آلَفـ⁂ ـصـ⁂ ـلَ آلَثـ⁂ ـآنـ⁂ ـيٰ
روآيهہ* : فـಿـتآتي لليلهہ 🫀
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*آلَكـ⁂ ـتـ⁂ ـوٌمـ⁂ ـ✍️
➖➖➖➖➖➖➖➖➖
تجمعت كل الأشياء اللي بتجرح وبتكسر الخاطر مع بعض مصيبة ورا مصيبة كانت تلاحق زينة وين ماراحت وكأنو الدنيي كلها متفقة عليها لتضيمها ولتعزبها وين ماراحت ....وجنت اكتر وقت اللي رجعت عبيتها وماقبلو يدخلوها لأن الها ايام غايبة وكانو حاطين تيابها بشنتة وتاركينها عند الجارة .
اخدت شنتايتها وصارت تلف بهالشوارع مابتعرف لوين تروح ، ومامعها مصاري لتستأجرلها شي غرفة بشي اوتيل صغير .
تمست الدنيي وهي بالشوارع عم تفكر وين بدها تروح بحالها ، تعبت وقعدت بحديقة بنص البلد حطت ايدها عراسها وصارت تبكي وتقول😭: الله يسامحك يامعن ....مشان ترضي نزواتك خربتلي حياتي كلا ....ياربي ليش هيك الدنيي قاسية عليي وكأنو مافي حدا غيري لتقسى عليه وعيت عهالدنيي بلا اهل بلا ام تاخد بالا مني وبلا اب ياخدني بحضنو وقت اللي احتاجو وهلأ كملها عليي معن وبشغلي وبيتي (رفعت راسها للسما ودعت بقلب محروق) يارب يارب انت اللي عالم بحالي وعليك اتكالي ياربي ماالي غيرك ياربي ماتتركني وتهديني لطريق الصواب وتوقف بوشي ولاد الحلال ......بس وين بدي روح بحالي هلأ تأخر الوقت عليي (نزلت راسها وحطتو بين ايديها ولمحت السنسال اللي برقبتها ، شلحتو واتطلعت في وقت ) .
حملت حالا واغراضا وصارت تمشي لتدور عمحل دهب لتبيع السنسال اللي معها .
دخلت عأول محل دهب صادفتو .
زينة: مساالخير .
الرجال: ..مسالخيرات تفضلي ياانسة .
زينة عطتو السنسال: .....معلش بدي بيع هالسنسال ازا ممكن.
الرجال اخدو وتفحصو منيح: اي على عيني بس وين الفاتورة تبعو .
زينة : ....مافي فاتورة .
رجعلها السنسال وقلها: بعتذر منك مابشتري دهب بدون فواتير .
زينة اسودت الدنيي بوشها اكتر وخاب املها: ....الله يوفقك والله هالسنسال برقبتي وانا صغيرة يعني مامعي فاتورة الو الله يخليك اشتري بالسعر اللي بدك اياه .
الرجال: ...والله مابقدر ياانسة مابنشتري دهب بلا فواتير .
صارت تبكي وكان باين عليها التعب والتعتير والهم : ...الله يخليك والله مافي مكان نام فيه ومامعي مصاري لآخد شي غرفة بشي اوتيل صغير اعتبر هالموضوع استثنائي شوي ، والله لولا حاجتي للمصاري ماكنت بفكر بيعو لأنو غالي علي .
شفق الرجال عليها وطال من الجارور مصاري وعطاها اياهن وقلها: خدي هدول وخلي السنسال برقبتك .
مسحت زينة دموعها بضيق: ....لأ انت فهمتني غلط انا مو جاية اشحد او آخد حسنة منك ....بدك السنسال خدو مابدك اياه خليني روح شوف محل تاني .
اتطلع فيها بعيون حزينة واخدو منها وعطاها حقو وفوقن المصاري اللي عرضهن عليها ورفضتهن لكن ماخبرها بهالشي لحتى تاخدهن .
فرحت زينة وقت اخدو منها واستغربت انو معقول سنسال خفيف وصغير متل هاد بيسوى هالقد ، لكن اضطرت تسكت وتاخدهن وراحت .
الرجال عم يحكي بحالو (معقول في ناس عندا عزة نفس هيك بعز حاجتا للمصاري ....الله يفرجا عليها ) .
رجعت زينة لعند الرجال وسألتو ازا بيعرف شي اوتيل صغير لتقدر تاخد في غرفة وعطاها عنوان قريب من محلو .
اتفقت مع موظف الأوتيل تاخد الغرفة لأسبوع ودفعتلو سلف لتقدر اتدور عشغل ومن بعدها بتدور عبيت صغير لتآوي حالها فيه.
دخلت زينة تحت المي لتاخد حمام دافي يريح اعصابها بعد يوم قاسي ومرهق ، بكت كتير تحت المي وتمنت لو تنزاح هالهموم من حياتها متل ماهالمي عم تشيل كل شي عالق بجسمها ومتل ماعم تشيل هالدموع اول بأول .
استرخت بسريرها وحطت راسها عالمخدة وفجأة كل شي صار بينها وبين معن كأنو شي فيلم وعم تشوفو من جديد ماغاب معن من بالها بنوب وكل ماغمضت عيونها لتنام تحس كأنو قاعد قدامها عم يداعب جفونها لتفتحهن وتشوفو قاعد حدها ، وكل ماحاولت تطرد هالأفكار من راسها تحسو كأنو عم يحكي معها وكأنها سامعة صوتو معها بقلب الغرفة ، جافاها النوم بهالليلة وكأنو معاديها وعاطيها وعد مايزورها الا وقت اللي هو بدو .
تعبت زينة ودعت ربها كتير لتقدر تنام وتنسى اللي صار معها لتقدر تكون قوية وتحارب بهالحياة وتدافع عن حالها .
بقي النوم مجافيها لوش الصبح واخيرا تعبت ونامت وضلت نايمة لبعد الضهر .
فاقت مرعوبة من كابوس شافتو وانزعجت منو ، ووقت شافت الساعة قامت لتدور على شغل .
دخلت محلات كتير وسألت كتير لتعبو رجليها ماخلت محل مافاتتو وهي عم تسأل .
قعدت عطرف الطريق شوي وقالت بحالها انو لازم تشتغل شو ماكان مو مهم المهم تلاقي شي شغلة اتطالع منها مصاري لتقدر تستأجر شقة صغيرة.
مرق اربع ايام وهي عم تسأل واتدور عشغل وماكانت تلاقي ومابقيلها وقت بالأوتيل الا تلات ايام وبعدها قررت اتدور عشغل تاني وقالت شو ماكان الشغل مو عيب العيب اني مد ايدي واخد من الناس مصاري ،شافت بناية مافي عليها ناطور راحت لجهتها واتطلعت منيح ومالمحت حدا موجود اتجرأت ودقت جرس الطابق الأول ...
فتحتلا ست بالتلاتين بطنا كبير وباين انو تعبانة من الحمل .
زينة: ....مرحبا مدام .
المدام: ياهلا تفضلي.
زينة : ....بدي اس
أل كأنو هالبناية مافيها ناطور .
المدام: امبلى فيها بس من كم يوم توفت مرتو وراح عالضيعة ولهلأ مارجع .
زينة: ....اها ....طيب بدكن حد ينضف الدرج او يعمللكن شي .
المدام : ..اي والله ياريت لأن شوفة عينك الدرج مو نضيف. مغبر كتير ، بتعرفي حدا ينضفو .
نزلت زينة راسها بخجل: ....انا بنضفو ازا ماعندك مانع.
المدام مستغربة : ....انتي ...انتي ليه لتشتغلي هيك شغلة ماشاء الله عليكي مابينقصك شي .
زينة: ...والله يامدام دورت عشغل كتير وماكنت لاقي الله يوفقك ياريت بتسمحيلي اشتغل هالشغلة وازا بدك بساعدك بأي شي تاني .
المدام : لحظة شوي بس لأسأل سكان البناية لنعطيكي اجرتك .
غابت شوي ورجعت وخبرتا انهن موافقين وعطوها من مستودع البناية كل اغراض التنضيف .
اشتغلت زينة بكل جهدها لترضي سكان البناية ، تغلب عليها التعب وقاومت لقدرت تخلص تنضيف خمس طوابق .
عطتها المدام اجرتها وقالتلا: الله يعطيكي العافية عنجد شغلك كتير مرتب ونضيف احسن من ناطور البناية بيشتغل من قفا ايدو ياعمي ليش الحكي والله شغل المرة بيفرق كتير عن شغل الرجال .
زينة: ...الله يعافيكي مدام المهم عجبكن شغلي .
المدام : اي والله كل الجيران مدحو بشغلك ، طيب ليكي شو رأيك تجي وتساعديني تلات ايام ورا بعض بشغل بيتي وبعطيكي اجارك منيح شوفة عينك انا بآخر حملي وكمان اربع ايام عندي عملية شو قلتي .
زينة: تقومي بالسلامة يارب ....تكرمي مدام ماعندي مانع ..اي ساعة بتحبي اجيكي .
المدام : تعي عالسبعة ونص بكون جوزي طالع عشغلو وعالوحدة فيكي تروحي لأن جوزي مابحب العجقة بالبيت .
زينة: اتفقنا بكرة بأذن الله سبعة ونص بكون عندك.
المدام : اوك حبيبتي بانتظارك .
رجعت زينة عالبيت تعبانة من شغل هاليوم اخدت حمام واكلت ساندويشة اشترتها وهي راجعة، ارتمت عسريرها متل القتيلة وحست بنعس عم يسيطر عليها ...لكن معن ماكان يسمحلها تنام وترتاح بلا ماتفكر في شوي ويستحوذ عكل خلية تركيز بجسمها ، حاولت تطرد هالأفكار من راسها لكن مافي فايدة كل ماحطت راسها عمخدتها بيمرق شريط ليلتها مع معن قدام عينها وكأنو شي فيلم عم تحضرو ، نزلت دمعاتها سخنين عخدها وقت اتزكرت انفاسو قريبة منها ، ليه ماعم تقدر تنساه ، ليه ماعم تنسى هديك الليلة ، ليه مافيها تفكر بشي تاني غير بمعن ، كان مسيطر عليها وعأفكارها بكل قوتو ....ضلت هيك للمسا ماعرفت تنام بنوب واخيرا نامت المسا بكير كتير بعد ماتعبت من طول التفكير والتعب الجسدي اللي كان صايبها واستسلمت لنوم عميق لتقدر تفيق بكير وتروح لشغلها عند المدام.
تاني نهار فاقت زينة عالسبعة متنشطة، بدلت تيابها وشربت فنجان قهوة وراحت مشي لبيت المدام .
ساعدتها بكل شي بدها اياه وقبل موعد رجعتها طلبت منها ماتتأخر عليها تاني يوم.
مرقو التلات ايام وزينة عم تروح لعند المدام من بكير واخيرا خلصت شغل عندها وتمنتلها تقوم بالسلامة وعطتها المدام اجرتها كاملة وفوقها اكرامية منيحة...كانت سائلتا زينة عن بيت صغير للأجار وخبرتها انو في بنات جامعيات مستأجرين بيت صغير وكل وحدة آخدة غرفة بهالبيت وبتدفع اجرتها وعطتها العنوان.
طلعت زينة من عند المدام وراحت للبيت اللي خبرتها عنو وكانت متأملة تلاقي في غرفة الها .
دقت الباب وفتحتلها صبية حلوة كتير بتياب انيقة ومرتبة وريحة عطرة ..
الصبية : ..اهلا وسهلا بشو بخدمك .
زينة: مرحبا ..قالولي انو بهالبيت في غرف للأجار ، بلاقي شي غرفة فاضية .
الصبية اتطلعت بزينة وشافت تيابها كانت ماشي حالهن بس مو انيقين كتير متل تيابها.
الصبية: ...اي حظك حلو في غرفة فاضية ....بدك اياها الك.
زينة: ..اي الي .
الصبية : تفضلي اهلا وسهلا شرفي لأرجيكي اياها وابعت ورا صاحبة البيت لتتفقي معها .
دخلت زينة وشافتها غرفة هادية وعادية مافيها شي مكلف كتير سرير عادي بشراشف نضيفة وصوفاية قديمة كمان نضيفة ومراية طويلة ارضية وكومودينة بتلات جوارير وخزانة بظرفتين وتل
ارتاحت زينة وقت شافت الغرفة ونضافتها وترتيبها وقالت بحالها بتضل انسب من غرفة الفندق عهوا الأجار.
عملت الصبية قهوة الها ولزينة وقعدو بالصالون لحتى تجي صاحبة البيت اللي كانت ساكنة قريب منهن.
وهنن عم يشربو القهوة اجو صبيتين حلوين بتياب راكزة سلمو عرفيقتهن وتعرفو عزينة وقعدو معها واكتشفو انو زينة بنت خجولة هادية ورايقة وماعندها تعقيدات بحياتها وسألوها عن اهلها وشفقو عليها لأنها يتيمة وماالها حدا وانها جاية من الميتم وخبرتهن بقصتها بصدق وكيف مدير المشغل قلعها من الشغل ورفيقتها رفضت تسمعها ،لكن ماقدرت تحكي اي شي بخصوص معن حبت انو يكون سرها الها وحدها ماحبت يشاركها حدا فيه .
الصبايا اسمائهن تمارة وهيام وتقوى ..اما تمارة فكانت بتشتغل محاسبة ببنك ، وهيام وتقوى كانو بالجامعة .
تمارة : ...عدم المؤاخذة زينة طيب انتي وين كنتي غايبة قبل لترجعي لشغلك .
زينة: ....وقت اجيت لروح لبيت رفيقتي تعبت بالطريق وتهت عن البيت شافني رجال كبير بالعمر ساعدني وا
خدني لعندهن عبيتهن ماكان في غيرو هو ومرتو وتعبت عندهن اكتر وارتفعت حرارتي وضليت هيك التلات ايام عندهن والرابع طلعت لروح لشغلي .
....(ماقدرت تكمل زينة وحست بخنقة بصوتها وعشوي كانت رح تبكي وتفضحها دموعها) والباقي بتعرفو.
تعاطفو الصبايا معها واعجبو فيها وبصراحتها .
اجت صاحبة البيت واتفقت مع زينة عأجرة الغرفة وماتوقعت زينة تكون الأجرة عالية هيك وماكان معها الا ربع المبلغ ووعدتها بس تلاقي شغل تكمللها الأجرة لكن كان واضح عالمرة انها مادية كتير وماقبلت الا تدفعلها زينة سلفا ، اتدخلت تمارة وعطت لصاحبة البيت كمالة الأجرة .
شكرت زينة تمارة ووعدتها اول ما تلاقي شغل ترجعلها المبلغ بأقرب وقت.
مرق اسبوع وزينة عم اتدور عشغل وماكانت تلاقي ، وكانت اوقات تلاقي شغل بس يكون مؤقت او تلاقي شغل وماتحس انو مناسب كان كل همها بالأول ترجع المبلغ لتمارة ووقت جمعتو ورجعتلها اياه ارتاحت ومابقي عليها هم الا اجار غرفتها ،تعذبت زينة وهي عم اتدور عشغل دائم وماكانت تزبط معها وتلاقي .
مرقت الأيام وصارلها شهرونص بالبيت مع الصبايا كانت ظروفها صعبة كتير وولا مرة حسست البنات بفقرها او حاجتها او القلة اللي عم تعيشها و كانت تحس بجوع شديد كتير ومامعها مصاري تجيب اكل يادوب تجيب ربطة خبز .
بيوم رجعت عالبيت وكان التعب آخد حقو منها، دخلت عغرفتها رفعت شعرها بدبوس ووقفت قبال الشباك عم تحاكي حالها(ياربي تعبت وانا عم دور عشغل وماكنت لاقي والله مابدي غير لاقي شي شغلة نضيفة اترزق منها واتعيش مابدي احتاج للناس ومابدي ذل حالي واعتمد عغيري بكفي مصاري تمارة لللي لهلأ ماكنت اعرف من وبن جبلا اياهن ....يااااارب يارب افرجها عليي يارب).
بعد نص ساعة رجعو البنات من جامعتهن وكانت تمارة راجعة قبلهن بوقت وكانت عم تطبخلهن .
دقت تمارة باب غرفة زينة ..
فتحت الباب وعملت حالا زينة انو كانت نايمة : ...اهلا تمارة تفضلي .
تمارة : هلا ياالبي تعي اتغدي معنا عاملة محشي طيب كتير .
خجلت زينة وكانت جوعانة كتير لكن ماقدرت توافق لأن مابتدفع مع البنات بحق الأكل .
زينة: ....صحة وعوافي مو جوعانة اكلت من شوي وقت رجعت .
تمارة: ..طيب قد ماتقدري تعي عدي معنا عالسفرة .
زينة: ...سامحيني والله تعبانة وكنت نايمة وقت دقيتي الباب ..ماتزعلي مني.
تمارة : لا عادي حبيبتي مافيها شي ...وحقك عليي اني فيقتك ماكنت بعرف انك نايمة.
سكرت زينة الباب وحطت ايدها عبطنها وكانت جوعانة كتير .
نامت لحتى مااتضل تفكر بجوعها .
وقت المغرب دقت هيام غرفة زينة .
زينة : هلا هيام تفضلي .
دخلت هيام لعندها وسألتها ازا لاقت شغل او لأ وخبرتها انو رفيقتها بتشتغل بكافيه للشباب وقال بدهن كمان بنت لتشتغل بالكافيه.
زينة: يعني كيف بدي اشتغل بكافيه للشباب ؟
هيام: معك حق بس المضطر بيقبل هي رفيقتي اضطرت تقبل للان ابوها ماعندو القدرة يدرسها ويعطيها مصروف لهيك بتشتغل لتصرف عحالها .
زينة: وكيف بتوفق بين شغلها وجامعتها.
هيام : جامعتنا بالنهار والشغل عالأربعة العصر .
زينة: ايواااا فهمت عليكي يعني مو من الصبح .
هيام : لأ مو من الصبح من العصر للحداش بالليل ...شو قلتي زينة ازا موافقة قولي لخبر رفيقتي تحكي لصاحب الكافيه وازا صار قبول منكن بلكي بتبلشي من اليوم .
زينة: ....انتي لو مكاني شو بتعملي ...بتوافقي .
هيام: ...لك زينة مابدها تفكير لو انا بحاجة شغل متلك مابفكر ولا ثانية لك اقبلي واتوكلي عألله.
زينة بعد تفكير : ......خلص موافقة .
اتصلت هيام برفيقتها وخبرتها تحاكي صاحب الكافيه وتقلو عن زينة .
بعد شوي اتصلت رفيقة هيام وخبرتها انو صاحب الكافيه ناطرها لزينة ازا بدها تبلش شغل من هاليوم .
تشجعت زينة وراحت ضلت كل الطريق عم تحاكي حالها انو كيف بدها تشتغل بكافيه للشباب شو رح يقولو عنها او يفكرو فيها، لكن رجعت وقالت انو رح تشتغل هالشغلة مؤقت ورح اتضل اتدور عشغل تاني .
وصلت للكافيه واتفقت مع صاحب الشغل عالأجرة مع انها قليلة لكن قالت انو احسن من ولا شي واقل مافيها انو قدرت تأمن اجرة غرفتها .
اما معن من وقت ما تركتو زينة وراحت وهو حاسس بشي غريب ناحها ومابنام ولا ليلة قبل مايشم مخدتها ويضمها ويتخيلها نايمة حدو ،وانتبه عليها وقت راحت انو نسيت دبوس شعرها عندو عالتواليت وصار رفيقو اللي مابفارقو وكل ماخطرت زينة ببالو بطالعو من جيبتو وبضل يطلع فيه ويحاكيه وكأنو رفيقو وعم يشكيلو وجعو وشوقو لألها وكأنو عم يحس بالذنب تجاه اللي ساواه معاها .
بشغلو كان يضل كل الوقت سرحان ماعم ياكل منيح ولا عم يركز حتى بشغلو ( معن عندو محل كبير كتير قاسم المحل لقسمين نص في موبايلات والنص التاني نوفوتيه للعطور والأكسسوارات والمكياج) .
كان عندو تلات شباب بيشتغلو عندو وكانو رفقاتو المقربين ، كانو ملاحظين عليه انو متغير من وقت حاولو يعرفو منو شو صاير معو لكن معن كان كتوم كتير وماخبر ولا واحد من رفقاتو شو عمل مع زينة وقال انو هي شغلات خاصة ومافيو يقول ويحكي عن بنت كانت بيوم ع
أسمو ومرتو حتى لو كانت ليلة وحدة .
رفيق: ....معلم طمنا شو صاير معك لك والله حالك هيك مو عاجبني متغير من فترة انت تعبان من شي مدايقك شي .
زياد : لك شوفي ياصاحبي
والله مو هي طبيعتك ولا هيك انت لك قلنا مو نحنا رفقاتك سرك ببير ماتخاف.
ضحك معن وقت سمعهن عم يحكو معو وانبسط من جواتو انو رفقاتو البهن عليه وانو الو سند وضهر بغياب اهلو وانو فيو يعتمد عليهن ....بس....اكيد مو بهيك موضوع مارح يطلع بأيدهن يساعدو او يعملولو اي شي.
معن حط ايدو عكتف رفيق: ...تسلمو شباب والله انكن ونعم الرفقة ....بعرف انو فيي اعتمد عليكن بس انا مافيي شي تعبان شوي وصلتني اخبار من الأهل مو منيحة، وكان بالي مشغول عليهن وفكري كلو عندهن لكن والحمدلله اتطمنت هلأ وقت حاكوني وخبروني انو الأمور صارت تمام ورجعت احسن من اول .
زياد : اكيد معلم ....يعني كلو تمام هلأ وصار فينا نطلع ونسهر ونقعد ونأرجل .
معن عم يبتسم من برا ووجع وشوق بألبو عم ياكلو من جوا.
معن: اكيد الليلة بنطلع وبنسهر احلى سهرة وعلى حسابي تكرمو شباب.
صارو كلهن يضحكو وتكاترو عليه ويضربو : اي ها هاد هو معن اللي بنعرفو اي بهالفترة والله حيرتنا وشغلت بالنا عليك .
معن: ....الله يديم المحبة يارب .....شو طابتلكن القعدة بشوف قومو شوفو الصبايا شو طلبهن قوم منك الو.
بالكافيه ...استلمت زينة شغلها وعلمتها رفيقة هيام تالا عالشغل منيح وفهمتها كيف تشتغل وخبرتها انو بس الأراجيل في شب بيعملهن لأن بيعرف كيف بيطلبوها الشباب .
كان الكافيه صالة كبيرة وحلوة مفتوحة عبعض وفيها شاشة عرض كبيرة ليقدرو الشباب يحضرو المباريات الأوروبية وكان المطبخ مفتوح عالصالة.
بسرعة تعلمت زينة عأسلوب الشغل ومشي حالها وانبسط منها صاحب المحل انها نشيطة وكان باين عليها انو بدا تشتغل وانها بحاجة الشغل .
مرق اسبوع عشغل زينة بالكافيه وتعرضت لطلطيشات كتير من الشباب وكتير منهن حاولو يتعرفو عليها لكن زينة كانت تقيلة وماكان ببالها الا انها تستر حالها بشغلة نضيفة وبيت دافي تعيش فيه ،وقدرت انها تتجاوز هيك حركشات من الشباب رغم تعرضها الدائم للمعاكسات .
تعبت زينة بهالفترة وضعف جسمها اكتر من قلة الأكل مع انو البنات معها بالبيت كتير كانو يعرضو عليها تتغدا او تفطر معهن وكانت ترفض لأن مابكون معها مصاري لتقدر تشاركهن بدفع تكاليف الأكل ومن عزة نفسها كانت تقلهن انو اكلت قبل لتجي عالبيت .
بيوم كانت جوعانة كتير وماكان عندها شي تاكلو الا نص رغيف خبز يابس بلتو بشوية مي لتقدر تاكلو وينزل خفيف عمعدتها لتتقوت و تروح عشغلها متنشطة .
شمت ريحة الأكل اللي عم تطبخو تمارة من جوعها ماقدرت اتضل عم تشم الريحة هيك قامت وسكرت الشباك تبع غرفتها لتمنع الريحة توصللها ، بعد شوي رجعت هيام وتقوى من الجامعة واجتمعو عطاولة السفرة ليتغدو ...دقت هيام باب غرفة زينة ..
فتحت زينة الباب والتعب باين عوشا : اهلا هيام تفضلي .
هيام : خير زينة تعبانة شي وشك اصفر .
زينة : ......اااااه لا مافي شي بس بجوز آخدة شوية برد .
هيام: ....سلامتك حياتي ...شو بدي قلك تعي اتغدي معنا من يوم سكنتي معنا مااكلتي معنا ولا مرة عاملين اكلات طيبة كتير تمارة اللي بتطبخ دايما واكلاتها طيبين كتير خلينا نكسبك معنا عالغدا .
وهي عم تحكي معها اجت تمارة وتقوى وطلبو منها كمان تتغدى معهن لكن زينة ضلت عموقفها.
زينة: ....كتر خيركن ياصبايا والله انا اكلت وماني جوعانة هلأ وكنت بدي جهز حالي لروح عالشغل ماضل معي وقت اصلا دوبني اتحمم وبدل تيابي وروح .
تقوى: ...يعني مافي معك وقت تاكلي معنا ولا لقمة .
زينة وبدنها عم يرجف وقت شمت ريحة الاكل بالصالون : ...الله لا يحرمني منكن ومن سؤالكن عليي ...ان شاء الله بيوم تاني اكيد بنتغدى سوا.
تمارة : اكيد ها .
زينة : ...اي ان الله راد .
هيام: لكان رح نقيملك حصتك عجنب وبتتعشي عليها وقت ترجعي .
زينة تلبكت : ....اااه لأ مافي داعي حرام بينكب بعدين لأني اوقات باكل بالشغل يعني مارح ارجع جوعانة .
تمارة : خلص عراحتك بس مرة تانية بدك تقعدي معنا وناكل سوا اي .
زينة: ..اي اكيد .
راحت زينة عشغلها وماكانت بتعرف شو مستنيها بهداك اليوم .
عالتسعة المسا دق البها لزينة دقات سريعة وخفق بسرعة غريبة ماكانت بتعرف شو السبب .
بعد شوي نادالا صاحب المحل وقلها انو الطاولة 4 عليها زباين جدد تروح وتشوف طلباتن.
راحت زينة وسألت الشباب شو بيشربو ، الأول طلب ارجيلة وشاي والتاني طلب نسكافيه والتالت طلب قهوة سادة اجا دور الرابع كان عم يلعب بموبايلو ومو منتبه عشي .
واحد من الشباب : .....لك معن ....معن ...
التفت معن لرفيقو اللي عم يناديلو .
الشب: ...الصبية واقفة ناطرة تشوف طلباتك .
كانت الصبية عم تكتب طلباتهن لكن وقت نادالو بأسم معن حولت نظرها عليه وضلت صافنة فيه ..
زينة عم تحاكي حالها( لك هو ...هو يازينة ...لك هاد معن ..والله معن ...معن اللي ملكني ليلة وحدة معن اللي تجوزني وتركني معن اللي استحوذ على تفكيري وخلاني لهلأ ماعم اقدر فكر برجال تا
ني غيرو ...هو ..والله هو) .
التفت معن عالصبية اللي ناطرة طلباتو واجتو الجمدة وقت التقت عيونو بعيونا ، عيونا اللي مابينساهن بحياتو عيونا اللي اسرو لهاللحظة عيون االلي سحرو كل الوقت وهي بحضنو واللي شاف فيهن الخوف والدموع بليلتو الوحيدة معها ....تلبك وماعرف زينة اللي واقفة قدامو والا عم يتخيلها من كتر ما عم يفكر فيها .
رفيقو هزو من ايدو ليفيقو من نظراتو : ...لك معن شو باك لك اطلب شو بدك ، الصبية الا حصة واقفة .
اتطلع معن برفيقو بدون مايحكي شي ورجع اتطلع بزينة ليتأكد انو هي اللي واقفة والا وحدة تانية .
زينة بهاللحظة حست بكسرة عينا انو هالرجال شافها بيوم من الأيام وانو قدر يتملكها وانو كان اول رجال بحياتها وآخر رجال....ماقدرت ترفع عينها فيه مرة تانية خجلت وقت تأكدت انو هو وقشعر بدنها وقت سمعت صوتو لترجع فيها الزكريات قبل شهرين وقت اللي كانت ببيتو ومعو .
معن وعينو مركزة عليها بدون مايرمش: .....بدي... ارجيلة عجمي ....وبدي ...قهوة سادة .
كتبت زينة طلباتو بأيد عم ترجف والب عم ينبض بالدقيقة 200 نبضة وحست انو شاف اللبكة عليها وخجلت من موقفها قدامو .
زينة بصوت دوبو اللي مسموع: .......ش..ش..شو بتحب نوع المعسل .
معن وعم ياكلها بعيونو : ....تفاحتين.
زينة وعيونها بالأرض 😔: ...على عيني .
وقت راحت نكشو رفيقو : لك شو صرلك ليه هيك تلبكت وعشوي كنت رح تاكل البنت بعيونك .
معن : .....انااا.
رفيقو : لا انا ماانتبهت عحالك كيف كنت عم تتطلع فيها.
معن : .....كيف ...كيف كنت عم اتطلع يعني .
رفيقو: لك ماشلت عينك من عليها .
رفيقو التاني : ..لك معو حق البنت حلوة كتير وبتعجب اي رجال .
هون معن طار عقلو وحس بالغيرة عم تاكلو وعصب من رفيقو عاللي قالو : اووووعك تحكي هيك شي بنات الناس مو لعبة ومو كل البنات نفس الشي .
واحد منهن قلو : مزبوط والله.
معن : لك شلون صاحب المحل بشغل بنات عندو، هاد شغل رجال مو شغل بنات .
رفيقو : اي بس وقت اللي بتكون البنت بحاجة شغل مابعود يهمها شو تشتغل المهم تصرف عحالها .
معن: ...اي بس مو بكافيه لشباب.
رفيقو: اي بس ظرف هالبنت استثنائي .
معن : كيف بقى .
رفيقو : ياسيدي هي البنت بتكون ساكنة مع رفيقة كاميليا البنت التانية اللي بتشتغل هون (واشرلو بايدو عليها ) هديك شفتا ....
معن : اي وبعدين.
كمل رفيقو كلامو : وهالبنت هي ام العيون الزرق قصتا قصة لهيك اضطرت تشتغل هون .
معن تلبك وقال معقول حد بيعرف قصة زينة وانو شو صار معها : ....اي وشو قصتا .
رفيقو : هي البنت يتيمة واجت لهون من الميتم من قريب الأربع خمس شهور مع رفيقتها واشتغلت بمشغل للخياطة وكانت آخدة بيت صغير اجار وبعدها اختفت كم يوم ووقت رجعت قلعوها من الشغل وراحت لبيتها لقتهن مطالعين تيابها وغراضها ومأجرين البيت لبنت تانية وسكر كل شي بوشها المسكينة ووقتها اضطرت تبيع سنسال دهب صغير كان معها لتقدر تلاقي مكان تنام فيه .
معن : ......طيب ووين كانت مختفية ماعرفت .
رفيقو : امبلى رفيقة كاميليا قالتلا كانت رايحة لبيت زميلتها بالشغل تعبت وضيعت الطريق واستقبلوها رجال ومرتو كبار بالعمر وتعبت عندهن كتير هيك لصحت ورجعتلها عافيتها بعد تلات ايام حتى زميلتها اللي كانت رايحة لعندها مارضيت تسمعها واتهمتها انها مو نضيفة وانو الله اعلم وين كانت لحتى غابت كل هالأيام .
معن عم يسمع والقهر عم يعصر البو انو ماخبرت حدا شو صار معها وانو تعزبت بعد ماراحت من عندو وكلو بسببو .
اتزكر رفيقو شغلة وكمل : اي وكمان صارت اتدور عشغل تاني وقت قلعوها وماكانت تلاقي لحتى وصلت معها تنضف درج البنايات لتصرف عحالها .
جن جنانو لمعن وقت عرف بهالحكي وصار يسب ويلوم بحالو انو هو اللي وصلها لهالمواصيل بسبب نزواتو .
رفيقو : لهيك الواحد مايحكم عشي حدا يامعن انو ليه يشتغل هيك شغلة يعني البنت لو لاقت شغل ماكانت عرضت حالها لهيك مواقف مع الشباب .
معن: .....ليش شو صاير .
رفيقو : البنت الها اسبوع هون ونحنا النا فترة مااجينا لهون وتعرضت البنت لمضايقات كتير من شباب بايخة وحاولو كتير يتعرفو عليها .
معن: ...اي وشو كان ردها .
رفيقو : البنت انضف من مابتتخيل يامعن وكانت تروح وتشكيهن لصاحب الكافيه ...هلأ لولا حاجتا للشغل بتضل بعد المواقف اللي تعرضتلا ....مابظن صح ...انا بالنسبة الي هالبنت كتير بحترما وبشفق عليها وعوضعا .
اتطلع معن عليها من بعيد وشافها عم تشتغل وهي موطية راسها خجلانة من فكرة وجودو معها بذات المكان عم يتشاركو النفس ذاتو بكفي انو قريب منها هالشي كفيل يخليها كل الوقت خجلانة .
راحت لتجيب طلباتهن ووقت كانت ناطرة تجهز الطلبات كان معن كل الوقت عينو عليها ماشالها عنها بنوب .
جابت الطلبات وهي منزلة راسها وانتبهت عمعن انو عم يتطلع فيها كل الوقت حطتلهن مشروباتهن ووقت اجا دور معن زبط قعدتو وعمل حركة سريعة ليقدر يخليها ترفع عينها فيه.
ومتل مابدو صار وقدر فعلا يخليها تعطيه لمحة سريعة خجولة ، وزعت المشروبات ع
ليهن وراحت بسرعة .
معن عم يحكي بحالو (هي زينة اللي كنت حاكيها ببيتي اللي بدي اياه واتطلع فيها متل مابحب وكنت المسها ، هلأ بعد اللي صار وقدام رفقاتي مافيي ضل اتطلع فيها دقيقة كاملة ، مافيي حاكيها او اعترض عشغلها هون مين انا لقلها او احكمها ...ياربي كيف انو هالكلمة بتغير حياة البني آدم بتخلي غريب بلحظة بعد ماينطق كم حرف بتصير هي بحال وانت بحال ).
رفيق معن عم يأشرلو من بعيد وهو عم ينفخ دخان الأرجيلة : لك معن وين رحت لك شو صرلك الي وقت عم حاكيك وناديلك بشو شارد .
معن: ......ااه لا مافي شي بس اتزكرت شغلة بخصوص الشغل .
بعدها حاول يضل قاعد عطبيعتو لحتى مايلفت نظر قدام رفقاتو ، لكن وجود زينة معو بنفس المكان وللمرة التانية بيلتقي فيها خلا يتكركب كل الوقت .
كان يجن وقت يشوفها رايحة لطاولة شباب تانيين لتشوف طلباتهن واتضل عينو مرافقتها عطول ، وكان يحط عجرحو ملح وقت يشوف الشباب كيف كانت بتطلع فيها شي بيتطلع بأعجاب وشي بلهفة غريبة وشي بوقاحة ونادر مايتطلع حدا فيها بأدب ...
لاحظو عليه رفقاتو انو عم يتفشش بالأرجيلة واغلب وقتو سرحان .
كانت زينة عم تنضف الطاولات الفاضية وتمسحهن وهي مخنوقة وعم ترجف لأن كانت ملاحظة عمعن انو عم يراقبها من بعيد .
خلص وقت شغلها وراحت ، وقتها تحجج معن لرفقاتو بعد ماطلعت بشوي انو بدو يحكي تلفون مع اهلو ورح يطلع يحكي معهن برا ...من بعدها لحقها بسيارتو وضل ماشي وراها ليشوف وين ساكنة بس ماحسسها بنوب انو لاحقها .
بعد ماوصلت البيت نسيت انها جوعانة ونسيت كل شي كان مدايقها وضل تفكيرها محصور بمعن انو رجعت التقت فيه من جديد مع انها ماكانت متوقعة تشوفو بحياتها مرة تانية واستغربت من نظراتو اللي كانت ملاحقتها كيف ماخطت وكيف ما تحركت .
انتصف الليل وهي قاعدة بتختها ماعم تعرف تنام عم تفكر فيه كل الوقت ...هالرجال اللي سلبها ارادتها وتجوزها كرمال ليلة وحدة هالرجال اللي ملك عقلها وتفكيرها والي ماخلاها تشوف رجال تانية لأن خلص ماعاد بتقدر اتدخل اي رجال عحياتها لأن رح يحطو ببالهن انها بنت مو نضيفة ورخيصة وباعت حالها وشرفها لرجال تاني ....كانت قايمة موضوع الزواج والرجال من حياتها .
لكن معن اللي ضل سهران ببيتو عم يفكر بزينة بشكل غريب ماعم تفارق خيالو وتفكيرو كل الوقت عم يتخيلها معو من جديد .
واللي زاد قهرو وجنانو وقت عرف بقصتها انها يتيمة وربيانة بميتم يعني وحيدة ماالها حدا قال هالشي للشيخ وقت جابو ليكتب كتابو عليها لكن ماكان بيعرف انها جد يتيمة ، احتقر حالو انو كيف فيو يعمل هيك ببنت ماالها سند ماالها حد ياخد بالو منها وانو هو انتهز اول فرصة بتسنحلو ليعمل اللي بدو اياه فيها بدون رحمة او شفقة لرجاها .
معن عم يحكي مع حالو ( لك قديه انت انسان حقير يامعن لتستغل بنت ضعيفة ، استغليت انو مامعها حدا واستغليت جمالها لتاخد غرضك منها وترميها هيك وقت خلصت منها ، بس .....بس انا والله ماكنت بعرف انهة يتيمة ماكنت بعرف بقصتها ماكنت بعرف انها رح تتعزب كتير وقت اتركها تروح والله ماكنت بعرف ....ياربي ياريت فيي صلح غلطي او ترجع فيي الأيام لورا والله ماكنت بغلط هيك غلطة وكنت تزوجتها وخليتها معي عطول ) .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖