الفصل 3
*✿ࢪواية مافي شي يبعدنا✿🎀♡* الاخير
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
(9)
_ أنت مش هتمسك أيدي و تلبسني الدبله
تميم:
_ إيه اومال حضرتك هتلبسيه إزاي
روضة:
_ أنت بتتريق
تميم:
_ عشان بتقولي كلام مش منطقي إزاي هلبسك الدبله من غير ما أمسك أيديكِ
روضة:
_ أصبر و هتعرف
تميم:
_ اتفضلي قولي
روضة:
_ بص أنت هتمسك الدبله و هتدخل حته و تسبها و أنا أكني بعدلها و هدخلها
تميم:
_ الناس هتاخد بالها
روضة:
_ طب ما تاخد الناس مش هتيجي تتحاسب مكاني يوم القيامة
تميم :
_ ماشي يا روضة
نازلي:
_ شكلهم بيتخانقو
نغم:
_ يارب يسيبه بعض
نازلي :
_ يارب
تليفون نازلي رن و كانت منار صحبتها
نغم:
_ مين بيرن عليكِ
نازلي:
_ دي منار
نغم بغضب:
_ هو انا مش قولتلك تبعدي عن البت دي
نازلي:
_ والله بحاول و بعدين منار كويسة و محت
نغم قاطعتها :
_ بس اسكتي مافيش حاجة إسمها تحاولي أنتِ تروحي تقولي لها مش عايزه أكلمك تاني
نازلي:
_ حاضر اهدي أنتِ بس و ما تتعصبيش
رباب:
_ الديكور شكله حلو اوي
رويدا:
_ فعلاً
رباب:
_ هي روضة مكشره ليه
رويدا :
_ مش عارفه
رباب:
_ هروح أشوفها
رويدا لمحت رزق واقف مع أحمد:
_ و أنا هروح لــ زوجي حبيب قلبي
رباب :
_ ماشي يا ختي
رباب راحت لــ روضة و رويدا راحت ليهم
رويدا:
_ كنت فين يا رزق
رزق:
_ كنت واقف برا بتكلم في التليفون
رويدا:
_ كنت بتكلم مين
رزق :
_ صاحبي
رويدا:
_ تمام المهم إيه رأيك يا رزوقة
رزق:
_ جميلة طبعاً
رويدا:
_ أحلف يا رزوقة
رزق:
_ والله يا قلب رزوقة
أحمد بغيره:
_ كيس جوافة أنا صح
رزق:
_ يعم مراتي
أحمد:
_ بس لسه في بيت أبوها و طول ما هي في بيت أبوها مافيش كلام ولا خروج
رزق بزعيق خفيف:
_ نعم اومال انا كتبت الكتاب ليه
أحمد:
_ صوتك يا قمور و إنتِ تعالي جمبي هنا
رويدا راحت جمب أحمد ، رزق بصلها هيّ بصتله و هي بتحاول تكتم ضحكها بمعنى أعمل ايه
رزق بصلها بغيظ و قال بصوت واطي:
_ ماشي الليله دي تخلص و وربنا ما هسيبك يا أحمد
أحمد :
_ بتقول حاجة
رزق:
_ بقول ربنا يخليك
أحمد بابتسامة سمجه:
_ حبيبي
لبسها الشبكة و عمل زي ما قالت و الناس قعدوا شوية و كل واحد بدأ يمشي
ـــــــــــــــــــــــــــــــــــــــــــــــــــــــــ
سبحان الله وبحمده ، سبحان الله العظيم
|بعد مرور خمس ايام|في الجامعة|
نازلي:
_ سامر بقاله مده مش بيجي الكلية ليه
نغم:
_ عنده شوية حاجات كده و بعدين هو مش أنتِ بتكلميه
نازلي:
_ ما أنا ببعتله بس بيرد بعد يومين أو يشوف الرسالة و ما يردش
نغم:
_ اممم المهم أنتِ معاكي رقم روضة
نازلي:
_ لأ بس ليه
نغم:
_ طب حاولي تجيبيه
نازلي:
_ حاضر بقولك صح
و قبل أما تكمل منار جت عليهم
منار بابتسامة:
_ نازلي عامله ايه وحشتيني اوي
منار قربت عشان تحضنها نازلي بعدت عنها منار استغربت بقلمي بســــمه أبو العلا
منار باستغراب:
_ نازلي في أيه
نازلي:
_ مش فاضيه أنا و نغم عندنا مشوار
منار بزعل:
_ تمام
نازلي و نغم قاموا و نغم كانت بتبص لها بحقد و قرف نغم و هي ماشيه قالت لها بقرف:
_ باي
منار استغربت و زعلت لأن أول مرة نازلي تتعامل معها كده بس قالت لما يقعدوا لوحدهم هتسألها
ــــــــــــــــــــــــــــــــــــــــــــــــــــــــ
لا حول ولا قوة إلا بالله العلي العظيم
قدام كلية الطب رزق قاعد في العربية مستني رويدا تخرج بعد شوية رويدا خرجت و أول ما شافت رزق ابتسمت راحت له و ركبت
رويدا:
_ عامل ايه
رزق:
_ الحمدلله وحشتيني اوي
رويدا بخجل:
_ والله هنزل
رزق بدأ يسوق اتنهد و قال:
_ لا حول ولاقوة إلا بالله بقول وحشتيني المفروض تقولي و أنت كمان مش تقولي والله هنزل ايه مافيش إحساس خالص اومال لو قولت بحبك هتقولي لي طلقني
رويدا بضحك:
_ لأ هقول لأحمد
رزق اتنرفز :
_ ما تجبيش سيرته عشان بتعصب ليك يوم يا أحمد ماشي صبرك عليّ
رويدا بتكتم ضحكها:
_ معلش إحنا هنروح فين صح
رزق:
_ أنتِ عايزه تروحي فين
رويدا:
_ برج القاهرة
رزق:
_ من عيوني بقولك إحنا عايزين نحدد معاد الفرح
رويدا :
_ لسه بدري يا رزق
رزق:
_ أربع سنين و لسه بدري
رويدا:
_ سنتين كمان
رزق:
_ اه نكون عجزنا بقى نفسي أعرف بتأجلي ليه
رويدا بتوتر:
_ خايفة
رزق وقف العربية و بص في عينها و قال:
_ مني
رويدا بصت بعيد:
_ منك ومن الدنيا
رزق:
_ ليه
رويدا:
_ خايفة تبطل تحبني و نتطلق أو تحصل مشاكل و نتطلق
رزق مسك أيدها و قال بحب:
_ أولا مش هيحصل مشاكل بأذن الله و حتى لو حصل هتتحل إن شاء الله ثانياً أنا عمري ما هبص لأي واحده غيرك و عمري ما هبطل أحبك من أول يوم جيتي فيه الدنيا و أنا بحبك و كل ما بتكبري حبك في قلبي بيكبر أنتِ جوايا فاهمة أنا بعشقك يا رويدا
رويدا:
_ و أنا بحبك أوي يا رزق
رزق بصلها و هو مش مصدق اللي قالته:
_ أنا سمعت صح
رويدا بحب:
_ أيوا و لو عايز تحدد معاد الفرح تمام
رزق بدأ يسوق تاني و هو لسه ماسك أيدها و قال بابتسامة:
_ أنا مش مصدق والله
رويدا:
_ لأ صدق بقى
رزق كُل شوية يبصلها بحب و هي اتكسفت من نظراته بقلمي بســــمه أبو العلا
ــــــــــــــــــــــــــــــــــــــــــــــــــــــــــ
لا اله إلا أنت سبحانك إني كنت من الظالمين
|بليل في بيت عائلة الحسيني|في شقة محمد|
كانوا قاعدين بيتكلموا و روضة خرجت من البلكونة
فاطمة:
_ كان عايزك في ايه
روضة:
_ عشان ننزل بكره نشوف الأجهزة و الخشب
فاطمة:
_ ماشي يا حبيبتي
هند:
_ ربنا يتمم على خير
روضة:
_ يارب يا خالتوا
رباب:
_ يسلام أنتِ و رويدا هتتجوزو و أنا هقعد في البيت لوحدي هرتاح منكم
روضة ضربتها في كتفها:
_ بكره تتحايلي علينا نيجي و إحنا اللي هنقولك لأ
رباب بغيظ:
_ مش هقول
هنا:
_ طب ما أنتِ كمان مسيرك تتجوزي
رباب:
_ لأ لأ مستحيل
هند :
_ بكره هنشوف المستحيل
فاطمة شاورت على روضة:
_ قدامك اهي كانت بتقول مستحيل برده
الباب خبط
روضة:
_ أنا هقوم أفتح الباب أحسن
رزق:
_ مسا مسا على الناس الكويسة
هند:
_ تعالى يا حبيبي
رزق:
_ عاملة ايه يا حبيبتي
هند بابتسامة:
_ الحمدلله و أنت عامل ايه
رزق:
_ بخير الحمدلله
روضة:
_ شكلك فرحان في ايه
رزق:
_ أنا و رويدا حددنا معاد الفرح
رباب بفرحه:
_ ألف مبروك يا قلبي
روضة:
_ ألف مبروك يا قلب القلب
رويدا:
_ الله يبارك فيكم يا حبايب قلبي
فاطمة بفرحه:
_ امتى بقى
رزق:
_ بعد امتحاناتها إن شاء الله
هنا:
_ ألف مبروك يا حبايبي
رزق:
_ الله يبارك فيكي يا عمتو
خرجت أوليفيا من الاوضة و معاها شنطة هدوم و في عينيها دموع بصو لها بقلق
رزق:
_ في أيه
أوليفيا عيطت:
يتبع…
ــــــــــــــــــــــــــــــــــــــــــــــــــــــــــــــ
تفاعلوا+ كومنت عشان رأيكم يهمني+ شير+ شاركوني توقعاتكم
بقلمي : بســــمه أبو العلا
البارت التاسع
#بســــمه_ابوالعلا
#ما_في_شئ_يبعدنا
لينك قناتي عشان يوصلكم كل جديد (10)
خرجت أوليفيا من الاوضة و معاها شنطة هدوم و في عينيها دموع بصو لها بقلق
قال رزق بقلق :
_ في أيه
أوليفيا عينيها دمعت :
_ حمزة اتصل بيا و قالي حضري الشنط عشان نمشي
قالت هند بخوف:
_ ألمانيا ؟
قالت أوليفيا و هيَّ بتمسح دموعها :
_ لأ قالي هنروح شقتنا
رويدا:
_ ليه يعني ما انتوا قاعدين معانا .
أوليفيا :
_ ماعرفش أنا عايزة …
و قبل أوليفيا ما تكمل حمزة فتح الباب و دخل أستغرب لما لاقهم متجمعين
حمزة ضم حواجبه ، ثم قال باستغراب:
_ في أيه
هند اتنهدت ثم قالت:
_ هتمشي ليه يا حمزة
حمزة:
_ شقتي جهزت هقعد ليه
فاطمة بهدوء:
_ يحبيبي انت كنت مسافر بقالك خمس سنين ، و لسه جاي من شهرين يعني مالحقتش تقعد عشان تمشي .
حمزة بهدوء:
_ معلش يا مرات عمي ، و بعدين شقتي قريبه منكم
هند بزعل:
_ براحتك يا حمزة
حمزة راح لهند و باس راسها بحنيه ، و قال:
_ متزعليش يا أمي حقك عليّ أنا بس عايز يكون في استقرار مش اكتر
أوليفيا بزعل:
_ أنا مش عايزه أمشي يا حمزة .
حمزة اتنهد و قال بقلة حيلة:
_ مش هينفع ياحبيبتي، و إنتِ لما تبقي عايزه تيجي هجيبك على طول
قالت هند بحنيه و حب:
_ خلي بالك من نفسك ، و من أوليفيا ، و من البيبي
حمزة حضنها و قال بابتسامة:
_ حاضر يا أمي
حمزة و أوليفيا سلموا عليهم و بعدين شال الشنط و مشيوا بقلمي بســــمه أبو العلا
ـــــــــــــــــــــــــــــــــــــــــــــــــــــــــ
لا حول ولا قوة إلا بالله العلي العظيم
|في اليوم التالي | في معرض الخشب|
فاطمة و روضة و هدى و تميم و نازلي نزلوا عشان يشوفوا اثاث البيت روضة لما شافت نازلي ادايقت لأنها كانت عارفه إنها هتدايقه بس اللي حصل العكس نازلي لما شافتها ابتسمت لها و بقت تتكلم معاها كويس جداً و هما بيتفرجوا على باقي الحاجة تميم شاف غرفة أطفال حلو شاور لروضة عليها ، و قال:
_ انا شايف أنها حلو إنتِ إيه رأيك
روضة بابتسامة:
_ فعلاً شكلها حلو و كيوت أوي .
أبتسم تميم و قال:
_ تمام فاضل كده الأنتريه
قالت روضة بتعب:
_ في يوم تاني بقى عشان تعبت من كتر المشى
تميم:
_ تمام .
راح تميم يحاسب على الحاجات إللي جابوها ، و روضة و نازلي و هدى و فاطمة واقفين يتكلموا فجأة صوت رسالة من تليفون روضة بصت لتليفون شوية و بعدين
فتحت
تميم مش بيحبك ، هو واخدك استبن عشان ينسه حبيبته .
اتصدمت ،
فضلت بصه على الرسالة .
الكلام تقيل ،
فضل يتقرر في دماغها .
تميم جه قفلت التليفون ، بصت له و هي مش عارفة تقول له ولا لأ
تميم أستغرب لما بصت له أوي ، قالها بقلق:
_ إنتِ كويسة
روضة هزت راسها بأه ، و بعدين مشيت معاه، و هي تايه
نازلي أبتسمت بخبث لما بصت لتعابير وشها ، و اتأكدت أن نغم بعتت له .
ــــــــــــــــــــــــــــــــــــــــــــــــــــــــ
سبحان الله وبحمده ، سبحان الله العظيم
|تاني يوم الصبح|في الجامعة |
نازلي و نغم قاعدين في الكافتيريا
نازلي :
_ شافت الرسالة ؟
نغم بسعادة:
_ أيوا
نازلي بفضول:
_ طب إيه ردت
نغم:
_ لأ ، و مش مهم ترد الأهم إنها تشوف الرسايل
قالت نازلي و هي بتاكل:
_ فعلاً عايزين…
سكتت لما شافت منار جت عليهم
منار بهدوء:
_ نازلي عايزه أتكلم معاكي
نازلي بصت لها بضيق ، و قالت:
_ مش فاضية
منار:
_ عايزاكي ثانية بس
نغم بحقد:
_ ماقلت مش فاضية أمشي بقى .
منار بضيق:
_ أنا بكلم نازلي مش بكلمك إنتِ
نغم بقرف:
_ إنتِ تطولي تكلميني أصلاً ، و بعدين نازلي مش عايزه تكلمك تاني مش طايقة تشوف وشك
قالت منار بصدمة:
_ الكلام اللي بتقوله ده صح يا نازلي ؟!
نازلي ببرود:
_ أيوا
مشيوا ، و سابوها ، و منار اتصدمت أكتر.
قلبها اتكسر.
منار و نازلي صحاب من إعدادي ،
يعني عشرة سنين ،كانوا اكتر من الأخوات ،
و عمرهم ما في يوم زعلوا من بعض ،
كان إللي يشوفهم يفتكرهم تؤام ،
منار ماكنتش متوقعة من نازلي كده أبدًا.
البنات و الشباب كانوا واقفين و سمعوا إللي حصل ، و في اللي كان بيبص لها بشماتة ، و في اللي كان بيبص لها بشفقة
مشيت منار و هي بتعيط جامد
ـــــــــــــــــــــــــــــــــــــــــــــــــــــــــ
لا اله إلا الله وحده لا شريك له له الملك وله الحمد وهو على كل شيء قدير
بقلمي بســــمه أبو العلا
|بليل في بيت عمران|في أوضة يونس|
يونس كان قاعد بيذاكر و بعدين فجأة ساب الكتاب بملل ، و مِسك التليفون لاقه آدم بعت له رسالة على الانستا من غير ما يشوف الرسالة عاملاه بلوك ، و قفل التليفون الباب خبط و كان تميم
قال يونس بهدوء:
_ أدخل
دخل تميم و قعد قدامه على السرير
تميم:
_ عامل ايه في المذاكرة
يونس بيأس و إحباط:
_ تعبت و زهقت و مابقاش عندي شغف أعمل حاجة
قال تميم بابتسامة هادئة:
_ أهدى بس كده و صلِ على النبي
_ عليه أفضل الصلاة والسلام
كمل تميم بنفس الابتسامة:
_ إيه هو الشغف حماس البدايات طبيعي لما بندخل على أي مرحلة في حياتنا جديدة بندخل فيها بكل طاقاتنا و بنبذل فيها مجهود كبير جداً بس مع مرور الوقت الطاقة دي بتقل كلنا كده على فكرة بس إحنا لو استنينا الحماس أو الشغف يجي عشان يحركنا يبقى مافيش حد هيذاكر أو هيشتغل إللي بيمشي الدنيا مش الشغف أو الحماس ، الالتزام ، و السعي ، و تكمل حتي لو إنت مش حابب ده
ربنا سبحانه وتعالى قال: {وَأَنْ لَيْسَ لِلْإِنْسَانِ إِلَّا مَا سَعَى}
يونس :
_ عندك حق والله بس أنا مراكم أوي و مش هلحق
تميم بهدوء:
_ هتلحق إن شاء الله لسه بدري على امتحاناتك ، أنا كنت زي كده بس الفرق كان فاضل على الامتحاناتي تلات شهور و المفروض كنت اراجع معاهم
يونس بفضول:
_ طب و عملت ايه
تميم بابتسامة:
_ جداول طبعاً
_ طب قول
تميم :
_ هقولك أكتر جدول مشي معايا كنت بنام ، و بقوم بدري يعني على الساعة 5 كده أول حاجة كنت بصلي الفجر، و بفطر ، و أقول أذكار الصباح ، و بكتب إيه إللي المفروض اخلصه ، و إيه إللي أراجع عليه أخلص كل ده ، و ببدأ اذاكر من الساعة 7 لحد 9 ، و اخد ساعة راحه ، و اذاكر تاني من 11 لحد 1 ، و أوقف ممكن في الوقت ده أنام أو أحل امتحان ، و أرجع اذاكر من الساعة 6 لحد 8 ، و اخد ساعة راحه ، و اذاكر تاني من الساعة 10 لحد 12 ، و بعد كده اتعشى ، و أنام كنت كل يوم أعمل كده ، و ساعات ماكنتش باخد الساعة الراحة دي ، و الحمدلله كنت الأول على المحافظة .
يونس بأمل:
_ رجعتلي الأمل طب كنت في الأيام العادية بتذاكر كام ساعة
_ ست ساعات و ممكن سبعة
أبتسم يونس ، و قال:
_ خلاص ماشي همشي على الجدول ده
تميم بابتسامة :
_ ربنا معاك و يوفقك يا بطل
يونس:
_ يارب
تميم:
_ عايز حاجة قبل ما امشي ؟
_ لأ تسلم .
خرج تميم و سابه يذاكر بقلمي بســــمه أبو العلا
ـــــــــــــــــــــــــــــــــــــــــــــــــــــــــ
اللهم صلِ و سلم وبارك على سيدنا محمد
|بعد مرور يومين| الصبح في الجامعة|
رحمه بتتكلم مع روضة و روضة كانت سرحانه و مش مركزه لحد ما رحمه خدت بالها أنها سرحانه و رحمه ناديت عليها بس مارديتش
رحمه ضربته في كتفها الأيسر:
_ روضة مالك
روضة فاقت من سرحانها:
_ معلش كنت سرحانه شوية كنتي بتقولي ايه
رحمه بضحك:
_ شكلك كنتي سرحانه في اللي بالي بالك
روضة باستغراب:
_ مين ده .
رحمه:
_ تميم
أبتسمت روضة ، و قالت:
_ لأ طبعاً
رحمه:
_ كدابه أومال…
ماكملتش كلامها لما شافت رزق أخو روضة ، و أحمد ، و سليم داخلين بسرعة
قالت رحمه باستغراب:
_ اخوكي و ولاد عمك جايين الكلية ليه
روضة استغربت بس بصت على إللي رحمه بصه عليه ، و فعلاً لقيتهم
يتبع…
ـــــــــــــــــــــــــــــــــــــــــــــــــــــــــ
تفاعلوا+ كومنت عشان رأيكم يهمني+ شير+ شاركوني توقعاتكم
بقلمي : بســــمه أبو العلا
البارت العاشر
#بســــمه_ابوالعلا
#ما_في_شئ_يبعدنا
لينك قناتي عشان يوصلكم كل جديد
h(11)
_ تميم
أبتسمت روضة ، و قالت:
_ لأ طبعاً
رحمه:
_ كدابه أومال…
ماكملتش كلامها لما شافت رزق أخو روضة ، و أحمد ، و سليم داخلين بسرعة
قالت رحمه باستغراب:
_ اخوكي و ولاد عمك جايين الكلية ليه
روضة استغربت بس بصت على إللي رحمه بصه عليه ، و فعلاً لقيتهم
روضة باستغراب:
_ ماعرفش ، هقوم أشوفهم
و قامت هي و رحمه و راحوا لعندهم
لسه هتتكلم بس ، سليم أتكلم و قالها بقلق:
_ فين رباب يا روضة
روضة باستغراب:
_ ماعرفش هو في إيه
رزق شافها واقفه جنب شجره قال لهم وراحوا لعندها وشها كان مخطوف ، و أيدها بتترعش
قال رزق بهدوء:
_ حصل ايه
رباب ماكنتش عارفة تتكلم كويس ، و هما بصوا لها بقلق ، و ماكنوش عايزين يضغطوا عليها عشان تعرف تتكلم بعد شوية قالت بخوف:
_ في واحد كان هيتحرش بيا ، و لما زعقت له ، وشتمته زقني ، و أنا من ساعتها واقفه مكاني مش عارفه اتحرك .
سليم بزعيق:
_ فين الواد ده دلوقتي
رباب و روضة و رحمه اتفزعوا من صوته و قالت رباب و هي بتشاور على واحد واقف مع صحابه:
_ هو ده
راحوا كلهم لعنده ، و أحمد و رزق و سليم مسكو وفضلوا يضربوا فيه ، و واحد من صحاب الولد ده اتدخل ضربوه معاه ، و بعد شوية رزق بيحاول يبعدهم عنه ، و بالفعل بعدهم ، و قال أحمد بعصبية :
_ في أيه
رزق:
_ خلاص يعم إحنا في جامعة
قال أحمد لروضة و رباب:
_ انتوا كويسين ؟
روضة و رباب:
_ أه
رزق بهدوء:
_ طب يلا .
روضة:
_ أنا لسه عندي محاضرات
رزق:
_ ابقي خديهم من رحمه
_ مش هي…
قطعها رزق ، و قال بزعيق:
_ قولت يلا
سكتت لما زعق و قالت لرحمه تكتب المحاضرات و قالتلها ماشي، و خرجوا من الجامعه ركبوا العربيه ، و مشيوا بقلمي بســــمه أبو العلا
ـــــــــــــــــــــــــــــــــــــــــــــــــــــــــ
لا حول ولاقوة إلا بالله العلي العظيم
|بليل في بيت عائلة الحسيني|في شقة يعقوب|
كانوا قاعدين بيكلوا ، و فاطمة لاحظت إن روضة مش بتاكل ، و شكلها سرحانه أو بتفكر في حاجة
قالت فاطمة بحنية :
_ مش بتاكلي ليه يا حبيبتي ؟
روضة بابتسامة :
_ باكل أهو تسلم ايدك
فاطمة:
_ ماشي عايزه الطبق بتاعك يخلص كله
روضة هزت راسها بمعنى ماشي
رزق بندم:
_ أنا آسف لما زعقت لك في الكلية أنا كنت خايف عليكي … ماكنش ينفع اسيبك بعد إللي حصل.
روضة بابتسامة:
_ مش زعلانه يا حبيبي أنا عارفة كويس إنك كنت خايف عليا
اتنهدت فاطمة ، وقالت :
_ ده كويس إن الواد مامتش في أيديكم
رزق:
_ سليم كان عايز يموته فعلاً
يعقوب بهدوء:
_ الحمدلله أنها جات على قد كده
الكل:
_ الحمدلله
قامت روضة و قالت:
_ بابا عايزاك
يعقوب بهدوء:
_ حاضر
فاطمة:
_ كملي أكلك يا حبيبتي
_ كلت الحمدلله هستناك في البلكونة يا بابا
هز دماغه بمعنى ماشي ، و بعد شوية خلصوا أكل ، و يعقوب غسل أيده ، و راح لها
يعقوب بابتسامة :
_ إيه يا حبيبتي
فتحت تليفونها واديته له ، و بدأ يقرأ الشات ، و هو مستغرب ، و بعدين هي اتكلمت ، و هو بص لها باهتمام
روضة:
_ اول رساله اتبعتت لما كنا بنجيب العفش اتصدمت ، و كنت هقوله بس ماعرفتش ، و لما روحت البيت افتكرت رزق لما قال قبل كده إنه ما خطبش قبل كده ولا حب ، و تاني يوم اتبعتت رساله برده ، وبقى كل يوم تتبعت رساله ، و كل شوية أفكر في الموضوع لحد ما قررت اني اسيبه
قال يعقوب بهدوء:
_ بتحبيه .
هزت راسها بمعنى اه
كمل بنفس الهدوء :
_ و لما تسيبيه هتقدري تنسيه
_ ماعرفش بس هحاول
_ صعب أوي أوي تنسيه و ممكن ما تعرفيش كمان يا روضة
روضة استغربت ، و قالت :
_ ليه ؟!
_ لأن اللي بيحب بجد يا بنتي مابيعرفش ينسى ، و لو حصل هتفضلي دايما فاكره الحب ده ، و لما تيجي تحبي تاني مش هيبقى حب حقيقي زي الحب الأول .
روضة:
_ طب أعمل ايه
قال يعقوب بقوة:
_ حاربي ، و وجهي اي حد يحاول يوقع بينكم، وكوني قوية عشان تحافظي على حبك ، وعلاقتكم ، و قولي لتميم عشان يبقى عارف لو بعتوا له حاجة ، و اعملي بلوك لأي حد يبعتلك حاجة تاني
قامت روضة ، و حضنت يعقوب ، وقالت له بحب :
_ بحبك أوي يا بابا
بدلها يعقوب الحضن ، و قال :
_ و أنا كمان بحبك يا حبيبة بابا
ـــــــــــــــــــــــــــــــــــــــــــــــــــــــــ
لا اله إلا الله وحده لا شريك له له الملك وله الحمد وهو على كل شيء قدير
|تاني يوم الصبح|في الشركة|
فريد و تميم و أحمد قاعدين بيشتغلوا بتركيز فجأة دخل عليهم سليم ، و قال :
_ أنا هطلب أكل حد هياكل
تميم:
_ ماشي هاكل
قال فريد ، و بيريح ظهره على الكرسي:
_ على حسابك ؟
سليم رفع حاجبه ، و قال:
_ لأ من على حسابك أنت
_ حسابي خلص دا أنا حتى هروح مشي
سليم :
_صعبت عليا ماشي عشان أنت عريس بس عد الجمايل بقى
فريد بعتله بوسه في الهواء:
_ حبيبي يا سولي
أحمد :
_ و أنا كمان
سليم:
_ لأ يا حبيبي أنا هجيب له هو بس عشان هو عريس
_ و أنا إبن عمك
سليم:
_ خلي تميم يجبلك
فريد ضحك و أحمد بص لتميم
قال تميم:
_ أنا دا أنا غلبان آخر فلوس معايا دفعتها في عفش و هروح مشي زي فريد
_ اه كلكم بقيتوا فقراء دلوقتي ، و أنا المليونير صح
ضحكوا ، و قال سليم ، و هو بيخرج من المكتب:
_ والله أنا غلطان إني سألتكم
ــــــــــــــــــــــــــــــــــــــــــــــــــــــــ
سبحان الله وبحمده ، سبحان الله العظيم
|في الجامعة|
نازلي كانت واقفه بتتكلم مع واحده صحبتها ، و شافت سامر ، و هو خارج من مبنى الكلية قالت لصحبتها ، و هي بتقوم
_ ثانيه و جايلك
رغد:
_ تمام
نازلي :
_ سامر
سامر لفلها:
_ نعم
نازلي بابتسامة :
_ عامل ايه ؟
_ كويس الحمدلله و أنتِ
نازلي:
_ بخير طول ما أنت بخير .
سامر أبتسم ، و بعدين قالت:
_ أنت بقالك كتير مش بتيجي ليه
سامر :
_ كنت بحضر ورق السفر
نازلي بصدمة:
_ أنت هتسافر
سامر:
_ أيوا هكمل باقي حياتي هناك
_ طب و أنا
سامر باستغراب:
_ يعني اي مش فاهم
نازلي:
_ مش فاهم ايه ، مش فاهم أن أنا و أنت بنحب بعض و هنتجوز
_ بس أنا مش بحبك
يتبع…
ـــــــــــــــــــــــــــــــــــــــــــــــــــــــــ
تفاعلوا+ كومنت عشان رأيكم يهمني+ شير+ شاركوني توقعاتكم
بقلمي : بســــمه أبو العلا
البارت الحادي عشر
#بســــمه_ابوالعلا
#ما_في_شئ_يبعدنا
لينك قناتي عشان يوصلكم كل ج(12)
_ مش فاهم ايه ، مش فاهم أن أنا و أنت بنحب بعض و هنتجوز
_ بس أنا مش بحبك
اتصدمت ،
الكلمة تقيلة ،
وجعتها ،
مش قادره تستوعبها ،
قالت نازلي بصعوبة :
_ يعني اي … نغم ... قالت لي غير كده
اتنهد سامر ، و قال:
_ أنا عارف الكلام اللي هتسمعيه هيبقى أول مرة تسمعيه ، و هيوجعك شوية بس هي دي الحقيقة نغم لما جات ، و قالت لي عنك قولت لها إني بحب بنت ، و هتقدم لها قريب ، و مستحيل أحب غيرها قالت لي مين قالك تحبها أصلا قولت لها أومال أنتِ عايزه إيه قالت لي إحنا هنكدب عليها أنا هقولها إنك بتحبها ، و هتتجوزها ، و أنت تكلمها على أساس بتحبها لحد ما اتجوز تميم ، و أنت تتجوز البنت اللي بتحبها ، و تسافر أنا رفضت قعدت تتحايل عليا ... وافقت أنا مش عارف عملت كده إزاي بس أنا آسف جدًا أنا عارف إن كل ده هيترد في حد من أهلي سامحيني يا نازلي
قالت بوجع:
_ أسامحك ... بعد كل ده ، و عايزني أسامحك
_ أنا آسف
ضحكت بسخرية ، و قالت:
_ آسف ... حسبي الله ونعم الوكيل فيك عمري ما هسامحك أبدا يا سامر ، و نغم أنا هعرف أخد حقي منها كويس أمشي مش عايزه أشوف وشك بعد انهاردة .
مشي سامر ، و نازلي دموعها نزلت بغزارة ، و قلبها اتكسر ، و هي اتكسرت ، و حاست نفسها رخيصة أوي ، و ندمت إنها مشيت ورا قلبها
ــــــــــــــــــــــــــــــــــــــــــــــــــــــــــ
سبحان الله و الحمدلله و لا اله إلا الله و الله أكبر
بقلمي بســــمه أبو العلا
|بعد العصر|في بيت عائلة الحسيني في الجنينة |
روضة قاعدة مستنيه تميم ، بعد ربع ساعة تميم و رزق دخلوا ، تميم راح لروضة ، و قعد قدامها ، و رزق قعد على ترابيزه تانيه عشان يعرفوا يتكلموا
تميم بابتسامة:
_ عاملة اي
_ الحمدلله ، و أنت
تميم:
_ تمام الحمدلله … رزق قالي إنك عايزاني في حاجة مهمة
روضة فتحت تليفونها ، واديته له ، و هو كان بيقرأ بصدمة ، و ماكملش ، و بص لها و قال:
_ الكلام ده كذ…
قاطعته روضة و قالت بثقة:
_ عارفة يا تميم إن كل الكلام ده كذب ، و أنت مش اللي تلعب ببنات الناس .
أنا بس عايزه اعرف مين الشخص ده ، و بيعمل كده ليه
_ عشان يوقع ما بينا
روضة بخوف:
_ ده وصلت إني لو ما بعدتش عنك ، هيأذوني أنا خايفة
قال تميم ، و هو بيحاول يطمنها :
_ اهدي طيب ، و متخافيش ، و أنا هشوف مين دول ، و مش هسبهم .
بس أنتِ اهدي كده ، و لما حد يبعتلك اعملي بلوك ، و شيلي الموضوع من دماغك خالص ، و أنا هتصرف
_ شكراً يا تميم بجد
أبتسم تميم ، و هو من جواه غضب ، و عايز يعرف مين إللي يعمل كده
ــــــــــــــــــــــــــــــــــــــــــــــــــــــــــ
لا اله إلا الله وحده لا شريك له له الملك وله الحمد وهو على كل شيء قدير
|بليل في بيت عائلة الحسيني|في شقة أسامة |
أسامة قاعد على الكنبة بيتفرج على التليفزيون ، و رباب ، و هنا في المطبخ ، خرج سليم ، و هو بيفرك في عينه ، و دخل الحمام ، و هنا خرجت ، و في أيدها اطباق بسبوسة
هنا:
_ هو سليم صحي
_ أيوا ، انا كنت حاسس انها بسبوسة والله
أبتسمت هنا ، و مدت ايديها بطبق:
_ طب خد بس ماتكترش
خرج سليم ، و قال لرباب:
_ اعمليلي قهوة ساده يا رباب
قالت رباب ، و هي خارجة من المطبخ ، و في أيدها صنية فيها عصير:
_ لأ أشرب عصير الأول ، و بعدين اعملك قهوة
أسامة:
_ إيه كل ده نوم صحي النوم يعم
قال سليم بإرهاق :
_ مش عارف بجد أنا نمت كتير ، و عايز انام تاني
أسامة:
_ أشرب العصير ، و البت رباب تعملك قهوة
سليم:
_ ماشي ... الواد ده كلمك أو عملك حاجة
_ لأ ... ده لو كان عمل كنت اديته بوكس ، و بعدين هو يقدر أصلا ده أنا رباب يبني
سليم :
_ يا شيخه اتنيلي كنتي عملتي لما كلمك
_ طب علفكرة أنا كان ممكن اضربه بس سكت عشان برستيچي ما يقعش
قال و هو بياكل البسبوسة:
_ اه طبعاً عارف
أسامة:
_ اه صح أنت كنت فين الصبح
_ عند ماما الله يرحمها وحشتيني قولت اروح لها
الكل:
_ الله يرحمها
رباب بحزن:
_ و أنا كمان وحشتيني اوي
أسامة طبطب على رباب و قال :
_ إن شاء الله نروح لها الأسبوع الجاي
رباب بفرحه:
_ بجد
أسامة بابتسامة:
_ بجد يا حبيبتي ... بالمناسبة بقى مش ناوي تفرح نور
سليم باستعباط:
_ يعني ايه
_ والله أنت هتستعبط يعني تخطب يا خويا
سليم:
_ أنا ابنك علفكرة مش اخوك ، و بعدين أنا لسه صغير
هنا و رباب ضحكوا ، و أسامة بص له بقرف و قال:
_ خفيف بصراحة
هنا:
_ 26 و صغير ده إزاي بقى
_ 25 و ست شهور يا عمتو مش 26
اتنهد أسامة و قال:
_ استغفرالله العظيم ، صبرني يارب أنت ناوي تشلني يا بني
_ في اي بس
أسامة بنفذ صبر:
_ من الآخر كده في بنت محترمة ، و كويسة هنروح نشوفها
_ لأ
هنا:
_ طب أعرف مين هي الأول
أتكلم سليم بجدية:
_ ايا كان هي مين يا عمتو أنا مش عايز اتجوز جواز صالونات أنا عايز اتجوز بنت بحبها ، و تحبني ، و نعرف ، و نفهم بعض يكون بينا كيميا كده مش اروح اتجوز واحده ماعرفهاش و ممكن ماعرفش أحبها أو أتعامل معها ، و نتطلق ، و العيال هي اللي بتشيل في الآخر
أسامة بتفاهم:
_ ماشي يا حبيبى ربنا يريح بالك و قلبك و يرزقك ببنت الحلال
الكل:
_ يارب
ــــــــــــــــــــــــــــــــــــــــــــــــــــــــ
اللهم صلِ و سلم وبارك على محمد
|تاني يوم الصبح|في بيت نغم| بقلمي بســـمه أبو العلا
نغم قاعده على السرير ماسكه التليفون ، الباب خبط قامت فتحت و لقت نازلي
نغم بابتسامة خبيثة:
_ تعالي يا نونو
_ أنا مش جايه اقعد أنا بس عايزه اسألك سؤال
_ في اي
_ ليه
قالت نعم باستغراب:
_ ليه ايه
نازلي بوجع:
_ ليه تعملي فيّ كده انا عملتلك ايه أنا كنت بعملك زي اختي و اكتر كمان
نغم استغربت اكتر:
_ في ايه أنا مش فاهمه حاجة
_ سامر إللي أنتِ و هو اتفقوا عليا
قالت نغم ببرود:
_ اه هو قالك
نازلي اتصدمت:
_ أنا بجد مش مصدقة أنتِ إزاي بتتكلمي ببرود كده
_ نازلي إحنا عندنا حاجات كتير نعملها سيبي الكلام ده وقت تاني
قالت نازلي بصراخ:
_ أنتِ ايه
أنتِ مش بتحسي ، أنتِ مش شايفة أنك عملتي مصيبة علفكرة أنا هقول لتميم
_ و أنا كمان هقول له على سامر
_ مش هيصدقك
_ معايا دليل هو أنتِ مفكراني عبيطة يماما لأ فوقي
قالت و في دمعه نزلت منها:
_ لأ ده أنا اللي عبيطة عشان وثقت في واحدة زيك من…
مكملتش لما لقت حد بيفتح الباب
يتبع…
ــــــــــــــــــــــــــــــــــــــــــــــــــــــــــ
آسفة جداً على التأخير أنا مش بلاقي تفاعل كويس ولا تشجيع عشان كده بتأخر بس إن شاء الله مش هتأخر تاني
تفاعلوا+ كومنت عشان رأيكم يهمني+ شير+ شاركوني توقعاتكم
بقلمي : بســــمه أبو العلا
البارت الثاني عشر
#بســــمه_ابوالعلا
#ما_في_شئ_يبعدنا
لينك قناتي عشان يوصلكم كل جديد(13)
_ و أنا كمان هقول له على سامر
_ مش هيصدقك
_ معايا دليل هو أنتِ مفكراني عبيطة يماما لأ فوقي
قالت و في دمعه نزلت منها:
_ لأ ده أنا اللي عبيطة عشان وثقت في واحدة زيك من…
مكملتش لما لقت حد بيفتح الباب ، و كانت علا قالت ، و هي بتحط الشنط على السفرة:
_ صوتكم عالي ليه
نغم بتوتر:
_ عادي كنا بنتناقش بس مش كده يا نونو
نازلي بصت لها بقرف ، و مارديتش ، و نغم بصت لها بمعنى ماتقولش حاجة
علا بصت لهم بشك و قالت:
_ فعلاً … تعالي اقعدي يا نازلي
_ لأ يا خالتوا همشي عشان ماما ماتقلقش
_ ماشي يا حبيبتي سلميلي على هدى
نازلي :
_ يوصل يا خالتوا
نازلي فتحت الباب ، و قبل ما تخرج بصت لــ نغم بصة غضب ، و وجع ، و علا شكت فيهم أكتر نازلي مشيت ، و نغم كانت لسه بتدخل الاوضة علا ناديت لها
_ نعم يا ماما
_ في اي إللي بينك ، وبين نازلي ، و صوتكم كان عالي ليه ؟
نغم بتحاول تهرب منها و قالت و هي بتدخل الاوضة:
_ مانا قولت أننا كنا بنتناقش على حاجة في الجامعة
علا دخلت وراها :
_ ما تكدبيش يا نغم قولي في اي
_ ماما عايزه اذاكر
_ ماشي يا نغم ذاكري
و خرجت و بتدعي ربنا يهدي بنتها عشان حاست أن نغم عملت مصيبة بقلمي بســـمه أبو العلا
ــــــــــــــــــــــــــــــــــــــــــــــــــــــــــ
لا حول ولاقوة إلا بالله العلي العظيم
|بعد مرور ثلاث ايام بليل|في شقة عمران|
نازلي بتصلي ، و بتعيط ، و بتدعي في سجودها ربنا يسامحها بعد شوية خلصت صلاة
نازلي بندم و عياط:
_ أنا عارفة إني عصيتك و عملت حاجات كتير وحشة في حياتي كان غصب عني يارب أنا مش هكرر الغلط ده تاني أقبل توبتي يارب من كل حاجة حرام عملتها ، و سامحني ، و أغفر لي ، و اعف عني ، و قويني على طاعتك ، و ثبتني على الطريق الصح يارب
خلصت ، و لسه هتقوم الباب خبط
نازلي :
_ ادخل
دخلت هدى ، و استعجبت من نازلي لأنها أول مرة تصلي من نفسها كانت هدى هي اللي بتقولها ، و بتتحايل عليها قالت الحمدلله ، و دعت ربنا يثبتها في سرها
_ نعم يا ماما
هدى بابتسامة:
_ كنت عايزاكي تيجي تساعديني في الأكل بس طالما بتصلي خلاص
قامت و هي بتشيل المصلية و قالت بابتسامة:
_ أنا خلاص خلصت الحمدلله ، و هغير ، و جايلك
_ ماشي يا حبيبتي ربنا يهديكي ، و يصلح حالك ، و يثبتك يارب
_ اللهم آمين يارب.
ــــــــــــــــــــــــــــــــــــــــــــــــــــــــــ
لا اله إلا الله وحده لا شريك له له الملك وله الحمد وهو على كل شيء قدير
|في بيت زينب|
زينب ، و رانيا قاعدين بيتفرجوا على التليفزيون
زينب:
_ عايزين نشوف حضانة لــ سيف يا رانيا الولد كبر
_ ما عمرو ، و ماما قالولي كده برده بس أنا خايفة عليه
_ و خايفة ليه احنا هنشوف حضانة كويسة
_ خلاص ماشي يا عمتو شوفي حضانة كويسة ، و أمان ، و قوليلي
زينب بابتسامة:
_ ماشي يا حبيبة عمتو هو عمرو هايجي أمتى
_ مش عارفة والله
لسه زينب هترد سيف خرج من الاوضة
رانيا:
_ انت كنت صاحي يا سيف
سيف:
_ لأ والله يماما أنا نمت ، و صحيت
_ ماشي
زينب بابتسامة:
_ أجبلك تاكل يا حبيبي
قال سيف و هو بيلعب بالتليفون:
_ ماشي يا تيتا
الباب خبط رانيا فتحت ، و كان عمرو سيف ساب التليفون ، و جري عليه ، و عمرو شالوا
عمرو بابتسامة:
_ ايه اللي مصحيك لحد دلوقتي
_ أنا نمت ، و صحيت
_ ماشي يا حبيبي أومال فين سيلو
سيف:
_ نايمة يا بابا
عمرو لاحظ إن رانيا فيها حاجة لسه هيتكلم معاها لاقها قامت دخلت المطبخ
زينب :
_ أنا حطيت الرز على النار يتسخن
رانيا:
_ ماشي يا حبيبتي طب مش هنستنى كريم
_ كريم هياكل برا ... روحي شوفي عمرو عايز ايه
|في اوضة عمرو و رانيا|
عمرو بيلبس التيشيرت ، و بيسمع سيف و هو بيقوله عمل ايه انهارده
عمرو بابتسامة:
_ شطور يا سيفو أيوا كده أسمع كلام ماما
رانيا:
_ نعم يا عمرو
عمرو قال سيف يخرج ، و مسك أيد رانيا ، و قاعدو على السرير
عمرو:
_ مالك يا رانيا بقالك كام يوم مش عاجبني فيكِ ايه
قالت رانيا بسخرية:
_ كام يوم فيك الخير بصراحة
_ في اي
_ انت بقالك شهر ، و اسبوع ما بنقعدش مع بعض ، و نتكلم ولا بتتصل بيا تطمن عليا ، و على العيال ولا بنخرج
قال عمرو بهزار:
_ ياااه كل ده شايله في قلبك على فكرة أنتِ قلبك أسود
_ أهو هو ده اللي بناخده منك هزار و بس أنا بتكلم بجد علفكرة
_ و أنا كمان علفكرة
_ عمرو
_ ايه ... غصب عني والله إحنا عندنا الفترة دي شغل كتير
_ الخمس ثواني اللي هتتصل فيهم دول اللي هيضيعوا الوقت
_ أنتِ عندك حق حقك عليا ، و وعد مني بكره هاخدك أنتِ ، و سيف ، و سيلين ، و نخرج
_ وعد
هز رأسه و قال :
_ وعد
ــــــــــــــــــــــــــــــــــــــــــــــــــــــــ
سبحان الله وبحمده ، سبحان الله العظيم
بقلمي بســـمه أبو العلا
|في بيت عمران| على السفرة|
يونس:
_ مساء الخير يا جماعة
الكل:
_ مساء النور
تميم:
_ معلش يا بابا مش هعرف اجي الشركة الفترة الجاية دي
_ ليه ؟!
_ عندنا مشروع كبير و مهم و لازم اكون في الشركة لوقت طويل أسبوع بس بقلمي بســـمه أبو العلا
عمران بابتسامة:
_ ربنا معاك و يوفقك
تميم:
_ يارب
عمران:
_ و أنتِ عاملة ايه في الكلية يا نازلي
نازلي بابتسامة حزينه:
_ كويسة
تميم بابتسامة و حب :
_ لو مش فاهمة اي حاجة تعالي و قوليلي
هزت راسها بمعنى ماشي
يونس:
_ فين السلطة يا ماما
عمران:
_ اه صح
_ عملتها و نسيتها هقوم اجيبها
_ خليكي يا ماما هقوم أنا
هدى:
_ ماشي يا حبيبتي
قامت نازلي و قالت هدى :
_ أنا مبسوطة أوي من نازلي بدأت تتحسن عن الأول و بقت تذاكر كتير
تميم:
_ أنا كمان لاحظت ربنا يهديها يارب
الكل:
_ يارب
صوت رسالة من تليفون نازلي بص تميم و اتصدم من اللي شافوا
يتبع...
ــــــــــــــــــــــــــــــــــــــــــــــــــــــــــ
إن شاء الله البارت الرابع عشر هينزل بليل و هيكون طويل عن ده
تفاعلوا + كومنت عشان رأيكم يهمني+ شير + شاركوني توقعاتكم
بقلمي: بســــمه أبو العلا
البارت الثالث عشر
#بســــمه_ابوالعلا
#ما_في_شئ_يبعدنا
لينك قناتي عشان يوصلكم كل جديد
(14)
هتبعتي لروضة إن تميم بيخونك ، و تبعتي الصور دي ، و لو ماعملتيش كده هبعت الفيديو الحلو ده بتاعك أنت ، و سامر لــ تيمو اتصدم تميم من الكلام هدى لاحظت
هدى:
_ مالك يا تميم
ماردش عليها ، و بص لــ نازلي اللي خارجة من المطبخ ، و في أيدها طبق السلطة قام ، و وقف ، و قال بصدمة ، و وجع ، و صوت عالي :
_ ليه تعملي كده أنا عملتلك ايه ولا روضة اللي لسه عارفها من تلات شهور عملتلك ايه هي ذنبها ايه
نازلي كانت بتعيط ، و هدى قالت بقلق:
_ في ايه يا تميم
_ لو حد قالي أنا ماكنتش هصدقه لكن أنا شوفت بعيني لأ ، و فوق كل ده عملتي مصيبة أكبر من دي ده أنتِ أكتر واحده كنت بثق فيها
عمران:
_ في اي يبني
بص لها بخذلان ، و قال :
_ الهانم متفقه مع نغم توقع بيني ، و بين روضة ، و لو ماعملتش كده بلاش أقول أحسن ...
سابهم ، وطلع الاوضة ، و هما كانوا مصدومين من نازلي ، و ماكنوش مصدقين إنها تعمل كده ، و نازلي كانت منهارة من العياط
هدى زقتها ، و قالت بصدمة:
_ إزاي تعملي كده أنتِ اتجننتي ولا فيكِ ايه انطقي
مارديتش ، و عمران بص لــ هدى بمعنى تسكت
عمران :
_ أطلع لأخوك يا يونس
هز رأسه بمعنى ماشي ، و طلع خبط
قال تميم ، و هو بيمسح دمعه نزلت منه :
_ مين
يونس:
_ أنا يونس يا تميم أفتح عايزك
_ معلش سبني دلوقتي
_ لأ أفتح عايز اتكلم معاك
تميم بزعيق:
_ قولت سبني دلوقتي
"تحت "
عمران بهدوء:
_ عملتي كده ليه يا نازلي
نازلي بتعيط ، و مارديتش قالت هدى بعصبية:
_ انطقي يا بت
عمران بحزم:
_ هدى اهدي اطلعي يا نازلي أنتِ دلوقتي بس لينا كلام بعدين
طلعت نازلي ، و هدى بصت له بعصبية ، و مستنيه يتكلم
عمران بهدوء:
_ نازلي دلوقتي اتصدمت زينا عشان ماكنتش متوقعة أننا نعرف ، و هي مش عارفة تتكلم بس لما تهدى هتيجي ، و تحكي كل إللي حصل فممكن بقى تهدي ، و نشوف تميم الأول
_ أما نشوف اخرتها
يونس نزل و قالت هدى بسرعة:
_ هاااه عملت ايه
_ مش راضي يفتح الباب
اتنهد عمران ، و قال:
_ كنت عارف
ـــــــــــــــــــــــــــــــــــــــــــــــــــــــــ
لا اله إلا الله وحده لا شريك له له الملك وله الحمد وهو على كل شيء قدير
|بعد يومين بليل|في المستشفى |
أوليفيا قاعدة على السرير ، و معلقين لها محلول ، و حمزة و هند و فاطمة و هنا و رويدا قاعدين حواليها
هند بقلق:
_ رباب اتأخرت أوي
فاطمة:
_ اتصلي بيها يا رويدا كده
رويدا:
_ سايبه تليفونها معايا يا مرات عمي
أوليفيا بزهق:
_ هو المحلول ده هيخلص أمتى .
حمزة :
_ شوية كده يا حبيبتي
رويدا:
_ قررتو هتسموه ايه
أوليفيا بخوف:
_ لأ لسه أنا خايفة أوي
حمزة بيحاول يطمنها طبطب على أيدها ، و قال:
_ متخافيش يا حبيبتي ، و بعدين أنا قولتلك هدخل معاكِ
أوليفيا:
_ بجد
حمزة أبتسم:
_ بجد
الممرضه خبطت ، و دخلت قالت لــ أوليفيا بابتسامة:
_ يلا يا مدام أوليفيا في حد هيدخل معاها
حمزة:
_ أه أنا
الممرضه:
_ تمام يلا
قاموا معاها و هند و فاطمة و هنا بيدعولها ، و رويدا خايفة عليها بعد شوية رباب جات
رباب:
_ ايه دخلوا
فاطمة:
_ اه أنتِ اتأخرتي ليه
رباب قعدت ، و قالت بتعب:
_ المحل كان زحمة أوي
هنا:
_ معلش يا حبيبتي
ــــــــــــــــــــــــــــــــــــــــــــــــــــــــــ
لا حول ولاقوة إلا بالله العلي العظيم
|في بيت عمران|
قاعدين بيتفرجوا على التليفزيون بصمت دخل عليهم تميم ، و لسه هيطلع
قاله عمران:
_ تعالى يا حبيبي أقعد معانا
تميم بتعب:
_ تعبان يا بابا ، و عايز انام
هدى:
_ طب كل الأول ، و بعد كده نام
تميم:
_ كلت برا تصبحوا على خير
هدى و عمران و يونس:
_ و أنت من أهل الخير
نازلي:
_ بابا ينفع أتكلم معاك
عمران بابتسامة:
_ طبعاً يا حبيبتي يونس أطلع ذاكر ، و أنتِ يا هدى اعمليلي شاي
يونس:
_ بتوزعنا يا بابا
_ اه قوم بقى
_ ماشي يا حجوج
هدى و يونس قاموا ، و نازلي بدأت تتكلم بتوتر:
_ نغم بتحب تميم ، و كانت بتحاول تقرب مني اكتر لحد ما دخلنا الكلية مع بعض أنا حبيت واحد ، و روحت قولت لها طلع الولد ده إبن عمها قالت لي ، و إللي يخليكي تتجوزيه تعمليلوه ايه قولت لها ايه حاجة يطلبها وهمتني انه بيحبني ، و هيتجوزني ، و كانت بتقولي اتكلمي عني كتير قدام تميم ، و كنت بعمل كده لحد ما تميم خطب روضة قالت لي لو ما اتجوزتش تميم مش هتتجوزي سامر ، و اضطريت أعمل معاها اللعبة القذره دي لحد ما من تلات ايام تقريبا أكتشفت إنها بتضحك عليا " كملت بندم"ندمت ساعتها إني مشيت ورا قلبي ، و وراها أنا كنت هقول لتميم والله بس اللي حصل بقى بتمنى تسامحني يابابا أنا عارفة أنك مش هترجع تثق فيا تاني أنا آسفة إني عملت كده عشان خاطري تسامحني ، و أنا والله العظيم مش هعمل كده تاني أنا اتعلمت خلاص إللي بيعمل حاجة تغضب ربنا مش بتكمل
عمران كان بيسمعها ، و هو عارف إنها ندمت فعلاً فقال بهدوء:
_ كويس إنك عارفة إن ده غلط ، و أنا مسامحك بس الأهم تميم و ماما يا نازلي
نازلي:
_ أنا هكلم ماما و اتأسف لها و تميم هستنى يومين أو تلاته كده و هكلموا
_ صلي ، و استغفري كتير ، و بأذن الله ربنا يسامحك و اوعديني إنك مش هتعملي كده تاني بقلمي بســـمه أبو العلا
نازلي:
_ وعد مش هعمل كده تاني .
أبتسم عمران و حضنها
ـــــــــــــــــــــــــــــــــــــــــــــــــــــــــ
سبحان الله ، الله أكبر ، لا اله إلا الله ، الحمدلله
|في المستشفى|
روضة و رزق و أحمد و سليم جم و رباب نامت على السرير اللي جمب سرير أوليفيا
روضة:
_ أنا كلمت بابا ، و قالي هنرجع أنا و عمامك متأخر شكلهم كده مش هيعرفوا يجوا
هند:
_ مش مستهله بعد ما تخرج هنقعد ساعتين ، و نمشي
هنا:
_ ما تروح يا أحمد كده شوفهم اتأخرت أوي جوا
قال أحمد ، و بيشاور على رباب:
_ ماشي و صحوا الميتة دي
رباب بنعس :
_ ماكنش العشم يا أحمد
هنا بضحك:
_ يلهوي هو أنتِ صحيتي امتى
رباب قامت ، و عدلت حجابها:
_ هو أنا نمت أصلا ده انتوا بسم الله ماشاء الله مش بتفصلوا رغي
أحمد:
_ لما إحنا رغيين أومال أنتِ ايه
رباب بابتسامة:
_ أساسه طبعاً
كلهم ضحكوا ماعدا أحمد إللي كان عايز يقوم يضربها أحمد لسه هيرد لقوا حد بيفتح الباب ، و كان حمزة ، و الممرضة شايلين العيال ادوا لهم العيال ، و خرجوا و روضة و رباب و رويدا قاموا عشان يشوفوا العيال ، و بعد دقايق دخلوا بــ أوليفيا ، و كذا ممرضة نقلوها ، و مشيوا
هند:
_ حمدالله على سلامتها
حمزة بفرحة ، و حب ، و هو بيبص على بناته:
_ الله يسلمك يا ماما
رويدا:
_ هو مش المفروض يكون واحد
_ المفروض بس اتفاجئت إن الدكتور بيقولي خد عيالك قولتله هو واحد بس ، و ولد قالي يمكن الدكتور غلط مثلاً ، و بعدين أكتشفت إنها ماكنتش فهماني عشان لما كنت بسألها كانت تقولي اه بس خير يعني
سليم ضحك ، و هنا بصت له سكت، و بعدين قالت بابتسامة:
_ هتسميهم ايه يا حبيبي
حمزة بفرحة:
_ هند و هنا
هنا بفرحة:
_ ربنا يجبر بخاطرك ، و يتربوا في عزك
هند بابتسامة:
_ مين هند بقى يا حبيب امك
لسه حمزة هيرد لقوا أوليفيا بتقول بهلوسة :
_ أدموند حبيبي… ليه سبتني زي همزة
كلهم اتصدموا ماعدا حمزة
قال سليم بصدمة:
_ حمزة الحق مراتك بتخونك مع أدموند
_ عارف
هند:
_ إزاي يعني و مين أدموند ده
سليم بصدمة أكبر:
_ و كمان عارف فين الرجولة
حمزة:
_ اتلم يا سليم و أدموند ده يا أمي أخوها من أمها عايش في لندن بس بعد موت مامتها حصلت مشكلة هي و أخوها و مأثرة فيها لحد دلوقتي
هند :
_ يا حبيبتي يا بنتي
سليم:
_ يلهوي بتخونك مع أخوها كم
ماكملش كلامه عشان الباب خبط ، و كانوا الممرضات
حمزة بخوف:
_ براحة عليها بس
سليم بتريقه:
_ اسمعوا كلامه عشان دي من لندن و ممكن تتكسر في أيديكم
حمزة بص له بمعنى يسكت ، و الممرضات، و كل اللي في الاوضة ضحكوا على سليم
سليم:
_ و اه شوفوا مين أدموند ده معلش عش...
ماكملش كلامه لما لقه أوليفيا بتقول بهلوسة:
_ أدموند عشان خاطري متسبنيش زي ماما و همزة
سليم للممرضات:
_ شوفتوا
الممرضة ضحكت ، و قالت:
_ هي دلوقتي بتهلوس بس بعد شوية هتبقى تمام ماتقلقوش
سليم:
_ دي فضحت نفسها ، و همزة سوري حمزة كمان
حمزة بغيظ من سليم:
_ يا بني اسكت أنا مش عايز أكلمك عشان إحنا في المستشفى
سليم:
_ روح يا حبيبي اتشطر على أوليفيا بدل ما
جي تتشطر عليا أنا
فاطمة ضربته بخفة على كتفه:
_ أسكت بقى هيقوم يضربك
سليم هيرد لقه علبة عصير اتحدفت عليه
قال سليم بستفزاز:
_ ياااه و كمان سقعة تسلم يا أبو هند
كلهم ضحكوا و حمزة اتغاظ اكتر
ــــــــــــــــــــــــــــــــــــــــــــــــــــــــــ
اللهم صلِ و سلم وبارك على سيدنا محمد
|تاني يوم في بيت علا|
علا بابتسامة:
_ تشرب ايه يا حبيبي ده أنت نورتني والله انهارده
تميم:
_ بنورك يا خالتي أنا جاي بس أتكلم معاكي في حاجة
علا بقلق:
_ قول يا حبيبي
تميم حكى لها على نازلي ، و نغم و هي بتسمع بصدمة ، و إحراج
قالت بأحراج:
_ مش عارفة ايه والله إحنا آسفين يا بني أنا ماعرفتش أربي
تميم:
_ ما تقوليش كده يا خالتوا أنا بس عايزاك تقوليلها تمسح اي فيديو لــ نازلي مع سامر ، و تعتبرها زي أختها ، و تقوليلها إني بحب روضة ، و مستحيل اتجوز غيرها، و تعتبرني أخوها ، و ربنا يهديها و يصلح حالها
علا بأحراج شديد:
_ حاضر يا بني
_ عن أذنك يا خالتي عايزه حاجة
علا:
_ خليك شوية طيب
_ معلش عندي مشوار
قام و هي وراها ، و لما فتح الباب لقه نغم في وشه أبتسمت نغم لما لقيته ، و قالت بحب:
_ عامل ايه ؟
تميم بجدية:
_ الحمدلله السلام عليكم
علا :
_ وعليكم السلام
علا ، و نغم دخلوا
نغم:
_ ايه قلة الذوق دي
علا ضربتها بالقلم على وشها:
_ هي فعلاً قلة ذوق ، و قلة أدب كمان ، و أنا ماعرفتش أربي واحده زيك مابتعملش حاجة في حياتها غير أنها تحقد ، و تأذي الناس
_ أنتِ بتضربيتي ليه، و في ايه
علا بزعيق:
_ في إنك روحتي اتفاقتي مع ابن عمك على بنت خالتك و اتفاقتي مع بنت خالتك على أخوها ، و خطيبة أخوها ليه عشان تميم اللي مش معبرك أصلا ايه ماتردي
نغم :
_ أنتِ السبب على فكرة
علا بوجع:
_ أنا
نغم بعياط:
_ اه أنتِ من يوم ما اتولد فين بابا مسافر هيجي امتى ماعرفش بقى مافيش بابا بس كان في تميم اللي كان احن واحد في الدنيا عليا بقى بالنسبالي أبويا و أخويا و حبيبي اللي لما أكبر هتجوزه و لما كبرنا هو بعد و خطب و اضطريت أعمل كده عشان يسبها ، و نتجوز
علا:
_ ده أنا كنت ليكِ أم و أب و اخوات و مارديتش اتجوز عشان ما دخلش عليكِ راجل غريب و في الآخر انا السبب صح
نغم بقهر و عياط أكتر:
_ ياريتك كنتي اتجوزتي على الأقل كان هيبقى زي أبويا اللي ماشوفتوش ، أو اللي مش عايزاني اشوفوه
_ هو اللي سابك ، و ماكنش عايزاك أعمل فيكِ ايه بس
نغم مسحت دموعها و قالت:
_ أنا هريحك مني خالص ، و من انهارده مش هتشوفي وشي تاني.
خلصت كلامها ، و فتحت الباب ، و نزلت ، و علا نزلت وراها ، و بتنادي عليها ، و صوت زمر العربية و ضوء عالي ، و هي مش سامعه و مش شايفه ، و فجأة
يتبع...
ـــــــــــــــــــــــــــــــــــــــــــــــــــــــــ
تفاعلوا + كومنت عشان رأيكم يهمني+ شير + شاركوني توقعاتكم
بقلمي: بســــمه أبو العلا
البارت الرابع عشر
#بســــمه_ابوالعلا
#ما_في_شئ_يبعدنا
لينك قناتي عشان يوصلكم كل جدي(15) و الأخير
نايمة على السرير بتحاول تفتح عينيها كذا مرة فتحت عينيها أخيراً ، و قالت بصعوبة ، و وجع:
_ ماما ... أنا ... أنا فين
علا مسحت دموعها ، و قالت بخوف عليها:
_ أنتِ في المستشفى يا حبيبتي
نغم بوجع ، و عياط:
_ أيدي ، و رجلي بيوجعوني أوي
قامت علا ، و قالت:
_ هروح انادي الدكتور
بعد دقايق علا ، و الدكتور دخلوا ، و بدأ يكشف عليها
علا بقلق:
_ طمني يا دكتور
الدكتور:
_ متقلقيش ده وجع عادي لأن تأثير البنج راح أنا هديها حقنة تقلل الوجع و تنام
علا:
_ تمام
_ أنا هفك الجبس اللي على أيدي ، و رجلي ده امتى
الدكتور ، و هو بيعبي الحقنة:
_ شهرين أو تلات شهور كده
نغم بضيق و وجع:
_ لسه هستنى تلات شهور أنا اتخنقت من دلوقتي ل... اه
ادها الحقنة ، و بدأت تهدى تدريجياً قال الدكتور بابتسامة:
_ ألف سلامة عليها
علا قعدت جنبها ، و ملست على شعرها ، و قالت:
_ الله يسلمك يا دكتور و شكراً
أبتسم لها ، و هو بيخرج هدى دخلت
هدى بصدمة لما شافت نغم:
_ ايه إللي عمل فيها كده
_ حادثة
_ إللي حصل
_ تعالي نقعد طيب
قامت علا من جنبها ، و راحوا هما الاتنين على الكنبة
ـــــــــــــــــــــــــــــــــــــــــــــــــــــــــ
اللهم صلِ و سلم وبارك على محمد
|في بيت عمران|
نازلي قاعده بتتفرج على التليفزيون ، و يونس قاعد ماسك الكتاب ، و عامل نفسه بيذاكر ، و كل شوية يبص على التليفزيون
يونس:
_ ليه سيبيه حلو
نازلي بصت له:
_ هو أنت بتذاكر ولا بتتفرج
يونس بابتسامة سمجة:
_ الاتنين يا روحي هاتيه بقى
نازلي بعند:
_ لأ و قوم ذاكر بقى
تميم جيه و قال ، و هو بيدور بعينه على أمه و أبوه
تميم:
_ فين ماما و بابا ؟
يونس:
_ في المستشفى
تميم بخوف ، و قلق:
_ ليه حصل ايه
_ متخافش خالتك أتصلت ، و قالت لبابا و ماما تعالوا المستشفى عشان نغم تعبانة
_ ماشي أنا طالع أنام
يونس ضرب نازلي في كتفها ، و قالت :
_ تميم
وقف تميم من غير ما يبص لها ، و قالها بجمود:
_ عايزه ايه
نازلي راحت له ، و هي بتدمع ، و وقف قدامه ، و بصت في الأرض ، و قالت:
_ أنا آسفة ماكنش قصدي أعمل كده
و حكت له نفس اللي حكته لــ عمران
و قالت بعياط:
_ اضربني أو أعمل اي حاجة بس كلمني أنا آسفة
تميم ماردش ، و كان بيفكر ، و يونس ضربه في دراعه بخفة ، و قاله بصوت واطي:
_ خلاص يا تميم جت ، و اتأسفت
تميم فتح أيده و نازلي قربت حضنته
نازلي بابتسامة:
_ صاف يا لبن
تميم ضحك و قال :
_ حليب يا قشطة
يونس:
_ ايوا كده
_ تعالي
يونس قرب و تميم حضنهم هما الاتنين
_ أنت متخيلة إني ممكن اضربك يعني انا ماعملتهاش و أنتِ صغيرة هعملها و أنتِ كبيرة
يونس بهزار:
_ بس أنا ممكن أعملها عادي
نازلي و تميم ضحكوا
ـــــــــــــــــــــــــــــــــــــــــــــــــــــــــ
لا اله إلا الله وحده لا شريك له له الملك وله الحمد وهو على كل شيء قدير
|بعد مرور أسبوع | في شقة محمد |
كلهم قاعدين في الاوضة إلي أوليفيا بتنام فيها
روضة ماسكه هنا الصغيرة و بتلعبها قالت بضحك و حنية:
_ أنتِ بتضحكيلي أنتِ قلبي قلبي كده
هند بابتسامة:
_ عقبالك يا رورو
قالت روضة بصوت واطي ماحدش يسمعه:
_ ليه بس الإحراج ده يا هنوده "و بعدين قالت بكسوف" الله يخليكي يا هنوده
رزق قام و قال :
_ يلا يا روضة
هنا:
_ رايحين فين
_ هوصل روضة لــ بيت نغم بنت خالت تميم عشان عاملها حادثة و أنا هروح مع واحد صاحبي مشوار و هرجع اخدها
هنا:
_ ماشي يا حبيبي توصلوا بالسلامة و بقولك و أنتو نازلين خبطوا على رباب تطلع
رزق:
_ حاضر يلا السلام عليكم ورحمة الله وبركاته
الكل:
_ وعليكم السلام
نزلوا خبطوا على رباب و بعدين ركبوا العربيه
_ هتطولي
_ لأ هي ساعة و نص كده
_ تمام
بعد من الوقت وصلوا و تميم كان مستنيهم قدام البيت نزلوا و راحوا لعنده و سلموا
رزق:
_ قبل ما تنزلي رني عليا
_ أنا ممكن أوصلها
_ لأ لما تنزلوا و مالقيتونيش أقف معاها بس عشان ماتقفش لوحدها
_ ماشي سلام
_ سلام
رزق مشي و هما طلعوا و قال تميم و هما على السلم
_ إحنا هنحدد معاد الفرح امتى
روضة اتفاجئت من السؤال و رديت بعد شوية:
_ يعني شوية كده و بعدين ده مش الوقت المناسب اللي تسأل فيه
ماردش و كملوا لحد باب الشقة و خبطوا و علا رحبت بيهم جداً
|في اوضة نغم|
نايمة على السرير متجبسه في كل حته
روضة:
_ ألف سلامة عليكي يا نغم
نغم بتعب:
_ الله يسلمك
علا بابتسامة:
_ بسم الله ماشاء الله ربنا يحميكي يا حبيبتي
روضة بكسوف:
_ تسلمي يا خالتي
علا أبتسمت و قامت دخلت المطبخ و بعد شوية ناديت تميم
نغم:
_ روضة
_ نعم
نغم بندم حقيقي:
_ أنا آسفة على اللي عملته معاكي أنا بجد كنت مغفلة
روضة باستغراب:
_ على ايه أنا مش فاهمة حاجة
نغم بأحراج :
_ أنا اللي كنت ببعتلك الرسايل
اتصدمت روضة و كملت نغم عينها فيها دموع:
_ أنا اتولدت لقيت تميم قدامي كان اخويا و أبويا كان حنين عليا كان بيعتبرني زي نازلي بظبط و اتعودت إن الحاجة اللي عايزها تبقى بتاعتي مهما كان الحاجة دي ايه أنا أبويا ماكنش عايزني فــ لما لقيت تميم حبيته و عمري ماكنت بعتبره أخ غير دلوقتي أنا آسفة إني كنت هخرب حياتكم أنا كنت مغفلة و غبية تميم على فكرة ماكنش يعرف حاجة أتمنى تسامحيني
روضة مصدومة و قعدت تفكر و بعدين قالت بابتسامة:
_ ربنا بيسامح أنا مش هسامحك يعني و إللي فات خلاص و كويس إنك فوقتي إحنا أخوات يا نغم و كمان هبقى مرات اخوكي ولا اي بقى
نغم عرفت إنها إنسانة كويسة و تميم يستاهلها أبتسمت نغم و قالت لها:
_ طبعاً نفسي احضنك بس مش عارفة
روضة بضحك:
_ هحضنك أنا
قامت روضة حضنتها براحة عشان ماتتوجعش و نغم ماكنتش عارفة تبادلها الحضن دخل تميم و كان سامع كل حاجة و كان فرحان أنه عرف يختار صح قعدوا شوية و قال تميم:
_ يلا يا روضة عشان متتأخريش
روضة:
_ ماشي
علا:
_ خليكوا قاعدين شوية
تميم:
_ مش هينفع يا خالتي
قامت روضة و سلمت عليهم و قالت:
_ هجيلكوا تاني
علا بابتسامة:
_ تنوري يا حبيبتي
ـــــــــــــــــــــــــــــــــــــــــــــــــــــــــــــ
لا حول ولاقوة إلا بالله العلي العظيم
| بعد مرور يومين| في بيت يعقوب|
روضة و رويدا و رباب لابسين عشان فرح فريد و شهد
رباب ، و هي بتلبس الهيلز:
_ حد يتصل بــ رزق إحنا كده هنتأخر
رويدا:
_ جي في الطريق
بعد ربع ساعة خرجوا ، و ركبوا العربيه ، و وصلوا الفرح
روضة بابتسامة:
_ ألف مبروك يا شوشو
شهد بفرحه:
_ الله يبارك فيكِ عقبالك
روضة لقت تميم بيسلم على فريد بصوا لبعض ، و أبتسموا ، و نزلت راحت للبنات على الترابيزة لقت رباب بس
روضة باستغراب:
_ فين رويدا
_ مع اخوكي يا ختي ، و مالك شكلك مبسوطة
_ تميم هنا ، و بص لي ، و ابتسم لي
لسه رباب هترد عليها لقوا حد مادد أيده بــ ورد بصوا لقوا تميم
روضة بكسوف:
_ اي ده... سوري ليه يعني أو ايه السبب
تميم بحب:
_ على كل حاجة أنتِ رزق من ربنا أنتِ العوض فعلاً ، و دي أقل حاجة ممكن أقدمه لك .
روضة كانت مكسوفة ، و قالت بكسوف:
_ شكراً
رباب كانت فرحانة لــ روضة ، و تميم أبتسم لها
ـــــــــــــــــــــــــــــــــــــــــــ
سبحان الله وبحمده ، سبحان الله العظيم
|بعد مرور خمس شهور|
يونس امتحن ، و نجح ، و دخل كلية هندسة ، و نغم خفت ، و هي ، و مامتها علاقتهم بقت أحسن ، و نازلي اتغيرت كتير ، و رزق كل شوية يقول لــ رويدا هنحدد معاد الفرح امتى لحد ما زهق من ردها ، و أحمد بيحب رباب بس مخبي ، و مش عايز يقول لاي حد ، و هند و هنا مغلبين أوليفيا و حمزة ، و روضة و تميم بيتخانقو كل شوية بس حبهم لبعض بيزيد كل يوم
|في اوضة الأوتيل|
روضة:
_ البتاع ده مش هاحطه على وشي
رباب بزهق:
_ لما أنتِ مش هتحطي جبتي البنت ليه تعبتيها معاكي ، و تعبتينا إحنا كمان
_ عشان تظبط لي الطرحة ، و تحط لي زبده كاكاو بس مش أكتر
بعد شوية من الخناق روضة خلصت ، و أبوها و رزق طلعوا
يعقوب بفرحة:
_ بسم الله ماشاء الله قمر هتوحشيني أوي يا روضة قلبي و ريحانة عمري
روضة دمعت ، و حضنت باباها:
_ وأنت كمان هتوحشني أوي ، و الكلمة بتاعتك إللي لسه بتقولها لي
بعدت عنه ، و رزق قرب منها ، و باس راسها بحنيه ، و حضنها ، و قال :
_ هتوحشيني أوي مش عارف هقعد إزاي من غيرك
روضة عيطت أكتر و قالت:
_ و أنت كمان يا صاحبي "و كملت بضحك"و هيوحشني خناقنا مع بعض
ضحكوا كلهم ، و نزلوا
|علي الترابيزة |
روضة و تميم و أبوها و أبوه و الشهود و المأذون قاعدين عشان عقد القران
المأذون:
_"بارك الله لكما وبارك عليكما وجمع بينكما في خير" ألف مبروك
رويدا و رباب و أوليفيا و رانيا و نازلي و نغم زغرطوا
تميم باس راس روضة ، و قال بحب:
_ ألف مبروك
روضة بكسوف:
_ الله يبارك فيك
تميم بهزار:
_ ايه مش هناخد الرقم نتكلم ولا اي
ضحكت روضة ، و قالت:
_ و يترى عايز تقولها ايه
تميم بحب:
بحبك .
تمت
ـــــــــــــــــــــــــــــــــــــــــــــــــــــــــ
السلام عليكم ورحمة الله وبركاتة يا حبايب قلب بسومة دي تالت رواية ليا و بصراحة أنا ماكنتش عايزه اكملها بس لقيت في بنات عايزه و كملتها عشان خاطرهم و مع الوقت حبيتها زي ما انتوا حبتوها أنا ماكنتش متوقعة تطلع حلوة بس الحمدلله طلعت حلوة اوي و أجمل من الروايتين اللي عملتهم بشكركم على دعمكم ليا و أشوفكم في رواية جديدة بإذن الله بحبكم في الله
ــــــــــــــــــــــــــــــــــــــــــــــــــــــــ
تفاعلوا + كومنت عشان رأيكم يهمني+ شير بقلمي: بســــمه أبو العلا
البارت الخامس عشر و الأخير
#بســــمه_ابوالعلا
#ما_في_شئ_يبعدنا
لينك قناتي عشان يو