كوني انت - آلفـಿـصـಿـل آلثآلث - بقلم الكتوم - مكتملة | روايتك

{روايه} گوني آنت *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖ مروا كم يوم لحد ليلة مسابقة الرسم تبعت ريم كانت بترسم وهيه متوترة وشوي وبتبكي …لانه ضايل رسمتين بدهم تلوين وكمان رسمة تنرسم ريم:يا ريتني ما رحت ععزومة هند ولا طلعت عالحفلة مع منى لانه لو ضليت بالبيت خلصت وانجزت كل شي حكت ريناد وهي بتلون شوي شوي بسبب وجع ايديها:بسيطة ان شاء الله بتخلصيهم وبتفوزي بالمعرض ريم:يا رب …بس ريناد انا ملاحظة عليك انك كل مالك بتتعبي اكثر واكثر ما بصير هيك لازم تروحي عالدكتور ريناد:بكرة بدي اروح اعمل فحوصات ريم~صرخت~:والمسابقة!؟…ما بدك تيجي؟ ريناد:الفحوصات الصبح والمسابقة بعدها اكيد رح اجي…فكري شوي ريم:صح كيف ما انتبهت؟ ضلوا سهرانين للساعة 3 الفجر لحد ما خلصت ريم كل شي ريم:اخيرا خلصنا ضايل بس عناوين للرسمات بكرة بحطهم ريناد:معناته قومي خلينا ننام قاموا لحتى يناموا بس ريناد ما قدرت تنام لانه الوجع بزيد اكثر واكثر…ضلت هيك للساعة 5 الفجر …قامت بتعب ونقلت رسومات ريم عغرفة القعدة …وصفنت فيهم رسمة رسمة …قربت عليهم وبلشت تخطط بهال عناوين عليهم لحد الساعة 6 كانت مخلصة رجعت نقلتهم بصعوبة عالغرفة ونامت صحيت عصراخ ريم بصوت عالي:رييييييناااااد شووو عاملة ؟ ريناد:ما …عجبـ…وك؟ ريم~حضنتها~:بجننوا بجننوا…بحبك …خطك بجنن والعناوين بجننوا ريناد~ابتسمت~:مبسوطة انهن عجبنك ريم:حلوات عالاخر…تائهة بين الدروب…ابنة الضباب…نفس الورود…خبايا السماء…قنديل الروح عنجد مش عارفة شو احكي العناوين والخط حلوات بشكل مش طبيعي ضحكت ريناد وقامت تلبس مشان تروح تعمل فحوصاتها ***** بغرفة القعدة سهام وسامر بشربوا قهوة وبحكوا مع بعض طلعت ريناد من الغرفة:صباح الخير سامر وسهام:صباح النور ريناد~مستغربة~:غريبة مش بالدوام بابا؟ سامر~ابتسم~:مشان معرض ريم خفت اتأخر فأخذت اجازة ريناد:ااه…انا طالعة بدكم اشي سهام:سلامتك راحت ريناد عالمستشفى…ودخلت عملت فحوصات شاملة …وبس خلصت الممرضة:سلامتك حبيبتي …بكرة عال12 الظهر بتيجي توخذي نتائجهم وبعدها اذا احتجتِ دكتور بتراجعي واحد من دكاترة المستشفى…احنا بنحميلك بس تيجي توخذيهم ريناد~ابتسمت~:شكرًا الك الممرضة:العفو ما عملت غير واجبي طلعت ريناد من المستشفى وكملت طريقها للجامعه دخلت عالقاعة مشان المحاضرة وفتحت كتابها وصفنت فيه شوي واجو البنات وقعدوا كلهم بنفس المنطقة نهى~مصدومة~:ولك ريناد ليش هيك وجهك اصفر زي الليمونة؟ سماح:ما تروحي عدكتور صرنا نقلق عليكِ يا بنت ريناد:رحت اليوم عالمستشفى وعملت فحوصات وبكرة بروح اوخذ النتيجة علا:من زمان لازم عملتِ هيك لانه وجهك دايمًا اصفر عالاخر ريناد:بعد المحاضرة هاي رح اورجيكم المقالين اللي كتبتهم خلال الاسبوع واحد عن اسس التربية وواحد عن استغلال الوقت نهى:والله ما عرفتك يا ريناد ريناد:بس خلص اسكتِ دخلت الدكتورة وبالبيت ريم معجوقة عالاخر بتغلف برسماتها مشان ما يتوسخوا او يصرلهم اشي عالطريق وبتلم بأغراضها مشان ما تنسى اشي ريم:وين فستاني ماما؟ سهام:معلق بخزانتي روحي جيبيه …بعدين لسا بدري اذا المسابقة عال5 رح يبدا ليش تطلعي من هسا؟ ريم:الساعة 12 بدي ساعه اجهز حالي وساعه عالطريق وباقي الوقت لاختيار الزاوية وترتيب الرسمات وهاي القصص سهام:ماشي معناته روحي مشان ما تتأخري وبالفعل راحت ريم لبست وجهزت حالها خلال ساعة…وحملت اغراضها…وطلبت تكسي وطلعت عالمكان اللي رح يصير فيه المعرض رجعت ريناد عالبيت بعد الدوام ورغم كل تعبها كانت مبسوطة وهي بتتذكر حكي البنات ومدحهم بمقالاتها واول ما شافتها امها حكت:شو صار معك؟ وين الفحوصات؟ ريناد:بكرة بتطلع نتيجتهم …انا رح ادخل ادرس شوي سهام:ماشي …نص ساعة وحضري حالك مشان نطلع عالمعرض لانه بدنا ساعة عالطريق اذا مش اكثر ريناد:طيب غيرت ريناد اواعيها وفردت كتبها وقعدت تدرس…وكل شوي تبتسم عحكي البنات مضت نص ساعه وهي عهالحالة لحد ما دخلت سهام عالغرفة سهام:يلا رنودة قومي البسي ريناد~قامت~:اااخ…طيب شوي وبكون جاهزة …„…„…„…„…„…„…„…„…„…„…„… فترة قصيرة وكلهم طلعوا عمكان المسابقة وبالسيارة سهام:ريناد بكرة عندك دوام؟ ما سمعت رد من ريناد اللي قاعدة ورا …لفت لتشوفها ولقيت نايمة سهام:ريناد نايمة …وضع هالبنت مش عاجبني سامر:بكرة بتجيب نتيجة الفحوصات وبنشوف …ان شاء الله خير سهام:ان شاء الله وصلوا عالمكان اللي فيه المسابقة …وصحّت سهام ريناد…كانت تعبانة بس بتقاوم …لحد ما دخلوا وبلشوا يلفوا عالزوايا المخصصة للرسامين …وصلوا لزاوية ريم وحكى سامر:بالتوفيق سهام:ان شاء الله بتفوزي ريناد~بابتسامة~:فخورة فيك ِ كثير سواء فزتِ او لأ ريم:الله يخليلي اياكم وما يحرمني منكم ابتسموا كلهم وبعدها دخلوا الحكام وبلشوا يلفوا عالرسامين لحد ما وصلوا عند ريم الحكم 1: افكار لوحاتك مبتكرة وحلوة الحكم 2 :وانا بحكي زيك بس كمان ناقصك شوية دقة بالرسم…وتنسيق الالوان بده اكثر الحكم 3:العناوين ابداع بإبداع لازم تشاركِ بمسابقات الكتابة…العناوين ملفتة جدّا ً ابتسمت ريم ابتسامة خفيفة وهزت راسها…خلصوا الحكام من عندها وسجلوا ملاحظاتهم وبعد ما خلص التحكيم قعدوا كل الحضور بالاماكن المخصصة الهم وطلع منظم المسابقة ليحكي كلمة :بسم الله الرحمن الرحيم…بداية شكرا لكل الرسامين اللي شاركوا وكلهم بالنسبة النا فائزين …وشكرا للحضور الكرام لوجودهم اليوم معنا…اما بخصوص اللوحات الفائزة رح يتم ارسال ايميلات لكل المشاركين ليتم اعلامهم اذا فازوا او لأ ورح يتم اعلام الفائزين بجوائزهم…… شكر كبير للقائمين على هالعمل وانجاحه…كان يوم جميل جدا…دمتم بود وليلة سعيدة…ولهون بكون انتهى وقتنا معكم خلص محمد كلمته وسط التصفيق الكبير من الموجودين وبعدها بلشوا الناس يتوافدوا للباب مشان يطلعوا وريم كانت بتجهز بلوحاتها مشان تطلعهم ريم:بابا فهم عليها سامر وراح يساعدها مشان يطلعوا اللوحات سامر:ريناد افتحي السيارة مشان نحطهم هزت ريناد راسها وسبقتهم عالسيارة وفتحتها وبطريق الرجعة كمان ريناد نامت ريم:متوترة ومش مصدقة متى تطلع اسامي الفائزين بالمعرض سامر:باذن الله حيكون اسمك من ضمنهم سهام:يارب…ريناد مش سامعتلك صوت ريم:نايمة سهام:واحنا رايحين كمان نامت…متى بده يطلع الصبح مشان تروح تجيب هالفحوصات ويتطمن قلبي ريم: ان شاء الله خير …„…„…„…„…„…„…„…„…„…„…„…„… ثاني يوم صحيت ريناد عال9 الصبح ولبست …كانوا كل اللي بالبيت نايمين …كتبت ورقة لريم تحكيلها انها طلعت وراحت عالمستشفى „…„…„…„…„…„…„…„ بالمستشفى راحت تستلم نتيجة فحوصاتها وقلبها بدق من الخوف…ما كان في غير هي وكمان بنت اخذت البنت فحوصاتها وطلعت وصار دور ريناد الممرضة~مرتبكة~:تفضلي …وراجعي الدكتور اياد…بالطابق الثاني المكتب رقم16 ريناد~خافت~:يعني في اشي ما ردت الممرضة وريناد قلبها صار يدق من الخوف…وصلت للمكتب وايدها بترجف …دقت …وسمحلها الدكتور بالدخول ريناد:صباح الخير…انا ريناد وودتــ… قاطعها الدكتور اياد وحكى:حكتلي الممرضة…اول اشي استريحي لنحكي قعدت ريناد وهي خايفة كثير اياد:شوفي يا ريناد رح احكي معك بصراحة وكوني قوية تعبوا عيون ريناد دموع وهزت راسها اياد:انت مريضة بالفيبروميالجيا ريناد:يا ريت توضحلي اكثر يا دكتور اياد:هو مرض وراثي مرتبط بالجينات…او متعرضة لصدمة نفسية او جسدية او بسبب مرض زي التهاب المفاصل…واذا كان بمراحل متقدمة جدّا ًحتمال يوصل المصاب للموت ريناد:بس انا ما بعاني من اي شغلة من اللي ذكرتهم اياد:هالمرض مش سهل تشخيصه وانا شخصته بناء عهاي الفحوصات اللي بتحكي انه عندك التهاب بالمفاصل… واحكيلي بتحسي بتعب وثقل بدون سبب بجسمك…وكل اجزاء جسمك بتضل توجعك…وبتنامي كثير وما بتشبعي نوم… ريناد:كلهم عندي…بس ما عندي التهاب مفاصز اياد:معناته انت عندك هالمرض ورح اعطيك كمان فحوصات تعمليهم مشان نتأكد اذا عندك التهاب 100%…وبحكيلك انه احتمال 20% ما يكون عندك بتعمليهم هسا وبعد اسبوع بترجعي وقفت ريناد واخذت الورقة من ايد الدكتور وحكت بصوت اقرب للهمس:ان شاء الله خير…شكرا دكتور """"""""""""""""""""""""""""""""""" طلعت ريناد من المستشفى بعد ما رجعت عملت كمان فحوصات وهي حاسة انها حاملة كل هموم الدنيا عكتافها …طنشت دوام الجامعه ورجعت عالبيت سألوها اهلها عن اللي صار بس هي حملت حالها ودخلت عغرفتها…طالت اللابتوب وصارت تشتغل عليه وهي بتبكي. وبغرفة القعدة برا ماشية سهام رايحة جاية:يا ربي دخيلك …هالبنت مش راضية تحكي اشي وانا خايفة لا يكون معها شي خطير اما ريم ما راحت عالجامعه لتتطمن عاختها اول قامت عن الكنباية وحكت :انا داخلة اشوفها وبالغرفة طلت ريم براسها بخفة من الباب وشافت ريناد صافنة قدامها بدون ما تركز عأي اشي ريم:ريناد احكيلي شو صار نزلت دمعة من عين ريناد وما ردت عليها قربت عليها ريم وحضنتها:ريناد بلشت ريناد تبكي بصوت عالي وحكت :عندي مرض اسمه الفيبروميالجيا واحتمال اموت صدمة ريم ما كانت بتقل عن صدمة ريناد بس مسكت دموعها وحكت:بعيد الشر كل شي واله علاج بس اول اشي خلي معنوياتك عالية…شو بتعملي؟ ريناد~مسحت دموعها~:بعمل بمدونة عالانترنت اسمها شيءٌ من ريناد عشان عالأقل اذا متت يكون الي اثر بهالدنيا ريم:ما تحكي هيك بعيد الشر…ونسيت احكيلك انه الحكام لما شافوا العبارات فكروني انا كاتبتهم مشان اشارك بمسابقات الكتابة فرحت ريناد:وأخيرًا لقيت موهبتي…كتبت مقالات وخاطرتين وعرضتهم عصاحباتي وعلى ناس بعرفهم الهم خبرة بالكتابة وحكولي انتِ انخلقت ِ للكتابة من الصغر رين:طيب الحمد لله …شايفة كيف لقيتِ موهبتك لحالك بلا ما تحطي حالك بأماكن غلط لانه الباقيين موجودين فيها ريناد:صح حكيك…بس بعد شو وانا يمكن اموت عن قريب حطت ريم ايدها عتم ريناد وحكت:هش ما بدي اسمع هالكلمة منك مرة ثانية ريناد~ضحكت~:حاضر …ما بدك تدلليني انت وماما وتعملولي حلو ريم~وقفت~:حاااضر…وانتِ كملي موضوع المدونة تبعتك ريناد:ماشي رجعت ريناد مسكت اللابتوب وقلبها مكسور من حكي الدكتور اياد وبغرفة القعدة ركضت ريم عالمطبخ وحكت :ماما بدنا نعمل حلو لريناد تعالي يلا استغربت سهام وراحت عالمطبخ ريم~غمزتها~:شو بدنا نعمل؟ وقربت عليها وبلشت تحكيلها عن مرض ريناد…سهام بطل فيها حيل وقعدت عاقرب كرسي وصارت تبكي بصوت واطي ريم:امي اهدي لازم نكون معها مش عليها احنا والمرض مسحت سهام دموعها بكفة ايدها وبلشت تطلع بالاغراض لتعمل لريناد الحلو اللي بتحبه &*&*&*&*&*&*&*&*&*&*&*&*& روح سامر من شغله بدري ليتطمن عبنته…ولما سمع هالخبر…نزل ضغطه وتعب…اما ريناد قضت يومها بغرفتها وما ردت ولا عوحدة من صاحباتها… صحيت ريناد ثاني يوم عالجامعة وعيونها منفخين قد مابكت قبلها بيوم وخلصت محاضرتها عال11 حملت كتبها واغراضها وطلعت وما ردت ولا عوحدة من صاحباتها اللي بنادو عليها لحد ما وصلت حديقة الجامعة قعدت عالعشب الاخضر وفتحت كتابها لتراجع اللي اخذته بالمحاضرة استغربوا البنات ولحقوها وقفت نهى قدامها وقبل ما تحكي اي حرف رفعت ريناد راسها وحكت بهدوء:يا ريت تنسو انه كانت في بيناتنا علاقة بيوم من الايام انا بطلت بدي اي اشي يربطني فيكم …خلصت هالكلمتين االي عندها وحملت اغراضها مسكتها نهى وحكت:هييي…مفكرة بهالسهولة وهالبساطة حنتركك …بدي افهم السبب ريناد اصلًا كانت ماسكة دموعها بالغصب بس حاولت تضل متماسكة وما تضعف:خلص مشوارنا مع بعض عصبت سماح منها…مسكتها من ايدها وسحبتها عجنب سماح:احنا زعلناك ِ جرحناك ِ بلا ما ننتبه؟…احكيلي ليش فجأة صرتِ بدك تتركينا؟ شوي شوي صار يعلى صوت عياط ريناد ودموعها ينزلوا…حضنت سماح وحكت:شو احكيلكم؟…احكيلكم انه ما في منكم…بس بدي بدي تتعودوا عغيابي لانه عندي مرض يمكن يموتني؟ انصدمت سماح بس حاولت تبين طبيعية وحكت:كيف؟…تعالي تعالي خلينا نقعد وعالطرف الثاني علا:خلينا نروح نشوف مالهم وشو صاير مع ريناد مسكتها نهى من ايدها ورجعتها مكان ما كانت واقفة واشرتلها يراسها تضل محلها --------------- وبالمستشفى بمكتب الدكتور اياد اندق الباب ودخلت الممرضة…ما انتبهلها الدكتور اصلا لحد ما حكت:دكتور اياد رفع راسه وحكى:اهلا…شو صار؟ خافت الممرضة لانه الدكتور اياد معروف بعصبيته وحكت بتأتأة: الافضل…ان…ك…انت تشوفهم حس الدكتور اياد انه في اشي …فتح المغلف وطلع الفحوصات اللي كلف ريناد تعملهم…بلش يقرأ والممرضة واقفة وخايفة بعد نص ساعة خبط نتائج الفحوصات عالطاولة وحكى:شو بفهم؟…انكم مستهترين وبتشتغلوا رفع عتب؟…صدقوني غير تتحاسيوا عهالغلط بوعدك…~صرخ~:متى موعد مراجعة ريناد سامر؟ الممرضة:عطيناها موعد بعد اسبوع مشان تكون جهزت خطة علاجها بس ريناد محب بعد 3 شهور لانه انحكالها انه عندها نقص ڤيتامينات اياد:هسا بتروحي وبتتصلي فيهم ال2 لنحل الخلل اللي صار الممرضة:حاضر وبالجامعة رن تلفون ريناد…شافت رقم المستشفى …قلبها صار يدق بطريقة غريب ردت بسرعة:اهلا…تمام…ربع ساعة وبكون عندكم لا لا ما بتأخر سكرت الخط وحكت:المستشفى طالبينّي…الله يستر انا خايفة كثير سماح:ما تخافي …ويلا رح اجي معك نهى وعلا:بتحكولنا شو بصير ريناد:طيب طلعوا ريناد وسماح من الجامعة وريناد عقلها مش معها…بتتخيل بشغلات عجيبة غريبة عن اللي رح يصير بالمستشفى وبعدها…لدرجة وصلت بتخيلاتها لحالة اهلها بس تكون بآخر أيامها… حكت سماح بصوت واطي شوي:هي وصلنا يلا انزلي نطقت ريناد وهي مش مركزة وبتبكي:ماما ما تبكوا علي بس اموت هيك قدري ما قدرت سماح تمسك ضحكتها ضحكت بصوت عالي لانتبهت ريناد وحكت شوفي سماح~دمعت من الضحك~:وصلنا ماما وما رح نعيط عليك بس تموتي نزلوا وريناد لسا مش فاهمة شو في واول ما دخلوا لقيوا نفس الممرضة اللي عطت ريناد التحاليل الممرضة:انسة ريناد تفضلوا عند الدكتور اياد ريناد:تمام طلعوا عغرفة الدكتور اياد وقبل ما يدهلوا سمعوا صوت صبية بالمكتب #للقصة_بقية #بقلم_يمنى_عفيف *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ `