آلفـಿـصـಿـل آلآول
روآيهہ :آسـಿـوآرهہ مـಿـن حديد 🖇️
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖*
➖➖➖➖➖➖
الجزء الاول
كل ما بداخلي تحطّم وتبعثر، أصبحت أشلاء تناثرت فوق صفحات البحر، ربما الخوف من المجهول يسكنني، وتلك الدمعات تأسرني، ولكني فقدت أحساسي بالأمان وثقتي بالأزمان
نور بنت طيبة اكتر من اللازم
حساسة وحنونة
ومشكلتها انا بتبدي كل الناس عن نفسها
بتحب عيلتها كتير وبتضحي كرمالهم
ابوها متوفي
هي اكبر شي بالبنات عمرها 22 وعندها اخوه شباب تنين اكبر منها
وخواتها البنات ثلاث وهنن اصغر منها
وقت اتوفا ابوها من ثلاث سنين تركت دراستها مع انها كانت ذكية كتير بس لحتى تظل مع امها وماتتركها لوحدها
هي مانها متل كل البنات الي همهن اللبس والموضة
لا هي حملت هم ع بكير
قعدت بالبيت بس تركت دراستا وصارت تهتم بتدريس اخواتها الي اصغر منها
اخواتها طلعو من الاوائل
هي بتحس انها بتفرق عنهم لأن عيلتها كلهم شقر وعيونهم زرق الا هيا سمره وعيونها عسلي بس سمارها بجنن
حتى امها بتظل تمزح معها وتقوللها انتي ماحدا بيتطلع بوجهك لانك طالعة لعماتك سمر
عندها رفقات تنتين هنن بنات جيرانهم بتظل تروح عليهن ويجن عليها بس هنن مصلحجيات و وحده منهن بتحب اخوها لنور
الناس بس يجو ليطلبوها
بشوفو اخواتتها الاصغر منها انهن شقر لهيك ببطلو عنها وبصير بدهم اخواتها
بس هي ماكانت تهتم لان واثقة من حالها
نور عم تحكي مع اختها نورمان الاصغر منها عمرا 20
نور. طمنيني كيف دراستك
نورمان. كتير كتير منيحة
نور. اي بالتوفيق ان شاء الله
نورمان. تسلميلي حبيبة قلبي
في الصالة
كانت قاعدة نور وامها
اتصلت فيها رفيئتها امل
نور. اهلا امل
امل. شو عم تعملي
نور. ولشي حاسة بملل
امل. اي تعي لعندي لانو هيفاء كمان عندي بنتسلا
نور. طيب هلأ بجي
نور. امي انا مليت كتير رح روح لعند امل
ام سامر. اي روحي مين ماسكك
نور. طب بدك شي حبيبتي
ام سامر. لا ياعمري الله معك
راحت نور لعند امل بس وهي طالعة ع درج بيتهم لأمل التقت ب مهند
مهند. مساالخير
نور. مسا النور
مهند. لعند مين جايه
نور. عند امل رفيئتي
مهند. اه وانا كمان جاي عند خالد
مهند دء الباب وعم يستنو حتى حدا يفتحلهم
نور عم تطلع ب مهند
وهوا كمان عم يتطلع فيها
نور قلبها عم يدق دق وعم ترجف ومتلبكة كتير هي اول مره بتلتقي فيه وبتحكي معو بالعاده بس بتشوفو وهوا مارق من الطريق وبتطلع فيه
فتح خالد الباب
خالد. اهلا وسهلا مهند وانتي نور اطلعي امل فوق بغرفتها
نور. اي شكرا الك
مهند هوا ابن جيرانهن لنور
هي معجبة بشخصيتو بس مافي شي بينهم ابدا
مجرد نظرات واغلبها من نور
كلهم بحاره وحدا جيران
مهند صديق اخوها لأمل وبظل يجي لعندو كل كم يوم وبيسهر عندو
طلعت نور لعند امل لقتها هيا و هيفاء ع البلكون
هيفاء بتكون رفيئتها التانية
امل. الله الله ع الحب اي شو هاد ماعرفتك قوليلي ولي شو حكيتو ؟
نور. لسا مادخلت فورا استلمتيني
امل. كنا عم نتطلع عليكي انا وهيفاء شو يا صاير في اسرار وعم تخبي عنا
نور. لا والله ماعم خبي
هيفاء. لكن احكيلنا بسرعة مو هاد حبيبك الي كنت واقفة معو
نور. بالاول خلوني اخد نفس لانو لهلأ لساتني عم ارجف
هيفاء. يي ما اقواكي شو هالصدفة الحلوة الي جمعتك مع حبيبك
نور. هههههه يخرب بيتك من وين اعملتيه حبيبي
هيفاء. لكن شو اخوكي
امل. يلا احكيلنا شو حكيتو
نور. ماحكينا شي بس قلي مسا الخير وسألني لعند مين جايه
امل. هلأ بس هيك حكيتو
نور. والله العظيم بس هيك
هيفاء. كأنو كان عم يطلع فيكي
نور. اي يمكن
امل. اكيد فرحانة كتير لانو هي اول مره بتحكي معو
نور. لك والله لهلأ مالي مسدئة مفكرة انو حلم
عنجد شو هالصدفة يعني كتير عم بجي لهون بس ولا مره التقينا
امل. اي معناها الحلوان الي لانو التقيتو ببيتنا وهاد الشي بفضل اخي لانو رفيئو
نور. هههههه تكرمي
امل. عنجد ما حكا معك غير هيك
نور. لا ابدا اصلا هوا بيتصرف عادي بس انا مابعرف شو بصرلي بس شوفو
وخصوصي انو هالمره اجت عيني بعينو وحكينا
يا اااااالله شو شعور حلو
هيفاء. اي شو الفائدة اذا عم تقولي انو بس انتي الي بتحبيه
نور. اي لانو هوا مالمحلي بشي ابدا ونظراتو الي عاديه
وانا ماقلت اني بحبو
بس هيك يعني
امل. قال بس هيك يعني اصلا على شو حاببتيه مابعرف
نور. اسكتي لا تحكي هيك
هيفاء. هههههه اتركيها عم تحب
نور. لك بلا غلاظتكن
هيفاء. انا مابيعجبني هيك نوع من الشباب
امل. ولا انا بس هي هبلة شايفيتو ومو مسدئة
نور. لك امل هي ما انتي بتحبي اخي سامر
بقا مهند شو بيفرق عنو
امل. حبيبتي جايه تشبهي سامر ل مهند شو جاب لجاب
مو هيك هيفاء
هيفاء. اي سامر شخصيتو بتجذب البنت اكتر من مهند بعدين مهند اهلو لساهم دقة قديمة
امل. هههههههه حطمنا احلامها
نور. اخرسي انتي وياها انا ماقلت اني بحبو
امل. المكتوب مبين من عنوانو
هيفاء. بس عنجد لو مالو معجب فيكي مابيحكي معك وبيسألك وين جايه
نور. عنجد هيك قولتك
هيفاء. اي اكيد
نور. بس من الطبيعي انو يسلم عليي ماتنسي نحنا جيران
هيفاء. مابعرف
امل. نور ا
يمتا بدو يجي سامر والله اشتقتلو
نور. بهاليومين
هيفاء. صحيح انتي التانية احكيلنا وين وصلتو انتي وسامر
امل. سامر متقل حالو كتير عليي ومابتتطور علاقتنا ابدا
بحاول بس شوفو احكي معو بشي موضوع بس فورا بس مابيعطيني مجال
وقال بس نخطب بنحكي براحتنا وقد مابدنا بس هيك بدون شي لا
والمره هي رح خلي يجي يطلبني غصبن عنو
هيفاء. لسا من شوي كنا نحكي عنو انو غير عن مهند
نور. هههههه بتستاهلي منيح انو ماعم يعطيكي وجه ما ناقصني غير انتي تصيري مرت اخي
امل. وحياتك رح صير ورح اقعد ع قلبك ورح وز سامر عليكي وقلو اختك بتعمل هيك وهيك
نور. اي بتعمليها
هيفاء. ههههههه قوليلو عن حبيب القلب مهند
لك صحيح مانو رفئا هوا وياه
نور. لا لانو سامر دائما بشغلو ومابيجي الا كل يوم خميس وجمعة
هيفاء. طب انتي ماتبادري وتحكي معو لمهند يمكن اذا بتستنيه ليحكي هوا بتظلي طول عمرك بلا زواج
نور. مالقيتي غير انا احكي معو مستحيل هالشي اذا هلأ هوا الي بلش حكي وصرت انا تأتأ وخربط مع انو كلهن كلمتين الي حكيتهن
ولهلأ عم حسهن حلم
لا والاحلى مايكون مفكر فيني ابدا بصير يقول شو هالبنت الفلتانة
هيفاء. لا اذا بحبك مابقول هيك
نور. مو ليكون بحبني بالاول
امل. شوفو شوفو ليكو طلع هوا وخالد
نور في نفسها ان شاء الله بيسلملي هالطول ما احلاه متل القمر الله يجعلك من نصيبي
هيفاء. شو نور شايفك ما اهتميتي
نور. اي لانو عادي
هيفاء. قال عادي لك اعترفي لا تخافي مارح نسرقو منك
نور. عنجد عادي بالنهاية انا عم اتوهم بس هيك
هيفاء. لا حبيبتي مابتعرفي يمكن يكون بحبك بس هوا خجول
امل. لا انا بعرفو لمهند مانو خجول بالعكس شخصيتو قوية
نور. شو عرفك
امل. شو نسيتي انو كل يوم والتاني عم يجي لعند خالد وحكيت معو اكتر من مره
نور في نفسها ااااه نيالك
نور. بتعرفي كم عمرو
امل. من عمر اخي خالد 27 سنة
نور. اه بس ليش لهلأ مانو متزوج
امل. عم يستنا فيكي
نور. بلا بياخة
امل. يعني ليش لانو كان عم يدرس ومن فترة تخرج
تذربي انتي وهالحب قال بتحبو ومابتعرف عنو شي
نور. لك مابحبو افهمي بس فضول بدي اعرف شو درس
امل. يمكن مهندس كمبيوتر
نور. ايواا
نور. طب انا لازم ارجع ع البيت اتأخرت
هيفاء. وانا بدي ارجع ع بيتنا
امل. خليكن بكير
نور. لا بدي روح
امل. براحتك وانتي هيفاء خليكي شوي بدي ياكي
هيفاء. شو بدك
امل. هلأ بقلك
نور. يلا باي
امل. باي حياتي
هيفاء. شو بدك مني
امل. اممممم شو رأيك نمزح مزحة مع نور
هيفاء. مزحة شو
امل. مو نور مو راضية تعترف انها بتحبو لمهند
هيفاء. اي شو يعني
امل. رح خليها تعترف انها بتحبو
هيفاء. كيف
امل. رح بحكيلك بس مابدنا نكشف الخطة فورا بدنا نخليها كم يوم
هيفاء. موافقة احكيلي
امل. بكرا بنجيب نور لهون وبنقلا انو مهند اجا لعند خالد وانا فتحتلو الباب وحكا معي وسألني عنها
هيفاء. شو بنستفيد
امل. لك غبية وبنقلا انو هوا مهتم فيها ومو عارف كيف بدو يحكي معها
ومره تانية بناديلها وبنعطيها اسواره ع اساس انها من مهند اعطاني ياها لأوصللها ياها
وهيك بنخليها تعترف انها بتحبو او لأ
هيفاء. يي ما اقواكي
بس حرام بلكي خليناها تحبو وتتعلق فيه وهي طلعت عنجد مابتحبو او هوا مابدو ياها
امل. لك كلها كم يوم وبنعترفلها ومنو بنتسلا شوي
هيفاء. بلكي زعلت
امل. من شو بدها تزعل يعني من كل عقلها مسدئة انو مهند مهندس وشخصية رح يقبل فيها او رح يفكر مجرد تفكير فيها
وانا حاولت اقنعها انو مابينحب وانو عقلو صعب حتى ما خليها تتأمل بس مبين هي بتحبو
هيفاء. اي وانا هيك قلت انو مارح يتطلع فيها
امل. لكن خلينا ع اتفاقنا وبكرا جيبي هيك اسواره تكون حلوة وناعمة
هيفاء. اوك
#أسواره_من_حديد_الكاتبة_روان_الشبلاق
الجزء الثاني
في عصر اليوم الثاني في بيت نور
قاعدة نور بالصالة مع امها وخواتها وشاردة
نور. مهند حكا معي سمعت صوتو مو مسدئة شفتو عن قرب وتطلعت بعيونو ابتسامتو كانت حلوة كتير لك يا الله شو حلو وبطير العقل
بس اكيد مابحبني لو بحبني كان حاول ياخد رقمي او كان حكا معي اكتر ولمحلي بشي
بس معليش خليني عم احلم حتى الحلم حرام
نورمان. لك نور شبك بشو شاردة صرلو ساعة موبايلك عم يرن
نور. اه مين ..مين اعطيني ياه
نورمان. خدي هي امل
نور. الو.. اي امل
امل. تعي لعندي هلأ هلأ
نور. خير ليش
امل. لك تعي بسرعة
نور. طيب جاية بس قوليلي ليش
امل. بس تجي يلا بسرعة هيفاء عندي
نور. اي طالعة.. باي
امل. باي
نور. امي انا رايحة عند امل بدها ياني
ام سامر. ليش بدها ياكي
نور. ما قالت .. يلا باي
ام سامر. الله معك
في بيت مهند
قاعد مهند مع اهلو بالصالة
ام مهند. اي سيد مهند قلي شو ظل ناقصك حتى ماتتزوج رح يصير عمرك 30 سنة ولساتك عزابي واخوتك الي اصغر منك عم يستنو حضرتك للتزوج مشان هني كمان يتزوجو
مهند. والله يا امي سبقتيني كنت رح فاتحك بالموضوع لانو صار الوقت
ام مهند. عنجد بتحك يا ابني يعني واخيرا اقتنعت
مهند. اي امي انا بدي اتزوج
( خواتو لمهند 3 ريم راما رنا )
ريم . اي عم تمزح
راما. ومين بدك تتزوج حاط ببالك حدا
ام مهند. اسكتي انتي خلينا نحكي انا واخوكي
بخاف تكون عم تمزح معي
مهند. لا والله شبكن ماعم امزح
ام مهند. طيب في بنت ببالك ؟
مهند. اه انو لا مافي انتي مين بدك تزوجيني هاتي لنشوف ؟
ام مهند. والله مابعرف شو رأيك ب رانيا بنت ابو محمد جارنا بنت محترمة ومتعلمة
مهند. رانيا ماغيرها
ام مهند. اي هيا
مهند. لا مابدي كبيرة بالعمر
ريم. اي عمرا 24 سنة بس دارسة متلك
مهند. مابدي بدي اصغر من هيك مو ضروري الدراسة
ام مهند. مارح جبلك من قرايبنا لانو كلهم خامين لبعض
شو رأيكن يا بنات مين في حواليكن ؟
راما. في بنت ابو خالد جارنا شو كان اسما .. نسيت اسما
مهند. قصدك اختو لخالد رفيئي
راما. اي بالزبط
مهند. لا لا مابدي
رنا. انا بعرفها اسما امل بعرفها بس هالبنت قوية وماحبيتها يعني بلالك ياها
ام مهند. لكن شوفو غيرها
يعني هلأ انقطعو البنات
رنا. لك شبكن في جارتنا وقريبة منا كتير ام سامر عندها بنت متل القمر ماشاء الله جمال بياخد العقل وعم تدرس هلأ
ام مهند. اي والله ناسينهن هدول بنات كلهن ادب واخلاء
مهند. عن مين عم تحكو شو اسم البنت
رنا. اسما نورمان بتعرفها ؟
مهند. هي الي عيونا عسلي وشعرا اسود
رنا. لك لا هي اختا نور الاكبر منها شو عرفك فيها
مهند. مابعرفها بس بشوفا وانا ماشي
رنا. انا عم بحكيلك عن نورمان
هي لتانية مو لكبيرة حلووووة كتير كتير شقرة وعيونها زرق بطلعو اولادكم بجننو لانو انت كمان حلو وفيها كل الصفات دارسة ومربية احلا ترباية
مهند. طب ليش لصغيرة ليش مو لكبيرة
رنا. لكبيرة مو حلوة اختا احلا
مهند. اديش عمرا هي
رنا..هي من جيل راما عمرا 20
مهند. لا لكبيرة مناسبة اكتر
رنا..لك لا والله لصغيرة احلا عم قلك
مهند. مابهمني الجمال
رنا. لكن شو بهمك اذا مابدك دارسة ومابدك حلوة شو لكن
مهند. هي منيحة الي اسما نور
رنا. كأنك بتعرفها انت يعني حاببها ؟
مهند. لا ابدا بس قلتلك شفتا كذا مره ومانها بشعة متل مابتقولي بالعكس حلوة
رنا. لك انا قلت بشعة قلتلك اختها احلا
ريم. شو اخي انا اختك لكبيرة لا تخبي عني شو عرفك بلون عيونها انهن عسلي ؟
رنا. صحيح والله شو عرفك
مهند. لك شبكن كل القصة انو شفتا مبارح وانا رايح عند خالد كانت رايحة لعند اختو لخالد بس لمحتا ولابعرفها ولا بتعرفني
ام مهند. اذا هيك بس لكن خليك عالصغيرة فتحة اكتر وشخصيتها قوية وحلوة
رنا. اي والله يا اخي بنصحك فيها اكيد بس تشوفها رح تحبها
مهند. الا ماكون شايفها شي مره
راما. معليش احكي
ام مهند. تفضلي احكي
راما. انا بدي نورمان تصير مرت اخي مو نور
مهند. وبلكي انا مابدي هيك
رنا. لا وافق عليها وان شاء الله مارح تندم البنت حبابة
ريم. اي خليك ع نورمان مناسبة الك اكتر
ام مهند. شو قلت
مهند. اي موافق
ام مهند. لكن بهاليومين بحكي مع امها والله يختارلك الخير
مهند. ان شاء الله
في بيت امل
نور. يلا احكو خلصوني صرلي ساعة هون وماحكيتو شي لتكونو عم تضحكو علي
هيفاء. لا والله بس امل بدها تخبرك شي كتير بهمك ورح يفرحك
نور. شو هالشي احكو بقا
امل. اليوم الظهر اجا مهند لعند خالد وبالصدفة انا الي فتحت الباب
نور. اي ؟
امل. سألني عنك
نور. كذابة
امل. والله مالي كذابة وحتى قالي بالحرف الواحد
رفيئتك الي شفتا مبارح متزوجة ؟
وكم عمرا ؟
نور. معقول لانو شافني مبارح وحكا معي لهيك سألك عني
امل. وحتى حسيتو كتير معجب فيكي وبدو يحكي معك ومانو عارف كيف لهيك مالقا غير انا يسألني
نور. طب وشو حكا كمان
ماسألك عن اسمي
امل. اي والله صحيح وقلي شو اسما وبس قلتلو نور قال حلوو
نور. يا الله انا بحلم ول
ا بعلم
هيفاء. اتطمني حبيبتي بعلم بس مو عأساس ما بتحبيه ليش كل هالقد فرحانة
نور. طيب ليش ماسألتيه ليش عم يسأل عني
امل. انا قصدا ما سألتو لانو كانو عيونو عم يلمعو وهوا يحكي عنك لهيك ماحبيت خجلو
هيفاء. نور ماجاوبتيني شو بهمك ان سأل عنك او لا
امل. لك اي انتي قلتي مابتحبيه
وخفت انو هوا يزعل اذا عرف بهالشي
نور. لا انا عادي
هيفاء. كيف عادي
نور. لك مابعرف بشو حاسة خلص خلص اسكتو
امل. من بعد ما شافك اكيد رح يصير يجي لعنا كل يوم بلكي يرجع يلتقي فيكي
نور. اي ممكن بس ارجعي قوليلي شو قلك وبس هيك حكا
امل. كم مره بدي عيد الحكي
نور. الله يوفقك احكيلي
بعد مارجعت نور ع البيت راحت ع غرفتها ووقفت قدام المراية والدنيا مو واسعتها من الفرح
نور. لك مهند حبني الي ياااه شو حلو الحب حاسة حالي بعالم تاني ورح طيررر
لك فرحانة فرحانة مابعرف ليش معقول كل الي بحبو هيك بصيرو
يااااارب تجعل مهند من نصيبي
في بيت امل
هيفاء. المجنونة سدئت
امل. ههههههه اي خلها تعيش يومين حلوين
هيفاء. وبعدين
امل. بعدين بنقوللها انو قال مهند مابيقدر يتزوجك لانو اهلو بدهم ياخدولو بنت عمو او بنت خالو
هيفاء. شو بنكون استفدنا
امل. ولشي بنتسلا فيها شوي وبعدين بنقنعها انو انتي مو مناسبة الو وهوا اهلو بدهم يزوجوه ع كيفهم وبنخليها تنساه
هيفاء. امممم
امل. لك صحيح جبتي الاسواره
هيفاء. لا لسا بكرا بجيبها وبجي
امل. اي ماشي
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖