آلفـಿـصـಿـل آلآول
{روايه} گوني آنت
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
➖➖➖➖➖➖➖➖➖
`
المقدمة
خلقنا لنكون مختلفين، لا أحد بنا يشابه الآخر، حتى الأمور الجميلة تتمايز بيننا لتجعل منا أناساً بارزين، فلا تتبع التقليد الأعمى، بل كن أنت، كوني أنتِ كما تريدين ولا تتصنعي، وابحث عن طريقك المنير
دون العودة الى كل ما قيل، فبداخلك جوهرة، وفي يوم ما سوف تنير
#المقدمة_إهداء_من_بيان_الحديدي
°~~~~~~°
قدام بيت صغير…واقفة صبية وبتوخذ نفس من الركض بعد ما لحقها كلب وبصعوبة هربت منه…قدمت وفتحت الباب ودخلت …رمت حالها عالكنباية…اجت ست كبيرة من جوا
سهام:جيت ِ ريناد…مالك ليش تعبانة؟
ريناد~مغمضة عيونها~:كنت ماشية بسلام لأوصل البيت بعد دوام الجامعة اللي كان زي الزفت اليوم…وعشان تكمل معي لحقني كلب انقطع نفسي وانا بركض
سهام~ضحكت~:يعطيك ِ العافية …غيري ونادي على ريم مشان نتغدى
ريناد~قامت واخذت شنتتها~:ماشي هيني قمت
^°^°^°^°^°^°^°^°^°^°^°^°^°^
دخلت ريناد عالغرفة وشافت اختها ريم بترسم …تنهدت بقلبها وتمنت لو انه ربنا معطيها موهبة الرسم …زس اختها ريم…نفضت هالافكار من راسها وحكت: ريم قومي مشان نتغدى
ريم كانت بترسم ومندمجة والالوان متناثرة عالمكتب عند ما بترسم
ريم~بتكمل بالرسمة~:طيب اسبقيني هيني جاية
ريناد~حطت ايدها عخصرها~:لا انت ِ اطلعي لاني بدي اغير
ريم~قامت عن المكتب~:ماشي رايحة
°~~~~~~~°
طلعت ريم من الغرفة وطالت ريناد اواعيها مشان تغير…لفتت انتباهها رسمة ريم اللي عالمكتب لسا مش مكملتها …تأملتها وحكت:يا ريت لو عندي موهبة الرسم …ياريت لو بقدر ارسم…تنهدت وغيرت اواعيها وطلعت مشان تتغدى
°°°°°°°°°°°°°°°°°°°°°
ريناد البنت اللي بعمر ال21 سنة…كانت دايماً تحكي عن حالها ما في عندها مواهب…وكانت تتمنى لو انها زي اختها ريم عندها موهبة الرسم…في الواقع ريناد زي كثير ناس…عندها موهبة دفينة بس لسا ما اكتشفتها…
*-*-*-*-*-*-*-*-*-*-*-*-*-*
وعطاولة الغدا قعدت ريناد مع امها واختها ريم
ريناد:ماما وين بابا؟
سهام:اليوم رح يتأخر شوي عندهم ضغط بالشغل
ريم:كيف الجامعة معك؟
ريناد:ماشي حالها
سهام~ضحكت~:ماشي حالها؟…مين اللي قتل حاله مشان يدخل طب نفسي …الله يوفقك حبيبتي
اكتفت ريناد بابتسامة صغيرة لامها واختها…استغربت امها منها…لانه هاي مش ريناد الطبيعية…ريناد الشعنونة …اللي ضحكتها دايماً مالية البيت
^°^°^°^°^°^°^°^°^°^°^°^°^°^°^°^°^°^°^
سهام:شو مالك ريناد؟
ريناد:أنا؟…ولا شي ماما
سهام~حطت ايدها عوجه ريناد~:ال55 سنة اللي عشتهم علموني كثير اشياء…منها اني اقدر افرق متى بتكونوا زعلانين ومتى بتكونوا فرحانين
ريناد~تنهدت~:بصراحة ماما نفسي يكون عندي موهبة زي باقي هالبنات كل اللي بعرفهم منهم اللي بتغني واللي بترسم والرياضية واللي بتمثل الا انا ما عندي اشي …هي ريم مثلًا بترسم وانا بتمنى لو بعرف ارسم
سهام:ما تحكي هيك…انا متأكدة انه عندك موهبة بس انتِ لسا مش لاقيتيها
ريناد:ماما انا نفسي اصير ارسم وبصراحة سجلت بدورة رسم ونزلت تطبيقات مشان اصير اعرف ارسم
سهام:ماما حبيبتي الدورات ممكن تساعدك وتعطيك ِ اساسيات الرسم بس ما بتمنحك موهبة الرسم (وقفت)…انا بدي اروح اشرب فنجان قهوة عند الجارة
ريناد:ماشي ماما وانا داخلة ادرس
دخلت ريناد على غرفتها وقعدت عتختها …وعالتخت اللي قبالها ريم كمان بتدرس …بلشت تدرس واندمجت 3 ساعات متواصلات…لحد ماراحت ريم عملت شاي وجابتلها كانت مخلصة
ريم:يعطيك ِ الف عافية
ريناد~قامت~:الله يعافيك ِ …اجت ماما؟
ريم:من شوي اتصلت عليها رايحة هي والجارة يزوروا الجارة الجديدة
ريناد~ضحكت~:توقعت…كيف ماما ما تتعرف عالجارة الجديدة…بدي اشرب الشاي وابلش اتعلم رسم
ريم:ماشي وانا رايحة اكمل الرسمة
ريناد:اللي كنت ِ بترسمي فيها لما روحت؟
ريم:لأ هديك خلصتها …برسم بسهر صاحبتي
قدمت ريم لعند المكتب وطالت رسمة من الجرار …فرجتها لريناد وحكت:هاي الاولى شو رأيك؟
ريناد:بتجنن…العصافير والورود مع بعض مزيج اكثر من رائع
ريم:وسهر لسا ما كملتها هيها عالمكتب
ريناد:لأ ما بدي أشوفها هسا …بس تخلص
ريم:زي ما بدك
ريناد~حملت اوراقها والوانها~:انا طالعة عالبرندا ارسم
ريم:روحي
&*&*&*&*&*&*&*&*&*&*&
طلعت ريناد عالبرندا وبلشت ترسم اشياء بسيطة…فرحت انها قدرت ترسم…بعدها حاولت ترسم لحالها بدون ما تشوف الخطوات بس ما عرفت…ما حطت ببالها اشي …وتوقعت انه مع الايام رح تتطور بالرسم وتبدع اكثر واكثر
"'"'"'""""""""""""""""""""""""""""""""""""
#بقلم_يمنى_عفيف
بعد اسبوع
الساعة 12 الظهر
ماشية ريناد بالجامعة وبتدور عصاحباتها…لحد ما لقيتهم وراحت عندهم
ريناد:وين اختفيتوا بعد ما خلصت المحاضرة؟
نهى~بتضحك~:طلعنا لانك يا طالبة العلم كنتِ لسا واقفة مع الدكتورة وبتسألي
ريناد:يعني برضيكم اطلع من المحاضرة ويكون في اشي مش فاهمته؟
سماح:لأ طبعاً ما برضينا …ريناد تكون مش فاهمة اشي…اذا ريناد ما فهمت احنا مين بده يفهمنا؟
ريناد~ضحكت~:المهم…صبايا عندكم اشي هسا بما انه خلص دوامنا ؟
سماح:انا عندي تدريب مشان المسرحية
نهى:وانا عندي تدريب مشان الاغنية اللي رح نغنيها لاطفال الميتم
علا:رايحة عدورة الرسم
مها~بغرور~:بدي اروح عالنادي الرياضي مش فاضية لحدا
ريناد~حزنت~:مش مشكلة كنت حابة نطلع مع بعض الله يوفقكم
مها:آه إنتِ فاضية لانه ما عندك مواهب تمارسيها…اذا لبس ما بتعرفي تلبسي …وحكي ما بتعرفي تحكي…بده يكون عندك موهبة؟…إنت ِ بس شاطرة تنحتِ بهالكتب
استغربوا كلهم من حكي مها اللي من شهر بس عرفوها وصارت وحدة منهم …وقفت الدمعة بعين ريناد بس مسكت حالها
عصبت سماح وحكت:عفكرة انه عندك موهبة مش معناه انك بتفهمي اختصري واذا بسمعك حاكية حرف عن ريناد لسانك بقصه
نهى:مين مفكرة حالك؟…منيح انه فش حدا شايفك…وريناد عندها موهبة بس لسا مش لاقيتها
علا:شوفوا مين بحكي…مقهورة لهالدرجة من ذكاء ريناد واناقتها ولباقتها بالحكي…اعرفي قيمتك بلاش انا افرجيك ِ اياها
وقفت مها مشان تروح بس ريناد وقفتها لما حكت :استني
مها~معصبة~:خير ؟
ريناد~بتحاول ما تنزل دموعها~:أكثرهم عيوباً أكثرهم تعييباً يا مها …وهالمقولة بتنطبق عليكِ…تفضلي ما بشرفنا تكوني معنا
عصبت مها بزيادة وصارت تمشي بسرعة بعيد عنهم وهي بتحكي وبتبربر
نهى:خلص ما تزعلي هاي حيوانة
علا:كيف صاحبناها ما بعرف
سماح~قامت تقلدها~:إنتِ بس شاطرة تنحتِ بهالكتب
ضحكوا كلهم عسماح وكيف قلدت مها صح…اما ريناد قامت لتروح عالبيت والصبايا كل وحدة فيهم قامت مشان تروح عتدريبها
•°•°•°•°•°•°•°•°•°•°•°•°•°•°•°•°•°•°•°•°•
روحت ريناد عالبيت تعبانة ومتضايقة من موقف مها…رغم انهم صاحباتها دافعوا عنها وهي حكت لمها اللي بدها تحكيه…بس في اشي مزعلها…غيرت اواعيها واتصلت على امها اللي كانت بالسوق هي وريم
ريناد:رح ارسم شوي قبل ما اطلع عدورة الرسم
قعدت ترسم شوي بس ما عرفت وما زبط معها اشي …وعالساعة 2 ونص قامت معصبة لانها مش عارفة ترسم اشي…غيرت اواعيها وحملت اغراضها وراحت عدورة الرسم
&*&*&*&*&*&*&*&*&*&*&*&*&
بالمركز اللي بتوخذ فيه ريناد دورة الرسم
دخلت عالمرسم اللي فيه وشافت لوحات الطلاب اللي كلهم موهوبين …شوي وبلشوا يرسموا …استرخت ومسكت الريشة والالوان وبقيت ترسم…لخلص الوقت وطلعوا كل الطلاب وبقيت هي…اجا الاستاذ المسؤول عن الدورة وكان بال40 من عمره
الاستاذ~عبد الحق~:ريناد ممكن نحكي شوي؟
ريناد~بتضب بأغراضها~:اكيد استاذ…شوي لأضب أغراضي بس
ضبت ريناد اغراضها وتطلعت عرسمتها اللي مش واضح من معالمها اشي وعرسمات الباقي تحسرت ومشت لتحكي مع الاستاذ
ريناد:تفضل استاذ
عبد الحق:شوفي يا ريناد انا عارف انه اللي رح احكيه رح يزعلك ويجرحك
ريناد:احكي استاذ
عبد الحق:بصراحة يا بنتي بنصحك تسحبي وما تكملي بدورة الرسم لانه إنتِ ما عندك موهبة الرسم وقاعدة بتدفعي بمصاري عالفاضي
ريناد:يعني ما في امل استاذ؟
عبد الحق~تنهد~:شوفي الرسم معظمه موهبة ونسبة بسيطة منه تعليم انتِ موهبتك مش الرسم بس هالحكي ما بيعني انه ما عندك موهبة لا انت اكيد عند موهبة كامنة جواتك بس مش عارفتيها لسا
ريناد~بخيبة امل~:تمام شكرًا استاذ
روحت ريناد عالبيت زعلانة بعد ما خاب ظنها بالاشي اللي بتحبه…وقررت تدور على موهبة ثانية…واختارت تسجل مع نهى بمعهد الغنا…وصلت عالبيت ودخلت وهي بتصرخ متحمسة:مااااماااا مااااامااااا
اجت سهام اللي كانت بتنشر بالغسيل وحكت:شو في؟
ريناد:انا لقيت موهبتي الحقيقية واللي هي الغنا
سهام:مش انتِ بدورة رسم حد علمي؟ شو اللي تغير؟
حكتلها ريناد اللي صار معها
فردت عليها سهام:الاستاذ معه حق انت الرسم مش موهبتك ما تدخلي اي مجال ما بتقدري تكملي فيه حتى لو حابيتيه
ريناد:طيب ماما شو رأيك اغنيلك مشان تعرفي انه الغنا موهبتي الحقيقية؟
سهام~بنفاذ صبر~:غني
بلشت ريناد تغني بس ما كملت لانه صرخة سهام وققتهل:اسكتِ ولك بكفييي اوعي تفكري تروحي عدورة غنا لانه صوتك نشاز
زعلت ريناد ودخلت عغرفتها معصبة…اتصلت بنهى واول ما فتحت نهى الخط حكت:اسمعيني منيح نهى بدي اسجل بدورة الغنا متى بقدر اجي عالمركز
نهى~بتضحك~:عمهلك ولك…تعالي بكرة وبتشوفك الاستاذة سعاد واما بتقبلك او بترفضك
ريناد~بحماس~:تمام بس اي ساعة
نهى:10 ونص بتكون فاضية وما عندها اشي…وهسا بأكد وبوخذلك موعد منها
ريناد:منيح كثير يلا باي
سكرت ريناد الخط بدون ما تسمع رد نهى حتى
******
بعد ساعتين
قاعدة العيلة كلها عالغدا وبتناقشوا بمواضيع متنوعة شوي وحكت ريم:بابا…
سامر:نعم؟
ريم:بتسمحلي اشارك بمسابقة رسم بعد اسبوع؟
سامر:اكيد واذا بدك اشي احكيلي
فرحت ريم وقامت حضنت ابوها
ريم:شكرًا شكرًا
سكتوا شوي ورجعت حكت ريناد:بابا
سامر:نعم …~ضحك~:اليوم يوم الطلبات العالمي
ريناد:بكرة رايحة عمعهد الغنا مشان اذا قبلوني اصير اوخذ دروس
سامر:ودورة الرسم ؟
تنهدت ريناد وحكتله كل القصة …وسهام بتسمع وبتهز راسها بعدم رضا …اما سامر كاتم ضحكته بصعوبة وبعد ما خلصت ريناد حكيها حكى:طيب لنشوف اخرتها معك
سهام:ريناد انا بحكي حطي عقلك براسك وحاولي اكتشفي موهبتك الحقيقية اللي جواتك يمكن تكون احلى من الرسم والغنا
ريناد:بدي احاول مش خسرانة اشي
سهام:براحتك
"'"""'""'""'""""""''"""""""""''""''""'""'''"''
بعد الغدا
دخلت ريناد عالغرفة ولقيت ريم بتحمل بجزدانها …سألتها باستغراب:وين رايحة ؟
ريم:عالمكتبة…بدي اجيب شوية اغراض للرسم تيجي معي ؟
ريناد:ماشي بس استنيني عبين ما البس
ريم:طيب…هيني بغرفة القعدة
لبست ريناد وحملت اغراضها وطلعت
ريم~وقفت~:جاهزة؟
ريناد:آه يلا
رين:خليني أحكي لماما بس
راحت عالغرفة عند امها ودقت الباب
سهام:تفضل
دخلت ريم وحكت:ماما انا وريناد رايحين عالمكتبة
سهام:شو بــ…
قاطعتها رنة تلفونها حملت التلفون وحكت:هاي خالتك…روحوا بس ما تتأخروا
ضحكت وحكت:حاضر
طلعوا عالمكتبة وعالطريق وهمه بمشوا لاحظت ريم انه ريناد
سرحانة وفي اشي شاغل بالها
ريم:ريناد ريناد
ريناد~صحيت من شرودها~:نعم؟
ريم:شو اللي شاغل بالك لهالدرجة؟
ريناد:حاسة حالي بلا مواهب عكس كل الناس كلهم عندهم مواهب الا انا
ريم:ما تحكي هيك انت عندك موهبة بس لسا مش مكتشفتيها
ريناد~تنهدت~:يمكن…هي وصلنا خلينا ندخل
دخلوا ريم وريناد عالمكتبة
ريم:اسمعي…انا رح ادخل عهاد القسم اجيب اغراض الرسم وما رح اروح على غيره
ريناد:ماشي وانا بدي أروح عقسم الكتب أشتري كم كتاب
ريم:اتفقنا
افترقوا وراحت كل وحدة لتجيب اللي ناقصها
وعند ريناد
واقفة بقسم الكتب مشان تختار كتب لانها بتحب القراءة وهي بتفتش بين الرفوف عكتاب سمعت صوت أنثوي بحكيلها:أساعدك تختاري كتاب حلو
لفت ريناد لعند وحكت وعوجهها ابتسامة:ياريت
:انا سيرين وبشتغل هون
ريناد:أهلًا
مشت سيرين خطوتين وصارت تفتش بالكتب اللي برف من الرفوف وهي بتحكي:هالرف انا مسميته رف الحظ …كل الكتب الحلوة بتلاقيها هون
ريناد~ضحكت~:عجبني الاسم…يلا اختاريلي كتب ممتعة ومفيدة
سيرين:حاضر
بعد ربع ساعة
واقفة ريناد مع سيرين وكل وحدة بين ايديها 3 كتب
ريناد:شكرًا كثير سيرين غلبتك معي
سيرين:ولو حبيبتي غلبتك راحة
راحت سيرين تكمل شغلها بعد ما عطت الكتب لريناد
اجت ريم من بعيد وحكت:خلصتِ؟
ريناد:آه يلا
حاسبوا وحملوا الاغراض وطلعوا من المكتبة وعالطريق
ريناد:رح اتصل بنهى تقيم الموعد تبعي اللي بمركز الغنا…والا احكيلك هسا رح اوديلها رسالة
طالت ريناد التلفون وودت لنهى رسالة وبعدها التفتت لعند ريم
ريم:غريبة …شو غير رأيك؟
ريناد:انا صوتي مش حلو ولو قبلوني وصرت اتدرب شو ما عملوا ما حيصير صوتي حلو لانهم مش رح يبدلولي احبالي الصوتية
ريم:ههههه…أخيرًا اقتنعتِ انه لازم تدوري عموهبتك انت ِ
ريناد~بحماس~:اه ولقيتها
ريم:عالفاضي فش فايدة الحكي معك ضايع …أتحفيني شو هالموهبة؟
ريناد:انا بحب الرياضة وخصوصًا ماراثونات الركض
ريم~بتتمسخر~:حكيتيلي ماراثونات الركض
ريناد~بثقة~:طبعًا
ريم:شو رأيك نتسابق من هون للبيت؟…واللي بتوصل اول بتفوز
ريناد:والاغراض؟
تطلعت ريم يمين ويسار وحكت:شوفي هناك دينا وندى بنات خالتو ام جهاد جارتنا رح اعطيهم الاغراض يوصلوهم للبيت واجي
ربناد:مش عيب؟
ريم:ما تقلقي انا واياهم صحبة كثير
ريناد:طيب ماشي
عطت ريم الاغراض ورجعت عند ريناد
ريناد:هسا بحكو عنا مجانين الناس اللي بالشارع
ريم:يحكو شو ما بدهم…يلا …1،2،3…انطلااق
صاروا يركضوا وريناد سابقة ريم بمسافة بسيطة بس بعد دقايق وقفت ريناد وهي بتلهث: خ…خلص…مش…قا…درة…ريم
وقغت ريم كمان اخذت نفس وحكت:وبتحكيلي رياضة وماراثونات امشي قدامي امشي
ريناد:يعني ادفن موهبتي الرياضية قبل ما تطلع
ريم:مش تا تكون موهبة اول
ريناد:طيب شوفي هناك …دينا وندى قبلنا بشوي خلينا نوخذ الاغراض منهم
ريم:ماشي ومنه بنمشي معهم للبيت وبنتسلى
ريناد:فكرة برضه
رجعوا ريم وريناد لعند دينا وندى
ربناد:كيفكم؟
دينا:تمام
ندى:الحمد لله
اخذوا منهم الاغراض وحكت ريم:يسلمو ايديكم غلبناكم بالاغراض
دينا:وايديك ِ
ندى:لا غلبة ولا اشي …مروحين؟
ريناد:اه
ندى:واحنا كمان تعالوا نمشي مع بعض
ريم:يلا
كملوا طريقهم لبيوتهم وهمه بضحكوا وبتناقشوا مع بعض
ريناد:فرحت كثير بشوفتكم
دينا:واحنا كمان
ندى:سلام
ريم:سلام
تفرقوا وراحوا عبيوتهم
ودخلوا ريم وريناد عالبيت
ريناد:وين ماما؟
ريم:اكيد بغرفتها لسا بتحكي مع خالتي
ريناد~ضحكت~:اذا هيك ابصر متى نشوفها
توجهوا لغرفهم …غيروا اواعيهم…وبعدها كل وحدة طالت الاغراض اللي شرتهم
ريم~استغربت~:هدول كلهم بدك تقرئيهم ؟
ريناد:اكيد مش جايبتهم ديكور
ريم:هاهاها
فردت ريم اشياء الرسم اللي شرتهم
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖``