الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعنة المصنع`*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#لعنة_المصنع_قصص
#لعنة_المصنع_6 #لعنة_المصنع
الحلقة السادسة
اتطلعت على الباب لقيت الشب اللي شفته !!.. بتطلع عليه وكأنه بحكيلي تعي لعندي.. ملك حكتلي لوين رايحه تعالي.. بس انا ما كنت عامله إعتبار لكلامها.. قمت متوجهه للغرفه وعم بضحك ولا مافي جواتي أي نوع من الوعي.. دخلت على الغرفه وسكرت على حالي وملك صارت تناديلي وتحكيلي افتحيلي الباب.. وقفت جنب الشب وصار يتطلع عليه وكأنه بحكيلي اعطيني إسوارتك اللي بإيدك.. الإسوارة نفسها اللي اعطتني ياها ام سعفان حتى تحميني منهم.. اعطيته ياها وفجأة غمضت عيوني ووقعت على الأرض وما كنت واعية شو صرلي واخر صورة شفتها بعيوني الشب بتطلع عليه وبده مني الأسوارة.. ملك ماعادت عرفت شو تعمل لأنه الباب مسكر وأنا ماعم بجاوب .. مغمى عليه.. ملك صارت تسمع صوت تلفوني برن جوا.. وأنا مش سامعه شي ومغمى عليه تماماً.. اتصلت ملك مع امها وحكتلها اعطيني رقم أم سعفان بسرعه.. امها اعطتها الرقم واتصلت عليها.. حكتلها ناريمان دخلت عالغرفه التانية وسكرت عحالها الباب وبناديلها مابترد خايفة تكون عملت بحالها شي.. حكتلها خليكي هون هيني جايه.. بعد دقايق كانت ام سعفان بالمصنع.. حكتلها انتي ورحي واتركيني معها.. اتطلعت المره اللي معنا على ام سعفان وقالتلها ما بدي تحكي شي للست خالده ولا البنت اللي بتشتغل معها.. لازم تعرفي انه البنت المحبوسة بالغرفه جوا ملبوسه وفي جن ساكن ومستوطن هالمكان.. أنا مره بعرف بهالأمور وبدنا ننقذ البنت.. المره خافت وبطّلت تجمّع وقالت بدي أروّح مابدي أضل هون هددتها أم سعفان وحكتلها حتى تخاف .. اذا جبتي سيرة على الشي اللي صار مارح اتركك بحالك.. قالتلها المره انا مروحه ورح اترك الشغل ومارح اقول شي اتطمنوا.. اخدت اغراضها وطلعت.. ملك حكت لأم سعفان .. بثينة يمكن تيجي بعد شوي .. لأنها بتتركنا بالمصنع كل يوم متل هالوقت وبتروح وهلأ الساعه تسعة يعني نص ساعه تقريباً وبتيجي تسكّر المصنع.. لازم تلحقي تعملي اللازم قبل ماتيجي وبسرعه.. انا اتصلت مع سيدرا وحكيتلها تيجي تعطينا مفتاح المكتب.. يمكن هالشي يفيدنا.. انتي روحي شوفي ناريمان وافتحي عليها الغرفه وأنا رح اضل اراقب باب المصنع واستنى بسيدرا.. اتطلعت ام سعفان على ملك وقالتلها.. ناريمان اجت عندي على البيت من شوي.. وحكت معي.. وهددتني لو حاولت اساعدها رح تحرق المصنع وتقتلني وتقتل حالها.. وتأذيني وتأذيكي.. صفنت فيها ملك وقالت كيف صار هيك ! .. حكتلها ام سعفان.. ناريمان جوا مغمى عليها وقرينها الجن هوه اللي اجا على بيتي وحكا معي وهددني.. قرينها مش رح يتركنا الا لما يعمل شي سيء.. أنا منعتها تدخل على البيت لأنه كنت عارفه انه مش ناريمان اللي بتحكي معي وشفت هالشي بعيونها
كانو عيونها حمر وغير طبيعيات وكلامها ولهجتها مش صوت بني ادم.. مش هيه اللي اجت تحكي معي.. خايفة يكون قرينها بالبيت عندهم هلأ وعم يأذيهم.. الأحسن تروحي على بيتهم تشوفيها او تحمي حالك وتروحي على بيتك .. شكله رح يصير شي سيء والتهديد خلاني أقلق.. حكتلها ملك يعني ما استنى سيدرا بس أنا حكيت معها ورح تجيب المفتاح.. حكتلها ام سعفان خلينا نأجل فتحة باب مكتب الست خالده لأنه ماضل وقت وشوي ورح تيجي بثينة .. روحي بسرعه على بيتك واتصلي مع اهلها.. احكيلهم لو اجت عندكم ناريمان ماتدخلوها لأنها مش ناريمان.. بقيت ام سعفان بالمصنع.. وملك روّحت .. أنا كنت سامعه كل شي عم ينحكى برغم مغمى عليه.. حسيت على كل شي وكنت سامعه حوار ملك وام سعفان.. وواعيه تماماً بس مغمى عليه.. وقفت أم سعفان على الباب وصارت تحكي معي وتقلي افتحي ما تخافي.. وحكت معي كتير وبلشت استوعب وافتح عيوني.. مسكت ايد الباب وفتحته.. وكنت حاسه شعور غريب جواتي.. فتحت الباب واتطلعت على ام سعفان بهدوء.. مسكت ايدي ووقعتني على الأرض وصارت تقرأ شغلات براسي وتصرخ بصوت عالي بالمصنع.. وهيه موقعيتني على الارض وماسكه راسي وشادة على اديه.. ماكنت قادرة اتحرك ابداً.. وبس عم بتطلع من تحت لفوق.. ضلت عم تصرخ وتحكي شغلات لحد ماصار كل شي بصالة المصنع يتحرّك .. الماكينات اشتغلت والكراسي نزاحت.. الكهربا بلّشت تقطع وتفقع لمباتها.. عدا عن البرادي صارت تتفتح من كل جهه وام سعفان عم تزيد كلامها وتصرخ.. أنا في شي صار يضرب على عصبي ويوجعلي راسي .. وكانه الأصوات عم تأذيني من جوا وصرت ابكي واصرخ وبدي ام سعفان تشيل ايدها عن راسي بس هيه ضلت حاجزيتني وتشد على راسي بقوه وتصرخ.. وكل شي عم بتحرك وتزيد سرعته.. حكتلي ماتخافي عم يطلعوا من مكانهم.. عم يجو لعنا.. أنا بلشت اشوف طرف رجلين عم يظهر من اخر الغرفه .. حكيتلها ام سعفان شايفه في حدا بآخر المصنع.. قالتلي وين احكيلي وين بالزبط.. قلتلها اخر الغرفه هناك غرفة القياس.. صارت توجه كلامها لنفس المكان اللي أشرتلها عليه وتحكيله ليش بدك تأذيها وشو عملتلك .. احكي معي .. الشب رد على ام سعفان وطلع صوته بس هيه ماكانت قادرة تشوفه بس أنا كنت شايفته وهيه مافيها تشوفه.. حكالها ماما بدها تأذيها لأنه شريكه مع اللي أذونا ونحنا محبوسين هون من زمان.. مارح نتركها بحالها لتموت وتصير متلنا.. نحنا استوطنا المكان قبلكم وانتوا بدكم تطلعونا من هون.. انتوا أذيتونا.. حكتله ام سعفان كيف أذيناكم وشو عملنالكم.. انقطع الصوت وبلش يظهر صوت ضحك نسوان من مكان الماكينات.. حكيتلها شايفه المره وراكي ديري بالك.. ام سعفان صارت تزيد بالكلام الغريب اللي بتحكيه وكإنها بدها تبعد شر المره اللي وراها حتى ما تمسسها او تأذيها.. حكيتلها هاي اللي رشّت عليه الشي الأسود.. حكلتها ام سعفان نحنا مابدنا نأذيكم بس بنعرف انكم جن مستوطنين المصنع وبتظهروا بهالوقت مين اللي أذاكم وليش هيك بدكم تأذوا المسكينة ناريمان.. حكتلها المره بدنا نأذيها لأنه مطلوب منا هيك.. وام سعفان فجأة بلشت تصرخ .. حكتلي خلينا نطلع بسرعه.. رن تلفونها.. كانت ملك على التلفون حكت لأم سعفان.. ام ناريمان بتبكي وماحدا عارف يهديها .. وبتقول انه بنتها ظهرتلها بغرفة النوم وكانت جاية تقتلها وهربت امها للغرفه وفجأة ناريمان اختفت.. فعلاً كان معك حق .. قرينها اجا على البيت وعم بحاول يأذي عيلتها ارجوكي ساعديهم ماما بدها ترنلي وانا خايفة احكيلي شو اعمل.. ام سعفان صارت تحكيلها خدي اهلها على بيتكم واطلعي هلأ من بيتهم لأنه ناريمان بحالة صعبة وسكرت الخط.. وصارت تشدني من ايدي وتحكيلي يلا رح نروّح ساعديني شوي لازم نطلع الجن اللي هون رح يأذونا.. قمت معها وبدنا نهرب للباب.. انا عم بشوف الشب عم بجيب الطاولات ناحيتنا حتى يعيق طريقنا ومانقدر نروح للباب الرئيسي والمره عم ترمي أبر علينا.. وام سعفان صارت تتصرخ من الأبر اللي دخلت بظهرها.. كل شي صار يتحرك حوالينا حتى مايخلينا نوصل الباب.. وقعت انا على راسي وام سعفان وصلت الباب.. قلتلها ديري بالك شايفه الزلمة الختيار واقف عند الباب.. فتحت الباب وفجأة رجع سكر بقوة .. وهيه ماكانت شايفه مين بسكر الباب عليها بس انا شايفه انه الزلمة الختيار هوه اللي سكره وكان عم بنتقل من مكان لمكان بلمح البصر وعم بعيق الطريق عليه حتى ما الحقها.. سكر الباب وهيه ضلت تحاول تفتحه لتطلع بس ماقدرت .. أنا بهاللحظة اجاني العقل التاني وصرت بدي أأذي أم سعفان معهم.. بس هيه فتحت الباب وأخيراً وقالتلي يلا تعالي بسرعه هيني فتحته.. مسكت مقص بإيدي وقلتلها مارح تطلعي من هون قبل ما اقتلك.. حكتلي ناريمان شو صرلك.. بهالوقت هيه استوعبت انه القرين رجعلي ودخل جواتي وصار يحكيلي أأذيها وبأمر من اللي ساكنين المصنع.. سكّر الباب مرة تانية على ام سعفان وحاولت تهرب للغرفه التانية بس انا لحقتها وحسيت بقوة كبيرة عم تخليني افتح الباب ..
صارت تترجاني وتقرأ شغلات بصوت عالي حتى تخليني اتراجع وما اقتلها بس انا مسكت فستانها وصرت اشده ناحيتي وحشرتها بزاوية بالغرفه وكنت سامعيتهم كلهم بحكوا معي وبقولولي اقتليها.. اقتليها.. رفعت المقص وصرت بدي اضربه جواتها بس هيه ضربتني على وجهي ودعسّت على اجري بكندرتها.. صرت اصرخ من وجعي بس ايدي كانت بتتحرك لا ارادياً
يتبع..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`