احلام العمر - آلفـಿـصـಿـل آلثآني - بقلم الكتوم - مكتملة | روايتك

{رٍوٌآيـًٌٍّ̨̥̬̩ـهّ } آحـًٌٍّ̨̥̬̩ـلَآمـًٌٍّ̨̥̬̩ـ آلَعـًٌٍّ̨̥̬̩ـمـًٌٍّ̨̥̬̩ـرٍ *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ علاء :والله فكرة 😏 ورد :وشو الفكرة بالموضوع سمعو بتنسو اللي حكيتو هلئ 😠 لينا :ورد انته حكيت وعطيت رأيك ،وبصراحة رأيك عجبنا وئف ورد علئ حيلو وئال :لك انا كنت عم اتمسخر 😅شبكي مرمر احكيلك شي كلمة مريم :ومسخرتك عجبتني ...ورد انته اول مرة بحياتك بتتفوه بكلام عائل ورزين لهالدرجة وحتئ لو كان مسخرة والتاريخ بيشهد كمان 😂 ورد :لاتجننيني مريم شو العائل والرزين يلي استنتجتي من كلامي لينا :الحل واضح ورد ...😄 ورد :وشو هوة بالله !؟😩 لينا :انك تتئدم انتة لمريم ورد :😱شوووو😱بدك اياني انا وهالشيبة نتجوز 😱 علاء :لك مو تتجوزو ،تمثلو علئ أهليتكون انتو الاتنين انكون بتحبو بعض وبتعمل حالك انك ممكن تعمل المستحيل كرمالا وبتوئف بوجه اهلا لأنن بدن يجوزوها لابن عما ورد :الله لايوفئك فوء تعبك اي علاء وصلتك وللا لسا 😲وكك يخربيتكون علئ هيك اقتراح رحيجيب اخرتي 😱 لينا :مافي غير هالاقتراح ... ورد :انا عندي اقتراح احسن علاء :وشو هوة بالله ؟ ورد :تأدملا انتة ،بتخطبا بس فترة لبين ماتخلص دراسة وبعدين بتتركو ويادار مادخلك شر ، لينا :مابيمشي الحال ورد :ليش بئا !؟ علاء :لك يا فهيم ...انا مارح يئبلو فيني لأني غريب عنها ومو من العيلةوصغير،مو متلك انتة اكبر منها بسنتين ومن العيلة كمان يعني اهلك بمونو علئ اهل مرمر ... ورد :لا شاطر ،انا ماسدئت اخدت البكلوريا «التوجيهي »بعد معاناه ومحاولة تلات سنين ورا بعض لحتئ صير حر بتجي بتئلي انربط بخطبة ماخطبة....لا ومين الشيبة مريم 😒 وئفت مريم ووئفت مئابيل ورد وصارت تطلع بعيونو وملامح وجهها يئسانة علئ مدايئة وفجأة مسكت ايدو وبلشت تترجا 😂😂 مريم :ورد ياوردة حياتي انته مشان الله يستر عإختك يستر عإمك داخلة علئ عرضك انا ،انا ازا تجوزت خالد لحتخلص كل حياتي والله بموت حالي مشااااان اللله ياورد مالي غيرك بالدنيا ابن خالتي الحبااااب 😭😭😭😭 ورد :وككك تركيلي ايدي شو جنيتي انتي شو وردة حياتك هي خلص بعدي عني 😰 بلشت مريم تبكي ورمت راسها عكتفو وبلشت تئول :ياااربي والله انا مابستاهل اللي عم يصيبني 😭 اتطلع ورد برفئاتو لينا وعلاء وحط ايدو عضهر مريم وبلش يطبطبلا ويئلا :خلص خلص حاج تبكي انا موافئ 😪 رفعت مريم راسها وئالت :عنجد 😢 ورد :امري لالله رح امشي معكون بهالتمثيلية بس شو بيضمنلي انها تزبط علاء :اكيد رح تزبط ورد :وليش هالدرجة متأكد ؟ لينا :مو معئول شو تفكيرك محدود ورد ،شو نسيت خالتك امنة ،ازا خبرت انك بتحب مريم اكيد مارح تمانع ولا رح تبدي خالد ابن اخو جوزها عليك انته ابن اختا يا فهمان 😄 مريم :اي وانا بقنعها مشان تقنع بابا ولا تنسئ انها بتحبك كتيير انت وخواتك ❤ ورد :طيب انا موافئ بس بشرط مريم :شو هوة ورد :بنكتب ورئة بيني وبينك انو هالحكي كلو تمثيلية بتوقيعي وتوقيعك علاء :اي ورد :شو اي ،ازا زبطت الخطة ...لازم اضمن حئي مريم :حئ شو !!؟ ورد :اولا ....انتي مادخلك بطلعاتي وبفوتاتي مريم :طيب غيرو ورد :تانيا.... انا مابجيب هدايا لحدا وحتئ لو انك خطيبتي لا تستني مني اني اتزكر عيد ميلادك او فاجئك بشي 😌 لينا :حرام عليك هي انانية 😠 مريم :معليش انا موافئة عكل شروطك ورد :لسا في شرط وهالشرط اهم من الاتنين اللي سبئو مريم :سامعتك... ورد :طول فترة خطبتنا بتنفذي كل شي بطلبو منك ومن تم ساكت وللا بفسخ هالخطبة وبتركك لمصيرك مع خالد 😎 مريم :خلص موافئة ....😔 ورد :لينا ..علاء شاهدين انتو علئ كلام مريم هزو لينا وعلاء براسون وسجلو كل هالحكي علئ ورئة وهي الاتفاق وقعو عليه مريم وورد وكانو الشهود لينا وعلاء والورئة نسخوها لأربع نسخ واخد كل واحد فيون نسخة 😂😂 ورد :ايها هيك انا بضمن حئي 😁يالله عالشغل... علاء :شو بدك تعمل !؟ ورد :هلئ بتشوف 😏 وفجأة بلش ورد يصرخ ويعلئ صوتو .... ورد :شووووو ئلتي يخطبوكي لابن عمك والله لئيم الدنيا عراس خالد وراس ابوكي كمااان 😠👈😂 وبلش ورد يئشر لمريم مشان تصرخ وتحكي بصوت عالي ....😂 مريم :اه......اي والله حاولت امنع هالشي مائدرت مشان الله شو اعمل 😭👈😂 ركدت ام ورد عصوتون لما علي وفاتت وئال :لك شبكون ليش صواتكون طالعة هيك.. ورد :تعي اسمعي هالحكظ امي ئال شو اختك المصونة بدا تجوز مريم لإبن عمها خالد ام ورد :صحيح هالحكي مريم ؟ مريم :اي والله خالتو 😭 ام ورد :وانتة شو دخلك ولا ورد ورد :وكك شلون مادخلني ،ماما انا بحبا لمريم ومستحيل خليها تروح لحدا غيري والله العظيم ازا اختك بتجوز مريم لخالد رح تخسريني والله بزت حالي هلئ من الشباك ،وركد عالشباك وفتحو وصار يهدد امو يا بتروح بتخطبلو مريم يا اما بينتحر 😂 همس علاء للينا :كأنو هاد الحمار سدء حالو وتئل العيار شوي 😂 لينا :اي روح مسكو مشان تبين الئصة جد ليروح ينسئ ويرمي حالو عنجد هاد مجنون وبيعملا 😂😂 وركد علاء ومسكو ،وبلش يبعدو عن الشباك وورد يصرخ ونسرين امو لورد تبكي وتحاول تبعدو عن الشباك وتهدي .....😂 واخيرا هدي وئعدت ا مو معو ومع مريم وئالت :انتو من ايمتا بتحبو بعض ...!؟ اتلبك ورد وئلا :ممن من زمان امي مريم :ازضو من بداية البكلوريا صحيح كنا نتخانئ بس اخر فترة صرنا صحبة كتير وانا كمان ....حبيتو ورد :شفتي وهية كمان بتحبني ،ليش ليجوزوها لابن عما نسرين :خلص انا بحاكي خالتك بركي تغير رأيا واحكي مع ابوك اطلبلك مريم ونجمعكون ببيت واحد يارب بس انتو لا تعملو شي هلئ كرمال الله لا تتهورو (كانت نسرين ام ورد مرة كتير طيبة وحبابة وعلنياتا وبينضحك عليها بكلمتين 😂) ورد :امرك امي ... طلعت لينا ومريم من بيت ورد وعالطريئ ... لينا :مريم انا حاسة هالخطة ماحتنجح مريم :تفي من تمك انشالله تزبط لينا :حتئ لو امك وئفت ضد ابوكي انتي لازمك حدا تاني ويعملولو حساب يوئف معك مريم :مين ازضك ؟ لينا :اخوكي مراد...هوة اللي لازم يوئف بوشون انتي مارح تئدري ،واخوكي علئ حسب ماشفت شخصيتو ئوية وازا بدو بمون عليهون مريم :وكيف بدي خلي يجي بصفي لينا :اقنعي بأي شي فكرت مريم واتزكرت شغلة ئبل بيوم بالبيت وبعد ماراحت لينا مراد :مريم مريومة مريم :شوبدك ...!؟ مراد :الك وللا للديب مريم :مراد ...احكي شوبدك مراد :حبابة تئبري ئلبي انتي ايه وتكفنيني الهي...شو بحبك انا مريم :امين ....مراد احكي خلصني وبلا اللف والدوران وتمسيح الجوخ 😒 مراد :عطيني رقم رفيئتك لينا حبابة انتي مريم :شوووو ئلت ما سمعت ،وشبدك برقم لينا !؟ 😒 مراد :بصراحة البنت خرطت مشطي وحابب اتعرف عليها ،وانا بصراحة اعجبت فيها عندك مانع مريم :اااه اعجبت فيها ئلتلي ،حبيبي مراد البنت مانا متل ماعم تفكر حضرة جنابك ومابتشبه ابدا النمر يلي انته بتتعرف عليهون لهيك شيل الموضوع كلو من راسك بالازن لينا :هييي بشو شردتي ؟ مريم :اه ...ولاشي ئلتيلي اقنعو بأي شي... ! لينا :اي ابتسمت مريم ابتسامة بوجه لينا ومشيت.... وصلت مريم عالبيت وأول مافتت استلمتا امها .... امنة :شو ياخانم 😠 مريم :خير امنة :وليه شوهاد اللي حكتلي اياه خالتك !؟ مريم :لحئت خالتو تحكيلك اللي صار ماشالله أسرع من شبكة رويتر 😂 امنة :وليه علئ علمي انتي وورد مابتتفئو واا بتطيئو تشوفو بعض شلون بينئلب االوضع بليلة وبتصير عشاق مريم :اي بتصير ماما ،اللي حكتلك اياها خالتو مزبوط ،انا وورد بنحب بعضنا كتير وازا بدكون تجبروني عالهالجوازة رح موت حالي امنة :طب ليش ماحكيتو من اول بتعرفي انا ئديش بحبو لورد وما بدلو طلب بس ماما مشي الحال ابوكي ئرة فاتحتك عخالد وكمان شهرين رح نسوي العرس مريم :ليش انتي وابي تركتولي مجال احكي او حتئ فكر ،اي خبر خطبتي عخالد اجاني متل الخبطة عراسي ،رجعت مبسوطة والدنيا مو وسعنتني من الفرحة وبدال ماتباركيلي بنجاحي بالبكلوريا «التوجيهي » فاجأتيني بخبر خطبتي عالاستاز خالد ،لك حتئ لهلئ ماكلفتي خاطرك تسئليني ئديش كان معدلي....😩😓 وبلشت مريم تبكي وتشكي طبعا هالمرة مريم ماكانت تمثل لأنها عنجد كانت مئهورة .... امنة :بس ابوكي قرر ومشي الحال مفكرتيني كتير مبسوطة علئ جوازتك من خالد بس شو طالع بإيدي مريم :بيطلع بإيدك كلشي ،اكيد هلئ اتغير الوضع لما عرفتي اني انا وورد بنحب بعضنا ،ماما ازا بدكون تجوزوني لهاد اللي اسمو خالد والله لتخسريني امنة :وشو بدك تعملي يا مجنونة مريم :برمي حالي من البلكون امنة :يخربيتك بدك تحكي الناس علينا مريم : تسطفلو ،هي انا حكيت اللي عندي ...ولاتلوموني شو ماعملت وراحت عغرفتا وخبطت الباب وراها ، اقتنعت امنة بكلام مريم وقررت تلغي هالخطبة كلا...بس لحالها مارح تئدر وبعد ساعة اجا مراد اتغدئ واتحمم وراح. علئ غرفتو اتسطح عالتخت وبلش يراسل بالبنات... اندء باب الغرفة ...وفاتت مريم مراد :خيير شوبدك 😒 مريم :بدي اطلب منك طلب مراد :ئلتيلي طلب ؟ حلي عني مريم مريم :مراد انا مابدي اتجوز انا بدي كفي دراسة مراد :وليش عم تئليلي الي كأني انا اللي ئايم جوزك ،روحي لغيري يستر عرضك مو نائصك لأنو مريم :ساعدني ووئف بوجه بابا مراد :الله ياخدك ،من غير شي صوفتي حمرا عندو وعلاقتي معو زفت بدك اياه يئلعني من شغلي ...روحي فئسي برغيتك عحدا غيري ئامت مريم ودارت وشا وعملت فيها زعلانة وئالت :خسارة وانا اللي كنت ناوية اعطيك رقم لينا ...يالله مالك نصيب تتعرف عليها 😂 وفجأة نط مراد متل السبع من عالتخت وركد. ئبل ما تطلع مريم وسكر الباب وئلا :لك انتي دغري بتسدئي دخيل هالوش تعالي اعدي حبيبتي مرمر مافي منها مرمر بالدنيا 😂😂 مريم :شو بدك مراد :بدي ساعدك وحياتك كل شي بدك اياه لحيصير مريم : لسا ئبل شوي كانت صوفتك حمرا عند بابا شو عدا مابدا😒 مراد :وكك انسي اللي حكيتو ،كلام الليل يمحوه النهار مريم :اي كلام الليل لسا هلئ حكيتو ،بعدين انته بدك تساعدني مشان تاخد رقم لينا 😒 مراد :اي ...مشان اخدو منيح مريم :طيب انا رح ئلك ،انا خالد مز رح اتجوزو لأني بحب ورد ابن خالتك وانته رح تساعدني لحتئ ابي يغير رأيو عن خالد ويئبل يخطبني لورد مراد :ايمتا كنا والشمس ترئعنا ،علئ علمي انتي وورد متل التيوس عباب المسلخ 😂😂 مريم :هلئ بدك تساعدني وللا لا ،وبس تزبط وانخطب لـ ورد بوعدك اعطيك رقم لينا ،شو ئلت مراد :اي مو علئ عيني ،انا كرمالك مو بوئف بوش ابي رح وئف بوش الدنيا كلا 😍 مريم :هههه كرمالي وللا كرمال لينا 😂😂 وببيت ورد.... ورد :لا تقنعوني ....مريم وبس جوري :هههههههههه نرجس :لك من ايمتا ،علئ علمي انته واياها متل الديوك عبعض شوعدا مابدا 😂😂😂😂 ورد :كنا وتغير كلشي ،هلئ شووو بابا ماحكيت شي من اول الئعدة ابو ورد :ههه والله كبرت ياورد وصرت بدك تخطب ،هلئ انا ماعندي مانع بس اسمعت انو البنت مخطوبة لابن عمها نسرين :مو. رسمي لسا حكي ومريم مابدها ،هية اجت لعندي اليوم وئالت بعضمة لساها انها بتحب ورد ورد :اي هي حكت والله ...😌 ابو ورد :وانته ولا ورد :اه...اي وانا كمان بحبا وازا هالبنت بتروح لحدا غيري بنتحر والله همست جوري لنرجس :ههه مدري ليش حاسستو عم يمثل ،نرجس :ستي نحنا شو طالعلنا من هالشغلة غير نتفرج ونضحك 😂 وهي ورد ئدر يقنع اهلو بحبو لمريم المسا ببيت مريم بعد العشا مريم :بابا بدي حاكيك بموضوع ابو مراد :احكي مريم مريم :رح يبلش باب التسجيل عالجامعة ،وانا حابة سجل.... ابو مراد :كأنو امك ماحكتلك ،مافي دراسة انا عطيت كلمة لعمك مشانك مريم :شلون بتعطي كلمة بدون ما تاخد برأيي انا مابدي اتجوز ابو مراد :خرسي وليه ،سعرك بسعر اختك سمر مريم :بس سمر جوزتا للشب اللي بتحبو ابو مراد :لأنو سمر العيلة كلها عرفت بموضوعها وموضوع ادهم ايامها ،وكان لازم سترها لتعملي مصيبة مريم :مزال هيك انا كمان بحب شب وهوة بحبني وخالد مارح يكون في مكان الو بحياتي 😠 عصب ابوها وئام مسكها من شعرا وبلش يصرخ ويلولحها يمن وشمال ابو مراد :بدك تجلطيني انتي بدك تجيبيلي العار مين هالابن الـ. .. امنة :لا تسب عليه ابو مراد ابو مراد :وليش ؟ امنة :لانو اللي عم تحكي عليه مريم بكون.... ورد ابن اختي... انصدم ابو مراد وترك شعر مريم وئلا :مين ما كان يكون مارح تتجوزي غير خاد ابن عمك عم تفهمي وأخيرا مراد اللي كان ئاعد بيفصفص بزر وعم يتفرج ئام ونفض تيابو من ئشر البزر وئال :يالله يارب ....بابا انتة مابتئدر تغصب مريم عشي اطلعو كلون بمراد وعلامات الاستغراب واضحة عوجوهون 😳 مراد وبكل برودة اعصاب :وليش هيك عم تطلعو عليي ...؟يعني باللهي موشايفين كيف وجه مريم مورم من البكي ومو واضح انها مابدا ابو كرش ابن اخوك 😏 ابو مراد :شو تفضلت انته التاني ؟ مراد :متل ماسمعت ،بعدين مريم بتحب حدا ومو اي حدا كمان هه ياريت كان غريب ،لك ورد ابن خالتي يعني من العيلة علئ العن وادء رئبة،وخالد يمكن شكلة وجها لمريم مابيعرفو ، بئا كيف بيخطبها هيك ععماها 😏 وغمز مراد لمريم 😉 اتشجعت امنة بعد الكلام اللي حكا مراد امنة :اسماع ابو مراد بتروح بتعتزر من اخوك وئلو مالك عنا نصيب ... ابو مراد :نعم نعم نعم شششو ممافهمت يعني انتو هلئ كلكون اتفئتو عليي !؟ مراد :بابا ازا رح تجبر مريم تتجوز خالد انا رح اخدها واخد امي ونروح وانته تهنا لحالك بهالبيت 😠 ومريم اتطلعت بأخوها مراد ولأول مرة حست انو الها سند بيحكي من ئلبو وبتئدر تعتمد عليه 😍 سكت ابو مراد وماعرف شو يحكي ..وراح عغرفتو وراحت وراه امنة امنة :شو ابو مراد زعلت ؟ ابو مراد :يخربيتكون انا عطيت كلمة لأخي شو بدي ئلو هلئ امنة :بسيطة ،بتئلو البيت مستنفر ومئلوب من ورا طلبو ،ئلو انك وح تخؤر عيلتك ازا جبرت بنتك تتجوز ابنو ،وعلئ فكرة اول مرة مراد بيحكي كلام بينحكئ وبيعطي رأيو بهيك شغلة ،وبصراحة عجبني اخيرا اقتنع ابو مراد بكلام عيلتو وقرر ما يجوز مريم لخالد ...بس اشترط انو يجي ورد يخطبا مشان يضمن ما يلتئو من ورا حدا ويلزمن بمشاوير محدودة. .😂 وبالفعل اجا ورد واهلو وخطبو مريم رسمي ، ئعدو الاهل لحتئ يتفئو اما ورد ومريم ئعدو بالغرفة الئعدة لحالون ورد :ااااخ ياربي علئ هالعلئة مريم :خراس ورد شايفني كتير مبسوطة 😒 ورد :صحلك والله ست مريم مريم :المهم خلصت من هاد اللي اسمو خالد 😌 ورد :اي لئوي تاخدي راحتك ،بدي بشرك انك طلعتي من تحت الدلف لتحت المزراب 😏 مريم :شو ازضك..😳 ورد :ههههههه اي نسيتي الشروط مريم :تضرب ...لا ماني ناسية لا تخاف 😏 ورد :اي معناتا ئومي حطيلي عشا 😂 مريم :يخربيتك ،لسا ماخلصو حكي ورد :ايوا بلشنا تقاعس لاعمي انا بطلت ،خص انا رايح ئلون ينسو كل شي حكو مريم :لك خلص خلص ئعود رح فوت ائئليلك بيضتين امري لالله 😒 ورد :مابكفي...حطيلي كمان شي مكدوستين من شغل خالتي وشوية زيتون ،يعني بالمشرمحي شكلي 😌 مريم :الله يطولك ياروح 😠 فاتو ورد ومريم عالمطبخ ...ورد يتأمر عليها وهية تنفخ ومو طايئتو ورد :لك لا تخفئي البيض كتير يبليكي بئتلك ما بتعرفة تئلي بيضة مريم :تعال ورجيني شطارتك ورد :لا لا انا هون بتأمر وبس 😂 فاتو نرجس وجوري عليهون وهنن بيتنائرو ... نرجس :انشالله الف مبروك مرمر مريم :الله بارك فيكي نرجس جوري :اي عئبال مانفرح فيكون ونشوفكون عرسان ...😏 وورد اتشردء باللئمة اللي كانت بتمو وكان رح يختنئ لولا ما لحئتو مريم بكاسة مي 😂 جوري :سلامتك ورد شو سبيتك انا 😂 ورد :لا بس دعيتي عليي دعوة ما بتنغفر 😒 نرجس :ليش حاسة انا وجوري انو ئصة حلكون مجرد تمثيلية 😂 اتلبكت مريم وئالت :لليش هيك مفكرين ؟انا وورد جد بنحب بعضنا صح ورد !؟ ورد :اه...مو شايفتيني عم اكل ضروري تسديلي نفسي بسؤالك هلئ 😒 جوري :معناتا جد تمثيليه نكشت مريم ورد وزورتو ولما شافها عصبت ئال :لك ياجماعة والله مو تمثيلية ...وليش لحتئ مثل هيك مسرحية سخيفة عليكون لو ما بـ...ـبـ. حـ نرجس :بتحب مريم .. ورد :ايوة هي هية الكلمة 😂😂 جوري :طيب بصراحة انا مو مقتنعة بدي دليل ورد :وشو بدك اكتر من هيك دليل ،هي جبت اهلي وانضربت عئلبي وخبطتا ازضي خطبتا 😒 جوري :بدي دليل ائئوئ نشف ريئ مريم وعبت كاسة مي وئعدت تشرب وورد حاطط لئمة بيض بتمو لما ئالت جوري :بوسو بعضكون ئدامي مشان اتأكدت 😏👿 صفن ورد ومريم شوي بعدين رشئت مريم كلشي مي بتما عجنب ،اما ورد المسكين ماعرف كيف بلع اللئمة اللي بتمو وهوة شبه مصفرن ومجلوط من طلب اختو نرجس :بسم الله عليكون شو صرلكون 😳 ورد :الله ياخدك ياجوري علئ هيك مقترح ...😠 جوري :وليش اتدايئت ،بدي اتأكد بس ،يالله لشوف انتو الاتنين بوسو بعضكون لحتئ اتأكد ،وللا بروح وبئول لأهلي وأهلكون انكون اتفئتو علئ هالشي مشان مريم ماتتجو. ابن عمها وتكفي دراستها 👿 ورد :يخربيتك شو عرفك جوري :معناتا كلامي صحيح مريم :لا موصحيح ،انتو غلطانين جوري :أكديلي انو نحنا غلطانين وهالحكي مو صحيح 😏 مريم :ما بدي مو مجبورة والله انا بوس حدا مشان انتي تنبسطي 😠 ورد :ئصريها جوري ،ئلتلك مافي شي من اللي عم تفكري فيه نرجس :طب انتو شو خسرانين بعدين انتو بحكم المخطوبين يعني مريم :لك انتو ما بتستحو كيف بتطلبو مني اني.... وفجأة مسكها ورد من خصرا وئربا لعندو وباسها من تما ئدام خواتو ... جوري :😳😳 نرجس :😳😳😳😳 (انا :😳😳😳😳😳😳بمزح بمزح رح كمل 😂😂) اتفاجأة مريم ولسا مو مسدئة انو ورد باسها ❤....حست جسما كلو. رجف وئتا من الصدمة يلي تلقتا من ورد وفجأة دفشتو عنها دفشة ئوية خلتو يلزء بالمجلئ ورح يصير بئلبو شوي تانيه 😂 مريم :لك انت واحد ....انا بورجيك😡🔥🔥👊 وطالت عصاية الئشاطة وبس شافها حملت الئشاطة صرخ: يا امي الحئيني 😱😱 وبلش يركد بالبيت وهية لاحئتو وكلن ئاعدين بيتفرجو ومصدمين بمريم وهية لاحئتو بالاشاطة....😂😂😂 اخيرا خلصت الليلة علئ خير وماراح خساير من الطرفين 😂 وبالليل غسلت مريم وغيرت تيابا وئعدت بغرفتا وتزكرت الموقف اللي صار بالمطبخ وكيف ورد باسها ئدام خواتو نرجس وجوري .... اطلعت علئ حالها بالمراية وئالت هلئ هيك بكون طعمة اول بوسة ،بس طعمتا كانت مزنخة من ريحة البيض اللي كان متزهرمو 😝😒 يبلي بـ..لا مريم لا تحكي عليه هاد صار خطيبك عيب... وفجأة اندء باب غرفتا وردت :ميين !؟ مراد :وكك هاد انا مريم :فوت وفات لجوة وسكر الباب ورا مريم :نعم مراد :انا جاي عحسب الاتفاق يلي بيناتنا مريم :اي اتفاق؟ مراد :شبنا اختي الحبابة ،ئلتيلي بس تنخطبي لورد رح تعطيني رقم لينا 😍 مريم :اه...مبلا بس... مراد :بس شو !!؟ لا تئولي مارح تعطيني اياه مريم :يا مراد البنت مو متل مانك مفكرها 😥 مراد :وككك شو بدك اياني احكي والله مابدي اتسلئ معها ،انا بصراحة من يوم شفتا وهية ماعم تروح من بالي ،كل ما فكر فيها بيصير ئلبي يدء ويرجف وبصير ابتسم واضحك متل المجنون لحالي 😔❤ مريم :انته عنجد عم تحكي مراد مراد :اي ...بصراحة مابكزب عليكي ازا ئلتلك اني حبيتها ❤ مريم :بس انتة ما شفتا غير. مرة وحدة 😳 مراد :وهالمرة بلفتني...تسلملي عينها كانت طالعة بالفستان الأبيض المعرء متل الملاك وللا شعراتا الناعمين وللا نظرة عيونا ...وللا ابتسامتها يا امي علئ ابتسامتها 😍 بتجنن بحياتي كلا ما شفت ابتسامة متلها 😍 اي حبيتا ومعد فكر بغيرا طول عمري 😍 مريم :ياعيني عالرومنسية ،خلص ازا هيك رح اعطيك الرقم ،بس ببوس ايدك لا تنجلئ عليها اي م راد :لك لك انتي احسن اخت بالعالم لا مو بالعالم بالدنيا لك بالكوووون كللللوووو 😍 وعطتو الرقم واول ماشافو عموبايلو مسك خدود مريم وبلش يئلا :لك تسلميلي مريمتي اناااااااااا دخيل هالخدووووووود 😍 وطلع مبسوط من غرفتا... مريم :هههههههه الله يثبت علينا العئل والدين 😂😂 فات مراد علئ غرفتو ورما حالو عالتخت وعطول سيف الرقم ودغري فتح عالواتساب لحتئ يشوف شو حاطا صورة ...فتح الصورة وبلش يتأملا كانت صورة وردةحمرة🌹 مراد :يسلملي الرومنسي شكلا بتحب الورد الاحمر 😍 وفجأة صارت «متصل الان ..» مراد :يي هي فتحت ،ولي علئلبي ❤❤😍 وبلش كتابة... مراد :مرحبا لينا :اهلين...مين ؟ تلبك مراد ماعرف شو بدو يكتبلا ... لينا :مييييين مراد :اي معك 👍 لينا :مين حضرتك ؟ مراد :بصراحة...انا معجب لينا :العفو !!!!!؟ مراد :اسف بس انا عنجد معجب وحابب كتير اتعرف عليكي ❤ لينا :وانا مو حابة 😠 وعملتلو حظر عالواتساب 👈😂😂 انصدم مراد صدمة ثلاثية ارباع وئال ليش حظرتني !؟ 😱 وماخلا موقع تواصل اجتماعي من ايمو وفايبر وفيس ومسينجر وئضا الليل وهوة كل ما يرسلا من موقع تعملو بلوك 😂👍 مراد :ااناااا انجلطت ليش هيك انتي صعبة ،😡 واتشجع واتصل فيها...وردت بعد عدة محاولات... مراد :اخيرا...الوو 😍 لينا :فيني اعرف مين حضرتك لحتئ عم تبعتلي عكل البرامج ؟ مراد :ليش انتي عطيتيني فرصة عرفك عن حالي 😥 لينا :طيب ...شرف عرفني مراد :انا...مراد اخو صاحبتك مريم ،وبصراحة انا كتييير معجب فيكي ،انسة لينا انا اسف اني عم ازعجك انا بعتزر سامحيني انا...انا....انا بحبك 😍 لينا :😳😳😳😳...!؟ انصدمت لينا وحست بخوف وبئلبا بلش يخفئ بئوة وتلخبطت مشاعرها وخربط كيانا كلو ... مراد :انسة لينا ..وين رحتي ؟ لينا :ااااه ....موشي انا متطرة سكر باي مراد :لا لا استني بدي ئللك...الوو ..ينعن حظي سكرت الخط بوجهي ،معليش المهم اسمعت صوتا 😍 ورما حالو وبلش يتخيلها ويتزكرها ....وكيف التئو اما لينا بلشت تتفتل بالغرفو ةهية حاملة تلفونا وعم تطلع في وتئول :حدا يفهمني شو اللي صار هلئ !!!😳معئول انا عم احلم لك انا فكرت مريم بس اللي مجنونة طلع الجنان بورتو بهالعيلة 😂😂😂 كانت مريم متسطحة وبدا تنام وفجأة رن تلفونا وردت بدون حتئ ماتشوف مين مريم :الوو ورد :شو نايمة ؟ مريم :هادا انته شوبدك ؟ ورد :اكيد ماني متصل لحتئ غازلك او اسمع صوتك مريم :لكن شوبدك ؟انشالله تكون متصل لحتئ تعتزر عن الشي يلي عملتو اليوم يا ازعر 😒 ورد :هههههه ولا هي كمان مافشرت عينك اعتزر 😏 بس اتصلت لئلك اني ضيعت عنكون مفتيح السيارة تبعي مريم :مو علئ اسا اجيت مع اهلك بسيارة ابوك ورد :مزبوط بس كنت حامل مفتيح سيارتي وضيعتون عنكون 😏 مريم :طيب بكرة بدورلك عليون ورد :لا ماحزرتي هلئ بدك تؤومي اتدوريلي عالمفتيح مريم :انتة ماحزرت انا بدي نام ورد: له له له شو نسيتي الشروط اللي كتبتا عليكي ووافئتي انتي عليها ،الشرط التالت شو ما بطلب منك تنفذي ومن تم ساكت 😏 مريم :طيب طيب رح دورلك عليه 😭 ورد :اي يالله ئومي دوري عليه ليكني جاي اخدو وئامت مريم وبلشت اتدور عالمفاتيح ،وهي عم تدعي عحالا :ريتو الله ياخدني بركي ارتاح منكون ومن ورد ومن هالدنيا وارتاح من الكل 😭 واخيرا لئت المفتيح مريميين تحت الكنبة اللي كان ئاعد عليها ورد ...ورن تلفونا ورد :شو لئيتي المفتيح مريم :لك اي لئيتون ورد :اي ليكني وائف تحت البلكونة رميلي اياهون مريم :حاضر....الله يجيبك ياطولت البال وراحت عالبلكونة وطلت لتحت لئت ورد وائف تحت رمت المفتيح عليه وبدون ئصد اجو عجبينو وبلش يصرخ ويئول :يخربيتك يامريم كنت عارف رح تجيبيلي اخرتي 👊 لما شافتو مريم حاطط ايدو عجبينو ومنزل راسو وعم يصرخ ،خافت ونزلت عالدرج كرفتة وهية عم تئول :ئلعتلو عينو والله امي لتئبرني 😱 يتبع *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖