الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *توأم.روحي.tt* ♥
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
❤❤❤
ماشية والكل عم يطلع عليها وقفت لما سمعت
صوت من بعيد..سيدي
وقفت واطلعت عليه بجمود
الشخص..سيدي الرئيس طالبك
مشيت باتجاه غرفة الرئيس بدون ما تحكي اي شي
دقت على الباب ودخلت بعد ما سمعت الإذن بالدخول
الرئيس..اهلا حضرة الرائد ليان تفضلي
ليان..اهلا فيك
الرئيس.. ليان إنتي بتعرفي بقضية خطف بنت رجل الأعمال ليلى سليمان الأحمدي
ليان.. طبعا بعرف هي إلها اسبوع مفقودة وما في أي خبر عنها حتى ما في أي خبر من الخاطف
الرئيس.. منيح وهلا انتي مطلوب منك مع مجموعة من الظباط تمسكي هاي القضية
ليان.. بس هي بمحافظة ثانية الا إذا..
الرئيس.. صح انتي رح تروحي على فرع العاصمة ،بس هالنقل مشان هالقضية وبس، يعني رح ترجعي لما بتخلص القضية
ليان ببرود.. عفوا سيدي بس انا ما بدي امسك هالقضية ، وما بدي انقل على فرع ثاني
الرئيس.. حضرة الرائد بتمنى ما تنسى حالك ، هاد آمر وقرار بنقلك طلع ووصل للفرع الثاني
ليان.. أمرك سيدي
وطلعت من مكتبه معصبه كثير
راحت على المكتب وجمعت أغراضها وطلعت من الفرع الجنائي وركبت سيارتها
ليان..أحمد بدي منك تحجزلي بيت عندك بالمدينة
أحمد..عندي بالمدينة ليش انتي بدك ترجعي لهون
ليان..اه رح ارجع بشكل مؤقت مشان المهمة لجديدة
أحمد..تمام
ليان..وما تنسى بدي ثلث مربيات وبدي السجل تبعهم يكون نظيف
أحمد..تكرمي، واهلا برجعتك
سكرت ليان وكملت طريقها لبيتها
🎀🎀🎀🎀🎀
بمكان ثاني
بالفرع الجنائي بالعاصمة
دخل أسد لغرفة اللواء كامل
اسد.. نعم سيدي
اللواء.. اتفضل أسد
قعد أسد
اللواء.. في ظابط برتبة رائد رح ينظم للمجموعة بخصوص قضية خطف ليلى الأحمدي
اسد.. بس الفريق الي انا كونته كثير منيح وما في داعي لأشخاص جداد
اللواء.. القرار من فوق،وهالظابط جاي مشان هاي القضية وبس
اللواء.. هم عم يحكوا انه كثير منيح بشغله ورح يساعدكم بهالقضية كثير
أسد.. تمام سيدي ، متى رح يوصل
اللواء:بهاليومين
🎀🎀🎀🎀🎀
^بعد يومين
بالفرع الجنائي
دخلت ليان بكل ثقة وكانت لابسة جاكيت لون أسود وبنطال كمان باللون الأسود ومصنوع من الجلد
وشعرها الاحمر الناري عامليته على شكل كعكه
وقفت بالنص وكان اللواء قبالها وكان الكل عم يطلع عليها ومسحورين بجمالها
اللواء.. اهلا حضرة الرائد
ليان.. أهلا فيك
اللواء.. حكولي عنك كثير وسعيد انك رح تشتغلي عنا
ليان.. وانا أسعد
اللواء.. تفضلي
راحت ليان مع اللواء على غرفة المكتب
ودخلت معه لجوه
كان أسد وفريقه عم يحكوا مع بخصوص المهمة ولما شافوهم وقفوا
أسد كان مخيرهم عن الرائد الي رح يجي ليشتغل معهم
تيم.. عفوا سيدي بس شكلها مخربطه بالمكان
اللواء.. هههه لا مو مخربطه، بعرفكم الرائد ليان
صدموا من هالحكي وخاصة اسد لانه كان مفكره شب مو بنت
كان كرم اول شخص بيصحى من صدمته
كرم.. اهلا حضرة الرائد
ليان.. شكرا
اللواء.. هلا رح اتركم لحتى تكملوا الاجتماع
وطلع
تيم.. عنجد إنتي ظابط هون
ليان.. شو شايف
تيم.. شايف قمر
ليان اتطلعت عليه بعصبيه
أسد.. بس بكفي
واتطلع على ليان
أسد.. اهلا فيكي ، انا النقيب أسد
وهاد الرائد كرم وهاد الرائد تيم
وانتي رح تشتغلي معنا نحنا طبعا كفريق
ليان.. ممتاز ، لكان يلا على الشغل
أسد بنظرات حيره.. اه طبعا رح نشتغل مو ناطرين اوامرك
راح أسد على مقعده
اسد.. خلينا نكمل يا شباب
راحوا الشباب وقعدوا كل واحد بمقعده وليان قعدت معهم
أسد.. انت بتعرفي عن القضية ولا اشرحلك عنها
ليان.. ما في داعي انا بعرف كلشي لازم اعرفه
اسد.. وشو بتعرفي
ليان.. القضية هي اختطاف ليلى سليمان الاحمدي من وسط مركز التسوق وقدام العلن،،
ابوها سليمان الاحمدي رجل أعمال كبير واله أعداء كثير
عندها أخ واحد أيهم الأحمدي وفي الأم
فيمكن يكون الخطف مدبر من أعدائه او انها انخطفت مشان يبتزوا اهلها وياخذوا منهم فديه
بس هالاحتمال انرفض لانه مر اسبوع وما في أي إتصال منهم
هيك منيح
أسد.. منيح ، هلا انا وكرم رح نروح لبيت سليمان الأحمدي لحتى نشوف أخوها لانه اليوم اجا من السفر
ليان بهدوء.. انا رح روح
أسد.. لسا ما تعينتي لحتى تطلعي معنا
ليان.. شكل الاخبار ما وصلتك ، انا تعينت من قبل ما اوصل حتى وملفي وصل اليوم
أسد.. اه ممتاز ، يلا كرم
تيم.. وانا بدي أجي
أسد.. تفضل
طلع أسد ومعه كرم وتيم وليان
راحوا اسد وكرم وتيم بسيارة اسد ، اما ليان راحت بسيارتها
وصلت ليان قبل أسد لانها ساقت بسرعة ولانها بتعرف هالقصر واجت عليه من قبل
وقفت ليان جنب سيارتها لحتى اجوا أسد وكرم وتيم
تيم انصدم لما شافها
تيم.. انتي كيف هون انا فكرتك ورانا
ليان اتطلعت عليه وما علقت
اسد.. يلا خلينا نفوت ،
وراح ودق جرس الباب ، فتحت الخدامة الباب ودخلتهم لجوه
كانت ليان عم تطلع بكل زوايا القصر بشكل مستقيم حتى لما يوقف تيم قدامها كانت تبعده
تيم.. شو في
ليان.. بعد بدي اعرف صور منيح
تيم.. ما فهمت
ليان.. مو مهم تفهم
كملت ليان الي عم تعمله والكل عم يتطلع عليها ومستغرب تصرفاتها
سليمان.. اهلا حضرة النقيب
اسد.. اهلا بحضرتك ، والحمدلله على سلامة ابنك
ايهم من اعلى الدرج.. الله يسلمك حضرة الظابط ، شو السبب ورا زيارتك بتمنى تكون حامل اخبار منيحة عن اختي
اسد.. نحنا عم نعمل جهدنا وأكيد رح نلاقي أختك
كل هاد وليان لسا عم تطلع بالقصر
ايهم كان عم يراقب تصرفات البنت الي معهم والي لسا ما شاف وجها
ايهم.. شو عجبك القصر
التفتت ليان لما شافتهم سكتوا وحست انهم عم يتطلعوا عليها
ليان.. عم تحكي معي
ايهم انصدم وما حكى اي كلمه من صدمته رجع خطوة لورا
ايهم بصدمه.. لي ليل ليليان
ليان.. عفوا
أيهم.. انتي ليليان
ليان.. ليان
ايهم.. لا انتي ليليان انا متاكد
ليان.. عفوا بس انت اطرش شي انا اسمي ليان ليان القاضي
اتطلع أيهم بوجوه الكل
اسد.. يمكن انت مخربط هاي بتكون الرائد ليان القاضي وهي بتشتغل بقضية أختك
وهلا ممكن نسالك كم سؤال
ايهم ما رد وكان عم يتطلع على ليان
اسد.. استاذ أيهم
أيهم.. اه
اسد.. نحنا اجينا لحتى نسالك كم سؤال
ايهم.. ماشي تفضل اقعد
ليان مقاطعة.. فيني شوف غرفة ليلى
مجدلين أم ليلى وأيهم.. طبعا تفضلي معي لفوق
طلعت ليان مع مجدلين وهي عم تطلع بكل الاتجاهات،، وكانت عيون أيهم عم تتبعها لحتى أختفت
اسد.. اه استاذ ايهم انا كنت حابب اسال عن علاقتك باختك
ايهم.. نعم
اسد.. انا بدي اعرف اذا كنت قريب منها لدرجة انها تحكيلك اسرارها او اي شي بيساعدنا
ايهم.. اه انا كنت قريب منها وهي كانت تحكيلي كلشي بيصير معها ،
اسد..تمام وهلا باخر فترة الانسة ليلى شكتلك عن شي يعني عن مشكلة صارت معها او انه خايفة من شي،،
اي شي بتحكيه ممكن يفيدنا
ايهم عم يحاول يتذكر.. لا ما حكتلي اي شي حتى هي كانت على طبيعتها يعني ما كانت خايفة
اسد.. طيب ، ما بتتذكر اذا كانت اختك على عداوة مع حدا وممكن هالحدا يفكر ياذيها
ايهم.. لا ليلى دائما كانت مسالمه وبحياتها ما تعرضت لحدا
ظل أسد عم يسأل أيهم وأيهم يجاوبه بس ما استفادوا اي شي
🎀🎀🎀🎀🎀
عند ليان بعد ما طلعت مع مجدلين لغرفة ليلى وكانت بالطابق الثالث
دخلت ليان غرفة ليلى وكانت غرفة كبيرة كثير قربت ليان وظلت عم تطلع بكل الغرفة
ليان..ممكن
مجدلين.. أكيد خذي راحتك
فتحت ليان غزانة ليلى وصارت تدور على أي شي ممكن يفيدها
ما لقت شيء فسكرت الخزانة وقربت من المكتب
دورت بالاشياء الي فيه ودورت بكتبها مسكت كتاب بس وقع منها نزلت لحتى ترفعه اطلعت عليه وكان في صورة واقعه منه رفعتها عن الارض وكانت صورة لبنتين وحده ليلى والثانية
مجدلين.. سارة
اطلعت عليها
مجدلين.. صديقة ليلى المقربة
ليان.. معك رقم تليفونها
مجدلين.. اه
وأخذت تليفونها لحتى تسجل الرقم
مجدلين.. شو ما رح تسجليه
ليان.. لا ما في داعي انتي بس احكي الرقم
حكت مجدلين الرقم لليان
ليان اتطلعت على الباب الموجود جو الغرفة
ليان.. شو في هون
مجدلين.. حديقة مصغرة
فتحت ليان الباب وكان بالفعل قدامها حديقة مصغرة مزروعة شجر صغير وورد
ليان.. بتهتم بالورد والزرع
مجدلين.. اكثر من روحها
اطلعت ليان على المباني الي جنب القصر لانه الحديقة كانت مفتوحة
التفتت ليان لعند ام ليلى وشافتها عم تبكي قربت منها وطبطبت على كتفها
ليان.. ما تخافي رح ترجع
مجدلين.. الله بيعلم وين هي هلا وشو حالتها وصارت تبكي اكثر
ليان.. وثقي فيني،رح رجعلك بنتك لحضنك وهاد وعد مني
مجدلين.. عن جد يا بنتي
ليان.. عن جد
ليان بهاللحظة فقدت السيطرة على حالها لانها تذكرت امها وتذكرت قديش اشتاقتلها
لهيك ما تحملت تشوف أم عم تبكي من اشتياقها لبنتها
ليان.. يلا خلينا ننزل
نزلت ليان مع مجدلين وكانوا اسد وبقية الشباب عم يستنوها
اسد.. يلا بدنا نمشي
ليان.. يلا
وطلعت معهم وكان أسد رايح لعند سيارته ووقفته ليان
ليان.. لحظة
اسد.. نعم
ليان.. ممكن تعطيني غرضي الي بجيبتك
اسد.. غرضك وبجيبتي أنا عم تمزحي
ليان.. ليش ل امزح
حط أسد ايد بجيبة الجاكيت وطال منها جهاز تسجيل صوتي صغير
اسد.. هاد شو بيعمل هون معي
ليان.. كان لازم اسمع استجوابك ل أخو المفقودة لهيك حطيتلك هالتسجيل
اسد.. كيف بتتجرائي تعملي هيك
ليان رفعت ايديها لفوق.. اسفة بس هاد الموجود عندي
وتركته وركبت سيارتها
ابتسم اسد لا إرادي على حركاتها
كرم.. غريبة هالبنت
تيم.. لك سيئه ما بتتقبل المزح ابدا لك حتى ما بتضحك
اووف كانه كان ناقصنا ناس كشريه بكفي الي عنا
اسد.. شو قصدك سيد تيم
تيم.. انت سمعتني حكيت شي ، لا لكان ما تتبلى علي
كرم.. هههه جبان
ركبوا السيارة ورجعوا على المركز
دخلوا لجوا
تيم.. بتعرفوا انا ما رح استغرب إذا هلا لقيتها بالمكتب
لانها اكيد سبقتنا
كرم.. هههه وانت ليش زعلان
دخلوا على مكتبهم المشترك
تيم بصدمه.. وينها ، لتكون هربت
[٦/٣، ٣:٣٢ م] هناء: قصص وروايات 📚📖:
#دروب-لانا💕(وصية -امي)
البارت الحادي عشر "الأخييييرة"
#نَسِيمْ الـوزيـريـة🖤 :
بعد اسبوع*
بيمرق اسبوع وهم ما كانوا عم يحكوا سوا وكان علاقتهم سطحية وفوق السطحية سيف كان عم يحاول انه لانا تسامحه بس ردها كانت الصد بس هوي لسه مايأس واجى المساء وكان تاخر سيف عن شغله وكانت الساعة9 و متوترة.
لانا وهي عم تمشي يمين وشمال من كثر التوتر: ي ربي ليش تاخر ي ربي صارلو شي ... لا لا تفكري كل هاي السلبية هوي اخر وقت لدوامه بيكون عساعة 8 وهلا 9 صار مارق ساعة كاملة وهوي مو مبين ... اتصل عليه لا اكيد رح يفكرني اني سامحته وني قلقانة عليه يمكن مارح يجي اليوم يمكن رح يضل المساء هونيك بس لو كان رح يضل كان قلي ي ربي شووو رح اساوي اووووف *بيمرق ساعة وهوي لسه مااجيب * احسن شي اني اتصل عليه خلي يفكر متل مابدوو *فتح الجوال وضغطت ع رقمه واتصلت عليه مابس ماكان عم يرد *
لانا بقلق: ليش ماعم يرد.... صرت عم اقلق عليه
*ترن رن رن رن بتسمع صوت الموبايل يرن * اتطلعت ع الرقم وشافت المتصل سيف فرحت
لانا بسرعة: لييش ماكنت عم تمسك صرت اقلق عليك كتير ليش تاخرت *بس سمعت صوت مجهول *
المجهول: كيفك ي مدام انا ماني سيف انا بكون دكتور اياد عم احكي معك في مستشفى****
لانا: د.دكتور ليش انت الي عم تحكي معي ليش وينو سيف شووو صار معو اقلي
دكتور: بصراحة سيد سيف صار معو حادث قوي ..الو الو مدام .. عم تسمعيني * بعد ماسمعت هيك سكرت الخط واسرعت طلعت براا البيت وركبت تاكسي *
لانا بسرعة ودموع: وصلني ع المشفى*** بترجاك اسرع
*وصلت لانا ع المشفى وهرولت عند الريستبشن *
لانا بدموع: لو سمحتي وين غرفة المريض سيف حسن...
الموضفة: في غرفة ****
لانا: شكرا *وهرولت ووصلت الغرفة وشافت ممرضة طلعت من الغرفة *
لانا برجاء: ي انسة انا اكون مرته للمريض ارجوكي خبريني كيف وضعوا اكيد منيح مو هيك خبريني
الممرضة ماكانت بدها تخبرها بس حزنت ع حالتها: لاتقلقي مدام اكيد رح يتحسن بس خسرنا منه دم كمية كبيرة بس حكينا مع البنك للدم وهلا رح يبعتوه *ومشت بعد ماسمعت حالته قلقت اكتر وبكت بهستريا: ي ربي لا تخليه يصيبو شي مافيني اعيش بدونه ي رب*ومرق الساعات وطلع الدكتور من الغرفة العمليات وشاف مراة واقفة وعم تبكي مشى ووقف قدامها ونزل الكمامه من وشو *
الدكتور: اكيد بتكوني مرته للمريض مو هيك
لانا بدموع: ايييه انا مرته ارجوك خبرني كيف حالته كيف العملية نجحت
الدكتور اياد: لاتقلقي ان شاءالله رح يتحسن هوي هلا في غيبوبة اذا مافاق ع خلال الثمان الساعات القادمة فرح يكون حالته حرجه كتير بس انتي دعيلو وان شاءالله رح يتحسن
لانا: طيب فيني افوت واشوفه بس ساعة
الدكتور: ماشي بس لا تتاخري
لانا: ماشي شكرا كتير الك
الدكتور: ولو *فاتت لانا ع الغرفة وكانت عم تمشي بخطوات بطىة وعم ترجف ووصلت ع السرير وقعدت ع طرف السرير مسكت ايده وكانت عم تحسس فيه وحطت خدها فيه وبكت *
لانا: انا مابعرف شو احكي بس بتمنى انك تتحسن وتفيق قبل الثمان الساعات بتمنى انك تفيق وترجع لي بسلامة لماخبرني الدكتور انك عملت حادث حسيت بانه الدنيا وقفت وماعرفت شو اعمل انا مسامحتك ع كل شي عملت فيني بس بترجاك قوم قوم وارجع لي انا مافيني اعيش بدونك ارجوك ... انا بحبك بحبك *وزادت دموعها ونامت عنده بس حست باصبعه عم يتحرك قامت من ايده وفرحت وتنده ع الدكتور *
لانا بصوت عالي: دكتوووووور دكتوووووور*وفات الدكتور *
الدكتور بفرح: الحمدلله *وتطلع ع لانا * بترجاكي اطلعي بدي افحصو
لانا بعناد: لا ي دكتور مارح اطلع افحصوا وانا موجوده
الدكتور: بسسس.. *لانا بتقاطعه, *
لانا: بلييييز دكتور اتفهم موقفي
الدكتور: بس بشرط
لانا: شوو هوي
الدكتور: مابدي تنده هيلي دكتور بطليها لهالدكتور ندهيلي باياد اعتبريني اخوكي
لانا بفرح: شكرااا الك دكت.. عفوا اياد *بيعمل شغلو وهي واقفة بعيد عنهن منشان ياخد راحته وطلع من الغرفة وبيمضي الليلة بسلام تاني يوم بيفق سيف قبل لانا وبيشوفها نايمه ع ايده وشعرها ع وشها ومتل الملاك بيبتسم وبيشل شعرها من وشها وبيبوس جبينها وبتحس وبتفيق *
لانا بفرح ودموع: الحمدلله ع سلامتك كنت قلقانه عليك مبسوطة كتير
سيف: ليييش فرقانة معك وجودي ولا *قبل مايكمل كلامه بتحط اصبعها السبابه ع بوزه *
لانا بحنان: اوووووووس لا تكمل انا بحبك مافيني اعيش بدونك واتمنى انو نكون سوا طول العمر ونتختير سوا *وحطت راسها ع صدره * انا بحبك مابتخيل عمري بلاك وبتبوسه على خده *وبتفوت ممرضة ع غرفة *
الممرضة باحراج: ا.اسفة اسفة ع الازعاج يمكن قاطعتكم
لانا بغرور: نعم شو بتريدي
الممرضة: كنت بدي اغيرلو واعقمه
لانا بغيره: مافي داعي تعقميلو انا رح اعقملو
الممرضة: بسس
لانا بمقاطعه: بدون بسبسي قلت انا رح اعقمله وانا بعدين مرته ماني حد غريب
الممرضة باحراج: اوكي *وطلعت *
سيف بابتسامه: ههههه
لانا: ليش عم تضحك شوو قلت شي يضحك وانا ماكنت منتبها
سيف: حررام ليش العتيها كانت كتير حلوه
لانا بغيض: شووو كنت بدك انه الممرضة تعقملك الجرح
سيف بخبث: ايييه ليييش؟ غيرااانه!
لانا: اييه غيرانه عندك مانع!!!?
سيف: مين انا لحتى امنعك
لانا بحنان: انت نبضي
سيف اكتفاء بابتسامة.
لانا: وهلا لازم اعقملك الجرح واغيره قبل ما تجي الفصعونه
سيف ولانا: هههههههه
"بيمرق اسبوع وهني ع المشفى بتهتم فيه كل يوم كانت عم تعميه الغداء وطعميه بيدها وتعقملو الجرح وتغيرلو الضمادات وماتخلي شي ينقصو وبيمرق المده الي الدكتور خبرهن وبيجي يوم التخرج عند باب غرفة كانت حاطه ايد ع خصره وايد التانيه ع كتفه وهو حط ايده ع كتافها وبيمرق الدكتور اياد وبيمشي اتجاهم"
اياد: هلا كيفك لانا *ووجه نظره ع سيف * الحمدلله ع السلامه
لانا بابتسامه: الله يسلمك وانا بتشكرك كتير ع وقفتك معنا وهي الوقففة مارح انساه بنوب
اياد بزعل مصطنع: انازعلت منك هيك اتفانا مو قلنا انو صرنا اخوة والاخ اذا ما وقف جنب اخته ليش لحتى يقولو عليه اخ
لانا: ههههههه اياد لاتزعل خلاص اسفة
اياد: هههههه ولايهمك *وتطلع ع سيف * شو استاذ سيف ليش ساكت
سيف: شو احكي عطيت فرصة بين الاخ والاخت حتى يحكو *عرفت لانا بانه انزعج وحبت انه تهدي الموقف *
لانا: بصراحة هاذ بيكون الدكتور اياد هوي الي طلب مني انه قلو اياد وهوي يقلي لانا وهوي بصراحة..
سيف: لاتكملي انا تعبان وبدي ارجع ع البيت اذا بتريدي
اياد: اسفة رح اروح بخاطركن
لانا: ومرة تانية بتشكرك *وبيروحو وبيطلعو ع التاكسي وكان السكوت هو الحال وبيوصلو ع البيت وبيفوتو واول مايفوت سيف البيت بيفوت الغرفة ولانا بستغرب من حركته بس ماحكت شي
بتفوت لانا الغرفة بتشوفه متسطح ع التخت ومغمض عينه وبتعرف انه عم يمتل
لانا: بصراحة الدكتور اياد بكون متل اخوي لا تفكرنا انو في شي بناتنا
سيف وهو مغمض عيونه: ليش عم تفسري لي
لانا وهي عم تمشي لجهته وقعدت طرف التخت: لانك بتكون زوجي ومن حقك تعرف كل شي وووو...*بيحط اصبعه ع بوزها *
سيف فتح عينه: لا تحكي تعالي ونامي جنبي *ابتسمت وتسطحت جنبه ....
(خلينا ناسرع الاحدات بيمضي الايام وبيقوا حبهم لبعض وبيعزمهم اياد وبيقبلوا بس سيف كان مابدو يقبل بس كرمال لانا اقبل وبيعشوا حياة سعيدة وبيسافروا ع المانيا وكانها انعوضت عن الايام الصعبة الي عاشت فيه وبيتزوجوا صبا و امير وبيسافروا ع تركيا وبيمرق شهرين)
لانا وهي قاعده ع الكنبة وسيف قاعد حدها وعم يشوفو فيلم كرتون: سيفي
سيف: عيونو
لانا: بدي اسالك اذا مرت عمي عرفت انك تزوجتني رح تتقبلني؟
سيف: وشوو نسيتي اني مدلل الماما
لانا: لامانسيت متى رح تخبرها
سيف: الوقت المناسب
لانا: وامتى الوقت المناسب انا عم قول هلا لازم تحكي معها من حقا تعرف
سيف: بسس
لانا: بدون بسبسبه هلا يعني هلا
سيف: حاضر ي ستي في اوامر تانية
لانا: لا *اتصل سيف ع امه بلاول رفضت بس سيف اقنعها وافقت وسافروا لعندها بعد اسبوع وعملو عرس حلو وفخم وبعد سنوات بيجيبوا توم بنتين وبيسموهن لونا وليليان.
The end💗🎀.
"وكذا انتهى قصتنا.. بتمنى انه يعجبكم قصتي الخيالية..... وحبيت امزج بين الدراما والكوميديا والرومانسية ....وهي اول رواية اكتبه .....اذا اعجبكم تفاعلوا معي علشان اكتب المزييييد واشوفكم في روايات جديده وحلوه ... تشاااااااو
/ العبرة. /
"في هذا القصة مهما قست فينا الحياة ومهما تقفلت الابواب في وجهنا مالازم نستسلم واذا مرة وقعنا لازم نشد حلينا ونستجمع قوتنا عشان نوقف مرة تانية ... والحياة تعلمنا ثم تتختبرنا.... ومابتوقف الحياة عند حدا معين، يعني الحياة مستمره رغم حزنا وفرحنا وسعادتنا وشقاءنا يعني الحياة رح يستمر وبيستمر.
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h