الفصل الرابع والاخير
روآيهہ: * فـಿـتآتي لليلهہ 🫀
*❴🔢❵☟الـــبـــــــــــ❴4️⃣ والاخير ❵ــــــــــــارت☟*
➖➖➖➖➖➖➖➖➖
*آلَكـ⁂ ـتـ⁂ ـوٌمـ⁂ ـ✍️
➖➖➖➖➖➖➖➖➖
معن : اي الحمدلله ....بشو حاسة هلأ .
زينة: ...مافهمت من اي ناحية.
معن: يعني شو احساسك وانتي مرتاحة مو موجوعة نايمة ماعليكي شي تهكلي همو.
زينة: ...اكيد مرتاحة بكفي انو الوجع راح وماعاد حس فيه.
معن : ان شاء الله ماعاد تحسي فيه بنوب.
انتبهت زينة لشنتايتها موجودة : جبت غراضي .
معن: اي ....زينة ...انتي بس هدول هنن غراضك ماعندك غيرن .
زينة: لأ ماعندي غيرن .
اتطلع فيها وقال بحالو شو هالقناعة اللي عندك بترضي بالقليل وبيرضيكي ابسط شي وفوق منها عندك عزة نفس ماشفتها عأنسان لو بنت تانية الي صار معها اللي صارلك بسببي كانت استغلت هالشي لصالحها وكان ضلت تروح وتجي لعندي لتبتزني ...بس انتي غير كل البنات اللي قابلتهن بحياتي ...انتي انضفهن واشرفهن واطهرهن يازينة .
انتبهت زينة انو عم يتطلع فيها كتير وانو دمعة واقفة عباب عينو ناطرة يسمحلا معن تنزل عخدو .
زينة : طيب بقدر فوت اتحمم هلأ .
انتبه عليها انها عم تحاكي .
معن: .....اي حياتي فوتي تحممي وازا تعبتي وانتي بالحمام ناديلي .
زينة: ....اي.
تزكرت وقت تحممت مرتين بهالحمام كيف كانو غصب عنها وانو وقت كانت هالمي تنزل عبدنها تحسها نار وعم تحرقها بس هالمرة غير تحممت براحة وحست بدفا المي عم تمشي عجسمها لتنشطو وتريحو وتشيل عنو هم الدنيي وتمنت هالشعور يضل ملازمها عطول .
لبست بيجاما برمودا احمر وبلوزة بيضا واحمر ونشفت شعرها بالسيشوار ورفعتو ديل الفرس .
طلعت عالصالون كان معن ناطرها .
وقت شافها بالبيجاما ابتسم انها خلص اخدت راحتها وانو اقتنعت انو هاد بيتها وعادي لو لبست في متل هيك .
معن : ريتو نعيما ياالبي تعي اقعدي جنبي تعي . #قصص1وروايات1وحكايات.
قعدت جنبو خجلانة اتطلعت فيه لتشوف فيهن حب كبير وحنية اكبر .
معن: كيف حاسة بعد الحمام .
زينة : شعور اكتر من رائع ...بتحس حالك كنت شي وصرت شي تاني .
ضحك عتشبيهها وسألها: شو رأيك نشرب شي مع بعض .
زينة: عبالي قهوة .
معن: لأ قهوة هلأ ماالك الدكتور قال هالفترة بعدي عنها رح اعمللك كاسة شاي بالنعنع اي .
زينة: ماشي الحال .
شربو الشاي والقهوة وحكو شوي عن حياتها وكيف اجت لهون وعن حياتها لوقت التقت فيه .
معن : زينة انا بدي اعتزر منك عاللي صار قبل بعرف مو سهل تسامحيني بس كلي امل انو اقدر خليكي تسامحيني وترضي مني والله اني ندمان عاللي عملتو معك ..بس يمكن ربنا حطك بدربي لأتعرف عليكي واتزوجك ولأترك اي فكرة غلط ممكن فكر فيها لقدام ....ماتفكري اني عم برر اخطائي لأ بعرف اني غلطان وغلطي كبير كمان بس انا طمعان بكرمك انو نصلح هالعلاقة لنبقى مع بعض عطول وبكرة بتشوفي حسن نواياي تجاهك .
زينة : .....مابعرف شو بدي قلك خلينا مانحكي بهالموضوع هلأ انا مابنكر اني لساتني زعلانة منك وآخدة عخاطري عاللي عملتو معي بس صراحة انا مو حابة احكي بهالموضوع هلأ .
معن: معك حق ....طيب صار موعد الدوا تبعك هلأ قال الدكتور انو لازم تاخدي قبل الأكل بساعة ماهيك رح جبلك اياه تاخدي قبل لروح جيب العشا.
زينة: اي عشا انا مو جوعانة هلأ.
معن: ...لا ياااا لأنو عكيفك ماهيك بدك تتعشي وتاكلي كتير كمان .
زينة عم تضحك عأسلوبو حسسها كأنها طفلة ورافضة تاكل .
عطاها الدوا وطلع ليجيب العشا ، مرقت هديك الليلة وزينة ومعن عم يحكو بشغلات كتير وشافها قديه مرتاحة ومبسوطة رغم انو كان شايف بعيونها الزعل منو وانها لسا مو مسامحتو وقال انو الوقت والزمن كفيل يخليها تغير نظرتها فيه ، وشاف انها بنت طيوبة ومرحة ودمها خفيف وبتفهم بأمور كتير ، بالمقابل اكتشفت زينة انو معن رجل مثقف دارس لكن ماحب يتقيد بس بشهادتو حب يتوسع بشغلو كمان وشافتو متحدث بيعرف شغلات كتير بهالحياة وقلها عن اهلو انهن بدولة تانية وهو هون ليشتغل وخبرها عن طبيعة حياتو واهم شي اهم شي انها اول بنت بتدخل بيتو وحياتو والبو وباقي البنات اللي تعرف عليهن كانت علاقتو فيهن عابرة عسبيل التسلاية مو اكتر . .
تأخر الوقت وهنن يحكو وحست زينة بتعب واستأزنت لتنام وراح معن لغرفتو لحتى ينام مسا عليها وتمنالها ليلة حلوة .
بنص الليل قام معن عصوت المنبه دخل لغرفة زينة كانت نايمة اتطلع فيها بتمعن قبل ليفيقها وباس خدها بنعومة وبعدها فيقها : زينة ....زينة.
فاقت بخوف وبعدت عنو : ...مين شوفي شو بدك.
معن: اسم الله عليكي روقي مابدي منك شي بس صار موعد الدوا تبعك قومي لتاخدي .
قعدت زينة بالتخت شوي لستدركت الموضوع اخدت دواها وتسطحت ،طفى الضو عليها وراح.
تاني يوم من بكير طلع معن وزينة لساتها نايمة وقت فاقت كان لسا مو راجع اتدوشت وبدلت تيابها لبست فستان بيتي اسود قصير وعملت شعرا كعكة ونزلو خصل شعر قدام وشها عطاها لمسة رقيقة .
بعد شوي رجع معن كانت زينة قاعدة بالصالون عم تتفرج عالتلفزيون انبسط وقت شافها فايقة ..
معن: صباحوو كيفك ياالبي.
زينة: صباح النور ...تمام الحمدلله.
معن: شو كيف حاسة حالك اليوم .
زينة: انت كيف شايفني .
معن: ماشاء الله فرق من مبارح لليوم انا هيك شايف.
زينة عم تضحك: هههههه اي الحمدلله وانا شايفة حالي كمان احسن من مبارح .
معن: اي ها شفتي مااحلاكي وانتي هيك عم تضحكي ورايقة.
زينة: ...معلش اسألك سؤال .
معن: اي حياتي اسألي.
زينة: ...
وين رحت من بكير الي اكتر من ساعة فايقة .
معن: ههههههه هي ضريبة الزواج انو تجي مرة تسألك وين رحت ومنين اجيت .
زينة: اتدايقت لأني سألتك.
معن: لك لا والله بالعكس بس هيك حبيت احكي وعيش الجو الأسري شوي انو صار عندي زوجة وتسألني انو وين رحت ومنين اجيت ومع مين قعدت بس هيك.
زينة: متأكد انك مازعلت .
قرب منها كتير وحط وشو بوشها وحكى بالهمس: والله والله وحياة عيونك اللي بعشقهن اني مازعلت على العكس انا مبسووووط كتير بكفيني انك معي .
كمل كلامو وهو عم يتطلع بعيونها بعشق واضح وطالع ورقة كان حاططها بين الأغراض اللي كان جايبهن.
معن: تفضلي .
زينة: شو هي .
معن: اقريها ....هي ورقة عقد الزواج رحت عالمحكمة من بكير وثبتت زواجنا، وهي كمان دفتر عائلة عملتو وطالعتو رفيق الي ساعدني طالعو بسرعة .
زينة دموعها نزلو بسرعة : يعني ....
معن: يعني انا قلتلك اني ماعم اضحك عليكي وانو بدي تبقي معي عطول .
زينة: .....شكرا معن .....اول مرة بشعر بهيك شعور .
معن: ...وانا كمان لهيك قلتلك اني مازعلت وقت سألتيني وين كنت لأني كمان اول مرة بحس بهيك شعور ....تأكدتي هلأ اني ماعم اضحك عليكي .
زينة: .....اي ..اي .
معن: ....طيب مافي عبوطة صغيرة .
اتطلعت فيه.
معن: صغيرة والله قبلان.
ضحكت وعبطتو وبعدها خجلت وقت شافت كيف كان ضاممها الو واتزكرت ريحتو وريحة عطرو وقت كانت معو بأول ليلة الهن مع بعض.
بعدت عنو وابتسمت ابتسامة خجل ومن بعدها اتأكدت انو لو مو جدي كتير بعلاقتو والرابط الزوجي اللي بيجمعهن ماكان ثبت الزواج بالمحكمة وماعمل دفتر عائلة.
طالع من الكياس كم قطعة تياب الها حلوين اختارهن عزوقو .
زينة: لشو هدول عندي تياب .
معن: اي واشتهيتلك شي جديد مو عروس انتي حبيت جبلك كم قطعة عزوقي مابعرف بيعجبوكي او لأ وقلت وقت بتتحسني بنطلع سوا وبجبلك اللي بدك اياه .
زينة : يسلمو ايديك كتير حلوين .
معن: ....وتفضلي هاد كمان .
زينة: ....شو هاد موبايل ....لك هاد كتير غالي .
معن: اقل منها يعني ....موعيب عندي محل موبايلات كبير ومرتي القمر مو حاملة موبايل اصلا ، شووو عجبك .
زينة: بياخد العقل بحياتي ماتخيلت حالي احمل هيك موبايل انا .
وكان جايبلا عطور واكسسوارت ومكياج من عندو من المحل واختارهن عزوقو ماركات من احسن الأنواع .
ماعرفت زينة شو تقول وتركت دموعها تعبر عن اللي جواها.
معن: وبعدين معك زينة رح اتضلي تبكي هيك والله انا بدي فرحك فيهن ليه مصرة اتضلي تبكي .
زينة: هي اول مرة حد بجبلي شي مو متعودة عهيك انا.
قعد عالأرض ومسك ايديها بحنان : لسا ماشفتي شي من الدلال بوعدك عوضك عن كل ايام القهر اللي عشتيهن بسببي بس اتتي سامحيني مشان الله.
بعد العصر اجت تمارة وتقوى وهيام ليتطمنو عزينة وشافو بيتها وكيف تحسنت جسديا ونفسيا ومعنويا وارجتهن شو جابلها معن من تياب واغراض والموبايل وعطتهن رقمها ليحاكوها وتحاكيهن .
فرحولها رفقاتها انها ارتاحت من العزاب والتعتير والفقر ، وخصوصي وقت شافو خوف معن عليها واهتمامو فيها وكان باين حبو الها، قعد معن معهن شوي ووصالهن عغدا جاهز اما زينة جابولها معهن شوربات لحتى ماتتعب معدتها من الأكل الجاهز وبعدها ترك البيت وراح لشغلو بس وقت صغير ليتركهن ياخدو راحتهن .
مرق اسبوع على وجود زينة ببيت معن هي تعودت عالبيت والوضع وهو تعود عوجودها بالبيت وتعود كل يوم يفيق ويتصبح بوشها الحلو ويرجع عالبيت يتغدو سوا وبعد هيك طلبت منو زينة انو مابقى بدها يجيب اكل جاهز وانو تحسنت وصار فيها تشتغل بالبيت وتطبخ .
بيوم كانت مراجعة زينة بالمشفى طلب الدكتور من معن يطلع برا ليقدر يفحصها منيح واخدلها صورة بالجهاز لمعدتها ليشوف كيف صارت بعد الأكل والأدوية تأخرت وهو عم يفحصها الدكتور ومعن شايفهن من ورا القزاز وكيف كان الدكتور عم يتطلع فيها ويحط ايدو عمعدتها ليتأكد ازا في وجع اولأ وكيف كان عم يحاكيها ويضحكلها ..كل هاد والنار عم تاكل البو لمعن من غيرتو انو كيف الدكتور عم يلمسها ويقرب منها ويحاكيها ويضحكلها.
المسا رجع معن وكان شايف البيت عم يضوي من النضافة وريحتو معطرة وحلوة دخل وفكر حالو داخل عبيت تاني غير بيتو لكن عفش اللبيت نفسو هو ، وكانت زينة لسا بالمطبخ عم ترتب الخزاين .
معن : مساالخير.
زينة عم تلهت: ....مساالنور الله يعطيك العافية.
معن: انتي اللي الله يعطيكي العافية لك شوعاملة بالبيت قالبيتو قلابة.
زينة: يعني البيت كان بدو تنضيف كتير وقلت بماانو تحسنت خليني نضف كل يوم شوي .
معن: لك شو كل يوم شوي البيت كلو عم يبرق ويلمع.
زينة: لأ بقيان غرفتك وغرفتي والخزاين تبعهن والحمام بدو تنضيف كامل .
معن: .....يعني لولا مابعرف عفش بيتي فكرت حالي فايت عبيت تاني .
زينة: هههههه بس مو حلو هيك.
معن: بياخد العقل بس مابدي اتعبي حالك كتير لتقومي تنتكسي.....ماخلصتي لسا.
زينة: امبلى خلصت بس لرجع هالصحون وبكون خلصت ...تشرب قهوة.
معن: ازا معك مابقول لأ.
عملت القهوة وشربوها سوا وهنن عم يشربو انتهز معن الفرصة
ليحكي .
معن: ....زينة
معلش فاتحك بموضوع .
زينة: تفضل مابدك استأزان.
معن: .....هلأ مابكفي نومة بالغرفة لحالك ...الله يخليكي نامي عندي بالغرفة .
زينة: ...معن انا ....كنت بدي
فرصة ووقت لأبقى لحالي شوي .
معن:كرمال الله حاج لا تحطيني عحد السكين والله ماعاد فيي شوفك معي ومو معي ببيتي ومو قريبة مني خلص انا بدي اكسر الحاجز اللي حاطيتو بينا والله انا عم ابني جسر بينا لأوصللك وخليكي توثقي فيي مو حاج بعد وفرقة.
زينة: بس انااااا.
قاطعها: ..والله مارح المسك غصب عنك مابدي منك الا تنامي بغرفتي عسريري جنبي شم ريحة عطرك ، شوف شعرك مرمي عمخدتي ،فتح عيوني لاقيكي جنبي اتصبح بوشك واتمسى فيه، كتير عليي ؟
زينة: ......
معن: احكي زينة كتير عليي؟
زينة عم تهز براسها انو لأ.
معن: اذاااا شو قررتي .
زينة: ..ماشي الحال .
ضحك وشو وباس ايدها وقلها: من بكرة بتنقلي تيابك وغراضك لغرفتي ..قصدي غرفتنا اي بس من الليلة بتنامي عندي ماشي.
خجلت من فكرة انو رح ترجع تنام حدو وتشوفو كل الوقت ممدد جنبها.
مشيت امورهن تمام وكانت فرحتو كبيرة حست بفرق الأبتسامة عوشو من وقت نامت بغرفتو وهالشي فرحها الها كمان .
بيوم بعد الغدا كان يوم جمعة ومعن قاعد بالبيت دخل المطبخ ليشرب مي شافها واقفة قريب من خزانة الكاسات خطرتلو فكرة انو يتحركشها بلكي يتتحرك مشاعرها شوي ...قرب منها كتير ووقف وراها وحط ايدو عند الخزانة جفلت وقت شافتو قريب منها هيك والخجل بان عليها صار يعمل حالو بدو يطول غرض تاني من الخزانة التانية وشي يلمسها من خصرها هاد وشي يقرب عخصرها التاني بعدت شوي وماانتبهت انو الحيط وراها وقربب منها وبهيك بتكون صارت لزقو لمعن حط ايدو عالحيط والأيد التانية عخصرها وضمها شوي لصدرو وحط راسو عراسها اتلبكت هي وماطلع الحكي معها اما معن كان عم يتنفس عطرها ليتغلل بصدرو .
زينة بصوت عم يرجف: ......معن.
معن: امممم
زينة: .....انااااا.
معن بصوت اشبه للهمس : .....انتي شو .
زينة: .....كنت بدي ....انوووو.
معن عم يتطلع بعيونها : .....اي ...انوشو.
زينة: .....هووو ....انوووو....القهوة.
معن: ...شوباها القهوة.
زينة: .....معن...الله يخليك ..بعد عني شوي .
معن: ...ليش بدك بعد خليني هيك مستكترة علي قرب منك هيك .
زينة: لاااا مو هيك ...بس س س
معن: هشششششش ولا كلمة خليني عم شمك خليني ضمك زينة خليكي قدامي شوي .
قرب منها اكتر دفشتو بخفة وبعدت عنو وراحت للحمام لتطالع الغسيل .
ضحك وقت شافها متلبكة وخجلانة وحس انو هالشي عم يعجبها وقال معك معك بتستسلمي .
تاني يوم كانت عم اتضب الغسيل بالغرفة التانية كان معن بغرفتو عم ينشف شعرو وكان لابس شورت بدون فانيلا خجلت وقت شافتو عريان .
زينة: .....انا كنت بدي ضب تيابك بالخزانة .
معن: اي ضبيهن.
ضبت اللي بالرفوف اللي تحت واجت لتحط المناشف بالرف الفوقاني ماطالتو شافها عم تتنطوط لتوصل الرف وماطالتو رغم انها مو قصيرة بس كان الرف عالي شوي عليها.
قرب منها بشويش واخد المناشف منها وحطهن مكانهن، كان قربب منها كتير ماقدرت ترفع عينها فيه لأنو صدرو عريان كان حاشرها بقلب الخزانة كمشها من خصرها وقلها بصوت دبلان: زينة ماعم اتحمل اكتر مشان الله ارضي نكون زوجين برضاكي ماتخليني اخلف بوعدي الك.
زينة وصدرها عم يطلع وينزل من خوفها وقربها منو: ......انت وعدتني مايصير شي بدون رضايي .
وقتها رفعلها راسها بأيدو : لمتى ....زينة انا بحبك والله بحبك بعشقك لا تعزبيني اكتر من هيك مو زابطة معي انك جنبي وبغرفتي ومرتي وماعم اقدر المسك حسي فيي انا رجال والي متطلباتي .
زينة: ....بس
تركها تروح وقلها : خلص انسي الموضوع انا وعدتك ولازم اوفي بوعدي ،وقتها حست انو لو جادلتو يمكن يتخانقو او يمكن يصير شي غصب عنها لهيك فضلت تتركو تروح من عندو .
تاني يوم رجع من شغلو وكانت عم تجهز الغدا وشاف عالمجلى صينية قهوة عرف انو كان عندها حدا سألها: شو كأنو الصبايا كانو عندك .
زينة: لأ هي جارتنا اللي فوق اجت لتتعرف عليي هي وبنتها.
معن: مين جارتنا اي وحدة.
زينة: اللي فوقنا مباشرة ام قصي.
معن : ايوااا وكيف عرفتك.
زينة: ابدا شافتني بنتها عم نضف قدام الباب وسألتني بتفكرني اختك .
معن: هههههه ليه يعني هيك .
زينة: مابعرف شو تهيألها وشوي واجت هي وامها ليتعرفو علي بس حسيت بشي غريب .
معن وهو عم ياكل خس: شو هو.
حطت ايدها عخصرها : بالأول قلي في شي بينك وبين البنت .
معن: ..انا لأ ليش .
زينة: لأنو كتير كانت عم تسال عنك ووقت عرفت اني مرتك جنت وتغيرت ملامحها وصوتها انخنق وماحكت ولا كلمة بعدها ....معن صارحني انت واعد البنت بشي.
معن عم يضحك: هههههههههه لك والله مافي شي بيني وبينها ولا واعدها بشي بجوز كانت قاصدة تتعرف عليكي بس .
مااقتنعت واختصرت وقالت بنحكي بعد الغدا .
وهنن عم يتغدو لاحظ عليها عم تزورو بين اللحظة والتانية وحس انها عم تشعر بالغيرة وهالشي فرحو كتير وقال لو ماحبتني والا ماكانت غارت عليي بس
حب يعزبها شوي ويكتشف مشاعرها.
معن : اي حياتي متى رح تعمليلهن زيارة .
زينة بكشرة: ..لمين.
معن: لجارتنا ام قصي.
تركت المعلقة من ايدها واتطلعت فيه : شو شايفة الموضوع عجبك واهتميت فيه.
معن: لا ابدا بس مو حلوة ست كبيرة تزورك ماترديلها الزيارة ماهيك.
زينة: لابدي زورها ولا بدي شوفها وخصوصي بنتها ماعاد استحت كل شوي تسالني عنك امها بتحكي معي بموضوع تقطع السيرة علينا وترجع تسالني كيف تعرفتو عبعض ....ليك معن انا مو هبلة لحتى ماميز بين هي وهي يااما انت واعدها بشي يااما في بينكن او كان بينكن شي .
فرفح البو وقت تأكد انها غيرة وقال انو عرفت اصطادك ورح جيبك بهالطريقة وبتشوفي .
بعد يومين حست انو متغير كان تعبان ووجهو شاحب كان باين التعب عليه سألتو ازا في شي وطمنها انو بس مجرد ارهاق وتعب لأن كان عندو ضغط شغل.
بالليل حست عليه مو قدران يقوم وكان عرقان وحرارتو عم ترتفع.
ضلت قاعدة فوق راسو عم تحطلو كمادات باردة وعطتو خافض حرارة وقلها انو حلقو واجعو كتير .
تاني يوم الصبح قربت منو لتشوف حرارتو مسكها من ايدها فجأة وقربها منو .
زينة: ......بسم الله خوفتني معن .
معن: شو عم تعملي .
زينة: بدي شوف حراتك ازا نزلت او لا .
معن: حرارتي داخلية مو بس خارجية ......اشتقتلك بدي تقربي مني اكتر مو بس وانا تعبان ...بأيدك تخلي عيني تطلع لبرا وتشوف غيرك ازا بدك هالشي احكي اما ازا بدك كون بس الك خلينا نقرب من بعض اكتر قرري زينة .
زينة عم تتنفس بسرعة وهي قريبة منو : .....هلأ وقت تتحسن بنحكي بهالموضوع .
معن: لأ ....هلأ بدك تقرري .
زينة: انااا.
معن: هلأ هلأ زينة ....معناها ماتلوميني ازا بتطلع برا اي ....اتركيني ارتاح هلأ بدي نام.
اجت لتحكي نهرها بصوتو: قلتلك بدي نام روحي .
راحت لتعمل فطور وتفيقو بعد وقت صارت تفكر بكلامو وتقول والله معو حق يعني لايمت بدي ضل هيك انا واياه بكرة الرجال بمل مني وعينو بتطلع لبرا متل ماقال وانا جنيت بس سألتني بنت الجيران عنو واكدلي انو مافي شي بينهن كيف لو شوفو عنجد عم يتطلع بغيري او احلى شي يقوم يتجوز عليي ولي وقتها بجن عالمزبوط ...خلص يابنت هاد جوزك وانتي بتعرفي انك بتعشقيه عيشي معو وطوري زواجكن وعلاقتكن ببعض وانتي مابينقصك الجمال لتقدري تسيطري عالبو وفكرو اكتر ...خلص خلص رح اعمل متل مابدو وقت يفيق رح خلي هو يطلب مني هالشي .
وقت فاق حست انو صار احسن افطرو سوا وكان عم ياكل وهو ساكت ماعم يتطلع فيها وما وجهلا ولاكلمة .
تحركشتو هي : شولساتك زعلان مني .
معن: ليش بهمك زعلي اكيد لا.
زينة: يعني كيف هيك سألت وجاوبت لحالك .
معن: هلا شوبدك.
زينة: بدي تحكي معي بنفس متل اول شو صرلك مليت مني .
معن: مامليت منك بس انتي ماعم تقدري تسامحيني عم حاول ارضيكي وانتي ماعم تقبلي .
زينة: بس انا مسامحتك .
معن: ....والله مو باين .
زينة: وكيف بدك اياه يبان .
معن: عم ترفضي قرب منك والمسك وبتتهربي مني كل ماقربت منك هالشي شو بتسميه.
زينة: مسألة وقت بس .
معن: لمتى وقديه رح اتطول الشغلة .
ماجاوبتو .
بالليل كانت عاملة حالها نايمة كان قاعد بالصالون كان بدها يقرب منها بس مابدها تقلو هي وقررت تعمل في حيلة .
عملت حالها شافت كابوس وصرخت ليجي لعندها .
ركض لعندها ومسكها : شو في زينة بسم الله عليكي شو كني عم تشوفي منام.
رمت حالها بحضنو وعملت حالها خايفة صار يهدي فيها ويطمنها : روقي زينة روقي انا جنبك ماتخافي هاد منام.
زينة كامشة فانيلتو بايديها التنين : ماتتركني انا خايفة معن .
معن : ماتخافي انا جنبك مارح اتركك ياعمري.
زينة: أكيد مارح تتركني .
رفعلها راسها بايدو : اكيد لا مابتركك اتتي كل حياتي انا بحبك ومافيي اتركك بنوب .
اتطلعت فيه بعمق وبادلها نفس النظرات وقرب منها اكتر واستغرب انها مابعدت عنو او ابدت اي رفض استغل الفرصة وتقرب منها اكتر .
الصبح قامت زينة رايقة اتطلعت بمعن وتركتو نايم.
لبست روب ابيض ناعم وراحت للمطبخ عملت قهوة واخدتها عغرفة النوم .
فيقتو ببوسة عخدو : ...حبيبي ...حبيبي ..
فاق عم يفرك عيونو: .....
زينة: صباحو حبيبي .
قعد بالتخت وقت قالت حبيبي وقال: ....لك دخيل هالعيون مااحلاهن وقت بتكوني رايقة يسعدلي صباحك ياعمري .....مبروك ياعروس .
خجلت ونزلت راسها : ...الله يبارك فيك القهوة جاهزة .
صبتلو القهوة وعطتو فنجان .
زينة: حبيبي .
معن: عيون حبيبك ...ياروح البو.
زينة: مارح تخبر اهلك انك تزوجت .
معن: بدك اياهن يعرفو .
زينة: ليش انت مابدك .
معن: امبلى لكان .
زينة: ومتى رح تخبرهن.
معن: متى ماحبيتي .
زينة: هلأ .
معن ضحك: هلأ عشو مستعجلة .
زينة: مابتعرف شو بصير هلأ احسن من بعدين .
معن: طيب هاتي هالموبايل من عندك .
عطتو الموبايل وحاكى امو وخبرها انوبدو يتزوج من بنت حلوة كتير يتيمة وماالها حدا وانو رح يتزوجها لأنو لحالو وبدو حدا يكون معو وخبر امو كيف مرض وكان لحالو بالبيت وماكان عندو حدا ياخد بالو منو وانو رفقاتو اقنعو ي
تزوج لأنو لحالو .
فرحتلو امو كتير وخبرها انو وقت يجو لعندهن يعملو حفلة العرس عندهن ويفرحو فيهن .
زينة : يااميييي مااقواك كيف خطرلك تخبر هيك قصة .
معن: لكان حبيبتي لو خبرتها اني تزوجت رح تقلي مااحترمتنا مااعطتينا علم انت مو شايف حدا قدامك انت ماالك كبير لتقلو انا بعرف امي وبعرف شو رح تحكي لهيك بختصر حالي بلا مااسمع هالموشح كلو .
زينة: عنجد معن رح تاخدني لعند اهلك ونعمل عرس .
معن: اي حياتي كنت ناوي اعمللك اياها مفاجأة بس فقستيها رح نروح واوفي بوعدي الك ولأمي .
وبعد وقت سافرو لعند اهلو وتعرفو عزينة من قربب وشفقو عوضعها وكيف عاشت لحالها وعملولهن عرس كبير وكانت فرحة زينة اكبر من فرحة معن لأن صارلها عرس ماتخيلتو وصار عندها اهل عوضوها عن اهلها اللي راحو .
النهاية
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖