الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعنة المصنع`*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#لعنة_المصنع_قصص
#لعنة_المصنع_5 #لعنة_المصنع
الحلقة الخامسة
قعدت أنا وملك فبيتها.. حكتلي ماما بدها تحكي معك ولازم تسمعيها منيح وماتزعلي منها.. قعدنا جوا وملك بلّش يشفى جرحها.. دخلت أم ملك وصارت تلومني على الشي اللي عملته.. حكتلي أنا حكيت مع أم سعفان تساعدك وهيه رح توقف جنبك.. بس بالنسبة لبنتي هيه رح تترك الشغل بعد يومين تماماً.. لأنه أنا بصراحه خايفه عليها.. أي شي بدك ياه منا نحنا جاهزين ومارح نقصر معك بس بصراحه انا صرت خايفة على بنتي.. ملك صرخت بوجه امها وحكتلها.. أنا مابترك ناريمان لحالها شو ماصار.. هيه مو ذنبها وانا بدي اضل بالمصنع ومتل ما هيه موجودة انا بدي اضل موجودة كمان.. ام ملك عصبت عليها وحكتلها انتي ناوية تموتي..اتصلت مع أم سعفان وحكتلها تعالوا لعندي.. رحنا كلنا لعندها وقعدت .. كان بيتها هادي كتير ومافيه صوت أي نفس.. قعدتني وحكتلي.. بنتي اسمعيني منيح.. أنا قدرت أكشف شو اللي جواتك.. انتي فعلاً جواتك جن ومتلبسك من خلال لعنة قوية صابتك.. الجن لسه ما بلّش بأذيكي منيح بس هوه بخليكي تتوهمي بوجود أشخاص وهميين وهمه يأمروكي شو تعملي وبدليل طعنتي مبارح ملك!!.. حكيتلها شو بتقصدي.. يعني الاشخاص اللي بشوفهم .. المره والزلمة والشب هدول وهميين!! .. حكتلي ماحدا بشوفهم غيرك ولو كان في قبالك وجنبك ألف حدا.. لأنهم ببساطه أرواح أو سلالة من الجن متل ماحكتلك المره.. وساكنين المصنع بس مابأذوا أي حدا.. والظاهر وجودك لحالك بهديك الليلة السيئة خلاهم يكشفوا حالهم لإلك لأنهم بطلعوا بس مايكون في حدا.. حكيتلها بس أنا شفتهم بس كانت ملك وهديك البنت معنا !! .. حكتلي ممكن يظهروا بوجود أشخاص قليلين بس لما يكون المصنع فيه كتير ناس مارح يظهروا ولو صار وظهروا مارح يقدر حد يشوفهم غيرك.. لأنه انتي الحامله هاي اللعنة.. ديري بالك من اي تصرف ممكن تتصرفيه.. رح نبلش نخدعهم حتى أطلّعه من جواتك وأفك اللعنة اللي راكبتك.. أنا رح اجي على المصنع ورح احكي مع مديرته.. رح اكون معك بليلة لحالنا وبوقت متأخر أنا وانتي وبس.. ورح احكي معهم!! .. انا صرت ارجف وحكيتلها متى رح تيجي معي.. حكتلي بما انه اليوم الجمعه.. فيوم الأحد رح اروح انا وانتي ونحكي مع الست خالده.. ووقتها رح نشوف شو رح نعمل.. وبدي احكيلك شي بس ماتخافي .. حكيتلها شو.. قالتلي.. الشغلة بدها تطوّل معنا شوي حتى نعملها ونخلصك من هالتعب .. بس لازم توخدي احتياطاتك من اي شي رح يصير.. يا بنتي انتي ملبوسه.. وقرينك عم يطلع للناس ويحكي معهم .. مرتين حكا مع ملك .. وهالشي مخليني اشك قرينك متعلق بملك كمان ولهيك أذاها ووسوسلك .. لهيك ديري بالك وياريت ماتشوفي حالك بالمرايه لأنه رح يخرجلك وتشوفيه.. قالتلي انا نبهتك وانتي عليكي الأحتياط .. ملك خافت وامها صارت ترجف وتلوم فيها انها تخفف طلعاتها معي وزياراتها بعد كلام ام سعفان وانا صفيت بحيرة بين حالي وجوات حالي .. روّحت على البيت.. كنت خايفه كتير وكل ماكنت اتطلع بالمرايه احس شي غريب واصير اصرخ .. ماما شالت كل المرايا من البيت وحتى التلفون ماعدت مسكته حتى ما اشوف حالي بشاشته.. كل ماكنت اشوف شكلي احس في حدا عم يطلع من عيوني ويتصوّر ويتشكّل قبالي.. ووصلت معي أكسر مراية غرفتي من الخوف.. بابا خاف عليه وقرر يوديني لشيخ صاحبه بس أنا حكيتله عن ام ملك وام سعفان المتدينة.. طمنته وفهمته شو مالي.. صار يبكي وطلب مني ادير بالي على حالي.. واكمل شغلي حتى نخلص من الست خالده والشرطة ومايكون عليه إلهم شي.. وبعدها افتك من هالمصنع اللعين.. بهالليلة صرت اخاف من نفسي بالليل وأول ما اغمض عيوني أشوف الأشخاص اللي طلعولي بمنامي.. غير انه احس بوجود حدا معي بالغرفه.. الليل كان يمر عليه بصعوبة.. واول مايصير وقت النوم تصير لحظة رعب بالنسبة لإلي.. خيالات كتير صرت اشوف بالغرفه وخيال عالشباك.. صرّت أتخيّل شكل الجن.. وأشكّله صوره براسي.. وهالشي مايخليني انام .. وأول ماتغفى عيني الكوابيس تلاحقني وأحس كأني نايمة على سرير كله سكاكين وجسمي يتشوّك .. اقوم اصرخ واهلي يصحوا عليه.. ماما تقرأ ادعية عليه وكل ليلة على هالحال.. اجا يوم الأحد بصعوبة وشوي وعقلي كنت رح افقده.. اجت معي على المصنع وطلبت تشوف الست خالده.. الست خالده كالعادة ما استقبتلها بالمكتب تبعها لأنه ما حدا بفوت عليه غيرها.. وبثينة خبرتنا انه رح تحكي معنا بقاعة القياس.. اجت الست خالده وبلشت تحكي معها ام سعفان.. حكتلها انها مرة على باب الله وبدها تشتغل بالليل.. هيه بتعرف ماما وحابة تشتغل معي بالليل لأنه الصبح بكون عليها طبخ وشغل بيت وبالليل بتفضى.. الست خالده ماحكت شي ونزلت راسها لثينه بمعناه خليها تشتغل !! .. ام سعفان انبسطت وطلعوا من الغرفه وخلونا سوا.. حكتلي هاي فرصتنا رح ترتاحي ماتهكلي هم.. قلتلها انا مش قادرة اعيش كل يوم بشوف منامات صعبة وبحس في شي جواتي فعلاً ومعي وبلحقني والغرفه بتكبس على نفسي .. انا فعلاً حاسه في حدا جواتي وبحكي معي..
حكتلي رح اريحّك ومن بكرا رح اجي عالشغل ماتخافي بس بدي اوصيكي تخلي بالك من نفسك وملك بس تكون معك الليلة ماتعملي شي شو ماصار.. اعطتني اسوارة بيضه وحكتلي البسيها.. رح تحميكي من الشياطين او من اي شي رح يأذيكي وبس تشوفي شي او تفكري بشي رح تتذكري انه انتي مابدك تعملي اشي غلط او تقتلي حدا.. طلعت وتركتني ورجعت اشتغل متل الأول مع ملك
سيدرا صاحبتنا المتزوجة اللي بتشتغل معنا اجت قبل الإضافي واتفقنا معها انه تجيب ابن الها يعمل قلق بالمصنع .. حتى نقدر نسرق مفتاح مكتب الست خالده ووحدة تطبعه منه على معجونه وتروح تنسخ عليه.. ولما يصير الليل نقدر نفتحه.. صارت الساعه وحدة وقبل مايخلص الداوم اجت سيدرا مع ابنها.. واول شي عمله انه صار يلعب بكل شي بوجهه.. بثينه عصبت وحكت لسيدرا ليش تجيبي ابنك ؟! رح احكي للست خالده عن اللي صار.. سيدرا طلعت معها على مكتب الست خالده ومنعتها وحكتلها بثينه انزلي انا مارح اتراجع ورح احكيلها انك خالفتي قوانين المصنع.. طلعت بثينه على مكتبها وسيدرا حكت لأبنها الحقها وخد المفتاح بدون ماتعرف @rwayate وعلمته منيح شو يعمل.. الولد لحقها وصار يخرب بالطابق اللي فوق.. الست خالده نزلت الولد مع بثينه ونزلوا سوا.. بابها ضل مفتوح .. اجوا يحكوا معي وملك غمزت ابنها ليطلع يجيب المفتاح.. طلع جابه ونزل اعطاني ياه.. أنا طبّعت منه على المعجونه وقلتله روح حطه بالباب.. وخلال ربع ساعه كانت الطبعه بإدينا.. سيدرا تبهدلت وحكتلها بثينه بتقلك الست خالده مع السلامه ماتدوامي اليوم ومخصوم من راتبك.. اعطيتها المعجونه وراحت بسرعه.. رنيت على ام سعفان وخبرتها انه قدرنا نوخد نسخة عن المفتاح وجهزي حالك بكرا لتتممي معي المهمة .. اجا وقت الإضافي وكل العاملات روّحوا .. بثينه نبهت علينا مانعمل شي لأني كنت مفهمتها اللي صار مبارح بالغلط وطعنتي لملك بالمقص كانت بدون قصد.. كان معنا نفس البنت اللي بالإضافي.. مارضيت اقوم عن الماكينة بس فجأة تعبت وبلشت احس بوخزات بجسمي متل اللي بحسهم لمّا أنام ووقتها حسيت انه بهاللحظة رح انجن تماماً.. اتطلعت على الباب لقيت الشب بتطلع عليه وبقلي تعالي.. هاد هوه الجن أو الروح اللي قالتلي عنه ام سعفان ديري بالك منه.. قمت بسرعه متوجهه لعنده وملك حكتلي لوين رايحه تعالي لهون
يتبع..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`