الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم روح النارة مهيار`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء التاني،،،
ـــــــــــــــــــــــــــــــــــــــــــــــــــــــــــــــ
(خالد)
القعدة فوق الجسر ومنظر البحر خرافي وأضواء السفن والمنارة شي بياخد العقل ، بعد ما اجتني مكالمتها ودعت الشباب يلي كنت سهران معهم ، ركبت موتوري اخدت اقصر طريق ودغري ع بيت عمي
معتصم هلق اكيد عرف ، وهو من غير شي ما بهضمني وبخاف يلعب بعقل عمي ويفتتلو ويرفض خطبتنا
وصلت بعد نص ساعة بالتمام والكمال ودخلت من بوابة البيت الخارجية
،،،،،،،،،،،،،،،،،،،،،،،،،،،،،،،،،،،،،،،
(يارا)
كنت بغرفتي ومرعوبة من ردة فعل خالد يلي ما عاد رد ع مكالماتي ، لوقت سمعت صوت موتور تحت ، اي اكيد هاد هو ، والله هاد محنون بعملها
رفعت الستارة وشفتو ، ييي يقبرني شو بحبو وبحب هبلاتوو ، نزلت لتحت ركض ووقفت ورا الباب بلا ما يشوفوني لاسمع شو رح يحكو
شال الخوذة عن راسو حطها ع كرسي المووتور ودخل بتيابو المخصصين لركب الموتور يما هيبة هيبة
خالد . مسا الخير ي جماعة
منى . صرت جاي لسة ما لحقت تخبركك
أشر ناح نارة وحكى . شبها هاي هيك
معتصم . اتركها بلاش تقوم تفرغ طاقتها فيك
خالد . لا دخيلك مهي من الله ما بتطيقني
معتصم . يعني عارف ولا حدا هون بطيقك وفوق هيك جاي برجليك ؟ للأمانة بهنيك على هالثقة
خالد . من هالكومة بدنا عود
منى . عود إلي ينغزك الهي
معتصم . شيل هالعلكة من تمك وخرف متل الزلم شد حنكك
خالد . مش فاهم انت ليش ما بتطيقني شو بدك فيه
معصتم ..ولك انا قد ابوك لازم تحترمني
محمد . ابني خالد ، معتصم بحبك بس هو بعشم عليك متل اخوه وبدو ياك تصير صلب جامد رجال عن حق
خالد . والله يا عمي طالما انا شغلي ماشي ، وملتزم بديني شو اعمل اكتر يعني ؟ اذا عشان الموتور ف متلو متل السيارة يعني
معتصم . اه الكافيه شغل ؟
خالد . عفكرة الكافيه اشهر من نار ع علم هون ، وعمرت فوقو مطعم افتتاحه قريب ، وغير هيك عم حضر ل منتزه عائلي وكله هاد من تعبيي
معتصم . وشلة الهمل والزعران يلي مرافقهم ووالله اختي ما بعطيك ياها
خالد . عمي ع بلاطة انا جاي وطالب منك انت مش من غيرك ايد يارا ع سنة الله ورسوله
معصتم (حكى بعصبية وهو بكز ع اسنانو من المصيبة يلي قبالو) . ولك يارااا
وانا من غبائي حكيت . نعم أخي
منى . انتي شو بتعمليي هون ؟
معتصم . مجنونة و شي طبيعي تحب واحد خالع متلها
محمد . لك انت ابني ما بتعرف بالاصول ؟ ما بتعرف كيف بنطلبو بنات العالم والناس ؟
معصتم . هه اهلين اصول شو فهمو بس لو قلتلو دق طبول
خالد . ولك حاج انت شو خصك فينا مش عشت حياتك وتزوجت تركنا نشوف حياتنا نحنا
محمد . بتجيب امك وابوك وبتجي تطلبها مش هيك من راسك جاييني ع موتور باخر الليل وتقلي بدك ياها
خالد . يعني هلق حبككت بدك اخوك بكرا بجبلك ياه بس عطيني الموافقة بالاول
منى . وليي سكت ابن اخوك قبل لانجلط منه
محمد . بس تيجي مع اهلك بنحكي
خالد . والله ما بقوم غير لتقلي عطيتكك بنتي يارا
محمد ..لا حول ولا قوة الا بالله العلي العظيم
معصتم . والله والنعم من هيك صهر
خالد . احمد ربك عليه نعمة نعمة
محمد . حاج انت وياه
معتصم . يعني انتي ما لقيتي غير هاد ما تاخدي واحد اكبر منك واعقل مش انتي وياه جيال ، جاية تحبي مجنون ومكتر
خالد . احنا هيك وعاجبنا جناننا ومكيفين جوزونا لبعض وبنكفيكم شر هبلنا صح يارا (وغمزني)
يارا . هههههههههه ولك اسكت اسكت
منى . الله يصبرني بسس
محمد . يلا قوم ع بيتك وبكرا بترجعو وبتطلبوها
خالد . انشالله ما بقوم الا لتقلي موافق
منى . يا غبي لو مانو موافق اكيد مش رح يقلك جيب اهلك وتعى
خالد ..حتى لو قلي عطيتك بنتي يارا
محمد ..طيب يلا قوم من خلقتي عطيتك بنتي يارا
خالد . وانا قبلتها منك يا عمي ههههههه وهيك صارت مرتي
معتصم . تفقع مرارتك قوم انقلع
خالد . والله ان بتزودها باخدها معي وبمشي خلص الزواج رضى وقبول قلي عطيتك قلتلو قبلت صارت مرتي هيك ما فيكون تعترضو ع حكينا
لفينا ع صوت نارة وقفت وهي تحكي . ولي ولي شفت كابوس ، اتطلعت علينا شهقت وحكت . لا مو كابوس ليكو خالد فعلا عنا
خالد . تعي باركيلي صرت جوز اختك
محمد . نارة عدلي شالك
نارة . اختي جدبة مين بدو يتحملها غير اجدب متلها
خالد . اي بكرا بنشوف عديلي مهيار كم بدو يتحملك انتي
معصتم . وانت شو عرفك بقصة مهيار ؟
يارا . لك خالد اسكت فضحتني
معصتم . اول الرقص حنجلي اختي يا ويلك تيجي تشكيني منه
يارا . ما عليك اخي
منى . طب اسكتي اسكتي
خالد . يسعد الله محلاكي بنت عمي😂
محمد . العمى عنجد يلي استحو ماتو ، انقلع
وقف ابوي وهو بضحك ومعصب بنفس الوقت وبأشرلو عالباب . يلا يلا درمل من هون
خالد . يلا عن اذنكون بس بعينكم الله ديرو بالكم ع مرتي لوقت اجي اخدها😂 يلا تصبحي ع خير حماتي حياتي
منى . لله في خلقه شؤؤوون
ركب المووتور ومشي وانا لسة عيوني لاحقته
منى . حاج تطلعي راح الصبي
معصتم . يعني مش فاهم كيف انتو بتفكرو جد بدكم تعطوه ياه هاد داشر
منى . عيب بضل ابن عمك
يارا . امي يعني انتي قبلانة
منى . لك يا بنتي لمن شوف حدا بحب بنتي وبدو ياها ليش لارفض ، بس عز عليه انه هو مخبر امه وانا امك ويلي بعاملك متل رفيقتي انتي وخواتك اخر من يعلم
رحت مشيت ناح امي بوست راسها . يخليلي ياكي يا حنونة اسفة بس جد خفت تعصبي
نارة . بابا انا طالعة ارتاح ، بتخبر عمتي كتب الكتاب هاد الشهر قبل جامعتي ما بدي اتهلى
محمد . هما مستعجلين ف اكيد يكون هاليومين
نارة . تمام ، يلا لكان تصبحو ع خير
طلعت ع غرفتي ورنيت ل خالد
خالد ..اه ي حب
يارا . هلا وغلااا
خالد . اما كيف المفاجأة
يارا ..كلهن انصدموو مش بس انا😂😂
خالد . اي خلص لحتى يعرفو اني بحب بنتهم وبدي ياها
يارا . هههههههههههههه حتى لو !! ما في نحكي الا لنكتب الكتاب لو يسمعني هلا ابوي بدفني
خالد . مش قلي عطيتك خلص صرتي مرتي
يارا ..لك شلون خطرلك هيك ؟
خالد . شبعرفني بتيجي مع الهبل دبل
يارا .لك جبتلو الفالج لمعتصم 😂
خالد . وهو التاني ضروري يكون عاقل ويعايروني فيه😂
يارا . طيب يلا طير خليني اعرف نام وروح ع شغلي 😂
،،،،،،،،،،،،،،،،،،،،،،،،،،،،،،،،،،،
الصبح بالبيت ع طاولة السفرة
محمد ..شو وين الولاد
منى . يارا طلعت ع شغلها وسارة بتعرف بتشتغل من البيت ، ومعصتم بكير راح عالشركة
محمد . وهديك المنفصلة عن العيلة
منى . لك ناسيها اصلا يمكن طلعت تركض ع بكير
محمد . اسمعي تا اقلك انا هاد لبسها كله مش عاجبني ولا تصرفاتها حاكيها انتي بهدوء حتى ما جن عليها
منى . خلص لا تقلق بحاكيها
محمد . منيح يلي وافقت ع مهيار خلص خليها تتزوج بلكي عقلت
منى . والله خايفة
محمد . بنتك بتضبع بلد
منى . مش خايف ع بنتي ، خايف عالمسكين مهيار بيني وبينك بنتنا مجنونة فيوزاتها ضاربة
محمد . لو غير مهيار ما بزوجها ، هو عاقل وراكز رح يدبر حالو معها وقرايبنا منيح ما جابتلنا شي واحد ما بنعرفه ويطلع مجنونن متلها ويتطلقو
منى . ييي الله بختار الاحسن الحمدلله يلي ربنا وفق بناتي واختارلهم نصيب منيح
محمد . يلا انا طالع عالشركة بدك شي ؟
منى . سلامتك حبيبي
،،،،،،،،،،،،،،،،،،،،،،،،،،،،
(مهيار)
كنت بالنادي وقت ابوي بعتلي وراق بنت خالي الظاهر وافقت ، عملت منهم نسخ ورقية ، واخدت وراق النادي لحتى اعمل وكالة لرفيقي يقدر يبيعه وقت يجي زبون منيح
اخدت كلشي وراق معي وطلعت عالداخلية جبت طوابع وبلشت بالمعاملات
وصلت العصر ع البيت
احمد . وصلوك وراق بنت خالك
مهيار ..اي وبلشت فيهم ، بكرا ع 2 كتب الكتاب بجيب شيخ المحكمة عنا عالبيت
احمد . ممتاز
نارة . كم بدهم وراقك ليجهزو وتقدر تسافر ؟
مهيار . بدهم شي اسبوع بس بعرف واحد رح يساعدني يومين تلاتة بجهزو
احمد . والنادي ؟
مهيار . عملت وكالة لشريكي
نارة . ليش ما يضل فاتحه لحالو ؟
مهيار ..وضعو ما بسمح وانا الكوتش فيه وقت روح رح ينجبر يوظف كوتش تاني وشايفة هالاوضاع كل مالها للأسوأ
نارة . خلص يعني بكرا عالأكيد كتب الكتاب
مهيار . اي بكرا خبري بيت خالي
،،،،،،،،،،،،،،،،،،،،،،،،،،،
(نارة)
رجعت الصبح من الجنينة يلي بركض فيها يوميا ، اخدت حمام دافي اكلت سلطة فواكة وصحن بوشار حضرت مسلسل أيام الدراسة عشقي يلي ما بمل منه قد ما أعيدو
كنت بالصالون دخل ابوي وهو بحكي تلفون ، سكر تلفونو حطو بجيبتو ودخل
محمد . مسا الخير ، وين امك ؟
اجت امي نزلت عن الدرج
منى . يعطيك العافية حبيبي اهلا وسهلا
محمد . كمان شوي جاييين بيت اخي
منى . كرمال يارا ؟
كانت يارا واقفة فوق عند باب غرفتها وعارفة بجيتهم ما بدها تنين بحكو فيها
يارا بحماس . اي اي امي كرمالي
اتطلعو التنين لفوق فيها متفاجئين بوجودها
اتنهد ابوي وحكى . حطيلي حطيلي عشا قبل ليجو
شوي ودخل معتصم
معصتم . اخخ روايح طبخ امي
نارة . مينو اطيب طبخا ولا طبخ نجلاء
معصتم ..محراك الشر اسكتي
محمد . انتي بكرا كتب كتابك ع الساعة 2
اتجلست منيح
نارة . شو متحمش ابن عمتي
محمد . بدو يخلص وراقو يعني لمتى بدهم يضلو يماطلو ، زوج عمتك اتفق مع مشفى هون ورح يبلش دوامو كمان أسبوع
نارة . اه شي حلوو واخونا بالله شو رح يشتغل
معصتم . رح يصير زوجك ما بصير تحكي هيك اختي عيب
محمد . ما بعرف بس اكيد ما رح يبقى بلا شغل يلي فهمته انه عارض النادي تبعه للبيع هنيك
اجت امي جابت العشا وانا معدتي صارت تلعي من شوفة اللحم يلي عملتو قال كتفة قال
حملت حالي وطلعت ع غرفتيي
،،،،،،،،،،،،،،،،،،،،،،،،،،،،،،،،،،،،،،،،
(يارا)
مشعارفة لشو العرايس بتوترو وقت طلبتهم😂 اول ما سمعت رنة الجرس دشعت لافتح بس صوت معتصم استوقفني
معصتم . وين داشعة مش قاشعة ارجعي عند امي اقعدي
دخلو بيت عمي وعيونو كانت عليه واخرتو يجيب النقطة لمعصتم قد ما بياكل علكة😂
بلش عمي وابوي ومعتصم يحكو عن الشركة وخراريف
خارج نطاق اهتمامي ، مرت عمي وامي وسارة ما سكتو ونارة ع تلفونها
اما انا وخالد بلشانين مسجات ونظرات من تحت لتحت
خالد. والله هلق لانفجر فيهم جلطوني اسهم طالعة واسهم نازلة 😂
يارا . بربك لا تتهبل لا تفضحننا ،، معتصم على عيونو كل يلي بصير مش موافق
خالد . يجعلو لا يوافق ، ولك هاد لشو مثالي هالقد ولي رح طق منه هو ابوي نسخة😂
يارا . ههههههه عدل قعدتك لا هس ابوي يدفنك بتزاور فيك
خالد. يمكن شكو فينا😂 اسمعي اسمعي شو رح اعمل
لسة ما لحقت اكتبلو تعملش اشي الا حكى . شو مطوليين خراريف فش الها داعي بلشو بموضوعي يلا
معصتم . ع شو مستعجل
خالد . انت شو خصككك
معصتم ..مستعجل بدك تروح تصيع ما
خالد . يي كشفتني خسارة
محمود . وك انت بدكيش تركز وتعقل
سهير . رح موت من ورا عمايلو يا خوفي شي يوم يقلب فيه هالموتور وتيجيني السكتة لك اعقل ابني اعقل
معصتم. ليش هاد بعرف شو يعني عقل
سهير . شكلك رح تاخد بتاري منه انت
محمد . مالكم ع الصبي انتو
خالد ..مش فاهم انتو جايين تخطبولي ولا تبهدلوني ؟
منى . هههههههههه ليش هو حدا مقتنع انه شكلك شكل عريس
اتطلع فيني وحكى . يارا موافقة تتزوجيني ؟
زي الغبية وبدون ثقل وبدون اي مقدمات وعيوني بطالعو قلوب والضحكة لورا أذاني . اي موافقةة 😍😍
كلهم صفنو فينا وبحلقو
خالد . شبكم مو هاد الموضوع يلي جايين عشانو
معتصم . والله عمي ابنك بدو فركة اذن مرتبة
محمد . مالكم لهدرجة قارشين ملحته اتركوه يعيش حياتو
معتصم . من وينتا والشمس ترقعنا الله يرحم مطراق الرمان بشهد وقت كنت اتاخر عن الدار ولا البهادل
محمود . عشان هيك طلعت رجال مش متل المسطرة يلي عندي
نارة . اي معو حق خلص اطلبولو ياها شو جايين تشرشحوه 😂 مهو من الله شرشوح 😂 لا تزيدوها عليه
خالد . يسسعد روحك بنت العم اول مرة بتحكي شي مدوزن بغض النظر عن قلة احترامك الي😂
محمود . ليش هو عطى مجال ليكو جايبنا رفع عتب طلب واخد موافقة كمان
محمد . مالكم ع الصبي انتوو ، ابني انا عطيتكك اذا الله عطاك
وقف خالد تحمس وقار يزقف
خالد . لكك ينصر دينككك
ودشع ع أبوي وباس راسو
منى . الله يكبر مخكك
محمد . ولك عندي ياك بغلاوة معتصم رغم كل فصولك
محمود . هاي صار صهرك كمان خدو مباركك عليك
خالد . يارا اطلعي جهزي غرفتك باقي عندكم الليلة
معصتم . تطلع روحك الهي وانتي انقلعي اعمليلنا قهوة نشربها ع روحو
يارا . بعيد الشر عنه أخي
خالد . ههههههههههههه
سهير . يارا بربك لا تنعدي منه
يارا . مرت عمي انتو جوزونا وانسونا خلص 😂
خالد . اي والله حتى تزوروناش ، زورونااا كل سنةةة مرةةة
يارا . لا حرام حبيبي رح يشتاقو لهبلنا بتحداهم ازا بقدرو بدوننا كم يوم
معصتم يحبك برص و عشرة خرس الهي
والكل كان يضحك
شلح معتصم حفايته البيتية ورماها عليها وانا هاربة عالمطبخ اعمل قهوة😂
ما طلع خالد من البيت الا وهني متفقين بعد بكرا ننزل عالمحكمة نكتب الكتاب لان بكرا كتب كتاب نارة اختي
،،،،،،،،،،،،،،،،،،،،،،،،،،،،،،،،،،،،،،،،
(مهيار)
اليوم صحيت بكير طلعت عالنادي لملت اغراضي الخاصة حطيتهن بالسيارة ، وسلمت الوكالة ل شريكي نادر ، وطلعت عالمحكمة لجيب الشيخ يلي رح يكتب الكتاب
قال كتب كتاب عن طريق فيديو 😂 لوين وصلنا جدد يا خوفي بكرا تصير تحبل الوحدة عن طريق البلوتوث ولا برسالة واتس
والولادة ع كبسة زر😂
والله كل هالموضوع ما هو داخل مخي ولا الي نفس اترك هون وروح ، عيشة هناك لا دين ولا ما يحزنون ما في التزام وشي اجانب وكل الديانات ، انا هون ولدت وهون ربيت والحمدلله ما بحب غير الالتزام والدين الصح ، اما امشي وشوف شي وحدة مفرعة وطالعة بطيرو ضبنات عقلي ، ابوي عاش هناك سنين ودرس وتخرج واتعرف ع امي واتزوجز واجى فيها لهون ، امي الوحيدة هون من اخوتها
وصلت المحكمة واجى معي الشيخ ، اخدت طريق البيت وتيسرت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(نارة)
ولييي باقي ساعة وحدة لوقت كتب الكتاب التوتر عندي مليون حملت تلفوني واتصلت ع معتصم
معصتم ..اي اختي ؟
نارة . وين انت ؟
معصتم . بالشركة خير في شي ؟
نارة . باقي ساعة لكتب الكتاب بترجاك تعى
معصتم . ابوي وامي عندك صح
نارة. حتى لو تعى حبيبي🥹
معصتم . طيب في بايدي كم ملف بخلصهم وبجي
نارة . تتاخرششش يلا
معصتم . نارة حاج مش مستاهلة كل هالتوتر اهدي
سكرت الخط ورحت عالمطبخ شي اشرب مي باردة شي بوظة هووف وشوي اخد شهيق وزفير والوقت مالو اليوم بركض ركض 🤦🏻♀ لاني ما بدي الساعة تصير 2 شوي وصارت
قعدنا انا وابي عالصوفا وقبالنا عالطاولة اللابتوب مفتوح
وامي عالصوفا يلي ورا شاشة اللاب مو مبينة ، شوية ودخل معتصم ، دخل قعد بحدي
معتصم . ههههههه شبك متلجة هيك
نارة . اسكت اسكت
رن اللاب مكالمة من حساب جوز عمتي ع حساب ابوي وانا انمغصت وليي زحمت بدي حمام
معصتم .وين رايحةةة
نارة . هلق برجع
ركضت شكلو رح نام بالحمام اليوم ، اجت امي استعجلتني
منى . شو عصيتي بالحمام تعي يلا رح يبلشو
رجعت قعدت وما كان مبين حد غير الشيخ
الشيخ . السلام عليكم بنتي
نارة . وعليكم السلام
الشيخ . انتي نارة محمد سعيد العمران
نارة . اي نعم
الشيخ ..موافقة على زواجك من مهيار أحمد تحسين المُهر ؟
نارة . اي موافقة
الشيخ . موافقة على توكيل والدك بعقد الزواج ؟
نارة. اي موافقة
الشيخ . استاز محمد
محمد ..معك شيخي
قمت من مكاني بسرعة ورحت قعدت عالصوفا بحد امي واخدت قنية المي عن الطاولة وبلشت دلعب مية
منى بهمس . لك ليش قمتي
نارة . خلص شو بدهم فيني؟ خلص شغله معي
سمعت صوت مهيار وهو يقول قبلت بعد ما ابوي حكالو زوجتك ابنتي وليي حتى لو اني مخططة اتركو بس كرمال يجي هون بس والله شي مرعب ، كيف هلق انتقلت من عهدة ابوي لعهدته خاصة بعد ما حكى الشيخ زوج وزجة صرت اشرب مية كمية اكبر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(سارة)
خلصت شغل ترجمة مقالات بعتهم ببريد للاذاعة ، قمت تحممت والبست ، اليوم عطلة عز ما بفتح عيادته بدنا نتقابل سوا😍
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(يارا)
خلصت شغلي بمركز الأشعة وروحت عالبيت ،دخلت وكانو اهلي حوالين اللاب امي اخي وابي الظاهر كتبو الكتاب ، ابصر شبها الجدبة اختي عالصوفا بعيدة وبتشرب مي
يارا بهمس . شبك قاعدو هون ؟ كتبتو الكتاب
نارة . اي
يارا . شفتيه حلو ما ؟ عجبك
نارة. لا ما شفتو
يارا . ليش عزا يا غبية
نارة. شو خصك فيني انقلعي لا جناني يطلع عليكي
رحت وقفت مع اهلي ورا اللاب كان عمي احمد يحكي مع ابوي
معصتم . الف مبارك خيااا مهيار
مهيار . يبارك بعمرك يخووي
يارا . ابن عمتي قلبي معك الله يكون بعونك ويخفف عليك بلوتك
منى . ولك يارا
مهيار . ههههههه لك معتصم شكلك خوزقتني انبلفت؟
معصتم ..ولك انا عاطيكك سكرة العيلة اخر العنقود
يارا . اخر العنقود جلطة مع شهود
نارة . وينهاا كنتي الغاليةة وينها
يارا . هاي يمكن مستحية لانك صرتي حماتها😂
محمد . ولك مهيار هاي عرق عيني يا ويلك تزعلها
مهيار . مو لاتعرف عليها بالاول خالي 😂😂
يارا .بلالك هالمعرفة انا بقول😂 شو مستعجل ع اخرتك
معتصم . ششش عيب يعني بتضل اختنا😂
مهيار . يا حبيبي
منى . اسكتو ولكم فضحتونا
مهيار . الله يسامحكم طعمتوني المقلب
يارا . وبلعتو كمان صحتين وهنا اشرب اكتيفيا لتهضمو منيح
نارة . وينها ولكم فرجوني ياها ؟
يارا . هههههههههه ليكها عم تشرب مية شكلها طاقتها الروحية احترقت وعم تطفيها😂
نارة . لفو الكاميرا عليها 😂
معتصم يارا منى محمد . 😳😳
يارا . بسم بالله فزت من مكانها هربت😂😂😂
نارة .هههههههه خلص اتركوها يومين تلاتة وباجي وبباركلها عالواقع
معتصم . سامحني مهيار😂
مهيار . الله لا يسامحك 😂
منى . ولكم شو هالمكالمة هاي كلها طق ع بنتي لك مهيار بوس ايدك وجي وقفى مرتك بنتي نارة
معتصم ..فعلا وصلي صلاة شكر
يارا . اي والله نيالك مرتك نارة المجنونة😂😂😂
احمد ..حاجتكم حكي ع كنتي خلص
مهيار . ههههههه هاي بلش يدافع ابوي
احمد ..اي وبوقف معها ضدك كمان
مهيار ..كملت استلم😂
ضلينا نحكي ونضحك معهم شوية وقت وسكرنا
شوي ونزلت سارة لابسة ومطقمة
منى .وين ع باب الله
سارة . بدي التقي انا وعز
منى . قولي والله ؟ ومتى كنتي ناوية تاخدي اذن ست سارة
سارة . بعد اذنك امي
منى . اطلعي واشلحي ما في طلعة
سارة . شووو ليش ماما
منى . ولا تقولي في الك اهلك ماخدة قرارك وبدك تطلعي عايشة بمسلسل لانك انتي ؟
محمد ..خلص اتركي البنت تطلع
سارة . امي نحن كاتبين الكتاب ساعة ساعتين وبرجع
منى . محمد انت كتير مدللهم وعاطيهم ع راحتهم
سارة . امي انا تربايتك والله ما بتأخر ليش كتير بتشددي
منى . منا لو مش مربيكم صح ومش شادة عليكم هون بهالبلد كان زمان فلتوو
محمد . خلص ي منى اتركيها تطلع ولا تتأخري بنتي
معصتم . يابا ع فكرة امي معها حق ولا بس ع زماني انا كنت شادد همتك 🤦🏼♂
سارة . هاا سامعة صوت سيارتو ما بتأخر حبيبة قلبييي ماما
قربت ع امي باستها من راسها وركضت دغري لبرا
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`