الفصل 7
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم روح النارة مهيار`*
*❴🔢❵الـــبـــــــــــ❴7️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
ـــــــــــــــــــــــــــــــــــــــــــــــــــــــــــــ
كان لسة حاملني
مهيار. افتحي الباب
نارة . عفكرة عندي رجلين كنت بقدر اطلع لحالي خيتار يمكن تصير تلاهث
فتحت الباب بايدي وانا لسة بحضنو
دخلنا لجوا سكر الباب برجله
مهيار . ختيار قلتي ؟ هلق بتشوفي الختيار شو رح يعمل فيكي
نارة .لا لا والله بفضحك بصوت بلم الكل
مهيار .بدك تحكيلهم عريسي بتحرش فيني😂
نارة . والله صوتي عالي لا تقرب
مهيارة . بعرف ام جعارة ولا كبر هاالتم عالفاضي !
رحت ع قبال المراي شلت العباي والبرنص وبلشت فكت التسريحة ولي جلدة راسي انقبعت
نارة . بدل ما انت صفنان تعى شرف ساعدني مو بسببك عملو فيني هيك ولااا بدو يتزوووج
اجى وبلش يفك معي
مهيار . وحدا قلك تعمليه هيك لو خليتيه مفكوك والله كيرلي احلا
واخيرا خلصنا صار يتطلع فيني ويضحك وهو شعري منكوش
مهيار . ع هالمنظر متل شمئرين طالعة فوتي فوتي غسلي قطعتي نسلي بعدين ما عاد يجيكي ولاد
نارة . ولادي بجيبهم لحالي بنقطع نسلك لحالك
مهيار.لتكوني خنثى ومالي خبر 😂
نارة . وككككك
مهيار. شششش اوعي تغلطي سنانك يلي بتكزي فيهم بنزلهم صف قدامك
مهيار . تعي لساعدك بالبدلة
نارة . تسلم بديش مساعدتك
راح اتسطح عالتخت وانا وقفت مقابيل المراي جنابي فكيت الرباط وصرت حاول فكر السحاب لكن لانه داخلي ما مشي
نارة . هوووووف
صرت حاول سحبو وشد ورحت ما اقلب عطولي
مهيار . يما يما كبر راسها ولا انه تطلب مساعدتي تعي تعي
مشين لعندو مغلوب ع امري
مهيار . اقعدي
قعدت ع حفة التخت وعطيتو ع ظهري
اتجلس فك السحاب وحسيت بايدو وقت تسللت من فتحت البدلة من ورا ووصلت لبطني لقدام تحت البدلة ، صار يمشي اصابعو بطريقة خلت كهربا تسري بعروقي ومع صوت نفسو وهو ذقنو ع كتفي
كنت خايفة كتير ودموعي نزلو
نارة . مهيار
طبع بوسة ع رقبتي وحكى
مهيار. روحو لمهيار ؟
وقبل احكي سحب ايدو ووقف
مهيار . يلا ادخلي للحمام بدلي وطلعي لنصلي
استغربت من طلبو
دخلت جوا الحمام شلحت البدلة علقتها ويي نسيت جيب تياب
غسلت شعري عالمغسلة ولفيتو ببشكير ، فتحت الباب ووقفت وراه .مهيااار فيك تناولي بيجامة من الخزانة ؟
حسسيت ع خطواتو مشي ناح الخزانة
مهيار. وليش بيجامة في قمصان نوم بجننو
نارة . اكيد مش رح البسلك ياهم
مهيار . البسي هاد الابيض خلي ايامنا تكون بيضا
مديت راسي شفتو بنكت الخزانة ولييي متنا ونحن نرتب فيها
طلت من خزانة الحمام منشفة كبيرة لفيتها عحالي وطلعت
مهيار . ييي يي هاي تحمست وطلعت بالمنشفة فرد مرة ما بدك تلبسي شي ؟ احسن يلا انا مستعجل اكتر بلا ما اتغلب ونا شيل التياب عنك
دفشتو عن باب الخزانة اخدت بيجامة ورجعت عالحمام لبستها
طلعت لقيتو حامل بيجامة دخل عالحمام بدل وطلع وهو حامل بشكير متوضي وبنشف
مهيار . يلا اتوضي لنصلي سوا
دخلت توضيت ونشفت طلعت اخدت من الجرار تيابي الصلاة وكان هو فارد سجاتين وحدة متقدمة عالتانية
وقفت وراه قرأ دعاء الاستفتاح ونوى وكبر ، وقت بلش بقراءة سورة الفاتحة وسمعت صوتو حسيت قلبي هدي شوي شوي ، وكانه شي تقيل جواتي وبلش يروح مع كل كلكة بقرأها ، نفسي صار متتظم اكتر ، وراسي فضي من الافكار لاول مرة بخشع هيك بالصلاة، لدرجة حسيت روحي لانت مع ليونة صوتو بالتجويد ،ودمعتي لا اراديا نزلن ، ولأول مرة بحس بالأمان وانا ساجدة وانه ربنا سامعني وانا ساكتة
لاول مرة ما بتمنى الصلاة تخلص لكن ما بعرف كيف بلمح البصر انتهت بلا ما حس الا بنوع من المتعة ، سلم يمين ويسار والتفت ناحي
قرب مني وهو لسة قاعد حط ايدو ورا راسي قربه لعندو وباس جبيني
مهيار .تقبل الله
نارة . مننا ومنك.صالح الأعمال
مهيار . شبك مدمعة ؟
نارة . مهيار ؟ممكن سؤال ؟
مهيار . اسالي يا مهجة قلبه لمهيار
نارة ..رح يصير شي بيننا؟
مسح.دمعتي بابهامو بكل لطافة وحكى . وحياتك هالشي ما رح يصير غير برضاكي وموافقتك وتكوني حبيتيني فوق الحب حب
نارة ..يعني.انت حبيتني ؟
مهيار . شوفي ما بدي اكزب عليكي واحكيلك من اول ما شفتك حبيتك لانه ما في حدا بحب من نظرة ، ويلي بكون من اول نظرة هو حب شهوة مو الحب يلي سيدنا محمد حبه لعائشة ، الحب وقت نعيش سوا ونتعرف طباع بعض اكتر ونتقبل بعض بكل عيوبنا ، لكن ما بنكر انك كأنثى عجبتيني وتمنيتك تكوني هلق بين ايدي لكن وحياة هالعيون ما ممكن اجبرك ع اشي ما بدك ياه ، ورح انطر لوقت تيجي انتي وبعظمة لسانك تحكيلي اني روح نارة يلي بتدوري عليها
نارة . وبلكي ما كنت انت ؟
مهيار . هالقلب يلي جواتي من اول لحظة وقعت عيني عليكي وانتي متربعة بصالون اهلك وقبل اعرف انك عذمتي حسني في شي بيربطنا سوا واستغفرت ربي لانه وقع نظري ع شي مو حلالي ، لكن لمن عرفت انه هاي انتي وقتها اتأكدت انه انتي فعلا قدري يلي كتبلي ياه ربنا
نارة . ولو ما حبيتك ؟
مهيار . لا تفكري بشي وتعي للننام والله مسطل من تعبي النا تلات ايام سهر
شلحت تياب الصلاة رجعتهم.مكانهم والسجادات طويتهم
نارة .وين رح ننام؟ جيب صوفا
مهيار . الغرفة ما بتوسع تخافيش قلتلك ما رح يصير شي بينا
اخدت مخدة حطيتها بالنص واتمددت
مهيار. ههههههه عاساس المخدة رح تمنعني والله لو بدي ياكي حتى لو حاطة بلوك بيننا باخدك ، لك انتي كتيرك يجي نفسي عليكي بيخلي النار يلي جواتك تنطفى وبتسيحي بين ايدي
نارة. مهيار اسكت احسن
مهيار. هههههههه ما بدك تعترفي انه بتنبسطي بقربي؟بدك تضلي راكبة راسك
نارة. لا ما بنبسط وبتقلعط من قربك
مهيار. عشان هيك قلبك بعلنها حرب وقت قرب
نارة. لا مو صحيح
اجى قرب مني وحكى . تعي نتأكد
نارة.مهيار تتجاوزش الحد
مهيار. لو ماني تعبان كان فرجيتك التجاوز
نارة. نام ختيار مكحكح
مهيار. اخرتك توقعي بين ايديه لهلختيار ويورجيكي طاقاته حااكم صار 35 وهي محبوسة جواته ومستنى يفرغها فيكي😂
نارة. والله انك ما بتستحي
مهيار. اخجل من حلالي يعني
نارة. ينحلو مفاصلك الهي
مهيار.رح نام لفيق بكير واحكي لامي شو صار باول ليلة
نارة.ولي بكرا الكل رح يسال شو رح تقول
مهيار.يلي صار
نارة.لا حبيبي مرتك انا
مهيار 😂 هلق صرت حبيك وصرتي مرتي
نارة. حباب رح تحكي كله تمام
مهيار.تعي صيري جد مرتي بلأول
نارة. مو قلت برضاي
مهيار.ليش قلت بدي اغتصبك متلا
نارة.عشاني🥹
مهيار.غبية اكيد ماحدا ممكن يعرف خصوصياتي انا وياكي حتى لو امي، يلا نامي مسطل نعس
غمض عيونو وغفي جد نعسان
(مهيار)
فقت الصيح متأخر حتى صلاة الفجر راحت عليه ،قمت توضيت صليتها قضى، كانت الخانم لسة نايمة ، ملامحها وهي نايمة جد بتسحرني ، بوجهها بتلاقي الحدية والبراءة بنفس الوقت ،شفافها كبار بس بخلوني اشتهيهم وانفها الصغير يلي بيشيه حبة الشيشبرك بكون نفسي قرصو وليش لاخليها بنفسي
اتمددت حدها وصرت نبش لانفها صارت تلطوش فيني
نارة .تضرب ع هيك صباح شو بظك بتنفي خنقتني
مهيار.كتير صغير كيف تتنفسي فيه ولا معوضة بكبر تمك؟
نارة.انت بكبر انفك ساحب كل الاكسجين ويلي بقيو بكفو حجم انفي
نارة. هيي شبك صفنان
مهيار. معجب
نارة. لك ازا ع جمالي في احلا وازا ع اخلاقي ف هي مش عاجبتك وازا ع لبسي كمان مش عاجبك لشو متمسك فيني وحاببني خاص طلقني
مهيار.لا حبيبتي انتي عندك شي نادر هههه حبيتك عشان جحشنتك لان ما ممكن لاقي اجحش منك
نارة.هوووف نزعتلي طاقتي ينزع صباحك بعد بعد
سبقتها ونزلت لتحت كانو امي وابوي بفطرو
نارة . يسعد صباحك ي عريس
احمد .صبحية مباركو ابني
وقف ابوي ليطلع ع المشفى يلي بلش دوامو فيها وحكى . حضر حالك الاحد الجاي نازلين عالبلد
نارة . لشو ي احمد
احمد .ابوي طلب انا وياه ننزل لامر صىوىي وعلاء جاي هو وعيلته
نارة.شووو لشو بيت علاء يعني نغم رح تكون ، مهيااار والله بغضب عليك لز بترجعها لذمتك
مهيار. امي كيف وصصلتي القصة
نارة.بتخبرهم انه تزوج وخلص
مع نزلة نارة سكرنا الموضوع وسلمت ع امي وابوي
طلع ابوي وغمزتنا امي . شو ي عرسان طمنوني انشالله اموركم تمام
قربت منها وحضنتها وقلت.يخليلي ياها احلا عروس
تركتنا امي وطلعت لبرا وهي تحكي .يلا خدو راحتكم وافطرو انتو سوا
نارة.ممثل بارع
مهيار.مش اكتر منك قال حبيبتي عمتي بشرفك ما بتقولي عمتي الحية بغيابها!
نارة.يشهد ربي بقول اجت عمتي يلي بخلفتها اتدمرت حياتي
مهيار.هههههههههه ولك انتي عقلك مش متناسب والله اصغر من عمرك
نارة. هاي دعوات امي
مهيار.شلون
نارة.الله لا يكبرك😂😂😂
مهيار.طب يلا افطري
نارة.اليوم ما تمشيت حاسة في خلل ،نطلع نشم هوا!
مهيار.ولا يهمك افطري بالاول
(نارة)
فطرما وطلعت اخدت حمام وهو بشرب قهوة مع عمتي ، لبست فستان حلو اخترناه واحنا نشتري الجهاز لفيت شالة ولبست كندرتي كنت لسة بحتار بالشنتة وقت دخل
مهيار.ما اسرعك
نارة.يلا البس
اخد تياب سبور لبسهم بالحمام وكنت مختارة شنتة صغيرة مناسبة ونزلنا سوا
نارة.وين؟
مهيار.ما بعرف هون مطارح انتي وين بدك ! يلا حطيلك.شي موقع بلكي ضيعتينا كمان مرة واخدتينا ع شي تلة مو غابة ورحنا نطينا فوق وادي ونروح فيها الاخر
نارة.في مكان بصور فيه فلوقات لمتابعيني بجلشات الاسترخاء
مهيار.لا حول ولا قوة الا بتلله حطيه يلا
وصلنا لمكان كتير هاظي ورايق وبحبو
جنينة كبيرة كلها ديشة غ قبال البحر وهنيك في عربيات ببيعو اكل كله فريش طبيعي عصائر وسلطات وفي اكلات عالحطب بينعملو
نارة.روح جيب انت عصير رمان فريش وانا رح احجز هون نقعد
مهيار.اوك كيف بدك
تركته راح وحطيت نتتي عالمقعد وشلحت من رجلي وصرت اتمشى حافية
لفتني صوت حدا بيحكي. نارة
مد ايدو ليسلم ونا التخمت ما عرفت شو اتصرف مديت ايدي وسلمت
نارة.عفوا مين حضرتك؟
متابعك عالانستا ،الظاهر عندك تصوير جلسة اليوم ، اشتقنا لكلامك المريح
نارة. شكرا لالك
متى رح ترجعي تنشري الك فترة حارمتينا هالصوت
وقبل لجاوب اي كلمة اجى مهيار مسك ايدي اخد الشنتة وكندرتي وسحبني معه للسيارة حتى بلا ما البس برجلي دخلني السيارة رمى الكندرة والشنتة بحضني خبط الباب ولف من.جهة التانية
مشي بالسيارة وما حكى ولا كلمة هاي اول مرة بسوفو هيك.معصب
نارة.شوو هاد يلي عملتو انت اه فهمني بأي حق هيك بتشحطني؟
وقفت السيارة ع طرف الطريق خبط الدركسيون .والك عين تسالي شو عملت ؟؟ اما انتي ما عملتي شي ماااا
نارة.شو عملت بالله !
مهيار. لك بكل عين وقحة بتسألي ؟ وقت شوف ايد مرتي بين ايد شب شو بدها تكون ردة فعلي فهميني ؟؟ لك انا ما بقدرش احكي معه شي الذنب مو ذنبه ، طالما انتي مرخصة حالك هيك وتكوني عاطية مجال للكل ما فيني لووم اي شب بتطلع عليكي لاني رجال ما عارف ضبها لمرتي
نارة.انا والله ما كان هيك قصدي
مهيار.شو ماكان قصدك ؟ شو ما كان مديتي ايدك وسلمتي وما عاملة اي اعتبار للتور زوجك يلي موكود شو شايفتيني طرطور
مسك ايدي بقوة وحكى .هدوول ما حدا بحقلو يلمسهم غيري، وهالوجي ما حدا بحقلو يتأملو غير عيوني انتي ملك الي ولحالي بس فهمانة؟؟؟؟؟؟
نارة....
مهبار.نارة اسمعي صح عاكيكي ع راحتك وحتى بحقي منك ك رجال ،لكن ان بدك تتمادي اكتر ما تلومي الا حالك
نتر ايدي منه وكمل سواقة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(مهيار)
وقت شفتها بتسلم وبايدها كمان كلع الظم لراسي وجنيت، شو جنت هاي الساحرة الصغيرة بتسلم ع مين بظها وماخدة راحتها وانا محرمة عليه لمستها ، تركت العصير يلي كنت محاسب عليه ورحتلها
ولو اعترضت او فتحت تمها كان ممكن ادفنها بارضها
مت بعرغ كيف وقت كنت ابهدل فيها واصرخ وعيوني بعيوونها اهديت
رجفة ايدها بايدي وانا عم بصرخ فيها خلتني اهدى اكتر
ما بعرف كيف بنسحر وقت اتطلع فيها
فشت غلي بالسواقة وضليت لفلف يمكن شي ساكة وهي ساكتة وصافنة ما ساخية تفتح تمها
اخر شي دقت امي وخبرتني انو بيت خالي عنا
رجعنا سوا بعد ما اشتريتلها كاسة كوكتيل مع بوظة وعليهم مكسرات واكلناهم بالسيارة عالشط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(نارة)
استغربت من حالي كيف كنت عم مثل بكل سهولة اني متزوجتو جد ومبسوطة ومكترة قدام اهلي يلي ضلو سهرانين لنص الليل بعد ما اجى خالد وجايب من مطعمو وجبات ومشاريب وأراجيل جاهزة للشباب
طوال السهرة يتطلع فيني وكل ما تيحي عيني بعينو يعض ع شفتو
الغريب اني ما انزعج من نظراتو ، ما بعرف شو صايرلي وكانه عم حب الوقت يلي بنكون فيه سوا
ما صدقت الكل روح ورتبنا وطلعت فوف دخلت الغرفة ونمت حتى قبل ليجي هو كنت غفيانة
مهيار . نارة نارة فيقي يلا
كنت بعز نومتي ومستمتعه وقت حسيت بايدين عم ينغز بكتفي
نارة . خليني نايمةة شو بدك
مهيار . يلا قومي لتصليي الفجر
نارة . لك الدنيا ليل اتركنيي
مهيار . يلا قومي والا برشك بالمي
فتحت عيوني بصعوبة وشفته رايح ناح الحمام سمعت صوت المي كان عم يتوضى ، شفتو طالع وبإيدو البشكير
مهيار . يلا قومي قومي اتنشطي
نفخت وطميت راسي بالحرام ، طنشني وبلش بصلاته ، بس وقت سمعت القرآن بصوتو ابتسسمت اتجسلت وصرت اتفرج عليه ، خلص صلاة وسلم وقبل يقوم فتح إيديه وحكى . يارب إجلعلني زوج صالح ل نارة مثل ما كان سيدنا محمد زوج صالح لخديجة
اضحكت ع كلامه وقمت توضيت طلت تياب الصلاة وصليت ع السجادة بعد ما قام ، بلشت بالصلاة ، بالعادة ما بصلي صلاة الفجر الا قضى ، كان الجو هدوء وسكون الليل وما في غير صوت تمتمة الصلاة حتى مهيار قاعد وصفنان فيني ، شعور اكتسحني خلاني ما حس بثقل الصلاة وتمنيت لو الصلاة كانت اكتر من 4 ركعات ، شعور اول مرة هيك بحسو واول مرة بخشع لهاد الحد وعيش شعور الأريحية ، سلمت وحكيت ل مهيار . شكرا لانك فيقتني
صار يتضحك
نارة . شبك ؟ بتتمسخر عليه يعني
مهيار . لا بس مبسوط
نارة . ليه بقى ؟
مهيار . لانك بلشتي تحسي بلذة الصلاة ، لذة العبادة ، لذة القرب من ربنا ، هلق وقت تلتزمي اكتر رح تصيري تحبي تصلي حتى بغير مواعيد الصلاة بس لتتواصلي مع ربنا
نارة . اتواصل ؟
مهيار . ليش اسمها صلاة ؟ لانها صلة ، صلة بين العبدة وربه بينك وبينو بتكوني بين ايدين ربنا قلبك وروحك حاضرة وواي دعاء بيستجاب وانتي ساجدة بمحراب صلاتك لو ربنا راد وكان دعاءك خير
نارة . بتعرف انه وقت اعمل تمارين الاسترخاء ما برتاح وبطمئن هالقد
مهيار . ما سمعتي شو قال ربنا بآياته( أَلاَ بِذِكْرِ اللَّهِ تَطْمَئِنُّ الْقُلُوبُ ) ، كلشي بالحياة بحتاج لشي يرويه ويشبعه ، قلبك برتوي بالدم لكن ما بستكين ولا بهدى هو ورحك غير لتغذيه بالقرب من ربنا
نارة . ومعقول ربنا بيغفر الذنوب يلي قبل ؟
مهيار . ربنا شو قال ؟ {قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}
نارة . هلا كمان سؤال
مهيار . اسالي يا ستي لشوف هههه
نارة . سمعتك بتقول زوج صالح متل محمد كيف يعني رح بتعامل مرتك ؟
مهيار . اكيد رح بعاملها ع مبدأ رفقا بالقوارير ، بالنهاية هي انخلقت من ضلعي رح صونها واحميها واحتويها طالما هي رح تكون حافظة العقد ، وصاينة العهد وصاينة حالها لزوجها ، تكون محترمتني ومقدرتني وقتها بكون ألها كل الكون ، لكن لو كانت ناشز وقتها رح ألجأ لأسلوب تعامل تاني
نارة . اسلوب تاني شو حتضربها يعني ؟
مهيار . اذا لزم الامر
نارة . بالله شوو
مهيار . : ربنا عز وجل قال (وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا) ، اكيد لو كان عقلها في سكة تانية وبس عناد فيني ، وانا رجال متقي ربنا فيها وهي تعصي طلباتي وترد بوجهي وبحكيلها عن شي لا وبتروح تعمله وقتها رح بحكي معها تنبيه تحذير والحاسمة القسم
نارة . ليش ما تكون انت الغلط مو هي
مهيار ..ازا انبهتي حكيتلك رجال متقي ربنا فيها مو اكون انا غلط وعاقبها ع شي انا بعمله اوبعمل شي موازي اله
نارة . مممم
مهيار ..اي شو خفتي عحالك اضربك مرتي ؟ بطلي عناد وردي ع زوجك ما بضربك
نارة . مو لكون مرتك بالأول
مهيار . والله هاي الحقيقة انتي فعلا مرتي
نارة. نحنا تزوجنا رهان ولو ما جيتك خلال هالشهر رح بتطلقني والطلاق متأكدة مفروع منه رح بصير
مهيار . أولا يا زوجتي العزيزة الرهان حرام
نارة . بس انت راهنتني
مهيار . كنت ماخدك ع قد عقلك
نارة ..حتى لو نحن متفقين
ميهار . والزواج المتفق باطل
نارة . بلا هبل نحنا اتفقنا ما فيك تخلف
مهيار . سايرت جدبتك هههههههه ليش لطلق ومرتي عاجبتني
نارة . طب قوم قوم من مكاني بدي نام
مهيار . هههههه قال بتسال كيف رح تعامل مرتك ، بسبب عنادها وكبر راسها ما قابلة تسالني كيف رح تعاملني 😂
قمت عن السجادة طويتها
نارة . يلاا قوم عن الغطى بدي نام
مهيار . انخمدي لشوف نامي
نارة . هيك.الرفق بالقوارير انخمدي بتقلي
ميهار . هههههههه طيب يلا بنعيد المشهد نامي يا قارورتي نامي يا أجمل قارورة موقوتة😂
نارة . شو شايفني قنبلةة
ممهيارة. ههههههه انتي قارورة غاز
نارة . اي لكن بس لخلص نومتي بكون مجمعة طاقة وقتها لخلي هالقارورة تنفجر فيك طفي ضو وحاج لعي
مهيار . يا عيب الشوم هيك بتحاكي زوجك
نارة . جوزي عالورق
اجى قرب وجهو مني وهو لسة قاعد عالتخت بحدي
مهيار . اذا بدك بنصير مو بس عالورق حاكم هلأ مبارك ومستحب الحلال وقت الفجر😉
نارة . يحلوو مفاصلك إلهيي نااااااام
مهيار . ههههههههههه هلق كنتي تصلي شو لحقو أتباعك يطلعو
نارة . اتركني نام لا اخليهم يلبسوكك كمان
مهيار . ههههههه طيب سكتت نامي
طفى الضو وشغل تلفونو اتطلعت فيه بطرف عيني كان فاتح تطبيق القران وبلش يقرأ ، وانا خلص سحبني النوم وغفيت ما قدرت فتح اكتر ، اصلا هاد انجاز لازم يتسجل بالتاريخ اني فقت بهالوقت .
،،،،،،،،،،،،،،،،،،،،،،،،،،،،،،،،،،،،
(ببيت محمد)
منى.من وين يعني طلعتولي بهالفنة هاي؟
سارة.امي بنتي بتعرفي انو كانو بكمل دراسة وهلق وقت طلعلتو المنحة بلندن ما بقظر قلو ما بدي
نجلاء.مرت عمي يعني بالنهاية هو زوجها
معتصم .لشو بلشتي تعبكي هي يعني بكرا مسافرة
نكشتو نجلاء .وك اسكت بعد بكرا سفرتو
معتصم .اي معك حق بلش عيكي ما معك وقت من هون لبعد بكرا
محمد .خلص استهدي بالله يا مرة كلهن سنتين وراجعين ولا تنسى اهله للشب هون اكيد رح يجي يزورهم
قامت سارة عن كرستها وارحت حضنت امها
سار.خلص امي بترجاكي لا تصعبي الموضوع عليه
منى. لك انتي متخيلةة الصعوبة كيف بدك تبعدي عني هيك لبلد تاني و الاشنع انتو التلاتة شمعات بيتي تتركوني ينفس الشهر
محمد .بنجدد شبابنا لحالنا ي مرا😂
معتصم .اضرررب
منى.لك انا متعودة ع وجودهم.ونفسهم بالبيت كيف هلق رح يفضى البيت ونصفى لحالنت
نجلاء.خلص مرت عمي الك نيجي ونسكن عندك
معصتم .ايوة بتقرر من حالها مرتي
منى. جد.ي بنتي
نجلاء .خلص الك نيجي نسكن معك وعد مني
معتصم 😳
محمد .مش عاجبك بشوف
معتصم.والله مكيف بناكل طبخ امي احسن ما ناكل معكرونة محروقة😂😂😂
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(نارة)
فقت ع رنة المنبه يلي عيرتها من جديد وصرت كليوم اتمشى بجنينة البيت بكير
فتحت عيوني وكان الاخ متجلس وعالااب
نارة.صباح الخير
مهيار.صباح النكد بربك ترجعي تنامي للامانة قضيت كم ساعة من الفجر لهلق بلاكي رواق
نارة.شو مع مين بتحكي بتطق حنك مع بنات مو؟
مهيار. ناقصني ما بكفيني انتي ولسة احكي مع بنات كمان؟؟بس ما تكوني غيرانة مرتي
نارة.ييي وعشو بدي غار دخلك ما بهمني اصلا
مهيار. يلا حطي راسك عالمخدة وارجعني نامي
نارة.مخدة؟؟؟
مهيار شبك
نارة.بتعرف هلق خطرلي مخدة
مهيار .اما فكرة فظيعة فعلا مخدة
نارة. اذا نام الانسان عالمخدة بحط مخه و خده عليها صح
مهيار.اي وشو الاكتشاف العظيم هاد؟
نار.مخ + خده =مخدة
مهيار. ملا اكتشاف سبحان الله ع هالذكاء سبقتى اينشتاين
نارة.اللهم زدني علما وتواضعا
مهيار.طب ارجعي انقبري نامي بللاش ازيدك هلق تواضع لدرجة ما تقدري ترفعي رقبتك من قمة التواضع
نارة.لا شوو نام نسيان اليوم اختي وعز مسافرين ، اخخ رجلية امي هلكتنا مبارح ونحنا نلف بالسوق لنشتري للست سارة
مهيار.كله هبل اخر شي بتحطهم عالرف وما بتلبس شي
نارة.لا ليه والله شغلات عرايسية بجننو بكرا بتصير تلبسلو كل يوم لون
مهيار.متلك بالضبط كل يوم بيجامة لون
نارة.وتنساش كل وحدة موديل مختلف😂
مهيار.الله يصبرني بس
نارة.لا شو ما بدي
مهيار.ولا بطل اصبر
نارة.بتصير تشوك حبيبي
مهيار.ع اساس مقطعة حالك لتحضنيني يعني لك صابني جفاف
نارة.وتصحر يصيبك كمان عادي
مهيار.يعنني انتي لا بتحبيني ولا بتحترميني ولا معيشتيني اجواء حلوة لشوو داخلة حياتي تحرميني النسوان؟
نارة. اي عندك مانع
حط اللاب ع جنب ولف لعندي
مهيار.شو الشغلة احتكار لا بترحميني ولا بتخلي غيرك يرحمني
نارة . اي والله يرجمك لو بتفكر تخلي غيري يرحمك
قرب مني اكتر وحط ايدو ع خدي .لكن ارحميني انتي حاجتي بالنهاية انا بشر من طين ومي وعندي قدرة تحمل
نارة.اي لسة بتتحمل اكتر
قرب وطبع بوسة ع رقبتي ونا عيوني بطالعو قلوب وقلبي بينبض بقوة
مهيار وحياتك الرحمة من غيرك عذاب ، ما بدي غير هالقلب يحن وحتى قسوتو شايفها رحمة وهو بقربي
نارة. مهيار
مهيار. شو يا نارة قلبي
نارة.هووووووووف بعد عني
مهبار.وك مالك هس كنتي طبيعية
نارة.لك انت خربطت افكاري بعد هيك
مهيار.قال ما بتحبني لك ميتة ميتة فيني
قمت بسرعة احسن ما انجذب لطاقتو اكتر بدلت تيابي وهووكان لسة عاللاب ابصر شو بشتغل وبحكي مع واحد عن بيع نادي ما نادي شكله انباع النادي هناك بالبلد وعم يحولو الفلوس
مرو هالأكم يوم ما بعرف كيف بسرعة السبت المسا كنا سهرانين بالجنينة انا وعمتي وعمي ومهيار
احمد .جهزت غراضك مو؟
مهيار. هلق بضب كم قطعة تياب
نارة. لشو؟
نارة.مو مخبر مرتك
مهيار.والله راح عن بالي
نارة. ايش مهيار؟
مهيار.بكرا نازل انا وابوي عالبلد يومين وراجعين
نارة.ليش بقى
احمد .بعرف انكم عرسان ي بنتي بس ابوي طلبنا لا تقلقي يومين وراجعين ماخد اجازة من المشفى ما بقدر اتاخر اكتر
مهيار. طالع نام لفيق بكير مشي نارة
نارة. عن اذنكون تصبحو ع خير
طلعت معه ودخلنا عالغرفة
نارة.شو نشالله متى كنت ناوي تخبرني بنزلتك سيد مهيار؟
مهيار.لك لانه الموضوع مو مهم راح عن بالي
نارة.هو يلي مش مهم ولا انا يلي اخر همك بالدنيا !
مهيار.لك شو هالحكي مالك ؟ طبعا لا
نارة.مبلا ولا مو مكلف خاطرك تخبرني لوما هلق عمي حكى ما بعرف
مشعارفة ليش كنت حساسة وجد اتدايقت لدرجة نزلو دموعي
طلع من الحمام وانا لسة واقفة مكاني ،قرب مني ورفع ذقني بإيدو
مهيار.شبها نارتي منكدة؟ شكله نكد هرمونات ؟
نارة. متدايقة منك ئي
مهيار.ليش ي قلبي
نارة. يعني مو شايلني من ارضي صح نحنا رح نتطلق بس ما بمنع انك تحكيلي
مهيار.ما بدنا نخلص من موضوع الطلاق ؟
نارة.كل ما تغلط معي رح اتزكرو
مهيار.لك هلق بتشحر شو غلطت انا لك ورحمة كل اموات المسلمين نسيت لانه الشي مش ببالي حتى تياب مش مجهز
نارة.ئيي هاين عليك تروح وتتركني يعني وانا عرووس
شدني من زندي وخبطني فيه، حط ايدو ع خصري والتانية فكلي الشالة فيها ورماها عالتخت ورجع اصابيعو يلعبو بفروة راسي
مهيار.عم تلعبي باعصابي انتي ؟
نارة.لا
مهيار.لكن قليلي شو يلي عم تعملي فيني؟
نارة.شو عم بعمل 😌😌
مهيار.عارفة مكانتك جواتي وعم تجننيني بحركاتك ؟
نارة.لا والله
مهيار.ولا لكن شو هالحركات هي ؟
رفعت ايدي وصرت مشي اصابعي ع ذقنو وانا اضحك بطريقة رفعت مستوى حرارة جسمو . يمكن قررت إشفق عليك
مهيار.يعني عارفة انو قلبي ميت عليكي
نارة.اي شايفتك عم تتلوى وقررت ارحمك شوي
مهيار.لك هو انا بس تلوييت ؟ لك انا عم احترق بنارك
نارة.هههههههههه معلش هربج ولع لحتى ما تفكر بغيري😌
شدني من خصري اكتر وشد ايديه ع خصري
مهيار.يعني ما في فخ ؟
نارة. هههههه لا
مهيار. اكيد؟
نارة.خطي بكفيك
مهيار.شايفتيني وتاركتيني ما تخافي ربك انتي؟
نارة.انت خفيف وغرقت بشربة مي في حدا بحب بهالسرعة
مهيار.غرقت فيكي وحياتك من اول جلسة استرخاء بالبلوزة ام نص بطن ذبت فيه هالبطن الممشوق
نارة.اي كش كش عليه واضح انك نسونجي ومكتر ولسانك متعود على هالحكي
مهيار. الله يسامحك وحياتك ما بطلعو غير مع هالعيون يلي دوخوني
نارة .مممم لهيك نسيت تخبرني
مهيار.رجعنا لنفس القصة
نارة.اي ولا في مين هنيك حاب تروح تشوفو وخفت قول بدي اجي معك
مهيار.كشفتيني ؟ اي ورايح لاتزوج عليكي كمان
عضيتو بدراعو ودغري فك ايديه عن خصري.لكك يا عضاضةة شو عملتيي
نارة. لتتعلم المزح صح
اجيت لارفع الغطى بدي اتمدد الا وايدو مسكتني ولفني بكل قووة اجيت بحضنو وقبل اي حركة مني حاوط وجهي وراسي بايديه وطبع بوسة ع شفافي
بعد عندي وصوت نفسو عالي ودقات قلبه مسموعة اتنهد وحكى. لكك دخيل الله انا لك طالما حاببتيتي وبتغاري عليه لشو عم تلويني وما بتعترفي
نارة.لا مين حكى انا لسة عم دور ع توأم روحي
مهيار.هههههههههه
ضحك بصوت عالي وشد عليه الحضن وحكى.ولكك كبر راسك بعجبني ي بنت متى رح تكسري هالغرور وتعترفي بقى
نارة. اي عشان تكسب الشرط وتتملكني موووو
مهيار.ههههههه هلق انتي رافضة تعترفي كرمال هيك؟؟؟
نارة.مهيار اتركني حاج بقى يلا بدك تنام وتفيق بكير
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
~*_❀{‹‹نـهـايـةة الـبـارت››}❀_*~