الفصل الاول
**🩵☁️👑*៸࣪ ✦••┈روايه ┈••✦
*{📖}↵ علاج قلبي انت ❤️🩹
*{🔢}↵🩵اݪــــــبٚـــــ{1️⃣}ــــــاެࢪاެتَ*
〰️〰️〰️〰️〰️〰️〰️〰️〰️〰️
...
آلَكـ❤ـتـ❤ـوٌم
〰️〰️〰️〰️〰️〰️〰️〰️〰️〰️
صوت سيارات الاسعاف كاسرة الصمت وناس عم تركد والخوف مسيطر
الدكتور: شو صاير شو في
الممرضة: في حادث صاير ع طريق الغابات بشاحنة وسيارة وهلق جابوهن
الدكتور: كم واحد
الممرضة: بنت وشي كانو مع بعض وسائق الشاحنة
الدكتور: بسرعة جيبوهن
بوقف الدكتور باستعداد بتوصل اول نقالة كانت الصبية
الدكتور: بيفحصها بسرعة اصابة بالراس ونزيف بسرعة ع غرفة العمليات
بقرب وبيفحص الشب نزيف داخلي اصابة حادة بالراس بسرعة عمليات وبيفحص سائق الشاحنة وبياخدوهن على العمليات
بعد مرور ساعتين
بغرفة العمليات بيقدرو يأنقذو البنت وسائق الشاحنة بس الشب بيتوفى بسبب النزيف لكبير والضربة على راسو القوية
بخرجو البنت والشب ع العناية المشددة
بيطلع الدكتور
الدكتور: مافي اي شي يعرفنا على اهلهن
الممرضة: مبلا لقينا شنتة البنت وفيها موبايلها وهويتها اسمها لجين
الدكتور: لكن بسرعة اتصلو على اهلها
برن موبايل ليث الخليلي صاحب أكبر شركات بالبلد
ليث: الو اهلين لوجي
الممرضة: حضرتك والد الانسة لجين
ليث: اي انا مين معي
الممرضة: انا من مستشفى المدينة
ليث: شبها بنتي شو صاير معها
الممرضة: الانسة من ساعتين وصلت بحادث سير هي والشب يلي معها
ليث: بنتي شبها صرلها شي احكي
الممرضة: هي بخير بس الشب يلي معها توفى العمر الك فيكن تجو تستلمو
ليث: طيب طيب رح اجي بسكر وبيطلع راكد من شركتو بيركب سيارتو وبيطلع برن ع ام لجين (ريحان) وبروحو ع المشفى
بوصل ليث وبيركد ع باب المشفى هو وريحان
ليث: انا والد لجين وينها هي
الممرضة: الانسة لجين بالعناية المشددة فيك تحاكي الدكتور عبد هنيك
ليث: شكرا الك بيركدو ع الدكتور انا انا والد الصبية يلي اجت كيف وضعها
الدكتور عبد: لسا ما زالت مرحلة الخطر عنها هلق هي بالعناية المشددة بدنا نتأكد ما يكون في نزيف داخلي لاسمح الله
ريحان: ببكى والشب يلي معها خطيبها شو صار فيه
الدكتور: للاسف ماقدرنا ننقذو العمر الكن توفى
ريحان: بتطلع على ليث بحزن ان لله وان اليه راجعون
الدكتور: العمر الكن
ريحان: يسلم عمرك
ريحان: بدنا نخبر اهل عمر
ليث: ايي رح خبرهن لا حول ولا قوة إلا بالله
بروح ليث وبيتصل على اهل عمر بس ما بخبرهن انو توفى
بعد نص ساعة
بيوصلو اهلو
ام عمر: ابني وينو ابني وحيدي
ريحان: بتوقف وبتضمها لا حول ولا قوة إلا بالله طولي بالك الله يلهمك الصبر العمر الك
ام عمر: لا تقوليها لا ابني عمر مالي غيرو لااا بتوقع بالارض وبتبلش تبكي
ابو عمر: قولو غير هالحكي من شان الله عمر راح
ليث: العمر الكن
ابو عمر: بيعد على الكرسي بكسرة ولجين شو صار فيها
ليث: بالعناية المشددة ما منعرف شي لسا
ابوعمر: الله يقومها بالسلامة
ليث: امين ويصبركن يارب
ام عمر: بدي شوف ابنيي
ابو عمر: بيسندها طولي بالك ان لله وان اليه راجعون بيحضنها وبيأعدو عم يبكو
بعد مرور يومين
بيدفنو عمر وبيفتحو عزة وأهل لجين بالمشفى جنبها لتصحة لان فايتة بشبه غيبوبة لسا
بتفتح عيونها شوي وبتطلع ع المكان يلي فيه هي وبتتذكر الحادث ولصريخ تبعها بذاكرتها عم ينعاد الضو يلي فجأة طلع بوشهن وتشويش براسها وفجأة بتصرخ عمررر
وبتقوم بتبلش تشيل الاجهزة عليها وتكسر الاجهزة وعم تصرخ
بفوتو اهلها والممرضات والدكتور وعم يهدوها
وهي عم تصرخ وتشيل الاجهزة بهدوها وبيعطوها ابرة مهدأ وبيطلعو بتضل امها عندها وهي عم تلمس شعرها وتبكي
ريحان: اخخ يا امي يالجين شو بدو يصير فيكي لما تعرفي انو عمر توفى اخخ ياصغيرتي
عند ليث بكون واقف مع الدكتور
ليث: شو سبب يلي صار معها من شوي
الدكتور: شي طبيعي هي صدمة من الحادث لهيك كمان يمكن تنصدم اذا عرفت انو خطيبها مات لهيك رح نحطلها دكتور نفسي ليقلها الخبر بس بدنا نستنى لتصحى وتهدا
ليث: ان شاء الله خير
تاني يوم الصبح بتصحى لجين وبتشوف امها نايمة جنبها بتبتسم بخفة وبتضل ساكتة بتغمض عيونها وبترجع بتتذكر يلي صار لاا ياعمر لاا بتصحى امها وبتهزها بنتي لجين
لجين: بتفتح عيونها وبتحضن امها وبتبكي
ريحان: ياعيون امك وأخيرا صحيتي الحمدلله على سلامتك
لجين: الله يسلمك ماما
بفوت ليث وبقرب بيحضن بنتو وقت يشوفها صاحية لك يخليلي هالوش وما ننحرم منو
لجين: ولا انحرم منكن شو صار معي كيف اجيت لهون
ريحان: اسعفوكن ناس الحمدلله ولحقوكي الف حمد وشكر الك يالله
لجين: وو عمر شو صار فيه
ريحان: بتسكت فجأة
لجين: ماما جاوبيني عمر فيو شي بابا احكي
ليث: العمر الك بنتي عمر عطاكي عمرو
لجين: بتغمض عيونها بأسى وبتنزل دموعها تركوني لحالي
ريحان: بس بنتي
لجين: امي تركيني لحالي خلص
ليث: متل مابدك قومي ريحان
ريحان: طيب
لجين: بتتسطح وبترجع بتتذكر الحادث وبتبكي وبتشهق اخخ الله يسامحك ياعمر ليش هيك عملت ليش انا حبيتك حبيتك من قلبي وبتنام وهي عم تبكي
تاني يوم الصبح بتفيق لجين وهي ساكتة تماما اي حدا بحكيها مابترد عليه
ليث: لوجي حبيبة ابوكي مابدك تردي علينا
ريحان: ياامي يالجين ردي علي لجين ليث عميل شي نادي للدكتور روح
بيركد ليث وبنادي ع الدكتور عبد
بفوت لعندها وبيفحصها
الدكتورعبد: استاذ ليث الانسة لجين فايتة بصدمة لهيك ماعم بترد ع حدا او عم تحكي صدمتها كبيرة بوفاة خطيبها لهيك لازمها دكتور نفسي يعالجها رح استدعي الدكتور تبع المشفى يشوفها
ليث: تمام خليه يجي بسرعة
عبد: رح ابعتلكن ياه بس انتو ما تضغطو عليها
ليث: حاضر
بفوت الدكتور النفسي سامر
سامر: مرحبا
ليث: بصافحو اهلين دكتور
سامر: دكتور سامر
ليث: تشرفنا
سامر: بصافح ريحان كيفك مدام
ريحان: منشكر الله
سامر: في مجال تتركونا لحالنا شوي
ريحان: طيب
بيطلعو وبسكرو الباب
بقرب سامر وبيأعد قبال لجين ع لسرير
سامر: بلطف مرحبا انا الدكتور سامر
لجين: ...... مكتفية عم تطلع ع ايديها وبس
سامر: مابدك تردي علي براحتك بس ولا بتطلعي علي كمان
لجين: مابترد
سامر: بعقلو في هيك ملاك بيزعل ياسبحان الله شو بتجنن
بيصحى من شروده احمم هلق عرفت من الدكتور عبد شو صاير معك بس حابب حكيكي اكتر وتقوليلي انتي
لجين: ... مابترد
سامر: بعقلو مافي فائدة احم الله سبحانه وتعالى بحطنا بمواقف ليختبر صبرنا فيها مالازم نكون ضعيفين هيك قدام امتحان ربنا واكيد اي شي صار معك هو قضاء وقدر والموت علينا حق فينا نعبر ع يلي جواتنا بالبكى ولصريخ ونفضي كلشي بقلبنا بس اذا سكتنا وماعاد حكينا رح نتاكل من جواتنا اكتر واكتر ومبين عليكي بنت قوية وما شاء الله حلوة وبنت عالم وناس انا جاية لعندك لهون لساعدك عطيني فرصة وردي علي لو سمحتي اذا مابدك تحكي اشارة منك هزي راسك بالنفي اي شي
بترفع راسها شوي لجين لتلتقي عيونها بعيونو وبيتجمعو لدموع بعيونها وبتنفجر بالبكى
سامر: ما بيتحمل يشوفها عم تبكي بقرب وبيعطيها محرمة اهدي اهدي ابكي وطلعي كلشي جواتك لاتحبسي شي جواتك لان رح يأثر ع صحتك اكتر
بتهدا شوي لجين وبتطلع عليه وبتهز براسها بمعنى اهلين
سامر: مالك حابة تحكي شي
لجين: بتهز راسها بالنفي
سامر: طيب رح اتركك هلق ترتاحي وبكرا بجي واذا كنتي حابة تحكي حتلاقيني موجود
لجين: بتهز راسها بالايجابية
بيطلع سامر وبقرب ع اهل لجين
ليث: شو حكت شي
سامر: لا ماحكت بس ان شاء الله حتحكي بس هي هلق بفترة بدها راحة نفسيتها تعبانة كتير ومابهالسهولة رح تحكي كلشي لهيك لا تزعجوها باي شي
ليث: هي اليوم رح نخرجها ع البيت فيك تجي ع البيت دكتور سامر
سامر: اكيد واذا راحتها حتكون ببيتها انا واجبي اجي لعند مريضي
ريحان: شكرا الك
سامر: العفو ماعم اعمل غير واجبي بيبتسم وبيمشي
بفوتو اهل لجين لعندها وبتقرب منها امها
ريحان: لوجي روحي اليوم رح نخرجك رح ترجعي ع البيت ياروحي
ليث: اي ما شتقتي لقطتك وغرفتك
لجين: بتطلع فيهن وبتبتسم ابتسامة خفيفة وبتهز براسها
ريحان: بتبتسم يلا لكن تعي ساعدك تبدلي تيابك بين ما ابوكي يعمل ورقة الخروج
ليث: يلا لكن رح ساوي الورقة وارجع بتكونو جهزتو
ريحان: تمام
بتبدل تيابها وتضبلها الشنتة امها وبتوقف لجين وساندتها ريحان بكون وصل ليث
ليث: يلا فينا نطلع
ريحان: يلا جاهزين
بتطلع من الغرفة عم تمشي لتطلع من المشفى بتكون فايتة ست كبيرة بالعمر بتطلع ع لجين وبتبتسم بتقرب منها
الست: اضحكي لك بنتي الضحك بيلبقلك اكتر من هالعيون لزعلانة
عيونك بيلبقلهن الفرح واكيد كلو لخير الله رح يعوضك بكلشي احسن صدقيني وتذكري بالحب مافي معجزات
بتطلع لجين عليها: وبتبتسم ابتسامة وبتهزلها براسها
ريحان: بتبتسم للست شكرا الك خليتي بنتي تبتسم
الست: ماعملت شي الله يحميلك ياها يارب
وبتفوت ع المشفى
وبكملو ع السيارة وبيطلعو فيها وبروحو ع الفيلة
بوصلو ع الفيلة وبينزلو وبساعدو لجين بطلعوها ع غرفتها وبتتسطح بتختها بتكون غرفتها متغيرة كتير
بيطلعو لبرا ليخلوها ترتاح
بتطلع نظرة ع الغرفة بتلاقي مافي صور والا شي بخصها وقت كانت مع عمر
بتغمض عيونها وبتتذكر الصور يلي علقتهن بغرفتها هي وياه بايدها صور الخطبة والجامعة
بتفتح مابتلاقي شي بينزلو دموعها
لجين: بقلبها الله يسامحك ياعمر ويرحمك
بتحط راسها ع لمخدة وبينزلو دموعها ليبللو لمخدة
عند ريحان
ريحان: واقفة بالمطبخ عم تحكي الخدم ليعملو اكل بغذي لجين وبتطلع ع الصالون
ريحان: كيف بدنا نطلع بنتنا وحيديتنا من هالحالة
ليث: تركيني بهمي ريحان يعني صعبة علي شوف بنتي هيك وما اقدر اعمل شي انتي بتعرفي منيح انو لجين حاربت الكل كرمال عمر الله يرحمو وهلق اثر كبير عليها بس مامنقول غير الله يرحمو وان شاء الله الدكتور سامر يقدر يطلعها من الحالة يلي هي فيها ع القليلة ترجع تحكينا ومتل اول تنزل ع الشغل تروح مع رفقاتها اي شي
ريحان: ان شاء الله يارب الله يسمع منك
تاني يوم الصبح بتفيق لجين بتقوم بتعمل دوش وبتلبس تيابها وبتنزل ع لجنينة لتسقي ورداتها (لجين عندها مشتل ورد للياسمين والفل اكتر انواع لورود بتحبو بتسقيه وبتهتم فيهن)
بتقطف ياسمين وبتطلع بتحمل قطتها وبتأعد بارض لجنينة بتسند راسها ع الشجرة وبتغمض عيونها
#فلاش_باك
عمر: كيف الياسمين حامل الياسمين
لجين: هههه انا بحب الياسمين بحس ريحتو بتنعش قلبي وذاكرتي بحسو بيشبهني
عمر: اي بيشبهك وبيشبه رقتك وحلاوتك لك خليلي هالوش
لجين: بتعرف اني بموت فيك
عمر: لك بعشقك
#باك
بتفتح عيونها وبينزلو دموعها ع خدها وبتهمس الله يرحمك ياعمر ويسامحك ماتوقعت كل هالحب بروح بثواني طلعتت
بتقطع افكارها ريحان
ريحان: لجين عمري بتقرب منها وبتضمها كيف صرتي
لجين: بتهز راسها انو منيحة
ريحان: مابدك تسمعيني صوتك والله اشتقتلو والياسمينات اشتاقو تغنيلهن ليفتحو
لجين: بينزلو دموعها وبتقوم بتركد ع غرفتها
ريحان: لاحول ولا قوة الا بالله
بتقوم وبتفوت ع الفيلة
ليث: شبها لجين فاتت عم تركد وطلعت ع غرفتها
ريحان: نفسيتها تعبانة شفتها اعدة وماسكة الياسمينة بأيدها متل لما كانت تأعد وقت يجي عمر لعندها هي وياه تحت الشجرة وفجأة صارت تبكي وطلعت
ليث: رح رن ع الدكتور سامر خليه يجي
ريحان: يلا رح فوت جبلك كاسة العصير
برن ع الدكتور سامر وبقلو جاي
بعد نص ساعة بيوصل الدكتور سامر
بفوت ع الفيلة
وبيطلع ع غرفة لجين هو وليث
بدق الباب وبيدخلو
بتكون لجين اعدة ع تختها وقطتها بحضنها وعم تلحمس عليها
سامر: مرحبا كيفك اليوم
لجين: بتطع فيه وبتهز براسها
سامر: ممكن تتركنا لحالنا استاذ ليث
ليث: طيب
بجيب كرسي وبيأعد جنب التخت
سامر: مابدك تحكيني حتى لو مابدك تحكي يلي بقلبك احكي معي بس رح نحاول سوا تطلعي من حالة السكوت يلي فيها
لجين: بتطلع فيه ومابتحكي
سامر: مابصير يالجين لازم تحكي بدك خطيبك يزعل بقبرو
لجين: بتطلع فيه وبتنفعل ما تجبلي سيرتو هاد ما خطيبي عمر مات مات من زمان ما تقول اسمو قدامي عم تفهم وبتقوم بتزت لغراض من على المكتب وبتمسك قنينة البارفان هي كان يحب ريحتها بتسمكها وبتزتها ع لمراية لتوقع لمراية بالارض فتات
سامر: عم يحاول يهديها ويمسكها اهدي اهدي لجين اهدي
لجين: بتصير تضربو انت بتشبهو اي بتشبهو نفس الشقار ونفس لعيون بعد عنيي وبتصير تضربو ع صدرو وبتوقع بالارض ع رجليها عم تبكي وتشهق
بيطلعو اهلها ع صوت لصريخ والخبط
ريحان: بنتي لجين اهدي اهدي
لجين: عم تشهق اميي قوليلو يطلع مابدي حدا بدي ياكي بس
سامر:بيطلع و بيبتسم انو حكت وبيزعل انو بنت بتجنن هيك صار فيها
بقلبو: اديش بتحبو كانت لحتى موتو مأثر فيها كل هالقد ايي
بيصحى كن شردو ع صوت ليث
ليث: دكتور سامر لاتواخذنا ع يلي صار
سامر: لا بالعكسردت فعلها خلتها تحكي وهاد الشي ايجابي ان شاء الله رح ترحع طبيعية بس تلازم ع الدوا ورح يهدي نفسها ان شاء الله واذا حتجتوني انا موجود
ليث: شكرا الك بطلع مصاري وبحاسبو
سامر: ماعملت شي انا رجع مصاريك
ليث: مابصير هاد تعبك
سامر: كلك ذوق الله يهدي بالها للانسة لجين وترجعلكن متل قبل واحسن
ليث: ان شاء الله
بعد مرور أسبوع ولسا لجين منعزلة بغرفتها وعم تاخد الدوا بتفتح عيونها وبتبسم بتكون اشعة الشمس فايتة من الشباك وجاية ع وشها فجأة بيرجع بذهناها كلام الست بالحب مافي معجزات بيلبقلك الفرح
بتبتسم لا ارادياً وبتقوم بتعمل دوش وبتطلع بتلبس بنطلون وبلوزة سودة وبيضة وبترفع شعرها ديل فرس وبتلبس كعب جلد اسود وبتنزل لتحت بتلاقي امها وابوها عم يفطرو
لجين: يسعد صباحكن
بيلتفتو عليها بصدمة
ريحان: وصباحك يانور عيوني بتقوم لعندها وبتحضنها وبتبوسها الحمدلله ياربي انتي منيحةبنتي
لجين: اي الحمدلله ماما
ليث: بقرب بيحضنها والله البيت بلا صوتك ماحلو
لجين: يخليلي ياك يارب
ريحان: تعي فطري يلا
بيأعدو وبتبلش تاكل لجين
ليث: وين رايحة بابا
لجين: ع الجامعة شوي وبعدين رح امرق لعندك ع الشركة
ليث: بتنوري
لجين: منورة بوجودك
ريحان: بنتي متأكدة انك منيحة
لجين: اي كتير منيحة وخلص سيرة الماضي ماعاد حدا يجيبها قدامي
ريحان: متل ما بدك يانور عيوني
بتطلع لجين بسيارتها وبتمشي ع الجامعة
بتوصل ع باب الجامعة وبتنزل بتاخد نفس عميق ومترددة تفوت او لا خايفة الذكريات تغلبها وتوجعها اكتر بتتماسك وبتاخد نفس وبتفوت
بتركد عليها رفيقتها تولين وبتضمها
تولين: نورت الجامعة يانبضي
لجين: منورة بوجودك
وبقربو الشباب والصبايا عم يهنوها بسلامتها
تولين: العمر الك
لجين: بتنزعج بس بتخفي انزعاجها يسلم عمرك
تولين: كنت بدي اجي عزيكي بس كانت حالتك مابتسمح
لجين: ولا يهمك
تولين: يلا نطلع ع المحاضرة
لجين: انا رح اخد المحاضرات يلي راحو علي واطلع لان مالي نفس ضل كتير
تولين: متل مابدك تعي نجيبهن
لجين: يلا
بتجيب المحاضرات وبتطلع فوراً برا الجامعة
بتوقف عند سيارتها
لجين: ريحتو بكل الجامعة عم حسو موجود فيها انا تعبت منك عمر تركني بحالي بكرهك بتطلع بسيارتها وبتنطلق باقصى سرعة
بتوصل على الشركة وبتفوت بقربو منها الموظفين وبهنوها بسلامتها وبعزوها
لجين : بقلبها عم يعزوني فيك او بقلبي يلي متت ومات معك دفنت قلبي قبل ماتموت ياعمر خنت ثقتي
بيقطع افكارها ليث
ليث: نورت الشركة
لجين: منورة بوجودك بتقرب بتبوسو
ليث: تعي نحكي بالمكتب
لجين: يلا
بفوتو ع المكتب وبياعدو
ليث: بنتي رفيقي وعيلتو جايين من اميركا اليوم وصلو وعاملين حفلة بمناسبة رجوعهن وعازمينا بكرا انا وانتي وامك قدرانة تروحي
لجين: اذا قدرت بكرا روح ان شاء الله
ليث: متل مابدك
لجين: مين رفيقك بس
ليث: امجد سلطان وبدو يفتح مشاريع هون ويمكن نتشارك سوا
لجين: ايوا اي ان شاء الله الله يجعلها خير عليك
ليث: امين يارب
لجين: في شغل او تروح ع البيت
ليث: لا خلص اليوم اجتماعات يلا امشي منرجع سوا
لجين: اوك يلا
بروحو ع الفيلة وبيتعشو وبتطلع لجين ع غرفتها بتلبس بجامة زهر وبتأعد بتفتح اللابتوب تبعها وبتحط اغاني وبتلش تقلب فيه
بتفتح مذكراتها
وبتفتح صفحة جديدة وبتبلش تكتب
اليوم الاول من ذكرياتي معك الذي انتهت
اليوم بكون مرق اسبوعين ع وفاتك تركت جرح كبير بقلبي ويلي حبك يلي ساكني وماعم بقدر انساك ويلي وجعي يلي تركتو فيه والندب النفسية يلي ساكنة جسدي وروحي
بتختم الكلام
هناك ندبة عميقة بي، بقلبي تحديداً💔
بتسكر الابتوب وبتغمض عيونها وبتغفى
تاني يوم الصبح
ببيت امجد بالحديقة العامة
عم يركد غيث ويعمل رياضة
بوقف قبال يلي عم يزينو الحديقة
غيث: بجدية بدي كلشي متل ماامر البيك
الشغيل: بتأمر يابيك كلشي حيكون جاهز متل ما امرتو
غيث: ان شاء الله
بفوت ع الفيلة وبتستقبلو امو
نيرمين: خلصت ابني رياضة
غيث: اي امي طالع اخد دوش وروح شوف العيادة وين صارو بتزبيطها
نيرمين: ما تتأخر من شان الحفلة
غيث: امي بتعرفيني ما بحب الحفلات ولا جو العجقة والضوجة
نيرمين: لك ياابني من شان ابوك بدك ياه يزعل هو بدو يشوف حالو فيك ويعرفك ع رفقاتو بدك تضل هيك منعزل وما بتحكي ولا بتضحك حاطط ع العقدة وماشي
غيث: امي انا هيك الله خلقني بحب الهدوء والركازة
نيرمين: وحتكون الحفلة هادية وراكزة صدقني
غيث: ماشي رح اجي قبل الحفلة بساعة ما تخافي
نيرمين: الله يرضى عليك
غيث: ببوس ايد امو وبيطلع ع غرفتو بيعمل دوش وبيلبس بنطلون جينز وكنزة بيضة مفصلة جسمو وعضلاتو وبسرح شعرو تسريحتو المعتادة وبرش بارفان وبيلبس بوط رياضة وبيطلع
بينزل وريحة عطرو سابقتو
بوقفو كل الخدم وعم يتمايزو ويشمو ريحة هالعطر يلي بتدوخ اي حدا
بوقف وبيطلع فيهن كيف صفنانين المستخدمات
غيث: بيصرخ بوشهن شبكن
كل وحدة بتركد بجهة ومابضل وحدة واقفة
غيث: لاحول ولا قوة الا بالله
بيطلع وبيركب بسيارتو وبيروح ع العيادة
عند لجين
بتفيق وبتكون عم تشرب نسكافيه ع البلكون وعم تسمع فيروز
بتفوت امها لعندها
ريحان: اي شو هالرواق
لجين: اي بدي غير مودي شوي
ريحان: لوجي حبيبتي بقلك ابوكي بدك تروحي ع الحفلة او لا
لجين: بتجي بدها تقول لا بتصفن وبتحكي بقلبها اذا حضل اعدة حضلي فكر بعمر لا خلص بروح
ريحان: لجين وين شردتي
لجين: اه لا امي حروح بس انتو اسبقوني وانا بجي وراكن بدي روح مشوار اول بعدين بجي
ريحان: متل مابدك لكن
بتطلع ريحان وبتقوم بتلبس لجين وبتنزل
بتروح ع قبر عمر
بتقرب من القبر
لجين: شايف ياعمر شو صار فينا ليش هيك صار والله انا كنت بحبك ومستعدة اعمل اي شي كرمالك بس انت ماحبيتني انت عم تستغلني كنت ايي ياما قالولي ونبهوني بس انا ماسمعت من حبي الك لك ولهلق مالي قدرانة حبك ولا اكرهك اخخ بس الله يرحمك
بتطلع وبتركب سيارتها وبتروح ع البحر بتضلها هيك للمغرب
بترجع ع الفيلة
بكون اهلها طالعين من البيت بتطلع بتلبس فستان اسود ع قد الجسم لميع والو شقة من ع طرف وكعب اسود وبتنثر شعرها ع كتافها وبتزينو بشريطة فضية وبتحط مكياج خفيف وبتطلع بترن ع ابوها ليبعتلها الموقع
بيبعتلها الموقع وبتمشي
عند غيث بوصل ع الفيلة بيطلع ببدل تيابو بيلبس بدلة سودة وقميص ابيض وبرجع شعرو بتسريحة وبينزل بكل كبرياء ع الحفلة وبقرب من ابو وامو بكونو واقفين مع ريحان وليث
غيث: مرحبا
الكل: هلا
غيث: بمد ايدو وبسلم ع ليث وريحان
امجد: بعرفكن ابني الطبيب غيث
ليث: تشرفنا دكتور غيث
ريحان: بتبسملو تشرفنا
غيث: الي الشرف
نيرمين: وينها بنتكن ليش مااجت
ريحان: ليكها جاية بالطريق كان عم تعمل شغلة وحتلحقنا
غيث: بقلبو ياحبيبي كان ناقصني جلقة ومياعة البنات لمدللين
الله يصبرني
عند لجين ماشية بالسيارة فجأة بتوقف السيارة وماعاد تمشي
بتنزل من السيارة وبتفتحها لتشوف شبها بكون السيارة حميت والميتور فاصل
لجين: هلق وقتك هفف وبتخبط السيارة بترن ع ابوها
ليث: الو لجين وين انتي
لجين: بابا انا بنص الطريق وقفت السيارة حدا يجي ياخدني وياخدو السيارة ع المصلح
ليث: اوك بابا رح اجي انا يلا خليكي ما تخافي
لجين: بنتظارك
امجد: شوفي اخي ليث
ليث: بنتي وقفت السيارة فيها بنص الطريق رايح جيبها
امجد: لا والله مابتروح انت تروح وغيث موجود بنص ساعة بكونو راجعين يلا غيث روح جيب الصبية
غيث: بجدية انا
امجد: اي يلا فورا
غيث: بقلبو اللهم طولك ياروح طيب يلا كيف بس بدس اعرفها
ليث: ما بتضيع ماتخاف مافي غيرها بكون بالطريق وع كل حال هي صورتها بقرب عليه وبفرجيه
غيث: بياخد لمحة بسرعة اوك تمام انا حروح
ليث: يسلم ايدك ياابني رح نعذبك معنا
غيث: لا مافي عذاب ولاشي الله يسلمك
بيركب سيارتو وبيطلع
عند لجين اعدى بسيارتها وعم تتصفن بالطريق هالطريق بيشبه الطريق يلي صار الحادث فيه بتهز راسها لتبطل تفكر في ضو سيارة جاية من بعيد
بتنزل وبتوقف لتشوف
بوقف غيث السيارة وبينزل
بوقف بيصفن فيها للحظات كيف جسمها منحوت كتمثال والفستان ظاهر انوثتها بفن ورونق
لجين: بتقطع شروده ايي شبك ليش وقفت امشي بطريقك
غيث: بيصحى ع حالو بمد ايدو انا الدكتور غيث
لجين: ما بتمد ايدها اوك امشي بطريقك
غيث: انتي لجين !
لجين: من وين بتعرف اسمي
غيث: بيرفع حاجبو انا ابوكي بعتني لجسبك بكون ابن رفيقو امجد الدكتور غيث
لجين: بتنصدم ببعتزر ماكنت بعرف فكرت بابا رح يجي ياخدني
غيث: ولايهمك فيكي تحكي وتتأكدي
لجين: لا خلص خلينا نمشي
برن موبايل لجين
بترد
ليث: بابا وصل الدكتور غيث
لجين: اي بابا وصل ليكنا جايين
ليث: يلا بنتظاركن
غيث: فينا نمشي
لجين: تفضل بس مشان السيارة
غيث: ما تخافي حتجي الشركة وتاخدها ع التصليح بكونو على وصول خدي غراضك يلي فيها
لجين: مافي غراض فيها
غيث: ها وصلو
بحملو السيارة وبيمشو
غيث: بنشافة تفضلي
لجين: بقلبها شبو هاد خشبة مسندة هه يزيد فضلك
بتطلع ع السيارة وبتوقف مابتقدر تطلع
غيث: في شي
لجين: بقلبها ننفس سيارة يلي عملنا الحادث فيها بتغمض عيونها لتستجمع قوتها
غيث: ياانسة فيكي شي
لجين: بفتح عيونها لا مافي شي فينا نطلع
غيث: بهز راسو بقلبو مجنونة بربي الله يصبرني تفضلي
بتطلع وهي ماسكة اعصابها وبيمشي بسرعة
لجين: للو سمحت خفف السرعة شوي
غيث: بتخافي!
لجين: لا ما قصة خوف بس خفف لا يصير شي حادث
غيث: هه حادث لا ان شاء الله مابصير شي
لجين: لو سمحت خفف
غيث: بقلبه اللهم طولك ياروح اوك حخفف
برن موبايلو
غيث: الو اي لا حاجتكن اليوم فيكن تروحو ع بيتكن اي بكرا من الضبح بتجو ع العيادة لنخلص كم شغلة بس اوك سلام
بيجي بدو يسكر بيوقع موبايلو لتحت بينحني ليجيبو وعم يسوق
لجين: بتطلع فيه بتوتر يااستاذ اوعك يصير شي خلص بعدين بتجيبو
غيث: بنفاذ صبر ليكني حوصل عليه ماتخافي
لجين: انتبه
غيث: ها جبتو
بيطلع وبكون مارقة سيارة قبالو جاية بأتجاها
لجين: بتصرخ انتبهه وبتحط ايدها ع عيونها وللحظة بتتذكر الحادث كانها عايشة فيه بيرجع بذاكرتها بتصرخ عمررر انتبههه
فوراً بلف غيث عن السيارة وبوقف السيارة بصدمةة
بيلتفت عليها بلاقيها مغمة عليها
بقرب منها
غيث: ياانسة انسة لجين اصحي ماتخافي ماصار شي اصحي
بينزل من السيارة وبيفتح الباب وبحاول يصحيها بس ما في استجابة بجيب قنينة البارفان تبعو وبرش ع ايدو وبحطو قريب منها لتصحى وبيضفن بملامحها البريئة وجمالها متل طفل صغير
بتبلش تصحى وعم تقول عمرر انتبه لاا ماتقرب مني عمر وبتصحى عم تصرخ عمررر
غيث: اهدي اهدي مين عمر
لجين: بعد عني بتدفشو وبتطلع برا السيارة
غيث: ياانسة استني
بتوقف لجين وبتصير تاخد نفس عميق وتبكي عمر تركني بحالي انا مابدي ياك بكرهك بكرهك
بحط ايدو ع كتفها بتنئز
غيث: بحيرة فيكي شي بتلتفت عليها بعيون باكية
ليش عم تبكي ماتخافي ماصار شي ما نئزيتي
لجين: بتمسح دموعها انا اسفة تشوشت شوي لا تواخذني انفعلت شوي بس انا مالي فترة طالعة من المشفى
غيث: بضحك مشفى المجانين !
لجين: بترفع حاحبها لا مشفى عادي صار حادث معي
غيث:اسف اذا زعجتك الحمدلله ع سلامتك
لجين: الله يسلمك فينا نمشي ولا تواخذني مرة تانية
غيث: ولايهمك
بيطلعو بالسيارة وبكمل ع الفيلة
غيث: شو قصتها هالبنت وشو قصة اسم عمر صابني فضول اعرف بس اي غيث شو دخلك ليش لتهتم لقصتها خلص انسى
لجين: بتكون ساكتة وعم تطلع ع الشباك
بوصل ع الفيلة
غيث: تفضلي وصلنا
لجين: بتهز براسها وبتنزل
وبتفوت هي وياه وكل لعيون عليهن
بوصلو ع الطاولة يلي فيها اهلهن
ليث: بعرف اخي امجد بنتي لجين
امجد: اهلين بنتي وبصافحها
وبتصافح نيرمين
نيرمين: ما شاء الله عليها قمر مصور
لجين: بتبتسملها ابتسامة خفيفة شكرا هاد حلا عيونك
نيرمين: هي الحقيقة
لجين: بتبتسم
بيطلع غيث عليها
غيث: هالبنت غريبة شو صاير معها ابصر
لجين: كيف هيك فقدت أعصابي قدام الزلمة وهو اول مرة بشوفني اخخ منك ياعمر ماعم تطلع مني عم تسببلي مشاكل نفسيتي تعبانة اخخخ
امجد: عم يسلم ع المعازيم هو وغيث وغيث عم يبتسم وماعاجبو والبنات عم تطلع عليه ويحكو
بنت: ليكي محلاه لك تقبرني هالروزة
بنت تانية: اي اخخ قلبي شلل بس معقول كل هالجمال مافي عندو حبيبة
بنت: والله الله واعلم
غيث: بكون كل شوي بياخد نظرة ع لجين بتكون اعدة وصافنة ومامعهن بهالدنيا
بقرب منها وبحط كرسي وبيأعد
غيث: بتسمحيلي اعد
لجين: اه اكيد تفضل
غيث: بصراحة لفتني صفناتك لكتيرة وصابني فضول اعرف سببهن
لجين: عفواً
غيث: بجدية انا دكتور نفسي لهيك وقت شوف الشخص صافن بحب اعرف شبو بركي بساعدو ما تواخذيني بس وسواس الدكتور
لجين: بتطلع فيه ماعندي شي احكي وشكرا الك بتجي بدها تروح
غيث: مين عمر ؟!
لجين: بتوقف وبتغمض عيونها بتتذكر عمر وبتفتح عيونها بتلتفت عليه شو عرفك بعمر !
غيث: وقت صرختي واغمى عليكي صرختي باسم عمر لهيك عرفت
لجين: انا قلت عمر
غيث: لا انا هه
لجين: عمر بكون خطيبي بس توفى
غيث: اسف العمر الك
لجين: ولايهمك يسلم عمرك
غيث: كيف مات
لجين: بحادث من اسبوعين انا نفدت وهو توفى صابو نزيف داخلي وماقدرو يساعدو
غيث: الله يرحمو
لجين: تعيش
غيث: لهيك ما بتحبي السرعة
لجين: مبلا انا بعشق السرعة بس بسيارتك مابحب السرعة
غيث: كيف وشو دخل!؟
لجين: لان سيارتك نفس السيارة يلي كنا فيها قبل الحادث
غيث: اها امم اسف ع تدخلي
لجين: لا عادي لو مابدي احكي مابحكي بس ارتحت للحكي معك
غيث: ممكن سؤال؟
لجين: تفضل
غيث: ليش كنتي عم تقولي لا تلمسني عمر مو كان خطيبك
لجين: بتنفعل وبتوقف عن اذنك
غيث: بيمسكها من ايدها اهدي ما بقصد قلتلك وسواس الطبيب النفسي
لجين: اوك عن اذنك لان مابحب احكي بهالموضوع وياريت يلي سمعتو مني وانا منفعلة وقت الحادث تنساه
غيث: انسة لجين مابقصد ازعجك وع كل حال عيادتي بعد كم يوم حأفتحها ووقت تلاقي حالك محتاجة تحكي وتطلعي حالك من يلي انتي فيه انا جاهز وبذكرك انا طبيب وما بفشي سر اي حدا
بتمشي لجين بدون ماتحكي وبتقول لااهلها ليمشو وبيطلعو ع الفيلة
بوصلو وبتطلع ع غرفتها بتبدل تيابها وبتلبس بجامتها وبتتسطح ع تختها وبتمسك الابتوب
بتفتح صفحة جديدة`
*يـــــتـــ♡ـــــبـــــع*🩵☁️៸࣪⳼᚛_
*{📚}↵ قصص مختارة بعناية*💫🫶🏻៸࣪⳼᚛_
*{🩵}↵نكتب لنحيي المشاعر في القلوب*📝🫶🏻៸࣪⳼᚛_
*{🩵}↵من هنا تبدأ رحلتك مع الحكاية📖🫶🏻*៸࣪⳼᚛_