الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعنة المصنع`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#لعنة_المصنع_قصص
#لعنة_المصنع_3 #لعنة_المصنع
الحلقة الثالثة
طلعت ملك من المغفر وبقيت أنا مع ماما وبابا وبثينة .. اللي صدمني أكتر أنه بثينه اسقطت الحق وقالت نحنا مابدنا نشتكي الست خالده مابدها تشتكي على البنت.. بس لحتى نوخد حقنا رح تشتغل شغل اضافي بدون مصاري عشان توفي الدين اللي عليها بسبب الخراب اللي تسبب من ورا حريق المصنع.. والحمدلله مافي شي كتير تضرر بس نحنا خلص مابدنا نشتكي.. أهلي شكروها بس أنا ماوافقت وصرت اصرخ .. حكيتلها أنا مابدي أضل بالمصنع ومابدي اشتغل بدي أنحبس أحسن.. ماما حكتلي أنتي شو بتحكي ليه هيك بتقولي؟! أنا ماقدرت احكي اللي شفته هناك وما كان فيه أقول شو اللي صار لأنه ماحدا رح يفهمني.. بس ماما صارت تترجاني وتترجى الشرطي انه مايقبل الكلام اللي أنا بحكيه.. وبس شفتها نذلت كتير وافقت وقبلت اني اشتغل اضافي بدون مصاري بس لحتى ارد حقوقهم.. وطلعت من المغفر عم ببكي ومش عارفة شو بدي اعمل.. روّحت على البيت واتصلت بملك حكيتلها تعالي عندي بسرعه بدي أفهم منك شو الكلام اللي حكيتيه.. استنيتها لوصلت واجت عندي على الغرفه قلتلها احكيلي شو اللي صار.. قالتلي مبارح انا اجيت عندك وشفتك وحكيت معك بالوقت اللي مسكوكي فيه بالمغفر.. انا مش عارفه شو اللي صار!! قلتلها دخلتي عندي على البيت؟ حكتلي لأ مادخلت بس طلعنا برا وحكينا ورنيتلك وقبل ما ارن جرس بيتكم طلعتيلي وطلعنا وكنتي كتير طبيعية وماحسيت انه صاير معك شي.. حكيتلها شو حكيتلك ؟ قالت حكي عادي وبعدين قلتيلي انك تأخرتي وبدك تروحي! وماقبلتي اروح معك وانا استغربت .. اذا مبارح كنتي محبوسة بالمصنع بهاد الوقت إذن انا مين شفت ؟ أنا قلقت وبلشت أخاف .. حكيتلها مبارح كانت ليلة مرعبة وبلشت احكيلها على كل شي صار معك والمره اللي قالتلي انه هيه من عيلة من الجن والزلمة اللي حرق المكان حكتلي ملك انتي متأكده انه الي صار صحيح حكيتلها متأكده ونص.. المره رشّت عليه شي وأنا بعدها أغمى عليه أنا حاسه انها عملت فيني شي وانا حالياً مابعرف راسي بحس فيه خلل وما بجمع منيح ويادوب افهم الشغلة بسرعه .. خايفة تكون عملت فيني شي.. او سلطت عليه حدا.. وحلفتلها انه انا ماشفتها.. حكتلي ملك .. اللي شافتني مبارح جن على هيئتك !!! حكيتلها ممكن هالشي خافت ملك وصارت تبكي وتحكي بس اللي حكت معي مبارح شربتني شي منها وانتي عارفة انا مابقرف منك وبشرب من وراكي عادي.. اللي كانت معي مبارح خلتني اشرب من الميه اللي معها سألتني عطشانه حكيتلها اه وشربت.. ليه حكتلي هيك.. قلتلها اللي شفتيها مش أنا وأنا كنت محبوسة.. واللي شربتك ياه ممكن فعلاً يكون شي يضرك.. لازم نشوف حل ونرجع على المصنع عند الست خالده وبثينة أنا بدي أحاسبها على تصرفها.. اقترحت على ملك تيجي معي بالليل على الشغل الإضافي ونراقب سوا الشغلات اللي رح تصير بعد الساعه تمنية وبعد مافكرت منيح وافقت.. وصلنا على المصنع تاني يوم على الصبح وبلشنا نشتغل بشكل عادي.. نادتني بثينة وطلعت اشوفها حكتلي أنها رح تتركنا انا وملك بالليل وقت الإضافي وتروح بس رح يكون معنا بنت تانية تشتغل وهيه بتعرفها ورح تكون تشتغل وتشرف علينا بنفس الوقت حتى مانفكر نعمل شي.. خلصت أول فترة دوام وبلشوا العاملات يطلعوا.. الست خالده طلعت من مكتبها وقفلت الباب بمفتاحين كالعادة.. انا وملك استغربنا من تصرفها وسيدرا صاحبتي المتزوجة كانت موجودة وحكتلنا انها مستغربة ليه هيك بتعمل وانه عندها فضول تعرف شو جوا مكتبها.. انا حكيتلها مادخلنا وخلينا بشغلنا.. خلص وقت الشغل وبلش الإضافي اخدنا استراحه نص ساعة غدا ورجعنا نكمل .. بثينة طلعت بعد الست خالده وأنا وملك ضلينا لوحدنا نحكي بساعة الغدا عن المكان وبلشت اشرحلها كل شي صار معي ووين ووين !.. حكتلي انه هيه قلبها قوي واذا صار شي حابه تعرف من وين رح يبلش والبنت اللي معنا ضلت لحالها وتطلع علينا لأنه بثينة حاطيتها مراقبه.. ملك أصرّت انه نفتح مكتب الست خالده بعد ما لعبت براسها سيدرا وحكتلها لازم نعرف شو جواته.. أنا قلتلها كيف وهوه مسكر بمفتاحين .. حكتلي بكرا رح اعمل خطة اقدر اجيب المفتاح وبالنسبة لهاي البنت الحاطيتها معنا رح الهيها بطريقة ماتقدر تعرف شو بنعمل وبثينة بتتركنا عطول بالمصنع صارت الساعه تمنية وتعبت وأنا أطرز وأخيط.. رحت على الحمام وغبت شغلة ربع ساعه.. طلعت لصالة المصنع مالقيت ملك ولا البنت اللي معها ! .. صرت انادي عليهم وامشي بالصالة دخلت على الغرف مافي حدا .. صرخت وينكم !؟ احكولي أنا صفيت لحالي والجو هدوء وبلشت أخاف وين اختفيتوا.. اطلعت وراي لقيت نفس المره اللي شفتها وكانت ماسكه سكينه وجاي تقتلني صرت اصرخ بكل المصنع وهربت للطابق التاني لقيت بآخر الممر شب وعم بتطلع عليه وكان لابس اسود وعيونه بلمعوا من بعيد.. تركته وقلت بدي ارجع .. المره عم تلحقني بدها تقتلني وهاد واقف بتطلع عليه .. حكيتله مين انت ! .. ما جاوبني وضل واقف بتطلع عليه..
وقفت ساكته ماعم احكي وبعد ثواني قليلة هجم عليه من بعيد ولحقني أنا سكرت الباب ورجعت للصالة .. والمره اختفت نهائياً .. صرت استنجد واصرخ وباب المصنع الرئيسي رجع سكر مرة تانية.. تهت وماعد عارفة وين اروح.. الشب وقف وراي ومسكني من إيدي .. همس بإذني.. روحك رح نطلعها قريباً .. ورح تقتلني نفسك بنفسك! انتي أسيرة عنا ومارح تطلعي بسهولة.. إلا اذا صرتي منا وفينا.. يعني تتحولي لجن
حكيتله وين ملك وين صاحبتي وانا ليش لحالي هون .. اتركوني بحالي واطلعوا من حياتي .. دخلني على الغرفه وصار يشد على إيدي وأنا أصرخ وبعد ماضربني على راسي غبت عن الوعي شوي وصحيت إلا وأنا بالشارع!.. كيف صار هيك ماكنت عارفة وقلبي كان بدق بسرعه وكانه اللحظة اللي عشتها اخر مرة بعدها مستمره للآن .. كنت جنب باب المصنع تماماً بس بالشارع.. تلفوني ضل بجيبتي وقربت من الباب حاولت افتحه كان مسكر.. اتصلت على ملك وقلتلها بدي اشوفك تعالي بسرعه بسرعه.. حكتلي حبيبتي من شوي روحنا من الشغل شو عم بصير معك مش كنا هلأ مع بعض.. حكيتلها لا تجننيني .. أنا اعصابي تلفت وماعدت عارفة افكر.. انا وين كنت معك !! .. انا دخلت على الحمام وطلعت ومالقيتك موجودة بترجاكي ماتجنينيني .. حكتلي طيب حبيبتي اهدي وتعالي عندي على البيت .. أنا مش عارفة شو عم بصير معك من بعد الليلة اللي ضليتي فيها بالمصنع.. قلتلها مشان الله بدي اعرف شو بصير.. رحت لعندها وقعدنا مع بعض .. كانت امها عم تتطلع عليه نظرات غريبة وكإنها شايفه فيه شي غريب.. قلتلها خالتو مالك في شي؟ حكتلي بنتي وجهك عم بوحيلي لشغلات مش طبيعية .. حكيتلها شو هيه .. قالتلي انا مرة متدينة كتير والله معطيني ألهام لأشوف شغلات كتير.. حكيتلها فعلاً مرة حكتلي ملك هالشي.. بس شو اللي عم تشوفيه.. حكتلي بنتي انتي صاير معك شي قوي مخوفك ! .. حكيتلها اه صاير .. حكتلي احكيلي لأشوف اللي بفكر فيه صح ولا لأ .. حكيتلها اللي صار كله.. قالتلي حسيت بهالشي.. في جن متلبسك وعايش فيكي.. ومعلق روحك بمكان.. أنا حاسه انك ملبوسه من جن وهالإحساس اجاني هلأ.. وجهك وطريقة كلامك مع بنتي نفس وحدة صاحبتي صار معها هيك ولسه ماغاب عن بالي تصرفاتها وكلامها لحد ما اخدناها على وحدة طلعتها من الشي اللي صاير معها.. حكت ملك لأمها بس أنا روّحت اليوم مع ناريمان ووصلتها لبيتها كمان والشي اللي محيرني أنه كيف هيه ضلت بالمصنع وصار معها كل هالشي.. حكتلها امها لأنه ببساطه الجن اللي عم بتعامل معك انتي كمان .. انتوا التنتين بخطر .. وأنا لازم انقذكم قبل مايصير معكم اللي صار مع صاحبتي
يتبع..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`