الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعنة المصنع`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#لعنة_المصنع_قصص
#لعنة_المصنع_4 #لعنة_المصنع
الحلقة الربعة
انتابني الخوف تماماً واتملكني بعد الكلام اللي حكتلي ياه ام ملك.. انه في جن جواتي متلبسني وعايش جواتي وعم يحكي مع الناس ولازم نروح نشوف حدا يساعدنا .. اتصلت مع نفس صاحبتها اللي صار معها نفس اللي صار معي وحكتلها لازم نشوفك بكرا بدنا نشوفك ضروري.. صاحبة بنتي صاير معها نفس ماهوه صاير معك وبدنا تساعدينا ارجوكي بأسرع وقت.. حكتلها تعالوا بكرا على بيتي.. وكان اسم صاحبة ام ملك.. ابتسام.. رحنا أنا وملك وأم ملك على بيت ابتسام تاني يوم الصبح.. وقعدتنا وبلشت تحكيلي شو اللي صار معها بعد ماطلبت منها أم ملك تحكيلي القصة.. حكتلي انه في يوم من الأيام اجا لعندها زلمة ملتحي ومتدين وصاير يتطلع عليها نظرات غريبة وعيونه مكحله وصغار وشكله مابوحي انه طبيعي جداً.. لحد ماصارت تشوفه بلحقها وين ماتروح وبأي مكان تشوفه.. وقفته وسألته انت بتعرفني ليه كل مابشوفك بتكون موجود عم تلحقني او تراقبني.. هيه فكرته بالأول انه مراقبها عشان زوجها طالب منه هيك لأنه كان بينهم مشاكل.. بس لما تطورت الأمور وصارت تشوفه بعد ماتروح من الشغل وقبل كمان .. قررت انها تبلغ الشرطة أو الأمن تبع المصرف اللي بتشتغل فيه.. وأول ما جابتهم اختى وبطلت تشوفه.. وبلحظة كان يرجعلها بلمح البصر والشرطة ما كانت تلحقه او تشوفله أثر.. هالشي دب الرعب بقلبها وصار يجيها كل يوم بالمنام.. وبالآخر اكتشفت انه جن على هيئة بشر بظهرلها وقت مابده وعاشقها وبده يتلبسها.. صارت كل ماتشوفه تصير تصرخ وتحكي للناس هيه قبالي بس للأسف الناس ماتقدر تشوفه ولا تلحظه .. وبيوم من الايام وهيه نايمة بالبيت صحيت عم تصرخ وزوجها صحي عليها.. كانت شايفيته جوا غرفة النوم بتطلع عليها من آخر الغرفه بالعتمه وقررت لحظتها تحكي لزوجها كل شي.. وهوه قلب الموضوع جدّي وماكان مقتنع انها عم تشوف جن على هيئة بشر بكل مكان.. وطلقها.. تركت البيت وعاشت مع اهلها بعد ماتعبت نفسيتها بزيادة وصارت تستفرغ كل الوقت وتحس بغثيان وتهيؤات ما الها وجود بالوجود .. رحت شفتها واقنعت اهلها انه البنت ملبوسه من جن.. وتصرفاتها مش بإيدها .. ام ملك حاولت تقنع زوجها بس كان مفكر انها بتحبه وانها خاينيته وبتتحجج بهالشي بس عشان تتطلق منه وهوه ماقصر معها وطلقها.. زاد سوء نفسيتها ومع مساعدة ام ملك وبعد مادلتها جارتها على وحدة شيخة وبتعرف بالدين منيح.. قدرت تشفيها نهائياً وتخرج الشي اللي جواتها.. أنا بلشت احكيلها اني دخلت المصنع وكان وقتها ليل بسبب الإضافي.. وهالشي اللي خلاني اشوف شغلات غريبة جواته.. مرة رشّت عليه شي وحكتلي انها من عيلة من الجن وزلمة حرق المصنع وحكيت للست خالده وبثينة ماصدقوني وكذبوني
حكيت للست خالده وبثينة ماصدقوني وكذبوني.. ومش انا اللي حرقته .. عدا عن الشب اللي شفته اليوم لحقني جوا المصنع .. عم بحس انه ملك بتختفي وهيه اصلاً موجودة وبس اقرر اشوفها بتحكيلي كلام ما صار بالواقع اصلاً ومش متذكرة منه شي.. هالشي اللي مخليني احط العقل بالكف وما اقدر افكر ابداً .. احكيلي يا ست ابتسام شو اعمل ارجوكي أنا بحيرة وتعبانة نفسيتي .. والست خالده وبثينة مش راحميني.. يعني لازم اشتغل بالمصنع اضافي واسد الدين اللي عليه بسبب الخراب اللي صار بالمصنع ومش مصدقين انه في شغلات جوا بتصير !! .. شو اعمل.. قالتلي أول شي لازم نروح عن ام سعفان اللي شفتني.. خليتها تحكيلك شو تعملي.. خليها تلاقيلك حل بسرعه.. اتصلنا على ام سعفان بسرعه.. وحكتلنا عندها ناس كتير رح يجوا عندها.. لازم نصبر يومين لحتى نشوفها.. انا كيف كان بدي اقدر اصبر يومين؟ وبدي اشتغل يومين بالمصنع اضافي!! مابعرف شو ممكن يصير معي شغلات كمان بهاليومين.. لازم الشي يصير بسرعه.. اتواسطت ام ملك عند ام سعفان وقالتلها الشغلة مستعجلة وبندفعلك قد مابدك.. انا ماكان معي مصاري وحالة اهلي على قدهم مامعي مصاري ابداً بس ام ملك حكت أنا رح ادفعلك حبيبتي وكل شي بصير عليه.. انبسطت من كرمها لإلي وتفكيرها بإنها تخدمني.. بعد فترة صغيرة وبعد ماطلعنا من بيت الست ابتسام بلشت اشوف تهيؤات غريبة.. اشوف حدا بلحقني وحدا ماشي وراي تماماً .. اتلمّس كل شوي وتمسكني ملك واحنا ماشين وام ملك تسمي عليه .. بعدوني عن السيارات وكنت رح اندعس لأنه كنت بحس حدا ماشي خلفي وعم بلحقني.. بشوف المره بوجوه كل الناس وبشوف الشب اللي مسك ايدي بوجوه اي شب بشوفه.. عشت حالة هذيان صعبه واللي صار معي جوا المصنع خلاني اشك بكل حدا انه يكون جن بتعامل معي.. اي انسان بصادفه بحكي معي صرت احس انه مش بشر.. لأنه في جن على شكلي تماماً عم بحكي مع الناس وبتعامل معهم.. وبشهادة كلام ملك قدرت اقتنع بهالشي واصدق ام ملك !! .. اتصلت عليه بثينة وبهدلتني.. حكتلي ماتنسي انه عليكي عقوبة وبدك تكمليها.. حريق المصنع مارح يروح هيك يكون بعلمك! .. لازم تيجي تخلصي الشغل اللي عليكي الاضافي حتى توفي حق اللي خرب.. او وحياتك بتصل مع الشرطة بشحطوكي وبسجنوكي.. أنا توسلتلها لأنه ماما مابدها انسجن عشان سمعة العيلة ومستعدة انذل واموت جوا المصنع ولا اشوف دمعة بابا وماما او انسجن! .. رحت انا وملك وقعدنا نشتغل زي كل يوم .. اشتغلنا بالمصنع لحد ما اجا وقت الأضافي.. المرة اللي كانت معنا رجعت مرة تانية اللي بتشتغل اضافي.. بس ماكانت بتحكي معنا.. بثينة طلعت وتركتنا.. وصارت الساعه ستة المسا.. انا عم برجف وخايفة وكل شوي بستفرغ.. مابدي ملك تتركني لأنه مابدي احس بالشي اللي صار مرة تانية.. حكيتلها ملك ماتروحي خليكي جنبي ولو رحت عالحمام تعي معي حكتلي ماتخافي حبيبتي انا جنبك مارح يصير شي.. فجأة حسيت ملك حدا حقير كتير وصرت اخاف منها مابعرف ليه.. صرت احسها بدها تأذيني او الجن هيه ملك.. اجاني شعور فجأة خلاني أنفر منها حتى المره اللي بتشتغل معها لاحظت اني ببعد عنها.. حسيت عيونها صارو حمر ..تهيألي هالشي أو في شي جواتي حكالي انه الجن هوه ملك وصرت اصرخ بالمصنع .. وكل ما ملك تحكي معي احس الكلام جوا راسي متل الصدى وصوتها يعلى .. أنا نجنيت أو بتهيألي انها مش ملك.. احكيلها اسكتي اخرسي تحكيلي شو صارلك !! .. شفت الزلمة اللي طلعلي واللي حرق المصنع ورا البرداية .. شفته بتطلع عليه وسمعته بحكيلي اقتلي ملك .. هيه الجن اللي بده يدخل جواتك وهيه مش صاحبتك.. أنا انفصلت اوتار مخي وماعدت ركزت ابداً.. مسكت المقص اللي عم بخيط فيه وطعنّت ملك.. طعنتها لحد مانزل دمها على الأرض.. صفنت فيه وحكتلي انتي شو عملتي ؟! المره اللي جنبنا صارت تصرخ واتصلت مع بثينة حكتلها الحقي العاملة قتلت البنت اللي معها.. بثينة اجت ركض لأنه بيتها قريب من المصنع وشافتني شو عملت وبهاللحظة كل التهيؤات راحت ورجعلي عقلي ومن كتر ما انا مش متذكرة شي صرت اسأل مين اللي عمل هيك !! اتصلت بثينة بالإسعاف وحكت للست خالده شو صار.. رحنا على الاسعاف وبقيت مع ملك طول الوقت.. اجو اهلي وشافوني وانا ماقدرت ابرر شي لأني مش واعية.. حسيت للحظة انه في شي جواتي فعلاً بتحكم فيني ومش أنا اللي عملت هيك.. اجت الشرطة مسكتني ومر عشر ساعات على اللي صار.. طلعت ملك من عمليتها.. وحكت أنا مابدي اشتكي على صاحبتي.. الشرطة تركتني وام ملك لامتني وعصبت عليه بس الجرح كان سطحي كتير وقريب من رجلها وما أثر عليها.. طلعنا كلنا من المستشفى.. وام ملك حكت مع بثينة قالتلها البنات لسه بدهم يشتغلوا .. حكيتلها ليه حكيتيلها هيك .. قالتلي ام سعفان حكتلي انتي مش لازم تطلعي من المصنع ابداً لأنه اللي متلبسك حاكم عليكي تضلي جوا المصنع عطول ولا رح تهلكي وتموتي والشي معلق روحك جوا هالمكان واذا بدنا نتغلب عليه لازم تضلي فيه لنخلص منه جوا المصنع تماماً هاي لعنة قوية صايبتك..
اتطلعت عليه ملك ووشوشتني وقالت.. أنا مش طالعه من المصنع قبل ما أفتح غرفة الست خالده.. قلبي حاسسني انه فيها شي رح يكشف الوراق المخباية
يتبع..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`