الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعنة المصنع`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#لعنة_المصنع_قصص
#لعنة_المصنع_1 #لعنة_المصنع
الحلقة الأولى
ناريمان هوه إسمي.. بشتغل بمصنع لإنتاج الملابس النسائية ومعي بنتين وحدة منهم متزوجة ووحدة لأ.. البنت الأولى اسمها سيدرا والتانية ملك .. بلشت حكايتنا المخيفة بهالمصنع بعد أول أسبوع شغل فيه.. واستمرت لهاليوم اللي عم بكتبلكم فيه.. الأذى النفسي اللي تحملته من هداك الوقت ماقدرت انساه بسهولة.. واخدت وقت كتير لتحملت ونسيت اللي صار.. وصار لازم أحكي حكايتي بهالمصنع المؤذي.. كان يوم ثلاثاء والدنيا كانت شتا كتير .. كان برد وعواصف وكنت لسه جديدة أنا وصحاباتي بالمصنع.. صاحبته مرة ختيارة عمرها بالستين.. توفت بنتها الوحيدة بحادثة غريبة شوي واللي عرفناه من البنات اللي بشتغلو معنا انه هيه مرة منيحه وبتساعد الناس وبتشغل أي بنت بتطرق باب مصنعها اللي هيه بتملكه عن أبوها اللي ورثها ياه.. بس من بعد ما توفت بنتها تغيرت معاملتها مع الناس وصارت وحيدة ومنزوية بمكتبها اللي منعت أي حدا يدخله غيرها.. وطلبت من أي عاملة بالمصنع لو بدها ياها بشي ترنلها وهيه بتطلعلها.. هالشي شكل حالة شك مع كل البنات اللي اشتغلو معها وصارو يسألو نفسهم ليه مابتخلينا ندخل على مكتبها اللي حتى سكرت شبابيكه ببلوك ومنعت الشمس تدخله.. حطينا احتمال وحيد انها بتعمل هيك لأنها مكتئبة وزعلانه على اللي صار.. أول يوم بالمصنع بعد ما وظفتنا أنا وسيدرا وملك.. كنا كتير مستغربين منها وانها بتمشي بتمر علينا وبتشوف شغلنا ومابتحكي معنا.. فهمنا بالآخر انها تعقدت بعد وفاة بنتها لأنها نصدمت بوفاة زوجها كمان.. وبالأخص انهم التنين ماتوا قتل وماحدا عرف كيف نقتلوا ولما فتشتنا عن القصة اللي صارت معها لقينا أخبار قديمة بموقع اخباري عن اللي صار مع بنتها وزوجها قبل سنة وانهم نقتلوا بحوادث غريبة وغامضة فبيتها القريب من المصنع ومع هيك ضلت فبيتها وماغيرته عايشة وحيدة وكئيبة.. برغم عدم كلامها معنا الا انه كانت تتطلع علينا نظرات بريئة ومسالمه جداً وماتحكي .. كانت تحكي مع بنت بتشتغل معها من زمان اسمها بثينه وتحكيلها شو تحكيلنا.. حكتلنا بثينة .. الست خالده بتحكيلكم لو بدكم تشتغلوا شغل اضافي هيه ماعندها مانع.. يمكن لأنه شافت حالتنا المادية سيئة ولاحظت علينا وعلى لبسنا.. لأنه انا كانت حالتي المادية سيئة جداً وعندي اخ واختين صغار وماما وبابا كبار بالعمر كمان.. أما سيدرا كان زوجها عاطل عن العمل ومعتمد عليها بس ماقدرت انها توخد شغل اضافي بسبب ولادها وتربيتهم لأنها بتخليهم عند حماتها.. وطلبت من بثينة تحكي للست خالده انه توفرلها امكانية الشغل يومين بالأسبوع.. ووافقت بدون تردد.. أجا اليوم اللي صارت فيه الحادثة الغريبة بالمصنع.. كنت أنا و ملك بصالة الخياطة
كنت أنا و ملك بصالة الخياطة ومعنا بنت تانية ماخدة شغل اضافي بعد الدوام اللي بنتهي الساعه تلات.. ونحنا ببلش بعد التلات للعشرة بالليل ..سبع ساعات اضافية.. البنت اللي معنا مشيت بعد ساعه من شغلها واستغربنا أنا وملك.. بثينة كانت موجودة فوق بالطابق العلوي اللي متل مخزن للملابس اللي بننتجها وهيه مسؤوله عنه.. ست خالده بتروح دائماً على الساعه تنين ونص.. وبتترك البنات ينهوا دوامهم على التلات اما اللي بدهم شغل اضافي بتشرف عليهم بثينة لنهاية الدوام.. كان يوم ثلاثاء متل ماذكرت بهاليوم وكان شتا وعواصف.. وصارللنا أسبوع بهالشغل.. طرزنا أنا وملك بشكل متواصل وكنا نوخد بريكات دقايق صغيرة.. ملك حكتلي برن لأهلي عم بفصل وأنا خايفة كتير كيف بدي أروّح مافي حدا رح يوخدني خايفة يقلقو عليه .. حكيت لماما عن قصة الإضافي بس خايفة تنسى لأنها مريضة وبتنسى ويمكن ماتقول لبابا وتصير قصة.. لازم أروح اسفه احكي لبثينة اني مشيت.. راحت ملك وبقيت بالمصنع لحالي عم بطرز وبخيط.. غفيت دقايق وأنا على الكرسي والماكينة شغالة.. رجلي عم تدعس على الماتور وأنا غافية.. لحد ما صحيت وايدي عليها دم.. خفت وعرفت انها ابرة الماكينة.. كان الجو مخيف والهدوء اللي بالمصنع قاتل.. قمت لأدور على شي اسكر فيه جرح ايدي.. ناديت بثينة ماردت.. طلعت اشوف لقيت الطابق تسكّر.. طبّلت على الباب مالقيت حدا.. صرخت بأعلى صوت ماحدا جاوب.. نزلت لتحت سمعت صوت بالمكان اللي كنت عم بطرز فيه.. حكيت يمكن بثينة سكرت الطابق فوق ونزلت بعد ما انا طلعت.. نزلت اشوف لقيت البرادي عم تتحرك والشبابيك كلها مفتوحه.. رجعت عم بنادي بثينة لأنه العواصف زادت والساعه رح تصير عشرة يعني الدوام الاضافي خلص.. سكّرت كل الشبابيك ورتبت الأغراض اللي كنت بشتغل فيهم.. كنت بسمع صوت طقة كعب بالغرف التانية.. والمصنع كبير وفي اله غرف كتير ومش كل شي كنت بعرفه بس كانو مفتوحين واضاءتهم شغّاله.. قلت يمكن هاي بثينة.. ناديتها وأنا بمكاني ماسمعت صوتها بس كنت بسمع حدا بمشي جوا.. قلت بدي اشوف شو اللي عم بصير ولازم أدخل احكيلها لأنه بدي أروّح خلص.. دخلت الغرفة وفجأة صار ريح وهوا بزيادة.. سكّر باب الغرفه عليه بسرعه وصار هوا كتير ورا الباب واللي رعبني بزيادة بهاللحظة انه طفت كهربة الغرفه اللي بقيسوا فيها البنات اللبس وكلها ملابس بكل مكان ومن جوا في مدخل للغرفه التانية وأنا ماعدت شفت شي قبالي.. صرت اصرخ بثينة وينك وين رحتي.. طلعت تلفوني وضويته بالمكان اللي أنا فيه.. شفت دعسات جرين بني أدم مطبعه على الأرض لآخر الغرفه.. وكانت الطبع عباره عن شي لزج.. بقيت مكاني وماتحركت وقلت لازم اتصل لبثينة.. رنيتلها اعطاني الرقم مغلق بقيت عم برن وانا مكاني وسامعه في صوت جوا بالغرفه وخيال أسود عم يتحرك حكيتلها بثينه انتي جوا ؟ عم تعملي فيه مقلب؟ أنا بدي أروّح الساعه صارت عشرة ونص دوامي خلص!!! حاولت أفتح الباب مافتح وكان مسكّر تماماً.. حكيت لازم أطلع من الغرفه خلص مش قادرة اتحمل تأخرت وامشي لآخر الغرفه المفتوحه والف للباب الرئيسي .. ماما بتكون قلقت وبابا على نار تأخرت مش قادرة.. بعدّت رجليه عن الأثر اللي كان على الأرض ومشيت لآخر الغرفه دورت على المكان اللي بدي اطلع منه لقيت الغرفه مسدوده ومعتمه.. بهاللحظة كل علامات الاستغراب تجمّعت بوجهي.. الغرفه مسكره.. أنا نحبست بين الغرفتين.. وبدي أطلع من المصنع حالاً.. ضليتني ضاويه التلفون وعم بحاول أرن لبثينه.. ماردت.. قلت خلص يأست رح أرن لبابا احكيله وين انا ويتصرف هوه وماما او ييجوا.. باللحظة اللي كنت عم برن فيها على بابا.. بلشت أحس بوجود حدا عم بقرب ناحيتي تماماً وأنا بزاوية الباب ماكنت شايفه في حدا جنبي ووجهت ضو التلفون على المكان ماكان في حدا اتطلعت على الأرض لقيت دعسة بني ادم جنب رجلي تماماً اخدت نفس عميق ودموعي بلشت تنزل وأنا ساكته.. ماقدرت احكي أو اتنفس حتى ضو التلفون طفى ارتعبت ورجعت ضويته!.. اصابعي مجمده وجسمي برجف وعم ببحث بالأرقام بصعوبة وصلت لرقم بابا.. بدي أكبس أرن عليه فجأة طفى التلفون حسيت بإيد نمدت على ايدي وسحبت التلفون مني بسرعه ووقعته لآخر الغرفه التانية.. الغرفه التانية غرفة متل مخزن صغير للبس القديم الخربان.. والغرفه صغيره ومعجوقه ومطفيه وأنا نحبست ومافي ضو.. بعدت حالي لزاوية الغرفه ناحية الباب وصرت أقرأ أدعيه.. التلفون بعيد عني وفجأة رن!!.. كيف بدي أوصله بس في شي بالغرفه وحاسه معي حدا ! دورe على شي حواليه بالمساحه الضاويه بضو التلفون لقيت خشبة بنقيس فيها القماش مسكتها وصرت اقرب التلفون شوي ناحيتي وصلته لرجلي بس مالحقت اشوف مين رن واجيت بدي امسكه سمعت صوت خلفي تماماً عم بحكي معي ناريمان شوفيني صوت خشن وفيه حشرجه متل انسان مريض ومعلول.. ماتمسكي التلفون وشوفيني أنا وراكي.. نفسي صار يطلع بصعوبة واديه تشنجوا.. اتطلعت ورايه مالقيت حدا..
رجعت بدي اخد التلفون مالقيته بمكانه وضوا ضو الغرفه اللي جوا الباب اللي خلفي نفتح فجأة فتحت الباب وطلعت مسكني حدا من رقبتي من ورا ودخلني عالمخزن الصغير وأنا عم بصرخ وبستنجد وماكنت قادرة الف اشوف مين خلفي لأنه كان الشي اللي عم بشدني وبسحبني خانقني وكابس على رقبتي ودفعني بقوة للغرفه وتسكّر الباب بقيت جوا بعتمة فظيعه وصوت عم بسمعه ورا هالغرفه صوت التلفون عم برن وبفصل
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`