عشقت هواك - الفصل 31 | روايتك

الجزء 31: على جنب كان قاعد وعم يدخن ومقهور من الي صار ندمان لدرجة كبيرة ما توقع ردة فعلها تكون هيك انتبه وقت قعد حدو جراح وابتسملو وغمزو وشلحو السيكارة وكملها عنو جراح:مانك رايق لا للدخان ولا للشاي احكيلي شو الترتيب مع لمتريسة رماح:... تنهد وغمض بقهر جراح:لك شبك من وقت اجيت من هالعزيمة وحالتك حالة صابك متلها وقت رجعت من عنا زعلانة رماح:غلطت بحقها وهي صاحبة موقف جراح: حقها تزعل...انتو مو بعلاقة شرعية تعارف بدون كتب كتاب بجيب مشاكل رماح انت مو تركت لينا لانك اكتشفت انو توبها مو من توبك رماح:تركتها لانو شفت الها محادثات مع جمال ومو حيلا حكي وكتير شباب ما بعرف من وين متعرفة عليهن جراح:يعني لو ما كانت تحكي وكانت جريئة معك كنت ضليتك معها. رماح:... نفخ كل نفسو واطلع للسما رماح:في شي كان يمنعني احبها اعجبت وبس جراح:طيب انت هلا ليش مزعوج رماح:كيف مابدي اكون مزعوج ما شفت سلام ما ردت عليي السلام جراح:صالحها رماح:عنيدة كتير وخايف نوصل لطريق مسكر وترمي الخاتم بخلقتي جراح:😂بترجع بتبيعو بتزبط امورك رماح:انو أمور منهن مو مسدء يخلص المعمرجي بدي اروح اشوفلي بيت وعفش جراح:طالع لمخبى رماح:قولتك بتكمل معي وبتجوز واتزكر اصايل لبسها ونعومتها جراح:انت قطعت سن اليأس 😂 رماح: يعدمني الداية الي بشرت فيك يخرب بيتك انت قلبت همومي لنكت وعم تتضحك على شي بيقهرني انا كان لازم من زمان متجوز جراح:ولووو لا تزعل كلو خير الك الله بدو يطالع المتريسة بطريقك وتعيش بنعمة رماح:شو قصدك ولاه جراح:لك الا ما يصحلك بطاقة بنك وسيارة رماح:ساعتها بتيجي وبتحلق شواربي جراح:استفزيتك مو رماح:لك بعرف حالي شو مو رماح الي بعيش على حساب مراة جراح:ليكك متملك سيارة من املاك اهلها رماح:هي للشغل وبس وبعدين انا رحت وطلبت منهن ولا هني مأمنين فينا كتير جراح:اي عارفين لمين يعطوهن شو رايك نسرق لوحاتهن رماح:لا ياربي مو معقول الي عم اسمعوا جنان رسمي جراح:غرت من احساسي صوبك هرب جراح قبل يمسكوا جراح بصوت عالي:ع حساب للشغل ما انت منعم الطريق فيها وعلى خدني جيتك رماح:لا بقى تفرجيني خلقتك راح ليشوف الاستراحة على وشك يخلصها وكل شوي يتأمل اصايل وهي رايحة لتشيك على الشغل والقهر مشتغل شغلو بقلبو.. ........ خلال فترة اسبوع كنت ملاحقة موضوع موفق وبالسهرة سألت ماما اصايل:ليش عمي موفق مختفي عن الساحة ماما:مرتو مرضانة وبعيد من هون صايبها هداك المرض بقلبي:وانتي متعاطفة معها وهو كزاب وبدو يستعطفك اصايل:له له عنجد ماما ماما:اي والله وصارو حاطين مصاري بمبالغ خيالية تحاليل وتصوير اصايل:وهو معها ماما:وفي احتمال يسافر فيها...كنت بدي اطلب منك مبلغ مساعدة مو اكتر بس خفت ترفضي اصايل:امي مافي موسم ابدا وحاليا عم اصرف من جيبتي على لمرابعين ماما:مساعدة حبيبتي اصايل:مو اقل من خمسة مليون ماما:الله بعوض عليكي احسن منهن اصايل:في ناس محتاجة اكتر انا بعرف جوهن واحسن ما بيتمصرفو بالمنتجعات والسفر كان خبوا شوي غياث: اديش المبلغ ماما طبعا التفتت عليه لانو اهتم بالموضوع ماما:يعني متل ما قالت اصايل غياث:خلص انا بدبرهن اصايل:بدك تدين غياث:مو مهم خلص رح يكونو معك وتعطيهم لموفق بس ليكون كزابين وعم يفبركوا لانو شايفين حالتنا ميسورة ماما:مو معقول حبيبي حدا بيفاول على مرتو مشان كم ليرة اوقفت مو عاجبني مستعدة هالمبلغ انا اروح لحارة فيها فقراء واوزع عليهن اصايل:كم ليرة قال اطلعت ل غرفتي واتصلت ب جراح جراح:اهلين بالمتريسة اصايل:تابعت موضوعنا جراح:ازا موقع البيت هو نفسو هدوء تام ساعة وارجعت للبيت اصايل:طيب ماشي مابقى اجى للبستان جراح:حسب توقعاتي هو كان بيعرف انو عندكن عزيمة لهيك اجى اصايل:ياريتك صورت بوقتها جراح:ما خطرلي وفكرت الموضوع عادي اصايل:على كلا عدت على خير رحت وراقبت الاجواء وضليت استنى لحتى فاتت ماما لغرفتها وانزلت لعند غياث الي صاير عاقل وهادي قعدت جنبو وبعدها اطلع فيني غياث:ليش انزلتي اصايل:بدك تعطيها المبلغ غياث: مشان ماما مو مشانو اصايل:ليش ماما شايلة همهن غياث: هني بيظهرولها المحبة شفتي كيف بناتو بحاوطنها وبيحضننها اصايل: بتكون مدلليتهن حافظة مقاسات تيابهن غياث:المهم ما تزعل ماما اصايل:طيب انت شبك غياث:منيح سألتي عني اصايل:احكيلي غياث:بدي اسافر وبنفس الوقت حكالي طارق اجلها عم ينتقلو من السكن الي كنا فيه اصايل: استمتع بالإجازة غياث:شذى ماعم تروح من بالي اصايل بصدمة:شو بتحكي انت غياث:شفتها بعد الي صار كانت حدا تاني قوية كتير صدمتني اصايل ما اتوقعت اصايل:انت ظلمتها غياث:وشو بعرفني انو انا اول حدا بحياتها اصايل:كانت مخطوبة حكتلك غياث:حكتلي بس ...بس انا ما توقعت تشغل بالي هيك اصايل:لو ما كشفتك كنت استمريت معها غياث:مابعرف بس انا غلطان ومكتر اصايل:انت ادرى وبتعرف كيف استدرجتها غياث:حاولت اتواصل معها بدي اوصل معها لحل احسن من لمصيبة الي وقعتها فيها بس ماعم ترد اصايل:ازا بدك بحكي معها غياث: عنجد اصايل اصايل:هي اجت لعندي ع البستان بس لاعرف انها مو متل مو ببالي غياث:ياريت تتصلح الامور اصايل:بدك تتجوزها غياث:اي.... وبدي نخطب ونتجوز بس خايف من ماما اصايل:ليش لتخاف احكيلا حبيتها وبس دخيلك امي ازا محروق قلبها على ضرتها بدك تعارض على جوازتك غياث:... اصايل:انت حبيتها ل شذى غياث:مابعرف ازا هو حب....بس هي مسيطرة على تفكيري وحاسس حالي مشلول اصايل:دخيلو الحساس😂مع انو اخت رماح دايبة فيك غياث: ناقصني فراتيك صغار اصايل:يعني لاحظت غياث: مابعرف مرة او مرتين اطلعت ولقيتها صافنة فيني بس ما بهمني هيك نماذج اصايل:طيب حاجتك شاغل بالك غياث: اصايل ليش مقاطعة رماح من هداك اليوم اصايل: اختلفنا بوجهة نظر وانا عند موقفي غياث:والله الزلمة مهموم حرام عليكي اصايل:من ايدو الله يزيدو غياث:هو صحيح مشكلجي بس مبين كرامتك عندو غالية وبيحترمك كتير اصايل: لا تشغل بالك فيني غياث: روحي نامي شو بدك فيني اصايل:مابتركك زعلان رح اجهز القهوة غياث:خليها تكون حلوة اصايل: قوم ساعدني بتتسلى غياث:اسمنو عشى رحنا للمطبخ سوى كنت شايلة همو مابدي يكون مهموم ......... كان رماح يرميه نظرات لا تفسر رماح:مع مين حكيت جراح:رفيقي رماح:شو كزاب اهلين بالمتريسة وموقع شو في ولاه جراح:لو مو مأمنة فيني ما بتحكيلي وبتتركك انت خطيبها رماح:هلا مابدي اجي واخلص عليك احكيلي شو الموضوع جراح:😂تعال زمان ما تعاركنا رماح:انت قد المعركة ولاه جراح:😂جاهز ومجهز دغري راحلو رماح وهداك تكور وخايف منو بس فرطان من الضحك جراح:😂عم يتهجم عليي يا ناس يا عالم رماح: شو بدها منك احكي ما فيه يمسكو من ولا مكان لهيك شدو من شعرو جراح:لا لا شعراتي الحلوين اتركهن إن شاءالله بتصير اصلع رماح:شو بدها منك احكي جراح: اترك شعراتي بحكيلك تركهن ورفع راسو كان ماسكو من رقبتو جراح:مافيني احكي تحت الضغط والتهديد رماح:احكي خلصني ولاه جراح:بدها ترمي لخاتم بخلقتك بس انا عم أهديها رماح:لك احكي احكي لا تجنني جراح: بدها اراقبلها بيت موفق جوز امها رماح:ليش بقى جراح:اجى للبساتين ولحصة غياث وكان يأشر ويشرح ويحدد رماح:ايمتى هلحكي وليش ما خبرتني جراح:ما كنت فاضي 😂كنت عايش دور الزعلان رماح:وشوفي وراه لبطيخ جراح:حسب ازا قاعد هيك بكون وراه الحيط 😂 ضرب على جبينو على برود اخوه رماح:شو عاملين ياربي بيلتنا فيه بلوة جراح:لا تغلط بالعكس عاملين شي منيح واعطاكن اياني مكافئة رماح:على حظك يا رماح مو مسدء اخلص منك جراح: صحيح اول ليلة مع العروس بس رح تستفقد لدك الضحك رماح:بكون ابن حرام ازا بتزكرك جراح:يا عيب عليك بتحط بشرف امي رماح:لاتزكرك بتلومني جراح:الله يرحمها على هالخلفة منيح ما شافت ابنها وهي ذاليتو المتريسة رماح:فشرت واحد متلك مذلول جراح:لككك على جراح يا رماح شفتك اليوم كيف صافن فيها وهي عم تعطي التعليمات لجديدة بدكن تتصالحو رماح :والله ياريت جراح:احكيلي شو عامل بالاول مشان الحل يكون مناسب رماح:مع انو بشك انك رح تخرب ما تصلح جراح:لك خطة محكمة ا بس احكيلي رماح:لك ما انا خبرتك جراح:جاي عبالي اسمع مرة تانية رماح:يا ويلي على قلة ادبك جراح:كانت طيبة😂 رماح:وبعدين جراح:تعال لقلك كيف رح تصالحها ......... الحلقة الثانية والثمانون بقلمي:مايا الحجازي وبعد مرور فترة كالعادة معو لمرابعين وبأول البستان شاف سيارة اصايل ومفتوح باب السيارة نزل دغري واول ما شاف مافيها حدا مسك موبايلو وحاول يتصل فيها بس كان الجهاز مغلق بجية جراح ومراد ومستغربين من الي صاير جراح: شو القصة ووين المتريسة مراد:انا رايح لشوفها بالاستراحة جراح:انا رايح للبير بس رماح ضل بمكانو لانو واثق الي صاير معها مو عادي والا ما بتترك سيارتها مفتوحة عمل لفة حول السيارة وشاف حجر متوسط الحجم على جنب اجى يركض مراد مراد:الاستراحة مسكرة واجى جراح دغري جراح: النواطير عم يجهزو حالهن للرجعة بجيتهن وعرفو انو صاير شي عمران: خير شو القصة رماح:ما اجى حدا لهون امجد:لا بقلبو:مسافة بعيدة من اول البستان لجواتو عمران:خير صاير مع المتريسة شي رماح:لو منعرف منسأل شوفوا شغلكن يلا انتشرو العمال ولساتو واقف عند السيارة جراح:شوفي اخي شو بدك تعمل رماح:فوت سيارة الشغل لجوى وانا رايح لعند غياث الا ما نعرف وينها ركب بسيارتها شاف المفتاح وانها لسى شغالة رماح:الي متأكد منو الي صاير معها قبل نواصل بدقايق للبستان في شي غريب سكر الباب ورجع رجوع لحتى استلم الشارع وبطريقو للفيلا محاولات كتيرة وهو عم يتصل ب غياث بس للاسف مافي رد وقبل يوصل للفيلا حاول اخر محاولة ليرد غياث ومن صوتو مبين لساتو نايم رماح:لساتك مندفس غياث:ولك شوفي الساعة ماصارت سبعة رماح:انا برى افتحلي صفط السيارة ووقف عند الباب فتحلو غياث وشكلو خارج التغطية شعرو منكوش ونازل بالشورت وعم يزبط بلوزتو غياث:شوفي عند بكرى الصبح رماح:اصايل راحت للشغل اطلع بسيارتها غياث:سيارتها هون معناتو جوى رماح:لك انا الي جبت السيارة كانت باول البستان واصايل مو فيها وتاركيتها شغالة غياث:انت شو عم تحكي رايح لشوفها رماح:يلعن عمري هاد مو مسدءني اخد نفس طويل وبقي واقف لحتى نزل غياث ركض غياث:ايمتى صار هالحكي رماح:من وصلتي للبستان غياث:اختي مخطوفة يعني رماح: مافي غير هالاحتمال غياث: .. كان مصدوم غياث ومفتح عيونو مو مستوعب رماح:غياث الوقت مو لصالحنا الحادثة ما صارلها ساعة وفينا ندور عليها غياث:معقول مشان المصاري رماح:بدو يجنني مو زقت التحليلات لازم نلاقيها غياث:طيب فوت بدي اللبس رماح:انا هون روح خلصني سمعوا يحكي غياث:ماصاير شي ام غياث:لكن مين برى واول ما طلت عليه سألتو ام غياث:في شي صاير مع بنتي شي رماح:يعني هي طلعت من البيت ام غياث:اي صرلها ساعة طالعة من البيت رماح:لا ماصاير شي ام غياث:يي هي سيارة اصايل شو صاير معها بترجاك تحكي رماح:والله مابعرف انا اجيت أسأل عنها ام غياث:ليش وبن كانت سيارتها رماح:بالبستان ام غياث:ولييي راحت البنت رماح:طولي بالك إن شاءالله يكون الي ببالنا مو صحيح نزل غياث وطلعو سوى رماح:شوفي ببالك غياث:الاحسن ندور بكل الخرابات الي بنواحي البستان رماح:انت بدك تروح تدور غياث:لكن شو لازم اعمل اخبر الشرطة رماح: مارح نستفيد ماصارلها مختفية فترة منيحة غياث:احكيلي الحادثة بالتفصيل بلش يشرحلو بالتفصيل غياث:طيب ما لاحظت شي مو قلت الحادثة قبل توصل رماح:... بلش يتزكر كم سيارة صادفتو قبل التقاطع واول ما اتزكر الفان الاسود الي صادفو بالشارع رماح:لك اي مر فان اسود والطريق ما بمر فيه الا سيارات محملة فواكه او سيارات اصحاب البساتين غياث:يعني ع الاكيد اصايل مخطوفة رماح:والعمل شو لازم نعمل غياث: ازا خاطفينها مشان المصاري رح يتصلو اكيد رماح:بدك نضل نستنى يتصلو غياث:مابعرف والله مابعرف رماح:انا رايح للبستان غياث:روح بسيارتها شوي ولاحقك. ........ كنت مربطة على الكرسي مو شايفة الا السواد وبلش جسمي يتخدر من هالقعدة بدي اصرخ مافيني مسكرين على تمي بلاصق قلبي عم يدق بسرعة اول ما اتزكرت شو صار معي وقت شفت حجر باول الطريق لترابي للبستان وانزلت لشيلو مافي الا رميتو على جنب وفجأة حدا هجم عليي بس متزكرة انو كان ملتم وبعدها ربطلي ايديي وربط على تمي وحملني بس ما مشي مسافة بعيدة اكيد سرقوا السيارة 😭 اكيد غايتهن المصاري وكانو تعالقوا بين بعض كان صوتهن طالع -ليش مين طلب منك تجيبها لهون -وين اخدها لبيتي يعني -لك لمعلم ما حكى لهون ماحكى -تسطفل منك الو تضربوا ساعة الي وافقت وطاوعتكن يمكن رمى شي وطلع بس متأكدة نحن مو ببيت نحن بمكان فيه هوى وهاد مو صوت باب صوت لوح حديد -الله لا يوفقك روح انت بعيد احكي مع لمعلم لنشوف شو رح نعمل بمصيبتنا كنت خايفة لدرجة عيوني عم يبكو بلشت احرك حالي واحاول اصرخ بس مافي امل صوت خطواتو كانت عم تقرب وزاد خوفي -شو يا ...والله انسيت اسمك يا بنت ابو غياث اصايل:ممممم -مارح تحكي ابدا الا لنخبر اهلك مستعدين يدفعوا فدية ولا تحاسبينا انتي من رصيدك يا ام سيارة فخمة اصايل:ممممم -عايشين فوق الريح ولا عبالكن بقلبي:شو بدكن مني وليش انا هون ومين هدول الناس حدا استفقدني يا ترى كيف بدهم يستفقدوني مستحيل يعرفو وين انا ......... بالبستان كان ناطر غياث على نار واول ما وصل راح لعندو رماح:شو صار معك غياث: حطيت خبر عند رفيق بابا هو عقيد بالامن رماح:بدنا نضل بمكانا غياث: مافي غير نستنى اتصال منهن وهيك خبرني العقيد بقلبو:لك لو رجال المخطوف اهون بتكون لمصيبة بس بنت اوووف والله لاحرقهن ازا بيلمسو منها شعرة غياث:ماما قلقانة عليها كتير رماح:طيب روح لعندها غياث:لك من وين طلعتلنا هالمصيبة وقبل يطلع بالسيارة رن موبايل غياث والرقم كان خاص اهتموا لتنين قعدو بالسيارة وفتح خط غياث:الو -انت غياث كان الصوت واضح انو مشوش عليه غياث:متصل فيني مو عارف مين؟ -استفقدتو لحدا من عيلتكن غياث:يا ويلك ويصير عليها شي -شو بدنا فيها نحن بدنا مصاري بعرف اموالكن ما بتاكلها النيران غياث: واديش طالبين -لا تخاف اقل من مليار لتنين انصدموا غياث:انت شو عم تحكي ما معنا هالمبلغ -اخدت واعطيت معك وفهمتك شو طلبي ازا بدك اختك ترجعلكن متل ما اخدناها بدنا المبلغ بالكامل رح اتركك تتشاور مع اهلك وقبل ينطق كان مسكر الخط غياث: أسمعت رماح رماح:انت سجلت المكالمة غياث:اكيد رماح:لازم نقدم بلاغ بأسرع وقت هالشي لصالحنا نحن شغل السيارة ولاقرب مركز أمن واول ما عرفوا بأسم العقيد اهتموا بالموضوع والعقيد كان متابع الموضوع ومهتم فيه كتير ........ الحلقة الثالثة والثمانون بقلمي:مايا الحجازي بعد ساعات طويلة فرطت من تعبي ولانو حسيت المكان مافيه حدا بلشت احاول افك حالي واسمعت صوت خوفني -لا تحاولي...نحن اتواصلنا مع اهلك انشالله الاتصال يجيب نتيجة وازا ما جاب نتيجة منتسلى فيكي جن جنوني من الي عم يحكيه اصايل:مممم -لاسمع شوفي عندك شال اللاصق عن تمي كنت عم اتنفس بسرعة اصايل:بيدفعولكن اكيد بس اتركوني فكوني اخدرت معاد فيني -حاليا اهلك عم يتشاورو المسا رح نحكي معهن ونشوف شو قررو اصايل:بترجاك تفكني والله معاد فيني اتكسرت -موديلك حلو كتير اول مرة بشوف هيك بنت غريبة عجيبة اصايل: مين انتو وشو بدكنن -مصاري شو بدنا ومين نحن 😂اتخيلي احكيلك اول ما مرر ايدو على خدي اجمدت من خوفي -شو عم تعمل ولاه -لا ماعملت شي -بعد عنها ولابقى تاخد وتعطي معها لمعلم جاي على الطريق -متنا من الجوع روح جيبلنا لقمة اكل -لا ما حزرت روح انت بدك تستفرد فيها -بروح شو مفكرني كنت متطمنة في واحد بيناتهم ابن حلال والا ما خلاه يبعد عني -انا اتعبت والله اتعبت معاد فيني اتخدرت -ادعي الله يهدي اهلك ويدفعوا كان عم يفك رجليي اصايل:اديش المبلغ الي بدكن اياه -ناوية تدفعيه اصايل:... فك رجليي ومشاني وخلاني اقعد على فرشة بالارض ارتحت كتير هيك بس رجع ربط رجليي ببعض اصايل:ليش عم تربطني والله مابتحرك من مكاني -هي تعليمات لمعلم وكأنو طلع من المكان رميت حالي على الفرشة وارتحت كتير اصايل:😭لككك شو عم يصير يارب خلصني من هالمصيبة اكيد ماما بكون غليان قلبها عليي يا ترى شو رح يعملو معقول يدفعو يارب انا كتير تعبانة وموجوعة معاد فيني ...... المكان مافيه الا كم شب واقفين حوالي الخرابة كان مراقب الجو واتأكد انو عارف عم يحكي مكالمة فات بتسلل للغرفة الي فيها اصايل وقت شافها على الفرشة ابتسم بمكر حط من ايدو الاكل وقرب والظاهر انو حست على حركة وقبل تتجلس كان قاعد جنبها وشدها من خصرها عليه اصايل:بعد عنييي بترجاك -هسس وطي صوتك شو هالجاذبية دخيل رب البنات كانت عم تحاول تبعدو عنها وتحرك رأسها يمين شمال بس كان اقوى منها وعمل الي براسو واول ما فات عارف شحطو لبرى شحط وضربوا كف عارف:لككك نحن ما جبناها مشان هيك انت بهيمة -شو اعملك يعني اول مرة بصادف بنت وماحدا سائل عليها عارف:اختفي من وشي اوعك لسى تقرب عليها فات عارف لجوى كانت عم تبكي نفخ كل نفسو ورتبلها تيابها عارف:هاد واحد مجنون وضربتو خلص لا تخافي مابقى يقرب عليكي اصايل:😭طالعوني من هون طالعوني من هون عارف:حكينا مع اهلك ووعدونا المغرب يكونوا مأمنين المبلغ