الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نزل نورسين`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
فه هالشيبات؟ ربو اجيال و شافو شوفات ما بتنعد… بعمري كلو ما كرهت الا نوعيين من الناس، الكزاب… و الغدار
لان الكزاب بصير الكزب بدمو… ازا بقلي انا عم موت بحتار سدئو و لا لا!!
و الغدار الي عملتي معو منيحه و ردها بالعاطلة… طعان الضهر و الملعون… التنين حلفت يمين ما فوتهن بيتي و لا ياكلو معي ع نفس الطاولة…
بيلسان: ليش هيك عم تحكي معي؟ ازا انا ضعيفه و مكسورة ما بطلعلك تهينيني…
حملت شنتايتي و زبطت حجابي و بدي امشي
نورسين: انا اهل حمص نايمة و قايمه معهن… بميز وشهن من بين الف شامي… وانتي مانك حمصيه…
حطيت الشنته من ايدي و حسيت رعشة بجسمي.. مشيت لعندها…. و انا حاسة اطرافي باردة وما ضللي كزبة اكزبها
بيلسان: مزبوط… انا مو من حمص…
نورسين: هلا بتقعدي معي ع طاولة وحده..
سحبت كرسي جنبها و قالتلي اقعدي هون لشوف شو قصتك..
#نزل_نورسين
#بقلم_مال_الشام
الجزء الرابع
قعدت عالكرسي و مديتلها ايدي لسلم عليها … انا اسمي بيلسان…
نورسين: اي هيك ها… شو قصتك يا بيلسان؟
بيلسان: الك مراق تسمعي قصة كلها هم و غم؟
نورسين: ههههه ليش هالوش مو مبين عليه انو ما شاف الا الهم و التعب؟ احكي لقلك احكي
بيلسان: انا من سكان الشام، بنت تاجر كبير… تاجر قماش اسمو فؤاد قطناني عندو محل بسوق الحميديه
نورسين: ايييييه ايييييه عرفتو…
بيلسان: نحنا تلات بنات و شبين… اخي الكبير بس بلشت الاحداث ابي بعتو يكفي دراستو بمصر.. و التاني اخر العنقود..
اخي الكبير فايز كان يحب بنت اسما براءة بنت جيرانا بنفس البناية … و انا كنت المرسال بيناتهن.. اخدلها هدايا من اخي و هي تبعتلو سكبة اكل
يبعتلها وردة و تبعتلو تطريزة شغل ايدها
حبو بعضن كتيررر كتيررر كنت بس شوف ضحكتهن يفرح البي…و كبرنا و مشيت الايام لوقت ما صرت صبيه متل القمر على حكي اهل المنطقه…
صار عمري 16… وقتا اخي بعت معي وردة بيضا لبراءة..
خبيتها تحت المانطو و رحت ع بيتهن…
فتحتلي الباب و شدتني لجوا و اعطيتا الوردة و صارت ترقص و تنط من فرحتها… تغديت معا و استأزنت لاطلع من البيت..
اعطتني منديل مطرزتو لفايز…
خبيتو تحت المانطو و طلعت.. و انا نازله من الدرج تفركشت
مسكتني ايد و انا مسكت فيها بكل قوتي بدون وعي..
صار البي يدء بسرعه لان خفت اوقع..
و وقع من تيابي المنديل..
لقطعت نفسي و نزلت لاتناول المنديل بس الليد الي سحبتني سبقتني للارض و فتحت المنديل…
و انا وقف قلبي لما رفعت عيني وشفت فراس اخو براءة هو الي سمسكني مشان ما اوقع… و المنديل بايدو…
فراس: يا بنت انتبهي منيح الحمدلله لحقتك ولا كنتي تكسرتي
بيلسان: شكراً بس اعطيني المنديل..
فراس: ليش معصبه؟ … هاد تطريزك؟
بيلسان: ايه تطريزي براءة علمتني و انا اشتغلتو اعطيني
فراس: خليني شوفو بالاول…
فتح المنديل و انصدم… تغير لون وشو… انا وقتا فكرت انو عرف بعلاقة اختو بأخي… و صرت ارجف…
فراس: هاد الي؟
بيلسان: عفواً؟
وقتا طلع مفكر انو ( بحبك F( انا عاملتا الو و بحبو!!
صارو خدودي حمر و هربت!!
و من وقتا بلشت تتفتح وردة حب بيني و بين فراس… المنديل ضل معو…
صار ينطرني وانا رايحه ع المدرسه و انا وراجعه…
وانا خبيت ع براءة كل شي وقلتلها انو المنديل وقع مني و بس لان كنت خجلانه احكيلها و كمان كنت خايفه تقول لاخي فايز..
تشابه احرف… خلص احلى قصة حب بتتخيليها
حب طاهر و نقي.. اكتفينا بنظرات الحب… و بكلمات خجولة منتبادلها على درج البنايه…
كبرنا و كبر الحب فينا… كبر بوردة حمرا… بضحكة… برسالة بسيطة فيها " اشتقتلك "...
لوقت ما اجا نهار… اجت لعندي براء و الشرار عم يطير من عيونها…
سحبتني عالغرفه و قفلت الباب و طلعت من جيبتها المنديل..
براءة: هاد شو اخدو لتحت وسادة اخي فراس؟
بيلسان: هاد؟ لك مو هاد المنديل الي ضاع مني؟؟؟
براءة: ايوووه. هو بذاتو يا شطورة...عم تلعبي علي؟
شو القصه؟ شو الي عم يصير؟
عملت حالي طبيعيه وقتا و قلتلها: يييي يعني طلع اخوكي الي ملاقيه؟ سبحان الله معناتها نهارها ضاع مني ع درج البنايه
معقول شاك فيكي لك براءة؟
تركت براءة تيابي و عقدت حواجبها… و قعدت ع تختي
براءة: معقوووول؟؟ لا لا… اكيد هو عجبو و احتفظ فيه.. لو شك فيني كان كسر راسي…
قاطعتني نورسين بضحكة: و سدئتك؟ …
شدتني من ادني و قالتلي الكزب مو منيح!
بيلسان: ما كان بايدي شي اكيد كانت رح تحكي لاخي… ما كان بدي انزع علاقتهن الحلوة… براءة كانت تعشقو بجنون لفايز
و علاقتي باخوها يعني رح كركب الدنيا لهيك كنت بدي ضل ساكته حتى يخطبو بشكل رسمي..
نورسين: كملي كملي والله شكلها قصتك قصة… بدي افهم شو علاقة انك هلا هون بهي الحالة بفراس و براءة و فايز؟
بيلسان: ماشي رح كملك لتفهمي كل شي…
راحت ايام و اجت ايام…. و فراس ما عاد متكتفي بنظرات الحب من بعيد لبعيد… وقتا كنت نازله من عند براءة سمعت حدا عم يهمسلي عالدرج: بيلسان بيلسان
التفتت
حوالي و شفت فراس…
بيلسان: شو في؟
فراس: انا رح ابعت امي تخطبك… موافقه ؟
خجلت كتير و ارتفعت حرارتي.. و البي كان رح يطير من الفرحة: اي موافقه
فراس: يعني بتحبيني؟
بيلسان: بحبك كتيررررر
و هربت على البيت و تخبيت تحت الشرشف و البي عم يرفرف من الفرحة
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`