الفصل 8
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعنة المصنع`*
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#لعنة_المصنع_قصص
#لعنة_المصنع_8 #لعنة_المصنع
الحلقة الثامنة
أنا ما كنت ناسية الحلم أبداً والشي اللي صار مبارح خلاني اقلق واخاف أكتر على حالي وعلى كل اللي حواليه.. طلعت أنا وملك على المصنع وبلشنا نشتغل كالمعتاد.. الست خالده اجت تشرف علينا.. ووقفت عند كل عاملة اقل من دقيقة بس لما وصلت لعندي ضلت واقفه اكتر من دقيقتين وهالشي خلاني أقلق.. اتطلعت عليه وضلت صافنه.. وأنا ماعرفت ليه هيك بتعمل.. اتطلعت عليها وسألتها كيف شغلي منيح؟ ماردت عليه وجحرتني ومشيت .. وضلت وهيه ماشيه عم تتطلع عليه كل شوي .. ملك لاحظت عليها وسيدرا كانت موجودة وشافت الشي اللي صار.. بعد ماطلعت ولحقتها بثينه كان تقريباً رح يخلص الدوام والساعه بلشت تصير قريبة من التنين أنا اخدت المفتاح اللي نسخته سيدرا وملك قالتلي اليوم لازم نفتح الباب.. وام سعفان رح تيجي عالإضافي متلها متل أي عاملة تانية.. بس يارب بثينه تطلع من المصنع ! .. خلص الدوام وأنا بلّش راسي يوجعني.. حسيت بغثيان واحساس غريب.. حكيت لملك حاسه بصداع رهيب وانا بس يبلش راسي يوجعني بحس انه رح يصيرلي شي.. حكتلي ارجوكي ماتحكيها بدنا نفتح المكتب.. صبرّت لحد ماخلص الدوام.. وشفنا الست خالده سحبت حالها وطلعت من المصنع.. واخدنا استراحه وكانت معنا مره جديدة جايه عالإضافي وام سرحان اجت.. ضلينا عم نشتغل وطلعت بثينه بالوقت اللي دايماً بتطلع فيه.. سكرت باب المصنع علينا وطلعت .. أم سعفان حكتلي يلا .. المره اللي معنا صارت تتطلع علينا وتحكي لوين رايحين؟ ام سعفان هددتها وحكلتها اذا بتحكي شي رح نحرقك هسه ! انا كنت خايفه كتير والصداع اللي براسي ما فارقني للحظة .. ملك ضلت عم تراقب المره وحكتلها ام سعفان ضلي عندها.. طلعت أنا وام سعفان للمكتب وحطينا المفتاح فيه.. وبدون اي معاناة او تعب فتح معنا المكتب ! .. ولسه بدنا ندخل على المكتب سمعت صوت ملك عم تنادي علينا وتصرخ حكتلي ام سعفان انزلي بسرعه شو في شو مالها ! نزلت فوراً عم بركض.. لقيت المره رافعه المقص على ملك وعم تتصل مع بثينه.. ووقتها عرفت انه هاي المره مش جاي على الإضافي وحاطيتها بثينه والست خالده لتراقبنا ويمكن شكّوا بالمره اللي راحت المره الماضية بدون ماتحكي ليش؟! بس السؤال اللي كنت بسأله لحالي كل يوم.. ليه بثينه عم تطلع بهالوقت تحديداً برغم انه المفروض تكون موجودة بالمصنع.. طلبت منها تنزل التلفون.. بس مارضيت وحكت لبثينه عالخط انه تيجي بسرعه واحنا طالعين نسرق المصنع.. بثينه بيتها قريب من المصنع.. وانا صرت اصرخ واحكي لأم سعفان المره اتصلت على بثينه وحكتلها سكري المكتب وانزلي..ام سعفان اختفى صوتها وماعاد ردت عليه وماعرفت شو عملت.. طلعت اشوفها.. لقيت باب مكتب الست خالدة مسكر.. لقيت باب مكتب الست خالده مسكر تماماً وام سعفان ما الها أثر.. صرت اخبط على الباب افتحي وين بثينه رح تيجي .. وين رحتي أم سعفان !! وين اختفيتي .. ووجع راسي عم بزيد كل شوي .. بس ماكانت ترد عليه.. اتطلعت قبالي بعد دقايق وأنا عم بخبط على الباب.. لقيت بثينه قبالي وعم تتطلع عليه.. صرت احكيلها اطلعي بسرعه قبل ماتيجي بس للأسف لقيتها قبالي وعم تطلع عليه.. بتحكيلي امشي من هون شو عم تعملي؟ كنت متأكدة انك بدك تسرقي المصنع وفكرت حالي ظلمتك أول مرة بس طلعتي كذابة .. هالمرة رح تندمي على الساعه اللي دخلتي فيها هون.. تعالي !! .. اجت ومسكت ايدي وطلبت مني أطلع من المصنع.. حكيتلها ام سعفان جوا.. حكتلي وين بالمكتب !!! .. قلتلها اه بالمكتب.. حكتلي كمان ناسخين عن المفتاح يا سراقين ياحراميه.. خليها جوا مارح تطلع لتيجي بكرا الست خالده وتشوفها.. وهلأ اطلعي بسرعه من المصنع خلصيني.. !!! .. حكيتلها مارح أطلع من هون قبل ما تيجي معي أم سعفان فاهمة ولا لأ !! وضليتني اخبط على الباب.. هددتني انها تحكي مع الست خالده أو تجبلي الشرطة واصرّت عليه اني اطلع من المصنع وبسرعه تامه.. بس أنا عندّت أكتر ومارضيت.. ومن كتر ماضلت تحكي وتعلي بصوتها وجع راسي زاد وحسيت بالصداع رجع بشكل قوي.. حاولت تسحبني من إيدي بس فجأة الإحساس اللي جواتي طلع وبلشت أشوف تهيؤات بالممرات.. خيالات عم تمشي بسرعه من ورا بثينه.. نزلت عيوني وحاولت ما اركز كتير بالشي اللي عم بشوفه وراها.. بس الصورة كانت أقوى من ما بتصور وصرت بشوف الخيالات عم تقرب لعندي وكأنه خيال المره اللي طلعتلي أول مرة والشب معها.. وقعت على الأرض ونزلت عيوني.. صرخت فيه بثينه وحكتلي رح أنزل واسكر عليكي باب المصنع .. بدك تنزلي ولا لأ!! جاوبيني !! رفعت راسي.. وكانوا عيوني حُمر واظافري مخشبين ووجهي شاحب أبيض.. وقتها شفت الرعبه بعيون بثينه لأول مرة.. شافتني بصورة ما كانت تتخيل تشوفها بحياتها كلها.. كنت مستوحشة وبدي أخلص منها.. وصوتي خشن.. الصورة اللي شفتها صارت واضحه تماماً وشفت الشب عم بضحكلي بآخر الممر والمره بتظهر وبتختفي.. أمّا الختيار ما كان اله أثر لأول مرة.. سمعّت ملك عم تنادي عليه من تحت..
وبثينه شافتني بهالوضع صارت بدها تهرب وتتركني.. بس أنا القوة اللي كانت جواتي كفيلة اني امسكها وارجعها.. لحقتها ومسكتها من رقبتها وشديتها من شعرها.. وصرت اخبّط بوجهها على باب مكتب الست خالده.. وفجأة فتّح باب الست خالده.. دخّلت بثينه جوا ودخلت معها.. كنت غايبة عن الوعي تماماً ومش فبالي انه ام سعفان دخلت جوا.. وحاسه بالقرين الداخلي عم يوجهني ويمشيني حسب مابده.. حاسه بالقرين الداخلي عم يوجهني ويمشيني حسب مابده.. وكأني صرت متل اللي ساكنين بالمصنع وصدقّت تماماً الكلام اللي حكولي ياه .. بإني رح أصبح من سلالة الجن اللي منهم وينسحب مني خاصية اني اكون بني آدمه!! باللحظة اللي دخلت فيها على الغرفه ماكنت مركزة بالشي اللي شفته فيها.. لأني ببساطه مش ناريمان الإنسانه.. ولأنه القرين والجن اللي فيني مانع اني اشوف وافكر.. رميتها جوا بزاوية الغرفه وكنت غايبة عن التركيز والوعي.. طلعت ملك تركض على الطابق وكانت ترجف وتحكي وينكم وينكم !! .. قصدها عني وعن ام سعفان.. بس فجأة شافتني لافة ضهري وبلشت تقولي.. تأخرتي شو جوا مكتبها وين ام سعفان .. انزلي المكان تحت قالب فوقاني تحتاني وكل شي عم يخرب ويتحرك والمره اللي معي هربت من الشي اللي شافته.. ليش لافه ظهرك احكي معي.. وبس لفيت وجهي عليها .. شافتني وعيوني حمر ومستوحشة وبدي اقضي على اي شي بوجهي.. صارت تصرخ وتحكي ناريمان!! .. ونزلت تركض بس أنا تركت بثينه عم ترجف من خوفها بالزاوية وسكرت الباب ولحقت ملك.. ماخليتها تطلع من المصنع أبداً.. وكنت شايفه المره والشب عم يتحركو بكل جهه من المصنع بلمح البصر وكأنهم بأمروني أقتلها.. ضليتني عم الحقها وعم بزيح كل شي قبالي ناحيتها حتى ماتهرب.. وارمي عليها المقصات واي شي بوجهي.. وهيه تحكيلي ناريمان انا صاحبتك حبيبتك ماتأذيني.. بس انا ماكنت بسمعها وبس بدي اشوف دمها مصفى على الارض.. حاولت تهرب ووصلت لباب المصنع.. بس وصلتها وسحبتها لغرفة القياس.. ودخلت على المطبخ.. اللحظة الأولى اللي كنت فيها لوحدي بس نحرق المصنع.. رجعت نعادت مرة تانية.. بس هالمرة وأنا ناريمان المتوحشة!! شفت الختيار مرة تانية عم يحاول يولّع النار والغاز.. وأنا كنت مبسوطة بالشي اللي شفته وما خفت أبداً .. حسيت انه بدي اشوف اي شي فيه خراب حتى اكون مبسوطة.. هالشي جواتي عم بنطلب مني .. ومافي أي خوف.. ملك ضلت تصرخ بغرفة القياس وكانت عم تتصل مع حدا .. بس أنا دخلت عليها بعد ماطلعت من المطبخ ورميت تلفونها بس كانت مخلصة مكالمتها.. اخدتها للمطبخ وخليتها .. كانت النار شغالة والغاز كمان.. النار عم تشغّل لحالها والغاز بكل مكان.. هيه مش شايفه الختيار بس انا شايفته عم يعيد المشهد اللي شفته أول مرة.. ملك عم تصرخ وتحكيلي النار رح تحرق كل مكان .. خلينا نهرب.. ناريمان ردي عليه .. انا صاحبتك ماتعملي فيه هيك.. مارديت عليها وسكرت باب المطبخ عليها وانا عم بضحك.. وقبل ما اطلع شفت بثينه عم تحاول تهرب بس كنت اقوى منك وضربت عليها كرسي عظهرها من الصالة لحد ما فقدت وعيها.. وبقيت لوحدي بالمصنع عم بضحك والنار عم تطلع من المطبخ
يتبع..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`