الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نزل نورسين`*
*❴🔢❵الـــبـــــــــــ❴5️⃣والأخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#نزل_نورسين
الجزء الثامن
بيلسان: هلأ؟؟؟؟!!!! …. عتمت الدنيه لبكرا منروح
رشا: ايه معا حق البنت… وضع البلد على كف عفريت ما خرج تطلعو بهاد الوقت
نورسين: طيب طيب… اخرتو هالضو يطلع
بيلسان: خالة معليه اسالك؟
نورسين: اسألي
بيلسان: شو معنى اسمك!!
نورسين: ههههه معناه. ضوء القمر…
بيلسان: والله حلو… بس كتير غريب
نورسين: ابني ميلاد يؤبر البي بحبو لاسمي كتير
بيلسان: عنجد عندك ولد خالة؟
نورسين: ايه بس مو هون هو بمصر… درس طب اسنان و طلعتلو منحة ليكمل دراشات عليا و بقي هنيك
بيلسان: بمصررر عند اخي فايززز؟؟
ضلينا سهرانين كل الليل و نحنا نحكي بعدين فتت على غرفتي و نمت… و من وش الصبح كانت نورسين فوق راسي لنطلع…
لبست تيابي و ظلعنا…
وففت تكسي و قالتلو خدنا على هالعنوان…
كان البي عم يدء بسرعه… رح اوصل لعند حبيبي
كل شي رح يتغير…. خليكي قوية يا بيلسان
خليكي قوية…
و نحنا عالطريق اجا صاحب التكسي تلفون..
الشوفير: شوووو عم تقوووول!!
بناية كااامله؟؟ طلعو حدا منهن؟؟؟ يا لطيف يا لطيف
نورسين: اخي وين هالحكي بالشام؟
الشوفير: ايه والله بالشام… بداريا
بيلسان: شووووووو… داريااااا؟؟؟؟؟
تورسين: شبك لك بنتي شبك؟
بيلسان: اهليييييي…. اهليييييي…. انا من هنيييييك
لك اهللييييي…. امييييي…. ابييييييي
الشوفير: لا حول و لا قوة إلا بالله… حسبي الله ونعم الوكيل
اخدنا على المشفى الي نقلو عليه الجرحي… و فتت دور و اسأل متل المجنونة
العالم كانت فايته ببعضها… و الدم بكل مكان… كان منظر بهز جبال…
بالآخير سمعت اسم عمي بين الشهداء!!
غبت عن الوعي لساعات ومحا كان عندو وقت يهتم فيني..
صحيت على صوت نورسين: قومي قومي اهلك اجو يستلمو جثة عمك..
وقتا اهلي ما كانو بالبناية بس ابي و بيت عمي… عمي توفى و ابي خسر رجليه…
لما شفتهن من بعيد ركضت لعندن بدون تفكير ابداً
رهبة الموقف بتختصر كل الحكي
لما يكون بينك و بين الموت لحظة بتسامح الكل
و بتنسى كل الزعل.. كلو…
تمت مراسم دفن عمي بدون عزا… و اخدنا ابي و طلعنا على نزل نوتسين لان مافي مكان تاني يئوينا…
ضلينا اربع ايام بس نضم بعض و نبكي… و بوس ايدين ابي وقلو الله يوفقك تسامحني… كان يحط ايدو ع راسي و يبكي
يا الله هالحرب… هدت رجال
هدت نفوس عزيزة… كسرت الغالي… اخدت ضحكتنا و فلت فيها…
اخدتني نورسين عالمطبخ و صارت تحكي بصوت واطي: مابدك تشوفي فراس؟ ليش لهلا ما بين الو اثر؟
بيلسان: معقول صايرلو شيييييي!!!!
نورسين: مابعرف بس لازم توصليلو ليوقف جنبك بهل ظرف هاد… اكيد اهلك رح يسامحوكن واهلو كمان اد ما كانو خبيثين مارح تهون عليهن عشرة عمر… اكتبيلي العنوان رح روح لعندهن وقلهن بيت جاركن ابو فايز عندي و حالتهن صعبه كتير
بيلسان: و ازا اهلي زعلو؟
نورسين: جمعة الحبايب رح تمحي كل الزعل.. اكتبيلي العنوان رح روح و جيبهن معي
كتبتو على شقفة ورقةوودعتها وراحت لتجيبلي حبيب عمري يوقف جنبي بهل وجع هاد!!
#نزل_نورسين
#بقلم_مال_الشام
الجزء التاسع..
رجعت لعند اهلي ، وفتحت معن موضوع هربي من البيت..
قلتلهن انو انا ماهربت مع حدا بس هربت لانو تعبت وانظلمت كتير ، كانت قعدة كلها دموع وبكي ..
الوقت عم يمشي ودقات قلبي عم تزيد ، رح يجي حبيبي هلئ؟؟!!
رح افهم منو ليش خلف الوعد ؟ وليش تركني لحالي بعز المصيبة ؟!
بكينا كتيير وامي ضمتني وقالتلي ماتم شي بينزعل عليه
محدا عرفان اديش ضل من عمرو ... فعلاً كان الوضع من سيء ل اسوأ..
سمعت الباب عم يندئ ، حسيت البي رح يطلع من مطرحو ليروح يضم الغالي شدو لحضني وقلو يحرمو عيونو اللي بدو يحرمني منك ، فتحت عزيزة الباب
عزيزة: يامو بيت ابو فراس اجو .. ام فراس اجت.. اجو.. اجو..
ركضنا على ارض الديار... فاتوا الكل وصارت الدموع عالخد متل النهر .. عزوا بوفاة عمي ، ومن بعيد كان واقف فراس خجلان ، وعيوني معلقة فيه
نسيت الكل ومشيت لعندو بدون وعي
بيلسان: فراس
فراس: انا اسف
بيلسان: لاتعتذر .. بس ليش؟ مو انت قلتلي جيبي غراضك؟ مو انت قلتلي ناطرك تحت ؟
فراس؛ قـلـتـلــك... قـلـتـلـك...
بيلسان: لكــن شو صار ليش تركتني هيك انت بتعرف شوصار بحالتي؟
انت بتعرف لولا خالة نورسين كنت هلئ بالشوارع؟ ليش ما جيت على العنوان لما بعتلك الرسالة؟
فراس: ماوصلني اي رسالة ، خليني فهمك شوصار بس اعطيني فرصة
بيلسان: فهمني يلا
فراس: موبايلي انسرق وحياة ربي ، هديك الليلة امي تعبت كتير وتوقعنا تكون ،، جلطة .. ماقدرت اترك اهلي اسعفناها على المستشفى والحمدالله طلع مافيا شي ، الموبايل كان بجيبتي لما طلعت منالبيت بس بعدها مالقيتو مابعرف اذا مسروق مني او وقع
طلعت من المستشفى متل المجنون ورحت لتحت شجرة الجوز ومالقيتك وكانت الحارة قايمة قاعدة وخفت اعلق معن وفهمت انك هربتي من البيت بس ماعاد عرفت ويسن اراضيكي ..
ماعاد عرفت ، هاد عقاب من رب العالمين ولا رحمة مشان ماموت بهديك البناي. ؟!
بعدا فتنا نحنا النسوان نعمل عشا والرجال قعدو بغرفة ضيوف
#نزل_نورسين
#بقلم_مال_الشام
الجزء العاشر و الاخير
للحظة رجعنا عيلة وحدة .. الجيران القدام .. المحبة نفسها والطيبة نفسها ونور سين كانت فرحانة فينا كتير.
بس ام فراس كانت تروح وتجي تشمني وتضمني و تقلي سامحيني .
حطينا العشا عالارض وكانت سفرة طويلة وقبل ما يبلش حدا ياكل؛
ابو فراس: ياجماعة قبل ما حط ايدي بالاكل ... الي عندكن طلب ..
عندكن النا امانة وبدنا ناخدا
ام فراس: مظبوط بيلسان بنتنا الله يلعن الشيطان اللي دخل بيناتنا
ابي انبسط وقلهن متل ما قلتوا البنت بنتكن ومالنا حكي.. الله يديم المحبة
امي: انا مو موافقة
نورسين: ليش لك اختي ؟! مابجوز هالحكي ..
امي: اي مو موافقة الا اذا بتعطونا براءة لفايز !!
وهيك مابعرف كيف بقدرة رب العالمين حياتي انقلبت .. كان المفروض نتجوز الاسبوع الجاي بس الاوضاع ساءت كتير
وقرروا اهلي واهل فراس نطلع ع مصر لانو الشام ماعادت النا !!
كتبنا كتابنا انا وفراس والدنيا كلا ماكانت وسعانتنا .
حاولنا نقنع نورسين تسافر معنا بس مارضيت بنوب وقالتلنا نسلملها على ميلاد كتير كتير
ضبينا غراضنا وودعنا الشام واهلها وفي بقلوبنا حرقة مابيعلم فيها غير رب العباد.
طول الطريق فراس ماسك ايدي ماتركني بنوب وبراءة حاولت تعتذر مني كتير بس ماقدرت سامحها .
وصلنا على مصر، ام الدنيا متل ما بيقولوا .
بس بعد سوريا لافي اب ولا اخ ولا ام.
اخدنا فايز على بيت ولاحظت عليه اديش كان فرحان بشوفة براءة
فهمت انهن تصالحو .. ارتحنا اسبوعين وبعدا اهلي واهل فراس قررو نعمل العرس الي ولبراءة سوا مشان نقدر نعيش ببيت واحد هي تنكشف على اخي وانا اقعد مع فراس بغرفتو ..
وقتا فتت على الغرفة كنت عم دور على علبة بارفان.
توقعت لاقي بشنتت براءة وصرت دور بين تيابها .. وفجاة شفت شي غريب كان في موبايل .. هاد موبايل فراس القديم شوجابو لهون!
تركت كلشي من ايدي وقعدت على جنب وفتحتو!!
الرسالة اللي بعتتها كانت واصلة !! صاروا ينزلوا دموعي بدون ماحس.. معقول في بشر عندهن كل هالحقد !! على قعدتي فاتت ام فراس وكانت عم تدور على شي
ام فراس: بيلسان شفتيلي وين الحجاب الابيض بيلسان؟! .. لك بيلسان؟! عم تبكي!!
وقربت وقعدت جنبي
بيلسان: هاد موبايل فراس شوعم يعمل بشنتت براءة ؟
سكتت ام فراس وصارت تحكي بصوت واطي وتغير لون وشها ، وما انصدمت معناها هي بتعرف انو بنتها هي اللي اخدت الموبايل!
بيلسان: بدك تفهميني ولا بطلع اسالها برا قدام الكل
ام فراس: بنتي لشو هالحكي ! خلص انسي كل شي صار
بيلسان: لا برحمة عمي ابو وليد ما بنسى، هلئ بدك تحيلي كلشي
ضلت ساعة تتهرب وبالاخير قررت تحكي : بهديك الليلة براءة بالصدفة سمعت فراس انو بدو يهرب معك واجت حكتلي وهي مرعوبة! مالقيت حل قدامي ل امنعو الا انو اعمل حالي موجوعة والله والله مو كيد ولا ل اني بكرهك بس خفت اهلك يدبحوا ابني!!
بيلسان: يعني انتي ماكنتي تعبانة؟ وبراءة سرقت الموبايل وتركتوني ملحوشة بالشوارع!!
ام فراس: ايه براءة سرقتو بس هي ماقالتلي انك بعتي عنوانك الا امبارح وكان بدها ترمي الموبايل بس الله راد تعرفي كلشي وهلئ نصيب بنتي ب ايدك اذا طلعتي وقلتي اللي بتعرفيه اخوكي رح يترك بنتي ويطلقها.. ولاحول ولاقوة الا بالله..وسكرت الباب
صار يمرق قدام عيوني كل العزاب الي تعزبتو...البهدلة و الشرشحة و الوجع… و القعدة ببيت نورسين… يا الله ليش كل هالكره…
ما رح سامح لا… متل ما حرقت قلبي رح احرق قلبها… و الكل لازم يعرف حقيقتها…
حطيت الموبايل بالشنته و طلعت ندهت لفراس و فايز و براءة و قلتلهن يلحقوني عالغرفة و ام فراس حاطه ايدها على راسها..
فراس: خير بيلسان في شي؟
بيلسان: سكرو الباب لاحكيلكن
براءة: يلا سكرتو… خير في شي؟
بيلسان: ايه… تعي افتحي شنتك هي…
جمدت براءة فرد جمده بارضها… و فهمت كل شي…
فايز: ليش شو في؟
بيلسان: هلا براءة رح تقلنا شو في مو براءة؟ …
و فجأة انفتح الباب بقوة…
امي: بيلسان ميلاد اتصل لهون… نورسين بالمستشفى متصاوبه!!
_____________________
هه… الله يرحمها برحمتو يارب… هالمخلوقه مابعرف من شو انخلقت! مستحيل تكون انخلقت من طين متلنا… بحسها مخلوقه من نور…
نور و رحمة… توفت على اثر الرصاصة الي تصاوبت فيها..
مارضيت تجي معنا بنوب… عمرها خالص…
و براءة بوقت كركبتنا طلعت الموبايل و اخفتو..
كان فيني احكي كل شي و اكيد رح يسدئني فراس..
بس حسيت نورسين ما بدها ياني احكي…
حسيتها عم تقلي اغفري… اغفري كلنا عمرنا قصير
قلبي طفى على غيابها… لهيك سكرت موضوع براءة بس طلعتها من حياتي و هددتها ازا بتحاول تقرب مني افضحها..
و هلا عندي بنت اسمها نورسين… و انا و فراس انتقلنا على الاسكندرية لعنيش بعيد عن براءة و فايز…
وهيك خلصت حكايتي..
#تمت
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`