الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نزل نورسين`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#مال_الشام
#نزل_نورسين
الجزء الأول + الجزء الثاني + الجزء الثالث + الجزء الرابع
كل ما بتطلع حوالي بفكر.. شو الي وصلني لهون
…. ليش هيك صار؟
ليش الحياة بتاخد بدون ما تعطي؟ … انا حبيتو لفراس … حبيتو و كان بدي ياه شريك حياتي
حسيت ازا بخسرو رح اندم كل عمري…
كانت ليلة هادية كتير… السما كلها نجوم متل حبات اللولوة
صوت ضحكة امي و ابي و اخواتي واصل لعندي… و ريحة ورق النعنع الاخضر علقانه بانفي كنت كتير حب اشرب الشاي بالنعنع بس وقتا ما قدرت اشرب معهن كنت مشغولة … كنت عم ضب غراضي لاهرب مع فراس … خبيت تياب كانت امي عم تفصلهن لاختي عزيزة لان ضل لعرسها شهر..
ضبيتهن و اخدت اسوارة امي… ورثتها من ستي الله يرحمها..
خبيتها بين التياب… و اخدت قميص القطن تبع امي الي فيه ريحتها… يااااااااا الله شو حلوة هالريحة يا ميمتي…
تركتهن عم يضحكو...تركتهن سهرانين ع ضو القمر… و طفيت ضو الحياة جوات كل واحد فيهن
عزيزة..
سبأ…. و الصغير عبد الرحمن…
سمعت سبأ عم تقلهن انا بردااااانه
و امي قالتلها تعي دفيكي بحضني تعالي لهون…كنت بدي روح انا… كنت بدي ودعها قبل ما روح بس دموعي رح تفضحني
و بلش صوتهن يبعد… كل درجة عم انزلها صوتهن يبعد اكتر
لوقت ما غاب… غاب كتير بس لهلأ الصدى علقان بأدني..
اااااخ يا بيي… اااخ يا تاج راسي يا حنون يا سيد الرجال
ايه يا ضي عيوني انا الي حطيت راسك بالارض
ايه يا حبيب عمري انا الي تسببتلك بجلطة
ايه انا الي قطعت بنصيي اختي و تركها خطيبها الي كانت تعشقو و يموت فيها من هن صغار…
وصلت لآخر الشارع…و نطرت تحت شجرة الجوز متل ما كنا متفقين انا و فراس..و كان الجو عم يصير برد اكتر… او انا كنت عم ارجف من الخوف ما بعرف
كنت حاسة بتيار كهربا ماشي بعروقي..
ضليت ناطرتو ساعه و تنتين و ما اجا… بتزكر و قتا كان مشتريلي جوال… طلعتو و دقيتلو كتير و ما رد علي..
صارو دموعي بحر… بحر الي بينزل فيه بيغرق
بحر غرقت فيه الضحكة
غرقت فيه السعادة
غرقت فيه الحياة… بحر ماااااالح… مالح كتير
شديت الشنتايه لصدري… و تسحبت لارجع عالبيت…
وصلت ع اول الحارة…
وشفت العالم قايمه قيامتهن و عمي عم يتوعد يقتلني و يرجعني عالبيت لينظفو شرفهن…
وقتا مابعرف كيف ووين بدي روح بس صرت اركض بسررررعه بسرررعه
ما فكرت شو بدي اعمل بحالي ..
بس لتعاسة حظي اكتشفو هربي بوقت قصير و اكتشفو انو جهاز اختي مسروق و سوارة امي كمان…
فتت بين البنايات و تخبيت ورا بناية الحجر الكبيرة
قعدت بالارض و خباني السواد…
و البرد اكل عظامي… و اكل رعبتي…
#نزل_نورسين
#بقلم_مال_الشام
الجزء الثاني
يبدو من كتر التعب غفيت بدون ما حس على حالي…
ضربت الشمس بعيني و طلع الضو…
صوت طلاب المدارس واضح بالنسبه الي… وهلا ما ضلت عتمه تسترني…
حاولت غطي وشي و طلعت فوراً من الباب الخلفي للبنايه..
كان في مزرعه زيتون… مشيت منها و انا مستعجلة و رجلي كلها صارت طين حتى الحذاء صار تقيل علي…
وصلت للشارع الرئيسي ووقفت سيارة أجرة..
بيلسان: لو سمحت عمو خدني على الشاغور..
بصراحة ما كنت بعرف حدا هنيك بس كانت هي المنطقة بعيده عنا و فراس قلي انو رح نطلع لهنيك ندور على غرفه تحوينا لان هنيك بأجرو غرف للطلاب و للمضطرين..
صاحب السيارة تطلع علي بنظرات شك و قلي وين بالشاغور؟
بيلسان: عند.. عند… بدي… انا نسيت اسم المكان بس بدي استأجر غرفه
صاحب السيارة: تستأجري غرفة!!
ما كان صعب علي ابكي بهديك اللحظة… كان قلبي رح ينفجر بكي
روحي كانت عم تبكي… نزلو دموعي و صرت ابكي و اشهق
بيلسان: انا مقطوعة… انا نزحت من حمص و اهلي ماتو تحت القصف و ليك حالتي كيف بتصعب ع الكافر… بدي غرفة تئويني
مامعي مصاري كتير بس مافيني ضل بالشوارع الي اسبوع بلا اكل مشان الله…
صاحب التكسي كان ابن حلال كتير… قلي وكلي الله يا اختي انا بعرف مكان فيكي تنستري فيه و سعر الغرفه طري بس مو بالشاغور بمشي الحال؟
بيلسان: ايه ايه خلينا نمشي…
انشغلت بالطريق و انا نظف الطين من تيابي و رجلي بس ما كان ينظف و وسخت السيارة و حسيت بالخجل…
اتطلع علي من مراية السيارة و قلي اختي لا تلبكي حالك مو مشكلة، الله لا يسامح الي شتتنا و خلانا نتشرد من بيوتنا…
بالاول مافهمت بعدين تزكرت شو كزبت عليه و رديت: ايه ايه الله لا يسامحهن
اخد الطريق معنا ساعه و ربع لانو كان ازمه و اطمنت اننا بعدنا كتير عن بيتي… طلعت موبايلي لاتاكد ازا فراس رن يس ما كان في اي مكالمة…
هيك لوقت ما وصلنا لحارة صغيرة و السيارة وقفت..
بيلسان: ليش وقفت هون اخي؟
الشوفير: والله ما عاد فيني فوت اكتر… لان الحارات هون ديئة و ما بتفوت السيارات فيهن… ليكي هلا انزلي هون و اسالي عن الحلاق عبدالكريم… وقليلو انك من طرف ابو وليد الي هو انا… و انا هلا رح دقلو
وهو رح ياخدك ع مكان منيح
بيلسان: كتر خيرك فضلك على راسي… اديش بتأمرني؟
الشوفير حط ايدو ع صدرو
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`