي على ثروتي اطلع ثائر بيك على جمال بإحتقار : لو كنت طلبت ثروتي ماكنت رح امنعها عنك لان بنتي وشرفي اغلى من كنوز الدنيا انا بعترف اني كنت شخص اناني واب غير مثالي لبنتي كسرت قلبها لاحقق اهدافي اللي كنت شايف تحقيقها بمصاهرتي لجمال وابوه ياريت حكمت قلبي وعقلي قبل ما اصدر حكمي على سمر وجاسم واغصب بنتي تتزوج شخص مجرد من الرجوله شخص كان مستعد يضحي بشرف بنتي لحتى يوصل لاهدافه الوسخه انا بعترف ظلمت الملاك ومشيت ورا الشيطان ومن فضل ربي علي كشفت هالخاين على حقيقته قبل فوات الاوان لكن اجا بوقتها خبر موت جاسم واي اعتذارا ينفع مع ميت 😔 لف وجهو ناح جاسم ونزلت دمعه من عينه : سامحني ابني جاسم انا ظلمتك وراح لمكانه ام سـمـر : رب العالمين بعتلنا جاسم ليكون الستر والامان النا بس الانسان بطبعه اناني مابيفكر الا بنفسه ومصالحه ولان زوجي كان شايف مصلحة سمر بزواجها من جمال انا مشيت معه وطعته متل اي زوجه بطيع زوجها وكنت ناويه حارب الدنيا كرمال يصير يلي بدو ياه… ورحت لعند جاسم وانا بداخلي شاكه انه رح يوافق على طلبي ويرجع مطرح ماكان بس هو ماخلاني احكي ولا اتعب تركني وراح ليلبي مطلبي ووقتها حسيت انه هالشخص مو انسان عادي هالشخص ملاك حط على بيتنا ليحمينا بس نحنا كنا جاحدين مسحت دمعتها واطلعت بجاسم انا ماكان عندي اغلا من قلادة امي لاهديه ياها قلتله آية الكرسي رح تحميك والحمد لله هو عايش سامحني ابني سامحني ام محمد (مربية سمر ) : حكتلي سمر قديه حبته وكنت شوفها عم تتعذب كل ماقرب موعد العرس كنت شوف زهرة البيت عم تذبل قدام عيوني لهيك غافلت الكل .. وقررت اتحرك وفعلا اتصلت بجاسم وخليته يجي لسوريه ايه سيدي انا يلي طلبت من جاسم يجي لهون لأني حسيت سعادة سمر معه مو مع هالوحش عديم الضمير جمال السجان : انا مابعرف اسمه كل يلي بعرفه انه السجين رقم 221 .. كان طول فترة سجنه شخص هادي بيحب يساعد الغير ولا مره عمل مشكله ماكنت اسمع صوتو الا وقت ماكان يغني وهو جالس بالمنفرده كل هالسنين لا شكا ولاحكا ووقت اجت لعندو الاستازه ساميه كنت اتنصت عليهم لاسمع قصته وياما بكيت عليه وعلى حاله اطلع لجاسم والدمعه بعينه .. هو شخص كتير منيح ارجوكم رجعولو هويته ليرجع لبيته وعيلته … ......... جمال : كل كلامكم كزززب ماله اي اساس من الصحه انا تركت سمر لانها… .. استوقفه هالمره صوت انثوي لانها شو جمال… ؟ اطلع جمال لجهة الصوت وشاف قدامه رقيه بلشت الوان الطيف تلعب على وجهو جاســـــم : رقيــــه !!!!! قربت رقيه لمكان الشهاده وادت القسم وهي بتطلع بعيون جاسم يلي استغرب وجودها رقيه : انا بعرف اني رح انسجن بعد ماقدم افادتي بس يمكن آن الاوان ليضهر الحق استغربت ساميه وسمر وحتى ثائر بيك من كلامها ليش لتنسجن وهيه ساعدت سمر وراحت لابوها لتقله على نوايا جمال الخبيثه رقيه حكت للقاضي كل شي صار بينها وبين جمال وكيف اتفقوا يوقعوا بسمر وجاسم قدام ابوها لوقت ماسمعت مكالمته مع رجاله وغيرت خطتها القاضي : يعني جمال اللي حرضك تروحي تحكي لثائر بيك انها سمر تعرضت للاغتصاب من جاسم رقيه ايه نعم سيدي القاضي : وعندك دليل على كلامك جمال بقلبه… وقعت وماحدا سمى عليك ياجمال هي شو جابها هون سكتت رقيه شوي وبعدين اشرت لجمال… اسألو مين عمل فيك هيك جمال :…اطلع لحاله وهو عالكرسي المتحرك وبلع ريقه………… 😰 القاضي : احكي بوضوح وخلي كلامك معي رقيه : لما عرفت خطة جمال انه رح يخلي رجاله يجردوني من شرفي اقسمت الا اجردو من رجولته وحياته كلها بعد ماطلعت من بيت سمر كان مفكر اني نفذت اوامره وصار الوقت ليعطي رجاله الاشاره لياخدوني بنت ويرجعوني بنت شوارع استنيت جمال بالشقه بكل هدوء واول ماشفته دخل من الباب عملت حالي عم ابكي جمال : خير شو في رقيه بتمثيل متقن : اهئ اهئ انا قضيت على سمر وشوهت سمعتها انا حاسه بتأنيب الضمير 😭 جمال : هه هلأ جبتيني على ملات وجهي كرمال هالسبب التافه 😏 رقيه : عم فكر فيك كيف هلأ رح تتزوجها وتتحمل كلام الناس بعد ماسمعتها صارت بالاراضي 😥 جمال : هههههههههههههه ومين قلك رح اتزوج سمر رقيه : كيف !!! جمال : انا من البدايه كان هدفي ثروة ثائر وسمر الغبيه بحبها لجاسم قربت علي الطريق وهلأ ماني مضطر اتزوجها ووسخ اسم عيلتي بس ثائر مضطر يدفع ثمن سكوتي على فضيحة بنته رقيه : وانا جمال : انتي شو ااااه فهمتك خلص رح اتزكرك بشي مبلغ وفوقو حبة مسك رقيه : وهالمبلغ رح اخدو قبل مارجالك ينفذو اوامرك ولا بعد 😠 جمال : شـ شـ شو قصدك رقيه عم تقرب على جمال وب ايدها سكين ماضي عم تقرب وتقرب وبعيونها لمعة غضب وحقد وكره قصدي انه صار وقت تتحاسب على لعبتك الوسخه معي جمال وهو عم يحاول يهرب شـ شووو بدك تعملي يامجنونه خلص بعملك اللي بدك ياه بس نزلي هالسكين من ايدك رقيه : من شوي كنت تتجبر بالناس وتحول حياتهم لجحيم هلأ قلبت قطه بس لا مارح سامحك لانك خدعتني وخليتني مضحكه عندك خــــــ🔪ـــــــ🔪ــد 🖤 وبعد عدة طعنات متتاليه ب اجرين جمال تركته غرقان بدمه وفاتت غسلت وطلعت ورجعت لعند سمر لتسمع خبر وفاة جاســـــم ندمت كثيرا لكن ماذا ينفع الندم الان فالقلوب تفرقت والاجساد تباعدت وقلوب العاشقين بيدك تكسرت #### كانت الصدمه واضحه على وجوه الكل مين كان يصدق انه رقيه البنت الرقيقه تتحول لوحش مفترس ❕✴❕✴❕✴❕✴ سكر القاضي المسجله يلي كانت عباره عن تسجيل صوتي للي صار القاضي : هاد صوتك جمال جمـــال :………… . القاضي : اعتقد الان ماعندك اي مجال للكذب والانكار مارح يفيدك انهار جمال وبلش يبكي واعترف قدام الكل كيف خطط ونفذ وكيف استغل حب سمر وشهامة جاسم لصالحه وجابو عماد وصفوان يلي اعترفوا بكل شي عملوه وكيف خطفوا جاسم بهداك اليوم وكيف جمال اجبرو يوقع عالاوراق ووهدده ازا ماوافق رح يكون ثمن حريته شرف سمر…… واخيرا اتى الوقت الذي ينتظره الجميع القاضي .. النطق بالحكم انحبست الانفاس وبلشت خفقات القلوب تزداد… . حكمة المحكمه حضوريا على المتهم جاسم القاسم بالبرائه التامه من التهم الموجه اليه وارجاع نسبه وهويته واسمه اليه كما حكمت على جمال الجبل وعماد خليل العابد وصفوان عبدالسلام الحايك بالسجن المؤبد حكمت المحكمه على رقيه بنت حامد بالبرائه وعدم احالتها للقضاء لانها كانت بحال شرعي للدفاع عن شرفها وعرضها .. رفعت الجلسه ♗ ارتفعت الاصوات والصرخات الممزوجه بدموع الفرح ركضت سمر وساميه لعند جاسم يلي كانت دموعو عم تنزل وهو ساكت ماعم ينطق بحرف امر القاضي السجان يفتح للبطل باب المحبس وطلب من جاسم يقرب عندو القاضي : مبروك البرائه يا ابني انا من اول جلسه كنت مقتتع ببرائتك لكن مهنتي بتحتم علي احكم بالعدل وانت سكوتك كان رح يضيعك جاســـم : الله يبارك فيك سيدي انا لو بقيت العمر كله بالسجن وكان ثمن حريتي اني احكي كنت فضلت السجن هيك ابي رباني القاضي : ونعم التربيه انا نيابة عن بلدي بعتذر منك على سنوات الظلم يلي عشتها بالسجن جاســم : العفو سيدي يمكن ربنا اراد انه يختبر صبري وايماني وبالتالي انا مو ندمان على شي بس ممكن بعد امرك تسمحلي بكلمه القاضي : اكيد تفضل جاســـــم : حمامة بيضاء اتت لتنير لي عتمة زنزانتي المظلمه هي ليست مني اذا لماذا هي تشبهني هي ليست تعرفني اذا لماذا هي تشبهني هي ليست من بلدي اذا لماذا هي تشبهني هي ليست مجبره اذا لماذا امسكت بيدي هل يعقل ان يكون بالدنيا ملاكا ك ساميـــــه… ايعقل ان اكون قد اخطأت حينما ضننت ان الانسانيه عدمت من زمننا هذا اتت وحطت على ركام ذكرياتي واشعلت فتيل العداله لانها هي العداله هي العداله هي العداله شــــــــــكرا ساميــــــــــه`*يـــــتـــ♡ـــــبـــــع*🩵☁️៸