الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نزل نورسين`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#نزل_نورسين
#بقلم_مال_الشام
الجزء الخامس + الجزء السادس + الجزء السابع + الجزء الثامن
( التاسع + العاشر) بالتعليقات
تمت
نورسين : اوووووه بحب قصص الحب السعيده
بيلسان : هههههههههههههههه ... هههههه اااخ يا البي
هههههههههه .. سعيده ؟
نورسين : ليش عم تضحكي شو بدك اكتر من هيك حب ؟
بيلسان : طيب .. خليني كفيلك وبعدا بتحكمي .. بالفعل بعد يومين تلاته نزلو لعنا بيت ابو فراس
وطلبو ايدي لابنهن .. الكل فرح وطار عقلو حتى اخي فايز
البناية كلها كانت عم تغني وترقض وتبارك .. الا شخص واحد
براءة !!
نورسين : يوه .. ليش ؟
بيلسان : لان وقتا تاكدت انو المنديل ما وصل بالغلط لفراس .. وحقدت علي انو كزبت عليها
واعتبرت انو كنت استغل فوتي وطلعت لعندا لطبق اخوها
نورسين : شو هالتناقض .. مو انتي كنتي تساعديها هي واخوكي ليش هي هلا لتعترض
على حبكن ؟
بيلسان : الزعل ما طول عادي هي اخدت على خاطرها شوي بعدين فرحتلنا .. وطلبت منها تسامحني
وحكيتلها كل الحكايه وحلفتلها انو انا ما خبيت لاني ما بثق فيها بس خبيت مشان علاقتها باخي ما تنتزع
وقولي مشيت الأمور على خير ..
انخطبت انا وفراس لبعض .. و انكتب كتابنا والفرح كان فرحين لان اختي عزيزة كمان انكتب كتابها
بنفس اليله ..
وقتا بتزكر كيف تمكيجت ولبست فستان زهر ساتان .. وعملت القهوة وفتت لعند فراس
الي كان ناطر ليشوفني اول شوفه بدون حجاب بعد كتب الكتاب ..
كانو ايدي عم يرجفو والبي ... يا لطيف البي كيف كان عم يدئ ههه
فراس : ليش قعدتي بعيد تعي اقعدي جنبي ؟
بيلسان : لا هون منيح
فراس : لك انتي هلا حلالي بشرع ربنا تعي لهون
بيلسان : فراس خلص والله بستحي ..
ما حسيت عليه الا قام واجا قعد جنبي .. وانا حسيت الدم تدفق كلو لوشي وحرارتي ارتفعت
كان قريب كتير مني
ريحة عطرو وانفاسو .. وبحة صوتو
رفع خصلة شعري وقلي مبروك .. مو مبسوطه ؟
بيلسان : فراس بعد عني هلا بيجي حدا
فراس : ويجي حدا .. كلها سنة زمان بتخرج ومنعمل عرسنا وباخدك ع بيتي
بيلسان : لك يا الله اتروك ايييدييي
فراس : ما بدي ... انا بحبك ..
وهيك مرقت الأيام علينا .. كنت فيق من وش الصبح لان هو كان يطلع بكير كتير
وقلو ع باب البيت واعطيه عروسة زيت وزعتر ادعيلو بالستر والسلامه
وهو يقلي احلى شي بالصبح هو انتي وفيروز
لوقت ما صرنا بعام 2011
تحديداً 15/مارس
بلشت في احداث بالبلد والقصص بلشت تكبر شوي شوي .. والشباب كلها فار دمها
وكل واحد صار يدافع عن قناعاتو ومبادئو كانت العالم مرعوبه و ايدها على البها... كلمة الحق بتخوف ليش الكزب
يوم عن يوم بطل فيه امان والعالم صارت تخاف اكتر واكتر .. بشهر 11 اجا لعنا فايز .. كان يدرس بجامعة حلب
رجع وقتا وقال انو رفيقو بالغرفة معو انخطف وهو بدو يضل عنا اسبوع ويرجع بس
الأسبوع مد تلت اشهر لوقت ما صرنا ب2012 بهاد الوقت فراس تخرج
وبلشنا نأثث بيتنا ..استأجر بيت بالست زينت عن طريق رفييقو
اعطاه ياه شهر بلاش نقوط العرس لنأثثو ونجهزو
اخترنا كل قطعه مع بعض .. مع كل الحرب والخوف و التغيرات الي عم تصير كنا مو حاسين بشي
الا بالحب .. عم يكبر .. ويكبر ... ويكبر ..
بهي الفترة علاقة براءة و فايز تراجعت كتير كتير
لدرجة صارو بس يشوفو بعض ما يردو السلام ، السبب كان نق براءة انو يخطبها
وعدم قدرة فايز عالخطبة لان كان يضضل يرسب بالجامعة وكل سنه يطلعها سنتين
هك حتى كبرت بيناتهن ونهو علاقتهن .. ضب غراضو ليرجع ع حلب
منعو ابي من الرجعه وقرو يسفروه لبرا البلد
ويبعتلو اوراقو ليكفي دراستو هنيك .. كنت عم اسمع كل شي من غرفتي
اتصت على فراس وخبرتو .. وقلي اهدي وطولي بالك
واهلك بيعرفو مصلحة اخوكي اكتر منك ..
سافر اخي ... وضل على عرسي انا وفراس شهرين
بل ما تدخل براءة وتنهي كل شي .. وتدمر فرحتي وسعادتي
نورسين شهفت وحطت ايده ع صدرها : يوووه شو عملت ؟؟؟؟؟؟؟؟!
بيلسان : رح قك شو عملت .. هداك اليوم كنت واقفه ع باب البيت انا وفراس .. لما نزلت براءة لعنا.
#نزل_نورسين
#بقلم_مال_الشام
الجزء السادس
براءة: اخي…مطول عندك شو مابدك تطلع تتغدا؟
فراس: لا رح اتغدا عند بيت حماي لان بيلسان طابخه بايديها
براءة: لك اخي هلا بعدك بتسدئها؟ ازا منديل انا عملتو سرقتو و قالت انو هي عملتلك ياه معناها كل شي بتحكيه كزب
بيلسان: برااااءة!!!
فراس اخد الموضوع بروح مرحه وقال مو مهم المهم انها كانت تحبني… يعني ما كانت تعرف تطرز بسيطة… هلا بتعمللي واحد بايدها مو هيك حبيبي؟
براءة: مو ليكون الك بالاول ههههههههه
هاد طلبتو مني هديه لاخوها فايز ترجتني اعمللها هديه تهديها لاخوها وانا قلت يا بنت اعملي منيح و زتي بهل بحر…
بيلسان: انتي كزابه… انتي كنتي باعتيه لاخي يا كزاااابه
مابعرف كيف طلع مني هالحكي بس اسلوبها كان كتير مستفز
بس خلصت جملتي براءة ركضت طلعت ع بيتهن وقفلت الباب و فراس قلي شو عم تحكي؟
قلتلو و لا شي ولا شي و قفلت الباب بوشو…
طلع فرا
س وراها وطلعت اصواتهن و التمت العالم عليهن لتخلص براءة من بين ايدين اخوها
يمكن كان معو حق لان هو ما حكيني الا بالحلال بينما اخي خان حق الجيرة و تعدا عليهن…
تمت القطيعة اسبوعين حاولت احكي فراس كتير و كان مكسور خاطرو انو خبيت عليه علاقة اخي باختو و انو انا ما كنت حبو بالبدايه… يعني شرارة حبنا و بداية علاقتنا طلعت وهم!! كان مهديني جوال هاد الي قلتلك هلا وقع بالمي و كنت مخبيتو عن اهلي لان ما بدهن احمل موبايل..
رد علي مره وحده بعد هالموضوع..
بيلسان: فراس ليش هيك عم تعمل فيني؟
فراس: هلا انتي ما كنتي تحبيني؟
سكتت كتير و قلتلو انا هلا بموت عليك..
فراس: عم اسالك بالبدايه ما كنتي تحبيني؟
بيلسان: لا…
وسكر الخط بوشي
قامت نورسين من مطرحها و صارت تضرب عالطاولة: لك كزبتي بكل شي و ما عرفتي تكزبي بهي؟ يبعتلك حمى يبعتلك حمى
بيلسان: هلا غيرتي رايك و صرتي تشجعي عالكزب؟
الا مع الي بتحبيه… الا مع الي بتحبيه صعب تكزبي
لو عندك كل شجاعة الكون و كل خبث الدني.. مافيكي تكزبي على انسان حبيتيه!!
هديت نورسين و رجعت قعدت… : وبعدين شو صار؟
بيلسان: انا تعبانه كتير امانه بدي نام شوي و ارتاح…
نورسين: يعني مابدك تكمليلي؟
بيلسان: الله يوفئك ضهري انكسر..
نورسين: تعي الحقيني نامي بغرفتي لافتحلك غرفه و نضفها… قومي..
لحقتها… فاتت ع غرفة مشمسه و حلوة..
تخت خشب عليه شرشف ابيض نظيف كتير
و طاولة بالنص عليها كتب وورد و اوراق و اقلام..
نورسين: اشلحي المانطو لاغسلك ياه… هاد البيت مافيه رجال
بيلسان: الله يبرد البك…
شلحت المانطو و ناولتها ياه… و رميت حالي عالتخت…
نورسين: رح اتركك ترتاحي..
طلعت و رح تسكر الباب و انا فورا عيوني سكرو..
رجعت فتحت الباب و قالتلي: و العدرا ما رح ارتاح لتكفيلي الحكاية؟
عرفت وقتا انها مسيحية… ابتسمت و تجلست و قلتلها رح كملك.:
بعد يومين نزلت ام فراس لعنا… كانت براءة معبية قلبها انو انا السبب بفضيحتهن و قتلتها… و انا طبقت فراس و عاملتو متل الخاتم باصبعي… يعني فاتت علينا فوتت الي حاطط الشر بين عيونو.. و عليت اصواتها هي و امي و مابعرف كيف تطور الموضوع و مسكو شعر بعض…
انا بس كنت بدي فك بيناتهن والله العظيم بس دفشت امو بدون شعور و وقعت ع ضهرها…
نزل فراس و ابوها ع اصواتنا و شاف امو مرميه بالارض و عم تتوجع من ضهرها… و براءة عم تقلي لك مديتي ايدك ع امي يا قليلة التربايه…
حملوها و طلعوها لفوق… وما كان فيا شي كانت عم تدلل…
هيك خربت الامور بشكل نهائي بين العيلتين… وكبرت كتير بيناتنا.. وامي ضبت كل شي جابلي ياه فراس و بعتتو لعندهن.
و براءة نزلت و زتت الخاتم بوشي..
و تاني نهار وصلتني ورقة طلاقي بعد ما امو لفراس هددتو يغضب عليها و ابي لقاه ع باب الجامع و بعدلو قدام الخلق و بزق عليه و قلو ما عاد الك عندنا بنت…
هيك خلصت قصتي انا و فراس.. بتسمحيلي نام؟
نورسين: يا لطيف يا لطيف والله وجعني البي… طيب يلا نامي نوم الهنا
بيلسان: الله يهنيكي شكراً…
رجعت تمددت و غمضت عيوني و رجع انفتح الباب
نورسين: لك يا مخلوئة يعني انا فهمت كل شي بس شو جابك لهون والله ما فهمت… ببوس ايدك تفهميني؟؟؟؟؟!!
#نزل_نورسين
#بقلم_مال_الشام
الجزء السابع
بيلسان: كرمال العدرا تخليني نام
نورسين: ايه ايه خلص نامي… و طلعت و سكرت وراها
و انا ضحكت مع انو وحده بحالتي غريبه كيف بتضحك!
و بعدا ما عاد حسيت بشي…
نمت نومة بتشهي لان جسمي كان مكسر…
بهاد الوقت نورسين فتحت غرفة بالبيت و نفضتها و هوتها… و بلشت بشغل الغدا و كل الوقت و هي عم تفكر… طيب شو جابها لعندي؟ شه!! يبعتلك داء السل يا براءة شو سرنوة و قادرة!
بلشت انا فتح عيوني و راسي كان عم يوجعني… للحظة نسيت انا وين و شو صار معي… ارتعبت شوي و قمت صرت استغفر ربي وقول لحالي اهدي يا بنت اهدي… رح يجي فراس اهدي… يا الله
ياريت كل شي عم يصير كابوس.. ياريت انكسرت رجلي قبل ما اعمل هالعملة…
استغفرت و قمت توضيت و صليت… فاتت لعندي نورسين و المانطو على ايدها مغسول و مكوي… شكلي نمت كتير لانو المانطو لحق ينشف!
نورسين: اكيد شبعتي نوم… يلا قومي كلي مشان تكفيلي شو قصتك حاكم رح جن لاعرف
بيلسان: امانه في اكل؟
نورسين: ايه لكن كيف… تعي تعي لقلك…
لحقتا و فتنا عالمطبخ.. كان في طاولة خشب صغيرة…
قالتلي اقعدي هون..
قعدت و شميت ريحة اكل بتشهييييي… صرلي تلت ايام بلا اكل..
حطتلي صحن ملوخية.. و صرت اكول متل الي بعمرا مو شايفه ملوخيه!!
بيلسان: الحمدلله شبعت…. اااخ يا بطني اكلت كتير
نورسين: ايه صحة و هنا..
وقامت لتلم الصحون..
ركضت و قلتلها لا والله انا بجلي و بشيلهن
نورسين: انتي حطي ركوة القهوة عالغاز لنكمل حديثنا… يلا قوام… البن هنيك..
عملت القهوة و اخدتها لجنب البحرة… كان في بنت قاعدة و بحضنها كتاب و عم تغني…
بيلسان: مرحبا
رشا: اهلا اهلا… انتي بيلس
ان؟
بيلسان: ايه انا..
رشا: خالتو نورسين حكتلي عنك… يلا ما بدك تكفيلنا حكايتك؟
نورسين اجت من المطبخ: وليه رشا انتي لسانك ما بنضب بحلئلك؟؟؟
بيلسان: بسيطة مو مشكلة… اصلا بتكون سيرتي صارت على كل لسان!!
نورسين: يوه شو هالحكي!!
بيلسان: بعد ما صار الي صار غم على البي و ما عاد نمت الليل و انا ابكي و خبي دمعتي عن اهلي لان القصه وصلت لكرامتهن…بس بعد يومين اتصل علي فراس ع الموبايل الي مخبيتو..
نورسين: الموبااااايل الموبااااايل…. لحظة
وقامت ركضت عالمطبخ و اجت و الموبايل بايدها و اعطتني ياه
نورسين: نشفتلك ياه بس ما اشتغل و الشريحة انحرقت
رشا: ايييييه كملي شو صار
بيلسان: اوووف… ايه… دئلي و كان عم يبكي
قلي انو كتير بحبني و مافيه يعيس بلاي وما عم يعرف كيف بليلة انقلب كل شي… كيف عرسنا تحول لعداوة… و المحبة صارت كره…
تاني نهار ضبو بيت ابو فراس اغراضهن و طلعو على بيت الست زينب… بيتي… الي جهزتو انا و فراس انتقلو عليه..
دقيتلو و كنت عم ابكي…
بيلسان: يعني هيك خلص؟
فراس: لا… انتي الي ما في مخلوق بياخدك مني
بيلسان: كيييف؟ اهلك ماعاد بدن ياني و اهلي مقهورين علي
فراس: تروحي خطيفه؟
بيلسان: شووووور!!!
فراس: لك ايه متل ما عم قلك… شهر زمان و منرجع لعندهن و بيتصالحو غصب عنهن… مافي الا هالحل…
بيلسان: ايمت؟
فراس: يعني بتروحي؟
بيلسان: ايه… ايه ايه بروح مافيني عيش بلاك مافيني
فراس: اهلك وين؟
بيلسان: عالاسطوح سهرانين كلهن
فراس: ضبي غراضك و انطريني تحت شجرة الجوز
رشا: ياااااااخ لك خيت انتي مجنونة في عاقله بتعمل عملتك؟
نزلت دمعتي و خجلت… كيف بدهن يفهمو اديش بحبو! ماتخيلت كل احلامي تدمر بلحظة
بيلسان: كل شي صار بسرعه… انا كتير بحبو
نورسين: طيب وينو هلأ؟
فرطت بكي و غصيت
رشا: ليك الندل ما اجا!!!
بيلسان: فراس بحبني انا متاكدة… لو الرسالة الي بعتتها وصلتو كان هلا اجا…
نورسين: خدي موبايلي ابعتيلو
بيلسان: مو حافظة رقمو!!
رشا: ليكي قومي نرجعك لعند اهلك هن رح يلفلفو القصه بتضلك بنتهن!
بيلسان: القصه انفضحت… انا رجعت وقت تأخر فراس لقيتهن عم يعيطو و اصواتهن طالع و عمي عم يهدد يدبحني وصوت بكي امي واصل لعندي… بدبحوني والله
نورسين: قومي البسي تيابك لنروح ع بيتو بالست زينب
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`