الفصل 6
الجزء 6:
بيري بقوه : كتب الكتاب هيتم في معاده يا سليم بيه انا عندي الحل .
ألفت بلهفه : انت عارفه فرح فين .
بيري : لا طبعا هي فرح هتأمن لبنت ألفت و منصور بردوا يا ألفت هانم .
سليم بسخريه: اومال ازاي هيتم يا ست بيري .
بيري و هي تخرج أوراق من شنطتها: بده يا سليم بيه .
منصور : ايه الورق ده يا بيري .
بيري و هي تجلس بثقه : الورق ده عليه امضه فرح علي بياض .
ألفت : و ده يفدنا بايه.
بيري : من ناحيه يفيد فهو يفيد اوي الورق هيتظبط علي اساس ان فرح وكلت بابا انه يكون وكيلها قدام مستر سليم علشان يكتب الكتاب يعني التوكيل موجود بامضتها الاصليه و المأذون في جيبك كمان و ماتنسوش ان بابا اساسا الوصي عليها .
منصور : الموضوع مش هيتظبت كده .
بيري : لا هيتظبت و يتظبت اوي كمان بسليم بيه ولا ايه رأيك يا سليم بيه انت عارف فرح هربت من كتب الكتاب فأكيد هترجع تتصدم بأنها خلاص ملكك .
سليم : تفكير سليم يا بيري بس طلبك ايه قصاد الورق ده ماعتقدش انك بس بتحمي نفسك يعني .
بيري بشر : احمد انت اكيد تعرفه لأنك كنت بتراقبنا ليل مع نهار .
سليم : ايوه عارفه .
بيري : مستقبله يضيع يترمي في السجن يلبس مصيبه اللي تشوفه بس عايزه يعيش بقيه عمره مذلول و يندم ندم عمره .
سليم بثقه : هنخلص الموضوع بكره و اللي انت عايزاه هنعمله .
منصور بتسأل : بس انت مضيتي فرح علي الورق دا ازاي .
بيري : عادي في اليومين اللي كان فيهم العزا نبيل مدير أعمال عمي طلب مني امضي فرح علي شويه أوراق للشغل و ساعتها حطيت معاهم الورق ده كنت حاسه اني هحتاجهم و طبعا فرح مضت و هي مش مركزه بسبب حزنها علي أبوها.
سليم : منصور جهز نفسك علشان الموضوع دا يخلص بكره .
منصور : حاضر يا سليم بيه .
تركهم سليم و ذهب لعمله لتجلس بيري و علي وجهها ابتسامه واسعه لانتقامها منهم و نسيت ان فرح هي من حذرتها من احمد العديد من المرات و طلبت منها الابتعاد عنه و لكنها لم تلتفت لكلامها.
اما عند فرح .
أحضرت فرح الكمان الخاص بها بسرعه و اتجهت للحفل طلبت من هدي ان تجعل اناره المسرح خفيفه للغايه لا تريد لأحد أن يراها فيتعرف عليها و يتأكد من هويتها .
دلفت بهدوء و جلست علي كرسي عالي و شده ظهرها و بدأت في العزف بهدوء بالغ ألحان و مقطوعه موسيقيه جعلت الجميع في حاله من الاسترخاء و السعاده .
مازن لهدي : مين اللي بيعزف ده .
هدي : مش هتصدق مين .
فارس : حد من الفرقه الجديده اللي المفروض يعزفوا.
هدي بضحك : انتوا مش شايفين الفستان الأبيض ولا هو علشان وشها مش باين ماعرفتوهاش .
فارس بصدمه : فرح هي اللي بتعزف.
هدي بايجاب: ايوه هي .
مازن : بجد عزفها حلو اوي و متمكنه منه جدا فيه حاجه غريبه في البنت دي مش معقول اكيد فيه سر .
كان مراد يقف بجوارهم يسمعهم و هم يتحدثون يتخيلها تعزف له وحده كم سيكون في غايه السعاده كلما يمر الوقت يكتشف شئ جميلا بها و هذا القلب يتعلق بها أكثر و أكثر و لكن مع تعلقه بها يوقن انه سيؤذيها لما و كيف لا يعرف هو احساس يتملكه فقط .
انتهت فرح من مقطوعتها ليصفق لها الجميع و تنظر لهدي التي تخبرها بعدم حضور الفرقه بعد لتبدأ هي في عزف مقطوعه اخري كانت عباره عن اغنيه رومانسيه كل عام و انت حبيبي تعزف لتجد أحدهم يمسك بجيتار و يعزف معها و يغني أيضا اضاءه بسيطه اضيفه لجمال الصوره لتظهر هي و ذلك الفنان في اروع صوره انتهت الاغنيه ليمسك يدها ذلك الشخص الذي ظهر من العدم و يقبلها خجلت فرح من فعلته و تركت المسرح تحت تصفيق من الجميع .
خرجت بسرعه لهدي التي أخبرتها بحضور الفرقه و شكرتها كثيرا لمساعدتها .
دخلت فرح الحفله مع هدي مره اخري لتقابلها عيون مراد الحاده الحمراء و التي جعلت قلبها يسقط أرضا.
فرح بخوف : هدي مستر مراد ماله .
هدي : مافيش اكيد اتعصب من تأخير الفرقه بس مافيش حاجه .
اتجهت مع هدي ناحيته .
مراد بغضب يحاول التنفيس عنه : هدي مش كل شويه ادور عليكي علشان مساعده في الشغل خليكي هنا ماتتحركيش .
هدي : حاضر يا فندم.
و اتجه لفرح .
مراد بزعيق : هتفضلي واقفه كده روحي شوفي شغله تعمليها ولا اقولك اطلعي علي الاستيدج تاني و اعملي شو كمان اصل الأول ماكنش حلو .
نظرت فرح لهدي بحزن بادي و كانت علي وشك الرحيل لتفاجئ بمن يحدثها .
المغني الذي كان معها علي المسرح منذ قليل .
المغني : استني فرح صح .
فرح : ايوه اسمي فرح .
المغني : انا عايز اشكرك انك غطيتي مكانا لحد ما وصلنا الحفله و علي فكره عزفك حلو جدا و ايديك مميزه في التعامل مع الكمان .
فرح بابتسامه ساحره: ميرسي جدا .
المغني : علي فكره انا مابجاملش الكمان اله حساسه جدا و قدرتك علي التعامل بالشكل دا معها يدل انك انسانه رقيقه جدا و اتمني يكون بنا شغل الفتره الجايه .
سمع المغني أحد أصدقائه ينادي عليه ليعتذرمن فرح و يسرع بالانصراف .
المغني : دا الكارت بتاعي اتمني تكلميني . و غادر متجها ليكمل عرضه
اخذته فرح بابتسامه بسيطه و كانت علي وشك المغادرة لتصتدم عيناها بأعين مراد و التي أقسمت فرح ان لو اعينه سهام لقتلتها علي الفور
كانت علي وشك المغادرة لتجد مراد و الذي لم يستطع ضبط نفسه اكتر من ذلك يسحب الكارت من يديها و يقطعه ليرمي به أرضا و هي واقفه في حاله صدمه .
مراد بغضب : اعتقد انك مرشده سياحيه هنا و مش محتاجه للعب العيال ده ركزي في شغلك احسن بدل مارفدك فاهمه .
ثم تركها و ذهب تحت صدمتها لتجد مازن بجوارها و هو يشرب عصير .
مازن بتعجب : بتعملي ايه . بقولك ايه تعالي نرقص.
فرح : دا وحش او مريض نفسي اكيد مش بني أدم دا اكيد وحش .
مازن بتعجب : بتكلمي نفسك .
فرح : لا كنت بتقول ايه .
مازن : بقولك نرقص .
فرح : اوك و ذهبت معه للرقص علي النغمات الهادئه.
كان مراد يرقص بهدوء مع هدي كنوع من الكاريزما له في حفله الضخم و لكنه لم يرفع عينه عن فرح و التي باحضان مازن يراقصها.
مازن : بقولك ايه ارقصي مع فارس علشان شكله زهقان و انا هرقص هنا .
فرح : طيب .
اعطاها لفارس الذي اتفق معه علي التبديل مع مراد بعد قليل لتتم الأمور كما حسبوها.
مازن لهنا : برنسس هنا تسمحلي بالرقصه دي .
هنا بتعجب : بس انت طويل اوي .
مازن بضحك: هشيلك ياختي تعالي ماهي ناس لها هنا و ناس لها فرح و هدي امري لله تعالي .
اقترب فارس بهدوء من مراد الذي يتابعهم من بعيد ليبتسم و هو يمسك بيد هدي و يدفع بفرح لمراد .
فارس : بعد إذنك يا مراد و سحب هدي لعنده .
تقف فرح بخجل و مراد أمامها و الجميع ينظرون لهم مد مراد يده لها لتنظر له و تمد يدها تمسك به بتردد .
دقائق مرت و يده علي خصرها و اليد الآخري بيده و عيونها تبتعد عن اعينه التي تسكرها.
مراد بصوت هادئ : فرح .
رفعت أعينها إليه لتتقابل اعينه بعسل عيناها الصافي و تذوب الكلمات من لسانه لتظل تتطلع له و هي تتسأل هل خلق الله ماهو اجمل من تلك الأعين بنظرها .
اما هدي و فارس يحتضنها بهدوء داخل رقصتهم ينظران لبعضهما البعض و يدور بين أعينهم حوار أبلغ و أعمق من اي كلمات تقال من يراهم يجزم أنهما حبيبان منذ ولادتهما ليس مجرد أصدقاء كما يدعيان تتمسك بيديه بقوه و هو يمسك بها و كأنها آخر انفاسه مشهدان بجوار بعضهما يجعلان من يراهما يتمني الحب و لو قليلا و لكن المحظوظ و بشده هو من يجده .
مازن من بعيد و هو يتابعهم : حلو اوي كده .
هنا بضيق : لا مش حلو نزلني.
مازن بسخريه : يعني شيلك علي قلبي و برقصك كمان و مش عجبك يا بنت سي فارس .
هنا و هي تشد شعره : بقولك نزلني .
مازن : اااااه يا بنت فارس و الله لوريكي.
في تلك الاثناء انتهت الرقصه لتنزل هنا تجري الي والدها لتفيقه من حلمه الوردي علي واقعه المؤلم ليترك هدي و يحمل ابنته تاركا الحفل كله بعد شعوره بالذنب اتجاه زوجته المتوفاه.
اما فرح فتركت مراد و كأنها تهرب منه و ذهبت لهدي تخبرها برحيلها لغرفتها .
هدي : طيب يا فرح روحي انا لسه قدامي شغل كتير و لسه فيه ملف هشتغل عليه بعد الحفله فامشي انت .
فرح : طيب خليكي انت مع مراد بيه خلصي شغلك و هاتي الملف اخلصه انا .
هدي : مش عايزه اتعبك.
فرح: ولا تعب ولا حاجه انا اساسا مش هنام دلوقتي هاتيه بس .
أعطته لها و عادت فرح لغرفتها لتعمل به حتي تنهيه .
اليوم التالي اعطتها فرح الملف و أخبرتها بأنها انهته لتشكرها هدي علي تعبها .
فرح : الملف اهه خلصته.
هدي : شكرا يا فرح مال وشك اصفر كده انت تعبانه .
فرح : مافيش حاجه شويه ارهاق بس .
هدي : اكيد من قله الاكل يا فرح انت ديما قلقانه و اكلك مش مظبوط فيكي حاجه يا فرح و مش راضيه تقوليها.
فرح بهدوء: انا كويسه ماتكبريش الموضوع يلا سلام .
هدي : سلام .
انتهي سليم من مخططه القذر مع منصور و بيري بعد تنفيذ ما يريد و إجبار المأذون علي كتب الكتاب بعد تهديده بالقتل لتصبح فرح زوجته بالباطل و البهتان .
بيري : سليم بيه انت اخدت كده اللي انت عاوزه
سليم : و اللي انت عاوزاه هيتنفذ يا بيري و أشار لعزيز .
عزيز : بدأ التنفيذ يا باشا .
ظلت فرح بالفندق مع الجميع لإلغاء جميع الأفواج السياحية اليوم لتعب الجميع من حفله الأمس.
ذهبت فرح لهنا.
ماري بسعاده: انسه فرح نحن علي وشك الخروج .
هنا : هنيوح البحر .
نظرت بتعجب لماري
ماري : نزور اليوم المعالج النفسي لهنا و أثناء عودتنا نذهب لمكان يحتوي علي ينابيع مياه ساخنه هو مكان علاجي و لكن هنا تحبه جدا لذلك نذهب .
فرح : اوك طيب يا هنا روحي انت و انا هستناكي هنا .
هنا بزعل : لا تعالي معايا .
فرح : روحي مع بابي و ماري و انا هستناكي هنا لغايه ماترجعي نلعب سوا .
فارس من خلفهم : ممكن تيجي معانا علي فكره مافيش شغل النهارده .
خجلت فرح من اخباره بأنها مرهقة ولا تستطيع الذهاب و لكنها وافقت اخيرا .
فرح : اوك بس اغير هدومي و نقدر نمشي .
فارس : اوك اكون بلغت مراد أننا ماشيين .
تجهزت فرح ببنطال اسود و تيشرت بنفسجي و رفعت شعرها لأعلي و خرجت لهم .
اما عند فارس و مراد .
مراد : اوك يا فارس متتأخروش .
فارس بخبث : صحيح فرح هتروح معانا .
مراد : و ايه اللي يودي فرح .
فارس : هنا شبطت فيها و قولتلها تعالي معانا .
مراد: اوك صحيح هتروحوا الينابيع .
فارس : ايوه مانت عارف اننا بنروح كل مره .
مراد : خلاص هجيلك علي هناك .
فارس بخبث : مش عايز اتعبك بس اوك تعالي .
انطلقوا بعد قليل الي الطبيب الذي أخبرهم بتحسن هنا كثيرا و شكر فرح لما لها من دور في مساعده هنا التي لم تكف عن الحديث عنها مع طبيبها و ذهبوا للينابيع الساخنه بعد ذلك .
فارس : هتيجي معايا يا هنا ولا هتروحي مع فرح و ماري .
هنا : لا هروح مع البنات و خليك انت راجل .
فارس بضحك : ماشي يا ست هنا ماري خدي فرح و هنا يغيروا هدومهم و نزليهم في المكان الخاص بالسيدات و انا هكون في جانب الرجال جنبكوا لو احتجتوا حاجه .
ذهب الجميع لتبديل الملابس بالملابس الخاصه بالمكان لنزول الماء حيث الرجال سروال واسع يصل للركبتين فقط اما النساء فرداء يلف علي الجسد من اعلي الصدر حتي الركبتين .
نزلوا للماء و وجدوا أن الحد الفاصل بين جانب الرجال و النساء ما هو إلا جدار خشبي بسيط المياه دافئه و مريحه للأعصاب و ماري و فرح يلاعبون هنا بسعاده حتي ملت هنا فطلبت الخروج.
كانت فرح تشعر ببعض التعب فأخبرت ماري بأن تأخذ هنا لتبدل ثيابها و بعد قليل ستتبعهم هي بعد تمالك نفسها قليلا انسحبت فرح بهدوء و أسندت ظهرها للحائط الخشبي و هي تحاول تجميع طاقتها .
غادر فارس ليري هنا و يبدل ملابسه هو الاخر في الوقت الذي حضر به مراد و أخبره بأنه سيجلس بالماء قليلا .
كان يجلس في مكان قريب من الحاجز ليسمع صوت تنفس ضعيف نظر بفضول من شرخ الحائط الخشبي ليجدها فرح .
مراد : انسه فرح انت لوحدك .
فرح بتعب : ايوه هنا و ماري طلعوا و مافيش حد هنا تاني .
مراد : طيب و انت لسه ليه في المايه.
رؤيتها تضعف و جسدها يلين و أنفاسها تضيق الماء كان له تأثير سلبي عليها و خصوصا مع ارهاقها الشديد .
فرح بضعف : المياه حلوه قولت اقعد شويه .
مراد : الدكتور قال ايه لهنا .
فرح لم ترد بل سحبها ظلام بهدوء لتفقد وعيها اخيرا .
مراد : فرح . لم ترد . أعاد ندائه مره اخري و لكن لا اجابه نظر بخوف من شق الفاصل ليجد وجهها يميل عليه و عيناها مغمضه بهدوء .
انتفض بخوف و هو يناديها علها تستجيب .
مراد : فرح فرح ردي فيكي ايه .
ترك مكان الرجال بسرعه و دلف للمكان الخاص بالسيدات غير عابئ بكم الارشادات الموجوده لينزل للماء ذاهبا إليها.
امسك وجهها بين يديه يحاول تنبيهها و افاقتها و لكنها لا تستجيب .
حملها لخارج الماء سريعا و وضعها علي الارض و بعد العديد من محاولات ان تستجيب له استجابه اخيرا و فتحت عيناها بضعف .
مراد بخوف: فوقي بقي يا فرح فوقي ايه بس اللي جرالك كنت كويسه .
فتحت عيناها لتقابل اعينه الخائفه و التي جعلتها تشعر بأمن بالغ لم تشعر به من قبل .
فرح بضعف : مستر مراد .
لم تكمل جملتها حين جذبها بقوه لاحضانه و هو يشكر الله انها بخير و لم يصيبها مكروه .
المفاجأة لجمتها لتصمت و يدرك هو فعلته فيدفعها برفق خارج احضانه ليجدها مصدومه كما هي .
مراد : المايه اكيد تعبتك يلا علشان نرجع الفندق ترتاحي .
حملها بين يديه و هو مازال عاريا كما كان و هي علي وضعها لتخجل منه و تنظر للأسفل.
فرح : مستر مراد هقدر امشي .
مراد بصرامه : اسكتي و لما نرجع الفندق لينا حساب .
اخذها الي تغيير الملابس ليقابل فارس و من معه .
فارس : ايه ده مالها فرح يا مراد .
مراد بضيق : أغمي عليها و هي في الميه اكيد كانت تعبانه و الهانم صممت تيجي بردو فتعبت اكتر .
حاولت الكلام لينظر لها بغضب فصمتت دون حديث .
مراد بشده : ماري ساعديها لوسمحتي علشان تغير و نرجع الفندق .
تركها لماري و ذهب هو لتبديل ملابسه و هو علي وشك الانف ار من أفعال تلك الطفله التي تدعي فرح .